| ᠠᠮᠤᠰᠤ ᠶᠢ ᠰᠢᠰᠢ ᠪᠤᠳᠠᠭᠠ᠂ ᠨᠠᠩᠭᠢ ᠪᠤᠳᠠᠭᠠ᠂ ᠡᠷᠳᠡᠨᠢ ᠰᠢᠰᠢ᠂ ᠲᠤᠳᠤᠷᠭᠠ ᠠᠮᠤ ᠪᠠᠷ ᠪᠦᠷ ᠬᠢᠵᠦ | ᠪᠣᠯᠣᠨᠠ᠃ ᠰᠢᠰᠢ ᠪᠤᠳᠠᠭᠠ ᠪᠣᠶᠣ ᠡᠷᠳᠡᠨᠢ ᠰᠢᠰᠢ ᠶᠢᠨ ᠪᠤᠳᠠᠭᠠ ᠪᠠᠷ ᠠᠮᠤᠰᠤ ᠬᠢᠬᠦ ᠳᠤ ᠡᠷᠬᠡᠪᠰᠢ ᠤᠷᠢᠳ ᠢᠶᠠᠷ | ᠪᠤᠳᠠᠭᠠ ᠪᠠᠨ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠳᠠᠪᠤᠰᠤ ᠲᠠᠢ ᠤᠰᠤᠨ ᠳᠤ ᠰᠢᠯᠵᠠᠷᠠᠲᠠᠯᠠ ᠴᠢᠨᠠᠵᠤ ᠪᠣᠯᠭᠤᠭᠠᠳ ᠰᠢᠭᠦᠵᠦ | ᠠᠪᠬᠤ ᠬᠡᠷᠡᠭᠲᠡᠢ᠃ ᠳᠠᠷᠠᠭᠠ ᠨᠢ ᠦᠷᠦᠮᠡ ᠪᠠᠨ ᠰᠢᠷᠠᠯᠠᠲᠠᠯᠠ ᠪᠤᠴᠠᠯᠭᠠᠭᠠᠳ ᠰᠢᠭᠦᠵᠦ ᠠᠪᠤᠭᠰᠠᠨ ᠪᠤᠳᠠᠭᠠ ᠪᠠᠨ | ᠪᠤᠴᠠᠯᠭᠠᠭᠰᠠᠨ ᠦᠷᠦᠮᠡ ᠳᠤᠲᠤᠷᠠ ᠪᠠᠨ ᠬᠢᠵᠦ ᠰᠠᠶᠢᠲᠤᠷ ᠬᠦᠳᠡᠯᠭᠡᠭᠡᠳ ᠵᠦᠭᠡᠯᠡᠨ ᠭᠠᠯ ᠳᠡᠭᠡᠷᠡ ᠵᠣᠬᠢᠬᠤ | ᠬᠡᠮᠵᠢᠶᠡ ᠪᠠᠷ ᠪᠤᠴᠠᠯᠭᠠᠨᠠ᠃ ᠨᠠᠩᠭᠢ ᠪᠤᠳᠠᠭᠠ ᠪᠣᠶᠣ ᠲᠤᠳᠤᠷᠭᠠ ᠪᠠᠷ ᠠᠮᠤᠰᠤ ᠬᠢᠬᠦ ᠳᠤ ᠲᠤᠭᠤᠭᠠᠨ ᠳᠠᠭᠠᠨ ᠤᠰᠤ | ᠪᠠ ᠦᠷᠦᠮᠡ ᠪᠠᠨ ᠵᠤᠬᠢᠬᠤ ᠬᠠᠷᠢᠴᠠᠯ ᠢᠶᠠᠷ ᠬᠢᠵᠦ᠂ ᠮᠦᠨ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠳᠠᠪᠤᠰᠤ ᠬᠢᠵᠦ ᠪᠤᠴᠠᠯᠭᠠᠨᠠ᠃ | ᠦᠷᠦᠮᠡ ᠲᠠᠢ ᠤᠰᠤ ᠪᠤᠴᠠᠯᠤᠭᠰᠠᠨ ᠬᠤᠶᠢᠨᠠ ᠪᠤᠳᠠᠭᠠ ᠪᠠᠨ ᠰᠠᠶᠢᠲᠤᠷ ᠣᠬᠢᠶᠠᠭᠠᠳ ᠦᠷᠦᠮᠡ ᠲᠠᠢ | ᠤᠰᠤᠨ ᠳᠠᠭᠠᠨ ᠬᠢᠵᠦ ᠠᠬᠢᠨ ᠳᠠᠬᠢᠨ ᠬᠦᠳᠡᠯᠭᠡᠵᠦ ᠠᠭᠰᠢᠷᠠᠲᠠᠯᠠ ᠴᠢᠨᠠᠨᠠ᠃ ᠭᠡᠬᠦ ᠳᠤ ᠤᠰᠤ ᠨᠢ ᠪᠦᠷᠢᠨ | ᠰᠢᠷᠭᠢᠵᠦ ᠦᠷᠦᠮᠡ ᠨᠢ ᠲᠤᠰᠤ ᠭᠠᠷᠬᠤ ᠬᠡᠮᠵᠢᠶᠡ ᠬᠦᠷᠲᠡᠯᠡ ᠴᠢᠨᠠᠪᠠᠯ ᠠᠮᠤᠰᠤ ᠪᠣᠯᠴᠢᠬᠠᠳᠠᠭ᠃ ᠠᠮᠤᠰᠤ ᠶᠢ ᠰᠢᠷᠠ | ᠲᠤᠰᠤ᠂ ᠴᠠᠭᠠᠨ ᠰᠢᠬᠢᠷ ᠲᠠᠢ ᠬᠢᠵᠦ ᠬᠤᠯᠢᠭᠠᠳ ᠢᠳᠡᠳᠡᠭ᠃ ᠵᠠᠷᠤᠳ ᠮᠣᠩᠭᠤᠯᠴᠣᠳ ᠠᠮᠤᠰᠤ ᠶᠢ ᠦᠲᠦᠷᠮᠡ | ᠲᠠᠬᠢᠬᠤ᠂ ᠳᠠᠯᠠᠯᠭᠠ ᠠᠪᠬᠤ᠂ ᠢᠰᠢᠭᠡ ᠬᠤᠷᠠᠭᠠ ᠴᠢᠮᠬᠢᠬᠦ ᠳᠤ ᠬᠢᠳᠡᠭ ᠪᠦᠭᠡᠳ ᠡᠨᠡ ᠬᠦ ᠠᠮᠲᠠᠲᠤ ᠢᠳᠡᠭᠡᠨ ᠤ ᠪᠠᠨ | ᠳᠡᠭᠡᠵᠢ ᠶᠢ ᠲᠡᠭᠷᠢ ᠪᠤᠷᠬᠠᠨ ᠭᠠᠵᠠᠷ ᠤᠰᠤᠨ ᠳᠠᠭᠠᠨ ᠡᠷᠭᠦᠭᠡᠳ ᠰᠠᠶ᠋ᠢ ᠦᠪᠡᠷ ᠢᠶᠠᠨ ᠢᠳᠡᠳᠡᠭ᠃ | |