| ᠤᠪᠤᠭᠠᠨ ᠤ ᠲᠠᠭᠠᠳᠬᠠᠯ | | | ᠲᠠᠪᠤᠨ ᠦᠡᠭᠭᠡ ᠲᠦᠷᠪᠠᠨ ᠬᠠᠷᠢ ᠶᠢ | ᠲᠡᠭᠷᠢ ᠮᠠᠳᠤ ᠡᠷᠭᠡ ᠳᠤᠷ ᠰᠢᠭ ᠬᠤᠷᠢᠶᠠᠭᠰᠠᠨ | ᠪᠤᠭᠳᠠ ᠡᠵᠡᠨ ᠴᠢᠩᠭᠢᠰ ᠤᠨ ᠦᠶᠠ ᠠᠴᠠ | ᠪᠤᠷᠤ ᠳᠤᠬᠤᠢ ᠲᠠᠶᠠᠭᠠᠷ ᠲᠤ ᠠᠯᠳᠠᠷᠰᠢᠭᠰᠠᠨ | ᠠᠷᠪᠠᠨ ᠭᠤᠷᠪᠠᠨ ᠬᠤᠷᠠᠬᠤ ᠶᠢᠨ | ᠠᠰᠤᠷᠤ ᠶᠡᠭᠡ ᠲᠠᠭᠢᠯᠭᠠ ᠶᠢᠨ | ᠠᠷᠪᠠᠨ ᠴᠠᠭᠠᠨ ᠪᠤᠶᠠᠨ ᠭᠡᠰᠢᠭ ᠢ | ᠠᠳᠠᠪᠠᠰᠢ ᠲᠠᠯᠠᠯᠵᠤ ᠠᠪᠴᠢᠷᠠᠨᠠᠮ | ᠦᠯ ᠪᠤᠭᠤ ᠡᠪᠤᠯᠵᠢᠯᠳᠠᠢ | ᠡᠪᠤᠭᠡᠨ ᠭᠦᠮᠦᠨ ᠰᠠᠭᠤᠯᠳᠠᠢ | ᠦᠨᠳᠤᠷ ᠭᠠᠵᠠᠷ ᠤᠨ ᠰᠠᠭᠢᠭᠤᠰᠤ | ᠦᠨᠠᠨ ᠴᠠᠭᠠᠨ ᠰᠢᠳᠤᠭᠡᠨ ᠴᠢᠮᠠ ᠳᠤᠷ | ᠶᠢᠷᠳᠢᠨᠴᠤᠰ ᠤᠨ ᠲᠠᠩᠰᠤᠭ ᠢᠳᠡᠭᠡᠨ ᠪᠦᠭᠦᠳᠠ ᠶᠢ | ᠶᠠᠷᠤ ᠪᠦᠭᠦᠳᠡᠭᠡᠷ ᠡᠷᠭᠦᠨ ᠪᠠᠷᠢᠨᠠᠮ | ᠰᠠᠷᠠ ᠶᠢᠨ ᠰᠠᠶᠢᠨ ᠳᠤᠷ | ᠡᠳᠤᠷ ᠤᠨ ᠦᠯᠵᠠᠢ ᠳᠤᠷ | ᠦᠨᠳᠤᠷ ᠲᠠᠭᠳᠤ ᠪᠤᠰᠬᠠᠨ | ᠦᠷᠭᠦᠭᠡ ᠮᠠᠶᠢᠬᠠᠨ ᠪᠠᠷᠢᠵᠤ | ᠲᠠᠩᠰᠤᠭ ᠢᠳᠡᠭᠡ ᠰᠢᠭᠦᠰᠤ ᠪᠠᠨ | ᠲᠠᠪᠠᠭ ᠲᠠᠪᠰᠢᠨ ᠳᠤ ᠦᠷᠤᠭᠡᠳ | ᠠᠷᠪᠠᠨ ᠭᠤᠷᠪᠠᠨ ᠬᠤᠷᠠᠬᠤ ᠪᠠᠨ | ᠠᠷᠢᠭᠤᠳᠬᠠᠨ ᠲᠠᠭᠢᠵᠤ ᠮᠦᠷᠭᠦᠭᠡᠳ | ᠰᠠᠩ ᠤᠨ ᠠᠷᠢᠭᠤᠨ ᠤᠳᠤᠭᠠ ᠶᠢ | ᠰᠠᠨᠰᠠᠷ ᠳᠤᠯᠳᠠᠯᠠ ᠲᠠᠯᠪᠢᠵᠤ | ᠬᠤᠳᠤᠭ ᠦᠯᠵᠠᠢ ᠪᠦᠷᠢᠳᠦᠭᠰᠡᠨ | ᠬᠤᠷᠳᠤᠨ ᠰᠤᠮᠤ ᠪᠠᠨ ᠪᠠᠷᠢᠵᠤ | ᠬᠤᠪᠢ ᠭᠡᠰᠢᠭ ᠪᠤᠶᠠᠨ ᠢ | ᠬᠤᠷᠦ᠋ᠢᠯᠠᠨ ᠲᠠᠯᠠᠯᠵᠤ ᠠᠪᠴᠢᠷᠠᠨᠠᠮ | ᠬᠠᠷᠢ ᠮᠠᠭᠤ ᠲᠠᠶᠢᠰᠤᠨ ᠠᠴᠠ | ᠬᠠᠮᠠᠭᠠᠯᠠᠨ ᠢᠪᠡᠭᠡᠨ ᠰᠤᠶᠤᠷᠬᠠ | ᠬᠠᠷᠠ ᠮᠠᠭᠤ ᠰᠠᠨᠠᠭᠠᠳᠠᠨ ᠢ | ᠭᠦᠯ ᠳᠤᠷ ᠮᠢᠨᠤ ᠰᠦᠭᠦᠳᠭᠡ | ᠠᠳᠤᠭᠤ ᠮᠠᠯ ᠢ ᠮᠢᠨᠤ | ᠠᠷᠪᠢᠵᠢᠭᠤᠯᠵᠤ ᠰᠤᠶᠤᠷᠬᠠ | ᠠᠳᠠᠭᠠᠳᠤ ᠲᠠᠶᠢᠰᠤᠨ ᠪᠦᠭᠦᠨ ᠢ | ᠡᠴᠤᠯᠭᠡᠵᠤ ᠲᠦᠷᠭᠡᠨ ᠬᠠᠷᠢᠭᠤᠯ | ᠡᠪᠡᠳᠴᠢᠨ ᠭᠢᠵᠢᠭ ᠢ ᠡᠴᠤᠯᠭᠡ | ᠦᠯᠵᠠᠢ ᠪᠤᠶᠠᠨ ᠢ ᠳᠤᠭᠳᠠᠭᠤᠯ | ᠭᠠᠨᠭ᠌ ᠵᠤᠳ ᠢ ᠠᠷᠢᠯᠭᠠ | ᠭᠠᠮᠰᠢᠭ ᠠᠶᠤᠯ ᠢ ᠳᠤᠨᠢᠯᠭᠠ᠃ | ᠢᠷᠡᠯᠲᠡ᠄ ᠬᠤᠯᠪᠤᠭᠠ ᠪᠦᠷᠭᠡ | ᠳᠡᠪᠰᠢᠭᠦᠯᠦᠭᠴᠢ ᠄ ᠲᠡᠷᠭᠡᠯ | | | |