| ᠲᠡᠮᠡᠭᠡ ᠭᠡᠳᠡᠭ ᠠᠮᠢᠲᠠᠨ ᠤ ᠲᠦᠯᠯᠡᠬᠦ ᠬᠤᠭᠤᠴᠠᠭᠠ ᠨᠢ ᠠᠷᠪᠠᠨ ᠭᠤᠷᠪᠠᠨ ᠰᠠᠷᠠ ᠪᠣᠯᠬᠤᠷ ᠲᠡᠮᠡᠭᠡᠨ ᠤ ᠨᠠᠰᠤ | ᠵᠢᠯ ᠢ ᠪᠤᠳᠤᠬᠤ ᠳᠤ ᠦᠭᠡᠷᠡ ᠮᠠᠯ ᠲᠠᠢ ᠪᠠᠭ᠋ᠠᠨ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ | ᠨᠢᠭᠡ᠂ ᠪᠤᠲᠤᠭᠤ ︵ᠨᠢᠭᠡ ᠨᠠᠰᠤᠲᠠᠢ ᠲᠡᠮᠡᠭᠡ︶ | 1. ᠡᠷᠡ ᠬᠦᠢᠰᠦ ᠶᠢᠨ ᠪᠤᠲᠤᠭᠤ ᠶᠢ ᠡᠷᠡ ᠪᠤᠲᠤᠭᠤ ᠭᠡᠨᠡ᠃ | 2. ᠡᠮᠡ ᠬᠦᠢᠰᠦ ᠶᠢᠨ ᠪᠤᠲᠤᠭᠤ ᠶᠢ ᠡᠮᠡ ᠪᠤᠲᠤᠭᠤ ᠭᠡᠬᠦ ᠪᠣᠶᠣ ᠦᠬᠢᠨ ᠪᠤᠲᠤᠭᠤ ᠭᠡᠳᠡᠭ᠃ | ᠬᠤᠶᠠᠷ᠂ ᠲᠤᠷᠤᠮ ︵ᠬᠤᠶᠠᠷ ᠨᠠᠰᠤᠲᠠᠢ ᠲᠡᠮᠡᠭᠡ︶ | 1. ᠡᠷᠡ ᠬᠦᠢᠰᠦ ᠶᠢᠨ ᠲᠤᠷᠤᠮ ᠢ ᠡᠷᠡ ᠲᠤᠷᠤᠮ ᠭᠡᠨᠡ᠃ | 2. ᠡᠮᠡ ᠬᠦᠢᠰᠦ ᠶᠢᠨ ᠲᠤᠷᠤᠮ ᠢ ᠡᠮᠡ ᠲᠤᠷᠤᠮ ᠭᠡᠬᠦ ᠪᠣᠶᠣ ᠦᠬᠢᠨ ᠲᠤᠷᠤᠮ ᠭᠡᠳᠡᠭ᠃ ᠲᠤᠷᠤᠮ ᠤᠨ | ᠨᠠᠰᠤ ᠶᠢ ᠪᠣᠰᠣᠳ ᠮᠠᠯ ᠲᠠᠢ ᠠᠳᠠᠯᠢᠳᠬᠠᠪᠠᠯ ᠢᠯᠡᠭᠦᠦ 1- 2 ᠰᠠᠷᠠ ᠰᠢᠬᠠᠮ ᠪᠠᠶᠢᠳᠠᠭ᠃ | ᠭᠤᠷᠪᠠ᠂ ᠰᠢᠳᠦᠯᠡᠩ ︵ᠭᠤᠷᠪᠠᠨ ᠨᠠᠰᠤᠲᠠᠢ ᠲᠡᠮᠡᠭᠡ︶ | 1. ᠭᠤᠷᠪᠠᠨ ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦ ᠶᠢᠨ ᠲᠡᠮᠡᠭᠡ ᠶᠢ ᠡᠷᠡ ᠰᠢᠳᠦᠯᠡᠩ ᠭᠡᠬᠦ ᠪᠣᠶᠣ ᠭᠤᠨᠠ ᠲᠡᠮᠡᠭᠡ ᠭᠡᠨᠡ᠃ | 2. ᠭᠤᠷᠪᠠᠨ ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦ ᠶᠢᠨ ᠲᠡᠮᠡᠭᠡ ᠶᠢ ᠡᠮᠡ ᠰᠢᠳᠦᠯᠡᠩ ᠭᠡᠬᠦ ᠪᠣᠶᠣ ᠭᠤᠨᠵᠢᠨ ᠲᠡᠮᠡᠭᠡ ᠭᠡᠨᠡ᠃ | | ᠳᠦᠷᠪᠡ᠂ ᠬᠢᠵᠠᠭᠠᠯᠠᠩ ︵ᠳᠦᠷᠪᠡᠨ ᠨᠠᠰᠤᠲᠠᠢ ᠲᠡᠮᠡᠭᠡ︶ | 1. ᠳᠦᠷᠪᠡᠨ ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦ ᠶᠢᠨ ᠲᠡᠮᠡᠭᠡ ᠶᠢ ᠳᠦᠨᠡᠨ ᠲᠡᠮᠡᠭᠡ ᠭᠡᠬᠦ ᠪᠣᠶᠣ ᠬᠢᠵᠠᠭᠠᠯᠠᠩ ᠡᠷᠡ ᠲᠡᠮᠡᠭᠡ | ᠭᠡᠨᠡ᠃ ᠬᠡᠷᠪᠡ ᠠᠭᠲᠠᠯᠠᠭᠰᠠᠨ ᠦᠭᠡᠢ ᠪᠣᠯ ᠪᠠᠰᠠ ᠲᠠᠶᠢᠯᠤᠭ ᠭᠡᠳᠡᠭ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠬᠢᠵᠠᠭᠠᠯᠠᠩ ᠪᠤᠤᠷᠠ | ᠭᠡᠨᠡ᠃ | 2. ᠳᠦᠷᠪᠡᠨ ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦ ᠶᠢᠨ ᠲᠡᠮᠡᠭᠡ ᠶᠢ ᠳᠦᠨᠵᠢᠨ ᠲᠡᠮᠡᠭᠡ ᠭᠡᠬᠦ ᠪᠣᠶᠣ ᠬᠢᠵᠠᠭᠠᠯᠠᠩ ᠲᠡᠮᠡᠭᠡ | ᠭᠡᠨᠡ᠃ | ᠲᠠᠪᠤ᠂ ᠲᠠᠪᠤᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠡᠮᠡ ᠲᠡᠮᠡᠭᠡ ᠶᠢ ᠢᠩᠭᠡ ᠭᠡᠨᠡ᠃ ᠠᠭᠲᠠᠯᠠᠭᠰᠠᠨ ᠡᠷᠡ ᠲᠡᠮᠡᠭᠡ ᠶᠢ | ᠠᠳᠠᠨ ᠲᠡᠮᠡᠭᠡ ᠪᠣᠶᠣ ᠡᠷᠡ ᠲᠡᠮᠡᠭᠡ ᠭᠡᠨᠡ᠃ ᠠᠭᠳᠠᠯᠠᠭᠰᠠᠨ ᠦᠭᠡᠢ ᠪᠣᠯ ᠪᠣᠣᠷᠠ ᠭᠡᠬᠦ ᠪᠣᠶᠣ ᠲᠠᠶᠢᠯᠤᠭ ᠭᠡᠨᠡ᠃ | ᠵᠢᠷᠭᠤᠭᠠ᠂ ᠵᠢᠷᠭᠤᠭᠠᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠲᠡᠮᠡᠭᠡ ᠶᠢ ᠨᠠᠰᠤ ᠭᠦᠢᠴᠡᠭᠰᠡᠨ ᠲᠡᠮᠡᠭᠡ ᠭᠡᠬᠦ ᠪᠣᠶᠣ | ᠪᠦᠳᠦᠭᠦᠨ ᠲᠡᠮᠡᠭᠡ ᠭᠡᠨᠡ᠃ | ᠳᠣᠯᠤᠭᠠ᠂ ᠠᠷᠪᠠᠨ ᠲᠠᠪᠤᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠲᠡᠮᠡᠭᠡ ᠶᠢ ᠬᠦᠭᠰᠢᠨ ᠲᠡᠮᠡᠭᠡ ᠭᠡᠨᠡ᠃ ᠡᠮᠡ | ᠬᠦᠢᠰᠦ ᠶᠢᠨ ᠲᠡᠮᠡᠭᠡ ᠶᠢ ᠬᠦᠭᠰᠢᠨ ᠢᠩᠭᠡ ᠭᠡᠳᠡᠭ᠃ ᠲᠡᠮᠡᠭᠡ ᠪᠣᠯ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠳᠤᠲᠤᠷᠠ | ᠬᠠᠮᠤᠭ ᠠᠴᠠ ᠣᠷᠲᠣ ᠨᠠᠰᠤᠯᠠᠳᠠᠭ ᠠᠮᠢᠲᠠᠨ ᠶᠣᠮ᠃ ᠠᠷᠠᠴᠢᠯᠠᠭᠠ ᠮᠠᠯᠯᠠᠭᠠ ᠰᠠᠶᠢᠲᠠᠢ ᠲᠡᠮᠡᠭᠡ ᠪᠠᠷᠤᠭ 35- 40 | ᠨᠠᠰᠤ ᠬᠦᠷᠳᠡᠭ᠃ ᠲᠡᠮᠡᠭᠡᠲᠦ ᠨᠤᠲᠤᠭ ᠠᠯᠠᠱᠠ ᠳᠤ ᠪᠣᠯ ᠲᠡᠮᠡᠭᠡ ᠶᠢ ᠰᠢᠳᠦ ᠪᠠᠷ ᠨᠢ ᠨᠠᠰᠤ ᠵᠢᠯ ᠢ ᠨᠢ ᠦᠵᠡᠳᠡᠭ᠃ | ᠮᠠᠨ ᠤ ᠤᠷᠤᠨ ᠤ ᠵᠡᠭᠦᠨ ᠬᠡᠰᠡᠭ ᠤᠨ ᠭᠠᠵᠠᠷ ᠤᠷᠤᠨ ᠳᠤ ᠲᠡᠮᠡᠭᠡ ᠴᠦᠬᠡᠨ ᠪᠠᠶᠢᠳᠠᠭ ᠲᠤᠯᠠ ᠰᠢᠳᠦ ᠪᠠᠷ ᠨᠢ | ᠨᠠᠰᠤ ᠶᠢ ᠨᠢ ᠦᠵᠡᠬᠦ ᠦᠭᠡᠢ᠂ ᠬᠠᠷᠢᠨ ᠭᠡᠷ ᠤᠨ ᠡᠵᠡᠨ ᠤ ᠲᠡᠮᠳᠡᠭᠯᠡᠯ ᠢᠶᠠᠷ ᠨᠠᠰᠤ ᠵᠢᠯ ᠢ ᠨᠢ ᠲᠤᠭᠲᠠᠭᠠᠳᠠᠭ᠃ | ᠨᠠᠢᠮᠠ᠂ ᠪᠣᠰᠣᠳ ᠨᠡᠷᠡᠶᠢᠳᠦᠯ | 1. ᠰᠤᠪᠠᠢ ᠢᠩᠭᠡ | ᠲᠦᠯᠯᠡᠬᠦ ᠨᠠᠰᠤᠨ ᠤ ᠬᠡᠭᠡᠯᠳᠦᠬᠦ ᠴᠠᠭ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠬᠡᠭᠡᠯ ᠲᠤᠭᠲᠠᠭᠰᠠᠨ ᠦᠭᠡᠢ ᠶᠢ ᠰᠤᠪᠠᠢ ᠢᠩᠭᠡ᠂ | ᠡᠰᠡᠭᠦᠯᠡ ᠰᠤᠪᠠᠢ ᠲᠡᠮᠡᠭᠡ ᠭᠡᠨᠡ᠃ | 2. ᠬᠤᠰᠠᠷᠠᠩ ᠲᠡᠮᠡᠭᠡ | ᠣᠷᠤᠭᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠪᠠᠶᠢᠬᠤ ᠢᠩᠭᠡ ᠶᠢ ᠬᠤᠰᠠᠷᠠᠩ ᠢᠩᠭᠡ ᠭᠡᠨᠡ᠃ | 3. ᠬᠠᠶᠢᠳᠠᠭ ᠢᠩᠭᠡ | ᠪᠤᠲᠤᠭᠤ ᠨᠢ ᠦᠬᠦᠭᠰᠡᠨ᠂ ᠡᠰᠡᠭᠦᠯᠡ ᠶᠠᠮᠠᠷ ᠨᠢᠭᠡᠨ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠣᠭᠠᠳ ᠪᠣᠲᠣᠭᠤ ᠪᠠᠨ ᠬᠠᠶᠠᠭᠰᠠᠨ ︵ | ᠵᠠᠷᠢᠮ ᠭᠠᠵᠠᠷ ᠲᠤ ᠪᠤᠲᠤᠭᠤ ᠤᠷᠬᠢᠭᠰᠠᠨ ᠭᠡᠳᠡᠭ︶ ᠲᠡᠮᠡᠭᠡ ᠶᠢ ᠬᠠᠶᠢᠳᠠᠭ ᠲᠡᠮᠡᠭᠡ ᠪᠣᠶᠣ ᠬᠠᠶᠢᠳᠠᠭ ᠢᠩᠭᠡ ᠭᠡᠨᠡ᠃ | | 4. ᠡᠷᠡᠮᠳᠡᠭ ᠢᠩᠭᠡ | ᠬᠡᠵᠢᠶᠡᠳᠡ ᠬᠡᠭᠡᠯᠳᠦᠵᠦ ᠪᠤᠲᠤᠭᠤᠯᠠᠳᠠᠭ ᠦᠭᠡᠢ ᠢᠩᠭᠡ ᠶᠢ ᠡᠷᠡᠮᠳᠡᠭ ᠢᠩᠭᠡ ᠭᠡᠨᠡ᠃ ᠡᠶᠢᠮᠦ ᠲᠡᠮᠡᠭᠡ ᠲᠤᠩ | ᠴᠦᠬᠡᠨ ᠪᠠᠶᠢᠳᠠᠭ᠃ ᠡᠷᠡᠮᠳᠡᠭ ᠢᠩᠭᠡ ᠶᠢ ᠣᠨᠣᠬᠤ ᠪᠣᠶᠣ ᠠᠴᠢᠶᠠ ᠬᠦᠰᠭᠡ ᠳᠤ ᠵᠠᠷᠤᠳᠠᠭ᠃ ᠲᠡᠮᠡᠭᠡᠨ ᠤ ᠵᠠᠩ | ᠪᠠᠶᠢᠳᠠᠯ ᠢᠶᠠᠷ ᠨᠢ ᠪᠠᠷᠬᠢᠷᠠᠭᠠ ᠲᠡᠮᠡᠭᠡ᠂ ᠬᠠᠮᠤᠳᠠᠭ ᠲᠡᠮᠡᠭᠡ᠂ ᠲᠦᠢᠯᠠᠩᠬᠠᠢ ᠲᠡᠮᠡᠭᠡ᠂ ᠬᠠᠱᠠᠩ ᠲᠡᠮᠡᠭᠡ᠂ ᠨᠤᠮᠤᠬᠠᠨ | ᠲᠡᠮᠡᠭᠡ᠂ ᠰᠠᠪᠠᠰᠤ ᠦᠯᠢᠶᠡᠳᠡᠭ ᠲᠡᠮᠡᠭᠡ ᠭᠡᠵᠦ ᠬᠤᠪᠢᠶᠠᠳᠠᠭ ᠪᠠ ᠤᠨᠤᠰᠢ ᠶᠢᠨ ᠪᠠᠶᠢᠳᠠᠯ ᠢᠶᠠᠷ ᠨᠢ ᠵᠢᠷᠤᠭᠠ ᠲᠡᠮᠡᠭᠡ᠂ | ᠲᠠᠰᠢᠳᠡᠭ ᠲᠡᠮᠡᠭᠡ ᠭᠡᠵᠦ ᠬᠤᠪᠢᠶᠠᠳᠠᠭ᠃ |