| ᠤᠯᠠᠮᠵᠢᠯᠠᠯᠳᠤ ᠲᠠᠪᠤᠨ ᠦᠶᠡ ᠶᠢᠨ ᠵᠠᠩᠭᠠ ᠶᠢᠨ ᠤᠯᠠ ᠮᠦᠷ | | | ᠪᠦᠬᠡ ᠶᠢᠨ ᠵᠠᠩᠭᠠ ᠪᠤᠯ ᠪᠦᠬᠡᠴᠢᠳ ᠤᠨ ᠬᠡᠶᠢᠮᠤᠷᠢ ᠰᠦᠯᠳᠡ ᠶᠢ ᠲᠦᠯᠦᠬᠡᠯᠡᠳᠡᠭ᠃ ᠤᠳᠤ ᠶᠢᠨ | ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠠᠬᠤᠸᠠ ᠪᠠᠯᠭᠠᠰᠤᠨ ᠤ ᠤᠯᠠᠭᠠᠨᠳᠤᠭ ᠭᠠᠴᠠᠭᠠ ᠪᠠᠷ ᠨᠤᠳᠤᠭ ᠲᠠᠢ | ᠪᠠᠯᠨᠤᠳ ᠤᠪᠤᠭᠲᠤ ᠤᠷᠲᠤ ᠶᠢᠨ ᠲᠡᠮᠦᠷᠪᠠᠭᠠᠳᠤᠷ ᠤᠨ ᠪᠠᠭᠠ ᠬᠦᠦ ᠠᠪᠤᠷᠭᠤ ᠴᠠᠭᠠᠨᠵᠠᠭᠠᠨ ᠤ ᠵᠠᠩᠭᠠ ᠪᠤᠯ | ᠳᠦᠷᠪᠡᠨ ᠦᠶᠡ ᠤᠯᠠᠮᠵᠢᠯᠠᠭᠲᠠᠵᠤ ᠢᠷᠡᠭᠰᠡᠨ ᠵᠠᠩᠭᠠ ᠶᠤᠮ᠃ | ᠨᠢᠭᠡᠳᠦᠬᠡᠷ ᠦᠶᠡ᠂ ᠤᠯᠠᠭᠠᠨ ᠬᠠᠭᠠᠯᠭᠠ ᠰᠦᠮᠡ ᠶᠢᠨ ᠨᠢᠳᠦᠨ ᠰᠢᠷᠠᠨᠤᠳ ᠤᠪᠤᠭ ᠲᠠᠢ ᠡᠷᠬᠢᠭᠦᠯᠳᠡᠭ | ᠪᠤᠶᠠᠨᠳᠤᠭᠳᠠᠬᠤ ᠪᠠᠴᠢ ᠡᠷᠢᠶᠡᠨ ᠭᠤᠪᠢ ᠪᠠᠷ ᠨᠤᠲᠤᠭᠲᠠᠢ᠃ 1880 ᠭᠠᠳ ᠤᠨ ᠳᠤ ᠲᠦᠷᠦᠭᠰᠡᠨ᠂ ᠨᠠᠰᠤ | ᠪᠠᠷᠠᠭᠰᠠᠨ ᠤᠨ ᠨᠢ ᠲᠤᠳᠤᠷᠬᠠᠢ ᠦᠭᠡᠢ᠂ ᠨᠠᠶᠢᠷ ᠲᠤ ᠪᠠᠷᠢᠯᠳᠤᠬᠤ ᠳᠠᠭᠠᠨ ᠡᠷᠬᠢᠭᠦᠯᠵᠦ ᠬᠠᠶᠠᠳᠠᠭ ᠢᠶᠠᠷ ᠢᠶᠠᠨ | ᠲᠡᠭᠡᠵᠦ ᠨᠡᠷᠡᠯᠡᠪᠡ ᠭᠡᠳᠡᠭ᠃ ᠤᠳᠤ ᠲᠡᠬᠦᠨ ᠤ ᠬᠤᠶᠢᠴᠢᠰ ᠨᠢ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠤᠤᠯ ᠤᠨ | ᠪᠠᠴᠢ ᠰᠤᠮᠤᠨ ᠤ ᠪᠠᠴᠢᠪᠤᠯᠠᠭ ᠭᠠᠴᠠᠭᠠᠨ ᠳᠤ ᠪᠤᠢ᠃ | ᠬᠤᠶᠠᠳᠤᠭᠠᠷ ᠦᠶᠡ᠂ ᠪᠦᠳᠦᠭᠦᠨ ᠪᠤᠶᠠᠨᠳᠤᠭᠳᠠᠬᠤ 1910 ᠤᠨ ᠳᠤ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ | ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠪᠠᠴᠢ ᠵᠠᠯᠠᠨ ᠤ ᠬᠠᠷᠢᠶᠠ᠂ ᠪᠠᠴᠢ ᠰᠤᠮᠤᠨ ᠤ ᠵᠠᠩᠭᠢ ᠲᠡᠮᠡᠬᠡᠴᠢᠨ ᠤᠪᠤᠭᠲᠤ ᠨᠠᠳᠮᠢᠳ | ᠤᠨ ᠬᠦᠪᠡᠭᠦᠨ ᠪᠤᠯᠵᠤ ᠡᠩᠬᠡᠷ ᠬᠦᠬᠡᠪᠦᠷ᠂ ᠤᠩᠭᠤᠨ ᠪᠤᠷᠭᠠᠰᠤ ᠨᠤᠳᠤᠭ ᠲᠤ ᠲᠦᠷᠦᠪᠡ᠃ ᠪᠦᠳᠦᠭᠦᠨ | ᠪᠤᠶᠠᠨᠳᠤᠭᠳᠠᠬᠤ ᠬᠦᠷᠢᠶᠡ ᠪᠤᠶᠠᠨᠴᠤᠭᠲᠤ᠂ ᠬᠡᠦᠬᠡᠨ ᠤ ᠡᠷᠬᠢᠮᠪᠠᠳᠤ᠂ ᠢᠨᠵᠠᠭᠠᠨ ᠶᠤᠨᠳᠤᠨ᠂ ᠷᠠᠰᠢᠰᠧᠪᠵᠢᠨ᠂ | ᠪᠡᠶᠢᠯᠡ ᠶᠢᠨ ᠳᠠᠰᠢ᠂ ᠳ᠋ᠠᠷᠬᠠ ᠵᠡᠷᠬᠡ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠦᠵᠦᠮᠦᠴᠢᠨ ᠤ ᠲᠡᠷᠢᠭᠦᠨ ᠪᠦᠬᠡᠴᠦᠳ ᠢ ᠬᠠᠶᠠᠵᠤ | ᠪᠠᠶᠢᠭᠰᠠᠨ ᠲᠡᠦᠬᠡ ᠲᠠᠢ᠂ ᠲᠡᠷᠡ 1981 ᠤᠨ ᠳᠤ ᠶᠢᠷᠲᠢᠨᠴᠦ ᠠᠴᠠ ᠬᠠᠯᠢᠪᠠ᠃ ᠲᠡᠬᠦᠨ ᠤ ᠬᠤᠶᠢᠴᠢᠰ ᠤᠳ ᠨᠢ | ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ ᠰᠤᠮᠤᠨ ᠤ ᠪᠠᠶᠠᠨᠴᠠᠭᠠᠨ ᠭᠠᠴᠠᠭᠠᠨ ᠳᠤ ᠪᠤᠢ᠃ | ᠭᠤᠷᠪᠠᠳᠤᠭᠠᠷ ᠦᠶᠡ᠂ ᠠᠪᠤᠷᠭᠤ ᠯᠤᠷᠤᠢ᠂ 1936 ᠤᠨ ᠳᠤ ᠪᠠᠷᠠᠭᠤᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ | ᠤ ᠤᠤᠯ ᠤᠨ ᠪᠠᠴᠢ ᠵᠠᠯᠠᠨ ᠬᠠᠷᠢᠶᠠ ᠶᠢᠨ ᠡᠩᠬᠡᠷ ᠬᠦᠬᠡᠪᠦᠷ ᠬᠠᠯᠠᠭᠠᠶᠢᠲᠤ ᠪᠠᠷ ᠨᠤᠳᠤᠭ ᠲᠠᠢ ᠪᠤᠷᠵᠢᠭᠢᠨ ᠤᠪᠤᠭᠲᠤ | ᠪᠠᠳᠠᠷᠠᠬᠤ ᠶᠢᠨ ᠬᠦᠪᠡᠭᠦᠨ ᠪᠤᠯᠤᠨ ᠵᠠᠶᠠᠭᠠᠵᠠᠢ᠃ 1957 ᠤᠨ ᠳᠤ ᠲᠢᠶᠠᠨᠵᠢᠨ ᠬᠤᠳᠠ ᠳᠤ ᠪᠤᠯᠤᠭᠰᠠᠨ ᠪᠦᠬᠦ | ᠤᠯᠤᠰ ᠤᠨ ᠳᠤᠮᠳᠠᠳᠤ ᠮᠠᠶ᠋ᠢᠭ ᠤᠨ ᠪᠦᠬᠡ ᠶᠢᠨ ᠮᠠᠩᠯᠠᠢ ᠰᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨ ᠤ 75 ᠺᠢᠯᠦᠭᠷᠡᠮ ᠤᠨ | ᠳᠡᠰ ᠲᠤ ᠲᠤᠬᠠᠢ ᠶᠢᠨ ᠦᠶᠡ ᠳᠤ ︽ᠪᠦᠬᠡ ᠶᠢᠨ ᠤᠳᠤᠨ︾ ᠬᠡᠮᠡᠭᠲᠡᠭᠰᠡᠨ ᠱᠠᠨ ᠰᠢ ᠮᠤᠵᠢ ᠶᠢᠨ ᠱᠢ ᠸᠧᠢ ᠬᠠᠢ | ᠵᠡᠷᠬᠡ ᠠᠷᠪᠠ ᠭᠠᠷᠤᠢ ᠨᠡᠷᠡᠲᠦ ᠪᠦᠬᠡᠴᠦᠳ ᠢ ᠬᠠᠶᠠᠵᠤ ᠲᠡᠰ ᠲᠡᠭᠡᠨ ᠲᠡᠷᠢᠭᠦᠯᠡᠪᠡ᠃ ᠡᠨᠡ ᠤᠷᠤᠯᠳᠤᠭᠠᠨ ᠳᠤ | ᠯᠤᠷᠤᠢ᠂ ᠱᠢ ᠸᠧᠢ ᠬᠠᠢ ᠬᠤᠶᠠᠷ ᠢ ︽ᠤᠯᠤᠰ ᠤᠨ ᠠᠪᠤᠷᠭᠤ ᠪᠦᠬᠡᠴᠢᠨ︾ ᠢᠶᠠᠷ ᠴᠤᠯᠠᠯᠠᠵᠤ᠂ ᠪᠠᠷᠢᠯᠳᠤᠭᠠᠨ ᠤ | ᠶᠠᠪᠤᠴᠠ ᠶᠢ ᠺᠢᠨᠣ᠋ ᠹᠢᠯᠢᠮ ᠦᠢᠯᠡᠳᠴᠦ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠳᠤ ᠠᠪᠴᠢᠷᠠᠨ ᠦᠵᠡᠬᠦᠯᠪᠡ᠃ | ᠠᠪᠤᠷᠭᠤ ᠯᠤᠷᠤᠢ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠦᠪ ᠬᠦᠬᠡᠬᠤᠳᠠ ᠳᠤ ᠪᠤᠯᠤᠭᠰᠠᠨ ᠪᠦᠬᠦ ᠤᠷᠤᠨ ᠤ ᠪᠦᠬᠡ | ᠶᠢᠨ ᠤᠷᠤᠯᠳᠤᠭᠠᠨ ᠳᠤ 1957—1960 ᠤᠨ ᠪᠤᠯᠲᠠᠯᠠ ᠵᠠᠯᠭᠠᠭᠠ ᠪᠠᠷ ᠳᠦᠷᠪᠡᠨ ᠵᠢᠯ ᠲᠡᠷᠢᠭᠦᠯᠡᠭᠰᠡᠨ | ᠪᠦᠬᠡᠳ 1957 ᠤᠨ ᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ 10 ᠵᠢᠯ ᠤᠨ ᠤᠢ ᠶᠢᠨ ᠨᠠᠶᠢᠷ ᠲᠤ | ᠲᠡᠰ ᠲᠡᠭᠡᠨ ᠵᠤᠭᠰᠤᠭᠠ ᠪᠠᠷ ᠢᠶᠠᠨ ᠪᠠᠷᠢᠯᠳᠤᠵᠤ ᠨᠢᠭᠡ ᠴᠦ ᠰᠢᠷᠤᠶᠢᠳᠠᠭᠰᠠᠨ ᠦᠭᠡᠢ ᠲᠡᠷᠢᠭᠦᠯᠡᠭᠰᠡᠨ ᠭᠡᠳᠡᠭ᠃ | 1958 ᠤᠨ ᠤ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠶᠡᠭᠡ ᠨᠠᠶᠢᠷ ᠤᠨ 512 ᠪᠦᠬᠡ ᠲᠠᠢ ᠨᠠᠶᠢᠷ ᠲᠤ | ᠤᠪᠤᠭᠠᠳᠤ ᠶᠢᠨ ᠷᠠᠰᠢᠰᠧᠪᠵᠢᠨ᠂ ᠬᠦᠷᠢᠶᠡ ᠳᠠᠮᠴᠤᠢ᠂ ᠵᠢᠷ ᠤᠨ ᠭᠤᠤᠯ ᠤᠨ ᠶᠤᠨᠳᠤᠨ ᠢ ᠬᠠᠶᠠᠵᠤ ᠲᠡᠷᠢᠭᠦᠯᠡᠪᠡ᠃ | ᠶᠡᠭᠡ ᠪᠠᠭᠠ ᠨᠠᠶᠢᠷ ᠢᠶᠠᠷ 45 ᠤᠲᠠᠭᠠ ᠲᠡᠷᠢᠬᠦᠯᠡᠭᠰᠡᠨ ᠭᠡᠲᠡᠭ᠃ 1996 ᠤᠨ ᠳᠤ ᠰᠢᠪᠠᠭᠤᠲᠤ ᠬᠠᠶᠢᠷᠬᠠᠨ ᠤ | ᠡᠩᠭᠡᠷ ᠲᠤ ᠨᠠᠰᠤ ᠪᠠᠷᠠᠪᠠ᠃ ᠲᠡᠬᠦᠨ ᠢ ᠬᠠᠭᠠᠯᠭᠠ ᠰᠦᠮᠡ ᠶᠢᠨ ᠶᠡᠭᠡ ᠪᠦᠬᠡ ᠤᠯᠠᠭᠠᠨ ᠤ ᠵᠢᠭᠡᠨᠡᠷ ᠭᠡᠳᠡᠭ᠃ | ᠳᠦᠷᠪᠡᠳᠦᠬᠡᠷ ᠦᠶᠡ᠂ ᠤᠯᠤᠰ ᠤᠨ ᠠᠪᠤᠷᠭᠤ ᠪᠠᠭᠠ ᠪᠦᠬᠡ᠂ 1967 ᠤᠨ ᠳᠤ ᠪᠠᠷᠠᠭᠤᠨ | ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠪᠠᠶ᠋ᠬᠠᠠᠭᠤᠯᠠ ᠲᠠᠯᠠᠪᠠᠢ᠂ ᠤᠳᠤ ᠶᠢᠨ ᠵᠢᠷ ᠤᠨ ᠭᠤᠤᠯ ᠤᠨ ᠤᠯᠠᠭᠠᠨ | ᠨᠠᠭᠤᠷ ᠤᠨ ᠰᠠᠮᠪᠤᠤ ᠶᠢᠨ ᠬᠦᠪᠡᠭᠦᠨ ᠪᠤᠯᠤᠨ ᠵᠠᠶᠠᠭᠠᠪᠠ᠃ ᠤᠯᠠᠨ ᠮᠡᠭᠡ ᠶᠢ ᠤᠯᠠᠷᠢᠭᠤᠯᠤᠨ ᠬᠢᠵᠦ ᠪᠠᠶᠢᠭᠠᠳ | ᠲᠠᠭᠠᠷᠠᠭᠰᠠᠨ ᠪᠦᠬᠡ ᠪᠠᠨ ᠮᠠᠰᠢ ᠬᠤᠷᠲᠤᠨ ᠬᠠᠶᠠᠲᠠᠭ ᠤᠴᠢᠷ ᠠᠴᠠ ᠠᠷᠠᠳ ᠲᠦᠮᠡᠨ ᠨᠢ ᠲᠡᠬᠦᠨ ᠳᠤ ︽ᠴᠠᠬᠢᠯᠭᠠᠨ | ᠪᠦᠬᠡ︾ ᠭᠡᠲᠡᠭ ᠰᠠᠶᠢᠬᠠᠨ ᠠᠯᠲᠠᠷ ᠤᠯᠭᠤᠪᠠ᠃ 512 ᠪᠦᠬᠡ ᠲᠠᠢ ᠨᠠᠶᠢᠷ ᠲᠤ 5 ᠤᠳᠠᠭᠠ ᠲᠡᠷᠢᠭᠦᠯᠡᠵᠦ᠂ | 256 ᠪᠦᠬᠡ ᠲᠠᠢ ᠨᠠᠶᠢᠷ ᠲᠤ10 ᠭᠠᠷᠤᠢ ᠤᠲᠠᠭᠠ ᠲᠡᠷᠢᠬᠦᠯᠡᠪᠡ᠃ ᠲᠤᠮᠲᠠᠲᠤ ᠮᠠᠶ᠋ᠢᠭ ᠤᠨ ᠪᠦᠬᠡ ᠪᠠᠷ ᠪᠦᠬᠦ | ᠤᠯᠤᠰ ᠤᠨ ᠲᠡᠮᠡᠴᠡᠬᠡᠨ ᠠᠴᠠ ᠨᠠᠶᠢᠳ᠋ᠨ 7 ᠠᠯᠲᠠᠨ ᠮᠧᠲᠠᠯ᠂ 5 ᠮᠦᠡᠭᠬᠦᠨ ᠮᠧᠲᠠᠯ ᠲᠤᠰᠪᠠ᠃ | ᠲᠠᠪᠤᠳᠤᠭᠠᠷ ᠦᠶᠡ᠂ ᠤᠯᠤᠰ ᠤᠨ ᠠᠪᠤᠷᠭᠤ ᠴᠠᠭᠠᠨᠵᠠᠭᠠᠨ᠂ 1986 ᠤᠨ ᠳᠤ ᠪᠠᠷᠠᠭᠤᠨ | ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠸᠠ ᠰᠤᠮᠤᠨ ᠤ ᠤᠯᠠᠭᠠᠨᠳᠤᠭ ᠭᠠᠴᠠᠭᠠᠨ ᠤ ᠪᠠᠯᠨᠤᠳ ᠤᠪᠤᠭᠲᠤ ᠤᠷᠲᠤ ᠶᠢᠨ | ᠲᠡᠮᠦᠷᠪᠠᠭᠠᠲᠤᠷ ᠤᠨ ᠤᠳᠬᠤᠨ ᠬᠦᠪᠡᠭᠦᠨ ᠪᠤᠯᠤᠨ ᠵᠠᠶᠠᠭᠠᠪᠠ᠃ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠴᠤᠯᠡ ᠤᠯᠭᠤᠬᠤ | ᠨᠠᠶᠢᠷ ᠲᠤ ᠭᠤᠷᠪᠠ ᠤᠲᠠᠭᠠ ᠲᠡᠷᠢᠬᠦᠯᠡᠪᠡ᠃ ᠡᠵᠡᠨ ᠴᠢᠩᠭᠢᠰ ᠤᠨ ᠴᠠᠭᠠᠨ ᠰᠦᠷᠦᠭ ᠤᠨ ᠲᠠᠬᠢᠯᠭᠠ ᠲᠠᠶᠢᠯᠭᠠ ᠶᠢᠨ | 512 ᠪᠦᠬᠡ ᠲᠠᠢ ᠨᠠᠶᠢᠷ ᠲᠤ ᠬᠤᠶᠠᠷ ᠤᠲᠠᠭᠠ ᠲᠡᠷᠢᠭᠦᠯᠡᠨ ᠶᠢᠰᠦᠨ ᠴᠠᠭᠠᠨ ᠮᠤᠷᠢ᠂ ᠶᠢᠰᠦᠨ ᠰᠢᠷᠭᠠ ᠮᠤᠷᠢ | ᠬᠦᠳᠦᠯᠪᠡ᠃ ᠲᠦᠷᠪᠡᠲᠤᠭᠡᠷ ᠤᠲᠠᠭᠠᠨ ᠤ ︽ᠠᠯᠲᠠᠨ ᠪᠦᠰᠡ︾ ᠶᠢᠨ ᠲᠡᠮᠡᠴᠡᠬᠡᠨ ᠳᠤ ᠲᠡᠷᠢᠬᠦᠯᠡᠵᠤ᠂ ᠠᠩᠬᠳᠠᠭᠴᠢ | ᠤᠳᠠᠭᠠᠨ ᠤ ᠦᠪᠦᠷ ᠮᠤᠩᠭᠤᠯ ᠳᠠᠬᠢ ᠠᠯᠳᠠᠨ ᠪᠦᠰᠡ ᠶᠢᠨ ᠡᠵᠡᠨ ᠢᠶᠠᠷ ᠲᠤᠲᠤᠷᠠᠪᠠ᠃ 2017 ᠤᠨ ᠳᠤ | ᠬᠦᠯᠦᠨ ᠪᠤᠶᠢᠷ ᠬᠤᠲᠠ ᠳᠤ ᠶᠠᠪᠤᠭᠲᠠᠭᠰᠠᠨ ᠰᠠᠷᠠ ᠰᠢᠨᠡ ᠶᠢᠨ ᠪᠠᠶᠠᠷ ᠢ ᠪᠡᠯᠭᠡᠯᠡᠬᠦ ᠲᠠᠪᠤᠨ ᠮᠠᠯᠵᠢᠬᠤ ᠬᠤᠰᠢᠭᠤᠨ ᠤ | 5 ᠤᠳᠠᠭᠠ ᠶᠢᠨ ᠨᠠᠶᠢᠷ ᠲᠤ 4 ᠤᠳᠠᠭᠠ ᠲᠡᠷᠢᠬᠦᠯᠡᠪᠡ᠃ 2018 ᠤᠨ ᠠᠴᠠ 2019 ᠤᠨ ᠬᠦᠷᠲᠡᠯᠡᠬᠢ ᠰᠢᠯᠢ | ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠪᠦᠬᠡ ᠶᠢᠨ ᠴᠦᠷᠭᠡᠯᠡᠭᠡ ᠪᠠᠷᠢᠯᠳᠤᠭᠠᠨ ᠤ 12 ᠲᠠᠯᠠᠪᠠᠢ ᠪᠠᠷᠢᠯᠲᠤᠭᠠᠨ ᠳᠤ 5 | ᠤᠳᠠᠭᠠ ᠲᠡᠷᠢᠬᠦᠯᠡᠵᠤ᠂ ᠤᠨ ᠤ ᠮᠠᠩᠯᠠᠢ ᠪᠠᠷ ᠲᠤᠲᠤᠷᠠᠪᠠ᠃ 1024 ᠪᠦᠬᠡ ᠲᠠᠢ ᠨᠠᠶᠢᠷ ᠲᠤ 1 ᠤᠳᠠᠭᠠ | ᠲᠡᠷᠢᠬᠦᠯᠡᠵᠤ᠂ 1 ᠤᠳᠠᠭᠠ ᠲᠡᠳ᠋ᠯᠡᠨ᠂ 512 ᠪᠦᠬᠡ ᠲᠠᠢ ᠨᠠᠶᠢᠷ ᠲᠤ 6 ᠤᠳᠠᠭᠠ ᠲᠡᠷᠢᠬᠦᠯᠡᠵᠤ᠂ ᠶᠡᠭᠡ ᠪᠠᠭᠠ | ᠨᠠᠶᠢᠷ ᠨᠠᠭᠠᠳᠤᠮ ᠢᠶᠠᠷ 300 ᠰᠢᠬᠠᠮ ᠲᠡᠷᠢᠭᠦᠯᠡᠪᠡ᠃ | | | ᠢᠷᠡᠯᠲᠡ᠄ ᠬᠤᠯᠪᠤᠭᠠ ᠪᠦᠷᠭᠡ | ᠳᠡᠪᠰᠢᠭᠦᠯᠦᠭᠴᠢ᠄ ᠲᠡᠷᠭᠡᠯ | |