| ᠵᠠᠰᠠᠭ ᠤᠨ ᠪᠠᠶᠢᠭᠤᠯᠤᠮᠵᠢ | ᠳᠦᠷᠪᠡᠨ ᠬᠡᠦᠬᠡᠳ ᠤᠨ ᠠᠶᠢᠮᠠᠭ ᠤᠨ ᠬᠠᠮᠤᠭ ᠤᠨ ᠳᠡᠭᠡᠳᠦ ᠡᠷᠬᠡᠳᠦ ᠪᠠᠶᠢᠭᠤᠯᠤᠮᠵᠢ ᠪᠤᠯ ᠬᠤᠰᠢᠭᠤ ᠶᠠᠮᠤᠨ | ᠪᠤᠯᠤᠨᠠ᠃ ᠬᠤᠰᠢᠭᠤ ᠶᠠᠮᠤᠨ ᠤ ᠪᠦᠷᠢᠯᠳᠦᠬᠦᠨ ᠪᠤᠯ᠄ | ᠵᠠᠰᠠᠭ ᠵᠡᠬᠦᠨ ᠳᠤᠰᠠᠯᠠᠭᠴᠢ ᠵᠠᠬᠢᠷᠤᠭᠴᠢ ᠵᠡᠬᠦᠨ ᠮᠡᠶᠢᠷᠡᠨ | ︵ᠠᠮᠪᠠᠨ︶ | ᠸᠠᠩ ᠪᠠᠷᠠᠭᠤᠨ ᠳᠤᠰᠠᠯᠠᠭᠴᠢ ᠪᠠᠷᠠᠭᠤᠨ ᠮᠡᠶᠢᠷᠡᠨ | | ᠳᠠᠮᠠᠭᠠᠨ ᠳᠠᠪᠤᠨ ᠳᠦᠰᠢᠮᠡᠳ | ※ ᠡᠳᠡᠭᠡᠷ ᠳᠠᠮᠠᠭᠠᠨ ᠳᠠᠪᠤᠨ ᠳᠦᠰᠢᠮᠡᠳ ᠨᠢ ᠵᠠᠰᠠᠭ ᠸᠠᠩ ᠤᠨ ᠵᠠᠬᠢᠷᠤᠯ ᠳᠤᠤᠷᠠ ᠬᠤᠰᠢᠭᠤᠨ ᠤ ᠪᠠᠨ ᠶᠡᠭᠡ | ᠪᠠᠭᠠ ᠬᠡᠷᠡᠭ ᠢ ᠰᠢᠢᠳᠪᠦᠷᠢᠯᠡᠳᠡᠭ ᠪᠠᠶᠢᠨᠠ᠃ ᠬᠤᠰᠢᠭᠤ ᠶᠠᠮᠤᠨ ᠤ ᠳᠤᠤᠷᠠ ᠨᠢ ᠳᠤᠯᠤ ᠪᠠ ᠰᠤᠮᠤ ᠭᠡᠵᠤ ᠪᠠᠶᠢᠵᠠᠢ᠃ | ᠳᠤᠯᠤ ᠪᠤᠯᠤᠨ ᠰᠤᠮᠤ ᠨᠢ ᠬᠡᠳᠦᠶᠢᠪᠡᠷ ᠬᠤᠰᠢᠭᠤ ᠶᠠᠮᠤᠨ ᠤ ᠬᠠᠷᠢᠶᠠ ᠪᠠᠶᠢᠭᠤᠯᠤᠮᠵᠢ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ ᠬᠤᠪᠢᠨ | ᠳᠠᠭᠠᠨ ᠠᠯᠪᠠᠨ ᠡᠷᠬᠢᠯᠡᠬᠦ ᠳᠤᠭᠳᠠᠭᠰᠠᠨ ᠭᠠᠵᠠᠷ ᠭᠡᠵᠤ ᠦᠬᠡᠢ᠃ ᠳᠤᠯᠤ ᠵᠠᠯᠠᠨ᠂ ᠰᠤᠮᠤᠨ ᠵᠠᠩᠭᠢ᠂ ᠬᠦᠨᠳᠦ ᠨᠠᠷ | ᠨᠢ ᠪᠦᠷ ᠦᠪᠡᠷ ᠦᠪᠡᠷᠰᠡᠳ ᠤᠨ ᠢᠶᠠᠨ ᠭᠡᠷ ᠡᠷᠦᠬᠡ ᠲᠡᠭᠡᠨ ᠰᠠᠭᠤᠵᠤ ᠠᠯᠪᠠᠯᠠᠳᠠᠭ ᠪᠠᠶᠢᠨᠠ᠃ | ᠪᠦᠬᠦ ᠬᠤᠰᠢᠭᠤᠨ ᠤ ᠬᠠᠮᠤᠭ ᠳᠡᠭᠡᠳᠦ ᠨᠤᠶᠠᠷᠬᠠᠭᠴᠢ ᠪᠤᠯ ᠵᠠᠰᠠᠭ ᠸᠠᠩ ᠪᠤᠯᠤᠨᠠ᠃ | ᠲᠡᠷᠡ ᠨᠢ ᠪᠦᠬᠦ ᠬᠤᠰᠢᠭᠤᠨ ᠤ ᠬᠡᠷᠡᠭ ᠶᠠᠪᠤᠳᠠᠯ ᠢ ᠶᠡᠷᠦᠩᠭᠡᠶᠢᠯᠡᠨ ᠠᠳᠬᠤᠬᠤ ᠪᠦᠭᠡᠳ ᠳᠤᠤᠷᠠᠬᠢ ᠨᠤᠶᠠᠳ | ᠳᠦᠰᠢᠮᠡᠳ ᠢᠶᠠᠨ ᠬᠢᠨᠠᠨ ᠵᠠᠬᠢᠷᠬᠤ ᠪᠦᠷᠢᠨ ᠡᠷᠬᠡ ᠲᠠᠢ᠃ ᠵᠠᠰᠠᠭ ᠸᠠᠩ ᠨᠢ ᠦᠶᠡ ᠵᠠᠯᠭᠠᠮᠵᠢᠯᠠᠬᠤ ᠶᠤᠰᠤᠨ ᠢᠶᠠᠷ | ᠦᠶᠡ ᠤᠯᠠᠷᠢᠨ ᠵᠡᠷᠭᠡ ᠵᠠᠯᠭᠠᠮᠵᠢᠯᠠᠳᠠᠭ᠃ ᠦᠶᠡ ᠵᠠᠯᠭᠠᠮᠵᠢᠯᠠᠬᠤ ᠳᠤ ᠳᠡᠷᠢᠬᠦᠨ᠂ ᠳᠡᠳ᠋᠂ ᠭᠤᠳᠠᠭᠠᠷ᠂ ᠳᠦᠳᠦᠭᠡᠷ | ᠵᠡᠷᠭᠡ ᠶᠢᠨ ᠳᠠᠶᠢᠵᠢ ᠬᠦᠪᠡᠬᠦᠨ ᠰᠠᠶ᠋ᠢ ᠦᠶᠡ ᠵᠠᠯᠭᠠᠮᠵᠢᠯᠠᠵᠤ ᠪᠤᠯᠳᠠᠭ᠃ ᠵᠢᠶᠦ᠋ᠨ ᠸᠠᠩ ᠤᠨ ᠬᠦᠪᠡᠬᠦᠨ ᠢ ᠳᠡᠷᠢᠬᠦᠨ | ᠵᠡᠷᠭᠡ ᠶᠢᠨ ᠳᠠᠶᠢᠵᠢ ᠪᠤᠯᠭᠠᠳᠠᠭ᠃ | ᠵᠠᠰᠠᠭ ᠸᠠᠩ ᠤᠨ ᠳᠤᠤᠷᠠ ᠳᠤᠰᠠᠯᠠᠭᠴᠢ ᠭᠡᠵᠤ ᠬᠤᠶᠡᠷ ᠬᠦᠮᠦᠨ ᠪᠠᠶᠢᠳᠠᠭ ᠪᠦᠭᠡᠳ ᠶᠡᠷᠦ ᠳᠡᠭᠡᠨ ᠳᠠᠮᠠᠭᠠᠨ ᠤ | ᠳᠤᠰᠠᠯᠠᠭᠴᠢ ᠭᠡᠳᠡᠭ᠃ ᠳᠤᠰᠠᠯᠠᠭᠴᠢ ᠶᠢ ᠵᠡᠬᠦᠨ ᠪᠠᠷᠠᠭᠤᠨ ᠭᠡᠵᠤ ᠬᠤᠪᠢᠶᠠᠳᠠᠭ᠃ ᠳᠤᠰᠠᠯᠠᠭᠴᠢ ᠪᠤᠯ ᠵᠠᠰᠠᠭ ᠢ | ᠬᠠᠪᠰᠤᠷᠤᠨ ᠠᠵᠢᠯᠯᠠᠳᠠᠭ ᠳᠡᠭᠡᠳᠦ ᠵᠡᠷᠭᠡ ᠶᠢᠨ ᠳᠤᠰᠢᠶᠠᠯᠳᠠᠨ ᠪᠦᠭᠡᠳ ᠵᠠᠰᠠᠭ ᠸᠠᠩ ᠤᠨ ᠵᠠᠷᠯᠢᠭ ᠢᠶᠠᠷ ᠬᠤᠰᠢᠭᠤᠨ | ᠤ ᠪᠤᠢ ᠪᠦᠬᠦᠢ ᠬᠡᠷᠡᠭ ᠶᠠᠪᠤᠳᠠᠯ ᠢ ᠭᠤᠤᠯᠴᠢᠯᠠᠨ ᠰᠢᠢᠳᠪᠦᠷᠢᠯᠡᠳᠡᠭ᠃ ᠵᠠᠰᠠᠭ ᠸᠠᠩ ᠬᠠᠯᠢᠬᠤ ᠪᠤᠶᠤ ᠪᠤᠰᠤᠳ | ᠰᠢᠯᠳᠠᠭᠠᠨ ᠢᠶᠠᠷ ᠳᠦᠷ ᠡᠵᠡᠬᠦᠢ ᠬᠤᠭᠤᠷᠤᠨᠳᠤ ᠳᠤᠰᠠᠯᠠᠭᠴᠢ ᠠᠴᠠ ᠵᠠᠰᠠᠭ ᠢ ᠤᠷᠤᠯᠠᠨ ᠵᠠᠰᠠᠭ ᠶᠠᠪᠤᠭᠤᠯᠳᠠᠭ᠃ | ᠳᠤᠰᠠᠯᠠᠭᠴᠢ ᠶᠢ ᠪᠤᠯ ᠬᠤᠰᠢᠭᠤᠨ ᠤ ᠪᠠᠨ ᠸᠠᠩ ᠬᠦᠩ᠂ ᠳᠠᠶᠢᠵᠢ ᠨᠠᠷ ᠤᠨ ᠳᠤᠳᠤᠷᠠ ᠠᠴᠠ ᠵᠠᠰᠠᠭ ᠸᠠᠩ ᠦᠪᠡᠷ | ᠢᠶᠠᠨ ᠰᠤᠩᠭᠤᠵᠤ᠂ ᠴᠢᠭᠤᠯᠭᠠᠨ ᠤ ᠳᠠᠷᠤᠭᠠ ᠪᠠᠷ ᠳᠠᠮᠵᠢᠭᠤᠯᠤᠨ ᠴᠢᠩ ᠤᠯᠤᠰ ᠤᠨ ᠳᠦᠷᠦ ᠶᠢᠨ ᠶᠠᠮᠤᠨ ᠳᠤ | ᠮᠡᠳᠡᠬᠦᠯᠦᠨ ᠵᠦᠪᠰᠢᠶᠡᠷᠡᠬᠦᠯᠵᠤ ᠳᠤᠮᠢᠯᠠᠳᠠᠭ᠃ ᠳᠤᠰᠠᠯᠠᠭᠴᠢ ᠶᠢᠨ ᠵᠡᠷᠭᠡ ᠨᠢ ᠨᠠᠰᠤᠨ ᠳᠤᠷᠰᠢᠳᠠ ᠶᠢᠨ ᠳᠤᠰᠢᠶᠠᠯ | ᠪᠤᠯᠪᠠᠴᠤ ᠦᠶᠡ ᠵᠠᠯᠭᠠᠮᠵᠢᠯᠠᠵᠤ ᠪᠤᠯᠳᠠᠭ ᠦᠬᠡᠢ᠃ | ᠳᠤᠰᠠᠯᠠᠭᠴᠢ ᠶᠢᠨ ᠳᠠᠷᠠᠭᠠ ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ︵ᠬᠤᠰᠢᠭᠤᠨ ᠤ ᠠᠮᠪᠠᠨ︶ ᠭᠡᠵᠤ ᠪᠤᠢ᠃ | ᠵᠠᠬᠢᠷᠤᠭᠴᠢ ᠨᠢ ᠬᠤᠰᠢᠭᠤ ᠶᠠᠮᠤᠨ ᠤ ᠪᠤᠳᠠᠳᠤ ᠡᠷᠬᠡ ᠪᠠᠷᠢᠭᠴᠢ ᠪᠤᠯᠤᠨᠠ᠃ ᠵᠠᠬᠢᠷᠤᠭᠴᠢ ᠨᠢ ᠵᠠᠰᠠᠭ ᠸᠠᠩ ᠪᠤᠯᠤᠨ | ᠵᠡᠬᠦᠨ ᠪᠠᠷᠠᠭᠤᠨ ᠳᠤᠰᠠᠯᠠᠭᠴᠢ ᠶᠢᠨ ᠵᠠᠷᠯᠢᠭ ᠢᠶᠠᠷ ᠬᠤᠰᠢᠭᠤᠨ ᠤ ᠶᠡᠭᠡ ᠪᠠᠭᠠ ᠬᠡᠷᠡᠭ ᠶᠠᠪᠤᠳᠠᠯ ᠢ ᠶᠡᠷᠦᠩᠭᠡᠶᠢᠯᠡᠨ | ᠬᠠᠮᠢᠶᠠᠷᠳᠠᠭ ᠪᠦᠭᠡᠳ ᠳᠤᠯᠤ ᠵᠠᠯᠠᠨ ᠠᠴᠠ ᠠᠪᠤᠭᠠᠳ ᠤᠷᠤᠨ ᠨᠤᠳᠤᠭ ᠤᠨ ᠪᠤᠰᠤᠳ ᠨᠤᠶᠠᠳ ᠳᠦᠰᠢᠮᠡᠳ ᠢ | ᠰᠢᠭᠤᠳ ᠵᠠᠬᠢᠷᠳᠠᠭ᠃ | ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠶᠢᠨ ᠳᠤᠰᠢᠶᠠᠯ ᠨᠢ ᠳᠤᠰᠠᠯᠠᠭᠴᠢ ᠠᠴᠠ ᠵᠢᠭᠠᠬᠠᠨ ᠳᠤᠤᠷᠠ ᠰᠢᠭ᠋ ᠪᠤᠯᠪᠠᠴᠤ ᠳᠡᠬᠦᠨ | ᠳᠤ ᠵᠠᠰᠠᠭ ᠸᠠᠩ ᠢ ᠤᠷᠤᠯᠠᠬᠤ ᠡᠷᠭᠡ ᠪᠠᠶᠢᠳᠠᠭ ᠦᠬᠡᠢ᠃ ᠵᠠᠬᠢᠷᠤᠭᠴᠢ ᠶᠢ ᠵᠠᠰᠠᠭ ᠸᠠᠩ ᠠᠴᠠ ᠬᠤᠰᠢᠭᠤᠨ ᠤ ᠪᠠᠨ | ᠳᠠᠶᠢᠵᠢ ᠨᠠᠷ ᠤᠨ ᠳᠤᠳᠤᠷᠠ ᠠᠴᠠ ᠰᠢᠭᠤᠳ ᠰᠤᠩᠭᠤᠨ ᠳᠤᠮᠢᠯᠠᠵᠤ᠂ ᠨᠠᠰᠤᠨ ᠳᠤᠷᠰᠢᠳᠠ ᠳᠤᠰᠢᠶᠠᠯ | ᠬᠠᠷᠢᠭᠤᠴᠠᠭᠤᠯᠤᠨᠠ᠃ ᠬᠤᠰᠢᠭᠤ ᠶᠠᠮᠤᠨ ᠤ ᠳᠤᠳᠤᠷᠠ ᠵᠠᠬᠢᠷᠤᠭᠴᠢ ᠶᠢᠨ ᠠᠵᠢᠯ ᠨᠢ ᠮᠠᠰᠢ ᠶᠠᠭᠠᠷᠠᠤ ᠪᠠᠶᠢᠳᠠᠭ | ᠪᠤᠯᠬᠤᠷ ᠨᠡᠯᠢᠶᠡᠳ ᠳᠠᠷᠢᠬᠢ ᠳᠤᠯᠤᠭᠠᠢ ᠬᠤᠷᠴᠠ ᠰᠡᠷᠭᠡᠭ ᠬᠦᠮᠦᠨ ᠢᠶᠠᠷ ᠡᠨᠡᠬᠦ ᠳᠤᠰᠢᠶᠠᠯ ᠢ ᠡᠭᠦᠷᠭᠡᠯᠡᠬᠦᠯᠳᠡᠭ᠃ | | ᠮᠡᠶᠢᠷᠡᠨ ᠢ ᠪᠠᠰᠠ ᠬᠤᠰᠢᠭᠤᠨ ᠤ ᠳᠡᠳ᠋ ᠵᠠᠬᠢᠷᠤᠭᠴᠢ ᠭᠡᠳᠡᠭ ᠪᠠᠶᠢᠵᠠᠢ᠃ ᠮᠠᠶᠢᠷᠡᠨ ᠪᠤᠯ ᠳᠤᠰᠠᠯᠠᠭᠴᠢ | ᠪᠤᠯᠤᠨ ᠵᠠᠬᠢᠷᠤᠭᠴᠢ ᠶᠢᠨ ᠬᠢᠨᠠᠯᠳᠠ ᠳᠤᠤᠷᠠ ᠤᠷᠤᠨ ᠨᠤᠳᠤᠭ ᠤᠨ ᠠᠷᠠᠳ ᠢᠷᠭᠡᠳ ᠤᠨ ᠬᠡᠷᠡᠭ ᠶᠠᠪᠤᠳᠠᠯ ᠢ | ᠭᠠᠷᠳᠠᠨ ᠬᠠᠮᠢᠶᠠᠷᠳᠠᠭ᠃ ᠠᠷᠪᠠᠨ ᠰᠤᠮᠤ ᠠᠴᠠ ᠳᠤᠷᠤᠭᠰᠢᠬᠢ ᠬᠤᠰᠢᠭᠤᠨ ᠳᠤ ᠨᠢᠭᠡ ᠮᠠᠶᠢᠷᠠᠨ᠂ ᠠᠷᠪᠠᠨ ᠰᠤᠮᠤ | ᠠᠴᠠ ᠳᠡᠭᠡᠭᠰᠢᠬᠢ ᠬᠤᠰᠢᠭᠤᠨ ᠳᠤ ᠬᠤᠶᠡᠷ ᠮᠡᠶᠢᠷᠡᠨ ᠳᠠᠯᠪᠢᠬᠤ ᠴᠢᠩ ᠤᠨ ᠳᠦᠷᠦ ᠶᠢᠨ ᠳᠤᠭᠳᠠᠭᠠᠯ ᠲᠠᠢ᠃ | ᠳᠦᠷᠪᠡᠨ ᠬᠡᠦᠬᠡᠳ ᠤᠨ ᠠᠶᠢᠮᠠᠭ ᠤᠨ ᠬᠤᠰᠢᠭᠤᠨ ᠳᠤ ᠵᠡᠬᠦᠨ ᠪᠠᠷᠠᠭᠤᠨ ᠮᠡᠶᠢᠷᠡᠨ ᠭᠡᠵᠤ ᠬᠤᠶᠡᠷ ᠮᠡᠶᠢᠷᠡᠨ ᠲᠠᠢ | ᠪᠠᠶᠢᠭᠰᠠᠨ ᠪᠦᠭᠡᠳ ᠳᠤᠰᠪᠤᠷᠢ ᠳᠠᠯᠠ ᠳᠠᠮᠠᠭᠠ ᠲᠠᠢ ᠪᠠᠶᠢᠵᠠᠢ ᠭᠡᠨᠡ᠃ ᠬᠤᠶᠡᠷ ᠮᠠᠶᠢᠷᠠᠨ ᠤ ᠳᠠᠯᠠ ᠳᠠᠮᠠᠭᠠ ᠶᠢ | ᠬᠠᠪᠰᠤᠷᠤᠭᠤᠯᠤᠨ ᠳᠠᠷᠤᠪᠠᠯ ᠰᠠᠶ᠋ᠢ ᠪᠦᠳᠦᠨ ᠨᠢᠭᠡᠨ ᠳᠠᠮᠠᠭᠠ ᠪᠤᠯᠵᠤ ᠬᠦᠴᠦᠨ ᠲᠠᠢ ᠪᠤᠯᠳᠠᠭ ᠭᠡᠳᠡᠭ᠃ | ᠬᠤᠰᠢᠭᠤ ᠶᠠᠮᠤᠨ ᠳᠤ ᠰᠠᠭᠤᠳᠠᠯ ᠤᠨ ᠳᠦᠷᠦᠬᠦᠤ ᠨᠢᠭᠡ ᠬᠦᠮᠦᠨ ᠪᠠᠶᠢᠳᠠᠭ ᠪᠠ ᠡᠬᠦᠨ ᠢ ᠪᠠᠰᠠ ᠠᠬᠠᠮᠠᠳ | ᠪᠢᠴᠢᠭᠡᠴᠢ ᠭᠡᠵᠤ ᠳᠠᠭᠤᠳᠠᠳᠠᠭ᠃ ᠰᠠᠭᠤᠳᠠᠯ ᠤᠨ ᠳᠦᠷᠦᠬᠦᠤ ᠪᠤᠯ ᠳᠠᠪᠤᠨ ᠳᠦᠰᠢᠮᠡᠯ ᠤᠨ ᠵᠠᠬᠢᠷᠤᠯ ᠳᠤᠤᠷᠠ | ᠬᠤᠰᠢᠭᠤᠨ ᠤ ᠬᠡᠷᠡᠭ ᠵᠠᠷᠭᠤ ᠶᠢ ᠳᠠᠰᠤᠯᠤᠨ ᠰᠢᠳᠭᠡᠬᠦ᠂ ᠵᠠᠰᠠᠭ ᠨᠤᠶᠠᠳ ᠤᠨ ᠵᠠᠷᠯᠢᠭ ᠪᠢᠴᠢᠭ ᠢ ᠳᠡᠭᠡᠭᠰᠢ | ᠮᠡᠳᠡᠬᠦᠯᠵᠤ ᠳᠤᠷᠤᠭᠰᠢ ᠤᠯᠠᠮᠵᠢᠯᠠᠬᠤ ᠪᠠ ᠬᠤᠰᠢᠭᠤ ᠶᠠᠮᠤᠨ ᠤ ᠪᠤᠰᠤᠳ ᠰᠠᠭᠤᠳᠠᠯ ᠤᠨ ᠪᠢᠴᠢᠭᠡᠴᠢ ᠨᠠᠷ ᠢ | ᠬᠠᠮᠢᠶᠠᠷᠬᠤ ᠡᠷᠭᠡ ᠲᠠᠢ᠃ ᠳᠡᠬᠦᠨ ᠤ ᠳᠤᠤᠷᠠ ᠨᠢ ᠪᠢᠴᠢᠭᠡᠴᠢ ᠪᠠ ᠰᠤᠷᠬᠤ ᠪᠢᠴᠢᠭᠡᠴᠢ ᠬᠡᠳᠦᠨ ᠨᠡᠷᠡ ᠪᠠᠶᠢᠵᠤ | ᠰᠠᠷᠠ ᠶᠢᠨ ᠡᠭᠡᠯᠵᠢ ᠪᠠᠷ ᠠᠯᠪᠠ ᠬᠠᠰᠢᠳᠠᠭ᠃ | ᠬᠤᠰᠢᠭᠤ ᠶᠠᠮᠤᠨ ᠳᠤ ᠪᠠᠰᠠ ᠶᠠᠮᠤᠨ ᠵᠠᠩᠭᠢ ᠨᠢᠭᠡ ᠬᠦᠮᠦᠨ ᠪᠠᠶᠢᠵᠤ ᠶᠠᠮᠤᠨ ᠤ ᠠᠵᠤ ᠠᠬᠤᠢ ᠪᠠ ᠳᠠᠬᠠᠷᠠ | ᠂ ᠵᠠᠮ᠂ ᠬᠤᠶᠠᠭ ᠤᠳ ᠢ ᠬᠠᠮᠢᠶᠠᠷᠳᠠᠭ᠃ ᠳᠦᠷᠪᠡᠨ ᠬᠡᠦᠬᠡᠳ ᠤᠨ ᠬᠤᠰᠢᠭᠤ ᠶᠠᠮᠤᠨ ᠳᠤ ᠨᠠᠢᠮᠠᠨ ᠳᠠᠬᠠᠷᠠ ᠲᠠᠢ | ᠪᠠᠶᠢᠵᠠᠢ᠃ ᠴᠢᠭᠤᠯᠭᠠᠨ ᠳᠠᠷᠤᠭᠠ ᠪᠤᠯᠤᠭᠰᠠᠨ ᠵᠠᠰᠠᠭ ᠸᠠᠩ ᠤᠨ ᠶᠠᠮᠤᠨ ᠳᠤ ᠪᠤᠯ ᠠᠷᠪᠠᠨ ᠳᠠᠬᠠᠷᠠ ᠲᠠᠢ ᠪᠠᠶᠢᠳᠠᠭ᠃ | ᠬᠤᠰᠢᠭᠤ ᠶᠠᠮᠤᠨ ᠨᠢ ᠳᠦᠷᠪᠡᠨ ᠳᠤᠯᠤ ᠠᠴᠠ ᠳᠠᠬᠠᠷᠠ ᠶᠢ ᠰᠢᠭᠤᠳ ᠰᠤᠩᠭᠤᠨ ᠠᠪᠬᠤ ᠪᠦᠭᠡᠳ ᠠᠶᠢᠯ ᠡᠷᠦᠬᠡ | ᠶᠢᠨ ᠬᠢᠨᠢ ᠠᠮᠢᠳᠤᠷᠠᠯ ᠨᠢ ᠵᠡᠭᠡᠭᠰᠡᠨ᠂ ᠳᠤᠰ ᠬᠦᠮᠦᠨ ᠨᠢ ᠤᠨᠤᠭᠠ ᠤᠨᠤᠰᠢ ᠳᠠᠭᠠᠨ ᠵᠦᠭᠡᠷ᠂ ᠠᠳᠤᠭᠤ ᠤᠷᠭᠠᠯᠠᠬᠤ | ᠳᠤ ᠳᠡᠮ ᠲᠠᠢ ᠬᠦᠮᠦᠨ ᠢ ᠠᠪᠳᠠᠭ᠃ ᠳᠠᠬᠠᠷ ᠳᠤ ᠬᠤᠰᠢᠭᠤ ᠶᠠᠮᠤᠨ ᠠᠴᠠ ᠤᠯᠭᠤᠭᠰᠠᠨ ᠭᠠᠤᠯᠢ ᠪᠤᠶᠤ ᠵᠡᠰ ᠢᠶᠠᠷ | ᠬᠦᠪᠡᠭᠡᠯᠡᠭᠰᠡᠨ ᠮᠦᠩᠭᠦᠨ ᠫᠠᠶᠢᠰᠠ ᠲᠠᠢ ᠫᠠᠶᠢᠰᠠ ᠶᠢᠨ ᠦᠰᠦᠭ ᠨᠢ ︽ᠤᠯᠠᠭᠠᠨ ᠴᠠᠪ ᠤᠨ ᠴᠢᠭᠤᠯᠭᠠᠨ ᠤ | ᠳᠡᠦᠷᠪᠡᠨ ᠬᠡᠦᠬᠡᠳ ᠤᠨ ᠠᠶᠢᠮᠠᠭ ᠤᠨ ᠠᠯᠪᠠᠨᠠ ᠤᠯᠠᠭᠠ ᠤᠨᠤᠬᠤ ᠳᠡᠮᠳᠡᠭ︾ ᠭᠡᠵᠤ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ | ᠳᠠᠬᠠᠷᠠ ᠬᠡᠷᠡᠭ ᠤᠴᠢᠷ ᠢᠶᠠᠷ ᠭᠠᠳᠠᠭᠰᠢ ᠶᠠᠪᠤᠬᠤ ᠦᠬᠡᠢ ᠦᠶᠡᠰ ᠡᠨᠡ ᠫᠠᠶᠢᠰᠠ ᠶᠢ ᠶᠠᠮᠤᠨ ᠳᠤ ᠬᠠᠳᠠᠭᠠᠯᠠᠨᠠ᠃ | ᠳᠠᠬᠠᠷᠠ ᠤᠯᠠᠭᠠ ᠤᠨᠤᠬᠤ ᠳᠤ ᠳᠤᠤᠷᠠᠬᠢ ᠮᠡᠳᠦ ᠳᠤᠭᠳᠠᠭᠠᠯ ᠲᠠᠢ ᠪᠠᠶᠢᠳᠠᠭ᠃ | 1᠂ ᠳᠠᠪᠤᠨ ᠳᠦᠰᠢᠮᠡᠳ ᠤᠨ ᠠᠳᠤᠭᠤᠨ ᠠᠴᠠ ᠤᠨᠤᠭᠠ ᠤᠨᠤᠬᠤ ᠦᠬᠡᠢ᠃ | 2᠂ ᠠᠶᠢᠯ ᠤᠨ ᠤᠩᠭᠤᠨ ᠰᠡᠳᠡᠷ ᠲᠠᠢ ᠮᠤᠷᠢᠳ ᠢ ᠤᠯᠠᠭᠠ ᠪᠠᠷᠢᠵᠤ ᠪᠤᠯᠬᠤ ᠦᠬᠡᠢ᠃ | 3᠂ ᠠᠶᠢᠯ ᠤᠨ ᠮᠠᠯ ᠰᠦᠷᠦᠭ ᠬᠠᠷᠢᠭᠤᠯᠤᠭᠰᠠᠳ ᠤᠨ ᠮᠤᠷᠢ ᠶᠢ ᠤᠨᠤᠵᠤ ᠪᠤᠯᠬᠤ ᠦᠬᠡᠢ᠃ | 4᠂ ᠠᠶᠢᠯ ᠤᠨ ᠭᠠᠭᠴᠠ ᠮᠤᠷᠢ ᠶᠢ ᠤᠯᠠᠭᠠᠯᠠᠵᠤ ᠪᠤᠯᠬᠤ ᠦᠬᠡᠢ᠃ | 5᠂ ᠵᠠᠮ ᠤᠨ ᠬᠦᠮᠦᠨ ᠤ ᠮᠤᠷᠢ ᠶᠢ ᠪᠠᠭᠤᠯᠭᠠᠨ ᠤᠨᠤᠵᠤ ᠪᠤᠯᠬᠤ ᠦᠬᠡᠢ᠃ | 6᠂ ᠤᠯᠠᠭᠠ ᠰᠤᠯᠢᠬᠤ ᠤᠰᠤᠨ ᠠᠴᠠ ︵ᠭᠠᠵᠠᠷ ᠤᠨ ᠵᠠᠢ︶ ᠭᠡᠳᠦᠷᠡᠬᠦᠯᠵᠤ ᠪᠤᠯᠬᠤ ᠦᠬᠡᠢ᠃ | ᠳᠠᠬᠠᠷᠠ ᠳᠤ ᠬᠠᠯᠠᠭᠠ ᠡᠭᠡᠯᠵᠢ ᠭᠡᠵᠤ ᠪᠠᠶᠢᠳᠠᠭ ᠦᠬᠡᠢ ᠃ ᠵᠢᠯ ᠪᠦᠷᠢ ᠬᠤᠶᠡᠷ ᠮᠤᠷᠢ ᠶᠢ ᠠᠳᠤᠭᠤ ᠤᠯᠠᠨ | ᠲᠠᠢ ᠠᠶᠢᠯ ᠠᠴᠠ ᠡᠭᠡᠯᠵᠢ ᠪᠠᠷ ᠳᠠᠳᠠᠪᠦᠷᠢᠯᠠᠨ ᠦᠭᠳᠡᠭ᠃ | ᠬᠤᠰᠢᠭᠤ ᠴᠤᠭᠯᠠᠭᠠ | ᠬᠤᠰᠢᠭᠤ ᠴᠤᠭᠯᠠᠭᠠ ᠭᠡᠵᠤ ᠵᠢᠯ ᠳᠤ ᠬᠤᠶᠡᠷ ᠤᠳᠠᠭᠠ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠳᠤᠭᠳᠠᠮᠠᠯ ᠬᠤᠭᠤᠴᠠᠭᠠ ᠲᠠᠢ | ᠴᠤᠭᠯᠠᠭᠠ ᠪᠤᠯᠤᠨᠠ᠃ ᠤᠨᠴᠠᠭᠠᠢ ᠪᠠᠶᠢᠳᠠᠯ ᠲᠠᠢ ᠪᠤᠯ ᠪᠠᠰᠠ ᠳᠤᠭᠳᠠᠮᠠᠯ ᠪᠤᠰᠤ ᠬᠤᠭᠤᠴᠠᠭᠠ ᠲᠠᠢ ᠴᠤᠭᠯᠠᠭᠠ | ᠴᠤᠭᠯᠠᠵᠤ ᠴᠤ ᠪᠤᠯᠳᠠᠭ᠃ | ᠪᠦᠬᠦ ᠬᠤᠰᠢᠭᠤᠨ ᠤ ᠬᠠᠮᠤᠭ ᠤᠨ ᠶᠡᠭᠡ ᠴᠤᠭᠯᠠᠭᠠ ᠪᠤᠯ ︽ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠴᠤᠭᠯᠠᠭᠠ︾ ᠪᠤᠯᠤᠨᠠ᠃ | ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠠᠴᠠ ᠰᠢᠨᠡ ᠶᠢᠨ ᠶᠢᠰᠦᠨ | ᠬᠦᠷᠳᠡᠯᠡ ᠬᠤᠰᠢᠭᠤ ᠰᠦᠮᠡ ︵ᠮᠠᠨᠳᠠᠯ︶ ᠶᠢᠨ ᠭᠠᠨᠵᠤᠤᠷ ᠤᠨ ᠬᠤᠷᠠᠯ ᠳᠡᠭᠡᠷᠡ ᠶᠠᠪᠤᠭᠳᠠᠳᠠᠭ᠃ ᠡᠨᠡ ᠴᠤᠭᠯᠠᠭᠠᠨ | ᠳᠡᠭᠡᠷᠡ ᠵᠠᠰᠠᠭ ᠸᠠᠩ ᠠᠴᠠ ᠳᠡᠷᠢᠬᠦᠯᠡᠨ ᠳᠠᠪᠤᠨ ᠳᠦᠰᠢᠮᠡᠳ᠂ ᠳᠤᠯᠤ ᠵᠠᠯᠠᠨ᠂ ᠰᠤᠮᠤᠨ ᠵᠠᠩᠭᠢ᠂ ᠬᠦᠨᠳᠦ ᠵᠡᠷᠭᠡ | ᠳᠤᠰᠢᠶᠠᠯᠳᠠᠳ ᠤᠷᠤᠯᠴᠠᠵᠤ᠂ ᠪᠦᠬᠦ ᠬᠤᠰᠢᠭᠤᠨ ᠤ ᠦᠩᠭᠡᠷᠡᠭᠰᠡᠨ ᠨᠢᠭᠡ ᠵᠢᠯ ᠤᠨ ᠳᠤᠮᠤ ᠶᠡᠭᠡ ᠬᠡᠷᠡᠭ ᠶᠠᠪᠤᠳᠠᠯ | ᠤᠳ ᠢ ᠳᠠᠰᠤᠯᠠᠨ ᠰᠢᠢᠳᠪᠦᠷᠢᠯᠡᠳᠡᠭ᠃ ᠳᠠᠭᠠᠤ ᠳᠤᠨᠢ ᠳᠤᠰ ᠵᠢᠯ ᠤᠨ ᠢᠶᠠᠨ ᠵᠠᠰᠠᠭ ᠵᠠᠷᠯᠢᠭ ᠤᠨ ᠶᠠᠪᠤᠳᠠᠯ ᠤᠴᠢᠷ | ᠤᠨ ᠳᠤᠬᠠᠢ ᠵᠦᠪᠳᠡᠨ ᠳᠤᠭᠳᠠᠭᠠᠳᠠᠭ᠃ | ︽ᠵᠤᠯᠭᠠᠯᠳᠠ ᠶᠢᠨ ᠴᠤᠭᠯᠠᠭᠠ︾ ᠶᠢ ᠪᠠᠰᠠ ︽ᠴᠠᠭᠠᠨ ᠰᠠᠷᠠ ᠶᠢᠨ ᠴᠤᠭᠯᠠᠭᠠ︾ ᠭᠡᠳᠡᠭ᠃ ᠡᠨᠡ | ᠴᠤᠭᠯᠠᠭᠠ ᠨᠢ ᠬᠦᠬᠡᠬᠡ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠤ ᠭᠠᠯ ᠤᠨ ᠳᠠᠬᠢᠯᠭᠠ ᠠᠴᠠ ᠬᠤᠶᠢᠰᠢ ᠳᠠᠮᠠᠭᠠ ᠪᠠᠨ | ᠪᠢᠳᠡᠬᠦᠮᠵᠢᠯᠠᠵᠤ᠂ ᠰᠢᠨᠡ ᠵᠢᠯ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ ᠨᠡᠭᠡᠭᠡᠬᠦ ᠡᠳᠦᠷ ᠢ ᠦᠵᠡᠬᠦᠯᠦᠨ ᠳᠤᠭᠳᠠᠭᠠᠳᠠᠭ᠃ | ᠵᠠᠰᠠᠭ ᠤᠨ ᠬᠡᠷᠡᠭ ᠢ ᠰᠢᠢᠳᠪᠦᠷᠢᠯᠡᠬᠦ ᠪᠤᠶᠤ ᠡᠷᠡᠬᠦᠤ ᠳᠠᠮᠤ | ᠬᠤᠰᠢᠭᠤ ᠶᠠᠮᠤᠨ ᠬᠡᠷᠡᠭ ᠶᠠᠪᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠳᠡᠭᠡᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠡᠷᠡᠭ ᠶᠠᠪᠤᠳᠠᠯ ᠢ ᠪᠤᠯ | ᠳᠡᠭᠡᠭᠰᠢ ᠮᠡᠳᠡᠬᠦᠯᠦᠨ ᠵᠦᠪᠰᠢᠶᠡᠷᠡᠬᠦᠯᠵᠤ ᠰᠢᠢᠳᠪᠦᠷᠢᠯᠡᠨᠡ᠃ ᠬᠤᠰᠢᠭᠤᠨ ᠤ ᠪᠠᠨ ᠳᠤᠳᠤᠷᠠᠬᠢ ᠠᠷᠠᠳ ᠤᠨ ᠬᠡᠷᠡᠭ | ᠵᠠᠷᠭᠤ ᠶᠢ ᠬᠤᠰᠢᠭᠤ ᠶᠠᠮᠤᠨ ᠦᠪᠡᠷᠳᠡᠭᠡᠨ ᠰᠢᠢᠳᠪᠦᠷᠢᠯᠡᠬᠦ ᠡᠷᠭᠡ ᠲᠠᠢ᠃ ᠰᠢᠶᠠᠨ ᠪᠤᠯᠤᠨ ᠬᠤᠰᠢᠭᠤᠨ ᠤ | ᠬᠤᠭᠤᠷᠤᠨᠳᠤ ᠡᠬᠦᠰᠦᠭᠰᠡᠨ ᠮᠤᠩᠭᠤᠯ ᠬᠢᠳᠠᠳ ᠤᠨ ᠬᠡᠷᠡᠭ ᠵᠢᠭᠤᠷᠠᠯᠳᠤᠭᠠᠨ ᠢ ᠪᠤᠯ ᠳᠡᠭᠡᠭᠰᠢ ᠮᠡᠳᠡᠬᠦᠯᠵᠤ | ᠰᠢᠢᠳᠪᠦᠷᠢᠯᠡᠨᠡ᠃ ᠬᠤᠰᠢᠭᠤᠨ ᠳᠤᠳᠤᠷᠠᠬᠢ ᠶᠠᠯᠠ ᠬᠢᠭᠰᠡᠳ ᠢ ᠡᠷᠡᠬᠦᠳᠡᠨ ᠰᠢᠬᠦᠬᠦ ᠳᠤ ᠬᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ | ᠡᠷᠡᠬᠦᠤ ᠶᠢᠨ ᠵᠦᠢᠯ ᠪᠤᠯ᠄ | 1᠂ ᠠᠯᠠᠭᠠᠳᠠᠭᠤᠷ᠄ ᠡᠨᠡ ᠨᠢ ᠡᠷᠡᠬᠦᠤ ᠶᠢᠨ ᠳᠤᠳᠤᠷᠠᠬᠢ ᠬᠠᠮᠤᠭ ᠤᠨ ᠬᠦᠩᠭᠡᠨ ᠵᠦᠢᠯ ᠪᠤᠯᠤᠨᠠ᠃ ᠳᠤᠭᠠ | ᠨᠢ ᠬᠠᠮᠤᠭ ᠤᠨ ᠴᠦᠬᠡᠨ ᠳᠡᠭᠡᠨ ᠠᠷᠪᠠᠨ ᠳᠠᠪᠤ᠂ ᠬᠠᠮᠤᠭ ᠤᠨ ᠤᠯᠠᠨ ᠳᠠᠭᠠᠨ ᠵᠠᠭᠤ ᠬᠤᠷᠢ ᠪᠠᠶᠢᠳᠠᠭ᠃ | 2᠂ ᠳᠠᠳᠠᠭᠠ᠄ ᠨᠤᠶᠢᠳᠠᠨ ᠤᠯᠤᠰᠤᠨ ᠳᠡᠭᠡᠰᠦ ᠪᠠᠷ ᠬᠡᠷᠡᠭᠳᠡᠨ ᠤ ᠬᠤᠶᠡᠷ ᠪᠠᠭᠤᠤ ᠶᠢ ᠤᠷᠢᠶᠠᠭᠠᠳ ᠬᠤᠶᠡᠷ | ᠳᠡᠰᠢ ᠳᠡᠯᠡᠵᠤ ᠳᠠᠳᠠᠨᠠ᠃ | 3᠂ ᠡᠷᠡᠬᠦ᠄ ᠶᠠᠯᠠ ᠬᠢᠭᠰᠡᠳ ᠤᠨ ᠨᠢᠴᠦᠬᠦᠯᠦᠭᠰᠡᠨ ᠪᠦᠳᠦᠬᠦᠨ ᠭᠤᠶᠠ ᠶᠢ ᠨᠢ ᠭᠤᠭᠴᠤᠭᠠ ᠭᠠᠷᠭᠠᠭᠰᠠᠨ | ᠨᠤᠶᠢᠳᠠᠨ ᠳᠡᠭᠡᠰᠦ ᠪᠠᠷ ᠤᠷᠢᠶᠠᠵᠤ ᠪᠤᠭᠤᠨᠢ ᠮᠤᠳᠤ ᠤᠷᠤᠭᠤᠯᠤᠨ ᠮᠤᠰᠬᠢᠵᠤ ᠡᠷᠡᠵᠤ ᠴᠢᠩᠭᠠᠷᠠᠭᠤᠯᠤᠨᠠ᠃ | 4᠂ ᠵᠠᠭᠠᠳᠠᠬᠤ᠄ ᠬᠡᠷᠡᠭᠳᠡᠨ ᠢ ᠰᠦᠬᠦᠳᠦᠬᠦᠯᠦᠭᠡᠳ ᠬᠦᠯ ᠤᠨ ᠳᠠᠬᠢᠮ ᠳᠤᠨᠢ ᠤᠷᠳᠤ ᠮᠤᠳᠤ ᠳᠠᠯᠪᠢᠵᠤ᠂ | ᠮᠤᠳᠤᠨ ᠤ ᠬᠤᠶᠡᠷ ᠦᠵᠦᠬᠦᠷ ᠠᠴᠠ ᠨᠢ ᠬᠤᠶᠡᠷ ᠬᠦᠮᠦᠨ ᠳᠠᠷᠤᠵᠤ ᠪᠦᠮᠪᠦᠷᠢᠬᠦᠯᠦᠨᠡ᠃ | 5᠂ ᠳᠡᠬᠦᠵᠢᠯᠡᠬᠦ᠄ ᠬᠡᠷᠡᠭᠳᠡᠨ ᠢ ᠶᠢᠰᠦᠨ ᠳᠠᠪᠬᠤᠷ ᠳᠤᠭᠤᠰᠬᠠᠨ ᠳᠡᠭᠡᠷᠡ ᠵᠤᠭᠰᠤᠭᠠᠵᠤ᠂ ᠬᠤᠶᠡᠷ ᠭᠠᠷ ᠤᠨ | ᠡᠷᠡᠬᠡᠢ ᠬᠤᠷᠤᠭᠤᠨ ᠠᠴᠠ ᠨᠢ ᠳᠡᠭᠡᠰᠦ ᠪᠠᠷ ᠤᠶᠠᠵᠤ ᠳᠡᠭᠡᠭᠰᠢ ᠳᠡᠬᠦᠵᠢᠯᠡᠭᠡᠳ ᠬᠦᠮᠦᠨ ᠤ ᠪᠡᠶᠡ ᠳᠤᠷᠤᠭᠰᠢᠯᠠᠬᠤ | ᠳᠤᠳᠤᠮ ᠳᠤᠭᠤᠰᠬᠠ ᠶᠢ ᠨᠢ ᠬᠠᠰᠤᠳᠠᠭ᠃ | 6᠂ ᠡᠮᠡᠭᠡᠯᠯᠡᠬᠦ᠄ ᠬᠡᠷᠡᠭᠳᠡᠨ ᠢ ᠳᠤᠭᠤᠭᠰᠢ ᠬᠠᠨᠳᠤᠭᠤᠯᠤᠨ ᠬᠡᠪᠳᠡᠬᠦᠯᠦᠭᠡᠳ ᠶᠠᠩᠭᠢᠶᠠ ᠡᠮᠡᠭᠡᠯ ᠢ ᠨᠢᠷᠤᠭᠤᠨ | ᠳᠡᠭᠡᠷᠡ ᠨᠢ ᠳᠤᠬᠤᠵᠤ᠂ ᠬᠤᠶᠡᠷ ᠭᠠᠷ ᠬᠤᠶᠡᠷ ᠬᠦᠯ ᠢ ᠨᠢ ᠳᠠᠳᠠᠨᠠ᠃ | 7᠂ ᠱᠠᠭᠠ ᠦᠷᠦᠮᠳᠡᠬᠦ᠄ ᠨᠠᠷᠢᠨ ᠬᠤᠯᠤᠰᠤ ᠪᠤᠶᠤ ᠰᠤᠬᠠᠢ ᠮᠤᠳᠤ ᠶᠢ ᠦᠵᠦᠬᠦᠷᠯᠡᠭᠡᠳ ᠬᠦᠯ ᠤᠨ ᠱᠠᠭᠠ | ᠶᠠᠰᠤᠨ ᠳᠡᠭᠡᠷᠡ ᠨᠢ ᠦᠷᠦᠮᠳᠡᠨᠡ᠃ | 8᠂ ᠰᠠᠪᠰᠠᠯᠭᠠ᠄ ᠬᠡᠷᠡᠭᠳᠡᠨ ᠤ ᠬᠤᠶᠡᠷ ᠭᠠᠷ ᠤᠨ ᠬᠤᠷᠤᠭᠤᠨ ᠵᠠᠪᠰᠠᠷ ᠲᠤ ᠶᠠᠭᠤᠮᠠ ᠬᠠᠪᠴᠢᠭᠤᠯᠵᠤ᠂ | ᠬᠤᠶᠡᠷ ᠠᠯᠠᠭᠠ ᠶᠢ ᠨᠢ ᠬᠠᠪᠰᠤᠷᠤᠭᠤᠯᠤᠨ ᠪᠤᠭᠤᠭᠠᠳ ᠬᠦᠴᠦᠯᠠᠨ ᠳᠠᠳᠠᠨᠠ᠃ | 9᠂ ᠰᠢᠷᠢᠯᠡᠬᠦ᠄ ᠪᠢᠷᠠᠭᠤᠨ ᠠᠷᠠᠰᠤ ᠶᠢ ᠪᠢᠳᠡᠬᠦᠤ ᠦᠪᠴᠢᠭᠡᠳ ᠬᠡᠷᠡᠭᠳᠡᠨ ᠢᠶᠠᠨ ᠳᠤᠳᠤᠷᠠ ᠨᠢ ᠬᠢᠵᠤ | ᠤᠭᠤᠳᠠᠯᠠᠨ ᠳᠤᠯᠤᠭᠠᠢ ᠶᠢ ᠨᠢ ᠭᠠᠳᠠᠨᠠ ᠭᠠᠷᠭᠠᠵᠤ ᠪᠢᠳᠡᠬᠦᠯᠡᠨ ᠤᠶᠠᠨᠠ᠃ | ᠳᠡᠭᠡᠷᠡᠬᠢ ᠠᠴᠠ ᠭᠠᠳᠠᠨᠠ ᠡᠮᠡᠭᠳᠡᠶᠢᠴᠤᠳ ᠤᠨ ᠡᠷᠡᠬᠦᠤ ᠭᠡᠵᠤ ᠠᠯᠠᠭᠠᠳᠠᠭᠤᠷ᠂ ᠬᠦᠬᠦ ᠶᠢ ᠨᠢ ᠡᠷᠡᠬᠦ᠂ ᠭᠠᠷ ᠢ | ᠨᠢ ᠰᠠᠪᠰᠠᠯᠭᠠᠬᠤ ᠵᠡᠷᠭᠡ ᠪᠠᠶᠢᠳᠠᠭ᠃ ᠶᠠᠯᠠᠳᠠᠭᠰᠠᠳ ᠢ ᠰᠤᠯᠠᠯᠠᠬᠤ ᠳᠠᠭᠠᠨ ᠪᠠᠰᠠ ᠬᠠᠷᠠ ᠳᠠᠰᠢᠭᠤᠷ ᠢᠶᠠᠷ ᠭᠤᠶᠠᠳᠠᠵᠤ | ᠪᠠᠷᠠᠭᠠᠳ ᠰᠠᠢᠢ ᠰᠤᠯᠠᠯᠠᠳᠠᠭ ᠪᠦᠭᠡᠳ ᠬᠦᠩᠭᠡᠨ ᠰᠢᠭ ᠶᠠᠯᠠ ᠬᠢᠭᠰᠡᠳ ᠢ ᠪᠤᠯ ᠴᠡᠭᠡᠷᠯᠡᠯ ᠦᠵᠡᠬᠦᠯᠬᠦ ᠪᠠᠷ ᠴᠦᠬᠡᠨ | ᠳᠡᠭᠡᠨ 25 ︵ᠡᠬᠦᠨ ᠢ ᠠᠯᠪᠠ ᠶᠢᠨ 25 ᠭᠡᠵᠤ ᠴᠤ ᠬᠡᠯᠡᠳᠡᠭ︶ ᠤᠯᠠᠨ ᠳᠠᠭᠠᠨ 120 ᠭᠤᠶᠠᠳᠠᠳᠠᠭ᠃ ᠠᠷᠠᠳ | ᠤᠨ ᠳᠤᠳᠤᠭᠠᠳᠤᠬᠢ ᠡᠩ ᠤᠨ ᠬᠡᠷᠡᠭ ᠢ ᠰᠢᠳᠭᠡᠬᠦ ᠳᠡᠭᠡᠨ ᠶᠠᠯᠠ ᠤᠨ ᠬᠢᠨᠢ ᠬᠦᠨᠳᠦ ᠬᠦᠩᠭᠡᠨ ᠢ ᠦᠵᠡᠵᠤ ᠪᠠᠶᠢᠠᠭᠳ | ᠠᠳᠠᠯᠢ ᠪᠤᠰᠤ ᠪᠠᠷ ᠰᠤᠮᠤ ᠳᠤᠭᠤᠷᠢᠭᠤᠯᠬᠤ᠂ ᠰᠢᠬᠠᠭᠠᠨ ᠳᠤ ᠰᠢᠷᠭᠤᠭᠤᠯᠬᠤ ᠵᠡᠷᠭᠡ ᠪᠠᠷ ᠶᠠᠯᠠᠳᠠᠳᠠᠭ ᠪᠠ ᠵᠡᠷᠭᠡ | ᠬᠡᠷᠬᠡᠮ ᠲᠠᠢ ᠪᠠᠶᠠᠳ ᠨᠤᠶᠠᠳ ᠤᠨ ᠠᠳᠡᠯ ᠪᠤᠷᠤᠭᠤ ᠶᠢ ᠪᠤᠯ ᠮᠠᠯ ᠤᠨᠤᠭᠠ ᠪᠠᠷ ᠳᠤᠷᠭᠤᠭᠠᠨ ᠦᠩᠭᠡᠷᠡᠬᠦᠯᠳᠡᠭ ᠴᠤ | ᠪᠤᠢ᠃ |