| 1. ᠠᠮᠠᠨ ᠬᠦᠨᠳᠡᠢ ᠪᠤᠯ ᠢᠳᠡᠰᠢ ᠶᠢ ᠰᠢᠩᠭᠡᠭᠡᠬᠦ ︽ᠨᠢᠭᠡᠳᠦᠭᠡᠷ ᠦᠷᠳᠡᠭᠡ︾᠂ ᠡᠭᠦᠨ ᠳᠤ ︽ᠰᠢᠳᠦ︾ ᠨᠢ | ᠴᠢᠬᠤᠯᠠ ᠲᠦᠷᠢ ᠶᠢ ᠲᠤᠭᠯᠠᠵᠤ᠂ ᠬᠦᠮᠦᠰ ᠢ ᠬᠠᠪᠰᠤᠷᠴᠤ ᠢᠳᠡᠭᠡᠨ ᠢ ᠵᠠᠵᠢᠯᠬᠤ ᠪᠠ ᠬᠡᠮᠭᠡᠯᠡᠵᠦ ᠦᠭᠳᠡᠭ᠃ | 2. ᠬᠡᠷᠪᠡ ᠪᠢᠳᠡ ᠰᠢᠳᠦᠨ ᠤ ᠡᠷᠡᠭᠦᠯ ᠴᠢᠬᠢᠷᠠᠭ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠶᠢ ᠠᠩᠬᠠᠷᠬᠤ ᠦᠭᠡᠢ ᠪᠤᠯ᠂ ᠲᠡᠷᠡ ᠨᠢ | ᠰᠢᠳᠦ ᠡᠪᠡᠳᠬᠦ ᠵᠡᠷᠭᠡ ᠲᠡᠶᠢᠮᠦ ᠯᠡ ᠲᠦᠭᠦᠮᠭᠡᠨ ᠶᠠᠪᠤᠳᠠᠯ ᠪᠢᠰᠢ᠂ ᠪᠠᠰᠠ ᠰᠢᠳᠦ ᠬᠤᠷᠤᠬᠠᠢᠢᠳᠤᠬᠤ᠂ ᠪᠤᠶᠢᠯᠠ | ᠬᠠᠪᠤᠳᠬᠤ᠂ ᠰᠢᠳᠦ ᠬᠦᠳᠡᠯᠬᠦ ᠪᠤᠶᠤ ᠰᠦᠢᠷᠡᠬᠦ ᠵᠡᠷᠭᠡ ᠠᠮᠠᠨ ᠬᠦᠨᠳᠡᠢ ᠶᠢᠨ ᠡᠪᠡᠳᠴᠢᠨ ᠤᠯᠵᠤ ᠮᠡᠳᠡᠨᠠ᠂ ᠡᠨᠡ ᠨᠢ | ᠦᠵᠡᠮᠦᠷᠢ ᠶᠢ ᠬᠠᠷᠰᠢᠯᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠲᠠᠨ ᠤ ᠠᠮᠳᠠᠳᠤ ᠢᠳᠡᠭᠡᠨ ᠢ ᠠᠮᠳᠠᠯᠠᠬᠤ ᠶᠢ ᠴᠢᠨᠢ ᠴᠦ | ᠨᠦᠯᠦᠭᠡᠯᠡᠨᠠ᠃ | 3. ᠬᠦᠨᠳᠦ ᠨᠤᠴᠢᠳᠠᠢ ᠠᠮᠠᠨ ᠬᠦᠨᠳᠡᠢ ᠶᠢᠨ ᠠᠰᠠᠭᠤᠳᠠᠯ ᠨᠢ ᠪᠦᠬᠦ ᠪᠡᠶᠠ ᠶᠢᠨ ᠡᠪᠡᠳᠴᠢᠨ ᠬᠢᠵᠢᠭ ᠵᠢᠱᠢᠶᠡᠯᠡᠪᠡᠯ | ᠵᠢᠷᠦᠭᠡ ᠴᠢᠰᠤᠨ ᠰᠤᠳᠠᠯ ᠤᠨ ᠡᠪᠡᠳᠴᠢᠨ᠂ ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠨ ᠵᠡᠷᠭᠡ ᠳᠤ ᠨᠡᠷᠪᠡᠭᠳᠡᠭᠦᠯᠬᠦ ᠪᠤᠶᠤ | ᠲᠡᠷᠡᠴᠢᠯᠡᠨ ᠬᠦᠨᠳᠦᠷᠡᠭᠦᠯᠳᠡᠭ᠃ ᠶᠡᠷᠦ ᠶᠢᠨ ᠦᠭᠡᠨ ᠳᠤ ᠰᠢᠳᠦ ᠰᠠᠶᠢᠨ ᠪᠤᠯ ᠬᠤᠭᠤᠯᠠᠨ ᠤ ᠲᠤᠷᠠᠰᠢᠯ ᠰᠠᠶᠢᠨ | ᠭᠡᠳᠡᠭ ᠪᠢᠰᠢᠦ᠂ ᠡᠶᠢᠮᠦ ᠠᠴᠠ ᠰᠢᠳᠦ ᠨᠢ ᠪᠡᠶᠠ ᠮᠠᠬᠠᠪᠤᠳ ᠤᠨ ᠡᠷᠡᠭᠦᠯ ᠴᠢᠬᠢᠷᠠᠭ᠂ ᠠᠮᠢᠳᠤᠷᠠᠯ ᠤᠨ ᠶᠠᠰᠤ | ᠴᠢᠨᠠᠷ ᠲᠠᠢ ᠨᠢᠭᠳᠠ ᠬᠤᠯᠪᠤᠭᠳᠤᠵᠤ ᠪᠠᠶᠢᠳᠠᠭ᠂ ᠡᠶᠢᠮᠦ ᠠᠴᠠ ᠬᠢᠨᠠᠮᠠᠭᠠᠢ ᠬᠠᠨᠳᠤᠵᠤ ᠬᠠᠶᠢᠩᠭᠤᠳᠠᠵᠤ ᠪᠤᠯᠬᠤ ᠦᠭᠡᠢ᠃ | | 4. 1981 ᠤᠨ ᠳᠤ᠂ ᠲᠡᠯᠡᠭᠡᠢ ᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠠᠴᠠ ᠰᠢᠳᠦᠨ ᠤ | ᠡᠷᠡᠭᠦᠯ ᠴᠢᠬᠢᠷᠠᠭ ᠤᠨ ᠲᠤᠬᠠᠢ 5 ᠪᠠᠷᠢᠮᠵᠢᠶᠠ ᠲᠤᠷᠠᠳᠴᠠᠢ᠄ ᠰᠢᠳᠦ ᠴᠡᠪᠡᠷ ᠪᠠᠶᠢᠬᠤ᠂ ᠰᠢᠳᠦ ᠨᠦᠭᠡ ᠦᠭᠡᠢ ᠪᠠᠶᠢᠬᠤ | ᠂ ᠰᠢᠳᠦ ᠡᠪᠡᠳᠬᠦ ᠦᠭᠡᠢ᠂ ᠪᠤᠶᠢᠯᠠ ᠶᠢᠨ ᠦᠩᠭᠡ ᠬᠡᠪ ᠤᠨ ᠪᠠᠶᠢᠬᠤ᠂ ᠴᠢᠰᠦ ᠭᠠᠷᠬᠤ ᠦᠭᠡᠢ ᠪᠠᠶᠢᠬᠤ ᠵᠡᠷᠭᠡ᠃ | 5. ᠲᠡᠭᠡᠪᠡᠯ ᠶᠠᠭᠤᠨ ᠠᠴᠠ ᠪᠤᠯᠵᠤ ᠠᠮᠠᠨ ᠬᠦᠨᠳᠡᠢ ᠶᠢᠨ ᠡᠪᠡᠳᠴᠢᠨ ᠤᠯᠳᠠᠭ ᠪᠤᠢ︖ ᠭᠤᠤᠯᠳᠠᠭᠤ ᠬᠡᠪ ᠤᠨ | ᠪᠤᠰᠤ ᠠᠮᠢᠳᠤᠷᠠᠯ ᠤᠨ ᠬᠡᠯᠪᠡᠷᠢ ᠠᠴᠠ ᠯᠡ ᠪᠤᠯᠳᠠᠭ᠂ ᠵᠢᠱᠢᠶᠡᠯᠡᠪᠡᠯ ᠠᠮᠠᠨ ᠬᠦᠨᠳᠡᠢ ᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠢᠶᠠᠨ | ᠠᠩᠬᠠᠷᠬᠤ ᠦᠭᠡᠢ ᠵᠢᠴᠢ ᠲᠠᠮᠠᠬᠢ ᠲᠠᠳᠠᠳᠠᠭ ᠵᠡᠷᠭᠡ ᠵᠠᠷᠢᠮ ᠬᠦᠮᠦᠰ ᠤᠨ ᠦᠵᠡᠬᠦ ᠪᠠᠷ᠂ ᠴᠢᠱᠦ᠋ᠢ ᠤᠤᠭᠤᠬᠤ ᠨᠢ | ᠰᠢᠳᠦ ᠶᠢ ᠭᠡᠮᠳᠦᠭᠡᠳᠡᠭ ᠭᠡᠳᠡᠭ᠃ ᠡᠩ ᠤᠨ ᠪᠠᠶᠢᠳᠠᠯ ᠲᠤᠤᠷᠠ᠂ ᠢᠰᠭᠡᠵᠦ ᠪᠤᠯᠬᠤ ᠨᠡᠭᠦᠷᠡᠰᠦ ᠤᠰᠤᠨ ᠤ | ᠨᠢᠭᠡᠳᠪᠤᠷᠢ ᠶᠢᠨ ᠢᠳᠡᠭᠡᠨ ᠨᠢ ᠠᠮᠠᠨ ᠬᠦᠨᠳᠡᠢ ᠲᠤᠳᠤᠷᠠ ᠤᠷᠳᠤ ᠴᠠᠭ ᠢᠶᠠᠷ ᠪᠠᠶᠢᠬᠤ ᠨᠢ ᠰᠢᠳᠦ | ᠬᠤᠷᠤᠬᠠᠢᠢᠳᠤᠬᠤ ᠶᠢᠨ ᠴᠢᠬᠤᠯᠠ ᠰᠢᠯᠳᠠᠭᠠᠨ ᠪᠤᠯᠤᠨᠠ᠃ ᠭᠡᠳᠡᠯᠠ ᠴᠢᠱᠦ᠋ᠢ ᠨᠢ ᠡᠩ ᠤᠨ ᠪᠠᠶᠢᠳᠠᠯ ᠲᠤᠤᠷᠠ ᠠᠮᠠᠨ | ᠬᠦᠨᠳᠡᠢ ᠳᠤ ᠤᠷᠤᠭᠰᠠᠨ ᠤ ᠲᠠᠷᠠᠭᠠ ᠲᠠᠷᠤᠢ ᠳᠤᠨᠢ ᠠᠯᠠᠭᠠ ᠪᠤᠯᠳᠠᠭ᠂ ᠠᠮᠠᠨ ᠬᠦᠨᠳᠡᠢ ᠲᠤᠳᠤᠷᠠ | ᠵᠤᠭᠰᠤᠩᠭᠤᠢᠢᠷᠠᠬᠤ ᠴᠠᠭ ᠨᠢ ᠮᠠᠰᠢ ᠤᠬᠤᠷ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠰᠢᠯᠢᠳᠡᠭ ᠰᠠᠶᠢᠨ ᠠᠮᠠᠨ ᠬᠦᠨᠳᠡᠢ ᠶᠢᠨ | ᠠᠷᠢᠭᠤᠨ ᠴᠡᠪᠡᠷ ᠤᠨ ᠲᠠᠳᠬᠠᠯ ᠪᠤᠯᠤᠨ ᠵᠦᠢ ᠵᠤᠬᠢᠰᠳᠠᠢ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠲᠠᠳᠬᠠᠯ ᠲᠠᠢ ᠪᠠᠶᠢᠬᠤ ᠤᠷᠢᠳᠠᠯ | ᠲᠤᠤᠷᠠ᠂ ᠲᠤᠬᠢᠷᠠᠮᠵᠢᠳᠠᠢ ᠦᠶᠡᠰ ᠲᠤᠨᠢ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠴᠢᠱᠦ᠋ᠢ ᠤᠤᠭᠤᠬᠤ ᠨᠢ ᠰᠢᠭᠤᠳ ᠰᠢᠳᠦ ᠶᠢ | ᠬᠤᠷᠤᠬᠠᠢᠢᠳᠤᠭᠤᠯᠬᠤ ᠦᠭᠡᠢ ᠶᠤᠮ᠃ | 6. ᠬᠡᠷᠬᠢᠪᠡᠯ ᠰᠠᠶ᠋ᠢ ᠰᠢᠳᠦᠨ ᠤ ᠡᠷᠡᠭᠦᠯ ᠴᠢᠬᠢᠷᠠᠭ ᠢ ᠪᠠᠳᠤᠯᠠᠵᠤ ᠴᠢᠳᠠᠬᠤ ᠪᠤᠢ ︖ 2009 ᠤᠨ | ᠳᠤ ᠨᠡᠶᠢᠳᠡᠯᠡᠭᠰᠡᠨ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠠᠮᠠᠨ ᠬᠦᠨᠳᠡᠢ ᠶᠢᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠤᠨ | ᠵᠦᠭᠯᠡᠭᠦᠷ︾ ᠲᠤ ᠴᠢᠬᠤᠯᠠᠴᠢᠯᠠᠭᠰᠠᠨ ᠢᠶᠠᠷ᠄ ᠡᠷᠳᠡ ᠤᠷᠤᠢ ᠰᠢᠳᠦ ᠪᠠᠨ ᠱᠤᠸᠠᠵᠠᠳᠠᠵᠤ᠂ ᠬᠤᠭᠤᠯᠠᠨ ᠤ ᠲᠠᠷᠠᠭᠠ | ᠠᠮᠠ ᠪᠠᠨ ᠵᠠᠶᠢᠯᠤᠨᠠ︔ ᠨᠢᠭᠡ ᠬᠦᠮᠦᠨ ᠨᠢᠭᠡ ᠱᠤᠸᠠᠵᠠ ᠨᠢᠭᠡ ᠯᠤᠩᠬᠤ︔ ᠰᠢᠳᠦᠨ ᠰᠢᠬᠢᠴᠢᠯᠡᠭᠦᠷ ᠢᠶᠠᠷ | ᠰᠢᠳᠦ ᠪᠠᠨ ᠴᠡᠪᠡᠷᠯᠡᠬᠦ ᠬᠠᠪᠰᠤᠷᠤᠭᠴᠢ ᠪᠤᠯᠭᠠᠬᠤ︔ ᠹᠯᠤᠷ ᠠᠭᠤᠯᠤᠭᠰᠠᠨ ᠰᠢᠳᠦᠨ ᠤ ᠬᠠᠨᠳᠠ ᠶᠢ ᠬᠡᠷᠡᠭᠯᠡᠵᠦ ᠰᠢᠳᠦ | ᠬᠤᠷᠤᠬᠠᠢᠢᠳᠤᠬᠤ ᠶᠢ ᠰᠡᠷᠭᠡᠶᠢᠯᠡᠨᠠ︔ ᠵᠢᠯ ᠪᠤᠯᠭᠠᠨ ᠠᠳᠠᠭ ᠲᠠᠭᠠᠨ ᠨᠢᠭᠡ ᠤᠳᠠᠭᠠ ᠠᠮᠠᠨ ᠬᠦᠨᠳᠡᠢ ᠶᠢᠨ | ᠪᠠᠶᠢᠴᠠᠭᠠᠯᠳᠠ ᠬᠢᠯᠭᠡᠬᠦ︔ ᠵᠢᠯ ᠪᠤᠯᠭᠠᠨ ᠰᠢᠳᠦ ᠪᠠᠨ ᠨᠢᠭᠡ ᠤᠳᠠᠭᠠ ᠤᠬᠢᠶᠠᠯᠭᠠᠬᠤ ᠵᠡᠷᠭᠡ᠃ | ᠢᠷᠡᠯᠳᠡ᠄ ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠡ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠤᠯᠠᠭᠠᠨᠴᠡᠴᠡᠭ | ᠲᠡᠪᠰᠢᠭᠦᠯᠦᠭᠰᠡᠨ ᠨᠢ᠄ ᠤᠶᠠᠩᠭᠠ |