| ᠴᠠᠭ ᠤᠨ ᠴᠠᠭᠠᠨ ᠦᠴᠢᠯ | ᠷᠢᠨ᠊᠂ ᠰᠤᠤᠨᠨᠠᠮ | ᠭᠦᠨᠵᠠᠪ ᠤᠨ ᠬᠠᠳᠠ | | ᠬᠦᠨᠵᠠᠪ ᠤᠨ ᠬᠠᠳᠠ ᠤᠴᠢᠷ ᠲᠠᠢ ᠬᠠᠳᠠ | ᠲᠠᠪᠤᠨ ᠬᠠᠨᠠᠲᠤ ᠰᠢᠭ᠋ ᠶᠠᠩᠵᠦ ᠪᠠᠷ ᠢᠶᠠᠨ ᠪᠠᠶᠢᠨᠠ | ᠬᠦᠨᠵᠠᠪ ᠤᠨ ᠬᠠᠳᠠ ᠤᠷᠭᠤᠪᠠᠷ᠂ ᠪᠤᠰᠬᠠᠪᠠᠷ | ᠲᠠᠭᠠᠭᠳᠠᠭᠠ ᠦᠭᠡᠢ ᠤᠨᠢᠰᠤ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠨᠠ︕ | ᠤᠷᠴᠢᠨ ᠲᠤᠭᠤᠷᠢᠨ ᠤ ᠬᠢᠨᠢ ᠤᠷᠤᠢ ᠲᠤᠯᠤᠭᠠᠤᠨ ᠢᠶᠠᠷ | ᠤᠯᠠᠨ ᠶᠠᠩᠵᠦ ᠶᠢᠨ ᠬᠠᠳᠠ ᠠᠰᠬᠠ ᠲᠠᠢ ᠴᠤ | ᠤᠶᠢᠷᠠ ᠬᠠᠪᠢ ᠪᠠᠷ ᠨᠢ ᠦᠵᠡᠭᠡᠦᠨ ᠦᠭᠬᠦᠶᠡ ᠭᠡᠬᠦ ᠳᠤ | ᠱᠠᠭᠠ ᠶᠢᠨ ᠴᠢᠨᠡᠭᠡᠨ ᠴᠢᠯᠠᠭᠤ ᠤᠯᠳᠠᠳᠠᠭ ᠦᠭᠡᠢ | ᠰᠢᠷᠠ ᠬᠦᠷᠦᠰᠦᠲᠦ ᠵᠢᠷᠤᠭᠠ ᠬᠠᠭᠤᠷᠠᠢ ※ ᠶᠢᠨ | ᠬᠦᠨᠲᠡᠢ ᠲᠡᠷᠡ ᠭᠠᠭᠴᠠ ᠬᠠᠳᠠ ᠶᠢ | ᠬᠦᠮᠦᠰ ᠤᠳᠤ — | ᠬᠦᠨᠵᠠᠪ ᠤᠨ ᠬᠠᠳᠠ ᠭᠡᠬᠦ ᠪᠤᠯᠵᠢ ︕ | | ᠬᠦᠨᠵᠠᠪ ᠤᠨ ᠬᠠᠳᠠ — | ᠲᠡᠭᠷᠢ ᠠᠴᠠ ᠳᠡᠨᠲᠡ ᠤᠨᠠᠭᠠ ᠦᠭᠡᠢ ᠨᠢ ᠯᠠᠪᠲᠠᠢ | ᠲᠡᠭᠡᠪᠡᠯ ᠭᠠᠵᠠᠷ ᠠᠴᠠ ᠲᠡᠭᠡᠵᠦ ᠤᠷᠭᠤᠨᠠ ᠭᠡᠵᠦ ᠤᠤ | ᠭᠠᠳᠠᠨᠠ ᠠᠴᠠ ᠯᠡ ᠶᠠᠮᠠᠷ ᠨᠢᠭᠡᠨ ᠬᠡᠷᠡᠭᠴᠡᠭᠡ ᠪᠠᠷ | ᠠᠪᠴᠢᠷᠠᠵᠦ ᠪᠤᠰᠬᠠᠭᠰᠠᠨ ᠶᠠᠭᠤᠮᠠ ᠪᠢᠱᠢᠦ ᠭᠡᠮᠡᠷ | ᠭᠠᠶᠢᠬᠠᠯᠲᠠᠢ ᠨᠢᠭᠤᠴᠠ ᠦᠯᠡᠳᠡᠭᠡᠭᠰᠡᠨ ᠬᠠᠳᠠ ᠶᠤᠮ ︕ | ᠨᠠᠶᠢᠷᠠᠮᠳᠠᠯ ᠢᠶᠠᠷ ᠴᠢᠯᠦᠭᠡᠯᠡᠶᠡ ᠭᠡᠰᠡᠨ ᠬᠤᠪᠢᠰᠬᠠᠯ ᠤᠨ | ᠢᠦᠨᠬᠠᠯ ᠵᠤᠷᠢᠯᠲᠠ ᠶᠢ ᠮᠤᠵᠢᠭᠤᠳᠠᠯᠠᠨ ᠲᠡᠪᠴᠢᠭᠡᠦᠨ | ᠨᠠᠢᠮᠠᠨ ᠵᠠᠮ ᠤᠨ ᠴᠡᠷᠢᠭ ᠤᠨ ᠦᠭᠡᠳᠡ ᠠᠴᠠ | ᠠᠶᠤᠮᠰᠢᠭ ᠦᠭᠡᠢ ᠡᠰᠡᠷᠭᠦᠴᠡᠨ ᠲᠡᠯᠴᠢᠯᠡᠭᠰᠡᠨ | ᠨᠤᠳᠤᠭ ᠤᠨ ᠬᠠᠷᠭᠢᠰ ᠬᠦᠨᠵᠠᠪ ᠤᠨ ᠤᠷᠰᠢᠭ ᠢᠶᠠᠷ ᠠᠳᠡ | ᠨᠤᠴᠢᠲᠠᠢ ᠪᠠᠶᠢᠯᠳᠣᠭᠠᠨ ᠭᠠᠷᠴᠤ ᠦᠩᠭᠡᠷᠡᠭᠰᠡᠨ ᠶᠤᠮ ︕ | ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠲᠤᠯᠤᠯᠳᠤᠭᠠᠨ ᠤ ᠤᠴᠢᠷ ᠢ | ᠲᠤᠤᠱᠲᠠᠢ ᠮᠡᠳᠡᠬᠦ ᠬᠦᠮᠦᠨ ᠤᠳᠤ ᠴᠦᠭᠡᠷᠡᠭᠰᠡᠨ ᠴᠣ᠋ | ᠲᠤᠰᠬᠠᠶᠢᠯᠠᠨ ᠲᠡᠷᠡ ᠬᠠᠳᠠᠨ ᠳᠤ ᠰᠢᠷᠭᠤᠭᠰᠠᠨ ᠬᠦᠨᠵᠠᠪ | ᠪᠠᠯᠠᠮᠠᠤᠨ ᠲᠦᠷᠢᠯᠠᠨ ᠪᠤᠷᠤᠩᠬᠤᠶᠢᠯᠠᠭᠰᠠᠭᠠᠷ ᠪᠠᠶᠢᠭᠠᠤᠨ | ᠪᠠᠯᠪᠠ ᠨᠢᠴᠠ ᠳᠡᠯᠪᠡᠭᠴᠢᠭᠳᠡᠭᠰᠡᠨ ᠨᠢ ᠦᠨᠡᠨ ᠶᠤᠮ ︕ | ᠦᠨᠡᠨ ᠶᠠᠭᠤᠮᠠ ᠦᠨᠡᠨ ᠢᠶᠠᠷ ᠢᠶᠠᠨ ᠤᠷᠤᠰᠢᠳᠠᠭ ᠶᠤᠰᠤᠭᠠᠷ | ᠦᠨᠦ ᠪᠤᠯᠲᠠᠯᠠ ᠲᠡᠷᠡ ᠬᠠᠳᠠ ᠳᠡᠨᠳᠡ ᠪᠠᠨ | ᠲᠦᠷᠪᠡᠦᠨ ᠢ ᠴᠢᠰᠣᠲᠣ ᠪᠠᠶᠢᠯᠳᠤᠭᠠᠨ ᠢᠶᠠᠷ ᠴᠢᠯᠤᠭᠡᠯᠡᠭᠰᠡᠨ | ᠲᠡᠦᠬᠡ ᠶᠢᠨ ᠬᠠᠷᠠᠮᠰᠠᠯᠲᠠᠢ ᠭᠡᠷᠡᠴᠢ ᠪᠤᠯᠵᠤ | ᠳᠦᠷᠪᠡᠨ ᠵᠦᠭ ᠤᠨ ᠵᠢᠭᠤᠯᠴᠢᠯᠠᠭᠰᠠᠤᠨ ᠲᠤ | ᠲᠡᠳᠡᠭᠡᠷ ᠳᠠᠶᠢᠨ ᠤ ᠳᠦᠷᠡᠯᠵᠢᠭᠰᠡᠨ ᠵᠢᠯ ᠤᠳ ᠢ ᠰᠠᠨᠠᠭᠤᠯᠤᠭᠰᠠᠭᠠᠷ ᠪᠠᠶᠢᠨᠠ︕ | | ᠮᠦᠩᠬᠡ ᠶᠢᠨ ᠠᠮᠠ | ᠡᠩᠬᠡ ᠶᠢᠨ ᠵᠦᠩᠨᠡᠯᠲᠦ ᠮᠦᠩᠬᠡ ᠶᠢᠨ ᠠᠮᠠ ※ | ᠡᠵᠢ ᠶᠢᠨ ᠮᠦᠮᠦ ᠰᠢᠭ ᠬᠤᠯᠪᠤᠭᠠ ᠠᠭᠤᠯᠠ | ᠡᠩᠭᠡᠷ ※ ᠤᠪᠤᠭᠠᠲᠤ ※ ᠶᠢᠨ ᠢᠶᠠᠨ ᠦᠮᠦᠭ ᠪᠤᠯᠤᠭᠰᠠᠨ | ᠲᠡᠭᠷᠢ ᠶᠢᠨ ᠬᠤᠶᠠᠷ ᠬᠠᠷᠠᠭᠤᠯ ᠡ ︕ | ᠪᠠᠷᠠᠭᠤᠨ ᠮᠦᠩᠬᠡ ᠶᠢᠨ ᠤᠷᠤᠢ ᠳᠤ | ᠪᠠᠭᠠ ᠶᠢᠨ ᠮᠢᠨᠢ ᠦᠯᠢᠭᠡᠷ ᠪᠤᠢ | ᠬᠠᠷᠠᠮᠴᠢ ᠡᠯᠢᠶᠡ ᠪᠠᠷ ᠴᠢᠯᠠᠭᠤᠳᠠᠭᠤᠯᠵᠤ ᠤᠬᠠᠭᠠᠵᠢᠭᠰᠠᠨ | ᠬᠠᠰᠢᠷ ᠮᠢᠨᠢ ᠳᠡᠨᠳᠡ ᠪᠤᠢ ︕ | ᠵᠡᠭᠦᠨ ᠮᠦᠩᠬᠡ ᠵᠦᠮᠪᠤᠷ ᠬᠡᠪ ᠢᠶᠠᠷ ᠢᠶᠠᠨ | ᠵᠠᠭᠤᠨ ᠵᠠᠭᠤᠨ ᠤ ᠬᠠᠯᠠ ᠶᠢ ᠡᠯᠡᠭᠡᠵᠦ | ᠵᠠᠮ ᠢᠶᠠᠷ ᠢᠶᠠᠨ ᠤᠤᠨᠳᠠᠭᠰᠠᠨ ᠡᠪᠦᠭᠡᠦᠨ ᠤᠨ ᠮᠢᠨᠢ | ᠵᠠᠵᠢᠨ ᠳᠦᠷᠢ ᠶᠠᠩᠵᠦ ᠪᠠᠷ ᠢᠶᠠᠨ | ᠪᠤᠭᠤᠷᠤᠯ ᠲᠡᠷᠢᠭᠦᠨ ᠲᠠᠢ ᠮᠦᠩᠬᠡ ᠶᠢᠨ ᠠᠮᠠ— | ᠪᠦᠭᠡᠷᠡ ᠨᠢ ᠴᠤᠭᠤᠷᠠᠭᠰᠠᠨ ᠬᠤᠤᠨᠳᠤᠭ ᠤᠰᠤ | ᠪᠤᠯᠠᠭᠳᠠᠭᠰᠠᠨ ᠴᠦᠬᠦᠷᠦᠮ᠂ ᠲᠠᠰᠤᠷᠠᠭᠰᠠᠨ ᠵᠠᠮ ᠭᠡᠦᠨ | ᠪᠤᠳᠤᠯᠭᠠᠰᠢᠷᠠᠭᠰᠠᠨ ᠶᠠᠩᠵᠦ ᠲᠠᠢ ᠲᠠᠷᠨᠢᠳᠠᠩᠬᠠᠨ ᠪᠠᠶᠢᠨᠠ︕ | | | ᠤᠪᠤᠭᠠᠲᠤ ᠶᠢᠨ ᠳᠡᠷᠡᠰᠦ | ᠲᠡᠮᠡᠭᠡ ᠤᠷᠤᠭᠠᠤᠨ ᠦᠵᠡᠭᠳᠡᠳᠡᠭ ᠦᠭᠡᠢ | ᠲᠡᠷᠡ ᠦᠶᠡ ᠶᠢᠨ ᠶᠡᠭᠡ ᠳᠡᠷᠡᠰᠦ | ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠦᠶᠡᠷ ᠤᠨ ᠵᠠᠮ ᠪᠤᠯᠵᠤ | ᠡᠪᠦᠳᠤᠭ᠌ ᠳᠠᠪᠠᠲᠠᠭ ᠬᠠᠳᠤᠯᠠᠩ ᠨᠢ ᠤᠷᠤᠰᠬᠤ ᠶᠢ | ᠦᠵᠡ ᠶᠠᠳᠠᠭᠰᠠᠨ ᠮᠦᠩᠬᠡ ᠶᠢᠨ ᠠᠮᠠ | ᠦᠰᠦ ᠪᠠᠨ ᠴᠠᠶᠢᠲᠠᠯᠠ ᠰᠢᠭᠦᠷᠡᠰᠦᠯᠡᠵᠦ | ᠪᠠᠶᠢᠭᠠᠯᠢ ᠶᠢᠨ ᠵᠢᠮᠡ ᠠᠴᠠ ᠲᠡᠷᠰᠡᠯᠡᠭᠰᠡᠨ | ᠪᠠᠯᠠᠢ ᠬᠢᠳᠡᠯ ᠢ ᠵᠢᠮᠡᠯᠡᠭᠰᠡᠭᠡᠷ ᠪᠠᠶᠢᠨᠠ᠂᠂᠂᠂ | ᠮᠦᠩᠬᠡ ᠶᠢᠨ ᠠᠮᠠ ᠪᠠᠷ | ᠬᠠᠯᠬᠢᠯᠠᠨ ᠳᠠᠪᠠᠯᠭᠠᠯᠠᠳᠠᠭ ᠤᠪᠤᠭᠠᠲᠤ ᠶᠢᠨ ᠳᠡᠷᠡᠰᠦ | ᠮᠦᠩᠬᠡ ᠶᠢᠨ ᠶᠠᠭᠤᠮᠠ ᠦᠭᠡᠢ ᠰᠢᠦ ᠭᠡᠬᠦ ᠰᠢᠭ | ᠬᠠᠷᠠᠭᠠ ᠰᠡᠦᠨᠬᠢᠯ ᠠᠴᠠ ᠬᠤᠯᠠᠳᠠᠭᠰᠠᠭᠠᠷ ᠪᠠᠶᠢᠨᠠ ︕ | ᠨᠤᠳᠤᠭ ᠤᠨ ᠰᠢᠷᠠ ᠢᠰᠡᠭᠡᠢ ᠭᠡᠬᠦ ᠠᠴᠠ ᠠᠳᠡ | ᠨᠤᠮᠤᠬᠠᠨ ᠰᠢᠷᠬᠠᠢ ᠮᠡᠲᠦ ᠬᠡᠳᠦᠨ ᠬᠤᠶᠢᠴᠢᠰ ᠨᠢ | ᠱᠦᠯᠦ ᠤᠰᠤ ᠲᠠᠢ ᠠᠮᠢᠳᠤᠷᠠᠯ ᠢᠶᠠᠨ ᠰᠠᠬᠢᠭᠠᠤᠨ | ᠰᠢᠨᠡ ᠴᠠᠭ ᠦᠶᠡ ᠲᠠᠢ ᠪᠠᠨ ᠵᠤᠤᠵᠠᠢ ᠬᠤᠯᠪᠤᠵᠠᠢ︕ | | | ᠰᠢᠨᠡ ᠬᠠᠪᠤᠷ | ᠬᠠᠷᠠᠭᠠ ᠳᠦᠬᠦᠷᠡᠩ ᠬᠠᠪᠤᠷ ᠤᠨ ᠪᠠᠷᠠ | ᠰᠡᠦᠨᠬᠢᠯ ᠪᠢᠯᠬᠠᠮᠠ ᠰᠢᠨᠡ ᠶᠢᠨ ᠪᠠᠶᠠᠷ | | ᠴᠠᠭ ᠤᠨ ᠬᠤᠷᠠ ᠴᠠᠭ ᠲᠠᠭᠠᠨ ᠱᠠᠭᠢᠵᠦ | ᠠᠭᠢ ᠶᠢᠨ ᠨᠢᠳᠦ ᠤᠳᠤ ᠰᠢᠭ᠋ ᠭᠡᠷᠡᠯᠳᠤᠪᠡ | ᠬᠢᠵᠢᠭ ᠲᠠᠬᠤᠯ ᠡᠴᠤᠰ ᠲᠡᠭᠡᠨ ᠰᠠᠷᠨᠢᠵᠤ | ᠰᠡᠵᠢᠭ ᠠᠵᠢᠭ ᠦᠭᠡᠢ ᠠᠮᠢᠳᠤᠷᠠᠯ ᠰᠡᠷᠭᠦᠪᠡ | ᠲᠦᠭᠡᠮᠡᠯ ᠰᠢᠨᠡ ᠬᠠᠪᠤᠷ ᠤᠨ ᠨᠠᠷᠠᠨ ᠳᠤ | ᠲᠦᠮᠡᠨ ᠪᠤᠳᠠᠰ ᠤᠷᠤᠯᠳᠤᠨ ᠲᠦᠯᠵᠢᠪᠡ | ᠬᠦᠳᠡᠭᠡ ᠶᠢᠨ ᠬᠦᠮᠦᠨ ᠤ ᠨᠢᠷᠤᠭᠤ ᠲᠡᠨᠡᠶᠢᠵᠦ | ᠬᠤᠲᠠ ᠰᠢᠭ᠋ ᠡᠯᠪᠡᠭ ᠬᠠᠪᠤᠷᠵᠢᠶᠠ ᠨᠠᠯᠠᠶᠢᠪᠠ ︕ | | ᠲᠦᠯ ᠤᠨ ᠳᠠᠭᠤᠨ ᠳᠤ | ᠲᠠᠯᠠ ᠶᠢᠨ ᠲᠡᠪᠴᠢᠶᠡ ᠪᠠᠳᠠᠷᠠᠩᠭᠤᠢ | ᠮᠠᠯ ᠤᠨ ᠦᠨᠢᠷ ᠲᠤ | ᠬᠦᠮᠦᠨ ᠤ ᠰᠡᠦᠨᠬᠢᠯ ᠬᠦᠭᠵᠢᠩᠭᠦᠢ | ᠬᠤᠯᠠ ᠶᠢᠨ ᠬᠠᠷᠠᠭᠠᠨ ᠳᠤ | ᠦᠢᠯᠡᠰ ᠤᠨ ᠲᠦᠰᠦᠪ ᠰᠠᠴᠤᠷᠠᠩᠭᠤᠢ | ᠬᠢᠯᠢ ᠶᠢᠨ ᠠᠮᠤᠭᠤᠯᠠᠩ ᠪᠠᠷᠠ ᠪᠠᠷ | ᠲᠤᠤᠯᠢᠰ ᠤᠨ ᠰᠡᠳᠤᠪ ᠦᠷᠨᠢᠩᠬᠦᠢ ᠂᠂᠂᠂ | ※ ᠭᠠᠵᠠᠷ ᠤᠨ ᠨᠡᠷᠡ᠂1949 ᠤᠨ ᠤ4 ᠰᠠᠷᠠᠶᠢᠨ29 ᠤ ᠦᠷ ᠢᠶᠠᠷ | ᠲᠦᠷᠪᠡᠦᠨ ᠢ ᠴᠢᠯᠦᠭᠡᠯᠡᠬᠦ ᠡᠴᠣᠰ ᠤᠨ ᠲᠤᠯᠤᠯᠳᠤᠭᠠᠨ ᠠᠳᠡ ᠶᠠᠪᠤᠭᠳᠠᠵᠠᠢ | ※ ᠲᠡᠮᠳᠡᠭ ᠲᠠᠢ ᠨᠢ ᠴᠦᠮ ᠭᠠᠵᠠᠷ ᠤᠨ ᠨᠡᠷᠡ | | ᠢᠷᠡᠯᠲᠡ᠄ ᠳᠦᠷᠪᠡᠦᠨ ᠬᠤᠰᠢᠭᠤᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ | ᠳᠡᠪᠰᠢᠭᠦᠯᠦᠭᠴᠢ᠄ ᠲᠡᠷᠭᠡᠯ | | | | | | |