| 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠡᠬᠢᠨ ᠢᠶᠠᠷ᠂ ᠮᠠᠨ ᠤ ᠤᠯᠤᠰ ᠭᠤᠷᠪᠠᠨ ᠵᠢᠯ ᠲᠠᠷᠠᠭᠠᠯᠠᠨ | ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠬ ᠲᠤᠬᠢᠶᠠᠯᠲᠤᠭᠰᠠᠨ ᠠᠴᠠ ᠠᠮᠤ ᠪᠤᠳᠠᠭᠠᠨ ᠤ ᠣᠨᠠᠯᠲᠠ ᠶᠡᠬᠡᠪᠡᠷ ᠬᠠᠰᠤᠬᠳᠠᠵᠤ᠂ ᠤᠯᠠᠨ | ᠭᠠᠵᠠᠷ ᠲᠤ ᠮᠦᠬᠦᠯᠢᠭ ᠬᠤᠷᠢᠶᠠᠯᠲᠠ ᠴᠦ ᠦᠭᠡᠢ ᠦᠯᠦᠰᠬᠦᠯᠡᠩ ᠭᠠᠴᠢᠬ ᠲᠤ ᠲᠠᠭᠠᠷᠢᠭᠳᠠᠵᠠᠢ᠃ ᠦᠯᠦᠰᠭᠦᠯᠡᠩ | ᠵᠤᠪᠠᠯᠠᠩ ᠬᠤᠲᠠ ᠬᠦᠳᠡᠭᠡ ᠶᠢ ᠴᠦᠯᠪᠡᠵᠦ᠂ ᠱᠠᠩᠬᠠᠢ ᠶᠢᠨ ᠬᠡᠦᠬᠡᠳ ᠤᠨ ᠠᠰᠠᠷᠠᠮᠵᠢ ᠶᠢᠨ ᠭᠠᠵᠠᠷ ᠲᠤ ᠤᠷᠤᠬᠤ ᠭᠡᠷ | ᠤᠭᠤᠴᠢᠬᠤ ᠠᠶᠠᠭᠠ ᠦᠭᠡᠢ ᠥᠨᠦᠴᠢᠨ ᠬᠡᠦᠬᠡᠳ ᠢᠶᠠᠷ ᠲᠦᠭᠦᠷᠴᠦ᠂ ᠬᠡᠯᠡ ᠳᠤ ᠤᠷᠤᠵᠦ ᠪᠠᠶᠢᠭᠠ ᠨᠢᠯᠬᠠ ᠠᠴᠠ | ᠦᠰᠪᠦᠷᠢ ᠶᠢᠨ ᠬᠡᠦᠬᠡᠳ ᠲᠤ ᠬᠦᠷᠳᠡᠯᠡ ᠡᠷᠡᠨ ᠤ ᠬᠤᠭᠤᠯᠠ ᠳᠠᠭᠠᠨ ᠴᠠᠳᠬᠤ ᠦᠬᠡᠢ ᠡᠴᠡᠩᠭᠡᠢ ᠲᠤᠷᠠᠩᠬᠠᠢ ᠪᠠᠶᠢᠵᠠᠢ | ᠃ ᠵᠸᠦ ᠡᠸ᠋ᠨ ᠯᠠᠢ ᠶᠡᠷᠦᠩᠬᠡᠢ ᠰᠠᠶᠢᠳ ᠪᠠᠶᠢᠳᠠᠯ ᠢ ᠤᠢᠢᠯᠠᠭᠠᠬᠰᠠᠨ ᠤ ᠲᠠᠷᠠᠭᠠ᠂ ᠲᠤᠬᠠᠢ ᠶᠢᠨ ᠦᠶ ᠡ ᠶᠢᠨ ᠥᠪᠦᠷ | ᠮᠣᠩᠭᠤᠯ ᠤᠨ ᠥᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠡᠷᠢᠭᠦᠯᠡᠭᠴᠢ ᠤᠯᠠᠭᠠᠨᠬᠦᠦ ᠨᠦᠬᠦᠷ ᠢ ᠡᠷᠢᠵᠥ᠂ ᠦᠪᠦᠷ | ᠮᠣᠩᠭᠤᠯ ᠠᠴᠠ ᠰᠦᠨ ᠲᠠᠯᠬ ᠠ ᠠᠪᠴᠢᠷᠠᠵᠦ ᠡᠨᠡᠬᠦ ᠪᠠᠴᠢᠮ ᠪᠠᠶᠢᠳᠠᠯ ᠢ ᠠᠷᠭᠠᠴᠠᠬᠤ ᠭᠡᠵᠦ ᠵᠦᠪᠳᠡᠯᠴᠡᠭᠦ ᠳᠤ | ᠤᠯᠠᠭᠠᠨᠬᠦᠦ ᠨᠦᠬᠦᠷ ᠲᠡᠷᠡ ᠲᠤᠤᠷᠠ ᠨᠢ ᠶᠡᠷᠦᠩᠬᠡᠢ ᠰᠠᠶᠢᠳ ᠤᠨ ᠱᠠᠭᠠᠷᠲᠠᠯᠭᠠ ᠶᠢ ᠬᠦᠯᠢᠶᠡᠭᠰᠡᠨ ᠮᠦᠷᠳᠡᠭᠡᠨ | ᠱᠠᠩᠬᠠᠢ ᠶᠢᠨ ᠨᠢᠭᠡ ᠪᠦᠯᠦᠭ ᠦᠨᠦᠴᠢᠨ ᠬᠡᠦᠬᠡᠳ ᠢ ᠥᠪᠦᠷ ᠮᠣᠩᠭᠤᠯ ᠳᠤ ᠠᠪᠴᠢᠷᠠᠨ ᠲᠡᠵᠢᠭᠡᠵᠦ ᠠᠰᠠᠭᠤᠲᠠᠯ ᠢ | ᠦᠨᠳᠦᠰᠦᠨ ᠠᠴᠠ ᠨᠢ ᠰᠢᠢᠳᠪᠦᠷᠢᠯᠡᠬᠦ ᠪᠠᠷ ᠪᠤᠯᠵᠠᠢ᠃ ᠢᠡᠭᠬᠢᠬᠡᠳ ᠯᠡ ᠦᠷᠭᠡᠨ ᠠᠭᠤᠳᠠᠮ ᠥᠪᠦᠷ ᠮᠣᠩᠭᠤᠯ ᠤᠨ | ᠲᠠᠯᠠ ᠨᠤᠲᠤᠭ 3 ᠵᠢᠯ ᠤᠨ ᠲᠤᠷᠰᠢ ᠱᠠᠩᠬᠠᠢ ᠶᠢᠨ 3000 ᠭᠠᠷᠤᠢ ᠥᠨᠦᠴᠢᠨ ᠭᠡᠦᠭᠡᠳ ᠢ ᠬᠠᠯᠠᠭᠤᠨ | ᠡᠯᠢᠬᠡᠨ ᠳᠡᠭᠡᠨ ᠪᠠᠭᠲᠠᠭᠠᠭᠰᠠᠨ ᠪᠠᠶᠢᠨᠠ᠃ | ᠦᠯᠪᠡᠷᠡᠵᠦ ᠴᠠᠩᠭᠠᠬᠤ ᠠᠶᠤᠯ ᠳᠤ ᠲᠤᠯᠭᠠᠷᠠᠭᠠᠳ ᠪᠠᠶᠢᠬᠰᠠᠨ ᠡᠳᠡᠭᠡᠷ ᠪᠤᠯᠪᠠᠷᠠᠢ ᠵᠢᠭᠠᠬᠠᠨ ᠭᠡᠦᠭᠡᠳ | ᠮᠣᠩᠭᠤᠯ ᠠᠪᠤ ᠡᠵᠢ ᠶᠢᠨ ᠠᠯᠠᠭ ᠦᠬᠡᠢ ᠬᠠᠶᠢᠷᠠ ᠪᠠᠷ ᠦᠰᠦᠨ ᠲᠤᠷᠨᠢᠵᠦ ᠮᠣᠩᠭᠤᠯ ᠨᠤᠲᠤᠭ ᠤᠨ ᠲᠠᠩᠰᠤᠭ | ᠪᠠᠶᠢᠭᠠᠯᠢ ᠳᠤ ᠢᠳᠡᠭᠡᠰᠢᠨ ᠲᠠᠰᠤᠭᠰᠠᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠦᠨᠦᠴᠢᠨ ᠭᠡᠦᠭᠡᠳ ᠦᠰᠭᠡᠵᠦ ᠲᠦᠷᠦᠬᠦᠯᠦᠭᠰᠡᠨ ᠠᠪᠤ | ᠡᠵᠢ ᠪᠠᠶᠢᠬᠤ ᠮᠦᠷᠳᠡᠭᠡᠨ᠂ ᠲᠠᠯᠠ ᠨᠤᠲᠤᠭ ᠢᠶᠠᠨ ᠰᠢᠭ᠋ ᠠᠭᠤᠲᠠᠮᠴᠢ ᠡᠨᠡᠷᠢᠩᠬᠦᠢ ᠮᠤᠩᠭᠤᠯ ᠠᠪᠤ ᠡᠵᠢ ᠲᠠᠢ ᠪᠤᠯᠵᠠᠢ᠃ | ᠲᠠᠳᠠ ᠦᠨᠳᠦᠰᠦᠳᠡᠨ ᠤ ᠪᠦᠯᠬᠦᠮᠳᠡᠯ ᠪᠠ ᠠᠭᠤᠤ ᠶᠡᠭᠡ ᠨᠦᠬᠦᠷᠯᠡᠯ ᠢ ᠭᠡᠷᠡᠴᠢᠯᠡᠵᠦ᠂ ᠡᠬᠡ ᠤᠯᠤᠰ ᠭᠡᠬᠦ ᠡᠨᠡᠬᠦ | ᠲᠤᠮᠤ ᠭᠡᠷ ᠪᠦᠯᠢ ᠶᠢᠨ ᠦᠷᠦᠴᠡᠨ ᠳᠤᠨᠢ ᠡᠷᠭᠡᠯᠡᠭᠰᠡᠨ ︽ᠤᠯᠤᠰ ᠤᠨ ᠬᠡᠦᠬᠡᠳ︾ ᠪᠤᠯᠵᠠᠢ᠃ | ᠰᠢᠨᠡ ᠡᠷᠡᠨ ᠳᠤ ᠠᠯᠬᠤᠨ ᠤᠷᠤᠭᠰᠠᠨ ᠠᠴᠠ ᠨᠠᠰᠢ ᠡᠳᠡᠭᠡᠷ ︽ᠤᠯᠤᠰ ᠤᠨ ᠬᠡᠦᠬᠡᠳ︾ ᠪᠤᠯᠤᠨ ᠮᠣᠩᠭᠤᠯ | ᠠᠪᠤ ᠡᠵᠢ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠲᠠᠯᠠ ᠨᠤᠲᠤᠭ ᠤᠨ ᠰᠠᠶᠢᠬᠠᠨ ᠦᠯᠢᠭᠡᠷ ᠨᠢᠬᠡ ᠠᠴᠠ ᠠᠷᠪᠠ ᠳᠤ᠂ ᠠᠷᠪᠠ ᠠᠴᠠ | ᠵᠠᠭᠤ ᠳᠤ ᠲᠠᠮᠵᠢᠬᠲᠠᠨ ᠦᠷᠭᠡᠨ ᠢᠶᠠᠷ ᠲᠡᠯᠭᠡᠷᠡᠭᠰᠡᠨ ᠪᠠᠶᠢᠨᠠ᠃ ᠡᠬᠦᠨ ᠤ ᠲᠤᠬᠠᠢ ᠤᠯᠠᠨ ᠮᠡᠳᠡᠭᠡ ᠴᠢᠮᠡᠭᠡᠯᠡᠯ ᠤᠨ | ᠲᠤᠲᠤᠷᠠ ᠮᠣᠩᠭᠤᠯ ᠡᠮᠡᠭᠲᠡᠢ ᠵᠤᠬᠢᠶᠠᠯᠴᠢ ᠰᠠᠷᠠᠨᠳᠤᠶᠠᠭᠠ ᠶᠢᠨ ᠪᠢᠴᠢᠭᠰᠡᠨ ᠪᠦᠬᠦ ᠦᠵᠡᠭᠳᠡᠯᠲᠦ ᠪᠠᠷᠢᠮᠲᠠᠲᠦ ᠤᠷᠠᠨ | ᠵᠤᠬᠢᠶᠠᠯ ︽ᠤᠯᠤᠰ ᠤᠨ ᠬᠡᠦᠬᠡᠳ︾ ᠤᠨ ᠨᠦᠯᠦᠭᠡ ᠬᠠᠮᠤᠭ ᠤᠨ ᠶᠡᠭᠡ ᠮᠦᠷᠳᠡᠭᠡᠨ ᠬᠤᠵᠢᠮ ᠨᠢ ᠲᠡᠬᠦᠨ ᠢ | ᠦᠷᠬᠦᠯᠵᠢᠯᠡᠭᠰᠡᠨ ᠲᠧᠯᠸᠢᠰ ᠵᠦᠴᠦᠭᠡ ᠪᠤᠯᠭᠠᠨ ᠲᠤᠬᠯᠠᠵᠠᠢ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠦᠨᠳᠦᠰᠦᠳᠡᠨ ᠤ ᠲᠠᠭᠤᠤ | ᠪᠦᠵᠢᠭ ᠵᠦᠴᠦᠭᠡ ᠶᠢᠨ ᠬᠦᠷᠢᠶᠡᠯᠡᠩ ᠪᠠᠰᠠ ᠡᠭᠦᠨ ᠢᠶᠠᠷ ᠡᠬᠡ ᠨᠤᠤᠷᠠᠭ ᠪᠤᠯᠭᠠᠨ᠂ ᠦᠵᠡᠭᠴᠢᠳ ᠲᠤ ᠠᠳᠠᠯᠢ | ᠨᠡᠷᠡᠲᠦ ᠶᠡᠷᠢᠶᠡᠳᠤ ᠵᠦᠴᠦᠭᠡ ᠶᠢ ᠵᠤᠬᠢᠶᠠᠨ ᠪᠦᠳᠦᠭᠡᠵᠦ ᠲᠤᠬᠯᠠᠬᠰᠠᠨ ᠪᠠᠶᠢᠨᠠ᠃ | ᠶᠡᠷᠢᠶᠡᠲᠦ ᠵᠦᠴᠦᠭᠡ ︽ᠤᠯᠤᠰ ᠤᠨ ᠭᠡᠤᠭᠡᠳ︾ ᠨᠢ ᠪᠠᠷᠢᠮᠲᠠᠲᠦ ᠤᠷᠠᠨ ᠵᠤᠬᠢᠶᠠᠯ ︽ᠤᠯᠤᠰ ᠤᠨ | ᠬᠡᠦᠬᠡᠳ︾ ᠬᠢᠭᠡᠳ ᠦᠷᠬᠦᠯᠵᠢᠯᠡᠭᠰᠡᠨ ᠲᠧᠯᠸᠢᠰ ᠵᠦᠴᠦᠭᠡ ︽ᠠᠮᠢᠨ ᠭᠤᠤᠯ︾ ᠲᠠᠢ ᠠᠳᠠᠯᠢ ᠪᠠᠷ ᠮᠦᠨ ᠴᠦ | ᠱᠠᠩᠬᠠᠢ ᠶᠢᠨ 3000 ᠦᠨᠦᠴᠢᠨ ᠬᠡᠦᠭᠡᠳ ᠢ ᠲᠠᠯᠠ ᠨᠤᠲᠤᠭ ᠲᠤ ᠦᠷᠡᠴᠢᠯᠡᠨ ᠲᠡᠵᠢᠭᠡᠭᠰᠡᠨ ᠲᠡᠦᠭᠡᠨ ᠪᠤᠳᠠᠳᠤ | ᠭᠡᠷᠡᠭ ᠲᠤ ᠰᠠᠭᠤᠷᠢᠯᠠᠵᠦ ᠵᠤᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠪᠠᠶᠢᠨᠠ᠃ ᠬᠡᠪᠡᠴᠦ᠂ ᠪᠠᠷᠢᠮᠲᠠᠲᠦ ᠤᠷᠠᠨ ᠵᠤᠬᠢᠶᠠᠯ ᠬᠢᠭᠡᠳ | ᠦᠷᠬᠦᠯᠵᠢᠯᠡᠭᠰᠡᠨ ᠲᠧᠯᠸᠢᠰ ᠵᠦᠴᠦᠭᠡ ᠨᠢᠬᠡᠨᠳᠡ ᠵᠤᠬᠢᠶᠠᠨ ᠪᠦᠲᠦᠭᠡᠭᠳᠡᠭᠰᠡᠨ ᠤ ᠲᠠᠷᠠᠭᠠ ᠶᠠᠷᠢᠶᠠᠲᠤ ᠵᠦᠴᠦᠭᠡ | ᠪᠤᠯᠭᠠᠨ ᠲᠤᠬᠯᠠᠬᠤ ᠳᠤ ᠬᠡᠷᠭᠢᠨ ᠦᠵᠡᠭᠴᠢᠳ ᠲᠤ ᠰᠢᠨᠡ ᠰᠤᠷᠭᠤᠭ ᠲᠦᠷᠦᠭᠳᠡᠯ ᠦᠭᠬᠦ ᠪᠤᠢ ᠭᠡᠳᠡᠭ ᠨᠢ ᠴᠢᠬᠤᠯᠠ | ᠠᠰᠠᠭᠤᠳᠠᠯ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ | ᠶᠠᠷᠢᠶᠠᠲᠤ ᠵᠦᠴᠦᠭᠡ ᠶᠢᠨ ᠨᠠᠶᠢᠷᠠᠭᠤᠯᠤᠬᠴᠢ ᠭᠡᠷᠡᠭ ᠶᠠᠪᠤᠳᠠᠯ ᠤᠨ ᠪᠦᠬᠦ ᠶᠠᠪᠤᠴᠠ ᠶᠢ ᠲᠡᠯᠭᠡᠨ ᠲᠤᠭᠠᠴᠢᠬᠰᠠᠨ | ᠪᠢᠰᠢ ᠬᠠᠷᠢᠨ ᠦᠨᠦᠴᠢᠨ ᠭᠡᠤᠭᠡᠳ ᠢ ᠦᠷᠡᠴᠢᠯᠡᠨ ᠲᠡᠵᠢᠭᠡᠭᠰᠡᠨ ᠨᠢᠭᠡᠨ ᠭᠡᠷ ᠪᠦᠯᠢ ᠶᠢᠨ ᠦᠯᠢᠭᠡᠷ ᠢ | ᠬᠠᠵᠠᠭᠤ ᠠᠴᠠ ᠨᠢ ᠲᠤᠭᠠᠴᠢᠵᠦ᠂ ᠤᠤᠭᠠᠨ ᠪᠠ ᠪᠠᠭᠠᠳᠦᠷ ᠡᠷ ᠡ ᠡᠮ ᠡ ᠬᠤᠶᠠᠷ ᠤᠨ ᠱᠠᠩᠬᠠᠢ ᠶᠢᠨ ᠦᠨᠦᠴᠢᠨ | ᠭᠡᠦᠭᠡᠳ ᠦᠨᠳᠦᠰᠦ ᠶᠢ ᠦᠷᠡᠴᠢᠯᠡᠨ ᠲᠡᠵᠢᠭᠡᠭᠰᠡᠨ ᠪᠠ ᠦᠨᠳᠦᠰᠦ ᠶᠢᠨ ᠦᠰᠦᠨ ᠪᠤᠶᠢᠵᠢᠬᠰᠠᠨ ᠶᠠᠪᠤᠴᠠ ᠳᠠᠬᠢ | ᠦᠯᠢᠭᠡᠷ ᠨᠦᠭᠦᠳ ᠢ ᠲᠤᠬᠯᠠᠨ ᠦᠵᠡᠬᠦᠯᠵᠦ᠂ ᠬᠡᠰᠡᠭ ᠲᠠᠯ ᠠ ᠪᠠᠷ ᠪᠦᠬᠦ ᠲᠠᠯ ᠠ ᠶᠢ ᠲᠤᠰᠬᠠᠬᠤ ᠠᠷᠭᠠ ᠪᠠᠷᠢᠯ ᠢᠶᠠᠷ | ᠨᠠᠮ ᠲᠦᠷᠦ ᠶᠢᠨ ᠬᠠᠶᠢᠷᠠ ᠬᠠᠯᠠᠮᠵᠢ᠂ ᠦᠷᠦᠪᠴᠢ ᠵᠦᠬᠡᠯᠡᠨ ᠠᠭᠤᠲᠠᠮᠴᠢ ᠡᠨᠡᠷᠢᠩᠬᠦᠢ ᠮᠤᠩᠭᠤᠯ ᠬᠦᠮᠦᠨ ᠤ | ᠲᠦᠷᠢ ᠶᠢ ᠱᠤᠭᠤᠵᠦ᠂ ᠤᠷᠠᠨ ᠨᠠᠷᠢᠨ ᠵᠤᠬᠢᠶᠠᠮᠵᠢ ᠪᠠ ᠵᠦᠴᠦᠬᠡᠯᠢᠭ ᠦᠯᠢᠭᠡᠷᠯᠢᠭ ᠦᠢᠯᠡ ᠶᠠᠪᠤᠲᠠᠯ ᠢᠶᠠᠷ ᠪᠦᠬᠦ | ᠵᠦᠴᠦᠭᠡ ᠪᠠᠨ ᠭᠡᠯᠭᠢᠭᠰᠡᠨ ᠠᠴᠠ ᠦᠵᠡᠭᠴᠢᠳ ᠲᠤ ᠲᠤᠬᠠᠢ ᠶᠢᠨ ᠲᠠᠯᠠᠪᠤᠷ ᠲᠤ ᠬᠦᠷᠦᠭᠰᠡᠨ ᠶᠤᠮ ᠰᠢᠭ᠋ ᠰᠠᠶᠢᠬᠠᠨ | ᠲᠦᠷᠦᠭᠳᠡᠯ ᠦᠭᠬᠦᠭᠰᠡᠨ ᠪᠠᠶᠢᠨᠠ᠃ | ᠪᠠᠷᠢᠮᠲᠠᠲᠦ ᠤᠷᠠᠨ ᠵᠤᠬᠢᠶᠠᠯ ᠪᠤᠯ ᠦᠰᠦᠭ ᠪᠢᠴᠢᠭ ᠢᠶᠠᠷ ᠭᠤᠤᠯ ᠪᠠᠭᠠᠲᠤᠷ ᠤᠨ ᠢᠶᠠᠨ ᠲᠤᠳᠤᠭᠠᠳᠤ ᠰᠡᠳᠬᠢᠯ ᠢ | ᠴᠢᠯᠦᠭᠡᠲᠠᠢ ᠲᠤᠰᠬᠠᠲᠠᠭ᠂ ᠦᠷᠬᠦᠯᠵᠢᠯᠡᠭᠰᠡᠨ ᠲᠧᠯᠸᠢᠰ ᠵᠦᠴᠦᠭᠡ ᠨᠢ ᠰᠡᠳᠬᠢᠯ ᠬᠦᠳᠡᠯᠭᠡᠮᠡ ᠵᠢᠷᠤᠭ ᠰᠡᠬᠦᠳᠡᠷ ᠢᠶᠠᠷ | ᠬᠦᠮᠦᠰ ᠤᠨ ᠡᠳᠦᠷ ᠲᠤᠳᠤᠮ ᠤᠨ ᠠᠮᠢᠳᠤᠷᠠᠯ ᠢ ᠬᠠᠷᠠᠭᠤᠯᠵᠤ ᠴᠢᠳᠠᠳᠠᠭ᠃ ᠡᠬᠦᠨ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠶᠠᠷᠢᠶᠠᠲᠤ | ᠵᠦᠴᠦᠭᠡ ᠶᠢᠨ ᠬᠢᠵᠠᠭᠠᠷᠳᠠᠮᠠᠯ ᠴᠢᠨᠠᠷ ᠲᠤᠪᠤᠶᠢᠵᠦ ᠭᠠᠷᠴᠦ ᠢᠷᠡᠳᠡᠭ᠄ ᠵᠦᠪᠬᠡᠨ ᠬᠤᠶᠠᠷ ᠴᠠᠭ ᠭᠠᠷᠤᠢ ᠶᠢᠨ | ᠬᠤᠭᠤᠴᠠᠭᠠᠨ ᠳᠠᠬᠢ ᠬᠤᠶᠠᠷ ᠭᠤᠷᠪᠠᠭ᠋ᠠᠨ ᠦᠵᠡᠭᠳᠡᠯ ᠢᠶᠠᠷ ᠭᠤᠤᠯ ᠪᠠᠭᠠᠲᠤᠷ ᠤᠨ ᠢᠶᠠᠨ ᠪᠡᠶᠡᠴᠢ ᠲᠦᠷᠦᠭᠳᠡᠯ ᠢ | ᠢᠯᠡᠳᠭᠡᠬᠦ ᠭᠡᠭᠴᠢ ᠨᠢ ᠬᠢᠯᠪᠠᠷ ᠪᠤᠰᠤ᠃ ᠡᠳᠡᠭᠡᠷ ᠬᠢᠵᠠᠭᠠᠷᠳᠠᠮᠠᠯ ᠴᠢᠨᠠᠷ ᠢ ᠶᠠᠭᠠᠬᠢᠵᠦ ᠢᠯᠠᠬᠤ ᠪᠤᠢ ᠭᠡᠳᠡᠭ ᠨᠢ | ᠤᠳᠤᠷᠢᠳᠤᠭᠠᠴᠢ ᠪᠠ ᠲᠤᠬᠯᠠᠬᠴᠢ ᠶᠢᠨ ᠤᠷᠠ ᠴᠢᠲᠠᠯ ᠢ ᠰᠢᠯᠭᠠᠭᠰᠠᠨ ᠠᠵᠦ ᠪᠠᠶᠢᠵᠠᠢ᠃ | ᠵᠠᠩ ᠵᠦᠷᠢᠭᠦᠳ ᠪᠤᠯᠪᠠᠴᠤ ᠰᠡᠳᠬᠢᠯ ᠴᠠᠶᠢᠯᠭᠠᠨ ᠪᠠᠭᠠᠳᠤᠷ ᠠᠪᠤ᠂ ᠦᠨᠡᠨᠴᠢ ᠰᠢᠲᠤᠷᠭᠤ ᠬᠤᠸᠠᠷᠠᠭ ᠲᠡᠯᠭᠡᠷ᠂ | ᠠᠰᠠᠷᠠᠮᠵᠢ ᠶᠢᠨ ᠬᠦᠷᠢᠶᠡᠯᠡᠩ ᠤᠨ ᠡᠷᠡᠰ ᠵᠤᠷᠢᠮᠠᠭ ᠵᠠᠩ ᠲᠠᠢ ᠲᠡᠳ᠋ ᠲᠠᠷᠤᠭᠠ ᠮᠧᠩ ᠬᠤᠸᠠ ᠪᠠ ᠠᠰᠪᠤᠷᠢ ᠴᠠᠶᠢᠯᠭᠠᠨ | ᠵᠠᠩ ᠲᠠᠢ ᠠᠰᠠᠷᠠᠬᠴᠢ ᠬᠤᠩ ᠶᠠᠨ᠂ ᠠᠯᠢᠶ ᠠ ᠲᠡᠭᠵᠢᠨ ᠪᠤᠯᠪᠠᠴᠦ ᠤᠴᠢᠷ ᠶᠠᠪᠤᠲᠠᠯ ᠢ ᠲᠤᠩᠭᠠᠵᠦ ᠪᠤᠲᠤᠲᠠᠭ | ᠲᠠᠯᠠᠬᠠᠨ ᠁ ᠶᠠᠷᠢᠶᠠᠳᠤ ᠵᠦᠴᠦᠭᠡ ᠶᠢᠨ ᠲᠤᠬᠯᠠᠬᠴᠢᠳ ᠶᠡᠷᠦ ᠪᠤᠰᠤ ᠶᠢᠨ ᠤᠷᠠ ᠠᠪᠢᠶᠠᠰ ᠢᠶᠠᠷ ᠢᠶᠠᠨ ᠠᠳᠠᠯᠢ | ᠪᠤᠰᠤ ᠶᠢᠨ ᠲᠦᠷᠢ ᠨᠦᠭᠦᠳ ᠢ ᠠᠮᠢᠳᠤᠯᠢᠭ ᠰᠠᠶᠢᠬᠠᠨ ᠲᠤᠭᠯᠠᠵᠤ ᠪᠠᠶᠢᠯᠠ᠃ ᠢᠯᠠᠩᠭᠤᠶᠠ᠂ ᠦᠨᠲᠦᠰᠦ ᠶᠢ | ᠦᠷᠡᠴᠢᠯᠡᠨ ᠲᠡᠵᠢᠬᠡᠭᠰᠡᠨ ᠮᠤᠩᠭᠤᠯ ᠡᠵᠢ ᠶᠢᠨ ᠠᠵᠢᠯᠴᠢ ᠪᠤᠷᠤᠬᠵᠢᠭᠤᠨ᠂ ᠡᠶᠡᠪᠡᠷᠬᠦ ᠵᠦᠭᠡᠯᠡᠨ ᠵᠠᠩ ᠴᠢᠨᠠᠷ ᠢ | ᠠᠮᠢᠳᠤᠯᠢᠭ ᠪᠦᠳᠦᠭᠡᠨ᠂ ᠦᠷᠡ ᠪᠠᠨ ᠭᠡᠰᠡᠨ ᠡᠬᠡ ᠬᠦᠮᠦᠨ ᠤ ᠰᠡᠳᠬᠢᠯ ᠤᠨ ᠬᠦᠳᠡᠯᠭᠡᠭᠡᠨ ᠢ ᠨᠠᠷᠢᠯᠢᠭ ᠰᠠᠶᠢᠬᠠᠨ | ᠢᠯᠡᠷᠡᠬᠦᠯᠦᠭᠰᠡᠨ ᠪᠠᠶᠢᠨᠠ᠃ ᠪᠠᠰᠠ᠂ ᠦᠰᠭᠡᠵᠦ ᠲᠦᠷᠦᠬᠦᠯᠦᠭᠰᠡᠨ ᠠᠪᠤ ᠡᠵᠢ ᠪᠠᠨ ᠰᠠᠨᠠᠵᠤ ᠮᠦᠷᠦᠭᠡᠳᠴᠦ | ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠦᠷᠡᠴᠢᠯᠡᠨ ᠲᠡᠵᠢᠭᠡᠵᠦ᠂ ᠦᠷᠡ ᠪᠠᠨ ᠭᠡᠵᠦ ᠠᠯᠠᠭ ᠦᠬᠡᠢ ᠬᠠᠶᠢᠷᠠᠯᠠᠲᠠᠭ ᠮᠤᠩᠭᠤᠯ ᠠᠪᠤ | ᠡᠵᠢ ᠪᠠᠨ ᠨᠡᠩ ᠬᠠᠶᠢᠷᠠᠯᠠᠨ ᠬᠦᠨᠲᠦᠳᠭᠡᠬᠦ ᠪᠤᠯᠤᠬᠰᠠᠨ ᠦᠨᠳᠦᠰᠦ ᠶᠢᠨ ᠰᠡᠳᠬᠢᠯ ᠤᠨ ᠬᠤᠪᠢᠷᠠᠯᠲᠠ ᠶᠢ ᠠᠮᠵᠢᠯᠲᠠᠲᠠᠢ | ᠲᠤᠬᠯᠠᠵᠤ᠂ ᠭᠤᠤᠯ ᠪᠠᠭᠠᠲᠤᠷ ᠤᠨ ᠢᠶᠠᠨ ᠤᠶᠠᠨ ᠬᠠᠲᠠᠨ ᠵᠠᠩ ᠴᠢᠨᠠᠷ ᠪᠠ ᠠᠴᠢᠯᠠᠯ ᠡᠯᠪᠠᠷᠢᠯᠲᠦ ᠵᠠᠩ ᠴᠢᠨᠠᠷ ᠤᠨ | ᠤᠨᠴᠠᠯᠢᠭ ᠢ ᠰᠠᠶᠢᠬᠠᠨ ᠢᠯᠡᠷᠡᠬᠦᠯᠪᠡ᠃ ᠡᠳᠡᠭᠡᠷ ᠠᠮᠢᠲᠤᠯᠢᠭ ᠪᠤᠲᠠᠲᠠᠢ ᠲᠦᠷᠢ ᠲᠠᠶᠢᠰᠠᠨ ᠤ ᠤᠷᠠᠯᠢᠭ ᠢᠶᠠᠷ ᠲᠠᠮᠵᠢᠨ᠂ | ᠯᠤᠲᠤ ᠶᠡᠭᠡ ᠤᠷᠠᠯᠢᠬ ᠤᠨ ᠨᠦᠯᠦᠭᠡᠯᠡᠬᠦ ᠬᠦᠴᠦᠨ ᠪᠤᠯᠵᠤ ᠦᠷᠭᠡᠨ ᠤᠯᠠᠨ ᠦᠵᠡᠭᠴᠢᠳ ᠤᠨ ᠲᠠᠭᠠᠰᠢᠶᠠᠯ | ᠬᠦᠷᠢᠶᠡᠯᠡᠯ ᠢ ᠤᠯᠤᠬᠰᠠᠨ ᠪᠠᠶᠢᠨᠠ᠃ | ︽ᠨᠠᠷᠠ ᠦᠭᠡᠢ ᠡᠳᠦᠷ ᠪᠦᠷᠭᠦᠭ᠂ ᠰᠠᠷᠠ ᠦᠭᠡᠢ ᠰᠦᠨᠢ ᠬᠠᠷᠠᠩᠭᠤᠢ᠃ ᠠᠪᠤ ᠡᠵᠢ ᠬᠤᠶᠠᠷ ᠪᠤᠯ ᠦᠷ ᠡ | ᠬᠡᠦᠬᠡᠳ ᠤᠨ ᠢᠶᠠᠨ ᠨᠠᠷᠠᠨ ᠰᠠᠷᠠᠨ ᠪᠢᠯᠡ︕ ᠠᠪᠤ ᠡᠵᠢ ᠮᠢᠨᠢ ᠨᠡᠮᠡ ᠶᠢ ᠡᠷᠢᠵᠦ ᠦᠩᠭᠡᠷᠡᠭᠰᠡᠨ ᠤᠤ︖ ᠡᠮᠦᠨᠡᠲᠦ | ᠤᠷᠤᠨ ᠳᠤ ᠢᠷᠡᠬᠦ ᠵᠠᠮ ᠳᠠᠭᠠᠨ ᠪᠢ ᠮᠦᠨ ᠲᠠ ᠨᠠᠷ ᠲᠤ ᠭᠤᠮᠤᠳᠠᠵᠤ ᠪᠠᠶᠢᠬᠰᠠᠨ᠂ ᠭᠡᠳᠡᠯ ᠡ ᠤᠳᠤ ᠡᠨᠡ | ᠠᠰᠠᠭᠤᠳᠠᠯ ᠨᠢᠭᠡᠨᠲᠡ ᠴᠢᠬᠤᠯᠠ ᠪᠢᠰᠢ ᠪᠤᠯᠤᠬᠰᠠᠨ᠂ ᠪᠢ ᠮᠤᠩᠭᠤᠯ ᠠᠪᠤ ᠡᠵᠢ ᠲᠠᠢ᠃ ᠮᠢᠨᠦ ᠲᠦᠷᠦᠭᠰᠡᠨ ᠠᠪᠤ ᠡᠵᠢ | ᠬᠦᠦ ᠪᠠᠨ ᠯᠠᠪᠲᠠᠢ ᠰᠠᠨᠠᠵᠦ ᠪᠠᠶᠢᠨᠠ ᠭᠡᠳᠡᠭ ᠲᠤ ᠪᠢ ᠢᠳᠡᠭᠡᠵᠦ ᠪᠠᠶᠢᠨᠠ︾ ᠭᠡᠵᠦ ᠦᠨᠲᠦᠰᠦ ᠶᠢᠨ ᠲᠤᠲᠤᠭᠠᠲᠦ | ᠰᠡᠳᠬᠢᠯ ᠤᠨ ᠰᠢᠪᠡᠨᠡᠯ ᠢ ᠲᠠᠶᠢᠯᠪᠦᠷᠢᠯᠠᠬᠰᠠᠨ ᠪᠠᠶᠢᠨᠠ᠃ ᠡᠶᠢᠨᠬᠦ ᠲᠠᠯᠠ ᠨᠤᠲᠤᠭ ᠤᠨ ᠠᠪᠤ ᠡᠵᠢ ᠶᠢᠨ ᠬᠠᠶᠢᠷᠠ | ᠭᠠᠵᠠᠷ ᠵᠦᠢ ᠪᠠ ᠦᠨᠲᠦᠰᠦᠳᠡᠨ ᠶᠠᠰᠤᠲᠠᠨ ᠤ ᠢᠯᠭᠠᠭᠠ ᠶᠢ ᠲᠠᠪᠠᠲᠠᠭ ᠭᠡᠳᠡᠭ ᠢ ᠲᠡᠷᠡ ᠮᠡᠳᠡᠷᠡᠭᠰᠡᠨ ᠪᠠᠶᠢᠨᠠ᠃ | ᠢᠷᠡᠯᠳᠠ᠄ ᠲᠤᠮᠳᠠᠳᠦ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠠ | ᠲᠡᠪᠰᠢᠭᠦᠯᠦᠭᠰᠡᠨ ᠨᠢ᠄ ᠤᠶᠠᠬᠠᠨ | |