ᠲᠡᠯᠡᠭᠡᠢ ᠳ᠋ᠠᠬᠢᠨ ᠳᠤ ᠮᠤᠩᠭᠤᠯᠴᠤᠳ᠂ ᠦᠨᠳᠦᠰᠦᠳᠡᠨ ᠤ ᠬᠤᠪᠢ ᠪᠠᠷ ᠪᠠᠶᠢᠷᠢ ᠰᠠᠭᠤᠷᠢ ᠡᠵᠡᠯᠡᠬᠦ ᠪᠤᠯᠤᠭᠰᠠᠨ | ᠴᠠᠭ ᠪᠤᠯ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠠᠴᠠ ᠡᠭᠢᠯᠡᠨᠡ᠃ ᠡᠷᠳᠡᠨ ᠤ ᠲᠡᠷᠡ ᠴᠠᠭ ᠠᠴᠠ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠳᠤ ᠪᠠᠶᠢᠭᠰᠠᠨ ᠦᠪᠡᠷ ᠤᠨ ᠠᠮᠢᠳᠤᠷᠠᠯ ᠤᠨ ᠲᠤᠭᠳᠠᠭᠰᠠᠨ ᠤᠨᠴᠠᠭᠠᠢ ᠭᠡᠪ ᠨᠠᠮᠪᠠ ᠵᠠᠩ ᠵᠢᠷᠦᠮ | ᠭᠡᠭᠴᠢ ᠨᠢᠭᠡᠨ ᠲᠦᠭᠡᠮᠡᠯ ᠦᠵᠡᠭᠳᠡᠯ ᠤᠳᠤ ᠶᠢᠨ ᠮᠤᠩᠭᠤᠯ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠳᠤ ᠴᠤ ᠲᠠᠰᠤᠷᠠᠭᠠᠳᠤᠢ | ᠪᠠᠶᠢᠭᠰᠠᠭᠠᠷ ᠠᠵᠢ᠃ ᠲᠡᠭᠦᠨ ᠠᠴᠠ ᠢᠷᠭᠡ ᠶᠢᠨ ᠰᠢᠭᠦᠰᠦ ᠲᠡᠪᠰᠢᠭᠦᠯᠬᠦ ᠭᠡᠳᠡᠭ ᠨᠢᠭᠡ ᠯᠡ ᠬᠢᠨ ᠵᠢᠷᠦᠮᠰᠢᠯ ᠤᠨ | ᠲᠤᠬᠠᠢ ᠶᠢ ᠠᠵᠢᠭᠯᠠᠬᠤ ᠳᠤ ᠮᠤᠩᠭᠤᠯᠴᠤᠳ ᠤᠨ ᠡᠷᠳᠡᠨ ᠠᠴᠠ ᠪᠠᠶᠢᠭᠰᠠᠨ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠤᠨ ᠶᠡᠷᠦᠩᠭᠡᠢ | ᠬᠠᠨᠳᠤᠯᠭᠠ᠂ ᠲᠡᠭᠦᠨ ᠤ ᠶᠢᠷᠳᠢᠨᠴᠦ ᠶᠢ ᠦᠵᠡᠭᠦ ᠦᠵᠡᠯ ᠤᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ᠂ ᠡᠩ ᠶᠡᠭᠡ ᠭᠡᠭᠡᠷᠡ ᠶᠢᠨ | ᠨᠡᠭᠦᠳᠡᠯ ᠤᠨ ᠮᠠᠯ ᠠᠵᠤ ᠠᠬᠤᠶᠢᠳᠠᠨ ᠤ ᠠᠵᠤ ᠠᠮᠢᠳᠤᠷᠠᠯ ᠪᠤᠯᠤᠨ ᠭᠡᠪ ᠵᠠᠩᠰᠢᠯ ᠵᠡᠷᠭᠡ ᠡᠷᠳᠡᠨ ᠤ ᠬᠤᠪᠤᠷ ᠨᠠᠨᠳᠢᠨ | ᠵᠢᠱᠢᠶᠡ ᠪᠠᠷᠢᠮᠳᠠ ᠶᠢ ᠬᠦᠷᠳᠡᠯᠡ ᠤᠯᠵᠤ ᠮᠡᠳᠡᠬᠦ ᠪᠤᠯᠤᠮᠵᠢ ᠪᠠᠶᠢᠳᠠᠭ᠃ | ︵ᠨᠢᠭᠡ︶ ᠰᠢᠭᠦᠰᠦ | ᠰᠢᠭᠦᠰᠦ ᠪᠣᠯ ᠬᠤᠷᠢᠮ ᠨᠠᠶᠢᠷ᠂ ᠳᠠᠶᠢᠯᠠᠯᠭᠠ᠂ ᠲᠠᠬᠢᠯᠭᠠ ᠲᠠᠪᠢᠭᠯᠠᠯ ᠳᠤ ᠬᠡᠷᠡᠭᠯᠡᠬᠦ ᠮᠠᠯ ᠤᠨ ᠪᠦᠬᠦᠯᠢ | ᠮᠢᠬᠠ ᠶᠢᠨ ᠬᠦᠨᠳᠦᠳᠬᠡᠯ ᠦᠭᠡ᠃ ᠪᠠᠰᠠ ᠥᠳᠬᠡ ᠴᠦ ᠭᠡᠳᠡᠭ᠃ ᠭᠠᠷᠭᠠᠭᠰᠠᠨ ᠮᠠᠯ ᠤᠨ ᠲᠥᠷᠥᠯ | ᠢᠯᠭᠠᠯ ᠢᠶᠠᠷ ᠨᠢ ᠮᠣᠷᠢᠨ ᠥᠳᠬᠡ᠂ ᠦᠬᠡᠷ ᠬᠠᠲᠠᠭᠤ᠂ ᠬᠤᠨᠢᠨ ᠰᠢᠭᠦᠰᠦ᠂ ᠢᠷᠭᠡ ᠶᠢᠨ ᠰᠢᠭᠦᠰᠦ᠂ ᠳᠥᠯᠥᠭᠡᠨ | ᠰᠢᠭᠦᠰᠦ᠂ ᠬᠤᠷᠠᠭᠠᠨ ᠰᠢᠭᠦᠰᠦ᠂ ᠢᠮᠠᠭᠠᠨ ᠰᠢᠭᠦᠰᠦ᠂ ᠭᠠᠭ᠋ᠠᠢ ᠶᠢᠨ ᠰᠢᠭᠦᠰᠦ ᠴᠠᠭᠠᠰᠢᠯᠠᠪᠠᠯ ᠲᠠᠤᠯᠠᠢ ᠶᠢᠨ ᠰᠢᠭᠦᠰᠦ ᠁ | ᠭᠡᠵᠤ ᠨᠡᠷᠡᠶᠢᠳᠬᠦ ᠴᠦ ᠪᠤᠢ᠃ ᠰᠢᠭᠦᠰᠦᠨ ᠤ ᠬᠡᠮ ᠬᠡᠮᠵᠢᠶᠡ ᠪᠠᠷ ᠨᠢ᠄ ᠡᠩ ︵ᠶᠡᠷᠦ︶ ᠤᠨ ᠰᠢᠭᠦᠰᠦ᠂ ᠪᠦᠬᠦᠯᠢ ︵ | ᠪᠦᠲᠦᠨ︶ ᠰᠢᠭᠦᠰᠦ᠂ ᠲᠡᠷᠢᠭᠦᠨ ᠰᠢᠭᠦᠰᠦ᠂ ᠳᠡᠳ᠋ ᠰᠢᠭᠦᠰᠦ᠂ ᠪᠠᠭᠠ ᠰᠢᠭᠦᠰᠦ᠂ ᠶᠡᠭᠡ ᠰᠢᠭᠦᠰᠦ᠂ ᠪᠢᠲᠡᠭᠦᠦ | ᠰᠢᠭᠦᠰᠦ᠂ ᠵᠠᠳᠠᠭᠠᠢ ᠰᠢᠭᠦᠰᠦ᠂ ᠰᠡᠷᠪᠡᠭᠡ ᠲᠠᠢ ᠰᠢᠭᠦᠰᠦ᠂ ᠰᠡᠷᠪᠡᠭᠡ ᠦᠭᠡᠢ ᠰᠢᠭᠦᠰᠦ᠂ ᠬᠠᠭᠠᠰ ᠰᠢᠭᠦᠰᠦ᠂ | ᠬᠤᠭᠤᠰ ᠰᠢᠭᠦᠰᠦ᠂ ᠮᠥᠴᠢ ᠰᠢᠭᠦᠰᠦ ︵ᠮᠥᠴᠢᠯᠡᠭᠰᠡᠨ ᠰᠢᠭᠦᠰᠦ ᠴᠦ ᠭᠡᠳᠡᠭ᠂ ᠮᠥᠴᠢ ᠰᠢᠭᠦᠰᠦᠨ ᠳᠤ ᠬᠤᠶᠢᠲᠤ | ᠮᠥᠴᠢ᠂ ᠳᠠᠯᠤ ᠳᠥᠷᠪᠡᠨ ᠥᠨᠳᠥᠷ᠂ ᠳᠠᠯᠤ᠂ ᠡᠪᠴᠢᠭᠦᠦ᠂ ᠰᠡᠭᠦᠵᠢ᠂ ᠳᠤᠮᠳᠠ ᠴᠢᠮᠦᠭᠡ ᠵᠡᠷᠭᠡ ᠵᠢᠷᠭᠤᠭᠠᠨ ᠵᠦᠢᠯ | ᠪᠤᠢ︶᠂ ᠤᠭᠤᠴᠠ ᠰᠢᠭᠦᠰᠦ ︵ᠭᠦᠶᠦᠯᠭᠡ ᠤᠭᠤᠴᠠ᠂ ᠣᠬᠤᠷ ᠤᠭᠤᠴᠠ᠂ ᠪᠠᠭᠠ ᠤᠭᠤᠴᠠ︶᠂ ᠥᠷᠥᠭᠡᠯ | ᠰᠢᠭᠦᠰᠦ᠂ ᠬᠠ ᠶᠢᠨ ᠰᠢᠭᠦᠰᠦ᠂ ᠬᠠᠪᠰᠤᠷᠤᠭᠠ ᠰᠢᠭᠦᠰᠦ᠂ ᠬᠠᠰᠢᠭᠰᠠᠨ ᠰᠢᠭᠦᠰᠦ᠂ ᠲᠣᠯᠣᠭᠠᠢ ᠰᠢᠭᠦᠰᠦ ᠁ | ᠵᠡᠷᠭᠡ ᠪᠤᠢ᠃ ᠪᠣᠯᠭᠤᠭᠰᠠᠨ ᠠᠷᠭᠠ ᠪᠠᠷ ᠨᠢ᠄ ᠤᠯᠠᠭᠠᠨ ᠰᠢᠭᠦᠰᠦ᠂ ᠴᠠᠭᠠᠨ ᠰᠢᠭᠦᠰᠦ᠂ ᠥᠳᠬᠡᠷᠡᠭᠦᠯᠦᠭᠰᠡᠨ | ᠰᠢᠭᠦᠰᠦ᠂ ᠰᠢᠷᠠᠭᠰᠠᠨ ᠰᠢᠭᠦᠰᠦ᠂ ᠰᠢᠷᠠᠵᠤ ᠬᠠᠭᠰᠠᠭᠠᠭᠰᠠᠨ ᠰᠢᠭᠦᠰᠦ᠂ ᠴᠢᠨᠠᠭᠠᠳ ᠰᠢᠷᠠᠭᠰᠠᠨ ᠰᠢᠭᠦᠰᠦ᠂ | ᠴᠢᠨᠠᠭᠰᠠᠨ ᠰᠢᠭᠦᠰᠦ᠂ ᠵᠣᠯᠣᠮᠠ ᠰᠢᠭᠦᠰᠦ᠂ ᠵᠤᠯᠤᠮ ᠰᠢᠭᠦᠰᠦ ᠁ ᠬᠡᠭᠦ ᠵᠡᠷᠭᠡ ᠪᠠᠷ ᠨᠡᠷᠡᠯᠡᠬᠦ ᠴᠦ ᠪᠤᠢ᠃ | ᠲᠡᠭᠦᠨᠴᠢᠯᠡᠨ ᠮᠣᠩᠭᠤᠯ ᠤᠨ ᠦᠢ ᠤᠯᠠᠨ ᠠᠶᠢᠮᠠᠭ ᠤᠭᠰᠠᠭᠠ ᠨᠤᠭᠤᠳ ᠬᠢᠵᠠᠭᠠᠷ ᠦᠭᠡᠢ ᠥᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ | ᠨᠤᠲᠤᠭ ᠲᠤ ᠲᠠᠷᠬᠠᠨ ᠨᠤᠲᠤᠭᠯᠠᠵᠤ ᠪᠠᠶᠢᠭᠠ ᠲᠤᠯᠠ ᠨᠡᠷᠡᠯᠡᠬᠦ ᠨᠡᠷᠡ ᠮᠢᠳᠠᠭ ᠨᠢ ᠠᠳᠠᠯᠢ ᠦᠭᠡᠢ ᠮᠥᠷᠲᠡᠭᠡᠨ | ᠰᠢᠭᠦᠰᠦ ᠲᠠᠯᠪᠢᠬᠤ ᠳᠤ ᠪᠠᠨ ᠴᠦ ᠲᠥᠷᠥᠯ ᠵᠦᠢᠯ ᠬᠤᠪᠢᠶᠠᠬᠤ ᠪᠣᠯᠣᠨ ᠰᠠᠯᠭᠠᠵᠤ ᠵᠠᠰᠠᠬᠤ ᠳᠦᠷᠢᠮ᠂ ᠦᠭᠡᠯᠡᠵᠦ | ᠵᠦᠰᠦᠬᠦ ᠭᠤᠷᠢᠮ ᠵᠡᠷᠭᠡ ᠲᠤᠰᠬᠠᠢ ᠶᠣᠰᠣ ᠨᠢ ᠥᠪᠡᠷ ᠬᠤᠭᠤᠷᠣᠨᠳᠤ ᠪᠠᠨ ᠲᠤᠰ ᠲᠤᠰ ᠤᠨ ᠢᠶᠠᠨ ᠨᠠᠷᠢᠨ ᠢᠯᠭᠠᠭᠠ | ᠪᠠᠶᠢᠬᠤ ᠨᠢ ᠵᠠᠶᠢᠯᠠᠰᠢ ᠦᠭᠡᠢ ᠶᠤᠮ᠃ ᠣᠷᠳᠣᠰ ᠲᠤ ᠮᠣᠷᠢᠨ ᠥᠳᠬᠡ ᠶᠢ ᠴᠢᠩᠭᠢᠰ ᠤᠨ ᠲᠠᠶᠢᠯᠭᠠ᠂ ᠲᠠᠬᠢᠯᠭᠠ᠂ | ᠲᠠᠪᠢᠭᠯᠠᠯ ᠳᠤ ᠬᠡᠷᠡᠭᠯᠡᠬᠦ ᠶᠢ ᠭᠠᠷᠭᠠᠪᠠᠯ ᠶᠡᠷᠦ ᠶᠢᠨ ᠨᠠᠶᠢᠷ ᠴᠤᠭᠯᠠᠭᠠᠨ ᠳᠤ ᠭᠠᠷᠭᠠᠬᠤ ᠦᠭᠡᠢ᠃ ᠦᠬᠡᠷ ᠬᠠᠲᠠᠭᠤ ᠶᠢ | ᠴᠦ ᠨᠡᠯᠢᠶᠡᠳ ᠶᠡᠭᠡ ᠰᠢᠭ ᠨᠠᠶᠢᠷ ᠴᠤᠭᠯᠠᠭᠠᠨ ᠳᠤ ᠭᠠᠷᠭᠠᠨᠠ᠃ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤ ᠬᠤᠨᠢᠨ ᠰᠢᠭᠦᠰᠦ ᠪᠠᠷ | ᠬᠦᠨᠳᠦᠯᠡᠨ ᠳᠠᠶᠢᠯᠠᠬᠤ ᠪᠤᠶᠤ ᠬᠦᠨᠳᠦ ᠪᠡᠯᠡᠭ ᠪᠣᠯᠭᠠᠨ ᠳᠤ ᠥᠭᠭᠦᠨᠡ᠃ | ᠳᠣᠣᠷᠠ ᠬᠤᠨᠢᠨ ᠰᠢᠭᠦᠰᠦ ︵ᠢᠷᠭᠡ ᠶᠢᠨ ᠰᠢᠭᠦᠰᠦ︶ ᠪᠠᠷ ᠲᠠᠶᠢᠯᠪᠤᠷᠢ ᠬᠢᠶᠡ᠃ | ︵ᠬᠤᠶᠠᠷ︶ ᠬᠤᠨᠢᠨ ᠰᠢᠭᠦᠰᠦ | ⒈ ᠰᠢᠭᠦᠰᠦ ᠶᠢᠨ ᠮᠦᠴᠢ ᠭᠡᠰᠢᠭᠦᠦ | ᠪᠦᠲᠦᠨ ᠰᠢᠭᠦᠰᠦ ᠳᠤ ᠬᠤᠶᠠᠷ ᠬᠠ᠂ ᠬᠤᠶᠠᠷ ᠭᠤᠶᠠ᠂ ᠤᠭᠤᠴᠠ᠂ ᠰᠡᠭᠡᠷ᠂ ᠲᠣᠯᠣᠭᠠᠢ ᠳᠣᠯᠤᠭᠠ ᠣᠷᠣᠨᠠ᠃ | ᠣᠷᠳᠣᠰ ᠲᠤ ᠡᠪᠴᠢᠭᠦᠦ᠂ ᠬᠦᠵᠦᠭᠦᠦ ᠶᠢ ᠵᠠᠷᠤᠳᠠᠭ ᠦᠭᠡᠢ᠃ | ⒉ ᠰᠢᠭᠦᠰᠦ ᠶᠢᠨ ᠮᠦᠴᠢ ᠭᠡᠰᠢᠭᠦᠦ ᠶᠢ ᠲᠠᠪᠠᠭᠯᠠᠬᠤ | ᠲᠦᠷᠦᠭᠦᠦ ᠲᠠᠯᠠ ᠲᠤᠯᠤᠭᠠᠢ ᠶᠢ ᠬᠠᠮᠠᠷ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ ᠲᠠᠯᠤ ᠶᠢ ᠬᠠᠮᠠᠷ ᠲᠠᠯᠠ ᠶᠢ | ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠲᠤᠭᠤᠭᠠᠨ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ ᠰᠡᠭᠦᠵᠢ ᠶᠢ ᠬᠠᠪᠳᠠᠭᠠᠢ ᠲᠤᠯᠤᠭᠠᠢ | ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ ᠲᠤᠮᠳᠠ ᠴᠢᠮᠦᠭᠡ ᠶᠢ ᠵᠢᠩᠰᠡᠳᠦ ᠲᠦᠷᠦᠭᠦᠦ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ | ᠲᠠᠯᠪᠢᠨᠠ᠃ ᠡᠪᠴᠢᠭᠦᠦ ᠶᠢ ᠡᠯᠢᠭᠡᠨ ᠲᠠᠯᠠ ᠶᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠬᠤᠰᠢᠭᠤ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ | ᠲᠠᠯᠪᠢᠨᠠ᠃ ᠱᠠᠭᠠᠨᠲᠤ ᠶᠢ ᠱᠠᠭᠠ ᠶᠢᠨ ᠬᠢ ᠨᠢ ᠮᠤᠷᠢᠨ ᠡᠳᠡᠭᠡᠳ ᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠱᠠᠭᠠᠨᠲᠤ | ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ ᠬᠠᠷᠢᠳᠦ ᠶᠢ ᠪᠦᠳᠦᠭᠦᠨ ᠲᠦᠷᠦᠭᠦᠦ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ | ᠰᠡᠭᠡᠷ ᠢ ᠪᠦᠬᠦᠯᠢ ᠪᠠᠷ ᠨᠢ ᠬᠡᠷᠡᠭᠯᠡᠪᠡᠯ ᠬᠦᠵᠦᠭᠦᠨ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ ᠬᠠᠪᠢᠷᠭᠠ ᠶᠢ | ᠡᠯᠢᠭᠡᠨ ᠲᠠᠯᠠ ᠶᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠪᠤᠷᠠ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ ᠬᠡᠬᠦ ᠳᠤ ᠲᠦᠷᠪᠡᠨ | ᠦᠨᠳᠦᠷ ᠢ ᠪᠣᠯ ᠢᠮᠠᠭᠳᠠ ᠲᠠᠯᠤ ᠶᠢᠨ ᠬᠠᠮᠳᠤ ᠲᠠᠪᠠᠭᠯᠠᠭᠳᠠᠬᠤ ᠵᠠᠩᠰᠢᠯ ᠪᠤᠢ᠃ ᠡᠶᠢᠮᠦ ᠠᠴᠠ ︽ᠲᠠᠯᠤ ᠲᠦᠷᠪᠡᠨ | ᠦᠨᠳᠦᠷ ᠲᠠᠭᠠᠪᠤᠷᠢ ᠲᠠᠢ︾ ᠬᠡᠬᠦ ᠦᠭᠡ ᠪᠠᠶᠢᠳᠠᠭ᠃ ᠪᠤᠭᠤᠨᠢ ᠬᠠᠪᠢᠷᠭᠠ ᠶᠢ ᠬᠦᠵᠤᠬᠦᠦ ᠪᠤᠯᠤᠨ ᠵᠠᠷᠢᠮ ᠦᠶᠡ ᠳᠤ | ᠨᠢᠷᠤᠭᠤ ᠴᠤ ᠭᠡᠰᠡᠨ ᠪᠦᠷ ᠦᠶᠡᠯᠡᠭᠳᠡᠵᠤ ᠪᠤᠰᠤᠳ ᠮᠦᠴᠢ ᠭᠡᠰᠢᠭᠦᠦ ᠶᠢᠨ ᠲᠠᠭᠠᠪᠤᠷᠢ ᠪᠤᠯᠳᠠᠭ᠃ ᠵᠠᠷᠢᠮ ᠭᠠᠵᠠᠷ | ᠪᠣᠭᠲᠣᠭᠤᠰᠤ ᠶᠢ ᠲᠠᠪᠠᠭᠯᠠᠵᠤ ᠲᠠᠯᠪᠢᠪᠠᠯ ᠬᠦᠮᠦᠨ ᠢ ᠲᠤᠷᠤᠮᠵᠢᠯᠠᠭᠰᠠᠨ ᠢᠶᠠᠷ ᠦᠵᠡᠬᠦ ᠲᠤᠯᠠ ᠵᠤᠴᠢᠨ ᠳᠤ ᠲᠠᠯᠪᠢᠳᠠᠭ | ᠦᠭᠡᠢ᠃ ᠭᠡᠷ ᠵᠠᠭᠤᠷᠠ ᠪᠠᠨ ᠭᠡᠷᠡᠭᠯᠡᠪᠡᠯ ᠵᠠᠯᠠᠭᠠᠳᠤ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ | ⒊ ᠰᠢᠭᠦᠰᠦ ᠶᠢᠨ ᠲᠥᠷᠥᠯ ᠵᠦᠢᠯ | ⑴ ᠪᠢᠳᠠᠭᠦᠦ ᠲᠤᠯᠤᠭᠠᠢ ︵ᠲᠠᠷᠢᠭᠦᠨ ᠰᠢᠭᠦᠰᠦ︶ ᠪᠦᠭᠦᠯᠢ ᠰᠢᠭᠦᠰᠦᠨ ᠤ ᠲᠡᠭᠡᠷᠡ ᠲᠠᠯᠪᠢᠳᠠᠭ ᠪᠤᠶᠤ | ᠡᠰᠡᠭᠦᠯᠡ ᠲᠡᠭᠦᠨ ᠢ ᠪᠠᠶᠠᠷ ᠶᠤᠰᠤᠯᠠᠯ ᠤᠨ ᠦᠶᠡ ᠳᠤ ᠡᠯᠳᠡᠪ ᠪᠤᠭᠤᠷᠰᠤᠭ ᠤᠨ ᠬᠠᠮᠳᠤ ᠲᠠᠪᠠᠭᠯᠠᠵᠤ ᠡᠷᠦᠭᠡ ᠭᠡᠷ ᠤᠨ | ᠵᠠᠭᠤᠷᠠ ᠶᠤᠰᠤᠯᠠᠯ ᠤᠨ ᠢᠳᠡᠭᠡᠨ ᠪᠤᠯᠭᠠᠳᠠᠭ᠃ ᠪᠢᠳᠠᠭᠦᠦ ᠲᠤᠯᠤᠭᠠᠢ ᠶᠢ ᠪᠤᠯ ᠶᠡᠷᠦ ᠠᠴᠠ ᠲᠡᠷᠢᠭᠦᠨ ᠰᠢᠭᠦᠰᠦ ᠭᠡᠵᠤ | ᠬᠦᠨᠳᠦᠳᠭᠡᠨ ᠦᠵᠡᠳᠡᠭ ᠪᠤᠯᠬᠤᠷ ᠲᠡᠭᠦᠨ ᠢ ᠶᠢᠰᠦᠨᠳᠡ ᠬᠦᠨᠳᠡᠬᠦ ᠶᠤᠰᠤᠳᠠᠢ᠃ ᠡᠭᠦᠨ ᠳᠤ ᠲᠤᠬᠤ᠂ ᠬᠤᠶᠠᠷ | ᠵᠡᠪᠡᠵᠢ᠂ ᠬᠤᠶᠠᠷ ᠴᠢᠬᠢ᠂ ᠬᠤᠶᠠᠷ ᠤᠬᠤᠷᠬᠠᠢ᠂ ᠰᠢᠯᠢ᠂ ᠲᠠᠩᠨᠠᠢ ᠵᠡᠷᠭᠡ ᠶᠢᠰᠦᠨ ᠭᠠᠵᠠᠷ ᠢ ᠬᠦᠨᠳᠡᠳᠡᠭ᠃ | ⑵ ᠪᠦᠭᠦᠯᠢ ᠰᠢᠭᠦᠰᠦ | ᠡᠭᠦᠨ ᠳᠤ ᠬᠤᠶᠠᠷ ᠵᠦᠢᠯ ᠪᠤᠢ᠃ ① ᠵᠤᠮᠠ ᠪᠤᠯᠤᠨ ᠪᠦᠬᠦᠯᠢ ᠰᠢᠭᠦᠰᠦ ᠭᠡᠵᠤ ᠬᠡᠯᠡᠳᠡᠭ᠃ ᠪᠦᠬᠦ | ᠦᠰᠦ ᠶᠢ ᠵᠤᠮᠠᠯᠠᠭᠠᠳ ᠬᠡᠳᠡᠰᠦ ᠲᠤᠳᠤᠷ ᠢ ᠨᠢ ᠠᠪᠴᠤ ᠪᠦᠬᠦᠯᠢ ᠪᠠᠷ ᠨᠢ ᠴᠢᠨᠠᠵᠤ ᠪᠤᠯᠭᠤᠭᠠᠳ ᠡᠪᠡᠷ | ᠲᠤᠭᠤᠷᠠᠢ ᠶᠢ ᠨᠢ ᠠᠪᠤᠯ ᠦᠭᠡᠢ ᠵᠤᠭᠰᠤᠭᠠᠬᠤ ᠪᠤᠶᠤ ᠭᠡᠪᠳᠡᠭᠦᠯᠵᠤ ᠲᠤᠯᠤᠭᠠᠢ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ | ᠲᠠᠯᠪᠢᠨᠠ᠃ ② ᠪᠦᠭᠦᠯᠢ ᠰᠢᠭᠦᠰᠦ ᠪᠣᠯ ᠲᠠᠪᠠᠭᠯᠠᠬᠤ ᠳᠤ ᠪᠠᠨ ᠬᠠᠮᠤᠭ ᠤᠨ ᠲᠤᠤᠷᠠ ᠨᠢ ᠡᠪᠴᠢᠭᠦᠦ ᠬᠦᠵᠦᠭᠦᠦ | ᠪᠤᠯᠤᠨ ᠰᠡᠭᠡᠷ ᠢ ᠲᠠᠯᠪᠢᠵᠤ ᠲᠡᠭᠡᠷᠡ ᠨᠢ ᠲᠦᠷᠪᠡᠨ ᠮᠦᠴᠢ ᠶᠢ ᠠᠮᠢᠳᠤ ᠬᠤᠨᠢᠨ ᠤ ᠪᠦᠳᠦᠴᠠ ᠶᠤᠰᠤᠭᠠᠷ ᠢᠯᠭᠠᠨ | ᠲᠠᠯᠪᠢᠵᠤ᠂ ᠲᠡᠭᠦᠨ ᠤ ᠲᠡᠭᠡᠷᠡ ᠤᠭᠤᠴᠠ ᠶᠢ ᠲᠠᠯᠪᠢᠭᠠᠳ ᠬᠠᠮᠤᠭ ᠤᠨ ᠲᠡᠭᠡᠷᠡ ᠨᠢ ᠪᠢᠳᠡᠭᠦᠦ ᠲᠤᠯᠤᠭᠠᠢ ᠶᠢ | ᠲᠠᠯᠪᠢᠵᠤ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠷ ᠴᠢᠮᠡᠭᠰᠡᠨ ᠪᠠᠶᠢᠳᠠᠭ᠃ ᠪᠠᠰᠠ ᠡᠨᠡ ᠰᠢᠭᠦᠰᠦ ᠶᠢᠨ ᠳᠠᠭᠠᠪᠤᠷᠢ ᠳᠤ ᠵᠢᠷᠦᠭᠡ᠂ | ᠡᠯᠢᠭᠡ᠂ ᠪᠦᠭᠡᠷᠡ᠂ ᠪᠦᠳᠦᠭᠦᠨ ᠭᠡᠳᠠᠰᠤ ᠬᠦᠷᠳᠡᠯᠡ ᠤᠷᠤᠭᠰᠠᠨ ᠪᠠᠶᠢᠳᠠᠭ᠃ | ⑶ ᠬᠠᠭᠠᠰ ᠰᠢᠭᠦᠰᠦ | ᠤᠭᠤᠴᠠ᠂ ᠬᠤᠶᠠᠷ ᠬᠠ᠂ ᠡᠷᠡᠦ ᠦᠭᠡᠢ ᠲᠣᠯᠣᠭᠠᠢ᠂ ᠰᠡᠭᠡᠷ ᠢᠶᠠᠷ ᠪᠦᠷᠢᠯᠳᠦᠨᠡ᠃ ᠦᠶᠡᠯᠡᠨ ᠰᠠᠯᠭᠠᠵᠤ | ᠬᠠ᠂ ᠰᠡᠭᠡᠷ ᠤᠨ ᠬᠤᠨᠢᠨ ᠤ ᠪᠡᠶᠡ ᠳᠤ ᠬᠢ ᠪᠠᠶᠢᠷᠢᠰᠢᠯ ᠢᠶᠠᠷ ᠲᠠᠪᠠᠭᠯᠠᠭᠠᠳ ᠳᠡᠭᠡᠷᠡ ᠨᠢ ᠤᠭᠤᠴᠠ ᠪᠠᠨ ᠬᠥᠮᠥᠷᠢᠵᠦ | ᠂ ᠲᠠᠬᠢᠨ ᠳᠡᠭᠡᠷᠡ ᠨᠢ ᠲᠣᠯᠣᠭᠠᠢ ᠶᠢ ᠨᠢ ᠲᠠᠯᠪᠢᠵᠤ ᠭᠡᠶᠢᠴᠢᠨ ᠳᠤ ᠪᠠᠨ ᠵᠠᠰᠠᠨᠠ᠃ ᠡᠨᠡ ᠪᠣᠯ ᠮᠣᠩᠭᠤᠯᠴᠤᠳ ᠤᠨ | ᠭᠤᠲᠠᠭᠠᠷ ᠵᠡᠷᠭᠡ ᠶᠢᠨ ᠶᠣᠰᠣ ᠬᠦᠨᠳᠦᠲᠡᠢ ᠰᠢᠭᠦᠰᠦ ᠪᠠᠶᠢᠵᠤ᠂ ᠬᠤᠯᠠ ᠠᠴᠠ ᠴᠢᠬᠤᠯᠠ ᠵᠣᠴᠢᠨ ᠪᠤᠶᠤ ᠠᠨᠳᠠ | ᠨᠥᠬᠦᠳ ᠲᠤ ᠪᠠᠨ ︽ᠰᠦᠪᠡᠭᠡ ᠬᠤᠶᠠᠷ ᠳᠠᠷᠤᠵᠤ᠂ ᠰᠡᠭᠦᠯ ᠬᠤᠶᠠᠷ ᠴᠠᠴᠤᠭᠯᠠᠬᠤ︾ ᠪᠤᠶᠤ ︽ᠰᠦᠪᠡᠭᠡ ᠬᠤᠶᠠᠷ | ᠳᠠᠷᠤᠵᠤ᠂ ᠰᠡᠭᠦᠯ ᠳᠥᠷᠪᠡ ᠴᠠᠴᠤᠭᠯᠠᠬᠤ︾ ᠶᠣᠰᠣ ᠪᠠᠷ ᠵᠦᠰᠦᠵᠦ ᠲᠠᠯᠪᠢᠳᠠᠭ᠃ | ⑷ ᠬᠤᠭᠤᠰ ᠰᠢᠭᠦᠰᠦ | ᠤᠭᠤᠴᠠ᠂ ᠰᠡᠭᠡᠷ᠂ ᠨᠢᠭᠡ ᠬᠠ ᠪᠠᠷ ᠪᠦᠷᠢᠯᠳᠦᠨᠡ᠃ ᠶᠠᠮᠠᠷ ᠨᠢᠭᠡᠨ ᠤᠳᠬᠠ ᠠᠭᠤᠯᠭᠠ ᠲᠠᠢ ᠪᠦᠬᠦᠢ | ᠨᠡᠯᠢᠶᠡᠳ ᠡᠷᠬᠢᠮ ᠬᠦᠨᠳᠦᠲᠦ ᠵᠣᠴᠢᠨ ᠪᠠ ᠰᠠᠳᠤᠨ ᠲᠥᠷᠥᠯ ᠢᠷᠡᠬᠦ ᠳᠤ ᠦᠵᠡᠵᠦ ᠪᠠᠶᠢᠭᠠᠳ ᠲᠣᠬᠢᠷᠠᠬᠤ | ᠵᠦᠰᠦᠯᠭᠡ ᠪᠠᠷ ᠵᠦᠰᠦᠵᠦ ᠲᠠᠯᠪᠢᠨᠠ᠃ | ⑸ ᠥᠷᠥᠭᠡᠯ ᠰᠢᠭᠦᠰᠦ | ᠪᠦᠬᠦᠯᠢ ᠤᠭᠤᠴᠠ᠂ ᠵᠥᠪ ᠲᠠᠯᠠ ᠶᠢᠨ ᠬᠠ᠂ ᠪᠤᠷᠤᠭᠤ ᠲᠠᠯᠠ ᠶᠢᠨ ᠭᠤᠶᠠ᠂ ᠲᠣᠯᠣᠭᠠᠢ᠂ ᠰᠡᠭᠡᠷ ᠵᠡᠷᠭᠡ | ᠲᠠᠪᠤᠨ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠦᠵᠦ᠂ ᠬᠠ ᠭᠤᠶᠠ ᠨᠢ ᠥᠷᠥᠭᠡᠯ ᠤᠨ ᠬᠡᠯᠪᠡᠷᠢ ᠪᠠᠷ ᠲᠤᠰᠢᠭᠰᠠᠨ ᠢ ᠬᠡᠯᠡᠵᠦ ᠪᠤᠢ᠃ | ⑹ ᠬᠠ ᠶᠢᠨ ᠰᠢᠭᠦᠰᠦ | ᠳᠠᠯᠤ᠂ ᠪᠤᠭᠤᠯᠤᠭ ᠴᠢᠮᠦᠭᠡ᠂ ᠪᠣᠭᠲᠣ ᠴᠢᠮᠦᠭᠡ᠂ ᠳᠥᠷᠪᠡᠨ ᠥᠨᠳᠥᠷ ᠢᠶᠠᠷ ᠪᠦᠷᠢᠯᠳᠦᠳᠡᠭ᠃ | ⑺ ᠬᠦᠶᠦᠯᠭᠡ ᠤᠭᠤᠴᠠ ︵ᠪᠦᠬᠦᠯᠢ ᠤᠭᠤᠴᠠ︶ | ᠤᠭᠤᠴᠠ ᠶᠢᠨ ᠲᠤᠬᠠᠢ ᠪᠤᠯ ︽ᠲᠠᠶᠢᠵᠢ ᠶᠢᠨ ᠤᠭᠤᠴᠠ ᠲᠠᠪᠤᠨ ᠨᠢᠷᠤᠭᠤ ᠲᠠᠢ᠂ ᠬᠠᠷᠠᠴᠤ ᠶᠢᠨ ᠤᠭᠤᠴᠠ | ᠭᠤᠷᠪᠠᠨ ᠨᠢᠷᠤᠭᠤ ᠲᠠᠢ︾ ᠭᠡᠬᠦ ᠦᠭᠡ ᠪᠠᠶᠢᠳᠠᠭ᠃ ᠲᠠᠶᠢᠨ ᠬᠦ ᠬᠦᠶᠦᠯᠭᠡ ᠤᠭᠤᠴᠠ ᠪᠤᠯ ᠲᠠᠪᠤᠨ ᠨᠢᠷᠤᠭᠤ᠂ | ᠰᠦᠪᠡᠭᠡᠨ ᠤ ᠭᠤᠷᠪᠠᠨ ᠬᠠᠪᠢᠷᠭᠠ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠳᠠᠭ ᠪᠦᠭᠡᠳ ᠬᠤᠶᠠᠷ ᠬᠠᠵᠠᠭᠤ ᠶᠢᠨ ᠬᠠᠰᠢᠶᠠᠰᠤᠨ ᠳᠤ | ᠪᠦᠭᠦᠯᠢ ᠰᠡᠭᠡᠷ ᠪᠤᠯᠤᠨ ᠱᠠᠭᠠᠨᠲᠤ ᠤᠷᠤᠵᠤ᠂ ᠰᠡᠭᠦᠯ ᠤᠨ ᠦᠵᠦᠭᠦᠷ ᠠᠴᠠ ᠲᠠᠪᠤᠨ ᠦᠶᠡ ᠬᠠᠰᠤᠵᠤ᠂ ᠲᠡᠭᠡᠷᠡ ᠨᠢ | ᠴᠠᠭᠠᠨ ᠢᠳᠡᠭᠡᠨ ᠤ ᠲᠡᠭᠡᠵᠢ ᠲᠡᠳᠦᠢ ᠶᠢ ᠲᠠᠯᠪᠢᠵᠤ᠂ ᠲᠤᠯᠤᠭᠠᠢ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ | ⑻ ᠤᠬᠤᠷ ᠤᠭᠤᠴᠠ ︵ᠪᠠᠭᠠ ᠤᠭᠤᠴᠠ︶ | ᠲᠤᠤᠬᠠ ᠨᠢᠷᠤᠭᠤ᠂ ᠠᠰᠠᠭᠤᠬᠤ ᠨᠢᠷᠤᠭᠤ ᠲᠡᠭᠡᠷᠡ ᠨᠢᠭᠡ ᠨᠢᠷᠤᠭᠤ ᠨᠡᠮᠡᠵᠤ᠂ ᠭᠤᠷᠪᠠᠨ ᠨᠢᠷᠤᠭᠤ ᠲᠠᠢ | ᠪᠤᠯᠭᠠᠨ ᠰᠡᠭᠦᠯ ᠤᠨ ᠦᠵᠦᠭᠦᠷ ᠠᠴᠠ ᠲᠠᠪᠤᠨ ᠦᠶᠡ ᠬᠠᠰᠤᠭᠠᠳ ᠮᠦᠨ ᠰᠡᠭᠡᠷ ᠱᠠᠭᠠᠨᠲᠤ ᠪᠠᠷ ᠬᠠᠰᠢᠵᠤ᠂ | ᠲᠡᠭᠡᠷᠡ ᠨᠢ ᠴᠠᠭᠠᠨ ᠢᠳᠡᠭᠡᠨ ᠤ ᠲᠡᠭᠡᠵᠢ ᠪᠠᠷ ᠴᠢᠮᠡᠵᠤ ᠲᠤᠯᠤᠭᠠᠢ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠨᠠ᠃ | ⑼ ᠲᠠᠯᠤ ᠲᠦᠷᠪᠡᠨ ᠦᠨᠳᠦᠷ | ᠡᠨᠡ ᠪᠤᠯ ᠲᠠᠯᠤ ᠪᠤᠯᠤᠨ ᠲᠦᠷᠪᠡᠨ ᠦᠨᠳᠦᠷ ᠬᠠᠪᠢᠷᠭᠠ ᠶᠢ ᠨᠢᠭᠡᠨ ᠬᠠᠮᠳᠤ ᠲᠠᠪᠠᠭᠯᠠᠵᠤ᠂ | ᠮᠥᠭᠡᠷᠰᠦ ᠶᠢ ᠨᠢ ᠤᠨᠠᠭᠠᠨ ᠲᠠᠭᠠᠪᠤᠷᠢ ᠳᠤ ᠰᠡᠭᠡᠷ ᠨᠢᠷᠤᠭᠤ ᠤᠷᠤᠵᠤ ᠲᠤᠭᠤᠭᠠᠨ ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ | ᠲᠠᠯᠪᠢᠨᠠ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠳᠠᠯᠤ᠂ ᠳᠥᠷᠪᠡᠨ ᠥᠨᠳᠥᠷ᠂ ᠰᠡᠭᠦᠵᠢ᠂ ᠳᠤᠮᠳᠠ ᠴᠢᠮᠦᠭᠡ ᠶᠢᠨ ᠳᠠᠶᠢᠯᠠᠯᠭᠠ︔ | ᠤᠭᠤᠴᠠ᠂ ᠳᠠᠯᠤ᠂ ᠳᠥᠷᠪᠡᠨ ᠥᠨᠳᠥᠷ ᠤᠨ ᠳᠠᠶᠢᠯᠠᠯᠭᠠ︔ ᠡᠪᠴᠢᠭᠦᠦ᠂ ᠳᠠᠯᠤ᠂ ᠳᠥᠷᠪᠡᠨ ᠥᠨᠳᠥᠷ ᠤᠨ | ᠳᠠᠶᠢᠯᠠᠯᠭᠠ ᠭᠡᠵᠤ ᠪᠤᠢ᠃ ᠪᠠᠰᠠ ᠬᠤᠰ ︵ᠲᠣᠭᠤᠷᠬᠠᠢ︶᠂ ᠪᠦᠳᠦᠭᠦᠨ ᠭᠡᠳᠡᠰᠦ᠂ ᠡᠯᠢᠭᠡ᠂ ᠵᠢᠷᠦᠬᠡ ᠶᠢ | ᠳᠠᠭᠠᠯᠳᠤᠭᠤᠯᠳᠠᠭ᠃ | ⑽ ᠡᠪᠴᠢᠭᠦᠨ ᠰᠢᠭᠦᠰᠦ | ᠵᠦᠪᠬᠡᠨ ᠨᠢᠭᠡ ᠯᠡ ᠬᠤᠷᠮᠣᠢ ᠲᠠᠢ ᠪᠦᠲᠦᠨ ᠡᠪᠴᠢᠭᠦᠦ ᠪᠠᠷ ᠪᠦᠷᠢᠯᠳᠦᠨᠡ᠃ ᠥᠩᠭᠡᠷᠡᠭᠰᠡᠨ ᠳᠤ | ᠡᠪᠴᠢᠭᠦᠨ ᠰᠢᠭᠦᠰᠦ ᠶᠢ ᠡᠮᠡᠭᠲᠡᠢ ᠬᠥᠮᠥᠨ ᠤ ᠬᠠᠮᠤᠭ ᠤᠨ ᠶᠣᠰᠣ ᠬᠦᠨᠳᠦᠲᠡᠢ ᠰᠢᠭᠦᠰᠦ ᠪᠠᠷ ᠦᠵᠡᠵᠦ᠂ ᠬᠠᠷᠢ ᠳᠤ | ᠮᠣᠷᠳᠠᠭᠰᠠᠨ ᠬᠡᠦᠬᠡᠨ ᠲᠥᠷᠬᠦᠮᠯᠡᠵᠦ ᠢᠷᠡᠬᠦ ᠳᠤ ᠡᠪᠴᠢᠭᠦᠨ ᠰᠢᠭᠦᠰᠦ ᠲᠠᠯᠪᠢᠳᠠᠭ᠃ | ⑾ ᠰᠡᠭᠡᠷ ᠲᠠᠢ ᠬᠠ ᠶᠢᠨ ᠰᠢᠭᠦᠰᠦ | ᠬᠠ ᠶᠢᠨ ᠳᠡᠭᠡᠷᠡ ᠰᠡᠭᠡᠷ ᠲᠠᠯᠪᠢᠵᠤ ᠪᠦᠷᠢᠯᠳᠦᠨᠡ᠃ | ⑿ ᠬᠠᠰᠢᠭᠰᠠᠨ ᠰᠢᠭᠦᠰᠦ | ᠵᠥᠪ ᠲᠠᠯᠠ ᠶᠢᠨ ᠬᠠ᠂ ᠪᠤᠷᠤᠭᠤ ᠲᠠᠯᠠ ᠶᠢᠨ ᠭᠤᠶᠠ᠂ ᠰᠡᠭᠡᠷ᠂ ᠲᠣᠯᠣᠭᠠᠢ ᠳᠥᠷᠪᠡ ᠪᠠᠷ ᠪᠦᠷᠢᠯᠳᠦᠨᠡ᠃ | | ⒀ ᠰᠡᠭᠦᠵᠢ ᠳᠤᠮᠳᠠ ᠴᠢᠮᠦᠭᠡ | ᠭᠤᠶᠠ ᠶᠢ ᠦᠶᠡᠯᠡᠵᠦ᠂ ᠱᠠᠭᠠᠨᠲᠤ᠂ ᠳᠤᠮᠳᠠ ᠴᠢᠮᠦᠭᠡ ᠶᠢᠨ ᠳᠡᠭᠡᠷᠡ ᠰᠡᠭᠦᠵᠢ ᠶᠢ ᠬᠠᠪᠲᠠᠭᠠᠢ ᠲᠣᠯᠣᠭᠠᠢ | ᠲᠠᠯᠠ ᠪᠠᠷ ᠨᠢ ᠬᠠᠨᠳᠤᠭᠤᠯᠵᠤ ᠳᠡᠪᠰᠢᠭᠦᠯᠦᠨᠡ᠃ ᠬᠡᠷᠪᠡ ᠰᠠᠭᠤᠳᠠᠯ ᠳᠤ ᠬᠢ ᠵᠣᠴᠢᠨ ᠣᠯᠠᠨ ᠪᠠᠶᠢᠪᠠᠯ ᠪᠤᠰᠤᠳ | ᠵᠦᠢᠯ ᠢ ᠳᠠᠭᠠᠪᠤᠷᠢ ᠳᠤ ᠣᠷᠣᠭᠤᠯᠵᠤ ᠪᠣᠯᠣᠨᠠ᠃ | ⒁ ᠲᠡᠯᠡᠭᠡ ᠬᠤᠷᠠᠭᠠ ᠪᠠ ᠡᠩ ᠤᠨ ᠬᠤᠷᠠᠭᠠᠨ ᠤ ᠰᠢᠭᠦᠰᠦ | ᠳᠣᠣᠷᠠ ᠦᠶᠡ ᠶᠢᠨ ᠬᠦᠨᠳᠦᠲᠦ ᠵᠣᠴᠢᠨ ᠬᠢᠭᠡᠳ ᠠᠶᠠᠨ ᠤ ᠬᠦᠨᠡᠰᠦᠨ ᠳᠤ ᠪᠡᠯᠡᠳᠬᠡᠨᠡ᠃ | ⒋ ᠢᠷᠭᠡ ᠶᠢᠨ ᠰᠢᠭᠦᠰᠦ ᠬᠦᠨᠳᠡᠬᠦ ᠶᠤᠰᠤ | ᠰᠢᠭᠦᠰᠦ ᠶᠢ ᠪᠡᠯᠡᠳᠭᠡᠬᠦ ᠪᠠ ᠬᠦᠨᠳᠡᠬᠦ ᠲᠤᠬᠠᠢ ᠤᠯᠠᠨ ᠶᠤᠰᠤ ᠪᠠᠶᠢᠳᠠᠭ᠃ ᠶᠡᠷᠦᠩᠭᠡᠢ ᠳᠤ ᠪᠠᠨ | ᠰᠢᠭᠦᠰᠦ ᠪᠠᠷ ᠲᠠᠶᠢᠯᠠᠭᠳᠠᠬᠤ ᠬᠦᠮᠦᠨ ᠦᠪᠡᠷ ᠢᠶᠠᠨ ᠬᠦᠨᠳᠡᠬᠦ ᠪᠤᠰᠤ᠂ ᠲᠡᠭᠦᠨ ᠤ ᠲᠠᠭᠠᠯᠳᠠ ᠰᠠᠯᠳᠠ ᠠᠴᠠ ᠨᠢᠭᠡᠨ | ᠰᠢᠭᠦᠰᠦ ᠬᠦᠨᠳᠡᠭᠴᠢ ᠭᠠᠷᠳᠠᠭ ᠪᠤᠶᠤ ᠡᠰᠡᠭᠦᠯᠡ ᠲᠤᠰᠬᠠᠢ ᠨᠢᠭᠡᠨ ᠰᠢᠭᠦᠰᠦ ᠬᠦᠨᠳᠡᠭᠴᠢ ᠭᠠᠷᠴᠤ ᠶᠤᠰᠤ | ᠬᠦᠢᠴᠡᠳᠭᠡᠳᠡᠭ᠃ ᠪᠠᠰᠠ ᠰᠢᠭᠦᠰᠦ ᠬᠦᠨᠳᠡᠬᠦ ᠬᠢᠳᠤᠭᠠ ᠪᠤᠯ ᠤᠷᠳᠤ ᠪᠦᠭᠡᠳ ᠢᠷ ᠬᠤᠷᠴᠠ ᠮᠤᠩᠭᠤᠯ ᠬᠢᠳᠤᠭᠠ | ᠪᠠᠶᠢᠬᠤ ᠭᠡᠷᠡᠭᠳᠡᠢ᠃ | ⑴ ᠪᠦᠬᠦᠯᠢ ᠰᠢᠭᠦᠰᠦ ᠬᠥᠨᠳᠡᠬᠦ᠃ ᠶᠠᠭᠤᠨ ᠤ ᠡᠮᠦᠨᠡ ᠬᠠᠮᠤᠭ ᠤᠨ ᠲᠡᠭᠡᠷᠡᠬᠢ ᠪᠢᠳᠡᠭᠦᠦ | ᠲᠤᠯᠤᠭᠠᠢ ᠶᠢ ᠨᠢ ᠠᠪᠴᠤ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠭᠠᠳ᠂ ᠲᠠᠷᠠᠭᠠ ᠨᠢ ᠪᠠᠷᠠᠭᠤᠨ ᠭᠠᠷ ᠲᠠᠯᠠ ᠶᠢᠨ ᠬᠦᠨᠳᠡᠬᠦ | ᠭᠠᠵᠠᠷ ᠤᠳ ᠢ ᠬᠢᠳᠤᠭᠠ ᠶᠢᠨ ᠢᠷ ᠢ ᠲᠡᠭᠡᠭᠰᠢ ᠪᠤᠶᠤ ᠪᠡᠶᠡ ᠦᠭᠡᠳᠡ ᠪᠠᠨ ᠬᠠᠨᠳᠤᠭᠤᠯᠵᠤ ᠬᠦᠨᠳᠡᠬᠦ ᠪᠦᠭᠡᠳ | ᠲᠡᠭᠦᠨᠴᠢᠯᠡᠨ ᠵᠡᠭᠦᠨ ᠭᠠᠷ ᠲᠠᠯᠠ ᠶᠢᠨ ᠬᠦᠨᠳᠡᠬᠦ ᠭᠠᠵᠠᠷ ᠤᠳ ᠢ ᠬᠢᠳᠤᠭᠠ ᠶᠢᠨ ᠢᠷ ᠢ ᠲᠤᠷᠤᠭᠰᠢ ᠪᠤᠶᠤ ᠪᠡᠶᠡ | ᠦᠭᠡᠳᠡ ᠪᠠᠨ ᠬᠠᠨᠳᠤᠭᠤᠯᠵᠤ ᠬᠦᠨᠳᠡᠬᠦ ᠶᠤᠰᠤᠳᠠᠢ᠃ ᠢᠩᠬᠢᠵᠤ ᠬᠦᠨᠳᠡᠬᠦ ᠳᠤ ᠪᠠᠨ ᠵᠡᠪᠠᠯ ᠪᠠᠷᠠᠭᠤᠨ ᠭᠠᠷ ᠢᠶᠠᠷ | ᠬᠦᠢᠴᠡᠳᠭᠡᠬᠦ ᠭᠡᠷᠡᠭᠳᠡᠢ᠃ | ⑵ ᠬᠦᠶᠦᠯᠭᠡ ᠤᠭᠤᠴᠠ ᠪᠤᠯᠤᠨ ᠤᠬᠤᠷ ᠤᠭᠤᠴᠠ ᠬᠦᠨᠳᠡᠬᠦ᠃ ᠶᠠᠭᠤᠨ ᠤ ᠡᠮᠦᠨᠡ ᠤᠭᠤᠴᠠᠨ ᠤ | ᠨᠢᠷᠤᠭᠤ ᠲᠡᠭᠡᠷᠡᠬᠢ ᠭᠤᠤᠯ ᠤᠨ ᠬᠦᠷᠦᠰᠦᠨ ᠠᠴᠠ ᠬᠦᠨᠳᠡᠨ ᠠᠪᠴᠤ ᠭᠠᠯ᠂ ᠲᠡᠭᠷᠢ ᠳᠤ ᠡᠷᠭᠦᠭᠡᠳ ᠲᠠᠷᠠᠭᠠ ᠨᠢ | ᠪᠠᠷᠠᠭᠤᠨ ᠭᠠᠷ ᠲᠠᠯᠠ ᠶᠢᠨ ᠬᠠᠵᠠᠭᠤ ᠶᠢ ᠬᠢᠳᠤᠭᠠ ᠶᠢᠨ ᠢᠷ ᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠤᠭᠳᠤᠯᠵᠤ᠂ ᠲᠡᠭᠦᠨᠴᠢᠯᠡᠨ | ᠵᠡᠭᠦᠨ ᠭᠠᠷ ᠲᠠᠯᠠ ᠶᠢᠨ ᠬᠠᠵᠠᠭᠤ ᠶᠢ ᠬᠢᠳᠤᠭᠠ ᠶᠢᠨ ᠢᠷ ᠢ ᠲᠤᠷᠤᠭᠰᠢ ᠬᠠᠨᠳᠤᠭᠤᠯᠤᠨ ᠤᠭᠳᠤᠯᠤᠭᠠᠳ᠂ | ᠤᠭᠳᠤᠯᠤᠭᠰᠠᠨ ᠲᠡᠷᠡ ᠬᠦ ᠬᠠᠵᠠᠭᠤ ᠶᠢᠨ ᠮᠢᠬᠠ ᠶᠢ ᠬᠡᠳᠦ ᠬᠡᠳᠦᠨ ᠭᠡᠰᠡᠭ ᠬᠤᠪᠢᠶᠠᠨ ᠤᠭᠳᠤᠯᠵᠤ᠂ ᠭᠡᠥᠬᠡᠳ ᠲᠤ | ᠲᠦᠭᠡᠭᠡᠵᠤ ᠤᠭᠤᠴᠠᠨ ᠤ ᠭᠤᠤᠯ ᠢ ᠨᠠᠷᠠᠨ ᠵᠦᠪ ᠲᠤᠭᠤᠷᠢᠭᠤᠯᠵᠤ ᠪᠦᠬᠦᠨ ᠢᠶᠠᠷ ᠠᠮᠰᠠᠬᠤ ᠶᠤᠰᠤᠳᠠᠢ ᠪᠠᠶᠢᠳᠠᠭ᠃ | ᠬᠡᠬᠦ ᠳᠤ ᠶᠡᠭᠡ ᠨᠠᠶᠢᠷ ᠬᠤᠷᠢᠮ ᠤᠨ ᠲᠦᠪ ᠲᠤ ᠲᠠᠯᠪᠢᠭᠰᠠᠨ ᠤᠭᠤᠴᠠ ᠶᠢ ᠤᠤᠯ ᠰᠢᠷᠡᠭᠡᠨ ᠲᠡᠭᠡᠷᠡ ᠨᠢ ᠭᠡᠪ ᠢᠶᠠᠷ | ᠲᠠᠯᠪᠢᠳᠠᠭ ᠪᠦᠭᠡᠳ ᠶᠡᠷᠦ ᠰᠢᠭᠦᠰᠦ ᠬᠦᠨᠳᠡᠭᠰᠡᠨ ᠬᠢᠳᠤᠭᠠ ᠶᠢ ᠰᠢᠭᠦᠰᠦ ᠶᠢᠨ ᠬᠠᠵᠠᠭᠤ ᠳᠤ ᠲᠠᠯᠪᠢᠵᠤ ᠤᠷᠭᠢᠭᠰᠠᠨ | ᠪᠠᠶᠢᠳᠠᠭ᠃ ᠡᠷᠳᠡ ᠲᠡᠭᠡᠷᠡ ᠦᠶᠡ ᠶᠢᠨ ᠮᠤᠩᠭᠤᠯᠴᠤᠳ ᠲᠤ ᠲᠡᠭᠷᠢ ᠲᠠᠬᠢᠬᠤ ᠲᠤᠬᠠᠢ ᠢᠷᠭᠡ ᠶᠢᠨ ᠰᠢᠭᠦᠰᠦ | ᠪᠡᠯᠡᠳᠭᠡᠬᠦ ᠪᠠ ᠲᠡᠪᠰᠢᠭᠦᠯᠬᠦ ᠳᠤ ᠤᠯᠠᠨ ᠶᠤᠰᠤ ᠪᠠᠶᠢᠭᠰᠠᠨ ᠪᠤᠯᠤᠯᠳᠠᠢ᠃ ᠴᠢᠩᠬᠢᠰ ᠤᠨ ᠰᠦᠯᠳᠡ ᠶᠢ ᠲᠠᠬᠢᠬᠤ | ᠢᠷᠭᠡ ᠶᠢᠨ ᠰᠢᠭᠦᠰᠦ ᠶᠢᠨ ᠬᠤᠨᠢ ᠶᠢ ᠪᠤᠯ ᠭᠠᠵᠠᠷ ᠲᠤ ᠬᠦᠷᠭᠡᠬᠦ ᠦᠭᠡᠢ ᠦᠨᠳᠦᠷ ᠰᠢᠷᠡᠭᠡᠨ ᠲᠡᠭᠡᠷᠡ ᠨᠢᠳᠤᠯᠵᠤ | ᠪᠡᠯᠡᠳᠭᠡᠬᠦ ᠪᠦᠭᠡᠳ ᠰᠢᠭᠦᠰᠦ ᠲᠡᠪᠰᠢᠭᠦᠯᠬᠦ ᠲᠤᠬᠠᠢ ᠲᠤᠰᠬᠠᠢ ᠰᠤᠳᠤᠷ ᠪᠢᠴᠢᠭ ᠲᠠᠢ ᠪᠠᠶᠢᠵᠠᠢ᠃ | ⑶ ᠣᠷᠳᠣᠰ ᠰᠢᠬᠦᠰᠤ ᠬᠦᠨᠳᠡᠬᠦ᠃ ᠰᠢᠬᠦᠰᠤ ᠡᠪᠳᠡᠭᠴᠢ ᠠᠩᠬᠠᠨ ᠤ ᠲᠠᠪᠠᠭᠯᠠᠭᠰᠠᠨ ᠰᠢᠬᠦᠰᠤ ᠪᠠᠨ | ᠵᠤᠴᠢᠨ ᠤ ᠪᠠᠨ ᠵᠦᠭ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠬᠤ ᠲᠠᠢ ᠵᠡᠷᠬᠡ ᠦᠬᠡᠷᠡ ᠨᠢᠬᠡᠨ ᠬᠦᠮᠤᠨ ᠬᠢᠳᠤᠭᠠ ᠠᠪᠴᠤ ᠦᠭᠬᠦᠨᠡ | ︵ᠤᠷᠳᠤᠰ ᠲᠤ ᠰᠢᠬᠦᠰᠤ ᠪᠤᠯᠤᠨ ᠬᠢᠳᠤᠭᠠ ᠶᠢ ᠲᠠᠪᠰᠢᠨ ᠳᠤ ᠬᠠᠮᠳᠤ ᠠᠪᠴᠢᠷᠠᠳᠠᠭ ᠦᠬᠡᠢ︶᠃ ᠢᠩᠬᠢᠭᠰᠡᠨ ᠤ | ᠲᠠᠷᠠᠭᠠ ᠬᠦᠮᠤᠨ ᠪᠦᠬᠦᠨ ᠳᠤ ᠰᠢᠬᠦᠰᠤ ᠵᠤᠭᠤᠭᠯᠠᠬᠤ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠤᠯᠬᠤ ᠶᠢᠨ ᠬᠠᠮᠳᠤ ᠰᠢᠬᠦᠰᠤ | ᠡᠪᠳᠡᠭᠴᠢ ᠰᠢᠬᠦᠰᠤᠨ ᠤ ᠪᠠᠨ ᠲᠤᠯᠤᠭᠠᠢ ᠠᠴᠠ ᠡᠬᠢᠯᠡᠬᠦᠯᠤᠨ ᠲᠤᠯᠤᠭᠠᠨ ᠬᠡᠰᠡᠭ ᠠᠴᠠ ᠲᠤᠰ ᠲᠤᠰ ᠮᠤᠩᠨᠠᠵᠤ᠂ | ᠠᠷᠢᠬᠢ ᠲᠠᠢ ᠬᠤᠨᠳᠠᠭᠠᠨ ᠳᠤ ᠬᠢᠵᠤ ᠠᠪᠤᠭᠠᠳ ᠭᠠᠳᠠᠨᠠ ᠭᠠᠷᠴᠤ ᠲᠡᠭᠷᠢ ᠭᠠᠵᠠᠷ ᠲᠤ ᠰᠠᠴᠤᠨ ︽ᠲᠡᠬᠡᠵᠢ ᠡᠷᠬᠦᠪᠡ︕ | ︾ ᠬᠡᠪᠡᠯ ᠬᠡᠷ ᠲᠤ ᠰᠠᠭᠤᠭᠰᠠᠨ ᠲᠡᠷᠡ ᠪᠦᠬᠦᠳᠡ ︽ᠲᠡᠯᠬᠡᠷᠡ︕︾ ᠬᠡᠨᠡ᠃ ᠢᠩᠬᠢᠵᠤ ᠪᠠᠷᠠᠭᠠᠳ ᠤᠭᠤᠴᠠᠨ ᠤ | ᠰᠡᠬᠦᠯ ᠤᠨ ᠦᠵᠤᠬᠦᠷ ᠤᠭᠤᠷᠠᠭ ᠰᠡᠬᠦᠯ ᠢ ᠨᠢᠭᠡ ᠯᠠ ᠬᠢᠳᠤᠭᠠᠨ ᠳᠤ ᠠᠪᠴᠤ ᠲᠠᠬᠢᠨ ᠵᠦᠪ ᠲᠠᠯᠠ ᠶᠢᠨ ᠱᠠᠭᠠ | ᠴᠢᠮᠤᠬᠡ ᠶᠢ ᠮᠤᠯᠳᠤᠯᠵᠤ ᠠᠪᠤᠭᠠᠳ ᠬᠤᠪᠢᠨ ᠳᠤ ᠨᠢ ᠲᠠᠯᠪᠢᠳᠠᠭ ︵ᠤᠷᠢᠳᠤ ᠳᠤ ᠪᠠᠨ ᠪᠤᠯ ᠪᠤᠷᠬᠠᠨ ᠤ ᠬᠡᠰᠢᠭ ᠬᠡᠮᠡᠨ | ᠬᠦᠩᠭᠠᠷᠠᠪᠠ ᠳᠤ ᠲᠠᠯᠪᠢᠳᠠᠭ︶᠃ ᠡᠬᠦᠨ ᠤ ᠲᠠᠷᠠᠭᠠ ᠲᠤᠯᠤᠭᠠᠢ ᠶᠢᠨ ᠮᠠᠩᠨᠠᠢ ᠲᠡᠬᠡᠷᠡ ᠨᠢ ᠲᠡᠬᠡᠭᠰᠢ ᠬᠠᠨᠳᠤᠭᠰᠠᠨ | ᠰᠠᠷᠠᠨ ᠬᠡᠯᠪᠡᠷᠢ ᠪᠠᠷ ᠬᠡᠷᠴᠢᠮᠯᠡᠬᠡᠳ ᠠᠶᠢᠷᠠᠭ ᠰᠢᠷᠠ ᠲᠤᠰᠤ ᠵᠡᠷᠬᠡ ᠴᠠᠭᠠᠨ ᠢᠳᠡᠭᠡ ᠪᠠᠷ ᠮᠢᠯᠢᠶᠠᠵᠤ ᠲᠡᠬᠦᠨ ᠢ ᠪᠠᠨ | ᠬᠤᠶᠠᠷ ᠭᠠᠷᠳᠡᠨ ᠬᠦᠮᠤᠨ ᠪᠦᠬᠦᠨ ᠳᠤ ᠲᠦᠭᠡᠯᠢ ᠠᠮᠰᠠᠭᠤᠯᠳᠠᠭ᠃ ᠢᠩᠬᠢᠮᠡᠨᠵᠢᠨ ᠰᠠᠶ᠋ᠢ ᠰᠢᠬᠦᠰᠤ ᠪᠠᠨ ᠵᠦᠪ ᠢᠶᠠᠷ | ᠡᠷᠬᠢᠬᠦᠯᠵᠤ ᠲᠤᠯᠤᠭᠠᠢ ᠶᠢ ᠨᠢ ᠪᠠᠭᠤᠯᠭᠠᠭᠰᠠᠨ ᠤ ᠲᠠᠷᠠᠭᠠ ᠤᠭᠤᠴᠠᠨ ᠬᠡᠰᠡᠭ ᠤᠨ ᠬᠠᠷᠠ ᠨᠢᠷᠤᠭᠤ ᠪᠠ ᠭᠤᠶᠠᠨ | ᠬᠡᠰᠡᠭ ᠤᠨ ᠲᠤᠶᠢᠭ ᠵᠢᠴᠢ ᠪᠤᠷᠪᠢ ᠶᠢ ᠨᠢ ᠰᠠᠯᠭᠠᠵᠤ ᠲᠠᠯᠪᠢᠨᠠ᠃ ᠢᠩᠬᠢᠭᠰᠡᠨ ᠤ ᠲᠠᠷᠠᠭᠠ ᠬᠠ ᠠᠴᠠ ᠡᠬᠢᠯᠡᠬᠦᠯᠵᠤ | ᠤᠭᠤᠴᠠ ᠪᠠᠷ ᠲᠡᠬᠦᠰᠬᠡᠨ ᠲᠠᠯᠤ᠂ ᠲᠦᠷᠪᠠᠨ ᠦᠨᠳᠤᠷ᠂ ᠪᠣᠭᠲᠣᠭᠤᠰᠤ ᠴᠢᠮᠤᠬᠡ᠂ ᠱᠠᠭᠠᠨᠲᠤ᠂ ᠰᠡᠬᠦᠵᠢ᠂ | ᠭᠤᠷᠪᠢᠴᠢᠭ᠂ ᠤᠭᠤᠴᠠ ᠶᠠᠰᠤ ᠬᠦᠷᠳᠡᠯᠡ ᠨᠢᠬᠡᠳ ᠨᠢᠬᠡ ᠪᠠᠷ ᠦᠶᠡ ᠮᠦᠴᠢᠯᠡᠨ ᠡᠪᠳᠡᠵᠤ ᠲᠤᠰ ᠲᠤᠰ | ᠤᠷᠤᠨ ᠳᠤ ᠨᠢ ᠲᠠᠯᠪᠢᠨᠠ᠃ ᠬᠢᠳᠤᠭᠠ ᠡᠷᠬᠢᠯᠳᠡᠬᠦᠯᠬᠦ ᠳᠤ ᠪᠠᠨ ᠶᠠᠭᠤᠨ ᠤ ᠡᠮᠤᠨᠡ ᠪᠠᠷᠠᠭᠤᠨ ᠠᠴᠠ ᠡᠬᠢᠯᠡᠬᠦᠯᠵᠤ᠂ | ᠪᠠᠷᠠᠭᠤᠨ ᠭᠠᠷ ᠲᠠᠯᠠ ᠶᠢᠨ ᠬᠦᠨᠳᠡᠬᠦ ᠭᠠᠵᠠᠷ ᠤᠳ ᠢ ᠬᠢᠳᠤᠭᠠ ᠶᠢᠨ ᠢᠷ ᠢᠶᠠᠨ ᠲᠠᠬᠡᠭᠰᠢ ᠪᠤᠶᠤ ᠦᠬᠡᠳᠡ | ᠬᠠᠨᠳᠤᠭᠤᠯᠵᠤ ᠬᠦᠨᠳᠡᠬᠦ ᠪᠦᠬᠡᠳ ᠵᠡᠬᠦᠨ ᠭᠠᠷ ᠲᠠᠯᠠ ᠶᠢᠨ ᠬᠦᠨᠳᠡᠬᠦ ᠬᠡᠰᠡᠭ ᠤᠳ ᠢ ᠬᠢᠳᠤᠭᠠ ᠶᠢᠨ ᠢᠷ ᠢᠶᠠᠨ | ᠲᠤᠷᠤᠭᠰᠢ ᠪᠤᠶᠤ ᠪᠡᠶᠡ ᠦᠬᠡᠳᠡ ᠪᠠᠨ ᠬᠠᠨᠳᠤᠭᠤᠯᠵᠤ ᠬᠦᠨᠳᠡᠬᠦ ᠶᠤᠰᠤᠳᠠᠢ᠃ ᠡᠨᠡ ᠪᠦᠬᠦᠨ ᠢ ᠴᠦᠮ ᠪᠠᠷᠠᠭᠤᠨ | ᠭᠠᠷ ᠢᠶᠠᠷ ᠬᠦᠢᠴᠡᠳᠬᠡᠳᠡᠭ᠃ ᠲᠡᠬᠡᠬᠦ ᠳᠤ ᠪᠠᠨ ᠵᠠᠪᠠᠯ ᠵᠩᠰᠢᠯ ᠶᠤᠰᠤᠭᠠᠷ ᠪᠠᠶᠢᠷᠢᠯᠠᠭᠤᠯᠬᠤ ᠬᠡᠷᠡᠭᠳᠠᠢ᠃ ᠰᠢᠬᠦᠰᠤ ᠪᠠᠨ | ᠡᠪᠳᠡᠬᠡᠳ ᠭᠠᠷᠪᠠᠯ ᠲᠠᠬᠢᠨ ᠵᠦᠪ ᠢᠶᠠᠷ ᠡᠷᠬᠢᠬᠦᠯᠵᠤ ᠲᠠᠯᠪᠢᠭᠠᠳ ᠲᠦᠬᠡᠯᠢ ᠲᠤᠯᠤᠭᠠᠢ ᠶᠢ ᠤᠤᠯ ᠶᠤᠰᠤᠭᠠᠷ | ᠲᠡᠬᠡᠷᠡ ᠨᠢ ᠲᠠᠯᠪᠢᠵᠤ᠂ ᠰᠢᠭᠦᠰᠦᠨ ᠢᠷᠦᠬᠡᠯ ᠢᠷᠦᠬᠡᠬᠡᠳ ︽ᠲᠠᠶᠠᠭᠠᠷ ᠰᠢᠬᠦᠰᠤ ᠵᠤᠭᠤᠭᠯᠠ︕︾ ᠬᠡᠵᠤ ᠨᠠᠶᠢᠷ | ᠲᠠᠯᠪᠢᠨ ᠮᠦᠷᠬᠦᠨ ᠶᠤᠰᠤᠯᠠᠬᠤ ᠪᠤᠶᠤ ᠪᠠᠰᠠ ᠵᠠᠷᠢᠮ ᠭᠠᠵᠠᠷ ᠲᠤ ︽ᠬᠤᠷᠮᠤᠰᠳᠠ ᠲᠡᠭᠷᠢ ᠶᠢᠨ ᠠᠷᠢᠭᠤᠨ ᠬᠡᠰᠢᠭᠳᠦ᠂ | ᠬᠤᠨ ᠴᠠᠭᠠᠨ ᠬᠤᠨᠢ ᠶᠢ ᠪᠠᠨ ᠵᠤᠯᠤᠮᠠ ᠬᠡᠵᠤ᠂ ᠬᠤᠷᠢᠮ ᠤᠨ ᠮᠠᠩᠯᠠᠢ᠂ ᠨᠠᠶᠢᠷ ᠤᠨ ᠲᠦᠪ ᠪᠤᠯᠬᠤ᠂ ᠬᠤᠪᠢ ᠲᠡᠬᠦᠰ | ᠬᠦᠨᠳᠤᠳᠤ ᠵᠤᠴᠢᠨ ᠲᠠ ᠨᠠᠷ ᠲᠤ ᠪᠠᠨ ᠲᠠᠪᠰᠢᠬᠦᠯᠤᠨ ᠪᠠᠶᠢᠮᠤᠢ︾ ᠬᠡᠬᠦ ᠪᠤᠶᠤ ︽ᠰᠦᠯᠳᠡ ᠲᠡᠭᠷᠢ ᠶᠢᠨ ᠦᠷᠡᠵᠢᠯ | ᠶᠡᠬᠡᠳᠤ᠂ ᠰᠦᠨ ᠴᠠᠭᠠᠨ ᠢᠷᠬᠡ ᠶᠢ ᠪᠠᠨ ᠢᠳᠡᠬᠡᠨ ᠬᠢᠵᠤ᠂ ᠰᠦᠷ ᠵᠢᠪᠬᠤᠯᠠᠩᠳᠤ ᠬᠡᠶᠢᠴᠢᠨ ᠲᠠ ᠨᠠᠷ ᠲᠤ ᠪᠠᠨ | ᠰᠦᠰᠦᠭᠯᠡᠨ ᠰᠦᠬᠦᠳᠴᠤ ᠲᠠᠪᠰᠢᠬᠦᠯᠤᠨ ᠪᠠᠷᠢᠵᠤ ᠪᠠᠶᠢᠨᠠ︾ ᠬᠡᠬᠦ ᠮᠡᠳᠤ ᠢᠷᠤᠬᠡᠯ ᠰᠢᠯᠦᠭ ᠬᠡᠯᠡᠵᠤ ᠭᠠᠷᠪᠠᠯ ᠰᠠᠶ᠋ᠢ | ᠵᠤᠴᠢᠨ ᠡᠬᠢᠯᠡᠵᠤ ᠭᠠᠷ ᠬᠦᠳᠡᠯᠬᠡᠳᠡᠭ ᠪᠢᠯᠡ᠃ | ⒌ ᠰᠢᠬᠦᠰᠤ ᠵᠤᠭᠤᠭᠯᠠᠬᠤ ᠶᠣᠰᠣᠨ ᠪᠤᠶᠤ ᠴᠡᠭᠡᠷ ᠶᠣᠰᠣᠨ | ᠰᠢᠬᠦᠰᠤᠨ ᠤ ᠬᠤᠨᠢ ᠶᠢ ᠵᠠᠪᠠᠯ ᠢᠰᠡᠬᠡᠢ ᠲᠤᠯᠤᠭ ᠲᠡᠪᠢᠰᠴᠤ ᠲᠤᠯᠤᠭᠠᠢ ᠶᠢ ᠨᠢ ᠬᠤᠶᠢᠰᠢ ᠬᠠᠨᠳᠣᠭᠤᠯᠤᠨ | ᠦᠷᠤᠴᠠᠯᠠᠵᠤ ᠠᠯᠠᠳᠠᠭ ᠪᠦᠬᠡᠳ ᠶᠠᠰᠤ ᠶᠢ ᠨᠢ ᠬᠤᠭᠤᠯᠬᠤ᠂ ᠡᠮᠳᠡᠯᠬᠦ ᠶᠢ ᠶᠡᠬᠡᠳᠡ ᠬᠢᠴᠢᠶᠡᠳᠡᠭ᠃ ᠬᠡᠳᠡᠯᠡ | ᠮᠠᠨ ᠤ ᠬᠢᠨ ᠤ ᠵᠠᠷᠢᠮ ᠨᠢ ᠡᠬᠦᠨ ᠢ ᠦᠵᠡᠭᠰᠡᠬᠡᠷ ᠯᠠ ︽ᠪᠠᠰᠠ ᠶᠠᠭᠤᠨ ᠤ ᠠᠷᠪᠢᠨ ᠶᠤᠰᠤ ᠤᠴᠢᠷ ᠪᠤᠢ︾ ᠬᠡᠬᠦ | ᠶᠤᠮ᠃ ᠦᠨᠡᠨ ᠳᠤ ᠪᠠᠨ ᠶᠠᠮᠠᠷ ᠶᠠᠭᠤᠮᠠᠨ ᠳᠤ ᠴᠦ ᠬᠡᠳ ᠨᠢᠬᠡᠨ ᠲᠤᠭᠳᠠᠭᠰᠠᠨ ᠵᠠᠩ ᠵᠠᠩᠰᠢᠯ᠂ ᠵᠢᠮᠡ ᠶᠤᠰᠤ | ᠪᠠᠶᠢᠳᠠᠭ᠃ ᠰᠢᠬᠦᠰᠤ ᠡᠪᠳᠡᠬᠦ ᠠᠴᠠ ᠪᠢᠳᠠ ᠮᠠᠨ ᠤ ᠲᠡᠬᠡᠳᠤ ᠦᠶᠡ ᠶᠢᠨ ᠬᠢᠨ ᠬᠤᠶᠢᠴᠢ ᠦᠶᠡ ᠲᠤ ᠪᠠᠨ | ᠦᠨᠳᠤᠰᠤᠳᠡᠨ ᠤ ᠪᠠᠨ ᠠᠷᠢᠭᠤᠨ ᠨᠠᠨᠳᠢᠨ ᠵᠠᠩ ᠲᠠᠳᠬᠠᠯ᠂ ᠠᠮᠢᠳᠤᠷᠠᠯ ᠤᠨ ᠤᠨᠴᠠᠯᠢᠭ ᠬᠡᠪ᠂ ᠶᠤᠰᠤ ᠰᠤᠷᠳᠠᠬᠤᠨ ᠢ | ᠬᠢᠷᠢ ᠵᠡᠷᠬᠡ ᠴᠢᠩᠭᠠ ᠨᠢᠮᠪᠠᠢ᠂ ᠲᠦᠪ ᠴᠢᠬᠡᠴᠢ ᠪᠠᠷ ᠤᠯᠠᠮᠵᠢᠯᠠᠵᠤ ᠪᠠᠶᠢᠭᠰᠠᠨ ᠢ ᠮᠡᠳᠡᠵᠤ ᠪᠤᠯᠤᠨᠠ᠃ ᠰᠢᠭᠦᠰᠦ ᠶᠢ | ᠬᠥᠨᠳᠡᠬᠦ ᠳᠤ ᠵᠥᠪᠬᠡᠨ ᠬᠢᠲᠤᠭᠠ ᠬᠡᠷᠡᠭᠯᠡᠳᠡᠭ ᠴᠦ ᠮᠢᠬᠠ ᠶᠢ ᠨᠢ ᠢᠳᠡᠬᠦ ᠳᠤ ᠬᠢᠲᠤᠭᠠ᠂ ᠰᠠᠪᠬᠠ ᠬᠡᠷᠡᠭᠯᠡᠬᠦ ᠶᠢ | ᠴᠡᠭᠡᠷᠯᠡᠨᠡ᠃ ᠰᠢᠭᠦᠰᠦᠨ ᠮᠢᠬᠠ ᠯᠤᠭᠠ ᠰᠠᠷᠢᠮᠰᠠᠭ ᠰᠣᠩᠭᠢᠨᠠ ᠵᠡᠷᠭᠡ ᠭᠠᠰᠢᠭᠤᠨ ᠢᠳᠡᠭᠡᠨ ᠬᠤᠯᠢᠬᠤ ᠶᠢ | ᠴᠡᠭᠡᠷᠯᠡᠨᠡ᠃ ᠰᠢᠭᠦᠰᠦᠨ ᠲᠣᠯᠣᠭᠠᠢ ᠶᠢ ᠴᠥᠮᠥᠵᠦ᠂ ᠴᠢᠮᠦᠭᠡ ᠶᠢ ᠨᠢ ᠲᠠᠰᠢᠵᠤ ᠢᠳᠡᠬᠦ᠂ ᠶᠠᠰᠤ ᠶᠢ ᠨᠢ | ᠴᠠᠶᠢᠯᠭᠠᠲᠠᠯᠠ ᠮᠥᠯᠵᠢᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠬᠡᠷᠪᠡ ᠢᠩᠭᠢᠪᠡᠯ ᠭᠡᠷ ᠤᠨ ᠡᠵᠡᠨ ᠢ ᠳᠣᠷᠣᠮᠵᠢᠯᠠᠭᠰᠠᠨ ᠳᠤ | ᠲᠣᠭᠠᠴᠠᠭᠳᠠᠨᠠ᠃ ᠰᠢᠭᠦᠰᠦᠨ ᠮᠢᠬᠠ ᠶᠢ ᠮᠡᠷᠡᠵᠦ ᠢᠳᠡᠬᠦ ᠶᠢ ᠴᠡᠭᠡᠷᠯᠡᠵᠦ᠂ ᠵᠠᠪᠠᠯ ᠰᠡᠮᠡᠯᠵᠦ ᠢᠳᠡᠬᠦ ᠶᠣᠰᠣᠲᠠᠢ᠂ | ᠬᠡᠷᠪᠡ ᠮᠡᠷᠡᠪᠡᠯ ᠮᠠᠯ ᠤᠨ ᠢᠶᠠᠨ ᠲᠠᠷ ᠢ ᠦᠵᠡᠵᠦ ᠠᠮᠠᠷᠠᠯᠠ ᠭᠡᠳᠡᠭ᠃ ᠰᠢᠭᠦᠰᠦᠨ ᠮᠢᠬᠠ ᠶᠢ ᠭᠠᠵᠠᠷ ᠤᠨᠠᠭᠠᠬᠤ᠂ | ᠶᠠᠰᠤ ᠶᠢ ᠨᠢ ᠬᠠᠮᠢᠶᠠ ᠦᠭᠡᠢ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠤᠴᠢᠷ ᠨᠢ ᠰᠢᠭᠦᠰᠦ ᠪᠣᠯ ᠬᠦᠨᠳᠦᠲᠦ ᠢᠳᠡᠭᠡᠨ ᠲᠤᠯᠠ | ᠢᠩᠭᠢᠵᠦ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠬᠠᠶᠠᠪᠠᠯ ᠬᠡᠰᠢᠭ ᠪᠤᠶᠠᠨ ᠢᠶᠠᠨ ᠳᠠᠭᠠᠬᠤ ᠦᠭᠡᠢ ᠪᠣᠯᠣᠨᠠ ᠭᠡᠳᠡᠭ᠃ ᠰᠢᠭᠦᠰᠦᠨ | ᠮᠢᠬᠠ ᠶᠢ ᠠᠮᠲᠠ ᠦᠭᠡᠢ ᠭᠡᠬᠦ ᠪᠤᠶᠤ ᠢᠳᠡᠬᠦ ᠳᠤᠷᠠ ᠦᠭᠡᠢ ᠭᠡᠵᠤ ᠬᠡᠯᠡᠪᠡᠯ ᠠᠮᠠᠨ ᠬᠡᠰᠢᠭ ᠵᠠᠶᠢᠯᠠᠵᠤ ᠪᠤᠶᠠᠨ | ᠠᠷᠢᠯᠤᠨᠠ ᠭᠡᠵᠤ ᠬᠡᠯᠡᠳᠡᠭ᠃ ᠬᠤᠷᠢᠮ ᠳᠡᠭᠡᠷᠡ ᠴᠤᠭᠯᠠᠷᠠᠭᠰᠠᠨ ᠪᠦᠭᠦᠳᠡ ᠰᠢᠭᠦᠰᠦ ᠵᠣᠭᠤᠭᠯᠠᠬᠤ ᠶᠣᠰᠣᠲᠠᠢ᠂ | ᠭᠡᠭᠡᠭᠳᠡᠭᠦᠯᠵᠦ ᠣᠷᠬᠢᠭᠳᠠᠭᠤᠯᠵᠤ ᠪᠣᠯᠬᠤ ᠦᠭᠡᠢ᠃ | ⒍ ᠰᠢᠬᠦᠰᠤ ᠤᠬᠤᠷᠢᠭᠤᠯᠬᠤ ᠶᠣᠰᠣ | ᠣᠷᠳᠣᠰ ᠲᠤ ᠰᠢᠭᠦᠰᠦ ᠴᠤᠬᠤᠷᠢᠭᠤᠯᠬᠤ ᠴᠤ ᠭᠡᠳᠡᠭ᠃ ᠰᠢᠬᠦᠰᠤ ᠶᠢ ᠢᠳᠡᠭᠰᠡᠨ ᠤ ᠳᠠᠷᠠᠭᠠ | ᠬᠤᠷᠢᠶᠠᠬᠤ ᠶᠢ ᠰᠢᠭᠦᠰᠦ ᠤᠬᠤᠷᠢᠭᠤᠯᠬᠤ ᠭᠡᠳᠡᠭ᠃ ᠰᠢᠭᠦᠰᠦ ᠤᠬᠤᠷᠢᠭᠤᠯᠬᠤ ᠳᠤ ᠪᠠᠨ ᠬᠡᠨ ᠪᠣᠯ ᠬᠡᠨ | ᠤᠬᠤᠷᠢᠭᠤᠯᠴᠢᠬᠠᠳᠠᠭ ᠪᠢᠰᠢ᠃ ᠵᠠᠪᠠᠯ ᠰᠢᠭᠦᠰᠦ ᠬᠥᠨᠳᠡᠭᠴᠢ ᠶᠢᠨ ᠲᠤᠰ ᠪᠡᠶᠡ ᠪᠠᠶᠢᠬᠤ ᠶᠣᠰᠣᠲᠠᠢ᠃ ᠢᠷᠡᠭᠰᠡᠨ | ᠣᠯᠠᠨ ᠭᠡᠶᠢᠴᠢᠨ ᠬᠥᠭᠰᠢᠨ ᠵᠠᠯᠠᠭᠤ ᠶᠡᠭᠡ ᠪᠠᠭᠠ ᠳᠠᠶᠠᠭᠠᠷ ᠴᠠᠳᠲᠠᠯᠠ ᠢᠳᠡᠭᠰᠡᠨ ᠤ ᠳᠠᠷᠠᠭᠠ ᠰᠢᠭᠦᠰᠦ ᠬᠥᠨᠳᠡᠭᠴᠢ | ᠣᠷᠣᠵᠤ ᠢᠷᠡᠭᠡᠳ ᠲᠥᠪ ᠲᠤ ᠨᠢ ︽ᠳᠠᠶᠠᠭᠠᠷ ᠰᠢᠭᠦᠰᠦ ᠵᠣᠭᠤᠭᠯᠠ ᠡ︾ ᠭᠡᠵᠤ ᠪᠥᠬᠦ᠋ᠢᠨ ᠮᠥᠷᠭᠦᠬᠦ ᠳᠤ | ᠲᠥᠪ ᠠᠴᠠ ᠡᠬᠢᠯᠡᠨ ᠭᠡᠶᠢᠴᠢᠨ ᠵᠣᠴᠢᠨ ᠳᠠᠶᠠᠭᠠᠷ ᠢᠶᠠᠨ ᠳᠠᠭᠤ ᠨᠢᠭᠡᠲᠡᠢ ᠪᠠᠷ ︽ᠬᠦᠷᠲᠡᠭᠰᠡᠨ ᠡ︕︾ ᠭᠡᠪᠡᠯ | ᠤᠬᠤᠷᠢᠭᠤᠯᠵᠤ ᠪᠣᠯᠣᠨᠠ᠃ ᠤᠬᠤᠷᠢᠭᠤᠯᠬᠤ ᠳᠤ ᠪᠠᠨ ᠨᠠᠶᠢᠷ ᠤᠨ ᠲᠥᠪ ᠠᠴᠠ ᠰᠢᠭᠦᠰᠦᠨ ᠲᠣᠯᠣᠭᠠᠢ ᠶᠢ ᠢᠳᠡᠭᠰᠡᠨ | ᠰᠢᠭᠦᠰᠦᠨ ᠳᠡᠭᠡᠷᠡ ᠨᠢ ᠲᠠᠯᠪᠢᠭᠠᠳ ᠵᠥᠪ ᠬᠠᠨᠳᠤᠭᠤᠯᠵᠤ ᠡᠷᠭᠢᠭᠦᠯᠦᠭᠡᠳ ᠪᠤᠴᠠᠭᠠᠬᠤ ᠳᠤ ᠤᠬᠤᠷᠢᠭᠤᠯᠳᠠᠭ᠃ | ᠢᠷᠡᠯᠳᠠ᠄ ᠲᠤᠮᠳᠠᠳᠦ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠠ | ᠲᠡᠪᠰᠢᠭᠦᠯᠦᠭᠰᠡᠨ ᠨᠢ᠄ ᠤᠶᠠᠬᠠᠨ | | | | | | | | | | | | |