| ᠮᠤᠷᠢᠨ ᠳᠤ ᠬᠠᠶᠢᠷᠠᠲᠠᠢ ᠬᠥᠮᠥᠰ ᠤᠨ ᠰᠤᠨᠤᠷ ᠤᠨ ᠪᠠᠶᠠᠰᠬᠤᠯᠠᠩ ᠪᠤᠯᠵᠤ ᠪᠠᠶᠢᠭᠠ ︽ᠬᠠᠶᠢᠯᠠᠨ ᠱᠠᠩ ᠤᠨ | ᠬᠤᠨᠭ᠍ᠭᠤᠷ ᠠᠳᠤᠭᠤ︾ ᠭᠡᠬᠦ ᠳᠠᠭᠤᠤ ︽ᠡᠭᠡᠰᠢᠭ ᠰᠥᠯᠵᠢᠶᠡ︾ ᠪᠠᠷ ᠤᠶᠠᠩᠭᠠᠷᠠᠨ ᠰᠠᠴᠤᠭᠳᠠᠭᠰᠠᠨ ᠰᠠᠶᠢᠬᠠᠨ | ᠴᠢᠮᠡᠭᠡ ᠶᠢ ᠲᠤᠭᠤᠯᠤᠭᠠᠳ᠂ ᠲᠤᠰ ᠳᠠᠭᠤᠤ ᠶᠢᠨ ᠰᠢᠯᠥᠭ ᠤᠨ ᠵᠤᠬᠢᠶᠠᠭᠴᠢ ᠳᠥᠷᠪᠡᠳ ᠬᠤᠰᠢᠭᠤᠨ ᠤ ᠵᠠᠩᠭᠠᠨ | ᠰᠤᠮᠤᠨ ᠤ ᠠᠭᠤᠯᠠ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠭᠠᠨᠭ᠍ᠴᠢᠯᠠᠭᠤ ᠲᠠᠢ ᠶᠠᠷᠢᠯᠴᠠᠭᠰᠠᠨ ᠰᠤᠷᠪᠤᠯᠵᠢᠯᠠᠭᠠ ᠶᠢ ᠲᠠ ᠪᠥᠬᠦᠨ ᠳᠤ | ᠬᠥᠷᠭᠡᠵᠤ ᠪᠠᠶᠢᠢᠨᠠ᠃ | — ᠰᠤᠷᠪᠤᠯᠵᠢᠯᠠᠭᠴᠢ ︵ᠳᠤᠷᠤᠭᠰᠢ ᠰᠤ ᠭᠡᠵᠤ ᠳᠥᠭᠦᠮᠴᠢᠯᠡᠨᠡ︶᠄ ᠰᠠᠶᠢᠬᠠᠨ ᠡᠪᠥᠯᠵᠢᠵᠤ ᠪᠠᠶᠢᠨᠠ ᠤᠤ︖ | ᠮᠤᠷᠢ ᠬᠤᠷᠳᠤᠨ᠂ ᠤᠶᠠᠭᠠ ᠬᠥᠡᠭᠭᠡᠨ ᠤᠤ︖ | — ᠭᠠᠩᠴᠢᠯᠠᠭᠤ ︵ᠳᠤᠷᠤᠭᠰᠢ ᠭᠠ᠊ ᠭᠡᠵᠤ ᠳᠥᠭᠦᠮᠴᠢᠯᠡᠨᠡ︶᠄ ᠥᠡᠭᠭᠡᠲᠠᠢ ᠰᠠᠶᠢᠬᠠᠨ ᠡᠪᠥᠯᠵᠢᠵᠤ | ᠪᠠᠶᠢᠢᠨᠠ᠂ ᠢᠷᠡᠬᠦ ᠵᠢᠯ ᠤᠨ ᠨᠠᠭᠠᠳᠤᠮ ᠳᠤ ᠤᠶᠠᠬᠤ ᠮᠤᠷᠢᠳ ᠢᠶᠠᠨ ᠪᠠᠷᠢᠵᠤ᠂ ᠠᠩᠬᠠᠨ ᠤ ᠴᠠᠰᠤ ᠪᠠᠷ ᠭᠠᠯ ᠢ ᠨᠢ | ᠭᠠᠷᠭᠠᠵᠤ ᠬᠥᠡᠭᠭᠡᠬᠡᠨ ᠡᠳ᠋ᠯᠡᠵᠤ ᠪᠠᠶᠢᠨᠠ᠃ | — ᠰᠤ᠄ ᠤᠷᠴᠢᠮᠬᠠᠨ ᠲᠠᠨ ᠤ ︽ᠬᠠᠶᠢᠯᠠᠨ ᠱᠠᠩ ᠤᠨ ᠬᠤᠨᠭ᠍ᠭᠤᠷ ᠠᠳᠤᠭᠤ︾ ᠲᠠᠨᠢ ᠠᠶᠠᠯᠭᠤ | ᠳᠠᠭᠤᠤ ᠲᠠᠢ ᠪᠤᠯᠤᠭᠠᠳ ᠤᠯᠠᠨ ᠤ ᠲᠠᠭᠠᠰᠢᠶᠠᠯ ᠳᠤ ᠬᠥᠷᠴᠤ ᠪᠠᠶᠢᠢᠨᠠ᠃ ᠡᠨᠡ ᠤᠷᠠᠨ ᠪᠦᠳᠦᠭᠡᠯ ᠤᠨ ᠢᠶᠠᠨ | ᠲᠤᠬᠠᠢ ᠪᠠᠨ ᠲᠠᠨᠢᠯᠴᠠᠭᠤᠯᠤᠨᠠ ᠤᠤ︖ | — ᠭᠠ᠊᠄ ᠪᠠᠶᠠᠷᠯᠠᠯᠠ᠃ 2008 ᠤᠨ ᠳᠤ᠂ ᠲᠤᠯᠢ ᠰᠠᠷᠠ ᠲᠠᠢ ᠬᠤᠨᠭ᠍ᠭᠤᠷ ᠳᠠᠭᠠ ᠮᠢᠨᠢ ᠬᠤᠰᠢᠭᠤ | ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢᠨ ᠨᠠᠶᠢᠷ ᠲᠤ ᠲᠡᠷᠢᠭᠦᠯᠡᠴᠢᠭᠡᠭᠡᠳ᠂ ᠮᠠᠷᠭᠠᠰᠢ ᠨᠢ ᠭᠡᠭᠡᠨᠲᠠᠯᠠ ᠶᠢᠨ ᠨᠠᠶᠢᠷ ᠤᠨ ᠳᠠᠭᠠ ᠶᠢᠨ | ᠤᠷᠤᠯᠳᠤᠭᠠᠨ ᠳᠤ ᠵᠠᠪᠰᠠᠷ ᠥᠭᠡᠢ ᠲᠡᠷᠢᠭᠦᠯᠡᠴᠢᠭᠡᠬᠦ ᠪᠠᠷ ᠤᠶᠠᠭᠠᠴᠢᠳ ᠶᠠᠮᠠᠷ ᠤᠭᠰᠢᠯ ᠲᠠᠢ ᠠᠳᠤᠭᠤ ᠪᠤᠢ ᠭᠡᠵᠤ | ᠭᠠᠶᠢᠬᠠᠯᠳᠤᠬᠤ ᠳᠤᠨᠢ ᠪᠢ ︿ᠬᠠᠶᠢᠯᠠᠨ ᠱᠠᠩ ᠤᠨ ᠤᠭᠰᠢᠯ ᠲᠠᠢ ᠮᠢᠨᠤ ᠰᠥᠷᠥᠭ ᠤᠨ ᠤᠨᠠᠭᠠᠨ ᠬᠤᠷᠳᠥ﹀ ᠭᠡᠵᠤ | ᠪᠠᠭ᠋ᠠᠳᠤᠯᠠ᠃ ᠲᠡᠭᠦᠨ ᠤ ᠲᠠᠷᠠᠭᠠᠬᠠᠨ ︽ᠬᠠᠶᠢᠯᠠᠨ ᠱᠠᠩ ᠤᠨ ᠬᠤᠨᠭ᠍ᠭᠤᠷ ᠠᠳᠤᠭᠤ︾ ᠭᠡᠬᠦ ᠰᠢᠯᠥᠭ ᠢᠶᠠᠨ | ᠨᠤᠤᠷᠠᠭᠯᠠᠭᠰᠠᠨ ᠶᠤᠮ᠃ ᠡᠭᠦᠨ ᠳᠤ ︽ᠴᠢᠩᠭᠢᠰ ᠪᠤᠭᠲᠠ ᠠᠭᠤᠯᠠ︾᠂ ︽ᠬᠠᠯᠢᠮᠠᠭ ᠤᠨ ᠴᠠᠭᠠᠨ ᠲᠠᠯᠠ︾᠂ ︽ | ᠠᠯᠳᠠᠷᠲᠥ ᠪᠥᠭᠡ ᠴᠤᠶᠢᠵᠢᠵᠠᠮᠰᠤ︾᠂ ︽ᠰᠠᠭᠠᠯᠢᠴᠢᠨ︾ ᠵᠡᠷᠭᠡ ᠳᠠᠭᠤᠤ ᠶᠢᠨ ᠠᠶᠠ ᠵᠤᠬᠢᠶᠠᠭᠴᠢ ᠤᠷᠠᠨ | ᠪᠥᠲᠥᠭᠡᠯᠴᠢ᠂ ᠵᠡᠭᠦᠨ ᠰᠥᠨᠢᠳ ᠨᠤᠲᠤᠭ ᠲᠠᠢ ᠯ᠊ · ᠵᠤᠷᠢᠭᠲᠤᠪᠠᠭᠠᠲᠤᠷ ᠠᠬᠠ ᠠᠶᠠᠯᠭᠤ ᠵᠤᠬᠢᠶᠠᠵᠤ᠂ ᠬᠥᠭᠵᠢᠮ ᠤᠨ | ᠨᠠᠶᠢᠷᠠᠭᠤᠯᠭᠠ ᠶᠢ ᠮᠤᠩᠭᠤᠯ ᠤᠯᠤᠰ ᠤᠨᠪᠠᠳᠦᠰᠦ᠋ᠬᠡ ᠠᠬᠠ ᠮᠠᠨᠢ ᠨᠠᠶᠢᠷᠠᠭᠤᠯᠵᠤ᠂ ︽ᠮᠤᠷᠢᠨ ᠤ ᠳᠠᠭᠤᠴᠢᠨ︾ | ᠭᠡᠵᠤ ᠬᠠᠯᠬᠠ ᠳᠠᠶᠠᠭᠠᠷ ᠠᠯᠳᠠᠷᠰᠢᠭᠰᠠᠨ ᠰᠤᠶᠤᠯ ᠤᠨ ᠭᠠᠪᠢᠶᠠᠲᠥ ᠵᠢᠳᠬᠦᠯᠲᠡᠨ ᡀᠮᠤᠵᠠᠪ ᠤᠨ ᠨᠠᠷᠠᠨᠲᠤᠶᠠᠭᠠ | ᠠᠮᠢᠯᠠᠭᠤᠯᠵᠤ ᠳᠠᠭᠤᠯᠠᠭᠰᠠᠨ ᠶᠤᠮ᠃ ᠤᠷᠠᠨ ᠪᠥᠲᠥᠭᠡᠯ ᠤᠨ ᠲᠤᠭᠤᠷᠢᠨ ᠳᠤ ᠪᠡᠶᠡᠴᠢᠯᠡᠨ ᠬᠥᠳᠡᠯᠮᠥᠷᠢᠯᠡᠭᠰᠡᠨ ᠯ᠊ · | ᠵᠤᠷᠢᠭᠲᠤᠪᠠᠭᠠᠲᠤᠷ ᠠᠬᠠ ᠪᠤᠯᠤᠨ ᠮᠤᠩᠭᠤᠯ ᠤᠯᠤᠰ ᠤᠨ ᠬᠤᠶᠠᠷ ᠤᠷᠠᠯᠢᠭᠴᠢᠨ ᠳᠠᠭᠠᠨ ᠪᠠᠶᠠᠷᠯᠠᠵᠤ ᠲᠠᠯᠠᠷᠬᠠᠭᠰᠠᠨ | ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠶᠡ᠃ ᠬᠠᠮᠲᠥ ᠶᠢᠨ ᠪᠥᠲᠥᠭᠡᠯ ︽ᠬᠠᠶᠢᠯᠠᠨ ᠱᠠᠩ ᠤᠨ ᠬᠤᠨᠭ᠍ᠭᠤᠷ ᠠᠳᠤᠭᠤ︾ ᠮᠢᠨᠢ ᠬᠥᠮᠥᠨ | ᠵᠤᠨ ᠤ ᠪᠠᠨ ᠰᠤᠨᠤᠷ ᠢ ᠮᠢᠯᠢᠶᠠᠬᠤ ᠪᠤᠯᠤᠭᠠᠰᠠᠢ︕ | — ᠰᠤ᠄ ᠲᠠᠨ ᠤ ᠤᠤᠭᠤᠭᠰᠠᠨ ᠤᠰᠤ ᠤᠨᠠᠭᠰᠠᠨ ᠰᠢᠷᠤᠢ︖ | — ᠭᠠ᠊᠄ ︽ᠰᠢᠷᠠᠮᠦᠷᠡᠨ ᠰᠥᠮᠡ︾ ᠪᠠᠷ ᠢᠶᠠᠨ ᠠᠯᠳᠠᠷᠰᠢᠭᠰᠠᠨ ᠰᠠᠶᠢᠬᠠᠨ ᠨᠤᠲᠤᠭ — ᠳᠥᠷᠪᠡᠳ | ᠬᠤᠰᠢᠭᠤᠨ ᠤ ᠬᠤᠨᠭ᠍ᠭᠤᠷ ᠰᠤᠮᠤᠨ ᠤ ᠤᠤᠭᠠᠯ᠂ ᠶᠤᠰᠤᠲᠠᠢ ᠯᠡ ᠰᠢᠷᠠᠮᠥᠷᠡᠨ ᠭᠤᠤᠯ ᠤᠨ ᠢᠶᠠᠨ ᠰᠢᠪᠠᠷ ᠲᠠᠩ | ᠳᠡᠭᠡᠭᠦᠷ ᠱᠠᠯᠳᠠᠩ ᠨᠢᠴᠦᠭᠦᠨ ᠬᠥᠯ ᠲᠠᠢ ᠬᠥᠶᠥᠵᠤ ᠥᠰᠥᠭᠰᠡᠨ ᠬᠡᠥᠬᠡᠳ ᠯᠡ ᠳ᠋ᠡ ᠁ | — ᠰᠤ᠄ ︽ᠬᠠᠶᠢᠯᠠᠨ ᠱᠠᠩ︾ ᠭᠡᠳᠡᠭ ᠥᠭᠡ ᠶᠢᠨ ᠲᠤᠬᠠᠢ︖ | — ᠭᠠ᠊᠄ ︽ᠬᠠᠶᠢᠯᠠᠨ ᠱᠠᠩ︾ ᠭᠡᠳᠡᠭ ᠥᠭᠡ ᠪᠤᠯ ᠰᠢᠷᠠᠮᠥᠶᠢᠷᠡᠨ ᠰᠥᠮᠡ ᠶᠢᠨ ᠨᠢᠭᠡᠨ ᠰᠠᠩ | ᠬᠥᠮᠥᠷᠭᠡ ᠶᠢᠨ ᠨᠡᠷᠡᠶᠢᠳᠥᠯ᠂ ᠮᠠᠨ ᠤ ᠲᠦᠷᠪᠡᠳ ᠲᠤ ᠶᠡᠭᠡ ᠪᠠᠭᠠ 24 ᠰᠥᠮᠡ ᠲᠠᠢ ᠪᠠᠶᠢᠯᠠ ᠭᠡᠵᠤ | ᠨᠠᠰᠤᠲᠠᠶᠢᠢᠴᠤᠳ ᠬᠠᠭᠤᠴᠢᠯᠠᠳᠠᠭ᠃ ᠤᠯᠠᠨ ᠰᠥᠮᠡ ᠪᠠᠨ ᠳᠠᠭᠠᠭᠠᠳ ᠤᠯᠠᠨ ᠱᠠᠩ ᠲᠠᠢ ᠪᠠᠶᠢᠬᠰᠠᠨ ᠨᠢ ᠮᠡᠳᠡᠭᠡᠵᠢ᠂ | ᠮᠢᠨᠤ ᠮᠡᠳᠡᠵᠤ ᠪᠠᠶᠢᠬᠤ ᠪᠠᠷ ︵ᠰᠢᠷᠠᠮᠥᠶᠢᠷᠡᠨ ᠰᠥᠮᠡ︶ ᠵᠥᠳᠥᠪ ᠤᠨ ᠱᠠᠩ᠂ ᠴᠤᠶᠢᠷ ᠤᠨ ᠱᠠᠩ᠂ ᠵᠢᠰᠠ ᠶᠢᠨ | ᠱᠠᠩ ᠭᠡᠵᠤ ᠲᠤᠮᠤ ᠲᠤᠮᠤ ᠱᠠᠩ ᠤᠳ ᠪᠠᠶᠢᠭᠰᠠᠨ᠂ ᠥᠭᠯᠢᠭᠡ ᠶᠢᠨ ᠡᠵᠡᠳ ᠰᠥᠮᠡ ᠬᠡᠶᠢᠢᠳ ᠲᠡᠭᠡᠨ ᠡᠷᠭᠦᠯ | ᠪᠠᠷᠢᠬᠤ ᠳᠤ ᠱᠠᠩ ᠳᠤᠨᠢ ᠡᠷᠭᠦᠵᠤ ᠲᠤᠰᠢᠶᠠᠳᠠᠭ᠃ ᠤᠷᠢᠳᠥ ᠳᠠᠭᠠᠨ ᠴᠠᠬᠢᠭᠤᠷᠲᠥ ᠬᠤᠨᠭ᠍ᠭᠤᠷ ᠤᠪᠤᠭᠠ ᠶᠢ | ᠰᠢᠷᠠᠮᠥᠷᠡᠨ ᠰᠥᠮᠡ ᠶᠢᠨ ᠬᠠᠶᠢᠯᠠᠨ ᠱᠠᠩ ᠠᠴᠠ ᠪᠥᠬᠦ ᠵᠠᠷᠤᠳᠠᠯ ᠢ ᠳᠠᠭᠠᠭᠠᠴᠢᠯᠠᠨ ᠲᠠᠬᠢᠯᠭᠠ ᠲᠠᠯᠪᠢᠳᠠᠭ ᠪᠠᠶᠢᠯᠠ | ᠭᠡᠵᠤ ᠨᠤᠲᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠶᠠᠷᠢᠯᠴᠠᠳᠠᠭ᠃ ᠬᠠᠶᠢᠯᠠᠨ ᠱᠠᠩ ᠤᠨ ᠬᠤᠨᠭ᠍ᠭᠤᠷ ᠵᠢᠰᠥᠮ ᠤᠨ ᠠᠳᠤᠭᠤ | ᠤᠳᠤ ᠶᠢᠨ ᠸᠧᠢᠢᠵᠢᠩ ᠰᠤᠮᠤᠨ ᠤ ᠬᠤᠨᠭ᠍ᠭᠤᠷ ᠤᠪᠤᠭᠠᠨ ᠤ ᠤᠷᠴᠢᠮ ᠢᠶᠠᠷ ᠰᠥᠷᠥᠭ ᠲᠠᠯᠪᠢᠵᠤ᠂ ᠬᠤᠵᠢᠮ ᠨᠢ | ᠨᠡᠶᠢᠲᠡ ᠶᠢᠨ ᠮᠠᠯ ᠰᠥᠷᠥᠭ ᠪᠤᠯᠭᠠᠭᠰᠠᠨ᠂ ᠮᠠᠨ ᠤ ᠠᠳᠤᠭᠤ ᠪᠤᠯ ᠡᠨᠡᠬᠦ ᠬᠠᠶᠢᠯᠠᠨ ᠱᠠᠩ ᠤᠨ ᠠᠳᠤᠭᠤᠨ ᠤ | ᠤᠭᠰᠢᠯ ᠲᠠᠢ ᠴᠡᠪᠡᠷ ᠰᠠᠶᠢᠬᠠᠨ ᠮᠤᠩᠭᠤᠯ ᠠᠳᠤᠭᠤ ᠯᠡ ᠳ᠋ᠠ᠃ | — ᠰᠤ᠄ ᠠᠳᠤᠭᠤᠴᠢᠨ ᠪᠤᠯᠤᠭᠠᠳ ᠬᠢᠷᠢ ᠵᠡᠷᠭᠡ ᠬᠡᠶᠢᠢᠮᠥᠷᠢ ᠲᠠᠢ ᠪᠠᠶᠢᠨᠠ᠂ ᠶᠡᠷᠥᠨᠢ ᠭᠤᠪᠢ ᠨᠤᠲᠤᠭ ᠢᠶᠠᠷ | ᠠᠳᠤᠭᠤᠳ ᠬᠢᠷᠢ ᠥᠰᠴᠤ ᠪᠠᠶᠢᠨᠠ ᠤᠤ︖ | — ᠭᠠ᠊᠄ 2000 ᠤᠨ ᠠᠴᠠ ᠡᠬᠢᠯᠡᠵᠤ ᠨᠤᠲᠤᠭ ᠤᠨ ᠠᠬᠠ ᠰᠡᠴᠡᠨᠪᠢᠯᠢᠭ ᠢ ᠳᠠᠭᠠᠵᠤ ᠮᠤᠷᠢ ᠤᠶᠠᠵᠤ | ᠡᠬᠢᠯᠡᠭᠰᠡᠨ᠃ ᠤᠪᠤᠭᠠ ᠪᠤᠯᠠᠭ ᠤᠨ ᠲᠠᠬᠢᠯᠭᠠ᠂ ᠥᠷᠪᠥᠭᠡᠨ ᠨᠠᠶᠢᠷ᠂ ᠨᠠᠰᠤᠨ ᠪᠠᠶᠠᠷ ᠵᠡᠷᠭᠡ ᠪᠠᠭᠠ ᠪᠠᠭᠠ | ᠨᠠᠭᠠᠳᠤᠮ ᠢᠶᠠᠷ ᠬᠤᠷᠢᠭᠠᠳ ᠤᠳᠠᠭᠠ ᠲᠡᠷᠢᠭᠦᠯᠡᠭᠰᠡᠨ᠂ ᠶᠡᠭᠡ ᠨᠠᠶᠢᠷ ᠤᠨ ᠱᠠᠩ ᠬᠥᠷᠲᠡᠵᠤ ᠥᠵᠡᠭᠡ ᠥᠭᠡᠢ ᠶᠠᠪᠤᠨᠠ | ᠃ ᠠᠳᠤᠭᠤ ᠭᠡᠵᠤ ᠰᠠᠶᠢᠬᠠᠨ ᠯᠡ ᠠᠮᠢᠲᠠᠨ᠂ ᠡᠵᠡᠨ ᠢᠶᠠᠨ ᠪᠠᠶᠠᠷᠯᠠᠭᠤᠯᠵᠤ ᠶᠠᠪᠤᠳᠠᠭ ᠨᠢ ᠬᠥᠬᠡᠷᠥᠬᠦᠢ︕ | ᠤᠶᠢᠷᠠ ᠶᠢᠨ ᠵᠢᠯ ᠠᠴᠠ ᠭᠤᠪᠢ ᠨᠤᠲᠤᠭ ᠢᠶᠠᠷ ᠠᠳᠤᠭᠤᠳ ᠥᠨᠢᠷ ᠥᠰᠴᠤ ᠪᠠᠶᠢᠭᠠ ᠳᠤᠨᠢ ᠪᠢ ᠶᠡᠭᠡ ᠪᠠᠶᠠᠷᠯᠠᠵᠤ | ᠶᠠᠪᠤᠳᠠᠭ᠃ | — ᠰᠤ᠄ ︽ᠬᠥᠳᠡᠭᠡ ᠪᠠᠨ ᠵᠤᠷᠢᠭᠠᠷᠠᠢ ᠵᠠᠯᠠᠭᠤᠰ ᠮᠢᠨᠢ︾ ᠭᠡᠰᠡᠨ ᠪᠥᠲᠥᠭᠡᠯ ᠲᠠᠢ ᠪᠠᠨ ᠮᠠᠯᠴᠢᠨ | ᠵᠠᠶᠠᠭᠠ ᠪᠠᠨ ᠲᠥᠰᠢᠭᠰᠡᠨ ᠤ ᠤᠴᠢᠷ ᠶᠠᠭᠤᠨ︖ | — ᠭᠠ᠊᠄ ᠲᠥᠮᠡ ᠲᠥᠴᠢᠭᠢᠨᠡᠵᠤ᠂ ᠪᠤᠮᠠ ᠪᠤᠵᠢᠬᠢᠨᠠᠭᠰᠠᠨ ᠬᠤᠲᠠ ᠶᠢᠨ ᠭᠤᠳᠤᠮᠵᠢ ᠪᠠᠷ ᠬᠢᠳᠡᠯ | ᠥᠭᠡᠶᠢᠳᠡᠭᠰᠡᠨ ᠵᠠᠷᠢᠮ ᠵᠠᠯᠠᠭᠤᠰ ᠢᠶᠠᠨ ᠬᠠᠷᠠᠵᠤ ᠰᠡᠳᠬᠢᠯ ᠶᠡᠭᠡ ᠡᠮᠵᠡᠭᠯᠡᠬᠦ ᠳᠡᠭᠡᠨ ᠪᠢᠴᠢᠭᠰᠡᠨ ᠰᠢᠯᠥᠭ ᠶᠤᠮ᠃ | ᠬᠡᠪᠡᠴᠤ ᠴᠥᠭᠡᠬᠡᠨ ᠲᠤᠭᠠᠨ ᠤ ᠵᠠᠯᠠᠭᠤᠰ ᠪᠠᠶᠢᠵᠠᠢ᠃ ᠬᠥᠳᠡᠭᠡ ᠳᠡᠭᠡᠨ ᠬᠠᠷᠢᠵᠤ᠂ ᠲᠠᠪᠤᠨ ᠡᠷᠳᠡᠨᠢ ᠶᠢᠨ | ᠰᠥᠷᠥᠭ ᠤᠨ ᠪᠠᠷᠠ ᠶᠢ ᠬᠠᠷᠠᠵᠤ ᠰᠠᠭᠤᠬᠤ ᠵᠢᠷᠭᠠᠯ ᠲᠠᠢ ᠯᠡ ᠳ᠋ᠠ᠂ ᠬᠤᠲᠠ ᠶᠢᠨ ᠲᠥᠪ ᠲᠤ ᠵᠤᠭᠰᠤᠬᠤ ᠵᠠᠢ ᠥᠭᠡᠢ | ᠵᠠᠯᠠᠭᠤᠰ ᠮᠢᠨᠢ ᠬᠥᠳᠡᠭᠡ ᠳᠡᠭᠡᠨ ᠬᠠᠷᠢᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠳᠡᠳᠬᠦᠪᠡᠯ ᠳᠡᠭᠡᠷᠡ ᠶᠤᠮ ᠤᠤ ᠭᠡᠵᠤ ᠪᠢ ᠪᠤᠳᠤᠭᠰᠠᠨ | ᠰᠠᠨ᠃ | — ᠰᠤ᠄ ᠤᠷᠴᠢᠮ ᠢᠶᠠᠷ ᠶᠠᠭᠤᠲᠠᠢ ᠶᠠᠭᠠᠷᠠᠤ ᠪᠠᠶᠢᠨᠠ︖ | — ᠭᠠ᠊᠄ ᠮᠠᠨ ᠤ ᠬᠥᠳᠡᠭᠡ ᠭᠡᠷ ᠬᠤᠰᠢᠭᠤᠨ ᠠᠴᠠ ᠳᠥᠷᠪᠡᠨ ᠵᠠᠭᠤᠨ ᠭᠠᠵᠠᠷ ᠤᠨ ᠵᠠᠶᠢᠲᠠᠢ᠂ ᠭᠡᠷᠭᠡᠢ ᠮᠠᠨᠢ | ᠬᠤᠰᠢᠭᠤᠨ ᠳᠤ ᠬᠡᠥᠬᠡᠳ ᠢᠶᠠᠨ ᠲᠤᠳᠤᠮᠳᠠᠵᠤ ᠲᠤᠭᠤᠭᠠ ᠶᠢ ᠨᠢ ᠪᠠᠷᠢᠳᠠᠭ᠃ ᠲᠡᠭᠡᠭᠡᠳ ᠬᠤᠰᠢᠭᠤ ᠬᠥᠳᠡᠭᠡ ᠶᠢᠨ | ᠬᠤᠭᠤᠷᠤᠨᠳᠥ ᠲᠤᠵᠢ ᠳᠠᠭᠠᠨ ᠶᠠᠭᠠᠷᠠᠳᠬᠠᠨ ᠳᠠᠪᠬᠢᠨᠠ᠃ ᠡᠬᠦᠨ ᠤ ᠲᠠᠭᠠᠤ ᠠᠳᠤᠭᠤᠨ ᠳᠤ ᠬᠠᠶᠢᠷᠠᠲᠠᠢ | ᠤᠶᠠᠭᠠᠴᠢᠳ ᠤᠨ ᠢᠶᠠᠨ ᠡᠷᠬᠢᠮ ᠠᠯᠳᠠᠷ ᠲᠤ ᠰᠢᠲᠥᠵᠤ᠂ ︽ᠳᠥᠷᠪᠡᠳ ᠤᠨ ᠬᠤᠷᠳᠤᠨ ᠮᠤᠷᠢᠳ︾ ᠭᠡᠬᠦ ᠨᠤᠮ | ᠪᠥᠲᠥᠭᠡᠬᠦ ᠵᠤᠷᠢᠯᠭᠠ ᠪᠠᠷ ᠨᠤᠲᠤᠭ ᠤᠨ ᠠᠬᠠᠮᠠᠳ ᠤᠶᠠᠭᠠᠴᠢᠳ ᠢᠶᠠᠨ ᠰᠤᠷᠪᠤᠯᠵᠢᠯᠠᠵᠤ᠂ ᠵᠢᠷᠤᠭ ᠰᠡᠭᠦᠳᠡᠷ | ᠴᠤᠭᠯᠠᠭᠤᠯᠬᠤ ᠵᠡᠷᠭᠡ ᠠᠵᠢᠯ ᠢᠶᠠᠨ ᠠᠮᠵᠢᠭᠤᠯᠵᠤ ᠶᠠᠪᠤᠨᠠ᠃ | — ᠰᠤ᠄ ᠰᠤᠷᠪᠤᠯᠵᠢᠯᠠᠭᠠ ᠬᠥᠯᠢᠶᠡᠭᠰᠡᠨ ᠳᠤ ᠪᠠᠶᠠᠷᠯᠠᠯᠠ᠃ ᠲᠠᠨ ᠳᠤ ᠥᠷᠭᠦᠯᠵᠢ ᠳᠡᠭᠡᠨ ᠠᠨᠳᠠ ᠶᠢᠨ | ᠰᠠᠶᠢᠬᠠᠨ ᠲᠠᠢ ᠤᠴᠠᠷᠠᠵᠤ᠂ ᠠᠭᠲᠠ ᠶᠢᠨ ᠬᠤᠷᠳᠤᠨ ᠢᠪᠡᠭᠡᠬᠦ ᠪᠤᠯᠳᠤᠭᠠᠢ︕ | — ᠭᠠ᠊᠄ ᠵᠠ᠂ ᠲᠠᠨ ᠳᠤ ᠪᠠᠶᠠᠷᠯᠠᠯᠠ᠂ ᠨᠤᠮ ᠤᠨ ᠴᠠᠭᠠᠨ ᠪᠤᠶᠠᠨ ᠥᠷᠭᠦᠯᠵᠢ ᠳᠡᠭᠡᠨ ᠢᠪᠡᠭᠡᠬᠦ ᠪᠤᠯᠳᠤᠭᠠᠢ᠂ | ᠪᠢᠷ ᠲᠠᠨᠢ ᠤᠷᠠᠨ᠂ ᠪᠢᠯᠢᠭ ᠲᠠᠨᠢ ᠤᠯᠠᠮ ᠬᠤᠷᠴᠠ ᠪᠤᠯᠲᠤᠭᠠᠢ ᠭᠡᠮᠡᠨ ᠢᠷᠥᠭᠡᠶᠡ︕ | | ᠬᠠᠶᠢᠯᠠᠨ ᠱᠠᠩ ᠤᠨ ᠬᠤᠨᠭ᠍ᠭᠤᠷ ᠠᠳᠤᠭᠤ | ᠥᠭᠡ᠄ ᠤᠰᠤᠷᠵᠠᠪ ᠤᠨ ᠭᠠᠨᠭ᠍ᠴᠢᠯᠠᠭᠤ | ᠠᠶᠠ᠄ ᠯᠤᠪᠰᠠᠩᠵᠠᠮᠰᠤ ᠶᠢᠨ ᠵᠤᠷᠢᠭᠲᠤᠪᠠᠭᠠᠳᠤᠷ | ᠳᠠᠭᠤᠴᠢᠨ᠄ ᡀᠮᠤᠵᠠᠪ ᠤᠨ ᠨᠠᠷᠠᠨᠲᠤᠶᠠᠭᠠ | ᠤᠭᠠᠯᠵᠠᠯᠠᠬᠤ ᠲᠤᠭᠤᠰᠤᠨ ᠳᠤ ᠨᠢ ᠵᠤᠯᠪᠤᠭᠠ ᠰᠡᠷᠭᠦᠭᠰᠡᠨ | ᠤᠬᠠᠭᠠᠨᠲᠥ ᠮᠤᠩᠭᠤᠯ ᠤᠨ ᠠᠵᠢᠨᠠᠢ ᠬᠥᠯᠥᠭ ᠤᠳ | ᠤᠷᠠᠨ ᠤᠶᠠᠭᠠᠴᠢ ᠶᠢᠨ ᠡᠷᠳᠡᠮ ᠢᠶᠠᠷ ᠵᠢᠭᠦᠷᠯᠡᠭᠰᠡᠨ | ᠤᠷᠤᠯᠳᠤᠭᠠᠨ ᠪᠥᠬᠦᠨ ᠳᠤ ᠴᠤᠯᠠ ᠲᠠᠢ ᠬᠤᠷᠳᠥ ᠨᠤᠭᠤᠳ | ᠬᠠᠶᠢᠯᠠᠨ ᠱᠠᠩ ᠤᠨ ᠬᠤᠨᠭ᠍ᠭᠤᠷ ᠠᠳᠤᠭᠤ | ᠬᠠᠶᠢᠷᠠᠲᠠᠢ ᠨᠤᠲᠤᠭ ᠤᠨ ᠡᠷᠳᠡᠨᠢ ᠶᠢᠨ ᠬᠥᠯᠥᠭ ᠤᠳ | ᠬᠠᠮᠤᠭ ᠤᠨ ᠲᠥᠷᠥᠭᠦᠨ ᠳᠤ ᠬᠤᠷᠳᠤᠯᠠᠨ ᠲᠠᠪᠬᠢᠭᠠᠳ | ᠬᠠᠨᠠᠭᠠᠷ ᠲᠠᠯᠠ ᠪᠠᠨ ᠬᠡᠶᠢᠮᠥᠷᠢᠯᠡᠭᠰᠡᠨ ᠬᠥᠯᠥᠭ ᠤᠳ | ᠰᠢᠷᠠ ᠮᠥᠷᠡᠨ ᠰᠥᠮᠡ ᠶᠢᠨ ᠱᠠᠩ ᠤᠨ ᠠᠳᠤᠭᠤ | ᠰᠠᠷᠠ ᠶᠢᠨ ᠰᠦᠢᠯᠠᠭᠠᠨ ᠳᠤ ᠳᠠᠭᠠᠭᠠᠴᠠ ᠲᠠᠢ ᠬᠥᠯᠥᠭ ᠤᠳ | ᠰᠠᠯᠬᠢ ᠤᠷᠬᠢᠭᠰᠠᠨ ᠰᠤᠮᠤᠨ ᠳᠠᠪᠬᠢᠭᠠ ᠲᠠᠢ | ᠰᠠᠶᠢᠬᠠᠨ ᠨᠠᠭᠠᠳᠤᠮ ᠤᠳ ᠤᠨ ᠴᠤᠤᠲᠠᠢ ᠮᠠᠩᠯᠠᠢ ᠨᠤᠭᠤᠳ | ᠳᠠᠬᠢᠯᠲᠠ | ᠴᠠᠬᠢᠭᠤᠷᠲᠥ ᠬᠤᠨᠭ᠍ᠭᠤᠷ ᠤᠨ ᠡᠮᠥᠨᠡ ᠪᠡᠯ ᠢᠶᠠᠷ | ᠴᠠᠶᠢᠷᠠᠨ ᠪᠡᠯᠴᠢᠭᠰᠡᠨ ᠬᠤᠸᠠ ᠬᠤᠨᠭ᠍ᠭᠤᠷ ᠤᠳ | ᠽᠠᠨᠳᠠᠨ ᠲᠤᠭᠤᠷᠠᠢ ᠪᠠᠨ ᠴᠠᠪᠴᠢᠯᠠᠨ ᠬᠤᠷᠳᠤᠯᠠᠵᠤ | ᠽᠠᠮᠪᠦᠯᠢᠭ ᠳᠤ ᠭᠠᠶᠢᠬᠠᠭᠳᠠᠭᠰᠠᠨ ᠤᠮᠤᠭᠲᠥ ᠬᠥᠯᠥᠭ ᠤᠳ | ᠳᠠᠬᠢᠯᠲᠠ | |