ᠨᠢᠭᠡ᠂ ᠲᠤᠭᠤᠯ ︵ᠨᠢᠭᠡ ᠨᠠᠰᠤᠲᠠᠢ ᠦᠬᠡᠷ︶ | ᠲᠤᠰ ᠵᠢᠯ ᠤᠨ ᠬᠠᠪᠤᠷ ᠤᠨ ᠲᠦᠯ ᠳᠠᠷᠠᠭᠠ ᠬᠠᠪᠤᠷ ᠤᠨ ᠰᠢᠨᠡ ᠲᠦᠯ ᠲᠦᠯᠯᠡᠬᠦ ᠪᠣᠯᠲᠠᠯᠠ ᠪᠦᠬᠦᠯᠢ ᠨᠢᠭᠡ ᠵᠢᠯ | ᠪᠣᠯᠬᠤ ᠲᠤᠯᠠ ᠡᠨᠡ ᠬᠤᠭᠤᠷᠤᠨᠳᠣᠬᠢ ᠶᠢ ᠲᠤᠭᠤᠯ ᠭᠡᠨᠡ᠃ 1. ᠡᠷᠡ ᠬᠦᠢᠰᠦ ᠶᠢᠨ ᠲᠤᠭᠤᠯ ᠢ ᠡᠷᠡ ᠲᠤᠭᠤᠯ | ᠭᠡᠨᠡ᠃ | 2. ᠡᠮᠡ ᠬᠦᠢᠰᠦ ᠶᠢᠨ ᠲᠤᠭᠤᠯ ᠢ ᠦᠬᠢᠨ ᠲᠤᠭᠤᠯ ᠭᠡᠨᠡ᠃ | 3. ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠨᠠᠢᠮᠠᠨ ᠰᠠᠷᠠ ᠠᠴᠠ ᠬᠤᠶᠢᠨᠠ ᠭᠠᠷᠤᠭᠰᠠᠨ ᠲᠤᠭᠤᠯ ᠢ ᠬᠡᠨᠵᠡ ᠲᠤᠭᠤᠯ ᠭᠡᠨᠡ᠃ | ᠬᠤᠶᠠᠷ᠂ ᠪᠢᠷᠠᠭᠤ ︵ᠬᠤᠶᠠᠷ ᠨᠠᠰᠤᠲᠠᠢ ᠦᠬᠡᠷ︶ | ᠮᠠᠯᠴᠢᠳ ᠪᠢᠷᠠᠭᠤ ᠪᠠᠨ ︽ᠨᠤᠭᠤᠭᠠᠨ ᠪᠢᠷᠠᠭᠤ︾ ᠭᠡᠵᠦ ᠳᠠᠭᠤᠳᠠᠬᠤ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ ᠨᠠᠮᠤᠷ ᠤᠨ | ᠰᠡᠭᠦᠯᠴᠢ ᠪᠣᠯᠬᠤ ᠳᠤ ᠨᠢᠭᠡ ᠪᠦᠯᠦᠭ ᠲᠤᠭᠤᠯ ᠡᠬᠡ ᠪᠠᠨ ᠣᠯᠵᠣ ᠬᠦᠬᠦᠬᠦ ᠦᠭᠡᠢ ᠪᠣᠯᠵᠣ ᠮᠠᠰᠢ ᠲᠦᠷᠭᠡᠨ ᠢᠶᠠᠷ | ᠡᠴᠡᠩᠬᠡᠢ ᠲᠤᠷᠠᠩᠬᠠᠢ ᠪᠣᠯᠳᠠᠭ᠃ ᠡᠶᠢᠮᠦ ᠠᠴᠠ ᠡᠪᠦᠯ ᠢ ᠦᠩᠭᠡᠷᠡᠨ ᠬᠠᠪᠤᠷ ᠤᠨ ᠰᠢᠨᠡ ᠬᠦᠬᠡ ᠨᠤᠭᠤᠭᠠᠨ ᠳᠤ | ᠬᠦᠷᠲᠡᠯᠡ᠂ ᠮᠠᠯᠴᠢᠳ ᠲᠤᠭᠤᠯ ᠠᠴᠠ ᠪᠠᠨ ᠪᠢᠷᠠᠭᠤ ᠪᠣᠯᠬᠤ ᠡᠨᠡ ᠨᠢᠭᠡ ᠪᠦᠯᠦᠭ ᠮᠠᠯ ᠳᠠᠭᠠᠨ ᠶᠡᠬᠡᠬᠡᠨ ᠬᠦᠴᠦ | ᠲᠠᠯᠪᠢᠵᠤ ᠪᠠᠶᠢᠭᠠᠳ ᠨᠤᠭᠤᠭᠠᠨ ᠳᠤ ᠣᠷᠣᠭᠤᠯᠳᠠᠭ ᠶᠣᠮ᠃ ᠡᠶᠢᠮᠦ ᠠᠴᠠ ︽ᠨᠤᠭᠤᠭᠠᠨ ᠪᠢᠷᠠᠭᠤ︾ ᠭᠡᠵᠦ ᠬᠡᠯᠡᠬᠦ | ᠵᠠᠩᠰᠢᠯ ᠲᠠᠢ ᠪᠣᠯᠵᠠᠢ᠃ ᠲᠤᠭᠤᠯ ᠨᠢ ᠰᠢᠨᠡ ᠬᠦᠬᠡ ᠨᠤᠭᠤᠭᠠ ᠣᠯᠵᠣ ᠢᠳᠡᠭᠡᠳ ᠰᠠᠶ᠋ᠢ ᠪᠢᠷᠠᠭᠤ ᠪᠣᠯᠣᠨᠠ᠃ | ᠨᠤᠭᠤᠭᠠᠨ ᠳᠤ ᠤᠷᠤᠭᠠᠳ ᠨᠠᠰᠤ ᠨᠡᠮᠡᠭᠳᠡᠬᠦ ᠦᠵᠡᠭᠳᠡᠯ ᠵᠦᠪᠬᠡᠨ ᠪᠢᠷᠠᠭᠤ ᠮᠡᠲᠦ ᠶᠢᠨ ᠠᠳᠤᠭᠤᠰᠤᠨ ᠳᠤ ᠲᠤᠬᠢᠷᠠᠳᠠᠭ | ᠪᠢᠰᠢ᠂ ᠤᠮᠠᠷᠠᠲᠤ ᠶᠢᠨ ᠡᠷᠲᠡᠨ ᠤ ᠵᠠᠷᠢᠮ ᠴᠦᠬᠡᠨ ᠲᠤᠭᠠᠲᠤ ᠦᠨᠳᠦᠰᠦᠲᠡᠨ ᠪᠠᠰᠠ ᠬᠠᠪᠤᠷ ᠤᠨ ᠨᠤᠭᠤᠭᠠᠷᠠᠬᠤ ᠪᠠ | ᠨᠠᠮᠤᠷ ᠤᠨ ᠬᠤᠪᠠᠭ᠋ᠠᠶᠢᠷᠠᠬᠤ ᠪᠠᠷ ᠨᠠᠰᠤ ᠵᠢᠯ ᠢᠶᠠᠨ ᠪᠤᠳᠤᠵᠤ ᠪᠠᠶᠢᠭᠰᠠᠨ ᠲᠤᠬᠠᠢ ᠲᠡᠥᠬᠡ ᠶᠢᠨ ᠲᠡᠮᠳᠡᠭᠯᠡᠯ ᠲᠠᠢ᠃ | 1. ᠬᠤᠶᠠᠷ ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦ ᠶᠢᠨ ᠦᠬᠡᠷ ᠢ ᠡᠷᠡ ᠪᠢᠷᠠᠭᠤ ᠭᠡᠨᠡ᠃ ᠪᠤᠬᠠ ᠲᠠᠯᠪᠢᠬᠤ ᠪᠠᠷ ᠰᠤᠩᠭᠤᠨ | ᠦᠯᠡᠳᠡᠭᠡᠵᠦ ᠬᠦᠩᠭᠡᠯᠡᠨ ᠵᠠᠰᠠᠭᠰᠠᠨ ᠦᠭᠡᠢ ᠶᠢ ᠪᠢᠷᠠᠭᠤᠨ ᠪᠤᠬᠠ ᠭᠡᠨᠡ᠃ | 2. ᠬᠤᠶᠠᠷ ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦ ᠶᠢᠨ ᠦᠬᠡᠷ ᠢ ᠦᠬᠢᠨ ᠪᠢᠷᠠᠭᠤ ᠭᠡᠳᠡᠭ᠃ | ᠭᠤᠷᠪᠠ᠂ ᠰᠢᠳᠦᠯᠡᠩ ︵ᠭᠤᠷᠪᠠᠨ ᠨᠠᠰᠤᠲᠠᠢ ᠦᠬᠡᠷ︶ | 1. ᠭᠤᠷᠪᠠᠨ ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦ ᠶᠢᠨ ᠦᠬᠡᠷ ᠢ ᠰᠢᠳᠦᠯᠡᠩ ᠭᠤᠨᠠ ᠭᠡᠨᠡ᠃ ᠪᠤᠬᠠ ᠲᠠᠯᠪᠢᠬᠤ ᠪᠠᠷ | ᠦᠯᠡᠳᠡᠭᠡᠵᠦ ᠬᠦᠩᠭᠡᠯᠡᠨ ᠵᠠᠰᠠᠭᠰᠠᠨ ᠦᠭᠡᠢ ᠶᠢ ᠰᠢᠳᠦᠯᠡᠩ ᠪᠤᠬᠠ ᠭᠡᠳᠡᠭ᠃ | 2. ᠭᠤᠷᠪᠠᠨ ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦ ᠶᠢᠨ ᠦᠬᠡᠷ ᠢ ᠰᠢᠳᠦᠯᠡᠩ ᠭᠤᠨᠵᠢ ᠭᠡᠨᠡ᠃ | ᠳᠦᠷᠪᠡ᠂ ᠬᠢᠵᠠᠭᠠᠯᠠᠩ ︵ᠳᠦᠷᠪᠡᠨ ᠨᠠᠰᠤᠲᠠᠢ ᠦᠬᠡᠷ︶ | 1. ᠳᠦᠷᠪᠡᠨ ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦ ᠶᠢᠨ ᠦᠬᠡᠷ ᠢ ᠬᠢᠵᠠᠭᠠᠯᠠᠩ ᠭᠤᠨᠠ ᠭᠡᠬᠦ ᠪᠣᠶᠣ ᠳᠦᠨᠡ ᠭᠡᠳᠡᠭ᠃ | ᠤᠳᠤᠬᠠᠨ ᠳᠤ ᠵᠡᠭᠦᠨ ᠤᠷᠤᠨ ᠳᠤ ᠦᠬᠡᠷ ᠢ ᠳᠦᠨᠡ᠂ ᠳᠦᠨᠵᠢ ᠭᠡᠵᠦ ᠨᠡᠷᠡᠶᠢᠳᠬᠦ ᠦᠭᠡᠢ ᠪᠣᠯᠵᠠᠢ᠃ ᠵᠦᠪᠬᠡᠨ | ᠪᠢᠴᠢᠭ ᠤᠨ ᠬᠡᠯᠡᠨ ᠳᠤ ᠬᠡᠷᠡᠭᠯᠡᠵᠦ ᠪᠠᠶᠢᠨᠠ᠃ ᠳᠦᠷᠪᠡᠨ ᠨᠠᠰᠤᠲᠠᠢ ᠬᠦᠩᠭᠡᠯᠡᠭᠰᠡᠨ ᠦᠭᠡᠢ ᠡᠷᠡ ᠦᠬᠡᠷ ᠢ | ᠬᠢᠵᠠᠭᠠᠯᠠᠩ ᠪᠤᠬᠠ ᠭᠡᠨᠡ᠃ | 2. ᠳᠦᠷᠪᠡᠨ ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦ ᠶᠢᠨ ᠦᠬᠡᠷ ᠢ ᠬᠢᠵᠠᠭᠠᠯᠠᠩ ᠭᠤᠨᠵᠢ ᠭᠡᠬᠦ ᠪᠤᠶᠤ ᠳᠦᠨᠵᠢ ᠭᠡᠳᠡᠭ᠃ | ᠲᠠᠪᠤ᠂ ᠰᠤᠶᠤᠭᠠᠯᠠᠩ ︵ᠲᠠᠪᠤᠨ ᠨᠠᠰᠤᠲᠠᠢ ᠦᠬᠡᠷ︶ | ᠦᠬᠡᠷ ᠤᠯᠠᠩᠬᠢ ᠳᠠᠭᠠᠨ ᠲᠠᠪᠤᠨ ᠨᠠᠰᠤᠨ ᠳᠡᠭᠡᠷᠡ ᠪᠠᠨ ᠲᠦᠯ ᠲᠠᠢ ᠪᠣᠯᠴᠢᠬᠠᠨᠠ᠃ | 1. ᠲᠠᠪᠤᠨ ᠨᠠᠰᠤᠲᠠᠢ ᠡᠷᠡ ᠬᠦᠢᠰᠦ ᠶᠢᠨ ᠦᠬᠡᠷ ᠢ ᠰᠤᠶᠤᠭᠠᠯᠠᠩ ᠭᠤᠨᠠ ᠭᠡᠨᠡ᠂ ᠪᠠᠰᠠ ᠰᠤᠶᠤᠭᠠᠯᠠᠩ ᠡᠷᠡ | ᠦᠬᠡᠷ ᠭᠡᠨᠡ᠃ ᠲᠠᠪᠤᠨ ᠨᠠᠰᠤᠲᠠᠢ ᠪᠤᠬᠠ ᠶᠢ ᠰᠤᠶᠤᠭᠠᠯᠠᠩ ᠪᠤᠬᠠ ᠭᠡᠬᠦ ᠪᠣᠶᠣ ᠪᠦᠳᠦᠭᠦᠨ ᠪᠤᠬᠠ ᠭᠡᠨᠡ᠃ | 2. ᠲᠠᠪᠤᠨ ᠨᠠᠰᠤᠲᠠᠢ ᠡᠮᠡ ᠬᠦᠢᠰᠦ ᠶᠢᠨ ᠦᠬᠡᠷ ᠨᠢ ᠬᠡᠷᠪᠡ ᠲᠦᠯ ᠲᠠᠢ ᠪᠣᠯ ᠰᠤᠶᠤᠭᠠᠯᠠᠩ ᠦᠨᠢᠶᠡ ᠭᠡᠵᠦ᠂ | ᠲᠦᠯ ᠦᠭᠡᠢ ᠪᠣᠯ ᠮᠦᠨ ᠰᠤᠶᠤᠭᠠᠯᠠᠩ ᠭᠤᠨᠵᠢ ᠭᠡᠨᠡ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠪᠠᠰᠠ ᠭᠤᠨᠵᠢᠨ ᠦᠨᠢᠶᠡ ᠭᠡᠳᠡᠭ᠃ | ᠵᠢᠷᠭᠤᠭᠠ᠂ ᠰᠤᠩᠭᠤᠬᠤ ᠨᠠᠰᠤᠨ ᠤ ᠦᠬᠡᠷ ᠪᠠ ᠭᠦᠢᠴᠡᠭᠡᠬᠦ ᠨᠠᠰᠤᠨ ᠤ ᠦᠬᠡᠷ ᠮᠠᠨ ᠤ ᠤᠷᠤᠨ ᠤ ᠵᠡᠭᠦᠨ | ᠤᠷᠤᠨ ᠳᠤ ᠣᠣᠯ ᠳᠠᠭᠠᠨ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠦᠬᠡᠷ ᠢ ᠰᠤᠩᠭᠤᠬᠤ ᠦᠬᠡᠷ ᠭᠡᠵᠦ᠂ ᠳᠤᠯᠤᠭᠠᠨ ᠨᠠᠰᠤᠲᠠᠢ | ᠦᠬᠡᠷ ᠢ ᠭᠦᠢᠴᠡᠭᠡᠬᠦ ᠦᠬᠡᠷ ᠭᠡᠵᠦ ᠨᠡᠷᠡᠶᠢᠳᠦᠨ ᠳᠠᠭᠤᠳᠠᠳᠠᠭ᠃ ᠡᠭᠦᠨ ᠳᠤ᠄ 1. ᠡᠷᠡ ᠬᠦᠢᠰᠦ ᠶᠢᠨ ᠵᠢᠷᠭᠤᠭᠠᠨ | ᠨᠠᠰᠤᠲᠠᠢ ᠦᠬᠡᠷ ᠢ ᠰᠤᠩᠭᠤᠬᠤ ᠨᠠᠰᠤᠨ ᠤ ᠡᠷᠡ ᠦᠬᠡᠷ ᠭᠡᠬᠦ ᠪᠠ ᠳᠣᠯᠣᠭᠠᠨ ᠨᠠᠰᠤᠲᠠᠢ ᠶᠢ ᠨᠢ ᠭᠦᠢᠴᠡᠭᠡᠬᠦ | ᠨᠠᠰᠤᠨ ᠤ ᠡᠷᠡ ᠦᠬᠡᠷ ᠭᠡᠳᠡᠭ᠃ 2. ᠡᠮᠡ ᠬᠦᠢᠰᠦ ᠶᠢᠨ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠦᠬᠡᠷ ᠢ ᠰᠤᠩᠭᠤᠬᠤ ᠨᠠᠰᠤᠨ ᠤ | ᠦᠨᠢᠶᠡ ᠭᠡᠬᠦ ᠪᠠ ᠳᠤᠯᠤᠭᠠᠨ ᠨᠠᠰᠤᠲᠠᠢ ᠶᠢ ᠨᠢ ᠭᠦᠢᠴᠡᠭᠡᠬᠦ ᠨᠠᠰᠤᠨ ᠤ ᠦᠨᠢᠶᠡ ᠭᠡᠳᠡᠭ᠃ ᠵᠢᠷᠭᠤᠭᠠᠨ ᠨᠠᠰᠤᠨ ᠠᠴᠠ | ᠳᠡᠭᠡᠭᠰᠢᠬᠢ ᠪᠤᠬᠠ ᠶᠢ ᠦᠩᠭᠡ ᠵᠢᠰᠦ ᠲᠠᠢ ᠨᠢ ᠬᠤᠯᠪᠤᠭᠳᠠᠭᠤᠯᠤᠨ ᠬᠦᠬᠡ ᠪᠤᠬᠠ ᠪᠣᠶᠣ ᠤᠯᠠᠭᠠᠨ ᠪᠤᠬᠠ ᠭᠡᠬᠦ ᠪᠠ | ᠪᠦᠳᠦᠭᠦᠨ ᠪᠤᠬᠠ ᠭᠡᠨᠡ᠃ ᠵᠢᠷᠭᠤᠭᠠᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠡᠷᠡ ᠦᠬᠡᠷ ᠪᠠ ᠲᠡᠷᠭᠡ ᠣᠨᠣᠭᠠᠨ ᠤ ᠬᠦᠯᠪᠦᠷᠢ | ᠦᠬᠡᠷ ᠢ ᠱᠠᠷ ᠭᠡᠨᠡ᠃ | ᠳᠣᠯᠤᠭᠠ᠂ ᠪᠣᠰᠣᠳ ᠨᠡᠷᠡᠶᠢᠳᠦᠯ | 1. ᠰᠤᠪᠠᠢ ᠦᠨᠢᠶᠡ | ᠲᠦᠯᠯᠡᠬᠦ ᠨᠠᠰᠤᠨ ᠳᠤ ᠬᠦᠷᠦᠭᠡᠳ ᠲᠦᠯ ᠦᠭᠡᠢ ᠦᠨᠢᠶᠡ ᠶᠢ ᠰᠤᠪᠠᠢ ᠭᠤᠨᠵᠢ ᠭᠡᠨᠡ᠃ ᠲᠠᠪᠤᠨ ᠨᠠᠰᠤᠨ ᠠᠴᠠ | ᠳᠡᠭᠡᠭᠰᠢᠬᠢ ᠦᠨᠢᠶᠡ ᠬᠡᠭᠡᠯᠳᠦᠬᠦ ᠴᠠᠭ ᠲᠠᠭᠠᠨ ᠬᠡᠭᠡᠯ ᠲᠤᠭᠲᠠᠭᠰᠠᠨ ᠦᠭᠡᠢ ᠶᠢ ᠪᠠᠰᠠ ᠰᠤᠪᠠᠢ ᠦᠨᠢᠶᠡ ᠭᠡᠨᠡ᠃ | 2. ᠬᠤᠰᠠᠷᠠᠩ ᠦᠨᠢᠶᠡ | ᠲᠤᠰ ᠵᠢᠯ ᠳᠤ ᠲᠦᠯ ᠦᠭᠡᠢ᠂ ᠳᠡᠭᠡᠷᠡ ᠵᠢᠯ ᠤᠨ ᠲᠤᠭᠤᠯ — ᠡᠨᠡ ᠬᠠᠪᠤᠷ ᠤᠨ ᠪᠢᠷᠠᠭᠤ ᠪᠠᠨ ᠦᠷᠭᠦᠯᠵᠢᠯᠡᠨ | ᠬᠦᠬᠦᠭᠦᠯᠵᠦ ᠪᠠᠶᠢᠭᠠ ᠦᠨᠢᠶᠡ ᠶᠢ ᠬᠤᠰᠠᠷᠠᠩ ᠦᠨᠢᠶᠡ ᠭᠡᠨᠡ᠃ ᠬᠡᠷᠪᠡ ᠬᠤᠰᠠᠷᠠᠩ ᠦᠨᠢᠶᠡ ᠨᠢ ᠲᠠᠷᠭᠤ ᠰᠠᠶᠢᠲᠠᠢ | ᠪᠦᠭᠡᠳ ᠰᠦ ᠨᠢ ᠴᠤ ᠰᠠᠶᠢᠨ ᠪᠣᠯ ᠬᠤᠰᠠᠷᠠᠩ ᠦᠨᠢᠶᠡᠨ ᠤ ᠪᠢᠷᠠᠭᠤ ᠶᠢ ᠲᠤᠰ ᠵᠢᠯ ᠤᠨ ᠲᠤᠭᠤᠯ ᠲᠠᠢ ᠨᠢ ᠬᠠᠮᠲᠤ | ᠦᠯᠡᠳᠡᠭᠡᠵᠦ ᠪᠠᠶᠢᠭᠠᠳ ᠬᠤᠰᠠᠷᠠᠩ ᠦᠨᠢᠶᠡ ᠶᠢ ᠪᠠᠰᠠ ᠰᠠᠭᠠᠯᠢ ᠶᠢᠨ ᠦᠨᠢᠶᠡ ᠪᠣᠯᠭᠠᠵᠤ ᠪᠣᠯᠣᠨᠠ᠃ | 3. ᠬᠠᠶᠢᠳᠠᠭ ᠦᠨᠢᠶᠡ | ᠲᠦᠯᠯᠡᠭᠡᠳ ᠲᠤᠭᠤᠯ ᠨᠢ ᠦᠬᠦᠭᠰᠡᠨ ᠦᠨᠢᠶᠡ ᠶᠢ ᠬᠠᠶᠢᠳᠠᠭ ᠦᠨᠢᠶᠡ ᠭᠡᠨᠡ᠃ ᠤᠨᠴᠠᠭᠠᠢ ᠪᠠᠶᠢᠳᠠᠯ ᠳᠤᠤᠷᠠ | ᠲᠤᠭᠤᠯ ᠬᠠᠶᠠᠭᠰᠠᠨ ᠦᠨᠢᠶᠡ ᠶᠢ ᠪᠠᠰᠠ ᠬᠠᠶᠢᠳᠠᠭ ᠦᠨᠢᠶᠡ ᠭᠡᠳᠡᠭ᠃ | 4. ᠳᠡᠯᠡᠭᠡ ᠲᠤᠭᠤᠯ ᠲᠠᠢ ᠦᠨᠢᠶᠡ | ᠳᠡᠯᠡᠭᠡ ᠲᠤᠭᠤᠯ ᠲᠠᠢ ᠦᠨᠢᠶᠡ ᠭᠡᠳᠡᠭ ᠪᠣᠯ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠬᠠᠶᠢᠳᠠᠭ ᠦᠨᠢᠶᠡ ᠳᠤ ᠪᠤᠰᠤᠳ ᠤᠨ ᠲᠤᠭᠤᠯ ᠢ | ᠬᠦᠬᠦᠭᠦᠯᠵᠦ ᠨᠢᠭᠡ ᠲᠤᠭᠤᠯ ᠳᠤ ᠬᠤᠶᠠᠷ ᠡᠬᠡ ᠲᠠᠢ ᠪᠤᠯᠭᠠᠭᠰᠠᠨ ᠦᠨᠢᠶᠡ ᠶᠢ ᠬᠡᠯᠡᠵᠦ ᠪᠠᠶᠢᠨᠠ᠃ ᠲᠠᠯᠠ | ᠨᠤᠲᠤᠭ ᠤᠨ ᠬᠠᠰᠢᠷ ᠮᠠᠯᠴᠢᠳ ᠲᠤᠭᠤᠯ ᠨᠢ ᠦᠬᠦᠭᠰᠡᠡᠨ ᠦᠨᠢᠶᠡᠨ ᠳᠡᠭᠡᠨ ᠪᠤᠰᠤᠳ ᠦᠨᠢᠶᠡᠨ ᠤ ᠲᠤᠭᠤᠯ ᠢ | ᠬᠦᠬᠦᠭᠦᠯᠵᠦ ᠰᠤᠷᠭᠠᠳᠠᠭ᠃ ᠳᠡᠭᠡᠬᠦ ᠳᠤ ᠬᠦᠬᠦᠭᠦᠯᠬᠦ ᠲᠡᠷᠡ ᠲᠤᠭᠤᠯ ᠨᠢ ᠦᠩᠭᠡ ᠵᠢᠰᠦ ᠪᠠᠷ ᠦᠬᠦᠭᠰᠡᠨ ᠲᠤᠭᠤᠯ | ᠲᠠᠢ ᠨᠢ ᠤᠶᠢᠷᠠᠯᠴᠠᠭᠠ ᠪᠠᠶᠢᠬᠤ ᠪᠠ ᠲᠦᠯᠯᠡᠭᠡᠳ ᠳᠡᠮᠡᠢ ᠤᠳᠠᠭᠠᠳᠤᠢ ᠪᠠᠶᠢᠬᠤ ᠲᠤᠭᠤᠯ ᠪᠣᠯ ᠬᠠᠮᠤᠭ ᠤᠨ ᠠᠮᠠᠷᠬᠠᠨ | ᠳᠡᠯᠡᠭᠡ ᠪᠣᠯᠳᠠᠭ ᠶᠣᠮ᠃ | 5. ᠡᠷᠡᠮᠳᠡᠭ ᠦᠬᠡᠷ ︵ᠦᠨᠢᠶᠡ︶ | ᠲᠠᠯᠠ ᠨᠤᠲᠤᠭ ᠤᠨ ᠦᠬᠡᠷ ᠤᠨ ᠰᠦᠷᠦᠭ ᠲᠤ ᠬᠠᠶᠠ ᠵᠠᠷᠢᠮ ᠳᠠᠭᠠᠨ ᠡᠷᠡᠮᠳᠡᠭ ᠦᠬᠡᠷ ︵ᠦᠨᠢᠶᠡ︶ ᠭᠠᠷᠳᠠᠭ᠃ | ᠡᠷᠡᠮᠳᠡᠭ ᠦᠬᠡᠷ ᠢ ᠬᠦᠢᠰᠦ ᠢᠯᠭᠠᠯ ᠠᠴᠠ ᠨᠢ ᠦᠵᠡᠪᠡᠯ ᠡᠮᠡ ᠬᠦᠢᠰᠦ ᠶᠢᠨ ᠪᠠᠶᠢᠵᠤ᠂ ᠭᠡᠲᠡᠯᠡ ᠬᠡᠵᠢᠶᠡᠲᠡ | ᠲᠦᠯᠯᠡᠬᠦ ᠦᠭᠡᠢ ᠪᠠᠶᠢᠳᠠᠭ᠃ ᠡᠩ ᠤᠨ ᠴᠠᠭ ᠲᠤ ᠡᠷᠡ ᠦᠬᠡᠷ ᠲᠠᠢ ᠬᠠᠮᠲᠤ ᠪᠡᠯᠴᠢᠭᠡᠷᠯᠡᠬᠦ ᠪᠦᠭᠡᠳ ᠦᠨᠢᠶᠡ | ᠲᠤᠭᠤᠯ ᠲᠠᠢ ᠬᠦᠯ ᠨᠡᠶᠢᠯᠡᠳᠡᠭ ᠦᠭᠡᠢ᠃ ᠪᠡᠶᠡ ᠪᠠᠶᠢᠳᠠᠯ᠂ ᠳᠦᠷᠪᠡᠨ ᠮᠦᠴᠢ᠂ ᠡᠪᠡᠷ ᠲᠤᠯᠤᠭᠠᠢ ᠠᠴᠠ ᠨᠢ | ᠦᠵᠡᠪᠡᠯ ᠡᠷᠡ ᠦᠬᠡᠷ ᠤᠨ ᠰᠢᠨᠵᠢ ᠲᠠᠢ᠃ ᠮᠠᠯ ᠰᠦᠷᠦᠭ ᠣᠷᠣᠢ ᠳᠠᠭᠠᠨ ᠬᠤᠲᠠᠯᠠᠨ ᠢᠷᠡᠭᠰᠡᠨ ᠤ ᠳᠠᠷᠠᠭᠠ ᠡᠷᠡᠮᠳᠡᠭ | ᠦᠬᠡᠷ ᠶᠡᠷᠦ ᠳᠡᠭᠡᠨ ᠡᠷᠡ ᠦᠬᠡᠷ ᠲᠠᠢ ᠮᠦᠷᠭᠦᠯᠳᠦᠨ ᠪᠠᠶᠢᠵᠤ ᠡᠷᠡ ᠦᠬᠡᠷ ᠲᠠᠢ ᠯᠡ ᠬᠠᠮᠲᠤ ᠪᠠᠶᠢᠳᠠᠭ᠃ | ᠨᠤᠲᠤᠭ ᠤᠨ ᠮᠠᠯᠴᠢᠳ ᠡᠶᠢᠮᠦ ᠡᠷᠡᠮᠳᠡᠭ ᠦᠬᠡᠷ ᠢ ᠲᠡᠷᠭᠡ ᠤᠨᠤᠭᠠ ᠳᠤ ᠬᠦᠯᠪᠦᠷᠢ ᠪᠤᠯᠭᠠᠨ ᠬᠡᠷᠡᠭᠯᠡᠳᠡᠭ ᠦᠭᠡᠢ᠃ | ᠦᠲᠡᠯᠦᠭᠰᠡᠨ ᠤ ᠬᠢᠨᠢ ᠬᠤᠶᠢᠨᠠ ᠠᠯᠠᠰᠢᠨ ᠦᠬᠡᠷ ᠢᠶᠠᠷ ᠵᠠᠷᠤᠳᠠᠭ᠃ | |