| ᠮᠣᠩᠭᠤᠯ ᠤᠬᠠᠭᠠᠨ ᠤ ᠡᠷᠢᠬᠡᠨ ᠬᠡᠯᠬᠢᠶᠡ | | 1. ᠬᠠᠭᠠᠯᠭᠠ ᠠᠯᠳᠠᠯᠠᠵᠤ ᠵᠣᠭᠰᠣᠳᠠᠭ ᠦᠭᠡᠢ | ᠬᠠᠷᠠ ᠤᠰᠤ ᠰᠠᠮᠤᠷᠳᠠᠭ ᠦᠭᠡᠢ | ᠬᠠᠶᠢᠴᠢ ᠠᠩᠭᠠᠶᠢᠯᠭᠠᠵᠤ ᠲᠠᠯᠪᠢᠳᠠᠭ ᠦᠭᠡᠢ | ᠬᠠᠮᠤᠭ ᠮᠣᠩᠭᠤᠯ ᠤᠬᠠᠭᠠᠨ᠃ | 2. ᠰᠠᠪᠠ ᠬᠤᠭᠤᠰᠤᠨ ᠪᠤᠴᠠᠭᠠᠳᠠᠭ ᠦᠭᠡᠢ | ᠰᠠᠨᠠᠭᠰᠠᠨ ᠢᠶᠠᠨ ᠪᠡᠶᠡᠯᠡᠭᠰᠡᠨ ᠳᠤ ᠲᠣᠭᠠᠴᠢᠳᠠᠭ ᠦᠭᠡᠢ | ᠰᠠᠷᠠ ᠡᠳᠦᠷ ᠢ ᠲᠣᠪᠯᠠᠳᠠᠭ ᠦᠭᠡᠢ | ᠰᠠᠷᠠᠭᠤᠯ ᠮᠣᠩᠭᠤᠯ ᠤᠬᠠᠭᠠᠨ᠃ | 3. ᠤᠷᠭᠠ ᠳᠡᠭᠡᠭᠦᠷ ᠠᠯᠬᠤᠳᠠᠭ ᠦᠭᠡᠢ | ᠤᠰᠤᠨ ᠳᠤ ᠠᠮᠠ ᠭᠠᠷᠳᠠᠭ ᠦᠭᠡᠢ | ᠤᠲᠠᠰᠤ ᠵᠠᠩᠭᠢᠳᠴᠤ ᠦᠭᠳᠡᠭ ᠦᠭᠡᠢ | ᠠᠭᠤᠵᠢᠮ ᠮᠣᠩᠭᠤᠯ ᠤᠬᠠᠭᠠᠨ᠃ | 4. ᠰᠤᠪᠤᠷᠭᠠᠨ ᠤ ᠰᠡᠭᠦᠳᠡᠷ ᠭᠢᠰᠭᠢᠳᠡᠭ ᠦᠭᠡᠢ | ᠰᠠᠭᠤᠬᠤ ᠳᠤ ᠪᠠᠨ ᠲᠠᠰᠢᠭᠤᠷ ᠲᠤᠯᠳᠠᠭ ᠦᠭᠡᠢ | ᠰᠤᠤᠲᠤ ᠮᠤᠩᠭᠤᠯ ᠤᠬᠠᠭᠠᠨ᠃ | 5. ᠵᠦᠭᠡᠬᠡᠢ ᠰᠦᠨ ᠢᠶᠠᠨ ᠳᠡᠭᠡᠵᠢᠯᠡᠳᠡᠭ | ᠵᠦᠩ ᠪᠢᠯᠢᠭ ᠲᠤ ᠢᠲᠡᠭᠡᠳᠡᠭ ᠵᠦᠪ ᠡᠷᠭᠢᠵᠦ ᠲᠣᠭᠤᠷᠢᠳᠠᠭ | ᠵᠦᠭᠡᠯᠡᠨ ᠮᠣᠩᠭᠤᠯ ᠤᠠᠬᠠᠭᠠᠨ᠃ | 6. ᠭᠠᠵᠠᠷ ᠬᠦᠨᠳᠡᠬᠦ ᠳᠤ ᠪᠠᠨ ᠠᠷᠭᠠᠳᠠᠳᠠᠭ | ᠭᠠᠯ ᠭᠤᠯᠤᠮᠲᠠ ᠪᠠᠨ ᠲᠠᠬᠢᠳᠠᠭ | ᠭᠠᠷ ᠦᠭᠴᠦ ᠵᠣᠯᠭᠠᠳᠠᠭ | ᠭᠠᠶᠢᠬᠠᠮᠠ ᠮᠣᠩᠭᠤᠯ ᠤᠬᠠᠭᠠᠨ᠃ | 7. ᠨᠠᠶᠢᠷ ᠬᠢᠪᠡᠰᠦ ᠢᠷᠦᠭᠡᠳᠡᠭ | ᠨᠠᠭᠠᠳᠤᠮ ᠪᠣᠯᠪᠠᠯ ᠤᠷᠤᠯᠳᠤᠳᠠᠭ | ᠨᠠᠰᠤ ᠠᠬᠢᠪᠠᠯ ᠲᠣᠮᠣᠭᠠᠵᠢᠳᠠᠭ | ᠨᠠᠨᠳᠢᠨ ᠮᠣᠩᠭᠤᠯ ᠤᠬᠠᠭᠠᠨ᠃ | 8. ᠴᠢᠮᠠᠯᠠᠪᠠᠰᠤ ᠨᠡᠮᠡᠵᠦ ᠦᠭᠳᠡᠭ | ᠴᠢᠰ ᠭᠠᠷᠠᠭ ᠢᠶᠠᠨ ᠳᠣᠮᠨᠠᠳᠠᠭ | ᠴᠢᠭᠲᠠᠭᠠ ᠭᠤᠯᠤᠮᠲᠠ ᠪᠠᠨ ᠦᠪᠯᠡᠭᠦᠯᠳᠡᠭ | ᠴᠢᠳᠠᠯᠲᠠᠢ ᠮᠣᠩᠭᠤᠯ ᠤᠬᠠᠭᠠᠨ᠃ | 9. ᠠᠪᠤ ᠶᠢᠨ ᠢᠶᠠᠨ ᠳᠡᠷᠭᠡᠳᠡ ᠵᠠᠪᠢᠯᠠᠳᠠᠭ ᠦᠭᠡᠢ | ᠠᠬᠠᠮᠠᠳ ᠤᠨ ᠢᠶᠠᠨ ᠲᠦᠷᠦᠭᠦᠨ ᠳᠤ ᠳᠤᠤᠭᠠᠷᠳᠠᠭ ᠦᠭᠡᠢ | ᠠᠬᠠ ᠶᠢᠨ ᠢᠶᠠᠨ ᠳᠡᠭᠡᠭᠦᠷ ᠵᠣᠯᠭᠠᠳᠠᠭ ᠦᠭᠡᠢ | ᠠᠴᠢᠯᠠᠯᠲᠤ ᠮᠣᠩᠭᠤᠯ ᠤᠬᠠᠭᠠᠨ᠃ | 10. ᠪᠣᠰᠤᠭᠠ ᠭᠢᠰᠭᠢᠵᠦ ᠭᠠᠷᠳᠠᠭ ᠦᠭᠡᠢ | ᠪᠣᠯᠵᠤᠵᠤ ᠪᠠᠰᠤᠵᠤ ᠶᠠᠷᠢᠳᠠᠭ ᠦᠭᠡᠢ | ᠪᠣᠯᠣᠭᠰᠠᠨ ᠢᠳᠡᠭᠡᠨ ᠠᠴᠠ ᠵᠠᠶᠢᠯᠠᠳᠠᠭ ᠦᠭᠡᠢ | ᠪᠣᠳᠣᠯᠲᠠᠢ ᠮᠤᠩᠭᠤᠯ ᠤᠬᠠᠭᠠᠨ᠃ | 11. ᠪᠤᠷᠬᠠᠨ ᠢᠶᠠᠨ ᠳᠣᠣᠷᠠ ᠲᠠᠬᠢᠳᠠᠭ ᠦᠭᠡᠢ | ᠪᠤᠯᠠᠭ ᠤᠨ ᠡᠬᠢᠨ ᠳᠤ ᠨᠤᠲᠤᠭᠯᠠᠳᠠᠭ ᠦᠭᠡᠢ | ᠪᠠᠭᠤᠷᠢ ᠪᠠᠨ ᠬᠤᠭ ᠲᠠᠢ ᠣᠷᠬᠢᠳᠠᠭ ᠦᠭᠡᠢ | ᠪᠤᠶᠠᠨᠲᠠᠢ ᠮᠣᠩᠭᠤᠯ ᠤᠬᠠᠭᠠᠨ᠃ | 12. ᠰᠦᠨ ᠳᠤ ᠬᠤᠷᠤᠭᠤ ᠳᠦᠷᠦᠳᠡᠭ ᠦᠭᠡᠢ | ᠰᠦᠷᠦᠭ ᠠᠯᠳᠠᠷᠠᠪᠠᠯ ᠪᠠᠷᠢᠳᠠᠭ ᠦᠭᠡᠢ | ᠰᠡᠭᠦᠵᠢᠨ ᠤ ᠶᠠᠰᠤ ᠬᠤᠨᠣᠭᠤᠯᠳᠠᠭ ᠦᠭᠡᠢ | ᠰᠦᠰᠦᠭᠲᠡᠢ ᠮᠣᠩᠭᠤᠯ ᠤᠬᠠᠭᠠᠨ᠃ | 13. ᠣᠪᠣᠭᠠᠨ ᠳᠤ ᠴᠢᠯᠠᠭᠤ ᠨᠡᠮᠡᠳᠡᠭ | ᠣᠯᠵᠠ ᠲᠠᠭᠠᠷᠠᠪᠠᠰᠤ ᠬᠤᠪᠢᠶᠠᠯᠴᠠᠳᠠᠭ | ᠣᠶᠣᠵᠤ ᠰᠢᠷᠢᠵᠦ ᠤᠷᠠᠯᠠᠳᠠᠭ ᠤᠶᠤᠨᠯᠢᠭ ᠮᠣᠩᠭᠤᠯ ᠤᠬᠠᠭᠠᠨ᠃ | 14. ᠰᠢᠳᠡᠵᠦ ᠦᠭᠬᠦ ᠶᠢ ᠴᠡᠭᠡᠷᠯᠡᠳᠡᠭ | ᠰᠢᠪᠡᠨᠡᠭᠡ ᠦᠭᠡ ᠶᠢ ᠴᠠᠭᠠᠷᠠᠭᠤᠯᠳᠠᠭ | ᠰᠢᠷᠢ ᠪᠠᠷ ᠴᠠᠯᠮᠠ ᠬᠢᠳᠡᠭ | ᠰᠢᠷᠭᠢᠰᠢ ᠦᠭᠡᠢ ᠮᠣᠩᠭᠤᠯ ᠤᠬᠠᠭᠠᠨ᠃ | 15. ᠴᠣᠭᠤᠷ ᠤᠨ ᠠᠶᠠᠯᠭᠤ ᠶᠢ ᠦᠪᠯᠡᠭᠦᠯᠳᠡᠭ | ᠴᠤᠯᠠ ᠴᠢᠮᠡᠭ ᠵᠡᠭᠦᠯᠭᠡᠳᠡᠭ | ᠴᠣᠣᠵᠢ ᠰᠡᠷᠪᠡᠭᠡ ᠶᠢ ᠤᠷᠠᠯᠠᠳᠠᠭ | ᠴᠣᠭᠴᠠᠯᠠᠭᠠᠬᠤ ᠮᠣᠩᠭᠤᠯ ᠤᠬᠠᠭᠠᠨ᠃ | 16. ᠤᠤᠵᠢ ᠡᠮᠦᠰᠭᠡᠯ ᠢᠶᠠᠨ ᠡᠰᠭᠡᠳᠡᠭ | ᠤᠭᠤᠷ ᠲᠤ ᠴᠠᠢ ᠪᠠᠨ ᠨᠦᠳᠦᠳᠡᠭ | ᠤᠷᠭᠠ ᠶᠢᠨ ᠮᠣᠳᠣ ᠪᠠᠨ ᠲᠠᠩᠨᠠᠶᠢᠳᠠᠳᠠᠭ | ᠤᠯᠠ ᠲᠠᠢ ᠮᠣᠩᠭᠤᠯ ᠤᠬᠠᠭᠠᠨ᠃ | 17. ᠬᠠᠪᠤᠷ ᠱᠠᠭᠠ ᠨᠠᠭᠠᠳᠳᠠᠭ ᠦᠭᠡᠢ | ᠬᠠᠵᠠᠭᠠᠷ ᠡᠭᠡᠯᠳᠦᠷᠭᠡᠯᠡᠵᠦ ᠵᠡᠭᠦᠳᠡᠭ ᠦᠭᠡᠢ | ᠬᠠᠵᠠᠭᠠᠢ ᠰᠠᠭᠤᠵᠤ ᠪᠣᠯᠳᠠᠭ ᠦᠭᠡᠢ | ᠬᠠᠲᠠᠭᠤ ᠮᠣᠩᠭᠤᠯ ᠤᠬᠠᠭᠠᠨ᠃ | 18. ᠰᠢᠨᠠ ᠲᠤᠯᠵᠤ ᠰᠠᠭᠤᠳᠠᠭ ᠦᠭᠡᠢ | ᠰᠢᠪᠬᠠᠷᠤᠤ ᠬᠦᠮᠦᠨ ᠳᠤ ᠦᠭᠳᠡᠭ ᠦᠭᠡᠢ | ᠰᠢᠨᠠᠭᠠ ᠤᠭᠰᠠᠷᠠᠭᠠ ᠲᠠᠢ ᠣᠷᠬᠢᠳᠠᠭ ᠦᠭᠡᠢ | ᠰᠢᠪᠬᠠᠭᠳᠠᠰᠢ ᠦᠭᠡᠢ ᠮᠣᠩᠭᠤᠯ ᠤᠬᠠᠭᠠᠨ᠃ | 19. ᠦᠳᠡ ᠶᠢᠨ ᠨᠠᠷᠠ ᠶᠢ ᠭᠤᠣᠯᠯᠠᠳᠠᠭ ᠦᠭᠡᠢ | ᠡᠭᠦᠳᠡ ᠪᠠᠷ ᠱᠠᠭᠠᠶᠢᠵᠤ ᠬᠠᠷᠠᠳᠠᠭ ᠦᠭᠡᠢ | ᠦᠳᠡᠰᠢ ᠪᠠᠷ ᠬᠤᠭ ᠢᠶᠠᠨ ᠭᠠᠷᠭᠠᠳᠠᠭ ᠦᠭᠡᠢ | ᠦᠨᠡᠨ ᠮᠣᠩᠭᠤᠯ ᠤᠬᠠᠭᠠᠨ᠃ | 20. ᠭᠡᠷ ᠲᠣᠲᠣᠷᠠ ᠪᠠᠨ ᠢᠰᠭᠡᠷᠳᠡᠭ ᠦᠭᠡᠢ | ᠭᠡᠷᠭᠡᠢ ᠢᠨᠦ ᠬᠤᠶᠢᠮᠤᠷ ᠲᠤ ᠪᠠᠨ ᠰᠠᠭᠤᠳᠠᠭ ᠦᠭᠡᠢ | ᠭᠡᠵᠢᠭᠡᠨ ᠤ ᠪᠠᠨ ᠰᠡᠪᠡᠯᠭᠡ ᠪᠠᠨ ᠬᠡᠶᠢᠰᠭᠡᠳᠡᠭ ᠦᠭᠡᠢ | ᠭᠡᠭᠡᠯᠢᠭ ᠮᠣᠩᠭᠤᠯ ᠤᠬᠠᠭᠠᠨ᠃ | 21. ᠠᠪᠳᠠᠷᠠ ᠳᠤᠤᠭᠠᠷᠬᠤ ᠳᠤ ᠪᠡᠯᠭᠡᠰᠢᠶᠡᠳᠡᠭ | ᠠᠮᠠᠨ ᠤ ᠪᠡᠯᠭᠡ ᠶᠢ ᠮᠢᠯᠢᠶᠠᠳᠠᠭ | ᠠᠷᠤᠭ ᠲᠦᠰᠢᠭᠦᠯᠵᠦ ᠲᠦᠷᠦᠭᠦᠯᠳᠡᠭ | ᠠᠮᠤᠷᠯᠢᠩᠭᠤᠢ ᠮᠣᠩᠭᠤᠯ ᠤᠬᠠᠭᠠᠨ᠃ | 22. ᠡᠮᠡ ᠬᠤᠨᠢ ᠶᠢ ᠲᠤᠶᠢᠭᠯᠠᠳᠠᠭ | ᠡᠭᠡᠳᠡᠭ ᠭᠤᠲᠤᠯ ᠢᠶᠠᠨ ᠤᠷᠠᠯᠠᠳᠠᠭ | ᠡᠷᠡᠬᠡᠢ ᠬᠤᠷᠤᠭᠤᠨ ᠳᠤ ᠪᠠᠨ ᠢᠲᠡᠭᠡᠳᠡᠭ | ᠡᠪᠯᠢᠭ ᠮᠣᠩᠭᠤᠯ ᠤᠬᠠᠭᠠᠨ᠃ | 23. ᠢᠳᠡᠭᠡ ᠤᠮᠳᠠᠭᠠ ᠪᠠᠨ ᠳᠡᠭᠡᠵᠢᠯᠡᠳᠡᠭ | ᠢᠲᠡᠭᠡᠭᠰᠡᠨ ᠨᠦᠬᠦᠷ ᠲᠤ ᠪᠠᠨ ᠬᠡᠯᠡᠳᠡᠭ | ᠢᠩᠭᠡᠨ ᠲᠡᠮᠡᠭᠡ ᠪᠠᠨ ᠬᠦᠭᠡᠰᠦᠯᠡᠳᠡᠭ | ᠢᠪᠢᠯᠦᠭᠳᠡᠳᠡᠭ ᠮᠤᠩᠭᠤᠯ ᠤᠬᠠᠭᠠᠨ᠃ | 24. ᠮᠣᠩᠭᠤᠯ ᠴᠢᠰᠤ ᠪᠠᠨ ᠬᠠᠮᠠᠭᠠᠯᠠᠳᠠᠭ | ᠮᠣᠷᠢ ᠰᠢᠯᠭᠡᠭᠡᠬᠦ ᠳᠤ ᠪᠠᠶᠠᠷᠯᠠᠳᠠᠭ | ᠮᠤᠯᠤᠷ ᠬᠦᠯᠦᠭ ᠢᠶᠠᠨ ᠰᠦᠯᠳᠡᠯᠡᠳᠡᠭ | ᠮᠣᠷᠢᠲᠠᠨ ᠮᠤᠩᠭᠤᠯ ᠤᠬᠠᠭᠠᠨ᠃ | 25. ᠭᠠᠷ ᠤᠨ ᠰᠠᠯᠠᠭᠠ ᠪᠠᠷ ᠦᠭᠳᠡᠭ ᠦᠭᠡᠢ | ᠭᠠᠵᠠᠷ ᠲᠤᠯᠵᠤ ᠪᠣᠰᠳᠠᠭ ᠦᠭᠡᠢ | ᠭᠠᠯ ᠳᠤ ᠪᠠᠨ ᠶᠠᠰᠤ ᠲᠦᠯᠡᠳᠡᠭ ᠦᠭᠡᠢ | ᠭᠠᠷᠭᠠᠭᠤᠳ ᠮᠣᠩᠭᠤᠯ ᠤᠬᠠᠭᠠᠨ᠃ | 26. ᠦᠷᠯᠦᠭᠡ ᠳᠠᠭᠤᠯᠠᠵᠤ ᠭᠢᠩᠰᠢᠳᠡᠭ ᠦᠭᠡᠢ | ᠡᠳᠦᠷ ᠢᠶᠠᠷ ᠡᠷᠦᠬᠡ ᠪᠠᠨ ᠪᠦᠲᠡᠭᠡᠳᠡᠭ ᠦᠭᠡᠢ | ᠡᠪᠦᠭᠡᠳ ᠤᠨ ᠡᠮᠦᠨᠡᠭᠦᠷ ᠭᠠᠷᠳᠠᠭ ᠦᠭᠡᠢ | ᠦᠯᠵᠡᠶᠢᠲᠦ ᠮᠤᠩᠭᠤᠯ ᠤᠬᠠᠭᠠᠨ᠃ | 27. ᠪᠠᠭᠠᠨᠠ ᠲᠡᠪᠡᠷᠢᠵᠦ ᠵᠣᠭᠰᠣᠳᠠᠭ ᠦᠭᠡᠢ | ᠪᠠᠷᠠᠭᠤᠨ ᠮᠦᠷᠦ ᠪᠠᠨ ᠲᠦᠰᠢᠭᠦᠯᠳᠡᠭ ᠦᠭᠡᠢ | ᠪᠠᠭᠯᠠᠵᠤ ᠪᠣᠭᠤᠵᠤ ᠵᠡᠬᠡᠳᠡᠭ ᠦᠭᠡᠢ | ᠪᠠᠶᠠᠯᠢᠭ ᠮᠤᠩᠭᠤᠯ ᠤᠬᠠᠭᠠᠨ᠃ | | — ﹇ᠮᠣᠩᠭᠤᠯ﹈ ᠴᠢᠯᠠᠭᠤᠨᠪᠠᠭᠠᠲᠤᠷ ᠤᠨ ᠡᠷᠳᠡᠨᠢᠪᠠᠭᠠᠲᠤᠷ | | ᠨᠠᠭᠠᠴᠤ ᠶᠢᠨ ᠳᠡᠷᠭᠡᠳᠡ ᠳᠠᠯᠤ ᠪᠠᠷᠢᠳᠠᠭ ᠦᠭᠡᠢ | ᠨᠠᠰᠤᠲᠠᠨ ᠤ ᠳᠡᠷᠭᠡᠳᠡ ᠰᠠᠷᠬᠤᠳ ᠡᠷᠭᠦᠳᠡᠭ ᠦᠭᠡᠢ | ᠨᠠᠶᠢᠷ ᠤᠨ ᠬᠤᠶᠢᠮᠤᠷ ᠲᠤ ᠡᠩᠭᠡᠷ ᠵᠠᠳᠠᠭᠠᠶᠢᠯᠠᠳᠠᠭ ᠦᠭᠡᠢ | ᠨᠠᠭᠠᠳᠤᠮ ᠤᠨ ᠳᠠᠪᠠᠭᠠᠨ ᠳᠤ ᠲᠤᠭᠠᠴᠠᠭᠠ ᠶᠠᠷᠢᠳᠠᠭ ᠦᠭᠡᠢ | ᠠᠪᠤ ᠶᠢᠨ ᠪᠤᠢ ᠳᠤ ᠰᠠᠬᠠᠯ ᠲᠠᠯᠪᠢᠳᠠᠭ ᠦᠭᠡᠢ | ᠠᠭᠲᠠ ᠶᠢᠨ ᠳᠠᠯᠠᠨ ᠳᠤ ᠬᠢᠲᠤᠭᠠ ᠬᠦᠷᠭᠡᠳᠡᠭ ᠦᠭᠡᠢ | ᠠᠯᠤᠰ ᠤᠨ ᠵᠠᠮ ᠳᠤ ᠴᠠᠭ ᠲᠤᠪᠯᠠᠳᠠᠭ ᠦᠭᠡᠢ | ᠠᠮᠠᠷᠠᠭ ᠤᠨ ᠶᠠᠪᠤᠳᠠᠯ ᠳᠤ ᠬᠦᠨᠳᠡᠯᠡᠨ ᠠᠴᠠ ᠤᠷᠤᠳᠠᠭ ᠦᠭᠡᠢ | ᠮᠢᠬᠠᠨ ᠤ ᠬᠤᠯᠢᠴᠠ ᠳᠤ ᠰᠦ ᠤᠷᠤᠳᠠᠭ ᠦᠭᠡᠢ | ᠮᠠᠨᠳᠤᠬᠤ ᠨᠠᠷᠠᠨ ᠳᠤ ᠤᠰᠤ ᠡᠷᠭᠦᠳᠡᠭ ᠦᠭᠡᠢ | ᠪᠣᠴᠠᠬᠤ ᠰᠢᠪᠠᠭᠤᠳ ᠤᠨ ᠴᠣᠪᠣᠭᠠ ᠶᠢ ᠲᠤᠭᠠᠯᠠᠳᠠᠭ ᠦᠭᠡᠢ | ᠪᠣᠷᠬᠠᠨ ᠤ ᠳᠡᠷᠭᠡᠳᠡ ᠬᠠᠷᠢᠶᠠᠯ ᠬᠡᠯᠡᠳᠡᠭ ᠦᠭᠡᠢ | ᠪᠣᠭᠤᠷᠣᠯ ᠡᠪᠦᠭᠡᠳ ᠤᠨ ᠳᠡᠭᠡᠷᠡ ᠰᠠᠭᠤᠳᠠᠭ ᠦᠭᠡᠢ | ᠪᠣᠰᠣᠳ ᠤᠨ ᠬᠡᠷᠡᠭ ᠢ ᠭᠠᠭᠴᠠᠭᠠᠷ ᠰᠢᠢᠳᠳᠡᠭ ᠦᠭᠡᠢ | ᠶᠡᠬᠡᠳᠦᠭᠰᠡᠨ ᠵᠤᠪᠠᠯᠠᠩ ᠳᠤ ᠤᠷᠤᠨ ᠳᠤ ᠪᠠᠨ ᠤᠬᠢᠯᠠᠳᠠᠭ ᠦᠭᠡᠢ | ᠢᠯᠡᠭᠦᠳᠡᠭᠰᠡᠨ ᠵᠢᠷᠭᠠᠯ ᠳᠤ ᠤᠷᠤᠨ ᠳᠤ ᠪᠠᠨ ᠳᠠᠭᠤᠯᠠᠳᠠᠭ ᠦᠭᠡᠢ | ᠢᠳᠡᠭᠰᠡᠨ ᠬᠤᠭᠤᠯᠠ ᠪᠠᠨ ᠲᠤᠳᠠᠭᠤ ᠤᠷᠬᠢᠳᠠᠭ ᠦᠭᠡᠢ | ᠢᠷ ᠲᠠᠢ ᠲᠠᠯᠠ ᠪᠠᠷ ᠬᠢᠲᠤᠭᠠ ᠳᠠᠮᠵᠢᠭᠤᠯᠳᠠᠭ ᠦᠭᠡᠢ | ᠴᠠᠢ ᠶᠢᠨ ᠰᠢᠪᠬᠠᠷᠤ ᠶᠢ ᠭᠠᠯ ᠳᠤ ᠬᠢᠳᠡᠭ ᠦᠭᠡᠢ | ᠴᠠᠭᠠᠨ ᠢᠳᠡᠭᠡᠨ ᠳᠤ ᠴᠢᠰᠤ ᠬᠤᠯᠢᠳᠠᠭ ᠦᠭᠡᠢ | ᠰᠠᠴᠤᠯᠢ ᠶᠢᠨ ᠢᠳᠡᠭᠡ ᠶᠢ ᠳᠤᠷᠤᠭᠰᠢ ᠡᠷᠭᠦᠳᠡᠭ ᠦᠭᠡᠢ | ᠴᠠᠭ ᠭᠤᠤᠯᠯᠠᠬᠤ ᠳᠤ ᠵᠠᠮ ᠳᠤ ᠭᠠᠷᠳᠠᠭ ᠦᠭᠡᠢ | ᠠᠷᠠᠳ ᠤᠨ ᠰᠠᠶᠢᠬᠠᠨ ᠰᠣᠷᠭᠠᠯ ᠮᠢᠨᠢ | ᠠᠶᠠᠯᠭᠤ ᠲᠡᠭᠦᠰ ᠬᠦᠭᠵᠢᠮ ᠶᠤᠮ | ᠠᠰᠢᠳᠠ ᠶᠢᠨ ᠰᠠᠶᠢᠬᠠᠨ ᠢᠷᠦᠭᠡᠯ ᠨᠢ | ᠠᠮᠠᠨ ᠳᠤ ᠪᠠᠨ ᠤᠩᠰᠢᠬᠤ ᠲᠠᠷᠨᠢ ᠶᠤᠮ | ᠢᠷᠡᠯᠲᠡ᠄ ᠬᠤᠯᠪᠤᠭᠠ ᠪᠦᠷᠭᠡ | ᠳᠡᠪᠰᠢᠭᠦᠯᠦᠭᠴᠢ᠄ ᠲᠡᠷᠭᠡᠯ |