ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠮᠣᠭᠠᠶᠢᠲᠦ ᠶᠢᠨ ᠲᠠᠷᠠᠰᠣ ᠶᠢᠨ ᠲᠤᠬᠠᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/11/7
      ᠮᠣᠭᠠᠶᠢᠲᠦ ᠶᠢᠨ ᠲᠠᠷᠠᠰᠣ ᠶᠢᠨ ᠲᠤᠬᠠᠢ                     ᠮᠣᠦ ᠲᠠᠢ ᠠᠷᠢᠬᠢ ᠬᠡᠪᠡᠯ ᠲᠠᠶᠠᠭᠠᠷ ᠮᠡᠳᠡᠨ᠎ᠡ᠃ ᠲᠣᠮᠳᠠᠳᠦ ᠣᠯᠣᠰ  ᠤᠨ ᠬᠠᠷ᠎ᠠ ᠠᠷᠢᠬᠢᠨ  ᠤ  ᠲᠡᠷᠢᠬᠦᠨ ᠪᠣᠯᠳᠠᠭ ᠶᠣᠮ᠃ ᠮᠣᠦ ᠲᠠᠢ᠂ ᠡᠦ ᠯᠢᠶᠡᠩ ᠶᠧ᠂ ᠵᠢᠶᠡᠨ ᠨᠠᠨ ᠴᠦᠨ ᠬᠡᠳ ᠪᠠᠰᠠ ᠲᠣᠮᠳᠠᠳᠦ ᠣᠯᠣᠰ  ᠤᠨ ᠬᠠᠷ᠎ᠠ ᠠᠷᠢᠬᠢᠨ ᠭᠤᠷᠪᠠᠨ ᠰᠣᠳᠦᠨ ᠪᠠᠷᠠᠭ᠎ᠠ ᠪᠣᠯᠵᠣ ᠪᠦᠷᠢᠯᠳᠦᠳᠡᠭ ᠶᠣᠮ᠃ ᠮᠠᠨ  ᠤ ᠮᠣᠩᠭᠤᠯ  ᠶᠢᠨ ᠠᠷᠢᠬᠢᠨ ᠴᠢᠳᠭᠦᠷ ᠣᠯᠠᠨ ᠴᠣ᠋ ᠮᠣᠣ ᠲᠠᠢ ᠠᠷᠢᠬᠢ ᠪᠠᠷ ᠰᠣᠭᠳᠣᠵᠣ ᠶᠠᠪᠣᠳᠠᠭ ᠨᠢ ᠬᠤᠪᠣᠷᠬᠠᠨ ᠪᠠᠶᠢᠬᠤ᠃ ᠬᠡᠪᠡᠴᠣ ᠮᠣᠣ ᠲᠠᠢ ᠠᠷᠢᠬᠢᠨ ᠭᠠᠵᠠᠷ  ᠤᠨ ᠨᠡᠷ᠎ᠡ  ᠶᠢ  ᠬᠠᠷᠢᠨ ᠮᠠᠨ  ᠤ ᠮᠣᠩᠭᠤᠯ ᠬᠠᠶᠢᠷᠠᠯᠠᠭᠰᠠᠨ ᠬᠡᠳᠡᠭ ᠶᠣᠮ᠃ ᠮᠣᠣ ᠲᠠᠢ ᠠᠷᠢᠬᠢ 1915 ᠣᠨ  ᠳᠤ ᠫᠠᠨᠠᠮᠠ ᠶᠢᠨ ᠣᠯᠠᠨ ᠣᠯᠣᠰ  ᠤᠨ ᠲᠡᠯᠬᠡᠨ ᠦᠵᠡᠭᠦᠯᠦᠯᠳᠡ  ᠳᠤ ᠠᠯᠳᠠᠨ ᠮᠧᠲᠠᠯ ᠭᠠᠷᠳᠠᠭᠰᠠᠨ ᠠᠴᠠ ᠬᠤᠶᠢᠰᠢ ᠲᠡᠯᠡᠬᠡᠢ ᠶᠢᠨ ᠨᠡᠷᠡᠳᠦ ᠲᠡᠮᠳᠡᠭ ᠤᠨ ᠨᠢᠬᠡ ᠪᠣᠯᠵᠡᠢ᠃              ᠮᠣᠣ ᠲᠠᠢ ᠠᠷᠢᠬᠢ ᠪᠣᠯ ᠣᠯᠣᠰ  ᠤᠨ ᠠᠷᠢᠬᠢ ᠬᠡᠳᠡᠭ ᠢᠶᠠᠨ ᠲᠡᠭᠦᠨ  ᠤ ᠣᠳᠠᠭᠠᠨ ᠵᠢᠯ  ᠤᠨ ᠪᠣᠯᠪᠠᠰᠣᠷᠠᠭᠤᠯᠵᠣ ᠢᠰᠬᠡᠭᠰᠡᠨ ᠲᠡᠣᠬᠡ᠂ ᠦᠪᠡᠷᠮᠢᠴᠡ ᠨᠡᠷᠡᠭᠦ ᠭᠠᠷ ᠣᠷᠠᠯᠠᠯ᠂ ᠦᠨᠳᠦᠷ ᠲᠠᠰ ᠤᠨ ᠲᠣᠳᠣᠭᠠᠳᠦ ᠴᠢᠨᠠᠷ ᠴᠢᠨᠰᠠᠭ᠎ᠠ᠂ ᠭᠦᠨᠴᠡ ᠶᠡᠬᠡᠳᠡᠢ ᠨᠡᠪᠳᠡᠷᠡᠵᠣ ᠰᠢᠩᠬᠡᠭᠰᠡᠨ ᠰᠣᠶᠣᠯ ᠪᠣᠯᠣᠨ ᠲᠡᠭᠦᠨ  ᠤ ᠲᠣᠮᠳᠠᠳᠣ ᠣᠯᠣᠰ  ᠤᠨ ᠣᠯᠣᠰ ᠲᠦᠷᠦ᠂ ᠭᠠᠳᠠᠭᠠᠳᠦ ᠬᠠᠷᠢᠯᠴᠠᠭ᠎ᠠ᠂ ᠠᠵᠣ ᠠᠬᠤᠢ  ᠶᠢᠨ ᠠᠮᠢᠳᠦᠷᠠᠯ  ᠤᠨ ᠲᠣᠮᠳᠠᠬᠢ ᠠᠳᠠᠯᠢᠳᠬᠠᠵᠣ ᠪᠣᠯᠣᠰᠢ ᠦᠬᠡᠢ ᠣᠶᠢᠯᠡᠳᠦᠯ᠂ ᠲᠣᠮᠳᠠᠳᠦ ᠣᠯᠣᠰ  ᠤᠨ ᠠᠷᠢᠬᠢᠨ ᠣᠶᠢᠯᠡᠰ ᠳᠠᠬᠢ ᠣᠯᠠᠮᠵᠢᠯᠠᠯᠳᠦ ᠪᠠᠶᠢᠷᠢ ᠰᠠᠭᠤᠷᠢ ᠪᠠ ᠵᠠᠬ᠎ᠠ ᠲᠡᠯᠬᠡᠭᠦᠷ  ᠤᠨ ᠣᠳᠠᠭᠠᠨ ᠰᠢᠯᠭᠠᠯᠳᠠ  ᠶᠢ ᠲᠠᠭᠠᠭᠠᠵᠣ ᠴᠢᠳᠠᠭᠰᠠᠨ  ᠠᠴᠠ ᠪᠣᠯᠵᠡᠢ ᠬᠡᠵᠣ ᠦᠨᠡᠯᠡᠵᠣ ᠪᠠᠶᠢᠨ᠎ᠠ᠃              ᠮᠣᠣ ᠲᠠᠢ ᠠᠷᠢᠬᠢ  ᠶᠢ ᠭᠦᠢᠵᠸᠣ ᠮᠣᠵᠢ  ᠶᠢᠨ ᡂᠢ ᠱᠦᠢ ᠭᠤᠣᠯ  ᠤᠨ ᠲᠣᠮᠳᠠᠳᠣ ᠣᠷᠣᠰᠬᠠᠯ  ᠤᠨ ᠬᠤᠸᠠᠢ ᠷᠧᠨ ᠰᠢᠶᠡᠨ  ᠤ ᠮᠤᠤ ᠲᠠᠢ ᠪᠠᠯᠭᠠᠰᠣᠨ ᠳᠤ ᠨᠡᠷᠡᠵᠣ ᠪᠠᠶᠢᠳᠠᠭ ᠠᠴᠠ ᠢᠩᠬᠢᠵᠤ ᠨᠡᠷᠡᠯᠡᠭᠳᠡᠵᠡᠢ᠃        ᠣᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳᠤ ᠢᠤᠢ ᠶᠢᠨ ᠦᠶ᠎ᠡ ᠳᠤ ᡂᠢ ᠱᠦᠢ ᠭᠤᠣᠯ  ᠤᠨ ᠣᠣᠭᠠᠯ ᠠᠷᠠᠳ — ᠫᠦᠴᠣᠳ ᠠᠷᠢᠬᠢ ᠨᠡᠷᠡᠭᠦ  ᠳᠤ ᠪᠠᠨ ᠭᠠᠷᠮᠠᠭᠠᠢ ᠬᠡᠨ᠎ᠡ᠃ ᠬᠠᠨ ᠣᠯᠣᠰ  ᠤᠨ ᠦᠶ᠎ᠡ  ᠳᠤ ᠦᠨᠦᠳᠦᠷ  ᠤᠨ ᠮᠣᠣ ᠲᠠᠢ ᠪᠠᠯᠭᠠᠰᠣᠨ ᠤ ᠣᠷᠴᠢᠮ ︽ᠵᠢᠣᠢ ᠵᠢᠶᠠᠩ ᠠᠷᠢᠬᠢ︾ ᠬᠡᠳᠡᠭ  ᠢ ᠨᠠᠷᠠᠵᠣ ᠪᠠᠶᠢᠵᠡᠢ᠂ ︽ᠽᠦᠨ ᠢ  ᠶᠢᠨ  ᠶᠠᠮᠣᠨ ᠣᠶᠢᠯᠠᠯᠭ᠎ᠠ︾  ᠳᠤ᠄ ︽ᠵᠢᠤᠢ ᠵᠢᠶᠠᠩ ᠬᠡᠭᠴᠢ᠂ ᠠᠷᠢᠬᠢᠨ  ᠤ ᠢᠵᠠᠭᠤᠷ ᠪᠣᠯᠠᠢ︾ ᠬᠡᠵᠣ ᠲᠡᠮᠳᠡᠭᠯᠡᠵᠡᠢ᠃ ᠰᠧ ᠮᠠ ᠴᠢᠶᠡᠨ  ᠤ ︽ᠰᠣᠳᠣᠷ ᠲᠡᠮᠳᠡᠭᠯᠡᠯ︾  ᠳᠤ ᠵᠢᠶᠡᠨ ᠶᠣᠸᠠᠨ  ᠤ ᠵᠢᠷᠭᠤᠭᠠᠨ ᠣᠨ ︵ᠡᠮᠣᠨ᠎ᠡ 135︶ ᠣᠨ  ᠳᠤ ᠲᠠᠩ ᠮᠧᠩ ᠬᠠᠨ ᠡᠣ ᠳ᠋ᠢ  ᠶᠢᠨ ᠵᠠᠷᠯᠢᠭ ᠪᠠᠷ ᠡᠮᠣᠨᠡᠳᠦ ᠶᠣᠸᠡᠢ ᠬᠡᠮᠡᠭᠳᠡᠳᠡᠭ ᠡᠳᠦᠬᠡ  ᠶᠢᠨ ᠮᠣᠣ ᠲᠠᠢ ᠪᠠᠯᠭᠠᠰᠣ  ᠶᠢᠨ ᠪᠠᠶᠢᠬᠤ ᠷᠧᠨ ᠬᠤᠸᠡᠢ ᠰᠢᠶᠡᠨ ᠣᠷᠴᠢᠮ ᠣᠴᠢᠭᠠᠳ ᠵᠢᠤᠢ ᠵᠢᠶᠠᠩ ᠠᠷᠢᠬᠢ ᠶᠢ ᠣᠣᠭᠤᠭᠰᠠᠨ ᠪᠦᠬᠡᠳ ᠪᠣᠴᠠᠬᠤ  ᠳᠤ ᠪᠠᠨ ᠴᠠᠩ ᠠᠨ  ᠳᠤ ᠪᠠᠶᠢᠬᠤ ᠬᠠᠨ ᠡᠣ ᠳ᠋ᠢ  ᠳᠤ ᠡᠨᠡ ᠠᠷᠢᠬᠢ  ᠶᠢ ᠡᠷᠭᠦᠵᠡᠢ᠂ ᠬᠠᠨ ᠡᠣ ᠳ᠋ᠢ ᠠᠮᠰᠠᠵᠣ ᠦᠵᠡᠬᠡᠳ᠄ ︽ᠠᠮᠳᠠᠳᠡᠢ ᠰᠠᠶᠢᠬᠠᠨ ᠠᠵᠠᠢ︾ ᠬᠡᠵᠣ ᠬᠡᠯᠡᠯ᠎ᠡ ᠬᠡᠳᠡᠭ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠮᠣᠣ ᠲᠠᠢ ᠠᠷᠢᠬᠢ ᠨᠢ ᠬᠠᠭᠠᠨ‌ᠣᠷᠳᠣᠨ  ᠤ ᠡᠷᠭᠦᠯᠳᠡ ᠶᠢᠨ ᠠᠷᠢᠬᠢ ᠪᠤᠯᠵᠤ ᠦᠨᠳᠦᠷᠵᠢᠨ᠂ ᠲᠠᠩ ᠰᠦᠩ  ᠠᠴᠠ ᠬᠤᠶᠢᠰᠢ ᠲᠣᠷᠭᠠᠨ ᠵᠠᠮ ᠪᠠᠷ ᠲᠡᠮᠵᠢᠨ ᠭᠠᠳᠠᠭᠠᠳᠦ  ᠳᠤ ᠣᠯᠠᠮᠵᠢᠯᠠᠭᠳᠡᠵᠡᠢ᠃ ︽ᠽᠦᠨ ᠢ  ᠶᠢᠨ ᠬᠠᠭᠤᠴᠢᠨ ᠶᠠᠮᠣᠨ  ᠤ ᠣᠶᠢᠯᠠᠯᠭ᠎ᠠ︾  ᠶᠢ ᠦᠨᠳᠦᠰᠦᠯᠡᠪᠡᠯ ᠮᠠᠨᠵᠣ  ᠶᠢᠨ ᠲᠦᠷᠦ ᠬᠡᠷᠡᠯᠳᠦ  ᠶᠢᠨ ᠦᠶ᠎ᠡ ᠪᠣᠯᠬᠤ  ᠳᠤ ᠵᠢᠯ ᠪᠦᠷᠢ  ᠶᠢᠨ ᠠᠷᠢᠬᠢ ᠨᠡᠷᠡᠭᠦ ᠠᠮᠣ ᠲᠦᠮᠣᠰᠦᠨ ᠤ ᠵᠠᠷᠣᠯᠭ᠎ᠠ ᠨᠢ ᠪᠠᠷᠤᠭ ᠬᠤᠶᠠᠷ ᠲᠦᠮᠡᠨ ᠲᠠᠮᠨᠠᠭᠤᠷ ᠭᠦᠷᠴᠣ ᠪᠡᠶᠢᠵᠡᠢ᠃               ᠮᠤᠤ ᠲᠠᠢ ᠪᠣᠯ ᠰᠢᠨ᠎ᠡ ᠲᠣᠮᠳᠠᠳᠣ ᠤᠯᠤᠰ ᠪᠠᠶᠢᠭᠤᠯᠣᠭᠳᠠᠭᠰᠠᠨ  ᠤ ᠲᠠᠷᠠᠭ᠎ᠠ ᠲᠦᠪ  ᠤᠨ ᠬᠡᠳᠦᠨ ᠦᠶ᠎ᠡ  ᠶᠢᠨ ᠣᠳᠣᠷᠢᠳᠣᠯᠭ᠎ᠠ  ᠶᠢᠨ ᠬᠠᠮᠤᠭ  ᠤᠨ ᠣᠣᠭᠤᠬᠤ ᠲᠣᠷᠠᠳᠡᠢ ᠠᠷᠢᠬᠢ ᠮᠦᠨ ᠃               ᠮᠣᠣ ᠲᠠᠢ ᠠᠷᠢᠬᠢ ᠶᠢ ᠭᠦᠮᠣᠰ ᠰᠠᠶᠢᠨ ᠮᠡᠳᠡᠳᠡᠭ ᠪᠣᠯᠪᠠᠴᠣ ᠮᠣᠣ ᠲᠠᠢ ᠬᠡᠳᠡᠭ ᠡᠨᠡ ᠭᠠᠵᠠᠷ  ᠤᠨ ᠨᠡᠷ᠎ᠡ  ᠶᠢᠨ ᠲᠣᠬᠠᠢ ᠣᠶᠢᠯᠠᠭᠠᠬᠤ ᠭᠦᠮᠣᠨ ᠠᠷᠠᠢ ᠲᠡᠶᠢᠮᠣ ᠣᠯᠠᠨ ᠪᠢᠰᠢ ᠪᠠᠶᠢᠬ᠎ᠠ᠃ ᠮᠣᠣ ᠲᠠᠢ ᠬᠡᠳᠡᠭ ᠭᠠᠵᠠᠷ  ᠤᠨ ᠨᠠᠷ᠎ᠠ  ᠶᠢᠨ ᠲᠡᠮᠳᠡᠭᠯᠡᠯ ᠬᠠᠮᠤᠭ ᠡᠷᠳᠡ ᠶᠣᠸᠠᠨ ᠣᠯᠣᠰ  ᠤᠨ ᠰᠡᠭᠦᠯᠴᠢ ᠮᠢᠩ ᠣᠯᠣᠰ  ᠤᠨ ᠡᠬᠢᠨ  ᠤ ᠬᠤᠸᠠᠢ ᠳ᠋ᠧ ᠵᠣᠷᠭᠠᠨ  ᠤ ᠠᠨ ᠣᠪᠣᠭᠳᠦ  ᠶᠢᠨ ᠬᠡᠷ  ᠤᠨ ᠴᠡᠳᠢᠭ ᠲᠤ ᠢᠯᠡᠷᠡᠨ᠎ᠡ᠃ ᠡᠨᠡ ᠢ ᠦᠨᠳᠦᠰᠦᠳᠡᠨ  ᠤ ᠠᠨ ᠣᠪᠣᠭᠳᠦ ᠪᠣᠯ ᠭᠦᠢᠵᠸᠣ  ᠶᠢᠨ ᠰᠢᠤᠸᠠᠨ ᠸᠧᠨ ᠰᠧ ︵宣慰司︶ ᠵᠢᠨ‌ᠵᠣᠷᠭᠠᠨ ᠲᠠᠷᠤᠭ᠎ᠠ ᠪᠠᠶᠢᠭᠰᠠᠨ ᠠᠢ ᠽᠦᠢ ︵霭翠︶  ᠶᠢᠨ ᠬᠤᠶᠢᠴᠢᠰ ᠶᠣᠮ᠂ ᠲᠡᠷᠡ ᠪᠣᠯ ᠱᠦᠢ ᠰᠢ ︵水西︶  ᠶᠢᠨ ᠠᠨ ᠣᠪᠣᠭᠳᠦ  ᠶᠢᠨ ᠵᠢᠷᠠᠨ ᠵᠢᠷᠭᠤᠳᠣᠭᠠᠷ ᠦᠶ᠎ᠡ  ᠶᠢᠨ ᠡᠵᠡᠨ ᠨᠣᠶᠠᠨ ᠪᠣᠯᠣᠨ᠎ᠡ᠃ ᠶᠣᠸᠠᠨ ᠣᠯᠣᠰ  ᠤᠨ ᠰᠡᠭᠦᠯᠴᠢ ᠪᠠᠷ ᠱᠦᠨ ᠶᠣᠸᠠᠨ ᠯᠣ᠋ ︵顺元路︶  ᠶᠢᠨ ᠰᠢᠣᠸᠠᠨ ᠹᠦ᠋ ᠱᠢ ︵宣抚使︶ ᠰᠠᠭᠤᠵᠣ᠂ ᠱᠦᠢ ᠰᠢ  ᠶᠢᠨ ᠲᠦᠴᠢᠨ ᠨᠢᠢᠮᠠᠨ ᠬᠠᠷᠢᠶ᠎ᠡ  ᠶᠢ ᠣᠳᠦᠷᠢᠳᠴᠣ ᠪᠡᠶᠢᠵᠡᠢ᠃ ᠲᠡᠭᠦᠨ  ᠤ ᠲᠡᠬᠡᠳᠦᠰ ᠤᠳ ᠱᠦᠢ ᠰᠢ ᠵᠢᠨ‌ᠨᠣᠳᠤᠭ ᠵᠣᠷᠭᠠᠨ ︵土司︶ ᠲᠠᠷᠤᠭ᠎ᠠ ᠪᠠᠶᠢᠬᠤ ᠠᠴᠠ ᠡᠬᠢᠯᠡᠨ ᠮᠣᠩᠭᠤᠯ  ᠤᠨ ᠢᠵᠠᠭᠤᠷᠳᠠᠨ ᠲᠠᠢ ᠣᠷᠳᠦ ᠬᠤᠭᠤᠴᠠᠭ᠎ᠠ ᠰᠠᠶᠢᠨ ᠶᠠᠪᠣᠯᠴᠠᠵᠣ ᠪᠠᠶᠢᠵᠡᠢ᠃ ᠡᠳᠡᠨ  ᠤ ᠦᠯᠢᠬᠡᠷ  ᠢ ᠣᠳᠣ ᠬᠤᠸᠠᠢ ᠷᠧᠨ ᠰᠢᠶᠡᠨ  ᠤ ᠨᠣᠳᠤᠭ  ᠤᠨ ᠣᠶᠢᠯᠠᠯᠭ᠎ᠠ  ᠳᠤ ᠪᠢᠴᠢᠵᠣ ᠣᠷᠣᠭᠤᠯᠣᠭᠰᠠᠨ ᠠᠴᠠ ᠮᠣᠩᠭᠤᠯ  ᠤᠨ ᠢᠵᠠᠭᠤᠷᠳᠠᠨ ᠬᠤᠪᠢᠯᠠᠢ  ᠶᠢᠨ ᠠᠴᠢ ᠣᠮᠪᠣᠯ ᠲᠡᠮᠣᠷᠪᠣᠬ᠎ᠠ ᠪᠠᠶᠢᠨ᠎ᠠ᠃              ᠶᠣᠸᠠᠨ ᠣᠯᠣᠰ  ᠤᠨ ᠲᠡᠣᠬᠡ︾  ᠢ ᠦᠨᠳᠦᠰᠦᠯᠡᠪᠠᠯ ᡁᠢ ᠶᠣᠸᠠᠨ  ᠤ ᠠᠷᠪᠠ ᠶᠢᠰᠦᠳᠦᠬᠡᠷ ᠣᠨ ︵ 1282 ᠣᠨ︶ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠠᠴᠢ ᠣᠮᠪᠣᠯ ᠲᠡᠮᠣᠷᠪᠣᠬ᠎ᠠ  ᠶᠢ ᠲᠣᠮᠢᠯᠠᠵᠣ ᠭᠦᠢᠵᠸᠣ  ᠶᠢᠨ ᠰᠢᠣᠸᠠᠨ ᠸᠧᠨ ᠰᠧ ︵宣慰司︶ ᠵᠤᠷᠭᠠᠨ  ᠳᠤ ᠪᠠᠶᠢᠭ᠎ᠠ ᠢ ᠰᠢ ᠪᠦ᠋ ᠰᠢᠣᠸᠡᠢ ᠭᠠᠵᠠᠷ ᠰᠠᠭᠤᠯᠭᠠᠵᠠᠢ ︵亦溪不薛 ᠮᠣᠩᠭᠤᠯ ᠦᠬᠡ᠂ ᠢ ᠦᠬᠡ ᠬᠡᠵᠣ ᠣᠯᠠᠨ ᠶᠠᠩᠵᠣ ᠪᠠᠷ ᠬᠡᠯᠡᠵᠣ ᠪᠠᠶᠢᠨ᠎ᠠ︶᠃ ︽ᠳ᠋ᠠ ᠳ᠋ᠢᠩ  ᠤᠨ ᠶᠠᠮᠣᠨ ᠣᠶᠢᠯᠠᠯᠭ᠎ᠠ 大定府志︾  ᠳᠤ᠄ ︽ᠢ ᠰᠢ ᠪᠦ᠋ ᠰᠢᠣᠸᠡᠢ ᠪᠣᠯᠪᠠᠰᠣ ᠱᠦᠢ ᠰᠢ ᠪᠣᠯᠠᠢ︾ ᠬᠡᠵᠡᠢ᠃ ᡁᠢ ᠶᠣᠸᠠᠨ  ᠤ ᠬᠤᠷᠢ ᠶᠢᠰᠦᠳᠦᠬᠡᠷ ᠣᠨ ︵1292 ᠣᠨ︶  ᠳᠤ ᠱᠦᠨ ᠶᠣᠸᠠᠨ ︵顺元︶᠂ ᠪᠠ ᠹᠠᠨ ︵八番︶ ᠬᠤᠶᠠᠷ ᠰᠢᠣᠸᠠᠨ ᠸᠧᠨ ᠰᠧ  ᠶᠢ ᠨᠡᠶᠢᠯᠡᠭᠦᠯᠵᠤ ᠱᠦᠨ ᠶᠤᠸᠠᠨ ᠪᠠ ᠹᠠᠨ ᠰᠢᠣᠸᠠᠨ ᠸᠧᠨ ᠰᠧ ᠪᠣᠯᠭᠠᠵᠣ ᠨᠡᠶᠢᠯᠡᠭᠦᠯᠵᠡᠢ᠂ ᠬᠤᠵᠢᠮ ᠦᠵᠢᠶᠡᠩ ᠮᠦᠷᠡᠨ  ᠤ ᠲᠡᠬᠡᠳᠦ ᠣᠷᠣᠰᠬᠠᠯ  ᠤᠨ ᠶᠠ ᡂᠢ ︵鸭池︶ ᠭᠤᠣᠯ ᠪᠠᠷ ᠵᠠᠭᠠᠭ ᠪᠤᠯᠭᠠᠵᠣ᠂ ᠱᠦᠢ ᠳ᠋ᠦᠩ ᠪᠠ ᠱᠦᠢ ᠰᠢ ᠬᠡᠮᠡᠭᠦ ᠬᠤᠶᠠᠷ ᠨᠣᠳᠤᠭ ᠵᠣᠷᠭᠠᠨ  ᠢ ᠪᠠᠶᠢᠭᠤᠯᠵᠡᠢ᠃ ᠱᠦᠢ ᠰᠢ  ᠶᠢᠨ ᠨᠣᠳᠤᠭ ᠵᠣᠷᠭᠠᠨ ᠨᠢ ᠨᠠᠭᠤᠷ ᠴᠦᠭᠦᠷᠦᠮ ᠣᠯᠠᠨᠳᠡᠢ ᠮᠦᠷᠳᠡᠬᠡᠨ ᠲᠡᠭᠰᠢ ᠲᠠᠯ᠎ᠠ ᠪᠠᠷ ᠪᠦᠷᠢᠯᠳᠦᠵᠣ᠂ ᠮᠣᠷᠢ ᠠᠳᠣᠭᠤᠯᠬᠤ  ᠳᠤ ᠮᠠᠰᠢ ᠲᠤᠬᠢᠷᠡᠮᠵᠢᠳᠡᠢ ᠪᠡᠯᠴᠢᠬᠡᠷ ᠪᠠᠶᠢᠵᠣ᠂ ᠶᠤᠸᠠᠨ ᠣᠯᠣᠰ  ᠤᠨ ᠠᠷᠪᠠᠨ ᠲᠦᠷᠪᠡᠨ ᠠᠳᠣᠭᠤᠨ ᠲᠠᠯᠠᠪᠠᠢ  ᠶᠢᠨ ᠨᠢᠬᠡ ᠪᠡᠶᠢᠵᠣ᠂ ᠮᠣᠩᠭᠤᠯ ᠴᠡᠷᠢᠭ ᠰᠠᠭᠤᠨ᠂ ᠢᠴᠣᠳ ᠲᠠᠢ ᠲᠤᠳᠣᠨᠣ ᠶᠠᠪᠣᠯᠴᠠᠵᠣ ᠪᠡᠶᠢᠵᠡᠢ᠃ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠢ ᠦᠨᠳᠦᠰᠦᠳᠡᠨ  ᠤ ᠲᠡᠬᠡᠳᠦ ᠬᠡᠮᠵᠢᠶ᠎ᠡ ᠪᠠᠷ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ  ᠶᠢ ᠵᠦᠪᠰᠢᠶᠡᠷᠡᠵᠣ᠂ ᠱᠦᠢ ᠰᠢ ᠶᠢᠨ ᠨᠣᠳᠤᠭ  ᠤᠨ ᠵᠠᠬᠢᠷᠭ᠎ᠠ ᠨᠢ ᠴᠣ᠋ ᠣᠳᠣ  ᠶᠢᠨ ᠽᠦᠨ ᠨᠢ᠂ ᠲᠦᠩ ᠷᠧᠨ᠂ ᠭᠦᠢᠵᠸᠣ  ᠶᠢᠨ ᠪᠠᠷᠠᠭᠤᠨ ᠡᠮᠣᠨᠡᠳᠦ ᠶᠢᠨ ᠬᠢᠵᠠᠭᠠᠷ  ᠢ ᠭᠠᠷᠭᠠᠪᠠᠯ ᠭᠦᠢᠵᠸᠣ ᠮᠣᠵᠢ ᠶᠢᠨ ᠪᠣᠰᠣᠳ ᠨᠣᠳᠤᠭ ᠲᠡᠪᠢᠰᠬᠡᠷ  ᠢ ᠴᠦᠮ ᠬᠠᠷᠢᠶᠠᠯᠠᠵᠣ ᠪᠡᠶᠢᠵᠡᠢ᠃ ᠮᠣᠣ ᠲᠠᠢ ᠪᠠᠯᠭᠠᠰᠦ ᠨᠢ ᠶᠠᠭ ᠰᠠᠶᠢᠬᠠᠨ ᠱᠦᠢ ᠰᠢ  ᠶᠢᠨ ᠬᠠᠷᠢᠶᠠᠨ  ᠳᠤ ᠪᠠᠶᠢᠭ᠎ᠠ ᠶᠣᠸᠠᠨ ᠣᠯᠣᠰ  ᠤᠨ ᠢ ᠰᠢ ᠪᠦ᠋ ᠰᠢᠣᠸᠡᠢ ᠬᠡᠮᠡᠭᠳᠡᠳᠡᠭ ᠭᠠᠵᠠᠷ ᠲᠤ ᠪᠡᠶᠢᠵᠡᠢ᠃               ᠨᠢᠬᠡ ᠡᠳᠦᠷ ᠲᠡᠮᠣᠷᠪᠣᠬ᠎ᠠ ᠮᠣᠷᠢᠳᠦ ᠴᠡᠷᠢᠭ ᠪᠠᠨ ᠲᠠᠭᠠᠭᠤᠯᠣᠨ ᡂᠢ ᠱᠦᠢ ᠭᠤᠣᠯ  ᠢ ᠬᠡᠳᠦᠯᠣᠨ ᠵᠡᠭᠦᠨ ᠡᠷᠬᠢ  ᠳᠤ ᠨᠢ ᠭᠠᠷᠣᠭᠠᠳ ᠣᠯᠠᠨ ᠬᠤᠳᠳᠤᠭ ᠲᠠᠢ ᠭᠠᠵᠠᠷ ᠭᠦᠷᠴᠡᠢ᠃ ᠡᠳᠡᠬᠡᠷ ᠬᠤᠳᠳᠤᠭ  ᠤᠨ ᠣᠰᠣ ᠴᠣ᠋ ᠠᠷᠭ᠎ᠠ ᠦᠬᠡᠢ ᠲᠣᠩᠭᠠᠯᠠᠭ ᠮᠦᠷᠳᠡᠯ᠎ᠡ ᠠᠮᠳᠡᠳᠡᠢ ᠬᠡᠨ᠎ᠡ᠂ ᠭᠦᠮᠣᠰ ᠮᠣᠷᠢ ᠣᠨᠤᠭ᠎ᠠ ᠪᠠᠨ ᠣᠰᠣᠯᠠᠬᠤ ᠵᠠᠭᠤᠷ᠎ᠠ ᠵᠠᠷᠢᠮ ᠴᠡᠷᠢᠭ  ᠤᠨ ᠠᠭᠳᠠ ᠦᠷᠭᠦᠵᠣ ᠰᠣᠴᠢᠬᠤ ᠪᠠᠷ ᠮᠣᠭᠠᠢ ᠪᠠᠶᠢᠬᠤ  ᠶᠢ ᠣᠯᠵᠣ ᠦᠵᠡᠭᠡᠳ᠄ ︽ᠮᠣᠭᠠᠢ᠂ ᠮᠣᠭᠠᠢ︾ ᠬᠡᠵᠣ ᠬᠠᠰᠬᠢᠷᠣᠯᠴᠠᠵᠡᠢ᠃ ᠪᠣᠴᠠᠭᠰᠠᠨ  ᠤ ᠲᠠᠷᠠᠭ᠎ᠠ ᠲᠡᠮᠣᠷᠪᠣᠬ᠎ᠠ ᠨᠣᠳᠤᠭ ᠤᠨ ᠭᠦᠮᠤᠰ ᠠᠴᠠ ᠡᠨᠡ ᠭᠠᠵᠠᠷ  ᠤᠨ ᠨᠡᠷ᠎ᠡ  ᠶᠢ ᠰᠣᠷᠠᠭᠯᠠᠰᠠᠨ ᠪᠣᠯᠪᠠᠴᠣ ᠬᠠᠷᠠᠬᠠᠨ ᠨᠡᠷ᠎ᠡ ᠦᠭᠭᠦᠬᠡᠳᠦᠢ ᠬᠡᠵᠣ ᠬᠡᠨ᠎ᠡ᠃ ᠲᠡᠮᠣᠷᠪᠣᠬ᠎ᠠ ᠪᠣᠯᠣᠨ ᠲᠡᠭᠦᠨ  ᠤ ᠮᠣᠩᠭᠤᠯ ᠴᠡᠷᠢᠭ  ᠤᠳ ᠴᠣ᠋ ᠲᠡᠷᠡ ᠭᠠᠵᠠᠷ ᠮᠣᠭᠠᠢ ᠲᠠᠢ ᠬᠡᠮᠡᠨ ᠬᠤᠷᠬᠢᠯᠳᠣᠭᠰᠠᠭᠠᠷ ᠪᠠᠶᠢᠭᠠᠳ ᠰᠡᠭᠦᠯᠡᠷ ᠠᠶ᠋ᠨᠨᠳᠠᠭᠠᠨ ᠮᠣᠭᠠᠶᠢᠳᠦ ᠬᠡᠵᠣ ᠲᠠᠭᠤᠳᠠᠬᠤ ᠪᠣᠯᠵᠡᠢ᠃ ᠢᠴᠣᠳ ᠡᠭᠦᠨ ᠢ ᠲᠦᠭᠦᠮᠴᠢᠯᠡᠨ ᠮᠣᠣ ᠲᠠᠢ ᠪᠣᠯᠭᠠᠨ ᠬᠡᠷ  ᠤᠨ ᠴᠡᠳᠢᠭ  ᠲᠤ ᠪᠠᠨ ᠪᠢᠴᠢᠵᠣ ᠣᠷᠣᠭᠤᠯᠣᠭᠰᠠᠨ ᠪᠠᠷ ᠪᠠᠷᠠᠬᠤ ᠦᠬᠡᠢ ᠮᠣᠣ ᠲᠠᠢ ᠨᠢ ᠴᠣ᠋ ᠬᠤᠵᠢᠮ ᠲᠣᠳᠣᠭᠠᠳᠣ ᠭᠠᠳᠠᠭᠠᠳᠣ  ᠳᠤ ᠠᠯᠳᠠᠷᠰᠢᠭᠰᠠᠨ ᠠᠷᠢᠬᠢᠨ  ᠤ ᠨᠣᠳᠤᠭ ᠪᠠ ᠠᠷᠢᠬᠢᠨ  ᠤ ᠲᠡᠮᠳᠡᠭ ᠪᠤᠯᠵᠤ ᠬᠤᠪᠢᠷᠡᠵᠡᠢ᠃                           ᠢᠷᠡᠯᠲᠡ ᠄  ᠬᠤᠯᠪᠤᠭ᠎ᠠ  ᠪᠦᠷᠭᠡᠳᠡᠪᠰᠢᠭᠦᠯᠦᠭᠴᠢ᠄  ᠲᠡᠷᠭᠡᠯ   
  
ᠢᠷᠡᠯᠲᠡ᠄ ᠬᠤᠯᠪᠤᠭ᠎ᠠ ᠪᠦᠷᠭᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠠᠰᠠᠷ ᠪᠣᠭᠲᠠ
ᠤᠪᠤᠭᠠᠨ ᠤ ᠲᠠᠭᠠᠳᠬᠠᠯ
ᠪᠠᠯᠪᠠᠴᠢ ᠶᠢᠨ ᠷᠠᠰᠢᠶᠠᠨ
ᠮᠤᠩᠭᠤᠯ ᠬᠠᠭᠠᠨᠳᠤ ᠣᠯᠤᠰ ᠠᠴᠠ ᠡᠮᠦᠨᠡᠬᠢ ᠬᠠᠳᠣᠳ
ᠮᠡᠳᠡᠬᠦ ᠴᠢᠬᠤᠯᠠᠳᠠᠢ ᠵᠦᠢᠯᠡᠰ
2014-2019 ©  ᠮᠦᠩᠭᠡᠭᠠᠯ ᠮᠣᠩᠭᠤᠯ ᠰᠣᠶᠣᠯ ᠤᠨ ᠠᠵᠣ ᠠᠬᠤᠶᠢᠯᠠᠯ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备11000440号-2