| ᠮᠣᠩᠭᠤᠯ ᠨᠣᠳᠤᠭ ᠤᠨ ᠳᠣᠮ ᠵᠠᠰᠠᠯ | | | | | ⒈ᠭᠠᠷ ᠬᠦᠯ ᠪᠣᠯᠵᠠᠭᠠᠭᠰᠠᠨ ᠢ ᠵᠠᠰᠠᠬᠤ | ᠬᠦᠳᠡᠯᠮᠣᠷᠢ ᠳᠤ ᠣᠷᠣᠯᠴᠠᠬᠤ᠂ ᠨᠠᠭᠠᠳᠣᠮ ᠲᠣᠭᠯᠠᠭᠠᠮ ᠤᠨ ᠳᠣᠮᠳᠠ ᠪᠣᠶᠣ ᠶᠠᠪᠣᠵᠣ ᠰᠠᠭᠤᠬᠤ ᠳᠣᠮᠳᠠ ᠣᠪᠠᠶᠢᠨ | ᠳᠤ ᠦᠭᠡᠢ ᠬᠦᠯ ᠭᠠᠷ ᠢᠶᠠᠨ ᠪᠣᠯᠵᠠᠭᠠᠬᠤ ᠶᠠᠪᠣᠳᠠᠯ ᠲᠣᠬᠢᠶᠠᠯᠳᠣᠳᠠᠭ᠃ ᠡᠨᠡ ᠦᠶᠡᠰ ᠶᠡᠷᠦᠳᠡᠭᠡᠨ ᠬᠦᠯ ᠬᠦᠨᠳᠦ | ᠬᠦᠮᠦᠨ ︵ᠳᠠᠷᠣᠢ ᠪᠡᠶᠡ ᠳᠠᠪᠬᠤᠷ ᠪᠦᠰᠡᠭᠦᠢ︶ ᠢ ᠣᠯᠵᠣ ᠰᠢᠪᠳᠣᠷᠣᠭᠤᠯᠳᠠᠭ᠃ ᠡᠭᠦᠨ ᠳᠤ ᠬᠤᠷᠳᠣᠨ ᠰᠠᠶᠢᠨ | ᠪᠣᠯᠣᠨᠠ ᠭᠡᠳᠡᠭ᠃ | ⒉ᠨᠢᠳᠦᠨ ᠵᠣᠪᠬᠢᠨ ᠳᠤ ︽ᠡᠪᠦᠳᠦᠭ ᠭᠠᠷᠣᠭᠰᠠᠨ︾ ᠢ ᠳᠣᠮᠨᠠᠨ ᠵᠠᠰᠠᠬᠤ | ᠨᠢᠳᠦᠨ ᠵᠣᠪᠬᠢᠨ ᠳᠡᠭᠡᠷᠡ ᠳᠣᠪᠣᠶᠢᠵᠣ ᠣᠯᠠᠶᠢᠳᠠᠭ ᠨᠢᠭᠡ ᠵᠦᠢᠯ ᠢ ︽ᠡᠪᠦᠳᠦᠭ ᠭᠠᠷᠣᠯᠠ︾ ᠭᠡᠳᠡᠭ᠃ ᠡᠨᠡ | ᠦᠶᠡᠰ ᠨᠢᠳᠦ ᠪᠠᠨ ᠡᠪᠦᠳᠦᠭ ᠳᠡᠭᠡᠷᠡ ᠪᠠᠨ ᠬᠦᠩᠭᠡᠨ ᠬᠦᠷᠭᠡᠵᠦ᠂ ᠰᠠᠶᠢᠨ ᠪᠣᠯᠵᠣ ᠡᠳᠡᠭᠡᠷᠡᠬᠦ ᠶᠢ ᠬᠦᠰᠡᠨ | ᠳᠣᠮᠨᠠᠳᠠᠭ᠃ | ⒊︽ᠦ︾ ᠶᠢ ᠵᠠᠰᠠᠬᠤ | ︽ᠦ︾ ᠪᠣᠯ ᠬᠦᠮᠦᠰ ᠤᠨ ᠨᠢᠭᠤᠷ ᠴᠢᠷᠠᠢ ᠪᠣᠶᠣ ᠬᠦᠯ ᠭᠠᠷ ᠳᠡᠭᠡᠷᠡ ᠪᠣᠮᠪᠠᠶᠢᠨ ᠪᠡᠷᠵᠢᠢᠵᠦ ᠭᠠᠷᠬᠤ ᠨᠢᠭᠡ ᠵᠦᠢᠯ | ᠤᠨ ᠠᠷᠠᠰᠣᠨ ᠡᠪᠡᠳᠴᠢᠨ ᠮᠥᠨ᠃ ᠡᠭᠦᠨ ᠢ ᠨᠣᠳᠤᠭ ᠤᠨ ᠠᠷᠭᠠ ᠪᠠᠷ ᠳᠣᠮᠨᠠᠨ ᠵᠠᠰᠠᠳᠠᠭ᠃ ᠠᠷᠭᠠ ᠨᠢᠭᠡ᠄ | ᠵᠣᠨ ᠴᠠᠭ ᠡᠯᠵᠢᠭᠡᠨ ᠬᠤᠷᠣᠬᠠᠢ ︵ᠵᠠᠷᠢᠮ ᠭᠠᠵᠠᠷ ᠢᠮᠠᠯᠵᠠᠭᠠᠨᠠ ᠭᠡᠳᠡᠭ︶ ᠢ ᠪᠠᠷᠢᠵᠣ ᠠᠪᠣᠭᠠᠳ ︽ᠦ︾ ᠪᠠᠨ | ᠢᠳᠡᠭᠦᠯᠦᠨᠡ᠃ ᠠᠷᠭᠠ ᠬᠤᠶᠠᠷ᠄ ᠦᠬᠦᠭᠡᠷ ᠤᠨ ᠰᠢᠷᠣᠢ ︵ᠳᠠᠷᠣᠢ ᠣᠩᠭᠤᠨ ᠪᠣᠯᠠᠰᠢ ᠶᠢᠨ ᠰᠢᠷᠣᠢ︶ ᠠᠴᠠ | ᠨᠢᠭᠡ ᠠᠳᠬᠤ ᠠᠪᠴᠤ᠂ ᠦ ᠳᠡᠭᠡᠷᠡ ᠪᠠᠨ ᠳᠦᠷᠬᠢᠵᠦ ᠵᠦᠯᠭᠦᠨ ᠳᠣᠮᠨᠠᠪᠠᠯ ᠣᠳᠠᠯ ᠦᠭᠡᠢ ᠣᠨᠠᠵᠣ ᠠᠷᠢᠯᠳᠠᠭ᠃ | ⒋ᠵᠠᠪᠠᠵᠢ ᠠᠮᠠᠭᠠᠶᠢᠳᠠᠭᠰᠠᠨ ᠢ ᠵᠠᠰᠠᠬᠤ | ᠵᠠᠷᠢᠮ ᠳᠤ ᠪᠠᠨ ᠵᠠᠪᠠᠵᠢ ᠶᠢᠨ ᠬᠡᠰᠡᠭ ᠢᠯᠪᠠᠷᠠᠵᠣ ᠲᠠᠰᠣᠷᠠᠬᠤ ᠪᠠᠶᠢᠳᠠᠯ ᠭᠠᠷᠴᠤ ᠡᠪᠡᠳᠳᠡᠭ᠃ ᠡᠶᠢᠮᠦ ᠦᠶᠡᠰ ᠶᠡᠷᠦ | ᠳᠤ ᠪᠠᠨ ᠮᠣᠳᠣᠨ ᠰᠠᠮ ᠢ ᠭᠠᠯ ᠳᠡᠭᠡᠷᠡ ᠨᠡᠯᠢᠶᠡᠳ ᠬᠠᠯᠠᠭᠤᠯᠣᠨ ᠰᠢᠷᠠᠭᠠᠳ᠂ ᠵᠠᠪᠠᠵᠢ ᠶᠢᠨ ᠳᠡᠭᠡᠷᠡ ᠪᠠᠨ ᠳᠠᠷᠣᠵᠣ | ᠬᠠᠯᠠᠭᠤᠯᠣᠨ ᠵᠠᠰᠠᠨᠠ᠃ | ⒌ᠬᠦᠵᠦᠬᠦᠦ ᠭᠠᠵᠢᠬᠤ ᠪᠠᠶᠢᠳᠠᠯ ᠳᠤ | ᠬᠦᠵᠦᠬᠦᠦ ᠰᠡᠭᠡᠷ ᠬᠦᠰᠢᠵᠦ ᠭᠠᠵᠢᠭᠠᠳ ᠡᠪᠡᠳᠴᠦ᠂ ᠬᠠᠵᠠᠭᠤ ᠲᠡᠰᠢ ᠪᠠᠨ ᠡᠷᠬᠢᠵᠦ ᠬᠠᠷᠠᠵᠣ ᠳᠡᠶᠢᠯᠬᠦ ᠦᠭᠡᠢ | ᠪᠣᠯᠳᠠᠭ᠃ ᠡᠨᠡ ᠦᠶᠡᠰ ᠵᠦᠪᠬᠡᠨ ᠪᠦᠬᠦ ᠪᠡᠶᠡ ᠪᠠᠷ ᠢᠶᠠᠨ ᠡᠷᠬᠢᠵᠦ ᠦᠭᠡᠷᠡ ᠵᠦᠭ ᠲᠤ ᠬᠠᠷᠠᠵᠣ ᠪᠣᠯᠳᠠᠭ᠃ ᠡᠭᠦᠨ | ᠢ ᠵᠠᠰᠠᠬᠤ ᠳᠤ᠄ ᠭᠤᠯᠢᠷ ᠨᠢᠮᠭᠡᠯᠡᠳᠡᠭ ᠭᠠᠨᠳᠠᠨ ᠮᠣᠳᠣ ︵ᠭᠠᠨᠮᠢᠶᠠᠨᠵᠢᠶᠠᠩ︶ ᠪᠠᠷ ᠲᠣᠯᠣᠭᠠᠢ ᠶᠢᠨ ᠠᠷᠣ ᠳᠤ | ᠬᠦᠵᠦᠬᠦᠦ ᠰᠡᠭᠡᠷ ᠤᠨ ᠬᠡᠰᠡᠭ ᠲᠤ ᠬᠡᠳᠦ ᠣᠳᠠᠭᠠ ᠳᠠᠷᠣᠵᠣ ᠨᠣᠬᠤᠯᠠᠳᠠᠭ᠃ ᠳᠠᠷᠣᠢ ᠪᠦᠮᠪᠦᠷᠢᠭᠦᠯᠦᠨ ᠳᠠᠷᠣᠵᠣ | ᠭᠠᠨᠮᠢᠶᠠᠨᠵᠠᠳᠠᠭ᠃ ᠢᠩᠭᠢᠵᠦ ᠳᠣᠮᠨᠠᠵᠣ ᠵᠠᠰᠠᠬᠤ ᠨᠢ ᠨᠡᠯᠢᠶᠡᠳ ᠲᠣᠰᠠ ᠪᠣᠯᠳᠠᠭ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠪᠠᠰᠠ | ᠡᠷᠡ ᠳᠠᠬᠢᠶᠠᠨ ᠳᠤ ᠮᠦᠷᠭᠦᠳᠡᠭ ᠭᠡᠨᠡ᠃ | ⒍ᠬᠠᠷᠠ ᠳᠠᠷᠣᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ | ᠦᠷᠭᠦᠯᠵᠢ ᠬᠠᠷᠠ ᠳᠠᠷᠣᠨ ᠮᠠᠭᠤ ᠮᠠᠭᠤᠬᠠᠢ ᠠᠶᠣᠮᠰᠢᠭᠳᠠᠢ ᠵᠡᠭᠦᠳᠦ ᠵᠡᠭᠦᠳᠦᠯᠡᠨ ᠠᠶᠣᠵᠣ ᠰᠣᠴᠢᠨ ᠰᠠᠶᠢᠳᠣᠷ | ᠠᠮᠠᠷᠠᠵᠣ ᠳᠡᠯᠬᠦ ᠦᠭᠡᠢ ᠪᠠᠶᠢᠳᠠᠯ ᠭᠠᠷᠪᠠᠯ ᠣᠳᠠᠬᠤ ᠠᠴᠠ ᠪᠠᠨ ᠡᠮᠦᠨᠡ ᠳᠡᠷᠡ ᠶᠢᠨ ᠢᠶᠠᠨ ᠳᠣᠤᠷᠠ ᠨᠢ ᠬᠠᠶᠢᠴᠢ | ᠪᠣᠶᠣ ᠬᠢᠳᠤᠭᠠ ᠶᠢ ᠢᠷ ᠢ ᠨᠢ ᠭᠠᠳᠠᠭᠰᠢ ᠬᠠᠨᠳᠣᠭᠤᠯᠣᠨ ᠳᠠᠷᠣᠵᠣ ᠲᠠᠯᠪᠢᠳᠠᠭ᠃ | ⒎ᠪᠠᠯᠴᠢᠷ ᠬᠡᠤᠬᠡᠳ ᠤᠨ ᠲᠣᠱᠠ ᠳᠠᠰᠣᠯᠬᠤ | ᠵᠠᠷᠢᠮ ᠰᠠᠶ᠋ᠢ ᠬᠦᠯ ᠳᠤ ᠣᠷᠣᠵᠣ ᠪᠠᠶᠢᠭᠠ ᠬᠡᠣᠬᠡᠳ ᠪᠠᠶᠢᠨ ᠪᠠᠶᠢᠨ ᠪᠦᠳᠦᠷᠢᠵᠦ ᠣᠨᠠᠭᠠᠳ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ | ᠵᠠᠷᠢᠮ ᠭᠠᠵᠠᠷ ᠨᠠᠭᠠᠴᠣ ᠪᠠᠷ ᠨᠢ ᠲᠣᠱᠠ ᠲᠠᠰᠣᠯᠠᠭᠤᠯᠣᠨᠠ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠬᠦᠯ ᠬᠤᠷᠳᠣᠨ ᠬᠦᠮᠦᠨ ᠣᠯᠵᠣ | ᠲᠣᠱᠠ ᠶᠢ ᠨᠢ ᠲᠠᠰᠣᠯᠠᠭᠤᠯᠣᠨᠠ᠃ ᠡᠭᠦᠨ ᠳᠤ ᠪᠦᠰ ᠣᠶᠠᠳᠠᠯ ᠵᠡᠷᠭᠡ ᠶᠢ ᠣᠯᠵᠣ ᠬᠡᠣᠬᠡᠳ ᠤᠨ ᠬᠦᠯ ᠢ | ᠲᠣᠱᠠᠵᠣ ᠣᠶᠠᠭᠠᠳ᠂ ᠠᠯᠬᠤᠭᠤᠯᠵᠣ ᠪᠠᠶᠢᠭᠠᠳ ᠮᠠᠯᠠᠭᠠᠢ ᠪᠠᠷ ᠴᠣᠬᠢᠵᠣ᠂ ᠲᠠᠷᠠᠭᠠ ᠨᠢ ᠣᠴᠢᠵᠣ ᠲᠣᠱᠠ ᠶᠢ | ᠬᠠᠶᠢᠴᠢᠯᠠᠵᠣ ᠲᠠᠰᠣᠯᠠᠨᠠ᠃ ᠢᠩᠭᠢᠭᠰᠡᠨ ᠤ ᠳᠠᠷᠠᠭᠠ ᠲᠣᠷᠴᠤ ᠪᠦᠳᠦᠷᠢᠬᠦ ᠦᠭᠡᠢ ᠪᠣᠯᠣᠨᠠ ᠭᠡᠳᠡᠭ᠃ | ⒏ᠨᠣᠬᠠᠢ ᠳᠤ ᠬᠠᠵᠠᠭᠳᠠᠭᠰᠠᠨ ᠰᠢᠷᠬᠠ ᠳᠤ | ᠦᠩᠭᠡᠷᠡᠭᠰᠡᠨ ᠳᠤ ᠨᠣᠬᠠᠢ ᠳᠤ ᠬᠠᠵᠠᠭᠳᠠᠭᠰᠠᠨ ᠣᠴᠢᠷ ᠭᠠᠷᠪᠠᠯ᠂ ᠡᠵᠡᠨ ᠨᠢ ᠨᠣᠬᠠᠢ ᠪᠠᠨ ᠬᠠᠵᠠᠭᠳᠠᠭᠰᠠᠨ ᠬᠦᠮᠦᠨ | ︵ᠬᠡᠣᠬᠡᠳ︶ ᠤ ᠡᠮᠦᠨᠡ ᠵᠣᠳᠣᠵᠣ ᠰᠣᠷᠭᠠᠬᠤ ᠪᠦᠭᠡᠳ ᠨᠣᠬᠠᠢ ᠶᠢᠨ ᠰᠡᠭᠦᠯ ᠤᠨ ᠦᠵᠦᠭᠦᠷ ᠤᠨ ᠦᠰᠦ ᠠᠴᠠ | ᠬᠠᠶᠢᠴᠢᠯᠠᠨ ᠠᠪᠴᠤ ᠰᠢᠳᠠᠭᠠᠭᠠᠳ᠂ ᠦᠨᠡᠰᠦ ᠶᠢ ᠨᠢ ᠬᠠᠵᠠᠭᠳᠠᠭᠰᠠᠨ ᠰᠢᠷᠬᠠᠨ ᠳᠡᠭᠡᠷᠡ ᠨᠢ ᠳᠦᠷᠬᠢᠵᠦ ᠦᠭᠭᠦᠨᠡ᠃ | | ⒐ᠲᠣᠯᠣᠭᠠᠢ ᠡᠪᠡᠳᠬᠦ ᠶᠢ ᠵᠠᠰᠠᠬᠤ | ᠲᠣᠯᠣᠭᠠᠢ ᠳᠡᠭᠡᠷᠡ ᠪᠠᠨ ᠠᠯᠴᠢᠭᠤᠷ ᠲᠠᠯᠪᠢᠵᠦ ᠳᠡᠭᠡᠷᠡ ᠨᠢ ᠴᠠᠢ ᠪᠣᠴᠠᠯᠭᠠᠭᠰᠠᠨ ᠳᠡᠪᠦᠷᠡ ᠪᠠᠷ ᠵᠢᠩ ᠪᠠᠷᠢᠵᠣ | ᠵᠠᠰᠠᠳᠠᠭ᠃ ᠲᠠᠪᠣᠰᠣ ᠲᠠᠢ ᠪᠦᠯᠢᠶᠡᠨ ᠣᠰᠣ ᠪᠠᠷ ᠲᠣᠯᠣᠭᠠᠢ ᠪᠠᠨ ᠱᠠᠪᠰᠢᠵᠣ ᠬᠦᠯ ᠢᠶᠠᠨ ᠣᠬᠢᠶᠠᠬᠤ᠃ | ⒑ᠰᠢᠳᠦ ᠡᠪᠡᠳᠬᠦ ᠶᠢ ᠵᠣᠭᠰᠣᠭᠠᠬᠤ | ᠰᠢᠳᠦ ᠡᠪᠡᠳᠬᠦ ᠳᠤ ᠰᠣᠩᠬᠢᠨᠠ ᠶᠢᠨ ᠦᠷᠡ ᠶᠢ ᠬᠡᠮᠬᠡᠯᠦᠭᠡᠳ ᠰᠢᠳᠠᠭᠠᠨ ᠣᠩᠭᠤᠰᠬᠠᠵᠣ ᠰᠢᠳᠦ ᠠᠮᠠ ᠦᠭᠡᠳᠡ ᠪᠠᠨ | ᠣᠳᠣᠬᠤ᠃ | ⒒ᠬᠦᠷᠡᠭᠡ ᠬᠦᠭᠡᠷᠬᠦ ᠶᠢ ᠵᠠᠰᠠᠬᠤ | ᠰᠠᠭᠠᠭ ᠤᠨ ᠭᠤᠯᠢᠷ ᠢ ᠵᠢᠭᠤᠷᠠᠭᠠᠳ᠂ ᠬᠦᠵᠦᠬᠦᠨ ᠳᠡᠭᠡᠷᠡ ᠪᠠᠨ ᠰᠢᠪᠠᠨᠠ᠃ | ⒓ᠬᠡᠣᠬᠡᠳ ᠤᠨ ᠭᠡᠳᠡᠰᠦ ᠬᠦᠬᠡᠬᠡᠬᠦ ᠳᠤ | ᠰᠢᠷᠠ ᠲᠣᠰᠣ ᠶᠢ ᠬᠠᠯᠠᠭᠤᠯᠵᠣ ᠬᠦᠢᠰᠦᠨ ᠳᠡᠭᠡᠷᠡ ᠨᠢ ᠲᠠᠯᠪᠢᠬᠤ᠃ ᠳᠠᠪᠣᠰᠣ ᠶᠢ ᠬᠠᠯᠠᠭᠤᠯᠣᠨ ᠵᠢᠵᠢᠭ ᠣᠭᠤᠳᠠᠨ | ᠳᠤ ᠬᠢᠵᠦ ᠬᠦᠢᠰᠦᠨ ᠳᠡᠭᠡᠷᠡ ᠨᠢ ᠲᠠᠯᠪᠢᠬᠤ᠃ | ⒔ᠨᠢᠯᠬᠠ ᠬᠡᠣᠬᠡᠳ ᠠᠶᠣᠵᠣ ᠰᠣᠴᠢᠬᠤ ᠪᠣᠶᠣ ᠡᠪᠡᠳᠴᠢᠨ ᠲᠣᠮᠤᠭᠠ ᠠᠴᠠ ᠰᠡᠷᠭᠡᠶᠢᠯᠡᠬᠦ | ᠬᠡᠣᠬᠡᠳ ᠤᠨ ᠮᠠᠩᠨᠠᠢ ᠳᠡᠭᠡᠷᠡ ᠨᠢ ᠵᠣᠤᠬᠠ ᠲᠣᠭᠤᠭᠠᠨ ᠤ ᠬᠦ᠋ ᠶᠢ ᠳᠦᠷᠬᠢᠬᠦ᠃ ︵ᠭᠠᠳᠠᠭᠰᠢ ᠭᠠᠷᠬᠤ ᠳᠤ︶ | ⒕ᠬᠡᠣᠬᠡᠳ ᠤᠨ ᠬᠤᠳᠣᠭᠤᠳᠣ ᠭᠡᠳᠡᠰᠦ ᠬᠦᠳᠡᠯᠬᠦ ᠠᠴᠠ ᠰᠡᠷᠭᠡᠶᠢᠯᠡᠬᠦ | ᠨᠢᠯᠬᠠ ᠬᠡᠣᠬᠡᠳ ᠢ ᠲᠡᠷᠭᠡ ᠣᠨᠣᠭᠠᠨ ᠳᠡᠭᠡᠷᠡ ᠠᠪᠴᠤ ᠶᠠᠪᠣᠬᠤ ᠳᠤ ᠬᠤᠳᠣᠭᠤᠳᠣ ᠭᠡᠳᠡᠰᠦ ᠬᠦᠳᠡᠯᠬᠦ ᠠᠴᠠ | ᠰᠡᠷᠭᠡᠶᠢᠯᠡᠨ᠂ ᠳᠠᠪᠣᠰᠣ ᠲᠠᠢ ᠵᠢᠵᠢᠭ ᠣᠭᠤᠳᠠ ᠶᠢ ᠬᠦᠢᠰᠦᠨ ᠳᠡᠭᠡᠷᠡ ᠨᠢ ᠳᠠᠷᠣᠵᠣ ᠪᠣᠭᠤᠨᠠ᠃ | ⒖ᠬᠡᠣᠬᠡᠳ ᠦᠭᠡᠢ ᠬᠦᠮᠦᠨ ᠬᠡᠣᠬᠡᠳ ᠲᠠᠢ ᠪᠣᠯᠬᠤ ᠶᠢ ᠬᠦᠰᠡᠪᠡᠯ | ᠬᠤᠷᠢᠮᠯᠠᠭᠠᠳ ᠬᠡᠳᠦᠨ ᠵᠢᠯ ᠪᠣᠯᠵᠣ ᠬᠡᠣᠬᠡᠳ ᠣᠯᠬᠤ ᠬᠦᠮᠦᠰ ᠪᠠᠶᠢᠳᠠᠭ᠃ ᠲᠡᠭᠡᠪᠡᠯ ᠪᠣᠰᠣᠳ ᠤᠨ ᠬᠡᠣᠬᠡᠳ ᠢ | ᠦᠷᠡᠴᠢᠯᠡᠨ ᠲᠡᠵᠢᠭᠡᠪᠡᠯ ᠳᠠᠷᠣᠢ ᠪᠡᠶᠡ ᠳᠠᠪᠬᠤᠷ ᠪᠣᠯᠵᠣ ᠬᠡᠣᠬᠡᠳ ᠲᠠᠢ ᠪᠣᠯᠳᠠᠭ᠃ | ᠮᠣᠩᠭᠤᠯ ᠨᠣᠳᠤᠭ ᠲᠤ ᠪᠠᠰᠠ ︽ᠬᠡᠣᠭᠡᠳ ᠤᠨ ᠣᠪᠣᠭᠠ︾ ᠭᠡᠵᠦ ᠪᠠᠶᠢᠳᠠᠭ᠃ ᠲᠣᠰ ᠣᠪᠣᠭᠠᠨ ᠳᠤ ᠡᠷᠭᠦᠴᠡ | ᠡᠷᠭᠦᠵᠦ᠂ ᠬᠡᠣᠬᠡᠳ ᠣᠯᠬᠤ ᠶᠢ ᠬᠦᠰᠡᠨ ᠳᠠᠭᠠᠳᠬᠠᠵᠣ ᠮᠦᠷᠭᠦᠳᠡᠭ᠃ | ᠬᠦᠦ ᠣᠯᠬᠤ ᠶᠢ ᠬᠦᠰᠡᠪᠡᠯ᠂ ᠬᠡᠣᠬᠡᠨ ᠳᠤ ᠪᠠᠨ ︽ᠬᠦᠦ︾ ᠦᠰᠦᠭ ᠣᠷᠣᠭᠰᠠᠨ ᠨᠡᠷᠡ ᠦᠭᠳᠡᠭ᠃ ᠵᠢᠱᠢᠶᠡᠯᠡᠪᠡᠯ | ᠄ ᠬᠦᠦᠶᠢᠷᠡ᠂ ᠳᠡᠭᠦᠦᠶᠢᠷᠡ᠂ ᠬᠦᠦᠶᠢᠷᠡᠭᠴᠢ᠂ ᠬᠦᠦᠳᠠᠭᠠᠭᠤᠯ᠂ ᠳᠡᠭᠦᠦᠳᠠᠭᠠᠭᠤᠯ᠂ ᠨᠠᠷᠠᠨᠬᠦᠦ᠂ ᠰᠠᠷᠠᠨᠬᠦᠦ᠂ | ᠣᠳᠣᠨᠬᠦᠦ᠂ ᠢᠷᠡᠬᠦᠦ᠂ ᠬᠦᠦᠪᠣᠯᠤᠭ᠂ ᠬᠦᠦᠵᠠᠶᠠᠭᠠ᠂ ᠠᠯᠳᠠᠨᠬᠦᠦ᠂ ᠮᠦᠩᠭᠦᠨᠬᠦᠦ᠂ ᠡᠷᠳᠡᠨᠢᠬᠦᠦ᠂ ᠰᠣᠪᠣᠳᠬᠦᠦ | ᠮᠡᠳᠦ᠃ | ᠢᠷᠡᠯᠲᠡ᠄ ᠬᠤᠯᠪᠤᠭᠠ ᠪᠦᠷᠭᠡ | ᠳᠡᠪᠰᠢᠭᠦᠯᠦᠭᠴᠢ᠄ ᠲᠡᠷᠭᠡᠯ | |