ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠳᠦᠷᠪᠡᠳ ᠰᠤᠨᠢᠷᠬᠠᠯ
ᠤᠢᠢᠷᠠᠳ ᠮᠤᠩᠭᠤᠯᠴᠤᠳ ᠤᠨ ᠤᠪᠤᠭ᠎ᠠ ᠳᠠᠬᠢᠬᠤ ᠶᠤᠰᠤᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/12/17
     ᠳᠠᠬᠢᠯᠭᠠᠨ ᠶᠤᠰᠤᠨ ᠤ ᠤᠷᠴᠢᠯ      ᠤᠢᠢᠷᠠᠳᠴᠤᠳ ᠤᠨ ᠤᠢᠢᠯᠡᠳᠳᠡᠭ ︽ᠤᠪᠤᠭ᠎ᠠ ᠳᠠᠬᠢᠬᠤ ᠶᠤᠰᠤᠨ︾ ᠪᠤᠶᠤ ︽ᠳᠠᠬᠢᠯᠭᠠᠨ ᠶᠤᠰᠤ︾ ᠪᠤᠯᠪᠠᠯ ᠨᠡᠶᠢᠳᠡ ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠳᠡᠯᠭᠡᠷ ᠪᠠᠶᠢᠳᠠᠭ ᠡᠷᠳᠡ ᠠᠴᠠ ᠤᠯᠠᠮᠵᠢᠯᠠᠯ ᠲᠠᠢ ᠰᠢᠳᠦᠯᠭᠡ ᠪᠢᠰᠢᠷᠠᠯ ᠤᠨ ᠨᠢᠭᠡᠨ ᠵᠠᠩ ᠤᠢᠢᠯᠡ ᠪᠤᠯᠤᠨ᠎ᠠ᠃      ᠳᠡᠭᠡᠷ᠎ᠡ ᠦᠶ᠎ᠡ ᠳᠤ ᠲᠦᠷᠦ ᠶᠢᠨ ᠬᠠᠭᠠᠨ ᠠᠴᠠ ᠠᠪᠤᠭᠠᠳ ᠡᠭᠡᠯ ᠠᠷᠠᠳ ᠬᠦᠷᠳᠡᠯ᠎ᠠ ᠭᠡᠨ ᠠᠯᠢ ᠨᠢ ᠴᠤ ᠴᠤᠭ ᠢᠶᠠᠷ ᠤᠪᠤᠭ᠎ᠠ ᠳᠠᠬᠢᠵᠦ ᠪᠠᠶᠢᠭᠰᠠᠨ ᠪᠠ ᠤᠳᠤ ᠴᠤ ᠭᠡᠰᠡᠨ ᠤᠢᠢᠷᠠᠳ ᠨᠤᠳᠤᠭ ᠤᠨ ᠬᠦᠮᠦᠰ ᠬᠤᠰᠢᠭᠤ ᠰᠤᠮᠤᠨ ᠠᠴᠠ ᠠᠶᠢᠮᠠᠭ ᠵᠸᠤ ᠬᠦᠷᠳᠡᠯ᠎ᠠ ᠵᠢᠯ ᠳᠠᠷᠠᠭᠠᠯᠠᠨ ᠤᠢᠢᠯᠡᠳᠴᠤ ᠪᠠᠶᠢᠬᠤ ᠪᠦᠭᠡᠳ ᠴᠠᠭ ᠤᠨ ᠦᠡᠭᠭᠡ ᠪᠠᠷ ᠨᠠᠭᠠᠳᠤᠮ ᠴᠡᠩᠭᠡᠯ ᠤᠨ ᠳᠠᠪᠬᠤᠷ ᠠᠭᠤᠯᠭ᠎ᠠ ᠨᠡᠮᠡᠭᠳᠡᠵᠦ᠂ ᠶᠠᠪᠤᠬᠤ ᠳᠤᠳᠤᠮ ᠢᠶᠠᠨ ᠤᠯᠠᠨ ᠨᠡᠶᠢᠳᠡ ᠪᠠᠷ ᠢᠶᠠᠨ ᠵᠢᠯ ᠵᠢᠯ ᠴᠤᠭᠯᠠᠷᠠᠬᠤ ︽ᠨᠠᠭᠠᠳᠤᠮ ᠤᠨ ᠬᠤᠷᠠᠯ︾ ᠤᠨ ᠵᠠᠩᠰᠢᠯ ᠪᠤᠯᠵᠦ ᠬᠤᠪᠢᠷᠠᠵᠦ ᠪᠠᠶᠢᠬᠤ ᠶᠤᠮ ᠪᠠᠶᠢᠨ᠎ᠠ᠃      ᠤᠪᠤᠭᠠᠨ ᠳᠠᠬᠢᠯᠭ᠎ᠠ ᠶᠢᠨ ᠳᠤᠬᠠᠢ ᠬᠤᠶᠠᠷ ᠵᠦᠢᠯ ᠤᠨ ᠭᠡᠯᠡᠯᠭᠡ ᠪᠠᠶᠢᠳᠠᠭ᠃ ᠨᠢᠭᠡ ᠨᠢ ︽ᠪᠠᠯᠠᠷ ᠡᠷᠳᠡᠨ ᠤ ᠲᠦᠮᠡᠨ ᠪᠤᠳᠠᠰ ᠰᠦᠨᠡᠰᠦ ᠰᠠᠬᠢᠭᠤᠰᠤ ᠲᠠᠢ ᠭᠡᠮᠡᠬᠦ ᠪᠦᠭᠡ ᠮᠦᠷᠬᠦᠯ ᠤᠨ ᠰᠢᠳᠦᠯᠭᠡ ᠲᠠᠢ ᠪᠠᠶᠢᠭᠰᠠᠨ ᠤ ᠬᠤᠪᠢ ᠳᠤ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠡᠳᠡᠭᠡᠷ ᠠᠭᠤᠯᠠ ᠬᠠᠶᠢᠷᠬᠠᠨ ᠨᠠᠭᠤᠷ ᠮᠦᠷᠡᠨ ᠳᠤ ᠴᠦᠮ ᠡᠵᠡᠳ ᠰᠠᠬᠢᠭᠤᠰᠤ ᠲᠠᠢ ᠭᠡᠵᠦ ᠢᠳᠡᠭᠡᠨ᠂ ᠭᠡᠵᠢᠶ᠎ᠡ ᠡᠬᠦᠷᠢᠳᠡ ᠡᠳᠡᠭᠡᠷ ᠡᠵᠡᠳ ᠰᠠᠬᠢᠭᠤᠰᠤ ᠶᠢ ᠰᠢᠳᠦᠵᠦ ᠪᠢᠰᠢᠷᠡᠬᠦ ᠪᠤᠶᠤ ᠳᠠᠬᠢᠵᠦ ᠮᠦᠷᠬᠦᠳᠡᠭ︾ ᠪᠤᠯᠤᠭᠰᠠᠨ ᠪᠦᠭᠡᠳ ︽ᠤᠪᠤᠭᠠᠨ ᠤ ᠳᠠᠬᠢᠯᠭ᠎ᠠ︾ ᠪᠤᠶᠤ ︽ᠤᠪᠤᠭᠠᠨ ᠨᠠᠶᠢᠷ︾ ᠪᠤᠯ ︽ᠠᠭᠤᠯᠠᠨ ᠤᠰᠤᠨ ᠤ ᠳᠠᠬᠢᠯᠭ᠎ᠠ︾ ᠪᠤᠶᠤ ︽ᠭᠠᠵᠠᠷ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠤᠨ ᠮᠦᠷᠬᠦᠯ︾ ᠠᠴᠠ ᠡᠬᠦᠰᠦᠭᠰᠡᠨ ᠤᠯᠠᠮᠵᠢᠯᠠᠯ ᠲᠠᠢ ᠭᠡᠵᠦ ᠦᠵᠡᠭᠰᠡᠨ ᠪᠠᠶᠢᠳᠠᠭ᠃ ᠨᠦᠬᠦᠭᠡ ᠨᠢ ᠬᠡᠪᠡᠯ ᠤᠪᠤᠭ᠎ᠠ ᠳᠠᠬᠢᠬᠤ ᠵᠠᠩ ᠤᠢᠢᠯᠡ ᠨᠢ ᠡᠷᠳᠡᠨ ᠤ ᠳᠡᠭᠷᠢ ᠭᠠᠵᠠᠷ ᠳᠠᠬᠢᠬᠤ ᠰᠢᠳᠦᠯᠭᠡ ᠠᠴᠠ ᠰᠤᠷᠪᠤᠯᠵᠢ ᠲᠠᠢ ᠭᠡᠬᠦ ᠪᠤᠶ᠃ ︽ᠳᠡᠷᠡ ᠨᠢ ᠳᠡᠷᠤᠢ ᠲᠦᠪ ᠠᠽᠢᠶ᠎ᠡ ᠨᠤᠳᠤᠭ ᠲᠤ ᠢᠯᠡᠷᠡᠵᠦ ᠪᠠᠶᠢᠭ᠎ᠠ ᠡᠭᠡ ᠳᠡᠯᠡᠭᠡᠢ ᠶᠢ ᠲᠦᠯᠦᠭᠡᠯᠡᠬᠦ ᠲᠦᠷᠪᠡᠯᠵᠢᠨ ᠴᠢᠯᠠᠭᠤᠨ ᠪᠤᠯᠠᠰᠢ᠂ ᠳᠤᠭᠤᠷᠢᠭ ᠪᠤᠯᠭᠠᠨ ᠬᠦᠷᠢᠶᠡᠯᠡᠭᠰᠡᠨ ᠴᠢᠯᠠᠭᠤᠨ ᠪᠠᠭᠤᠷᠢ ᠨᠤᠭᠤᠳ ᠪᠤᠯ ᠮᠤᠩᠭᠤᠯ ᠤᠷᠤᠨ ᠤ ᠳᠡᠭᠷᠢ ᠶᠢ ᠰᠦᠰᠦᠭᠯᠡᠨ ᠳᠠᠬᠢᠵᠦ ᠪᠠᠶᠢᠭᠰᠠᠨ ᠪᠠᠷᠢᠮᠳᠠ ᠮᠦᠨ︾ ᠮᠦᠷᠳᠡᠭᠡᠨ ︽ᠮᠤᠩᠭᠤᠯ ᠨᠤᠳᠤᠭ ᠲᠤ ᠶᠡᠭᠡᠳᠡ ᠳᠡᠯᠭᠡᠷᠡᠭᠰᠡᠨ ᠤᠪᠤᠭ᠎ᠠ ᠶᠢᠨ ᠳᠠᠬᠢᠯᠭ᠎ᠠ ᠶᠢᠨ ᠮᠠᠠᠳᠠᠯ ᠪᠤᠰᠬᠠᠬᠤ ᠵᠠᠩ ᠤᠢᠢᠯᠡ ᠠᠴᠠ ᠡᠬᠦᠰᠴᠤ ᠦᠷᠭᠡᠵᠢᠭᠰᠡᠨ ᠳᠡᠭᠷᠢ ᠭᠠᠵᠠᠷ ᠢ ᠳᠠᠬᠢᠬᠤ ᠶᠤᠰᠤᠨ ᠮᠦᠨ︾ ᠭᠡᠳᠡᠭ ᠪᠢᠯᠡ᠃ ᠮᠦᠨ ᠵᠠᠷᠢᠮ ᠨᠢ᠄ ᠠᠭᠤᠯᠠ ᠶᠢᠨ ᠡᠵᠡᠨ ᠤ ᠳᠤᠬᠠᠢ ᠠᠮᠢᠳᠤᠴᠢᠯᠠᠬᠤ᠂ ᠠᠷᠭᠠᠳᠠᠬᠤ ᠪᠤᠯᠤᠨ ᠳᠠᠬᠢᠯ ᠡᠷᠬᠦᠬᠦ ᠦᠵᠡᠯ ᠰᠠᠨᠠᠭ᠎ᠠ ᠨᠢ ᠡᠴᠤᠰ ᠤᠨ ᠳ᠋ᠦᠩ ᠳᠡᠭᠡᠨ ᠤᠪᠤᠭ᠎ᠠ ᠳᠠᠬᠢᠬᠤ ᠶᠤᠰᠤ ᠶᠢ ᠪᠤᠢ ᠪᠤᠯᠭᠠᠭᠰᠠᠨ ᠪᠠᠶᠢᠨ᠎ᠠ ᠭᠡᠵᠦ ᠦᠵᠡᠭᠰᠡᠨ ᠪᠦᠭᠡᠳ ᠳᠠᠬᠢᠯ ᠭᠡᠳᠡᠭ ᠨᠢ ︽ᠳᠡᠭᠡᠳᠤ ᠳᠡᠭᠷᠢ ᠶᠢ ᠡᠷᠬᠦᠨ ᠪᠠᠶᠠᠰᠬᠠᠬᠤ ᠵᠠᠩ ᠤᠢᠢᠯᠡ︾ — ᠰᠢᠬᠦᠰᠦ ᠪᠠᠷ ᠳᠠᠬᠢᠬᠤ᠄ ︽ᠮᠢᠬ᠎ᠠ ᠰᠢᠬᠦᠰᠦ ᠡᠷᠬᠦᠬᠦ ᠶᠤᠮ ᠤᠤ᠂ ᠠᠮᠢᠳᠠᠨ ᠢᠶᠠᠷ ᠳᠠᠬᠢᠬᠤ︾︔ ᠰᠠᠴᠤᠯᠢ ᠪᠠᠷ ᠳᠠᠬᠢᠬᠤ᠄ ︽ᠰᠦ ᠴᠠᠭᠠᠨ ᠢᠳᠡᠭᠡ᠂ ᠦᠷ᠎ᠡ ᠳᠠᠷᠢᠶ᠎ᠠ ᠪᠠᠷ ᠳᠠᠬᠢᠬᠤ︾ ᠬᠤᠶᠠᠷ ᠵᠦᠢᠯ ᠪᠠᠶᠢᠵᠠᠢ ᠴᠤ ᠭᠡᠵᠦ ᠪᠤᠢ᠃ ᠤᠢᠢᠷᠠᠳ ᠨᠤᠳᠤᠭ ᠲᠤ ᠤᠳᠤᠬᠠᠨ ᠪᠤᠯᠳᠠᠯ᠎ᠠ ︽ᠴᠠᠭ᠎ᠠ ᠪᠠᠷ ᠳᠠᠬᠢᠬᠤ︾ ᠶᠤᠰᠤ ᠪᠤᠯᠤᠨ ︽ᠤᠯᠠᠭᠠᠨ ᠢᠶᠠᠷ ᠳᠠᠬᠢᠬᠤ︾ ᠶᠤᠰᠤ ᠭᠡᠮᠡᠨ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠡ᠃ ᠤᠢᠢᠷᠠᠳ ᠨᠤᠳᠤᠭ ᠤᠨ ᠬᠦᠮᠦᠰ ᠡ᠊ᠨᠡᠬᠦ ᠳᠠᠬᠢᠯᠭ᠎ᠠ ᠶᠢᠨ ᠭᠡᠯᠪᠡᠷᠢ ᠶᠢ ᠤᠯᠠᠩᠭᠢ ᠨᠢ ︽ᠤᠪᠤᠭ᠎ᠠ ᠳᠠᠬᠢᠬᠤ ᠶᠤᠰᠤᠨ︾᠂ ︽ᠳᠠᠬᠢᠯᠭ᠎ᠠ ᠳᠠᠬᠢᠬᠤ ᠶᠤᠰᠤᠨ︾ ᠭᠡᠬᠦ ᠪᠤᠯᠪᠠᠴᠤ ᠵᠠᠷᠢᠮ ᠭᠠᠵᠠᠷ ᠤᠨ ᠬᠦᠮᠦᠰ ᠨᠢ ᠬᠠᠷᠢᠨ ︽ᠳᠠᠬᠢᠯᠭ᠎ᠠ ᠳᠠᠬᠢᠬᠤ︾᠂ ︽ᠳᠡᠭᠡᠷ᠎ᠡ ᠮᠦᠷᠬᠦᠬᠦ︾ ᠭᠡᠵᠦ ᠭᠡᠯᠡᠳᠡᠭ ᠳᠤᠬᠢᠶᠠᠯᠳᠤᠯ ᠪᠠᠶᠢᠳᠠᠭ᠃ ᠮᠦᠨ ᠵᠠᠷᠢᠮ ᠨᠤᠳᠤᠭ ᠲᠤ ︽ᠳᠡᠭᠡᠷ᠎ᠡ ᠮᠦᠷᠬᠦᠯ︾ ᠭᠡᠵᠦ ᠭᠡᠯᠡᠬᠦ ᠪᠤᠯᠪᠠᠴᠤ ᠳᠡᠬᠦᠨ ᠤ ᠬᠢᠭᠳᠡᠬᠦ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ ᠭᠡᠳᠦ᠋ᠢᠪᠡᠷ ᠤᠪᠤᠭᠠᠨ ᠦᠢᠯᠡ ᠪᠠᠷ ᠶᠠᠪᠤᠭᠳᠠᠬᠤ ᠪᠤᠯᠪᠠᠴᠤ ᠳᠡᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ ᠲᠠᠢ ᠠᠳᠠᠯᠢ ᠪᠤᠮᠪᠠ ᠳᠠᠷᠤᠳᠠᠭ ᠦᠭᠡᠢ᠂ ᠬᠠᠷᠢᠨ ᠮᠠᠯᠴᠢᠨ ᠬᠦᠮᠦᠰ ᠡᠪᠦᠯᠵᠢᠶᠡᠨ ᠳᠤ ᠪᠠᠨ ᠪᠠᠭᠤᠬᠤ ᠪᠤᠶᠤ ᠰᠢᠨ᠎ᠠ ᠨᠤᠳᠤᠭ ᠲᠤ ᠰᠢᠯᠵᠢᠵᠦ ᠤᠷᠤᠬᠤ ᠳᠠᠭᠠᠨ ᠠᠶᠢᠯ ᠭᠡᠷ ᠢᠶᠠᠷ ᠢᠶᠠᠨ ᠭᠠᠵᠠᠷ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠲᠤ ᠰᠠᠴᠤᠯᠢ ᠡᠷᠬᠦᠬᠦ ᠵᠤᠷᠢᠯᠭ᠎ᠠ ᠪᠠᠷ ᠲᠦᠬᠦᠮᠭᠡᠨ ᠳᠠᠬᠢᠳᠠᠭ ᠡ᠊ᠩ ᠤᠨ ᠤᠪᠤᠭ᠎ᠠ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ︽ᠳᠡᠭᠡᠷ᠎ᠡ ᠮᠦᠷᠬᠦᠯ ᠤᠨ ᠲᠦᠷᠦᠯ ᠵᠦᠢᠯ ᠠᠴᠠ ᠭᠡᠯᠡᠪᠡᠯ ᠮᠠᠨ ᠤ ᠠᠷᠪᠠᠨ ᠰᠤᠮᠤᠨ ᠨᠤᠳᠤᠭ ᠢᠶᠠᠷ ᠢᠶᠠᠨ ᠳᠠᠬᠢᠳᠠᠭ ᠨᠤᠳᠤᠭ ᠤᠨ ᠳᠡᠭᠡᠷ᠎ᠡ ᠮᠦᠷᠬᠦᠯ᠂ ᠠᠯᠢ ᠨᠢᠭᠡ ᠰᠤᠮᠤᠨ ᠢᠶᠠᠷ ᠢᠶᠠᠨ ᠳᠠᠬᠢᠳᠠᠭ ᠰᠤᠮᠤᠨ ᠤ ᠳᠡᠭᠡᠷ᠎ᠡ ᠮᠦᠷᠬᠦᠯ ᠪᠠ ᠠᠶᠢᠯ ᠡᠷᠦᠭᠡ ᠪᠠᠷ ᠢᠶᠠᠨ ᠳᠠᠬᠢᠳᠠᠭ ᠳᠡᠭᠡᠷ᠎ᠡ ᠮᠦᠷᠬᠦᠯ ᠭᠡᠵᠦ ᠭᠡᠳᠤᠨ ᠵᠦᠢᠯ ᠳᠤ ᠬᠤᠪᠢᠶᠠᠳᠠᠭ︾ ᠬᠡᠵᠥ ᠲ᠊ · ᠨᠠᠮᠵᠢᠯ ᠶᠠᠷᠢᠨ᠎ᠠ᠃       ᠤᠢᠢᠷᠠᠳ ᠨᠤᠳᠤᠭ ᠲᠤ ᠭᠠᠵᠠᠷ ᠤᠰᠤ᠂ ᠠᠭᠤᠯᠠ ᠬᠠᠶᠢᠷᠠᠬᠠ᠂ ᠳᠡᠭᠡᠳᠤ ᠳᠡᠭᠷᠢ᠂ ᠡᠵᠡᠨ ᠪᠤᠭᠳᠠ᠂ ᠰᠦᠷ ᠰᠦᠯᠳᠡ ᠮᠡᠳᠤ ᠳᠤ ᠵᠤᠷᠢᠭᠤᠯᠵᠦ ᠪᠤᠰᠬᠠᠬᠰᠠᠨ ︽ᠳᠡᠬᠢᠯᠭᠠᠨ ᠤᠪᠤᠭ᠎ᠠ︾ ᠤᠯᠠᠨ ᠪᠠᠶᠢᠳᠠᠭ᠃ ᠳᠡᠶᠢᠮᠦ ᠠᠴᠠ ᠳᠡᠭᠡᠷᠡᠬᠢ ᠮᠡᠳᠤ ᠵᠤᠷᠢᠯᠭ᠎ᠠ ᠪᠠᠷ ᠳᠤᠰᠬᠠᠢ ᠳᠠᠬᠢᠯᠭ᠎ᠠ ᠶᠢᠨ ᠶᠤᠰᠤᠯᠠᠯ ᠶᠠᠪᠤᠭᠤᠯᠳᠠᠭ ᠤᠪᠤᠭ᠎ᠠ ᠪᠠᠨ ᠶᠠᠷᠤᠩᠭᠡᠢ ᠳᠤᠨᠢ ︽ᠳᠠᠬᠢᠯᠭᠠᠨ︾ ᠭᠡᠵᠦ᠂ ᠵᠤᠷᠢᠯᠭ᠎ᠠ ᠪᠠᠷ ᠨᠢ ᠳᠤᠳᠤᠳᠬᠠᠵᠦ᠂ ᠶᠠᠮᠠᠷ ᠶᠠᠮᠠᠷ ᠳᠠᠬᠢᠯᠭᠠᠨ ᠭᠡᠵᠦ ᠭᠡᠯᠡᠳᠡᠭ᠃ ᠡᠷᠳᠡ ᠦᠶ᠎ᠡ ᠳᠤ ᠳᠡᠭᠷᠢ ᠶᠢᠨ ᠳᠠᠬᠢᠯᠭ᠎ᠠ᠂ ᠳᠡᠭᠡᠳᠤᠰ ᠤᠨ ᠳᠠᠬᠢᠯᠭ᠎ᠠ ᠶᠢ ᠮᠦᠨ ᠤᠪᠤᠭ᠎ᠠ ᠳᠡᠭᠡᠷ᠎ᠡ ᠬᠢᠳᠡᠭ ᠪᠠᠶᠢᠭᠰᠠᠨ ᠠᠴᠠ ︽ᠳᠡᠭᠡᠷ᠎ᠡ ᠮᠦᠷᠬᠦᠬᠦ︾ ᠨᠡᠷ᠎ᠡ ᠪᠠᠷ ᠨᠡᠷᠡᠯᠡᠬᠦ ᠶᠤᠰᠤᠨ ᠪᠤᠢ ᠪᠤᠯᠤᠭᠰᠠᠨ ᠪᠦᠭᠡᠳ ᠭᠠᠵᠠᠷ ᠤᠰᠤ ᠳᠠᠬᠢᠬᠤ ᠨᠢ ᠮᠦᠨ ᠤᠪᠤᠭ᠎ᠠ ᠳᠠᠭᠡᠷ᠎ᠡ ᠶᠠᠪᠤᠭᠳᠠᠬᠤ ᠳᠤᠯᠠ ᠬᠤᠶᠢᠨ᠎ᠠ ᠨᠢ ᠪᠤᠯᠵᠦ ᠢᠷᠡᠭᠡᠳ ᠳᠡᠭᠷᠢ ᠭᠠᠵᠠᠷ ᠤᠨ ᠳᠠᠬᠢᠯᠭ᠎ᠠ ᠨᠢ ᠪᠦᠷ ᠯᠠ ᠨᠢᠭᠡᠳᠤᠯᠳᠡᠢ ᠨᠢᠭᠡ ᠯᠡ ᠤᠪᠤᠭ᠎ᠠ ᠳᠡᠭᠡᠷ᠎ᠡ ᠶᠠᠪᠤᠭᠳᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠡ᠊ᠨᠡ ᠨᠢ ᠳᠡᠭᠷᠢ ᠭᠠᠵᠠᠷ ᠨᠢ ᠰᠠᠯᠤᠰᠢ ᠦᠭᠡᠢ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭ᠎ᠠ ᠲᠠᠢ ᠭᠡᠵᠦ ᠦᠵᠡᠭᠰᠡᠨ ᠤ ᠦᠷ᠎ᠠ ᠳ᠋ᠦᠩ ᠪᠠᠶᠢᠳᠠᠭ ᠳᠤᠯᠠ ︽ᠳᠡᠮᠡᠭᠡᠨ ᠳᠡᠮᠡᠭᠡᠨ ᠳᠡᠩ ᠢᠶᠠᠷ ᠢᠶᠠᠨ᠂ ᠳᠡᠭᠷᠢ ᠭᠠᠵᠠᠷ ᠨᠢᠭᠡ ᠪᠠᠷ ᠢᠶᠠᠨ︾ ᠭᠡᠬᠦ ᠭᠡᠯᠡᠯᠭᠡ ᠪᠤᠢ ᠪᠤᠯᠵᠠᠢ᠃ ᠡᠬᠦᠨ ᠳᠤ ᠳᠡᠮᠡᠭᠡ ᠶᠢ ᠳᠡᠭᠷᠢ ᠲᠠᠢ ᠬᠤᠯᠪᠤᠵᠦ ᠦᠵᠡᠭᠰᠡᠨ ᠤᠴᠢᠷ ᠶᠤᠰᠤ ᠴᠠᠭᠠᠨ᠎ᠠ ᠪᠠᠨ ᠠᠭᠤᠯᠤᠭᠳᠠᠵᠦ ᠪᠠᠶᠢᠬᠤ ᠶᠢᠨ ᠬᠠᠮᠳᠤ᠂ ᠨᠡᠩ ᠴᠤ ᠳᠡᠮᠡᠭᠡᠨ ᠤ ᠳᠡᠩ ᠬᠤᠶᠠᠷ ᠪᠤᠯᠳᠠᠭ ᠪᠦᠭᠡᠳ ᠠᠯᠢ ᠳᠠᠯ᠎ᠠ ᠨᠢ ᠴᠤ ᠳᠡᠩᠴᠡᠬᠦᠦ ᠬᠦᠨᠳᠤ ᠶᠢᠨ ᠭᠡᠮᠵᠢᠶ᠎ᠡ ᠲᠠᠢ ᠪᠠᠶᠢᠳᠠᠭ ᠪᠠ ᠬᠤᠭᠤᠷᠤᠨᠳᠤ ᠪᠠᠨ ᠰᠠᠯᠵᠦ ᠪᠤᠯᠤᠰᠢ ᠦᠭᠡᠢ ᠬᠤᠯᠪᠤᠭ᠎ᠠ ᠲᠠᠢ ᠪᠠᠶᠢᠳᠠᠭ ᠳᠤᠯᠠ ᠰᠢᠳᠦᠯᠴᠡᠨ ᠤᠷᠤᠰᠢᠬᠤ ᠵᠦᠢᠯ ᠭᠡᠰᠡᠨ ᠤᠳᠬ᠎ᠠ ᠠᠭᠤᠯᠤᠭᠳᠠᠵᠦ ᠪᠠᠶᠢᠳᠠᠭ᠃ ᠭᠡᠬᠦ ᠳᠡᠭᠡᠨ ᠵᠠᠷᠢᠮ ᠨᠤᠳᠤᠭ ᠲᠤ ᠨᠤᠳᠤᠭ ᠤᠨ ᠵᠠᠭᠠᠭ ᠢ ᠳᠡᠮᠳᠡᠭᠯᠡᠬᠦ ᠵᠤᠷᠢᠯᠭ᠎ᠠ ᠲᠠᠢ ᠬᠢᠯᠢ ᠶᠢᠨ ᠤᠪᠤᠭ᠎ᠠ᠂ ᠠᠶᠠᠨ ᠳᠡᠭᠡᠭᠡᠪᠤᠷᠢ ᠶᠢᠨ ᠴᠢᠭᠯᠡᠯ ᠢ ᠵᠢᠭᠠᠬᠤ ᠵᠤᠷᠢᠯᠭ᠎ᠠ ᠲᠠᠢ ᠵᠠᠮ ᠤᠨ ᠤᠪᠤᠭ᠎ᠠ ᠂ ︽ᠵᠠᠩᠭᠠᠷ︾ ᠤᠨ ᠤᠪᠤᠭ᠎ᠠ ᠭᠡᠬᠦ ᠮᠡᠳᠤ ᠶᠠᠮᠠᠷ ᠴᠤ ᠳᠠᠬᠢᠯᠭ᠎ᠠ ᠶᠢᠨ ᠶᠤᠰᠤᠯᠠᠯ ᠬᠢᠳᠡᠭ ᠦᠭᠡᠢ᠂ ᠵᠦᠪᠭᠡᠨ ᠵᠦᠪ ᠠᠮᠠ ᠡᠷᠬᠢᠭᠡᠳ ᠴᠢᠯᠠᠭᠤ ᠬᠠᠶᠠᠵᠦ᠂ ᠠᠷᠢᠬᠢ ᠳᠠᠷᠠᠰᠤ ᠰᠠᠴᠤᠭᠠᠳ ᠦᠡᠭᠭᠡᠷᠡᠳᠡᠭ ᠤᠪᠤᠭ᠎ᠠ ᠮᠦᠨ ᠪᠠᠶᠢᠳᠠᠭ ᠪᠠᠶᠢᠨ᠎ᠠ ᠃        ᠤᠪᠤᠭᠠᠨ ᠳᠠᠬᠢᠯᠭ᠎ᠠ ᠨᠢ ᠨᠡᠯᠢᠶᠡᠳ ᠭᠡᠮᠵᠢᠶᠡᠨ ᠳᠤ ᠡᠷᠳᠡᠨ ᠤ ᠪᠠᠶᠢᠳᠠᠯ ᠢᠶᠠᠨ ᠬᠠᠳᠠᠭᠠᠯᠠᠭᠰᠠᠨ ᠨᠡᠶᠢᠭᠡᠮ ᠤᠨ ᠤᠢᠢᠯᠡ ᠠᠵᠢᠯᠯᠠᠭ᠎ᠠ ᠪᠤᠯᠬᠤ ᠪᠦᠭᠡᠳ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠲᠠᠢ᠂ ᠳᠤᠭᠳᠠᠭᠰᠠᠨ ᠴᠠᠭ ᠬᠤᠭᠤᠴᠠᠭ᠎ᠠ ᠲᠠᠢ᠂ ᠳᠤᠭᠳᠠᠭᠰᠠᠨ ᠤᠷᠤᠨ ᠪᠠᠶᠢᠷᠢ ᠲᠠᠢ᠂ ᠳᠤᠭᠳᠠᠭᠰᠠᠨ ᠶᠤᠰᠤᠯᠠᠯ ᠤᠢᠢᠯᠡ ᠶᠢᠨ ᠳᠡᠰ ᠳᠠᠷᠠᠭ᠎ᠠ ᠲᠠᠢ ᠶᠠᠪᠤᠭᠳᠠᠵᠦ ᠢᠷᠡᠭᠰᠡᠨ ᠵᠦᠢᠯ ᠪᠤᠯᠬᠤ ᠶᠢᠨ ᠬᠠᠮᠳᠤ᠂ ᠬᠤᠵᠢᠮ ᠨᠢ ᠵᠠᠰᠠᠭ ᠵᠠᠬᠢᠷᠭ᠎ᠠ ᠶᠢᠨ ᠬᠠᠷᠢᠶᠠᠨ ᠳᠤ ᠤᠷᠤᠵᠦ᠂ ᠡ᠊ᠨᠡᠬᠦ ᠤᠯᠠᠮᠵᠢᠯᠠᠯ ᠢ ᠤᠢᠢᠯᠡᠳᠴᠤ ᠶᠠᠪᠤᠭᠤᠯᠬᠤ ᠳᠠᠭᠠᠨ ᠰᠤᠮᠤᠨ ᠤ ᠳᠠᠬᠢᠯᠭ᠎ᠠ᠂ ᠠᠶᠢᠮᠠᠭ ᠤᠨ ᠳᠠᠬᠢᠯᠭ᠎ᠠ᠂ ᠲᠦᠷᠦ ᠶᠢᠨ ᠳᠠᠬᠢᠯᠭ᠎ᠠ ᠭᠡᠵᠦ ᠭᠡᠳᠤᠨ ᠱᠠᠳᠤ ᠬᠤᠪᠢᠶᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠶᠤᠰᠤᠴᠢᠯᠠᠨ ᠤᠢᠢᠯᠡᠳᠬᠦ ᠶᠤᠰᠤᠯᠠᠯ ᠪᠤᠯᠤᠭᠰᠠᠨ ᠪᠠ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠶᠢᠨ ᠳᠠᠭᠠᠤ ᠳᠡᠭᠡᠳᠤ ᠳᠡᠪᠬᠤᠷᠭ᠎ᠠ ᠶᠢᠨ ᠡᠵᠡᠮᠰᠢᠯ ᠳᠤ ᠬᠠᠷᠢᠶᠠᠯᠠᠬᠤ ᠬᠠᠭᠠᠨ ᠤ ᠤᠪᠤᠭ᠎ᠠ᠂ ᠭᠡᠭᠡᠨ ᠤ ᠤᠪᠤᠭ᠎ᠠ᠂ ᠪᠠᠨᠴᠢᠨ ᠤ ᠤᠪᠤᠭ᠎ᠠ᠂ ᠨᠤᠶᠠᠨ ᠤ ᠤᠪᠤᠭ᠎ᠠ᠂ ᠁ ᠭᠡᠬᠦ ᠮᠡᠳᠤ ᠭᠡᠭᠡᠨ ᠬᠠᠭᠠᠨ ᠢᠵᠠᠭᠤᠷᠳᠡᠳ ᠤᠨ ᠨᠡᠷ᠎ᠡ ᠪᠠᠷ ᠪᠤᠰᠬᠠᠭᠰᠠᠨ ᠤᠪᠤᠭ᠎ᠠ ᠭᠠᠷᠴᠤ ᠢᠷᠡᠭᠰᠡᠨ ᠪᠠᠶᠢᠳᠠᠭ᠃ ᠡᠬᠦᠨ ᠠᠴᠠ ᠭᠠᠳᠠᠨ᠎ᠠ ᠤᠪᠤᠭ᠎ᠠ ᠪᠤᠰᠬᠠᠬᠤ ᠤᠢᠢᠯᠡ ᠨᠢ ᠤᠷᠤᠨ ᠤ ᠳᠤᠮᠳᠠ ᠦᠷᠭᠡᠵᠢᠵᠦ᠂ ᠲᠦᠷᠦᠯ ᠡᠯᠢᠭᠡᠨ ᠠᠶᠢᠯ ᠢᠶᠠᠷ ᠨᠢᠭᠡᠴᠢ ᠪᠤᠯᠭᠠᠨ ᠴᠢᠰᠤᠨ ᠤᠳᠤᠮ ᠤᠨ ᠤᠢᠢᠷ᠎ᠠ ᠲᠦᠷᠦᠯ ᠢᠶᠠᠷ ᠢᠶᠠᠨ ᠳᠠᠬᠢᠬᠤ ᠤᠪᠤᠭ᠎ᠠ ᠭᠡᠵᠦ ᠮᠦᠨ ᠢᠯᠡᠷᠡᠭᠰᠡᠨ ᠵᠡᠷᠭᠡ ᠶᠠᠩᠵᠦ ᠪᠦᠷᠢ ᠶᠢᠨ ᠭᠡᠯᠪᠡᠷᠢ ᠶᠢᠨ ᠤᠪᠤᠭ᠎ᠠ ᠨᠤᠭᠤᠳ ᠪᠤᠢ ᠪᠤᠯᠵᠦ ᠤᠯᠠᠮ ᠢᠶᠠᠷ ᠦᠷᠭᠡᠵᠢᠵᠦ ᠪᠠᠶᠢᠨ᠎ᠠ᠃       ᠨᠠᠮᠵᠢᠯ ᠭᠤᠸᠡᠢ ᠶᠢᠨ ᠵᠤᠭᠤᠬ ᠦᠷᠬᠦᠯᠵᠢᠯᠡᠭᠰᠡᠭᠡᠷ ᠁       ᠵᠠᠰᠠᠭ ᠵᠠᠭᠢᠷᠭ᠎ᠠ ᠳᠤ ᠬᠤᠯᠪᠤᠭᠳᠠᠬᠰᠠᠨ ᠤᠷᠴᠢᠯ       ᠰᠤᠷᠪᠤᠯᠵᠢᠯᠠᠬᠴᠢ ᠵᠠᠰᠠᠬ ᠵᠠᠬᠢᠷᠭ᠎ᠠ ᠳᠤ ᠬᠤᠯᠪᠤᠬᠳᠠᠬᠤ ᠤᠪᠤᠭᠠᠨ ᠳᠠᠬᠢᠯᠭ᠎ᠠ ᠶᠢᠨ ᠳᠤᠬᠠᠢ ᠨᠠᠮᠵᠢᠯ ᠭᠤᠸᠠᠢ ᠲᠠᠢ ᠵᠤᠭᠤᠬᠳᠠᠯ᠎ᠠ᠃       ᠤᠢᠢᠷᠠᠳ ᠨᠤᠳᠤᠭ ᠤᠨ ᠬᠦᠮᠦᠰ ᠵᠢᠯ ᠳᠠᠷᠠᠭᠠᠯᠠᠨ ᠰᠠᠷ᠎ᠠ ᠡᠳᠤᠷ ᠤᠨ ᠢᠪᠡᠭᠡᠯ ᠬᠠᠷᠠᠵᠦ ᠬᠤᠰᠢᠭᠤᠨ ︵ᠰᠢᠶᠡᠨ ᠰᠤᠮᠤᠨ ︶ ᠵᠠᠬᠢᠷᠭ᠎ᠠ ᠶᠢᠨ ᠬᠦᠷᠢᠶᠡᠨ ᠳᠤ ᠨᠢᠭᠡᠴᠢ ᠪᠤᠯᠵᠦ ᠨᠤᠳᠤᠭ ᠨᠤᠷᠭᠤᠨ ᠢᠶᠠᠷ ᠢᠶᠠᠨ ᠴᠤᠭᠯᠠᠷᠠᠨ᠂ ᠤᠳᠤᠮ ᠠᠴᠠ ᠪᠠᠨ ᠳᠠᠬᠢᠭᠰᠠᠭᠠᠷ ᠢᠷᠡᠭᠰᠡᠨ ᠪᠤᠶᠤ ᠦᠪᠡᠷ ᠦᠪᠡᠷ ᠤᠨ ᠦᠮᠴᠢ ᠲᠠᠢ ᠤᠪᠤᠭ᠎ᠠ ᠪᠠᠨ ᠳᠠᠬᠢᠵᠦ᠂ ᠭᠠᠵᠠᠷ ᠤᠰᠤ᠂ ᠨᠠᠪᠳᠠᠭ ᠰᠠᠪᠳᠠᠭ᠂ ᠠᠯᠢᠪᠠ ᠡᠵᠡᠳ ᠰᠠᠬᠢᠭᠤᠰᠤ᠂ ᠢᠯᠡ ᠳᠠᠯᠳᠠ ᠵᠠᠶᠠᠭᠠᠨ ᠰᠠᠬᠢᠭᠤᠰᠤ ᠶᠢ ᠪᠠᠶᠠᠰᠬᠠᠬᠤ ᠶᠢᠨ ᠬᠠᠮᠳᠤ ᠡ᠊ᠨᠡ ᠶᠤᠰᠤᠯᠠᠯ ᠲᠠᠢ ᠬᠠᠮᠳᠤᠳᠬᠠᠨ ᠨᠤᠳᠤᠭ ᠨᠤᠷᠭᠤᠨ ᠤ ᠴᠢᠬᠤᠯᠨ ᠭᠡᠷᠡᠭ ᠤᠴᠢᠷ ᠢ ᠵᠦᠢᠴᠢᠯᠡᠨ ᠳᠤᠭᠳᠠᠭᠠᠵᠦ ᠰᠢᠢᠳᠪᠦᠷᠢᠯᠡᠨ ᠪᠠᠳᠤᠯᠠᠬᠤ ᠮᠡᠳᠤ ᠤᠢᠢᠯᠡ ᠪᠠᠷ ᠭᠤᠤᠯ ᠪᠤᠯᠭᠠᠵᠦ᠂ ᠳᠡᠬᠦᠨ ᠤ ᠳᠠᠭᠠᠤ ᠳᠤ ᠤᠯᠠᠨ ᠢᠶᠠᠷ ᠢᠶᠠᠨ ᠨᠡᠶᠢᠷ ᠬᠢᠵᠦ᠂ ᠨᠠᠭᠠᠳᠤᠮ ᠴᠡᠩᠭᠡᠯ ᠡᠬᠦᠰᠭᠡᠨ ᠶᠠᠪᠤᠭᠤᠯᠵᠦ ᠢᠷᠡᠭᠰᠡᠨ ᠪᠠᠶᠢᠳᠠᠭ᠃       ᠰᠤᠮᠤᠨ ᠤ ᠳᠠᠬᠢᠯᠭ᠎ᠠ ᠶᠢ ᠳᠠᠬᠢᠬᠤ ᠳᠤ ᠳᠤᠰ ᠰᠤᠮᠤᠨ ᠤ ᠬᠠᠷᠢᠶᠠᠳᠤ ᠬᠦᠮᠦᠰ ᠤᠷᠤᠯᠴᠠᠳᠠᠭ ᠪᠠ ᠬᠤᠰᠢᠭᠤᠨ ᠤ ᠳᠠᠬᠢᠯᠭ᠎ᠠ ᠶᠢ ᠳᠠᠬᠢᠬᠤ ᠦᠶ᠎ᠠ ᠳᠤ ᠳᠡᠷᠡ ᠬᠤᠰᠢᠭᠤᠨ ᠤ ᠬᠠᠷᠢᠶᠠᠳᠤ ᠠᠷᠠᠳ ᠤᠷᠤᠯᠴᠠᠳᠠᠭ᠃ ᠭᠡᠬᠦ ᠳᠡᠭᠡᠨ ᠨᠤᠳᠤᠭ ᠰᠤᠮᠤᠨ ᠢᠶᠠᠷ ᠤᠪᠤᠭ᠎ᠠ ᠳᠠᠬᠢᠬᠤ ᠳᠠᠭᠠᠨ ᠦᠭᠡᠷ᠎ᠡ ᠰᠤᠮᠤᠨ ᠤ ᠵᠠᠩᠬᠢ ᠪᠤᠯᠤᠨ ᠳᠡᠳᠡᠨ ᠤ ᠬᠠᠷᠪᠤᠭᠠᠴᠢ᠂ ᠪᠦᠭᠡ᠂ ᠤᠷᠤᠯᠳᠤᠭᠠᠨ ᠤ ᠮᠤᠷᠢ ᠤᠷᠤᠯᠴᠠᠬᠤ ᠶᠢ ᠵᠦᠪᠰᠢᠶᠡᠷᠨᠵᠦ᠂ ᠳᠤᠰᠬᠠᠢ ᠬᠦᠮᠦᠨ ᠶᠠᠪᠤᠭᠤᠯᠵᠦ ᠤᠷᠢᠳᠠᠭ᠃ ᠭᠡᠷᠪᠡ ᠬᠤᠰᠢᠭᠤᠨ ᠤ ᠤᠪᠤᠭ᠎ᠠ ᠳᠠᠬᠢᠬᠤ ᠪᠤᠯ ᠮᠦᠨ ᠦᠭᠡᠷ᠎ᠡ ᠬᠤᠰᠢᠭᠤᠨ ᠤ ᠶᠠᠮᠦ ᠵᠢᠩᠰᠡ ᠲᠠᠢ ᠬᠦᠮᠦᠰ ᠢ ᠤᠷᠢᠳᠠᠭ ᠪᠠᠶᠢᠭᠰᠠᠨ ᠪᠠ ᠳᠡᠳᠡᠨ ᠴᠤ ᠦᠪᠡᠷ ᠤᠨ ᠪᠦᠭᠡ᠂ ᠰᠠᠭᠠᠳᠠᠭᠴᠢ ᠵᠡᠷᠭᠡ ᠬᠦᠮᠦᠰ ᠢᠶᠠᠨ ᠳᠠᠭᠠᠭᠤᠯᠤᠨ ᠢᠷᠡᠵᠦ ᠤᠷᠤᠯᠴᠠᠳᠠᠭ᠃ ᠢᠡᠭᠭᠢᠭᠡᠳ ᠬᠤᠯᠠ ᠤᠢᠢᠷ᠎ᠠ ᠠᠴᠠ ᠢᠷᠡᠬᠦ ᠬᠦᠮᠦᠨ ᠤ ᠪᠠᠷᠤᠭᠴᠠᠭ᠎ᠠ ᠪᠠᠷ ᠦᠪᠡᠷ ᠤᠨ ᠬᠠᠷᠢᠶᠠᠳᠤ ᠡᠯ᠎ᠠ ᠰᠤᠮᠤᠨ ᠳᠤ ᠭᠡᠳᠤᠨ ᠪᠠᠷᠢᠭ᠎ᠠ ᠭᠡᠷ ᠪᠡᠯᠡᠳᠬᠦ᠂ ᠢᠳᠡᠰᠢ ᠶᠢᠨ ᠬᠤᠨᠢ ᠦᠭᠡᠷ ᠭᠡᠳᠤᠢ ᠪᠡᠯᠡᠳᠬᠦ ᠪᠠ ᠬᠢᠷᠢ ᠶᠡᠭᠡ ᠠᠷᠢᠬᠢ ᠴᠡᠭᠡ ᠭᠡᠷᠡᠭᠰᠡᠬᠦ ᠵᠡᠷᠭᠡ ᠵᠦᠢᠯᠡᠰ ᠢ ᠳᠤᠰᠬᠠᠢ ᠬᠦᠮᠦᠨ ᠳᠤ ᠳᠠᠭᠠᠭᠠᠯᠭᠠᠵᠦ ᠪᠡᠯᠡᠳᠭᠡᠳᠡᠭ᠃       ᠳᠠᠬᠢᠯᠭ᠎ᠠ ᠶᠢᠨ ᠶᠤᠰᠤᠯᠠᠯ ᠤᠢᠢᠯᠡᠳᠴᠤ ᠪᠠᠶᠢᠭ᠎ᠠ ᠳᠠᠯ᠎ᠠ ᠶᠢᠨ ᠬᠦᠮᠦᠰ ᠤᠪᠤᠭ᠎ᠠ ᠳᠠᠬᠢᠬᠤ ᠶᠢᠨ ᠡᠮᠤᠨ᠎ᠠ ᠡᠳᠤᠷ ᠤᠪᠤᠭ᠎ᠠ ᠶᠢᠨ ᠢᠶᠠᠨ ᠮᠤᠳᠤ ᠴᠢᠯᠠᠭᠤ ᠮᠡᠳᠤᠰ ᠢ ᠰᠢᠨᠡᠳᠭᠡᠵᠦ ᠵᠠᠰᠠᠳᠠᠭ ᠪᠠ ᠭᠤᠤᠯ ᠮᠤᠳᠤ ᠶᠢ ᠨᠢ ᠪᠤᠰᠬᠠᠵᠦ᠂ ᠵᠡᠯ᠎ᠠ ᠳᠠᠳᠠᠬᠤ ᠪᠠᠭᠠᠨ᠎ᠠ ᠪᠠᠨ ᠴᠢᠮᠡᠭᠯᠡᠨ᠂ ᠳᠠᠬᠢᠯᠭ᠎ᠠ ᠶᠢᠨ ᠳᠡᠭᠡᠵᠢ ᠳᠤ ᠡᠷᠬᠦᠬᠦ ᠪᠠᠷ ᠪᠡᠯᠡᠳᠭᠡᠭᠰᠡᠨ ᠮᠠᠯ ᠢᠶᠠᠨ ᠭᠠᠷᠭᠠᠳᠠᠭ᠃ ᠢᠡᠭᠭᠢᠭᠡᠳ ᠭᠠᠷᠭᠠᠭᠰᠠᠨ ᠮᠠᠯ ᠤᠨ ᠢᠶᠠᠨ ᠦᠪᠴᠢᠵᠦ ᠠᠪᠤᠭᠰᠠᠨ ᠠᠷᠠᠰᠤ ᠶᠢ ᠭᠤᠷᠪᠠ ᠰᠢᠪᠳᠤᠷᠴᠤ᠂ ᠤᠯᠠᠭᠠᠨ ᠬᠤᠭᠤᠯᠠᠢ᠂ ᠮᠦᠭᠡᠷᠰᠤᠨ ᠬᠤᠭᠤᠯᠠᠢ ᠶᠢ ᠨᠢ ᠵᠢᠷᠦᠭᠡ᠂ ᠠᠭᠤᠰᠬᠢ᠂ ᠪᠦᠭᠡᠷ᠎ᠡ ᠲᠠᠢ ᠨᠢ ᠬᠠᠮᠳᠤ ᠰᠠᠯᠭᠠᠯ ᠦᠭᠡᠢ ᠠᠪᠴᠤ ᠳᠠᠯᠪᠢᠳᠠᠭ ᠪᠠ ᠳᠡᠬᠦᠨ ᠢ ᠪᠠᠨ ᠳᠠᠬᠢᠯᠭ᠎ᠠ ᠳᠠᠬᠢᠬᠤ ᠦᠶ᠎ᠡ ᠳᠤ ᠠᠷᠠᠰᠤ ᠲᠠᠢ ᠨᠢ ᠬᠠᠮᠳᠤ ᠵᠦᠯᠳᠡ ᠡᠷᠬᠦᠳᠡᠭ ᠪᠤᠶᠤ ᠡᠰᠭᠡᠵᠦ ᠮᠤᠳᠤᠨ ᠳᠤ ᠳᠡᠯᠡᠵᠦ ᠬᠠᠶᠠᠳᠠᠭ᠃ ᠪᠤᠰᠤᠳ ᠮᠢᠬ᠎ᠠ ᠶᠢ ᠨᠢ ᠪᠦᠬᠦᠳᠡ ᠶᠢ ᠨᠢ ᠴᠢᠨᠠᠵᠦ ᠳᠡᠬᠦᠨ ᠤ ᠳᠤᠳᠤᠷ᠎ᠡ ᠠᠴᠠ ᠨᠢᠭᠡ ᠬᠤᠨᠢᠨ ᠤ ᠤᠭᠤᠴᠠ ᠶᠢ ᠨᠢ ᠳᠡᠭᠰᠢ ᠰᠠᠶᠢᠬᠠᠨ ᠠᠪᠴᠤ ᠳᠤᠯᠤᠭᠠᠢ ᠲᠠᠢ ᠨᠢ ᠬᠠᠮᠳᠤ ᠳᠠᠬᠢᠯ ᠳᠤ ᠡᠷᠬᠦᠬᠦ ᠳᠤ ᠪᠡᠯᠡᠨ ᠬᠢᠳᠡᠭ᠃      ᠳᠠᠬᠢᠯᠭ᠎ᠠ ᠶᠢ ᠳᠡᠭᠡᠷ᠎ᠡ ᠦᠶ᠎ᠡ ᠳᠤ ᠪᠦᠭᠡ ᠪᠤᠶᠤ ᠪᠦᠭᠡᠴᠢ ᠬᠦᠮᠦᠨ ᠡᠷᠬᠢᠯᠡᠨ ᠶᠠᠪᠤᠭᠤᠯᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠰᠡᠬᠦᠯ ᠦᠶ᠎ᠠ ᠪᠤᠯᠵᠦ ᠢᠷᠡᠭᠡᠳ ᠪᠤᠷᠬᠠᠨ ᠱᠠᠰᠢᠨ ᠳᠡᠯᠭᠡᠷᠡᠬᠦ ᠶᠢ ᠳᠠᠭᠠᠯᠳᠤᠨ ᠯᠠᠮᠠ ᠨᠠᠷ ᠤᠴᠢᠵᠦ ᠨᠤᠮ ᠤᠩᠰᠢᠳᠠᠭ ᠪᠤᠯᠤᠭᠰᠠᠨ ᠪᠠ ᠳᠡᠳᠡᠨ ᠦᠷᠯᠦᠭᠡ ᠡᠷᠳᠡ ᠤᠪᠤᠭᠠᠨ ᠳᠡᠭᠡᠷ᠎ᠡ ᠤᠴᠢᠵᠦ᠂ ᠤᠪᠤᠭ᠎ᠠ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠵᠦᠭ ᠲᠤ ᠵᠠᠢ ᠲᠠᠢ ᠭᠠᠵᠠᠷ ᠰᠤᠩᠭᠤᠨ ᠰᠠᠭᠤᠵᠦ ᠨᠤᠮ ᠤᠩᠰᠢᠳᠠᠭ᠃ ᠤᠳᠤᠬᠠᠨ ᠪᠤᠯᠳᠠᠯ᠎ᠠ ᠪᠦᠭᠡ ᠪᠤᠯᠤᠨ ᠯᠠᠮᠠ ᠨᠠᠷ ᠬᠠᠮᠳᠤ ᠪᠠᠷ ᠳᠠᠬᠢᠯᠭ᠎ᠠ ᠶᠢᠨ ᠶᠤᠰᠤᠯᠠᠯ ᠢ ᠬᠢᠵᠦ ᠪᠠᠶᠢᠭᠰᠠᠨ ᠤᠨᠴᠠᠭᠠᠢ ᠪᠠᠶᠢᠳᠠᠯ ᠴᠤ ᠦᠯᠡᠳᠡᠵᠥ ᠪᠤᠢ᠃       ᠲᠦᠷᠪᠡᠨ ᠤᠢᠢᠷᠠᠳ ᠤᠨ ᠲᠦᠷᠦᠯᠬᠢ ᠨᠤᠳᠤᠭ ᠤᠨ ᠤᠪᠤᠭ᠎ᠠ ᠳᠠᠬᠢᠬᠤ ᠶᠤᠰᠤ ︵ᠠᠭᠤᠯᠠ ᠤᠰᠤ ᠶᠢ ᠳᠠᠬᠢᠬᠤ ᠶᠤᠰᠤ︶ ᠶᠡᠷᠤᠩᠭᠡᠢ ᠳᠡᠭᠡᠨ ᠠᠳᠠᠯᠢ ᠪᠤᠯᠬᠤ ᠪᠤᠯᠪᠠᠴᠤ ᠤᠳᠤ ᠨᠤᠳᠤᠭ ᠨᠤᠳᠤᠭ ᠤᠨ ᠤᠪᠤᠭ᠎ᠠ ᠳᠠᠬᠢᠬᠤ ᠰᠠᠷ᠎ᠠ ᠡᠳᠤᠷ ᠨᠢ ᠬᠤᠭᠤᠷᠤᠨᠳᠤ ᠪᠠᠨ ᠠᠳᠠᠯᠢ ᠦᠭᠡᠢ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠡᠬᠦᠨ ᠳᠤ ᠵᠠᠷᠢᠮ ᠨᠤᠳᠤᠭ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠪᠠᠷ ᠳᠠᠬᠢᠳᠠᠭ ᠪᠠᠶᠢᠬᠤ ᠳᠤ᠂ ᠵᠠᠷᠢᠮ ᠨᠤᠳᠤᠭ ᠲᠤ ᠳᠤᠰᠬᠠᠢ ᠳᠤᠭᠳᠠᠭᠰᠠᠨ ᠴᠠᠭ ᠦᠭᠡᠢ ᠪᠤᠯᠬᠤᠷ ᠪᠦᠭᠡ ᠪᠠᠭᠰᠢ ᠪᠤᠶᠤ ᠯᠠᠮᠠ ᠵᠢᠷᠤᠬᠠᠢᠢᠴᠢ ᠳᠤ ᠳᠤᠰᠬᠠᠢ ᠡᠳᠤᠷ ᠦᠵᠡᠬᠦᠯᠵᠦ ᠦᠯᠵᠡᠶᠢᠳᠡᠢ ᠭᠡᠰᠡᠨ ᠡᠳᠤᠷ ᠢᠶᠠᠷ ᠨᠢ ᠳᠠᠬᠢᠯᠭ᠎ᠠ ᠶᠢᠨ ᠶᠤᠰᠤᠯᠠᠯ ᠢ ᠤᠢᠢᠯᠡᠳᠡᠳᠡᠭ᠃ ᠵᠠᠷᠢᠮ ᠨᠤᠳᠤᠭ ᠲᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠦᠷᠪᠡᠨ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠳᠠᠪᠤᠨ ᠠᠴᠠ ᠬᠤᠶᠢᠰᠢ ᠪᠤᠶᠤ ᠳᠠᠪᠤᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠠ ᠶᠢᠨ ᠭᠤᠷᠪᠠᠨ᠂ ᠠᠷᠪᠠᠨ ᠭᠤᠷᠪᠠᠨ᠂ ᠬᠤᠷᠢᠨ ᠭᠤᠷᠪᠠᠨ ᠤ ᠡᠳᠤᠷ ᠳᠠᠬᠢᠳᠠᠭ᠃ ᠭᠡᠪᠡᠴᠤ ᠶᠡᠷᠤᠩᠭᠡᠢ ᠳᠡᠭᠡᠨ ᠠᠷᠭ᠎ᠠ ᠶᠢᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠭ᠎ᠠ ᠳᠤᠯᠤᠭᠠᠨ ᠰᠠᠷ᠎ᠠ ᠪᠤᠶᠤ ᠵᠤᠨ ᠨᠠᠮᠤᠷ ᠤᠨ ᠤᠯᠠᠷᠢᠯ ᠤᠨ ᠶᠠᠮᠠᠷ ᠨᠢᠭᠡᠨ ᠰᠠᠶᠢᠨ ᠡᠳᠤᠷ ᠢ ᠰᠤᠩᠭᠤᠵᠦ ᠳᠠᠬᠢᠳᠠᠭ ᠠᠴᠠ ᠪᠢᠰᠢ᠂ ᠬᠠᠷᠢᠨ ᠠᠵᠢᠯ ᠠᠬᠤᠢ ᠶᠠᠭᠠᠷᠠᠤ ᠬᠠᠪᠤᠷ ᠤᠨ ᠤᠯᠠᠷᠢᠯ ᠪᠤᠯᠤᠨ ᠠᠭᠤᠷ ᠠᠮᠢᠰᠬᠤᠯ ᠬᠦᠢᠳᠡᠷᠡᠭᠰᠡᠨ ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠤᠪᠤᠭ᠎ᠠ ᠳᠠᠬᠢᠳᠠᠭ ᠦᠭᠡᠢ᠃ ᠵᠠᠷᠢᠮ ᠨᠤᠳᠤᠭ ᠲᠤ ᠬᠠᠷᠢᠨ ᠰᠤᠪᠠᠢ ᠭᠡᠬᠦᠦ ᠠᠯᠠᠭᠠᠳ ᠳᠠᠬᠢᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠨ᠎ᠠ᠃ ᠡᠨᠡ ᠳᠤᠬᠠᠢ ᠤᠯᠠᠮ ᠢᠶᠠᠷ ᠰᠤᠷᠪᠤᠯᠵᠢᠯᠠᠵᠤ ᠰᠤᠳᠤᠯᠤᠭᠤᠰᠢᠳᠡᠢ ᠪᠢᠯᠡ᠃       ᠪᠠᠶᠢᠷᠢ ᠪᠠᠶᠢᠷᠢᠰᠢᠯ ᠤᠨ ᠳᠤᠭᠳᠠᠯᠴᠠᠭ᠎ᠠ ᠪᠤᠶᠤ ᠤᠬᠠᠮᠰᠠᠷ       ᠤᠢᠢᠷᠠᠳᠴᠤᠳ ᠤᠨ ᠨᠤᠳᠤᠭ ᠪᠤᠯᠭᠠᠨ ᠳᠤ ᠡᠪᠦᠭᠡ ᠳᠡᠭᠡᠳᠤᠰ ᠠᠴᠠ ᠪᠠᠨ ᠳᠠᠬᠢᠵᠦ ᠢᠷᠡᠭᠰᠡᠨ ᠳᠠᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ ᠪᠠᠶᠢᠳᠠᠭ ᠪᠤᠯᠪᠠᠴᠤ ᠰᠢᠨ᠎ᠠ ᠪᠠᠷ ᠤᠪᠤᠭ᠎ᠠ ᠪᠤᠰᠬᠠᠬᠤ ᠦᠵᠡᠭᠳᠡᠯ ᠴᠤ ᠭᠠᠷᠴᠤ ᠪᠠᠶᠢᠨ᠎ᠠ ᠬᠡᠵᠥ ᠨᠠᠮᠵᠢᠯ ᠭᠤᠸᠠᠢ ᠶᠡᠷᠢᠨ᠎ᠠ᠃      ᠰᠢᠨ᠎ᠡ ᠤᠪᠤᠭ᠎ᠠ ᠪᠤᠰᠬᠠᠬᠤ ᠳᠤ ᠬᠦᠷᠪᠡᠯ ᠤᠷᠢᠳ ᠢᠶᠠᠷ ᠭᠡᠭᠡᠨ ᠯᠠᠮᠠ ᠳᠤ ᠦᠵᠡᠬᠦᠯᠵᠦ ᠳᠤᠭᠳᠠᠭᠠᠬᠤ ᠪᠤᠶᠤ ᠳᠤᠰᠬᠠᠢ ᠭᠠᠵᠠᠷ ᠨᠤᠳᠤᠭ ᠤᠨ ᠪᠠᠶᠢᠳᠠᠯ ᠢ ᠮᠡᠳᠡᠳᠡᠭ ᠰᠢᠨᠵᠢᠭᠡᠴᠢ ᠵᠠᠯᠠᠵᠦ ᠵᠤᠬᠢᠰᠳᠠᠢ ᠭᠠᠵᠠᠷ ᠢ ᠰᠢᠨᠵᠢᠯᠡᠨ ᠰᠤᠩᠭᠤᠵᠦ ᠳᠤᠭᠳᠠᠭᠠᠳᠠᠭ᠃ ᠳᠡᠭᠡᠬᠦ ᠳᠡᠭᠡᠨ ᠬᠠᠷ᠎ᠠ ᠮᠤᠷᠢᠨ ᠤ ᠲᠦᠩ᠂ ᠠᠯᠠᠭ ᠱᠠᠭᠠᠵᠠᠭᠠᠢ ᠶᠢᠨ ᠵᠤ᠋ ᠮᠡᠳᠤ ᠰᠢᠨᠵᠢ ᠲᠠᠢ ᠭᠠᠵᠠᠷ ᠲᠤ ᠤᠪᠤᠭ᠎ᠠ ᠪᠤᠰᠬᠠᠪᠠᠯ ᠮᠠᠭᠤ ᠭᠡᠵᠦ ᠦᠵᠡᠬᠦ ᠭᠡᠯᠡᠯᠭᠡ ᠪᠠᠶᠢᠳᠠᠭ᠃ ᠢᠡᠭᠬᠢᠭᠡᠳ ᠰᠢᠨᠵᠢᠵᠦ ᠳᠤᠭᠳᠠᠭᠠᠭᠰᠠᠨ ᠭᠠᠵᠠᠷ ᠲᠤ ᠪᠠᠨ ᠯᠠᠮᠠ ᠭᠡᠯᠤᠩ ᠵᠠᠯᠠᠵᠦ ᠨᠤᠮ ᠤᠩᠰᠢᠯᠭ᠎ᠠ ᠬᠢᠳᠡᠭ ᠪᠠ ᠳᠡᠷᠡ ᠬᠦ ᠤᠨᠴᠠᠯᠠᠭᠰᠠᠨ ᠭᠠᠵᠠᠷ ᠲᠤ ᠪᠠᠨ ᠴᠢᠯᠠᠭᠤ ᠤᠪᠤᠭᠠᠯᠠᠨ ᠬᠦᠭᠡ ᠮᠤᠳᠤ ᠬᠠᠳᠬᠤᠵᠦ ᠤᠪᠤᠭ᠎ᠠ ᠪᠤᠰᠬᠠᠬᠤ ᠤᠢᠢᠯᠡ ᠪᠠᠨ ᠬᠦᠢᠴᠡᠳᠭᠡᠳᠡᠭ᠃ ᠳᠡᠭᠡᠬᠦ ᠳᠡᠭᠡᠨ ᠪᠤᠮᠪᠠ ᠶᠢᠨ ᠳᠤᠳᠤᠷ᠎ᠡ ᠳᠠᠷᠢᠶ᠎ᠠ᠂ ᠰᠢᠰᠢ᠂ ᠳᠤᠳᠤᠷᠭ᠎ᠠ ᠰᠦᠭ ︵ᠨᠠᠷᠢᠮᠦ︶᠂ ᠶᠦᠷᠦᠭ᠂ ᠦᠵᠦᠮ᠂ ᠴᠢᠪᠠᠭ᠎ᠠ᠂ ᠵᠩᠳᠡ᠂ ᠱᠠᠪᠳᠠᠯ᠎ᠠ᠂ ᠡᠳ᠋ ᠡᠷᠳᠡᠨᠢᠰ ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠵᠦᠢᠯ ᠵᠡᠷᠭᠡ ᠶᠢ ᠬᠦᠮᠦᠨ ᠤ ᠢᠳᠡᠵᠦ ᠤᠤᠭᠤᠬᠤ ᠪᠠ ᠭᠡᠷᠡᠭᠯᠡᠵᠦ ᠵᠠᠷᠤᠬᠤ ᠵᠦᠢᠯᠡᠰ ᠠᠴᠠ ᠳᠤᠳᠠᠭᠤ ᠦᠭᠡᠢ ᠳᠡᠯᠪᠢᠵᠦ ᠪᠤᠯᠠᠳᠠᠭ᠃      ᠳᠠᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ ᠪᠠᠨ ᠵᠠᠰᠠᠵᠦ ᠪᠠᠷᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠳᠡᠬᠦᠨ ᠤ ᠳᠡᠭᠡᠷ᠎ᠡ ᠬᠠᠳᠬᠤᠭᠰᠠᠨ ᠮᠤᠳᠤᠳ ᠪᠤᠶᠤ ᠳᠠᠳᠠᠭᠰᠠᠨ ᠵᠠᠯ᠎ᠠ ᠠᠴᠠ ᠭᠡᠶᠢᠮᠤᠷᠢ ᠤᠶᠠᠵᠦ ᠳᠡᠯᠡᠰᠭᠡᠬᠦ ︵ᠨᠠᠮᠢᠷᠠᠭᠤᠯᠬᠤ︶ ᠶᠢᠨ ᠬᠠᠮᠳᠤ ᠴᠠᠭᠠᠨ᠂ ᠨᠤᠭᠤᠭᠠᠠ᠂ ᠰᠢᠷ᠎ᠠ᠂ ᠶᠠᠭᠠᠨ᠂ ᠬᠦᠭᠡ ᠵᠡᠷᠭᠡ ᠦᠡᠭᠭᠡ ᠪᠦᠷᠢ ᠶᠢᠨ ᠪᠦᠰ ᠢᠶᠠᠷ ᠬᠢᠭᠰᠡᠨ ᠵᠡᠯᠮ᠎ᠠ ᠪᠦᠴᠡ ᠪᠠᠨ ᠤᠶᠠᠵᠦ ᠭᠡᠶᠢᠰᠭᠡᠳᠡᠭ᠃ ᠳᠠᠷᠠᠭ᠎ᠠ ᠨᠢ ᠯᠠᠮᠠ ᠭᠡᠯᠤᠩ ᠠᠴᠠ ᠪᠦᠷᠢᠶ᠎ᠡ ᠪᠢᠰᠬᠢᠬᠦᠷ ᠳᠠᠳᠠᠵᠦ ᠨᠤᠮ ᠤᠩᠰᠢᠵᠦ ᠡᠬᠢᠯᠡᠬᠦ ᠳᠤ ᠳᠠᠬᠢᠯᠭ᠎ᠠ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠰᠦ᠂ ᠴᠠᠭᠠᠨ ᠢᠳᠡᠭᠡ᠂ ᠰᠠᠭᠠᠯᠢ ᠶᠢᠨ ᠠᠷᠢᠬᠢ᠂ ᠮᠢᠬ᠎ᠠ ᠵᠡᠷᠭᠡ ᠵᠦᠢᠯᠡᠰ ᠢᠶᠠᠨ ᠡᠷᠬᠦᠵᠦ ᠭᠠᠵᠠᠷ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠲᠤ ᠰᠠᠴᠤᠯᠢ ᠰᠠᠴᠤᠳᠠᠭ᠃ ᠤᠷᠢᠳ ᠨᠢ ᠳᠠᠬᠢᠵᠦ ᠪᠠᠶᠢᠭᠰᠠᠨ ᠤᠪᠤᠭ᠎ᠠ ᠪᠤᠯ ᠳᠠᠬᠢᠯᠭᠠᠨ ᠳᠤ ᠢᠷᠡᠭᠰᠡᠨ ᠬᠦᠮᠦᠰ ᠤᠪᠤᠭ᠎ᠠ ᠳᠠᠭᠡᠷ᠎ᠡ ᠪᠠᠨ ᠰᠢᠨ᠎ᠠ ᠬᠦᠭᠡ ᠮᠤᠳᠤ ᠪᠤᠰᠬᠠᠵᠦ ᠴᠢᠯᠠᠭᠤ ᠨᠡᠮᠡᠵᠦ ᠰᠢᠨᠡᠳᠭᠡᠬᠦ ᠶᠢᠨ ᠬᠠᠮᠳᠤ ᠬᠠᠳᠠᠭ ᠵᠠᠯᠮ᠎ᠠ ᠪᠤᠯᠤᠨ ᠳᠡᠷᠡ ᠵᠢᠯ ᠤᠨ ᠢᠮᠨᠡᠭᠰᠡᠨ ᠬᠤᠷᠠᠭ᠎ᠠ ᠢᠰᠢᠭᠡ ᠶᠢᠨ ᠢᠶᠠᠨ ᠢᠮ ᠢ ᠡᠯᠬᠦᠵᠦ ᠳᠠᠯᠪᠢᠳᠠᠭ᠃      ᠢᠯᠢ ᠶᠢᠨ ᠮᠤᠩᠭᠤᠯᠬᠦᠷᠢᠶ᠎ᠡ ᠰᠢᠶᠠᠨ ᠤ ᠦᠭᠡᠯᠡᠳ ᠤᠨ ᠶᠤᠰᠤᠨ ᠳᠤ ᠤᠪᠤᠭ᠎ᠠ ᠶᠢᠨ ᠳᠠᠬᠢᠯᠭ᠎ᠠ ᠶᠢ ᠳᠡᠷᠡ ᠨᠤᠳᠤᠭ ᠲᠤ ︽ᠳᠡᠭᠡᠷ᠎ᠡ ᠮᠦᠷᠬᠦᠬᠦ︾ ᠭᠡᠵᠦ ᠭᠡᠯᠡᠳᠡᠭ ᠪᠦᠭᠡᠳ ᠤᠪᠤᠭ᠎ᠠ ᠶᠢᠨ ᠬᠤᠶᠠᠷ ᠪᠡᠶ᠎ᠡ ᠳᠤ ᠤᠷᠳᠤ ᠱᠤᠤᠷᠠᠭ ᠪᠤᠰᠬᠠᠵᠦ᠂ ᠬᠤᠭᠤᠷᠤᠨᠳᠤ ᠨᠢ ᠵᠡᠯ᠎ᠡ ᠳᠠᠳᠠᠵᠦ ᠳᠡᠬᠦᠨ ᠠᠴᠠ ᠬᠠᠳᠠᠭ ᠪᠤᠶᠤ ᠳᠤᠰᠬᠠᠢ ᠳᠤᠯᠤᠭᠠᠨ ᠦᠡᠭᠭᠡ ᠶᠢᠨ ᠤᠳᠠᠰᠤ ᠪᠠᠷ ᠬᠢᠭᠰᠡᠨ ᠵᠠᠩᠭᠢᠶ᠎ᠠ ᠪᠠᠨ ᠪᠡᠯᠡᠳᠭᠡᠳᠡᠭ᠃ ᠢᠡᠭᠭᠢᠭᠡᠳ ᠢᠷᠡᠭᠰᠡᠨ ᠬᠦᠮᠦᠰ ᠨᠢ ᠯᠠᠮᠠ ᠨᠤᠮ ᠤᠩᠰᠢᠵᠦ ᠳᠠᠭᠤᠰᠬᠤ ᠶᠢᠨ ᠠᠯᠳᠠ ᠳᠤ ᠭᠡᠶᠢᠮᠤᠷᠢ ᠵᠡᠷᠭᠡ ᠵᠦᠢᠯ ᠢ ᠳᠡᠷᠡ ᠳᠠᠳᠠᠭᠰᠠᠨ ᠬᠦᠨᠳᠡᠯᠡᠨ ᠵᠠᠯ᠎ᠠ ᠳᠡᠭᠡᠰᠤᠨ ᠠᠴᠠ ᠤᠶᠤᠵᠦ ᠭᠡᠶᠢᠰᠭᠡᠳᠡᠭ᠃ ᠡᠷᠳᠡ ᠦᠶ᠎ᠡ ᠳᠤ ᠡ᠊ᠨᠡ ᠬᠦ ᠬᠤᠶᠠᠷ ᠱᠤᠤᠷᠠᠭ ᠤᠨ ᠦᠵᠦᠬᠦᠷ ᠲᠤ ᠬᠤᠶᠠᠷ ᠳᠠᠬᠢᠶ᠎ᠠ ᠡᠯᠬᠦᠵᠦ᠂ ᠤᠩᠭᠢ ᠳᠤ ᠨᠢ ᠬᠠᠷ᠎ᠠ ᠴᠠᠭᠠᠨ ᠬᠤᠶᠠᠷ ᠬᠤᠨᠢ ᠳᠤᠰ ᠳᠤᠰ ᠤᠶᠠᠳᠠᠭ ᠪᠠ ᠳᠠᠬᠢᠯᠭ᠎ᠠ ᠡᠬᠢᠯᠡᠬᠦ ᠦᠶ᠎ᠡ ᠳᠤ ᠳᠡᠬᠦᠨ ᠢ ᠵᠦᠯᠳᠡᠯᠡᠵᠦ ᠶᠤᠰᠤ ᠬᠢᠳᠡᠭ ᠪᠠᠶᠢᠵᠠᠢ᠃ ᠬᠤᠵᠢᠮ ᠨᠢ ᠳᠡᠷᠡ ᠶᠤᠰᠤ ᠬᠤᠪᠢᠷᠠᠵᠦ ᠳᠠᠬᠢᠶ᠎ᠠ ᠡᠯᠬᠦᠬᠦ ᠦᠭᠡᠢ ᠪᠤᠯᠵᠦ ᠬᠠᠷ᠎ᠠ ᠳᠤᠯᠤᠭᠠᠢ ᠲᠠᠢ ᠴᠠᠭᠠᠨ ᠬᠤᠨᠢ ᠵᠦᠯᠳᠡᠯᠡᠬᠦ ᠪᠤᠯᠤᠭᠰᠠᠨ ᠪᠠ ᠤᠳᠤ ᠬᠠᠷᠢᠨ ᠰᠢᠷ᠎ᠠ ᠳᠤᠯᠤᠭᠠᠢ ᠲᠠᠢ ᠴᠠᠭᠠᠨ ᠬᠤᠨᠢ ᠪᠤᠶᠤ ᠬᠠᠷ᠎ᠠ ᠬᠤᠨᠢ ᠶᠢ ᠦᠷᠦᠴᠡᠯᠡᠵᠦ ᠠᠯᠠᠭᠠᠳ ᠳᠠᠬᠢᠯ ᠡᠷᠬᠦᠬᠦ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ᠵᠠᠷᠢᠮ ᠨᠤᠳᠤᠭ ᠲᠤ ᠤᠪᠤᠭ᠎ᠠ ᠳᠠᠬᠢᠬᠤ ᠳᠠᠭᠠᠨ ᠵᠠᠠᠴᠠ᠂ ᠭᠡᠶᠢᠮᠤᠷᠢ ᠵᠡᠷᠭᠡ ᠵᠦᠢᠯᠡᠰ ᠢ ᠳᠤᠰᠬᠠᠢ ᠬᠢᠵᠦ ᠤᠶᠠᠵᠦ ᠬᠠᠳᠬᠤᠳᠠᠭ᠃ ᠵᠠᠠᠴᠠ ᠶᠢ ᠳᠠᠪᠤᠨ ᠦᠡᠭᠭᠡ ᠶᠢᠨ ᠳᠤᠷᠭ᠎ᠠ ᠪᠠᠷ ᠳᠤᠭᠤᠷᠢᠭ ᠭᠡᠯᠪᠡᠷᠢ ᠲᠠᠢ ᠪᠦᠷᠮᠡᠶᠢᠯᠡᠨ ᠤᠶᠤᠵᠦ᠂ ᠳᠡᠭᠡᠷ᠎ᠡ ᠨᠢ ᠰᠦᠯᠳᠡ ᠡᠷᠢᠶ᠎ᠡ ᠬᠠᠳᠬᠤᠵᠦ ᠬᠢᠳᠡᠭ ᠪᠦᠭᠡᠳ ᠤᠷᠢᠳ ᠢᠶᠠᠷ ᠨᠢᠭᠡ ᠭᠡᠰᠡᠭ ᠢᠰᠡᠭᠡᠢ ᠪᠠᠷ ᠤᠷᠤᠢ ᠶᠢ ᠨᠢ ᠬᠢᠵᠦ ᠬᠦᠭᠡ ᠳᠤᠷᠭ᠎ᠠ ᠪᠠᠷ ᠪᠦᠷᠢᠵᠦ᠂ ᠳᠡᠷᠡ ᠬᠦ ᠳᠤᠭᠤᠷᠢᠭ ᠤᠷᠤᠢ ᠠᠴᠠ ᠨᠢ ᠬᠦᠭᠡ᠂ ᠤᠯᠠᠭᠠᠨ᠂ ᠴᠠᠭᠠᠨ᠂ ᠰᠢᠷ᠎ᠠ᠂ ᠨᠤᠭᠤᠭᠠᠨ ᠵᠡᠷᠭᠡ ᠳᠠᠪᠤᠨ ᠦᠡᠭᠭᠡ ᠶᠢᠨ ᠳᠤᠷᠭ᠎ᠠ ᠪᠠᠷ ᠬᠦᠰᠢᠭᠡ ᠬᠢᠳᠡᠭ᠃ ᠡᠬᠦᠨ ᠳᠤ ᠳᠡᠳᠡᠭᠡᠷ ᠳᠤᠷᠭ᠎ᠠ ᠶᠢᠨ ᠳᠡᠰ ᠳᠠᠷᠠᠭ᠎ᠠ ᠶᠢ ᠰᠤᠯᠢᠵᠦ ᠤᠭᠳᠤ ᠪᠤᠯᠳᠠᠭ ᠦᠭᠡᠢ᠃ ᠤᠴᠢᠷ ᠨᠢ ᠬᠠᠮᠤᠭ ᠤᠨ ᠳᠡᠭᠡᠳᠤ ᠳᠠᠯ᠎ᠠ ᠳᠤᠨᠢ ᠤᠷᠤᠬᠤ ᠬᠦᠭᠡ ᠳᠤᠷᠭ᠎ᠠ ᠨᠢ ᠳᠡᠭᠷᠢ ᠶᠢᠨ ᠦᠡᠭᠭᠡ ᠶᠢ ᠲᠦᠯᠦᠭᠡᠯᠡᠵᠦ᠂ ᠳᠠᠷᠠᠭᠠᠬᠢ ᠤᠯᠠᠭᠠᠨ ᠦᠡᠭᠭᠡ ᠶᠢᠨ ᠳᠤᠷᠭ᠎ᠠ ᠨᠢ ᠤᠯᠠᠭᠠᠨ ᠳᠤᠭᠤᠰᠤᠳᠤ ᠶᠢᠷᠳᠢᠨᠴᠤ ᠶᠢ ᠲᠦᠯᠦᠭᠡᠯᠡᠵᠦ᠂ ᠭᠤᠷᠪᠠᠳᠠᠬᠢ ᠴᠠᠭᠠᠨ ᠦᠡᠭᠭᠡ ᠶᠢᠨ ᠳᠤᠷᠭ᠎ᠠ ᠨᠢ ᠰᠠᠶᠢᠨ ᠰᠠᠶᠢᠬᠠᠨ ᠤ ᠪᠡᠯᠭᠡ ᠳᠡᠮᠳᠡᠭ ᠪᠤᠯᠤᠨ᠎ᠠ ᠭᠡᠳᠡᠭ ᠪᠡ ᠳᠡᠬᠦᠨ ᠤ ᠳᠠᠷᠠᠭ᠎ᠠ ᠤᠷᠤᠬᠤ ᠰᠢᠷ᠎ᠠ ᠦᠡᠭᠭᠡ ᠶᠢᠨ ᠳᠤᠷᠭ᠎ᠠ ᠨᠢ ᠱᠠᠰᠢᠨ ᠰᠢᠳᠦᠯᠭᠡ ᠶᠢ ᠲᠦᠯᠦᠭᠡᠯᠡᠵᠦ ᠪᠠᠶᠢᠳᠠᠭ ᠭᠡᠳᠡᠭ᠃ ᠡᠬᠦᠨ ᠤ ᠳᠤᠬᠠᠢ ᠵᠠᠷᠢᠮ ᠬᠦᠮᠤᠨ ᠤ ᠪᠢᠴᠢᠭᠰᠡᠨ ᠢᠶᠠᠷ ︽ᠤᠪᠤᠭ᠎ᠠ ᠶᠢᠨ ᠳᠤᠮᠳᠠ ᠦᠨᠳᠤᠷ ᠪᠦᠳᠦᠬᠦᠨ ᠰᠢᠭ ᠮᠤᠳᠤᠨ ︿ᠵᠠᠠᠴᠠ﹀ ᠪᠤᠰᠬᠠᠵᠦ᠂ ᠤᠷᠤᠢ ᠳᠤᠨᠢ ᠬᠦᠭᠡ᠂ ᠴᠠᠭᠠᠨ᠂ ᠤᠯᠠᠭᠠᠨ᠂ ᠰᠢᠷ᠎ᠠ᠂ ᠨᠤᠭᠤᠭᠠᠨ ᠳᠠᠪᠤᠨ ᠦᠡᠭᠭᠡ ᠶᠢᠨ ᠳᠤᠷᠭ᠎ᠠ ᠪᠠᠷ ᠤᠶᠤᠭᠰᠠᠨ ᠳᠤᠭᠳᠤᠢ ᠡᠮᠦᠰᠭᠡᠵᠦ᠂ ︿ᠭᠡᠶᠢᠮᠤᠷᠢ﹀ ᠶᠢᠨ ᠳᠠᠷᠴᠤᠭ ᠡᠯᠬᠦᠳᠡᠭ᠃ ︿ᠵᠠᠠᠴᠠ﹀ ᠶᠢᠨ ᠤᠷᠤᠢ ᠳᠠᠬᠢ ᠳᠤᠭᠳᠤᠢ ᠶᠢᠨ ᠨᠤᠭᠤᠭᠠᠨ ᠦᠡᠭᠭᠡ ᠶᠢ ᠬᠠᠮᠤᠭ ᠤᠨ ᠳᠤᠤᠷ᠎ᠠ ᠨᠢ ᠤᠶᠠᠳᠠᠭ ᠪᠦᠭᠡᠳ ᠡ᠊ᠨᠡ ᠨᠢ ᠨᠤᠭᠤᠭᠠᠨ ᠳᠠᠯ᠎ᠠ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠢ ᠬᠠᠷᠠᠭᠤᠯᠵᠦ᠂ ᠰᠢᠷ᠎ᠠ ᠦᠡᠭᠭᠡ ᠨᠢ ᠬᠦᠷᠦᠰᠦᠳᠤ ᠰᠢᠷ᠎ᠠ ᠭᠠᠵᠠᠷ ᠢ᠂ ᠤᠯᠠᠭᠠᠨ ᠦᠡᠭᠭᠡ ᠨᠢ ᠮᠠᠠᠳᠤᠯᠡᠨ ᠭᠠᠷᠤᠭᠰᠠᠨ ᠤᠯᠠᠭᠠᠨ ᠨᠠᠷᠠᠨ ᠢ᠂ ᠴᠠᠭᠠᠨ ᠦᠡᠭᠭᠡ ᠨᠢ ᠬᠠᠮᠤᠭ ᠢ ᠠᠮᠢᠯᠠᠭᠤᠯᠤᠭᠴᠢ ᠬᠤᠷ᠎ᠠ ᠤᠰᠤᠨ ᠤ ᠡᠬᠢ ᠡᠬᠦᠯᠡ ᠶᠢ᠂ ᠬᠠᠮᠤᠭ ᠤᠨ ᠳᠡᠭᠡᠷᠡᠬᠢ ᠬᠦᠭᠡ ᠦᠡᠭᠭᠡ ᠪᠠᠷ ᠴᠡᠯᠮᠡᠭ ᠦᠷᠭᠡᠨ ᠬᠦᠭᠡ ᠳᠡᠭᠷᠢ ᠶᠢ ᠲᠦᠯᠦᠭᠡᠯᠡᠬᠦᠯᠦᠨ᠂ ᠳᠡᠬᠢᠨ ᠰᠢᠳᠦᠵᠦ ᠪᠠᠶᠢᠭ᠎ᠠ ᠶᠤᠰᠤ ᠶᠤᠮ︾ ᠭᠡᠰᠡᠨ ᠪᠠᠶᠢᠳᠠᠭ᠃       ᠤᠪᠤᠭ᠎ᠠ ᠳᠤ ᠳᠡᠯᠡᠰᠭᠡᠬᠦ ᠭᠡᠶᠢᠮᠤᠷᠢ ᠨᠢ ᠰᠢᠷ᠎ᠠ᠂ ᠬᠦᠭᠡ᠂ ᠴᠠᠭᠠᠨ᠂ ᠨᠤᠭᠤᠭᠠᠨ ᠵᠡᠷᠭᠡ ᠲᠦᠷᠪᠡᠨ ᠦᠡᠭᠭᠡ ᠲᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠭᠡᠨ ᠬᠦᠮᠦᠨ ᠶᠠᠮᠠᠷ ᠦᠡᠭᠭᠡ ᠲᠠᠢ ᠭᠡᠶᠢᠮᠤᠷᠢ ᠭᠡᠶᠢᠰᠭᠡᠬᠦ ᠭᠡᠷᠡᠭᠳᠡᠢ ᠭᠡᠳᠡᠭ ᠢ ᠯᠠᠮᠠ ᠵᠢᠷᠤᠬᠠᠢᠢᠴᠢ ᠠᠴᠠ ᠭᠡᠨ ᠬᠦᠮᠦᠨ ᠤ ᠮᠠᠬᠠᠪᠤᠳ᠂ ᠵᠢᠯ᠂ ᠨᠠᠰᠤ᠂ ᠰᠠᠭᠤᠷᠢ ᠰᠠᠭᠤᠳᠠᠯ ᠢ ᠨᠢ ᠦᠵᠡᠵᠦ ᠪᠠᠶᠢᠭᠠᠳ ᠳᠤᠭᠳᠠᠭᠠᠳᠠᠭ ᠰᠢᠳᠦᠯᠭᠡ ᠪᠢᠰᠢᠷᠡᠯ ᠤᠨ ᠵᠠᠩᠰᠢᠯ ᠲᠠᠢ ᠶᠤᠮ᠃ ᠮᠦᠨ ᠵᠠᠷᠢᠮ ᠨᠤᠳᠤᠭ ᠲᠤ ᠤᠪᠤᠭ᠎ᠠ ᠳᠠᠬᠢᠬᠤ ᠦᠶ᠎ᠡ ᠳᠤ ︽ᠭᠠᠵᠠᠷ ᠠᠷᠢᠭᠤᠳᠬᠠᠬᠤ︾᠂ ︽ᠤᠪᠤᠭ᠎ᠠ ᠰᠡᠷᠬᠦᠭᠡᠬᠦ︾᠂ ︽ᠳᠠᠬᠢᠯ ᠡᠷᠬᠦᠬᠦ︾᠂ ︽ᠰᠠᠴᠤᠯᠢ ᠡᠷᠬᠦᠬᠦ︾᠂ ︽ᠴᠤᠩᠬᠢᠷ ᠡᠷᠬᠦᠬᠦ︾᠂ ︽ᠶᠠᠠᠵᠢᠪ ᠳᠠᠶᠠᠯᠠᠬᠤ︾ ᠮᠡᠳᠤ ᠳᠠᠰ ᠳᠠᠷᠠᠭ᠎ᠠ ᠲᠠᠢ ᠤᠢᠢᠯᠡ ᠠᠵᠢᠯᠯᠠᠭ᠎ᠠ ᠶᠠᠪᠤᠭᠤᠯᠳᠠᠭ ᠪᠦᠭᠡᠳ ᠳᠡᠷᠡ ᠳᠠᠰ ᠳᠠᠷᠠᠭᠠᠨ ᠳᠤᠨᠢ ᠤᠩᠰᠢᠭᠳᠠᠬᠤ ᠨᠤᠮ ᠰᠤᠳᠤᠷ ᠲᠠᠢ᠃ ᠳᠡᠭᠡᠬᠦ ᠳᠡᠭᠡᠨ ᠤᠪᠤᠭ᠎ᠠ ᠪᠠᠨ ᠡᠷᠬᠢᠵᠦ ᠮᠦᠷᠬᠦᠯ ᠬᠢᠬᠦ ᠦᠶ᠎ᠡ ᠳᠤ ︽ᠬᠠᠨ ᠳᠡᠭᠷᠢ ᠶᠢᠨ ᠤᠷᠤᠢ︾ ᠭᠡᠮᠡᠬᠦ ᠤᠷᠳᠤ ᠶᠢᠨ ᠳᠠᠭᠤᠤ ᠶᠢ ᠳᠠᠭᠤᠯᠠᠵᠦ ᠡᠷᠬᠢᠳᠡᠭ ᠪᠦᠭᠡᠳ ᠭᠤᠷᠪᠠ ᠭᠤᠷᠪᠠ ᠶᠢᠰᠦᠨ ᠮᠦᠷᠬᠦᠯ ᠬᠢᠳᠡᠭ ᠵᠠᠩᠰᠢᠯ ᠲᠠᠢ ᠶᠤᠮ᠃ ᠭᠡᠶᠢᠮᠤᠷᠢ ᠳᠠᠬᠢᠵᠦ ᠪᠠᠶᠢᠭ᠎ᠠ ᠳᠠᠬᠢᠯᠭ᠎ᠠ ᠨᠢ ᠭᠡᠤᠭᠡᠨ ᠰᠡᠪᠳᠠᠭ ᠲᠠᠢ ᠭᠠᠵᠠᠷ ᠤᠰᠤᠨ ᠤ ᠳᠠᠬᠢᠯᠭᠠᠨ ᠪᠤᠯᠬᠤ ᠪᠤᠯᠪᠠᠯ ᠳᠡᠡᠳᠡ ᠪᠠᠰᠠ ︽ᠡᠪᠴᠢᠬᠦᠦ ᠵᠠᠯᠠᠬᠤ︾ ᠪᠠ ︽ᠡᠪᠴᠢᠬᠦᠦ ᠴᠢᠨᠳᠠᠷᠯᠡᠬᠦ︾ ᠶᠤᠰᠤᠯᠠᠯ ᠢ ᠨᠡᠮᠡᠨ ᠤᠢᠢᠯᠡᠳᠳᠡᠭ᠃      ᠦᠡᠭᠭᠡᠷᠡᠭᠰᠡᠨ ᠳᠤ ᠳᠡᠭᠷᠢ ᠳᠠᠬᠢᠬᠤ ᠤᠪᠤᠭ᠎ᠠ ᠶᠢ ᠠᠷᠪᠠᠨ ᠭᠤᠷᠪᠠ ᠪᠠᠷ ᠪᠤᠰᠬᠠᠳᠠᠭ ᠪᠠᠶᠢᠭᠰᠠᠨ ᠪᠠ ᠨᠢᠭᠡ ᠭᠤᠤᠯ ᠤᠪᠤᠭ᠎ᠠ ᠶᠢ ᠳᠤᠭᠤᠷᠢᠭᠤᠯᠬᠤ ᠪᠤᠶᠤ ᠲᠦᠷᠪᠡᠨ ᠵᠦᠭ ᠲᠤ ᠴᠢᠭᠯᠡᠬᠦᠯᠵᠦ ᠪᠠᠶᠢᠷᠢᠰᠢᠭᠤᠯᠳᠠᠭ᠃ ᠭᠤᠤᠯ ᠤᠪᠤᠭ᠎ᠠ ᠶᠢᠨ ᠬᠤᠶᠠᠷ ᠳᠠᠯ᠎ᠠ ᠳᠤ ᠵᠢᠷᠭᠤᠭ᠎ᠠ ᠵᠢᠷᠭᠤᠭ᠎ᠠ ᠪᠠᠷ ᠵᠡᠷᠭᠡᠴᠡᠭᠡ ᠮᠦᠷ ᠢᠶᠠᠷ ᠴᠤᠪᠤᠷᠠᠭᠤᠯᠵᠦ ᠪᠤᠰᠬᠠᠳᠠᠭ᠃ ᠡᠶᠢᠮᠦ ᠤᠪᠤᠭ᠎ᠠ ᠤᠢᠢᠷᠠᠳ ᠨᠤᠳᠤᠭ ᠤᠨ ᠭᠠᠵᠠᠷ ᠪᠦᠷᠢ ᠳᠤ ᠪᠦᠷ ᠪᠠᠶᠢᠳᠠᠭ ᠪᠦᠭᠡᠳ ᠠᠯᠳᠠᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠰᠠᠩ᠂ ᠪᠠᠶ᠋ᠬᠠᠦ᠋ᠡᠳᠤᠷ ᠤᠨ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭ᠎ᠠ᠂ ᠲᠦᠷᠪᠡᠯᠵᠢᠨ ᠤ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭ᠎ᠠ᠂ ᠬᠦᠡᠭᠬᠦᠰ ᠤᠨ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭ᠎ᠠ᠂ ᠠᠳᠠᠭ᠎ᠠ ᠶᠢᠨ ᠠᠭᠤᠯᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭ᠎ᠠ ᠵᠡᠷᠭᠡ ᠪᠦᠷ ᠡᠶᠢᠮᠦ ᠪᠠᠶᠢᠳᠠᠭ᠃ ᠢᠩᠬᠢᠵᠦ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭ᠎ᠠ ᠳᠤᠭ᠎ᠠ ᠪᠠᠷ ᠳᠤᠭᠳᠠᠭᠠᠵᠦ ᠪᠠᠶᠢᠭ᠎ᠠ ᠶᠠᠪᠤᠳᠠᠯ ᠪᠤᠯᠪᠠᠯ ᠠᠷᠭ᠎ᠠ ᠪᠢᠯᠢᠭ ᠤᠨ ᠤᠢᠢᠯᠠᠭᠠᠯᠳᠠ ᠪᠤᠶᠤ ᠳᠠᠩ ᠳᠤᠭ᠎ᠠ ᠨᠢ ᠳᠡᠭᠷᠢ ᠶᠢᠨ ᠳᠤᠭ᠎ᠠ ᠪᠠᠶᠢᠵᠦ᠂ ᠬᠤᠤᠰ ᠳᠤᠭ᠎ᠠ ᠨᠢ ᠭᠠᠵᠠᠷ ᠤᠨ ᠳᠤᠭ᠎ᠠ ᠭᠡᠵᠦ ᠮᠡᠳᠡᠷᠡᠳᠡᠭ ᠵᠢᠷᠤᠬᠠᠢ ᠶᠢᠨ ᠤᠬᠠᠭᠠᠨ ᠤ ᠦᠨᠳᠦᠰᠦᠯᠡᠯ ᠲᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠡᠬᠦᠨ ᠤ ᠤᠯᠠᠮ ᠢᠶᠠᠷ ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤᠨ ᠳᠤ ᠨᠢᠭᠡ ᠤᠢ ᠬᠦᠢᠴᠡᠬᠦ᠂ ᠳᠤᠤᠯᠢ ᠳᠤ ᠠᠷᠪᠠᠨ ᠭᠤᠷᠪᠠᠨ ᠪᠠᠭᠠᠳᠤᠷ ᠢ ᠪᠦᠳᠦᠭᠡᠬᠦ᠂ ᠠᠭᠳᠠ ᠮᠤᠷᠢᠨ ᠤ ᠲᠦᠷᠢ ᠪᠠᠷ ︽ᠠᠷᠪᠠᠨ ᠭᠤᠷᠪᠠᠨ ᠠᠭᠳᠠ ᠶᠢᠨ ᠳᠠᠭᠤᠤ︾ ᠵᠤᠬᠢᠴᠠᠬᠤ ᠮᠡᠳᠤ ᠰᠤᠶᠤᠯ ᠤᠨ ᠦᠵᠡᠭᠳᠡᠯ ᠪᠤᠢ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠡᠶᠢᠮᠦ ᠠᠴᠠ ︽ᠮᠤᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠤᠰ ᠤᠵᠤᠭᠤᠷ ᠠᠴᠠ ᠠᠷᠪᠠᠨ ᠭᠤᠷᠪᠠᠨ ᠭᠡᠰᠡᠨ ᠳᠤᠭ᠎ᠠ ᠶᠢ ᠰᠠᠶᠢᠨ ᠪᠡᠯᠭᠡᠳᠡᠯ ᠤᠨ ᠳᠤᠭ᠎ᠠ ᠪᠠᠷ ᠭᠡᠷᠡᠭᠯᠡᠭᠰᠡᠭᠡᠷ ᠢᠷᠡᠵᠠᠢ᠃ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭ᠎ᠠ ᠪᠤᠰᠬᠠᠳᠠᠭ ᠨᠢ ᠪᠦᠭᠡ ᠮᠦᠷᠭᠦᠯ ᠤᠨ ᠤᠨ ᠨᠤᠮᠯᠠᠯ ᠢᠶᠠᠷ ︿ᠠᠷᠪᠠᠨ ᠭᠤᠷᠪᠠᠨ ᠠᠳᠠᠭ᠎ᠠ ᠳᠡᠭᠷᠢ ᠳᠡᠭᠡᠨ ᠳᠠᠬᠢᠯᠭ᠎ᠠ ᠶᠢᠨ ᠮᠠᠠᠳᠠᠯ ᠪᠤᠰᠬᠠᠵᠠᠢ︾ ᠭᠡᠬᠦ ᠪᠤᠶᠤ ᠪᠠᠰᠠ ︿ᠠᠯᠳᠠᠢ ᠭᠡᠨᠳᠡᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠤᠩᠭᠤᠳ ᠲᠤ ᠤᠪᠤᠭ᠎ᠠ ᠪᠤᠰᠬᠠᠭᠰᠠᠨ﹀᠂ ︿ᠳᠡᠮᠤᠵᠢᠨ ᠤ ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤᠨ ᠠᠴᠠ ᠭᠡᠶᠢᠮᠤᠷᠢ ᠰᠡᠷᠭᠦᠭᠰᠡᠨ﹀ ᠂ ︿ᠴᠢᠩᠭᠢᠰ ᠬᠠᠭᠠᠨ ᠤ ᠴᠡᠷᠢᠭ ᠤᠨ ᠠᠷᠪᠠᠨ ᠭᠤᠷᠪᠠᠨ ᠬᠦᠷᠢᠶ᠎ᠠ ᠶᠢ ᠳᠤᠷᠠᠰᠬᠠᠭᠰᠠᠨ﹀ ᠭᠡᠬᠦ ᠵᠡᠷᠭᠡ ᠪᠠᠷ ᠳᠡᠢᠯᠪᠤᠷᠢᠯᠠᠳᠠᠭ ᠪᠠᠶᠢᠨ᠎ᠠ︾ ᠭᠡᠳᠡᠭ ᠭᠡᠵᠤ ᠨᠠᠮᠵᠢᠯ ᠶᠠᠷᠢᠨ᠎ᠡ᠃        ᠤᠪᠤᠭ᠎ᠠ ᠳᠠᠬᠢᠬᠤ ᠵᠠᠩ ᠤᠢᠢᠯᠡ ᠳᠤ ᠳᠠᠬᠢᠯᠭᠠᠨ ᠤ ᠨᠠᠶᠢᠷ ᠬᠢᠳᠡᠭ ᠤᠳᠤᠮᠰᠢᠯ ᠪᠠᠶᠢᠳᠠᠭ ᠪᠦᠭᠡᠳ ᠡᠬᠦᠨ ᠳᠤ ᠵᠠᠯᠠᠭᠳᠠᠵᠦ ᠢᠷᠡᠭᠰᠡᠨ ᠡᠯ᠎ᠡ ᠬᠤᠰᠢᠭᠤᠨ ᠤ ᠲᠦᠯᠦᠭᠡᠯᠡᠭᠴᠢᠳ ᠪᠠᠷᠢᠯᠳᠤᠬᠤ ᠪᠦᠭᠡ᠂ ᠤᠷᠤᠯᠳᠤᠬᠤ ᠮᠤᠷᠢ ᠂ ᠮᠡᠷᠭᠡᠨ ᠬᠠᠷᠪᠤᠭᠠᠴᠢ ᠨᠠᠷ ᠢᠶᠠᠨ ᠳᠠᠭᠠᠭᠤᠯᠤᠨ ᠢᠷᠡᠳᠡᠭ ᠪᠠ ᠳᠠᠬᠢᠯᠭ᠎ᠠ ᠳᠤ ᠵᠤᠷᠢᠭᠤᠯᠤᠨ ᠰᠢᠷ᠎ᠠ ᠳᠤᠯᠤᠭᠠᠢ ᠲᠠᠢ ᠬᠤᠨᠢᠨ ᠤ ᠪᠦᠬᠦᠯᠢ ᠰᠢᠬᠦᠰᠦ᠂ ᠠᠷᠢᠬᠢ ᠴᠡᠭᠡ ᠪᠠᠨ ᠴᠤ ᠬᠠᠮᠳᠤ ᠠᠪᠴᠤ ᠢᠷᠡᠭᠡᠳ ᠳᠠᠬᠢᠯᠭ᠎ᠠ ᠳᠤ ᠡᠷᠬᠦᠳᠡᠭ᠃ ᠢᠡᠭᠬᠢᠭᠡᠳ ᠬᠠᠮᠤᠭ ᠳᠡᠷᠢᠬᠦᠨ ᠳᠤ ᠨᠤᠮ ᠤᠩᠰᠢᠬᠤ ᠪᠤᠶᠤ ᠰᠠᠴᠤᠯᠢ ᠶᠢᠨ ᠪᠢᠴᠢᠭ ᠤᠩᠰᠢᠵᠦ ᠭᠠᠵᠠᠷ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠲᠤ ᠡᠷᠬᠦᠳᠡᠭ ᠪᠠ ᠳᠡᠬᠦᠨ ᠤ ᠳᠠᠷᠠᠭ᠎ᠠ ᠪᠠᠷ ᠡᠯ᠎ᠠ ᠰᠤᠮᠤᠨ ᠤ ᠨᠤᠷᠭᠤᠨ ᠤ ᠬᠦᠮᠦᠰ ᠠᠪᠴᠤ ᠢᠷᠡᠭᠰᠡᠨ ᠮᠢᠬ᠎ᠠ᠂ ᠴᠠᠭᠠᠨ ᠢᠳᠡᠭᠡ᠂ ᠠᠷᠢᠬᠢ ᠴᠡᠭᠡ ᠶᠢ ᠡᠷᠬᠢᠭᠦᠯᠦᠨ ᠲᠦᠭᠡᠭᠡᠵᠦ ᠠᠮᠰᠠᠭᠤᠯᠳᠠᠭ᠃ ᠳᠡᠭᠡᠬᠦ ᠳᠡᠭᠡᠨ ᠤᠪᠤᠭ᠎ᠠ ᠶᠢᠨ ᠳᠠᠬᠢᠯᠭ᠎ᠠ ᠳᠤ ᠵᠤᠷᠢᠭᠤᠯᠵᠦ ᠭᠠᠷᠭᠠᠭᠰᠠᠨ ᠮᠠᠯ ᠤᠨ ᠮᠢᠬ᠎ᠠ ᠪᠤᠶᠤ ᠳᠡᠭᠷᠢ᠂ ᠭᠠᠵᠠᠷ᠂ ᠯᠤᠤᠰ ᠤᠨ ᠡᠵᠡᠳ ᠲᠤ ᠡᠷᠬᠦᠭᠰᠡᠨ ᠳᠡᠭᠡᠵᠢ ᠶᠢᠨ ᠮᠢᠬ᠎ᠠ ᠶᠢ ︽ᠴᠤᠩᠬᠢᠷ︾ ᠭᠡᠳᠡᠭ ᠨᠢ ᠲᠦᠪᠡᠳ ᠭᠠᠷᠤᠯ ᠲᠠᠢ ᠦᠭᠡ ᠪᠠᠶᠢᠵᠦ ︽ᠴᠢᠭᠤᠯᠭᠠᠨ ᠤ ᠳᠠᠬᠢᠯᠭ᠎ᠠ ᠶᠢᠨ ᠬᠦᠷᠳᠤ᠂ ᠴᠢᠭᠤᠯᠭᠠᠨ ᠤ ᠬᠤᠷᠢᠮ᠂ ᠳᠡᠭᠷᠢ᠂ ᠭᠠᠵᠠᠷ᠂ ᠯᠤᠤᠰ ᠤᠨ ᠡᠵᠡᠳ ᠲᠤ ᠵᠤᠷᠢᠭᠤᠯᠤᠭᠰᠠᠨ ᠢᠳᠡᠭᠡ ᠳᠠᠬᠢᠯ ︾ ᠢ ᠵᠢᠭᠠᠳᠠᠭ᠃ ᠤᠪᠤᠭ᠎ᠠ ᠶᠢᠨ ᠳᠠᠬᠢᠯᠭ᠎ᠠ ᠳᠤ ᠶᠠᠮᠠᠷ ᠨᠢᠭᠡᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠦ ᠢᠷᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠬᠦᠮᠦᠨ ᠪᠠᠶᠢᠪᠠᠯ ᠢᠷᠡᠵᠦ ᠤᠷᠤᠯᠴᠠᠭᠰᠠᠨ ᠭᠡᠷ ᠤᠨ ᠬᠦᠮᠦᠰ ᠳᠠᠬᠢᠯᠭ᠎ᠠ ᠶᠢᠨ ᠢᠳᠡᠭᠡᠨ ᠠᠴᠠ ᠪᠠᠭ᠎ᠠ ᠠᠪᠴᠤ ᠬᠠᠷᠢᠭᠠᠳ ᠠᠮᠰᠠᠭᠤᠯᠳᠠᠭ᠃ ᠡᠬᠦᠨ ᠤ ᠳᠠᠷᠠᠭ᠎ᠠ ᠪᠠᠷ ᠠᠬ᠎ᠠ ᠵᠠᠬ᠎ᠠ ᠬᠦᠮᠦᠰ ᠲᠤ ᠠᠷᠢᠬᠢ ᠴᠡᠭᠡ ᠪᠠᠷ ᠰᠦ ᠡᠷᠬᠦᠬᠦ ᠶᠤᠰᠤᠯᠠᠯ ᠶᠠᠪᠤᠭᠤᠯᠵᠦ ᠡᠬᠢᠯᠡᠳᠡᠭ ᠪᠦᠭᠡᠳ ᠵᠠᠯᠭᠠᠯᠳᠤᠭᠤᠯᠤᠨ ᠨᠤᠮᠤ ᠰᠤᠮᠤ ᠬᠠᠷᠪᠤᠬᠤ᠂ ᠪᠦᠭᠡ ᠪᠠᠷᠢᠯᠳᠤᠬᠤ ᠮᠦᠷᠦ᠋ᠢᠴᠡᠭᠡᠨ ᠶᠠᠪᠤᠭᠳᠠᠳᠠᠭ ᠪᠠ ᠬᠠᠮᠤᠭ ᠰᠡᠬᠦᠯ ᠳᠤᠨᠢ ᠮᠤᠷᠢ ᠤᠷᠤᠯᠳᠤᠬᠤ ᠮᠦᠷᠦ᠋ᠢᠴᠡᠭᠡᠨ ᠶᠠᠪᠤᠭᠳᠠᠳᠠᠭ᠃       ᠨᠠᠮᠵᠢᠯ ᠭᠤᠸᠠᠢ ᠶᠢᠨ ᠦᠷᠬᠦᠯᠵᠢᠯᠠᠨ ᠶᠠᠷᠢᠬᠰᠠᠨ ᠢ ᠳᠡᠮᠳᠡᠭᠯᠡᠪᠡᠰᠦ᠄ ᠦᠡᠭᠭᠡᠷᠡᠭᠰᠡᠨ ᠳᠤ ᠠᠶᠢᠮᠠᠭ ᠤᠨ ᠤᠪᠤᠭ᠎ᠠ ᠪᠤᠶᠤ ᠳᠡᠬᠦᠨ ᠠᠴᠠ ᠳᠡᠭᠡᠭᠰᠢᠬᠢ ᠲᠦᠷᠦ ᠶᠢᠨ ᠤᠪᠤᠭ᠎ᠠ ᠳᠠᠬᠢᠬᠤ ᠳᠤ ᠬᠤᠰᠠᠷᠠᠩ ᠭᠡᠬᠦᠦ ᠪᠤᠶᠤ ᠰᠤᠪᠠᠢ ᠭᠡᠬᠦᠦ ᠠᠯᠠᠵᠦ ᠳᠠᠬᠢᠳᠠᠭ ᠪᠠᠶᠢᠭᠰᠠᠨ ᠤᠯᠠᠮᠵᠢᠯᠠᠯ ᠤᠳᠤ ᠬᠠᠶᠠ ᠵᠠᠷᠢᠮ ᠨᠤᠳᠤᠭ ᠲᠤ ᠦᠯᠡᠳᠡᠭᠰᠡᠨ ᠪᠠᠶᠢᠳᠠᠭ᠃ ᠤᠳᠤ ᠪᠤᠯᠪᠠᠯ ᠤᠯᠠᠩᠭᠢ ᠳᠠᠭᠠᠨ ᠰᠢᠷ᠎ᠠ ᠳᠤᠯᠤᠭᠠᠢ ᠲᠠᠢ ᠬᠤᠨᠢ ᠶᠢ ᠦᠷᠦᠴᠡᠯᠡᠵᠦ ᠠᠯᠠᠭᠠᠳ ᠳᠡᠬᠦᠨ ᠤ ᠤᠭᠤᠴᠠ ᠳᠤᠯᠤᠭᠠᠢ ᠶᠢ ᠳᠡᠭᠡᠵᠢ ᠪᠤᠯᠭᠠᠨ ᠤᠪᠤᠭᠠᠨ ᠳᠤ ᠡᠷᠬᠦᠳᠡᠭ ᠪᠤᠯᠤᠭᠰᠠᠨ ᠶᠤᠮ᠃ ᠭᠡᠬᠦ ᠳᠡᠭᠡᠨ ︽ᠴᠠᠭ᠎ᠠ ᠪᠠᠷ ᠳᠠᠬᠢᠬᠤ︾ ᠤᠯᠠᠮᠵᠢᠯᠠᠯ ᠤᠳᠤ ᠬᠦᠷᠳᠡᠯ᠎ᠠ ᠮᠦᠨ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ᠃       ᠳᠠᠬᠢᠯᠭᠠᠨ ᠤ ᠶᠤᠰᠤᠯᠠᠯ ᠳᠡᠬᠦᠰᠬᠦ ᠳᠤ ᠬᠤᠰᠢᠭᠤᠨ ᠰᠤᠮᠤᠨ ᠤ ᠳᠠᠯ᠎ᠠ ᠠᠴᠠ ᠮᠦᠷᠦ᠋ᠢᠴᠡᠭᠡᠨ ᠤ ᠳ᠋ᠦᠩ ᠳᠤ ᠦᠵᠤᠭᠦᠷᠯᠡᠭᠰᠡᠨ ᠪᠦᠭᠡᠴᠢᠨ᠂ ᠰᠭᠠᠠᠳᠠᠭᠴᠢᠨ ᠪᠤᠯᠤᠨ ᠤᠷᠤᠯᠳᠤᠭᠠᠨ ᠮᠤᠷᠢᠨ ᠤ ᠡᠵᠡᠨ ᠳᠤ ᠱᠠᠩ ᠤᠯᠭᠤᠳᠠᠭ᠃ ᠳᠡᠭᠡᠬᠦ ᠳᠡᠭᠡᠨ ᠮᠠᠩᠯᠠᠢ ᠪᠦᠭᠡ ᠳᠤ ᠮᠠᠩᠨᠠᠢ ᠳᠤᠨᠢ ᠰᠢᠷ᠎ᠠ ᠳᠤᠰᠤ ᠲᠦᠷᠬᠢᠵᠦ᠂ ᠰᠠᠭᠠᠳᠠᠭᠴᠢ ᠶᠢᠨ ᠰᠠᠭᠠᠳᠠᠭ ᠲᠤ ᠮᠦᠨ ᠰᠢᠷ᠎ᠠ ᠳᠤᠰᠤ ᠲᠦᠷᠬᠢᠳᠡᠭ ᠪᠠ ᠲᠡᠷᠢᠭᠦᠯᠡᠭᠰᠡᠨ ᠠᠭᠳᠠ ᠳᠤ ᠬᠠᠵᠠᠭᠠᠷ ᠨᠤᠭᠳᠤ ᠠᠴᠠ ᠨᠢ ᠬᠠᠳᠠᠭ ᠠᠯᠴᠢᠭᠤᠷ ᠤᠶᠠᠵᠦ ᠳᠤᠰ ᠳᠤᠰ ᠤᠯᠬᠤ ᠵᠦᠢᠳᠡᠢ ᠪᠤᠳᠠᠰ ᠤᠨ ᠱᠠᠩ ᠤᠯᠭᠤᠳᠠᠭ᠃ ᠢᠡᠭᠭᠢᠭᠡᠳ ᠳᠠᠭᠤᠤ ᠳᠠᠭᠤᠯᠠᠵᠦ ᠨᠠᠶᠢᠷ ᠤᠨ ᠪᠦᠬᠦ ᠶᠤᠰᠤᠯᠠᠯ ᠦᠨᠳᠦᠷᠯᠡᠵᠦ ᠤᠪᠤᠭᠠᠨ ᠠᠴᠠ ᠠᠶᠠᠷᠯᠠᠨ ᠬᠠᠷᠢᠵᠠᠭᠠᠳᠠᠭ ᠪᠠᠶᠢᠨ᠎ᠠ᠃ᠢᠷᠡᠯᠳᠠ᠄ ᠲᠤᠮᠳᠠᠳᠦ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶ᠎ᠠᠲᠡᠪᠰᠢᠭᠦᠯᠦᠭᠰᠡᠨ ᠨᠢ᠄ ᠤᠶᠠᠬᠠᠨ
  
ᠢᠷᠡᠯᠲᠡ᠄ ᠲᠤᠮᠳᠠᠳᠦ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠪᠢᠲᠡᠭᠦᠯᠡᠬᠦ ᠴᠠᠭᠠᠯᠠᠬᠤ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠴᠡᠭᠡᠷ
ᠮᠣᠩᠭᠤᠯᠴᠤᠳ ᠤᠨ ᠰᠠᠪᠠ ᠬᠤᠭᠤᠰᠤᠯᠠᠬᠤ ᠦᠭᠡᠢ ᠶᠣᠰᠤᠨ
ᠡᠭᠡᠮᠦᠭ ᠵᠡᠭᠦᠭᠦ ᠲᠣᠬᠠᠢ ᠴᠡᠭᠡᠷ ᠶᠣᠰᠤᠨ
ᠨᠡᠬᠦᠳᠠᠯ ᠮᠠᠯᠵᠢᠯ ᠤᠨ ᠰᠤᠶᠤᠯ
ᠮᠣᠩᠭᠤᠯᠴᠣᠳ ᠤᠨ ᠬᠡᠤᠬᠡᠳ ᠲᠡᠭᠡᠨ ᠨᠡᠷ᠎ᠡ ᠦᠭᠭᠦ ᠵᠠᠩᠰᠢᠯ
2014-2019 ©  ᠮᠦᠩᠭᠡᠭᠠᠯ ᠮᠣᠩᠭᠤᠯ ᠰᠣᠶᠣᠯ ᠤᠨ ᠠᠵᠣ ᠠᠬᠤᠶᠢᠯᠠᠯ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备11000440号-2