| ᠲᠡᠮᠡᠭᠡᠨ ᠤ ᠬᠤᠯᠪᠤᠭᠠ | ᠲᠡᠮᠡᠭᠡ ᠲᠡᠮᠡᠭᠡ ᠲᠦᠮᠡᠨ ᠯᠠᠩ | ᠲᠡᠮᠡᠭᠡᠨ ᠤ ᠬᠤᠯᠪᠤᠭᠠ ᠮᠢᠩᠭᠠᠨ ᠯᠠᠩ | ᠷᠢᠨ᠊᠂ ᠰᠤᠤᠨᠨᠠᠮ | ᠲᠡᠮᠡᠭᠡ ᠲᠡᠮᠡᠭᠡ ᠭᠡᠳᠡᠭ ᠴᠢᠨᠢ ᠪᠤᠯ | ᠲᠡᠭᠷᠢ ᠶᠢᠨ ᠠᠮᠢᠲᠠᠨ ᠤ ᠨᠢᠭᠡ ᠶᠤᠮ ᠰᠢᠦ | ᠲᠡᠩᠬᠡᠬᠡ ᠲᠠᠮᠢᠷ ᠢ ᠨᠢ ᠬᠡᠯᠡᠬᠦ ᠶᠤᠮ ᠪᠤᠯ | ᠲᠡᠷᠭᠡ ᠮᠠᠰᠢᠨ ᠠᠴᠠ ᠴᠢᠨᠢ ᠳᠤᠲᠠᠬᠤ ᠦᠭᠡᠢ ᠰᠢᠦ | | ᠲᠡᠮᠡᠭᠡᠨ ᠰᠦᠷᠦᠭ ᠤᠨ ᠳᠤᠲᠤᠷᠠ ᠪᠠᠨ ᠪᠤᠯ | ᠲᠡᠩᠬᠡᠶᠢᠭᠰᠡᠨ ᠠᠨᠳᠠ ᠨᠤᠭᠤᠳ ᠠᠪᠤᠷᠭᠤ ᠨᠢ ᠰᠢᠦ | ᠲᠡᠰᠪᠦᠷᠢ ᠳᠠᠭᠠᠭᠠᠴᠠ ᠶᠢ ᠨᠢ ᠶᠠᠷᠢᠬᠤ ᠶᠤᠮ ᠪᠤᠯ | ᠲᠡᠭᠦᠨ ᠲᠠᠢ ᠲᠡᠩᠴᠡᠬᠦ ᠮᠠᠯ ᠦᠭᠡᠢ ᠰᠢᠦ | | ᠭᠠᠯ ᠤᠨ ᠰᠤᠷ ᠰᠢᠭ᠋ᠢᠯᠴᠢᠲᠠᠢ ᠳ᠋ᠠ | ᠰᠢᠯᠢ ᠪᠠᠨ ᠬᠠᠨᠲᠠᠷᠠᠭᠰᠠᠨ ᠵᠢᠪᠬᠤᠭᠠ ᠲᠠᠢ | ᠭᠠᠯᠪᠠ ᠶᠢᠨ ᠲᠤᠭᠤᠰᠣ ᠴᠤ ᠬᠦᠷᠦᠭᠡ ᠦᠭᠡᠢ ᠰᠢᠭ | ᠭᠠᠩᠭᠠᠩ ᠠᠮᠢᠲᠠᠨ ᠪᠤᠯ ᠲᠡᠮᠡᠭᠡ ᠰᠢᠦ | ᠬᠠᠴᠠᠷ ᠬᠤᠩᠰᠢᠶᠠᠷ ᠨᠡᠶᠢᠯᠡᠭᠦᠯᠲᠡᠭ | ᠡᠷᠬᠡ ᠬᠦᠭᠡᠷᠦᠬᠦᠨ ᠡᠩᠬᠦᠷᠡᠢ ᠰᠢᠦ | ᠬᠠᠶᠢᠳᠠᠭ ᠰᠠᠭᠠᠳᠠᠭ ᠵᠠᠩ ᠦᠢᠯᠡ ᠲᠠᠢ | ᠬᠠᠶᠢᠷᠠ ᠶᠢᠨ ᠪᠦᠩ ᠪᠦᠩ ᠪᠦᠪᠡᠢ ᠰᠢᠦ | | ᠪᠤᠷᠠᠨᠳᠠᠭ ᠢᠶᠠᠨ ᠳᠠᠭᠠᠭᠠᠤᠨ ᠪᠦᠮᠪᠦᠷᠢᠬᠦ ᠳᠡᠭᠡᠨ ᠴᠤ | ᠪᠤᠭᠤ ᠠᠴᠠ ᠡᠪᠡᠷ ᠢᠶᠠᠨ ※ ᠨᠡᠬᠡᠭᠡ ᠦᠭᠡᠢ ᠳ᠋ᠠ | ᠡᠵᠡᠨ ᠳᠡᠭᠡᠨ ᠵᠤᠭᠳᠤᠷ ᠢᠶᠠᠨ ᠳᠡᠪᠢᠰᠦᠭᠡ ᠭᠡᠳᠡᠭ | ᠡᠭᠡᠯᠢᠲᠡᠢ ᠮᠠᠯ ᠪᠤᠯ ᠲᠡᠮᠡᠭᠡ ᠰᠢᠦ | | ᠰᠡᠷᠭᠡᠭ ᠬᠤᠯᠤᠭᠠᠨᠠ ᠶᠢᠨ ᠴᠢᠬᠢ ᠲᠠᠢ ᠳ᠋ᠠ | ᠰᠠᠷᠯᠤᠭ ᠦᠬᠡᠷ ᠤᠨ ᠰᠡᠭᠡᠷ ᠲᠠᠢ ᠳ᠋ᠠ | ᠲᠤᠭᠰᠢᠨ ᠪᠠᠷᠰ ᠤᠨ ᠬᠢᠮᠤᠰᠤ ᠲᠠᠢ ᠳ᠋ᠠ | ᠳᠠᠨᠵᠢᠨ ᠲᠠᠤᠯᠠᠢ ᠶᠢᠨ ᠬᠠᠮᠠᠷ ᠲᠠᠢ ᠳ᠋ᠠ | | ᠠᠯᠲᠠᠨ ᠯᠤᠤ ᠶᠢᠨ ᠬᠦᠵᠦᠬᠦᠦ ᠲᠠᠢ ᠳ᠋ᠠ | ᠠᠪᠤᠷᠭᠤ ᠮᠤᠭᠠᠢ ᠶᠢᠨ ᠨᠢᠳᠦ ᠲᠠᠢ ᠳ᠋ᠠ | ᠮᠤᠷᠢᠨ ᠤ ᠲᠠᠷᠭᠤᠨ ᠬᠤᠨᠳᠤᠯᠠᠢ ᠲᠠᠢ | ᠬᠤᠨᠢᠨ ᠤ ᠲᠤᠷᠠᠭᠠᠨ ᠨᠤᠤᠰᠤ ᠲᠠᠢ ᠳ᠋ᠠ | | ᠮᠡᠷᠭᠡᠨ ᠮᠠᠴᠢᠨ ᠤ ᠭᠤᠶᠠ ᠲᠠᠢ ᠳ᠋ᠠ | ᠮᠡᠳᠡᠭᠡᠴᠢᠨ ᠲᠠᠬᠢᠶᠠᠨ ᠤ ᠦᠷᠪᠡᠯᠭᠡ ᠲᠠᠢ ᠳ᠋ᠠ | ᠪᠤᠰᠢᠭᠤ ᠨᠤᠬᠠᠢ ᠶᠢᠨ ᠪᠤᠷᠪᠢ ᠲᠠᠢ ᠳ᠋ᠠ | ᠪᠤᠳᠤᠩ ᠭᠠᠭ᠋ᠠᠢ ᠶᠢᠨ ᠰᠡᠭᠦᠯ ᠲᠠᠢ ᠳ᠋ᠠ | | ᠠᠷᠪᠠᠨ ᠬᠤᠶᠠᠷ ᠵᠢᠯ ᠳᠤ ᠤᠷᠤᠳᠠᠭ | ᠠᠮᠢᠳᠠᠨ ᠤ ᠤᠨᠴᠠᠯᠢᠭ ᠳᠦᠷᠢ ᠰᠢᠨᠵᠢ ᠶᠢ | ᠲᠡᠭᠷᠢᠯᠢᠭ ᠪᠡᠶᠡᠨ ᠳᠡᠭᠡᠨ ᠪᠦᠷᠢᠯᠳᠦᠭᠦᠯᠦᠭᠰᠡᠨ | ᠲᠡᠮᠦᠵᠢᠨ ᠤ ᠱᠠᠷᠢᠯ ᠤᠨ ᠰᠠᠬᠢᠭᠤᠰᠤ ᠰᠢᠦ | | ᠦᠨᠡᠰᠦᠨ ᠳᠡᠭᠡᠭᠦᠷ ᠬᠦᠷᠪᠡᠭᠡᠦᠨ | ᠬᠤᠪᠢᠯᠵᠠ ᠱᠠᠯᠵᠠ ᠪᠠᠨ ᠠᠷᠢᠯᠭᠠᠴᠢᠬᠠᠳᠠᠭ | ᠡᠪᠡᠦᠨᠴᠢᠨ ᠲᠠᠬᠤᠯ ᠳᠤ ᠴᠤ ᠠᠪᠲᠠᠳᠠᠭ ᠦᠭᠡᠢ | ᠦᠢᠯᠡᠰ ᠤᠨ ᠮᠢᠨᠢ ᠳᠠᠶᠢᠴᠢᠨ ᠬᠠᠨᠢ ᠶᠤᠮᠰᠢᠦ | | ᠲᠡᠷᠭᠡ ᠴᠢᠷᠭᠠ ᠶᠢᠨ ᠨᠡᠭᠦᠳᠡᠯ ᠳᠡᠭᠡᠨ | 《ᠠᠷᠠᠯ ᠤᠨ ᠱᠠᠷ》 ᠤᠨ ᠵᠢᠦᠨᠬᠦᠭᠡᠨ ᠲᠠᠢ | ᠲᠡᠭᠡᠭᠡᠪᠦᠷᠢ ᠵᠦᠭᠡᠭᠡᠪᠦᠷᠢ ᠪᠠᠷ ᠪᠠᠷᠠᠨᠠ ᠤᠤ ᠳ᠋ᠠ | ᠲᠡᠮᠡᠭᠡᠨ ᠪᠦᠮᠪᠦᠭᠡ ᠶᠢᠨ ᠨᠠᠭᠠᠳᠤᠮ ᠲᠠᠢ | | 〈 ᠵᠢᠹᠦ᠋〉〈 ᠵᠢᠷᠭᠢᠭᠡ〉〈 ᠨᠢᠰᠭᠡᠭᠡ 〉 ᠭᠡᠬᠦ | ᠨᠤᠳᠤᠭ ᠤᠰᠤᠨ ᠤ ᠴᠤᠯᠠ ᠲᠠᠢ ᠳ᠋ᠠ | ᠵᠡᠭᠡᠷᠡ ᠶᠢ ᠳᠠᠭᠠᠷᠢᠮᠠ ᠬᠤᠷᠳᠤ ᠪᠠᠷ ᠢᠶᠠᠨ | ᠵᠠᠯᠠ ᠶᠢᠨ ᠨᠠᠶᠢᠷ ※ ᠤᠨ ᠱᠠᠩ ᠲᠠᠢ ᠳ᠋ᠠ | | ᠪᠦᠳᠦᠭᠦᠨ ᠠᠲᠠ ᠪᠠᠨ ᠤᠨᠤᠭᠠᠤᠨ ᠭᠠᠷᠪᠠᠯ | ᠪᠦᠲᠦᠬᠦ ᠦᠭᠡᠢ ᠠᠵᠦ ᠭᠡᠵᠦ ᠪᠠᠶᠢᠨᠠ ᠤᠤ ᠳ᠋ᠠ | ᠪᠤᠲᠤᠭᠤ ᠲᠤᠷᠤᠮ ᠤᠨ ᠲᠤᠭᠯᠠᠭᠠᠨ ᠳᠤᠨᠢ ᠴᠣ᠋ | ᠪᠦᠭᠦᠳᠡ ᠶᠢᠨ ᠬᠡᠶᠢᠮᠤᠷᠢ ᠰᠡᠷᠭᠦᠨᠡ ᠰᠢᠦ︕ | | ᠲᠡᠪᠡᠷᠡᠵᠦ ᠲᠡᠪᠰᠡᠬᠦ ᠬᠤᠤᠷ ᠦᠭᠡᠢ ᠳ᠋ᠠ | ᠲᠡᠪᠡᠴᠡᠵᠦ ᠲᠤᠶᠢᠯᠠᠬᠤ ᠢᠷᠸᠠ ᠦᠭᠡᠢ ᠳ᠋ᠠ | ᠳᠠᠭᠠᠷᠢᠵᠦ ᠲᠡᠶᠢᠷᠳᠡᠭ ᠦᠭᠡᠢ ᠰᠤᠷᠭᠠᠯ ᠲᠠᠢ | ᠳᠠᠭᠠᠭᠠᠳᠠᠭ ᠨᠤᠮᠤᠬᠠᠨ ᠲᠡᠮᠡᠭᠡ ᠨᠤᠭᠤᠳ ᠮᠢᠨᠢ | | ᠠᠯᠤᠰ ᠤᠨ ᠠᠶᠠᠨ ᠠᠴᠠ ᠬᠠᠰᠢᠷᠠᠭᠠ ᠦᠭᠡᠢ | ᠡᠯᠡᠰᠦᠨ ᠴᠦᠯ ᠤᠨ ᠤᠩᠭᠤᠴᠠ ᠰᠢᠦ | ᠠᠴᠢᠶᠠᠨ ᠤ ᠬᠦᠨᠳᠦ ᠶᠢ ᠲᠤᠭᠤᠳᠠᠭ ᠴᠣ᠋ ᠦᠭᠡᠢ | 《ᠲᠤᠷᠠᠭᠠᠨ ᠤ ᠵᠠᠮ》 ᠤᠨ ᠵᠠᠪᠢ ᠨᠤᠭᠤᠳ ᠰᠢᠦ | | ᠪᠠᠷᠬᠢᠷᠠᠵᠦ ᠰᠡᠪᠡᠰᠦᠯᠡᠬᠦ ᠵᠠᠩ ᠦᠭᠡᠢ ᠳ᠋ᠠ | ᠪᠤᠷᠠᠨᠳᠠᠭ ᠢᠶᠠᠨ ᠬᠡᠪᠢᠬᠦ ᠵᠠᠯᠢ ᠦᠭᠡᠢ ᠳ᠋ᠠ | ᠪᠤᠲᠠᠨ ᠠᠴᠠ ᠤᠶᠠᠭᠰᠠᠨ ᠴᠣ᠋ ᠭᠤᠮᠤᠳᠠᠳᠠᠭ ᠦᠭᠡᠢ | ᠪᠤᠷᠬᠠᠨ ᠰᠢᠭ᠋ ᠤᠨᠤᠭᠠ ᠪᠤᠯ ᠲᠡᠮᠡᠭᠡ ᠰᠢᠦ ︕ | | ᠦᠷᠭᠡᠨ ᠭᠤᠪᠢ ᠪᠠᠷ ᠢᠶᠠᠨ ᠲᠡᠮᠡᠭᠡ ᠦᠭᠡᠢ ᠪᠤᠯ | ᠦᠵᠡᠮᠵᠢ ᠶᠢᠨ ᠬᠠᠭᠠᠰ ᠨᠢ ᠪᠠᠭᠤᠷᠠᠨᠠ ᠰᠢᠦ | ᠡᠪᠦᠯᠵᠢᠶᠡ ᠬᠠᠪᠤᠷᠵᠢᠶᠠ ᠪᠠᠷ ᠲᠡᠮᠡᠭᠡ ᠦᠭᠡᠢ ᠪᠤᠯ | ᠦᠩᠬᠡ ᠴᠠᠶᠢᠷ ᠦᠭᠡᠢ ᠬᠠᠷᠠᠭᠲᠠᠨᠠ ᠰᠢᠦ | | ᠬᠤᠨᠢᠨ ᠳᠠᠭᠠᠨ ᠬᠦᠲᠦᠯᠡᠬᠦ ᠲᠡᠮᠡᠭᠡ ᠦᠭᠡᠢ ᠪᠤᠯ | ᠬᠤᠷᠠᠭᠠᠨ ᠤ ᠤᠭᠤᠲᠠ ᠶᠢ ᠬᠡᠨ ᠡᠭᠦᠷᠦᠨᠡ ᠪᠤᠢ︖ | ᠲᠡᠭᠦᠭᠰᠡᠨ ᠠᠷᠭᠠᠯ ᠲᠦᠯᠡᠭᠡ ᠪᠠᠨ | ᠲᠡᠭᠡᠭᠡᠵᠦ ᠬᠡᠨ ᠨᠢ ᠠᠪᠴᠢᠷᠠᠨᠠ ᠪᠤᠢ︖ | | ᠬᠤᠤᠨᠳᠤᠭ ᠤᠰᠤᠨ ᠳᠡᠭᠡᠷᠡ ᠲᠡᠮᠡᠭᠡ ᠦᠭᠡᠢ ᠪᠤᠯ | ᠬᠤᠲᠠᠨ ᠤ ᠵᠠᠬᠠ ᠪᠠᠷ ᠬᠠᠩᠭᠠᠢ ᠰᠢᠦ | ᠬᠤᠪᠢ ᠲᠠᠢ ᠰᠦᠷᠦᠭ ᠤᠨ ᠲᠡᠮᠡᠭᠡ ※ ᠨᠦᠭᠦᠳ ᠮᠢᠨᠢ | ᠬᠤᠨᠢᠨ ᠳᠤᠮᠳᠠ ᠪᠠᠨ ᠪᠠᠶᠢᠪᠠᠯ ᠰᠦᠷ ᠲᠠᠢ ᠰᠢᠦ | | ᠬᠤᠲᠠᠨ ᠳᠠᠭᠠᠨ ᠬᠡᠳᠦᠨ ᠲᠡᠮᠡᠭᠡ ᠲᠠᠢ ᠪᠤᠯ | ᠪᠤᠲᠠᠨ ᠳᠤ ᠬᠤᠭ ᠨᠤᠪᠰᠢ ᠬᠤᠷᠠᠬᠤ ᠦᠭᠡᠢ ᠰᠢᠦ | ᠪᠤᠬᠢᠷᠳᠤᠯ ᠬᠤᠤᠷᠳᠤᠯ ᠢ ᠴᠣ᠋ ᠰᠡᠷᠭᠡᠶᠢᠯᠡᠭᠡᠦᠨ | ᠰᠦᠷᠦᠭ ᠤᠨ ᠬᠡᠶᠢᠮᠤᠷᠢ ᠳᠤ ᠲᠤᠰᠠ ᠲᠠᠢ ᠰᠢᠦ | | ᠤᠶᠠᠭᠠᠨ ᠳᠡᠭᠡᠷᠡ ᠪᠠᠨ ᠳᠡᠮᠡᠭᠡ ᠲᠠᠢ ᠪᠤᠯ | ᠬᠠᠶᠠᠭᠠ ᠳᠦᠭᠦᠷᠡᠩ ᠪᠠᠷᠠ ᠲᠠᠢ ᠰᠢᠦ | ᠪᠠᠴᠢᠮ ᠶᠠᠭᠠᠷᠠᠤ ᠬᠡᠷᠡᠭ ᠲᠠᠢ ᠴᠠᠭ ᠲᠤ | ᠪᠡᠯᠡᠨ ᠤᠨᠤᠭᠠ ᠴᠢᠨᠢ ᠲᠡᠷᠡ ᠶᠤᠮ ᠰᠢᠦ | | ᠮᠦᠩᠬᠡ ᠶᠢᠨ ᠨᠠᠷᠠ ᠲᠠᠢ ᠡᠬᠡ ᠤᠷᠤᠨ ᠡ | ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠢᠶᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠬᠤ ᠰᠢᠭ᠋ | ᠮᠦᠩᠬᠦᠨ ᠴᠠᠭᠠᠨ ᠲᠡᠮᠡᠭᠡ ᠨᠦᠭᠦᠳ ᠮᠢᠨᠢ | ᠮᠠᠩᠬᠠᠨ ᠳᠠᠭᠠᠨ ᠪᠡᠯᠴᠢᠵᠦ ᠪᠠᠶᠢᠪᠠᠯ ᠪᠠᠶᠠᠨ ᠳ᠋ᠠ︕ | | ᠬᠦᠷᠦᠰᠦᠯᠢᠭ ᠵᠦᠭᠡᠯᠡᠨ ᠲᠠᠪᠠᠭ ᠢᠶᠠᠷ ᠢᠶᠠᠨ | ᠭᠠᠵᠠᠷ ᠡᠪᠳᠡᠭᠡ ᠦᠭᠡᠢ ᠭᠠᠪᠢᠶᠠ ᠲᠠᠢ | ᠪᠦᠳᠦᠭᠦᠯᠢᠭ ᠪᠤᠲᠠᠯᠢᠭ ᠢᠳᠡᠰᠢ ᠪᠠᠷ ᠢᠶᠠᠨ | ᠪᠡᠯᠴᠢᠭᠡᠷ ᠭᠤᠯᠤᠳᠠᠭ ᠦᠭᠡᠢ ᠪᠤᠶᠠᠨ ᠲᠠᠢ | | ᠵᠦᠪᠬᠡᠨ ᠮᠤᠩᠭᠤᠯ ᠤᠷᠤᠨ ᠳᠠᠭᠠᠨ | ᠵᠢᠦᠨᠬᠦᠬᠦ ᠵᠠᠶᠠᠭᠠ ᠲᠠᠢ ᠲᠡᠮᠡᠭᠡ ᠨᠦᠭᠦᠳ ᠮᠢᠨᠢ | ᠮᠦᠩᠬᠦ ᠪᠠᠷ ᠦᠨᠡᠯᠡᠵᠦ ᠠᠷᠠᠯᠵᠢᠰᠢ ᠦᠭᠡᠢ | ᠮᠦᠩᠬᠡ ᠶᠢᠨ ᠨᠠᠨᠳᠢᠨ ᠬᠦᠷᠦᠩᠬᠡ ᠰᠢᠦ︕ | | ᠰᠢᠷᠡᠭᠡ ᠪᠦᠬᠦ ᠲᠠᠢ ᠠᠲᠠ ᠨᠤᠭᠤᠳ ᠡ | ᠰᠢᠷᠡᠮᠤᠨ ᠲᠠᠪᠠᠭ ᠲᠠᠢ ᠲᠠᠶᠢᠯᠤᠭ ᠤᠳ ᠡ | ᠰᠢᠯᠢ ᠨᠢ ᠴᠤᠭᠤᠷᠬᠠᠢ ᠪᠤᠤᠷᠠ ᠨᠤᠭᠤᠳ ᠡ | ᠰᠢᠯᠢᠷᠡᠳᠡᠭ ᠰᠦᠳᠡᠢ ᠢᠩᠭᠡ ᠨᠦᠭᠦᠳ ᠡ | | ᠭᠤᠷᠭᠤᠯ ᠰᠢᠭᠡᠰᠦᠨ ᠳᠡᠭᠡᠨ ᠬᠤᠯᠢᠯᠳᠤᠳᠠᠭ ᠦᠭᠡᠢ | ᠠᠷᠭᠠᠯ ᠬᠦᠷᠵᠡᠩ ᠢ ᠴᠣ᠋ ᠲᠠᠯᠬᠠᠳᠠᠭ ᠦᠭᠡᠢ | ᠬᠤᠭ ᠤᠨ ᠡᠩᠭᠡᠷ ᠢᠶᠠᠷ ᠬᠡᠪᠲᠡᠷᠢ ᠵᠡᠯᠡ ᠲᠠᠢ | ᠬᠤᠲᠠ ᠤᠰᠤᠨ ᠤ ᠮᠢᠨᠢ ᠴᠢᠮᠡᠭ ᠰᠢᠦ | | ᠭᠠᠩ ᠤᠨ ᠨᠠᠷᠠᠨ ᠳᠤ ᠭᠠᠩᠳᠠᠳᠠᠭ ᠦᠭᠡᠢ | ᠳ᠋ᠦᠩ ᠤᠨ ᠶᠢᠰᠦ ᠳᠤ ᠳᠠᠭᠵᠢᠳᠠᠭ ᠦᠭᠡᠢ ᠴᠣ᠋ | ᠬᠤᠭᠤᠷ ᠤᠨ ᠡᠭᠡᠰᠢᠭ ᠲᠤ ᠤᠶᠠᠷᠠᠴᠢᠳᠠᠭ | ᠬᠤᠮ ᠤᠨ ᠤᠷᠤᠮ ᠲᠠᠢ ᠠᠭᠤᠯᠠ ᠨᠤᠭᠤᠳ ᠰᠢᠦ | | ᠲᠡᠮᠡᠭᠡᠨ ᠤ ᠮᠠᠭᠲᠠᠭᠠᠯ ᠬᠤᠯᠪᠤᠭᠠ ᠪᠠᠨ | ᠲᠡᠭᠦᠰᠭᠡᠬᠦ ᠦᠭᠡᠢ ᠪᠤᠯ ᠬᠡᠯᠡᠭᠡᠦᠨ ᠪᠠᠷᠠᠨᠠ ᠤᠤ ᠳ᠋ᠠ | ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠠᠮᠢᠳᠤ ᠡᠷᠳᠡᠨᠢ ᠪᠤᠯᠬᠤ | ᠲᠡᠮᠡᠭᠡ ᠪᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠵᠦ ᠦᠰᠭᠡᠶᠡ ᠬᠦ᠋ | | ※ ᠲᠡᠮᠡᠭᠡ ᠡᠪᠡᠷ ᠲᠠᠢ ᠪᠠᠶᠢᠭᠰᠠᠨ ᠳᠤᠮᠤᠭ ᠪᠤᠢ | ※ ᠲᠡᠮᠡᠭᠡᠨ ᠵᠡᠯᠡ ᠶᠢᠨ ᠨᠠᠶᠢᠷ | ※ ᠲᠦᠯ ᠳᠡᠭᠡᠷᠡ ᠲᠤᠬᠢᠷᠠᠭᠤᠯᠤᠭᠰᠠᠨ ᠲᠡᠮᠡᠭᠡ ᠶᠢ | ᠰᠦᠷᠦᠭ ᠤᠨ ᠲᠡᠮᠡᠭᠡ ᠭᠡᠳᠡᠭ ᠨᠤᠳᠤᠭ ᠤᠨ ᠬᠡᠯᠡᠯᠭᠡ | | | ᠢᠷᠡᠯᠲᠡ᠄ ᠳᠦᠷᠪᠡᠦᠨ ᠬᠤᠰᠢᠭᠤᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ | ᠳᠡᠪᠰᠢᠭᠦᠯᠦᠭᠴᠢ᠄ ᠲᠡᠷᠭᠡᠯ | | | | | | | | | | | | | | | | | | | | | |