ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠳᠦᠷᠪᠡᠳ ᠰᠤᠨᠢᠷᠬᠠᠯ
ᠰᠦ ᠲᠠᠢ ᠪᠤᠷᠬᠠᠨ —  ᠵᠢᠷᠡᠨᠴᠡᠴᠡᠭ ᠪᠠᠭᠰᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018-04-11
ᠬᠠᠶᠢᠷᠠᠳᠣ ᠡᠵᠢ ᠮᠢᠨᠢ᠄      ᠤᠶᠢᠷ᠎ᠠ ᠳᠤ ᠲᠠᠨ ᠤ ᠪᠡᠶ᠎ᠡ ᠰᠠᠶᠢᠨ ᠪᠠᠶᠢᠨ᠎ᠠ ᠤᠤ︖  ᠴᠢᠰᠦᠨ ᠲᠠᠷᠤᠯᠳᠠ᠂ ᠵᠢᠷᠦᠭᠡᠨ ᠤ ᠪᠠᠨ ᠡᠮ ᠢᠶᠠᠨ ᠮᠠᠷᠳᠠᠬᠤ ᠦᠭᠡᠢ ᠴᠠᠭ ᠲᠤ ᠨᠢ ᠣᠤᠭᠤᠵᠦ ᠪᠠᠶᠢᠭ᠎ᠠ ᠪᠢᠵᠡ︖      ᠲᠠ ᠵᠠᠬᠢᠳᠠᠯ ᠢ ᠮᠢᠨᠢ ᠭᠠᠷᠳᠠᠭᠠᠳ ᠭᠠᠶᠢᠬᠠᠬᠤ ᠪᠠᠶᠢᠬᠤ ᠳ᠋ᠠ︕ ᠪᠢ ᠡᠳᠦᠢ ᠪᠤᠯᠳᠠᠯ᠎ᠠ ᠪᠠᠨ ᠲᠠᠨ ᠳᠤ ᠵᠠᠬᠢᠳᠠᠯ ᠪᠢᠴᠢᠵᠦ ᠪᠠᠶᠢᠭ᠎ᠠ ᠦᠭᠡᠢ ᠶᠤᠮ ᠴᠢᠨᠢ᠃ ᠦᠬᠢᠨ ᠴᠢᠨᠢ ᠪᠢ ᠬᠤᠷᠢ ᠬᠦᠷᠦᠭᠰᠡᠨ ᠲᠤᠮᠤ ᠬᠦᠦ ᠲᠠᠢ ᠡᠵᠢ ᠪᠣᠯᠣᠭᠠᠳ ᠰᠠᠶ᠋ᠢ ᠦᠨᠦᠳᠦᠷ ᠡᠵᠢ ᠳᠤ ᠪᠠᠨ ᠵᠠᠬᠢᠳᠠᠯ ᠪᠢᠴᠢᠬᠦ ᠪᠠᠷ ᠰᠢᠢᠳᠦᠯ᠎ᠡ᠃ ᠡᠵᠢ ᠮᠢᠨᠢ ᠭᠠᠳᠠᠨ᠎ᠠ ᠭᠠᠷᠴᠣ ᠡᠷ᠎ᠡ ᠬᠦᠮᠦᠨ᠂ ᠭᠡᠷ ᠲᠤ ᠣᠷᠣᠵᠦ ᠡᠮ᠎ᠡ ᠬᠦᠮᠦᠨ ᠪᠤᠯᠳᠠᠭ ᠪᠠᠶᠢᠭᠰᠠᠨ ᠢ ᠪᠢᠳᠡᠨᠡᠷ ᠪᠠᠭ᠎ᠠ ᠠᠴᠠ ᠪᠠᠨ ᠮᠡᠳᠡᠳᠡᠭ ᠴᠣ᠋ ᠲᠠᠨ  ᠤ ᠰᠦ ᠰᠢᠭ ᠴᠠᠭᠠᠨ ᠰᠡᠳᠬᠢᠯ ᠢ ᠠᠳᠡᠭᠦᠦ ᠤᠶᠢᠯᠠᠭᠠᠵᠦ ᠶᠠᠪᠤᠳᠠᠭ ᠪᠠᠶᠢᠵᠠᠢ ᠁  ᠦᠬᠢᠨ ᠴᠢᠨᠢ ᠰᠡᠳᠬᠢᠯ ᠤᠨ ᠬᠦᠨ ᠳᠠᠬᠢ ᠠᠳᠡᠭᠦᠷᠡᠯ᠂ ᠬᠠᠷᠠᠮᠰᠠᠯ ᠪᠦᠬᠦᠨ ᠢᠶᠠᠨ ᠠᠭᠤᠳᠠᠯᠯᠠᠨ ᠲᠡᠯᠭᠡᠵᠦ ᠲᠠᠨ ᠤᠷᠤᠭᠤ ᠨᠢᠰᠭᠡᠯ᠎ᠡ︕ ᠡᠵᠢ ᠮᠢᠨᠢ ᠲᠠ ᠠᠷᠢᠭᠤᠰᠬᠠᠨ ᠬᠠᠶᠢᠷᠠᠯᠠᠭᠠᠴᠢ︕       ᠡᠵᠢ ᠮᠢᠨᠢ ᠲᠠ ᠪᠣᠰᠣᠳ ᠬᠡᠦᠬᠡᠳ ᠤᠨ ᠡᠵᠢ ᠰᠢᠭ ᠪᠤᠯᠪᠠᠷᠠᠢ ᠴᠠᠭᠠᠨ ᠴᠢᠷᠠᠢ ᠦᠭᠡᠢ᠂ ᠰᠣᠭᠤᠶᠢᠭᠰᠠᠨ ᠰᠠᠶᠢᠬᠠᠨ ᠪᠡᠶ᠎ᠡ ᠭᠠᠯᠪᠢᠷ ᠦᠭᠡᠢ ᠪᠤᠭᠤᠨᠢᠬᠠᠨ ᠮᠦᠷᠳᠡᠭᠡᠨ ᠮᠠᠶᠢᠭ ᠬᠦᠯ ᠲᠠᠢ ᠪᠢᠯᠡ᠃ ᠪᠢ ᠰᠣᠮᠣᠨ ᠤ  ᠪᠠᠭ᠎ᠠ ᠰᠣᠷᠭᠠᠭᠤᠯᠢ ᠳᠤ ᠪᠢᠴᠢᠭ ᠦᠵᠡᠵᠦ ᠪᠠᠶᠢᠬᠤ ᠳᠤ ᠪᠠᠨ ᠵᠢᠷᠭᠤᠭᠠᠨ ᠰᠠᠷ᠎ᠠ ᠶᠢᠨ ᠨᠢᠭᠡᠨ ᠪᠤᠯᠬᠤ ᠳᠤ ᠲᠠᠨ ᠢ ᠶᠡᠭᠡ ᠰᠠᠨᠠᠳᠠᠭ ᠪᠠᠶᠢᠭᠰᠠᠨ᠃ ᠲᠡᠭᠡᠬᠦ ᠳᠤ ᠭᠠᠷ ᠢᠶᠠᠷ ᠤᠶᠤᠭᠰᠠᠨ ᠴᠠᠭᠠᠨ ᠴᠠᠮᠴᠠ ᠡᠰᠡᠭᠦᠯ᠎ᠡ ᠬᠤᠸᠠᠷ ᠲᠠᠢ ᠲᠣᠷᠭᠠᠨ ᠴᠠᠮᠴᠠ᠂ ᠬᠦᠬᠡ ᠦᠮᠦᠳᠦ᠂ ᠴᠠᠭᠠᠨ ᠱᠠᠬᠠᠢ ᠸᠠᠳᠠᠩ ᠳᠤ ᠪᠤᠭᠤᠵᠦ ᠲᠤᠬᠤᠶᠢᠯᠠᠭᠠᠳ ᠵᠡᠬᠦᠨ ᠡᠮᠦᠨ᠎ᠡ ᠬᠦᠳᠦᠯ ᠢᠶᠠᠷ ᠵᠢᠷᠡᠯᠵᠡᠳᠡᠯ᠎ᠡ ᠠᠯᠬᠤᠭᠠᠳ ᠢᠷᠡᠵᠦ ᠠᠶᠢᠰᠦᠢ ᠶᠢ ᠬᠠᠷᠠᠭᠠᠳ ︽ᠰᠢᠨ᠎ᠡ ᠬᠤᠪᠴᠠᠰᠣ ᠲᠠᠢ ᠪᠤᠯᠬᠤ ᠨᠢ ᠡ︾ ᠭᠡᠵᠦ ᠪᠠᠶᠠᠷᠯᠠᠳᠠᠭ ᠴᠣ᠋ ᠦᠭᠭᠦᠭᠰᠡᠨ ᠶᠠᠭᠤᠮ᠎ᠠ ᠶᠢ ᠨᠢ ᠠᠪᠠᠴᠢᠬᠠᠭᠠᠳ᠂ ᠬᠦᠯᠦᠰᠦ ᠨᠢ ᠰᠡᠪᠡᠵᠦ ᠠᠮᠵᠢᠭ᠎ᠠ ᠦᠭᠡᠢ ᠲᠠᠨ ᠢ ︽ᠵᠠ᠂ ᠵᠠ᠂ ᠬᠠᠷᠢ︕︾  ᠭᠡᠳᠡᠭ ᠪᠠᠶᠢᠭᠰᠠᠨ᠃  ᠤᠶᠤᠭᠰᠠᠨ ᠬᠤᠪᠴᠠᠰᠣ ᠶᠢ ᠨᠢ ᠡᠮᠦᠰᠴᠦ  ᠪᠠᠶᠠᠷᠯᠠᠭᠰᠠᠨ ᠦᠬᠢᠨ ᠢᠶᠠᠨ ᠬᠠᠷᠠᠵᠦ ᠪᠠᠶᠠᠷᠯᠠᠬᠤ ᠭᠡᠰᠡᠨ ᠡᠬᠡ ᠶᠢᠨ ᠰᠡᠳᠬᠢᠯ ᠢ ᠶᠡᠷᠦ ᠤᠶᠢᠯᠠᠭᠠᠭ᠎ᠠ ᠦᠭᠡᠢ ᠶᠠᠪᠤᠭᠰᠠᠨ ᠪᠢᠯᠡ᠃ ︽ᠮᠢᠨᠦ ᠡᠵᠢ ᠤᠷᠠᠨᠴᠢᠮᠡᠭ ᠤᠨ ᠡᠵᠢ ᠰᠢᠭ ᠦᠵᠡᠰᠭᠦᠯᠡᠩᠳᠡᠢ ᠪᠢᠰᠢ ᠳ᠋ᠡ︕︾  ᠭᠡᠵᠦ ᠪᠤᠳᠣᠳᠠᠭ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠪᠤᠷᠤᠬᠠᠨ ᠴᠢᠷᠠᠢ ᠲᠠᠢ ᠪᠤᠭᠤᠨᠢᠬᠠᠨ ᠮᠠᠶᠢᠭ ᠡᠵᠢ ᠲᠠᠨ ᠢ ᠨᠦᠭᠦᠳ ᠮᠢᠨᠢ ᠡᠯᠡᠭᠯᠡᠨ᠎ᠡ ᠭᠡᠵᠦ ᠪᠣᠳᠣᠭᠠᠳ ᠯᠠ ᠲᠡᠭᠡᠳᠡᠭ ᠪᠠᠶᠢᠭᠰᠠᠨ ᠁ ᠣᠳᠣ ᠪᠤᠳᠤᠬᠤ ᠳᠤ ᠡᠨᠡ ᠪᠦᠬᠦᠨ ᠳᠤ ᠪᠠᠨ ᠬᠠᠷᠠᠮᠰᠠᠬᠤ ᠶᠤᠮ ᠡ︕ ᠡᠵᠢ ᠡ᠃       ᠲᠠᠨ ᠢ ᠪᠢ ᠶᠡᠷᠦ ᠨᠢ ᠭᠤᠸ᠎ᠠ ᠰᠠᠶᠢᠬᠠᠨ ᠤ ᠮᠡᠳᠡᠷᠡᠮᠵᠢ ᠦᠭᠡᠢ ᠭᠡᠵᠦ ᠣᠶᠢᠯᠠᠭᠠᠳᠠᠭ ᠪᠠᠶᠢᠭᠰᠠᠨ ᠰᠢᠦ᠃ ᠣᠳᠣ ᠡᠷᠭᠢᠭᠡᠳ ᠪᠣᠳᠣᠪᠠᠯ ᠪᠢ ᠴᠢᠨᠢ ᠭᠤᠸ᠎ᠠ ᠰᠠᠶᠢᠬᠠᠨ ᠶᠠᠭᠤ ᠭᠡᠳᠡᠭ ᠢ ᠮᠡᠳᠡᠳᠡᠭ ᠦᠭᠡᠢ ᠶᠠᠪᠤᠵᠠᠢ᠂ ᠡᠵᠢ ᠡ︕ ᠦᠨᠢᠶ᠎ᠡ ᠪᠠᠨ ᠰᠠᠭᠠᠭᠠᠳ᠂ ᠲᠦᠯ ᠲᠠᠯᠪᠢᠭᠠᠳ᠂ ᠰᠠᠮ  ᠬᠠᠶᠢᠴᠢ ᠪᠠᠨ ᠪᠠᠷᠢᠭᠠᠳ ᠤᠷᠤᠵᠦ ᠢᠷᠡᠬᠦ ᠪᠤᠯᠭᠠᠨ ᠲᠠᠨ ᠤ ᠬᠤᠪᠴᠠᠰᠣᠨ   ᠠᠴᠠ ᠴᠢᠨᠢ ᠰᠦ ᠵᠤᠩᠭᠠᠭ ᠭᠬᠢᠷ ᠲᠠᠭ  ᠂  ᠲᠠᠭᠠᠷᠠᠵᠦ ᠪᠡᠭᠡᠷᠡᠭᠰᠡᠨ ᠨᠢᠭᠤᠷ ᠴᠢᠷᠠᠢ ᠭᠠᠷ ᠬᠦᠯ ᠢ ᠴᠢᠨᠢ ᠬᠠᠷᠠᠭᠠᠳ ︽ᠡᠵᠢ ᠶᠤᠰᠣᠳᠠᠢ ᠵᠠᠰᠠᠵᠦ ᠵᠠᠯᠠᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ᠂ ᠶᠠᠭᠤ ᠶᠢ ᠰᠠᠶᠢᠬᠠᠨ ᠭᠡᠳᠡᠭ ᠢ ᠮᠡᠳᠡᠳᠡᠭ ᠦᠭᠡᠢ ᠬᠦᠮᠦᠨ︾  ᠭᠡᠵᠤ ᠪᠣᠳᠣᠭᠳᠠᠳᠠᠭ᠃ ᠬᠠᠪᠤᠷ ᠤᠨ ᠪᠤᠳᠠ ᠪᠤᠭ ᠮᠠᠯ ᠤᠨ ᠵᠤᠪᠠᠯᠭ᠎ᠠ ᠶᠢ ᠦᠪᠴᠢᠬᠦ ᠠᠵᠢᠯ ᠢ ᠬᠢᠬᠦ ᠬᠦᠮᠦᠨ ᠦᠭᠡᠢ ᠪᠠᠶᠢᠬᠤ ᠳᠤ ᠡᠵᠢ ᠯᠡ ᠴᠠᠭ ᠴᠢᠯᠦᠭᠡ ᠪᠠᠷ ᠢᠶᠠᠨ ᠦᠪᠴᠢᠵᠦ ᠠᠷᠠᠰᠣ ᠬᠦᠷᠦᠰᠦ ᠶᠢ ᠰᠠᠯᠭᠠᠵᠦ ᠪᠠᠶᠢᠳᠠᠭ ᠲᠤ ᠶᠡᠭᠡ ᠯᠡ ᠲᠤᠷ᠎ᠠ ᠦᠭᠡᠶᠢᠴᠡᠵᠦ ︽ᠡᠶᠢᠮᠦ ᠪᠤᠵᠠᠷ ᠮᠠᠭᠤᠬᠠᠢ ᠠᠵᠢᠯ ᠢ ᠬᠢᠯ᠎ᠡ︾ ᠭᠡᠵᠦ ᠲᠤᠨᠳᠠᠭᠠᠨᠠᠬᠤ  ᠳᠤ ᠡᠵᠢ ᠮᠢᠨᠢ ᠲᠠ ᠬᠠᠷᠢᠨ ︽ᠨᠢᠬᠦᠯ ᠴᠣ᠋ ᠪᠠᠶᠢᠨ᠎ᠠ ᠳ᠋ᠠ᠂ ᠶᠠᠭᠠᠬᠢᠵᠦ ᠲᠦᠩᠬᠦᠶᠢᠳᠡᠯ᠎ᠡ ᠬᠠᠶᠠᠬᠤ ᠪᠢᠯᠡ᠂ ᠵᠢᠬᠦᠷᠳᠡᠨ ᠰᠢᠪᠠᠭᠤ᠂ ᠠᠮᠢᠳᠠᠨ ᠠᠷᠢᠶᠠᠳᠠᠨ ᠴᠦ ᠢᠳᠡᠭ ᠳ᠋ᠡ︾ ᠭᠡᠳᠡᠭ ᠪᠠᠶᠢᠯ᠎ᠠ  ᠁  ᠨᠡᠩ ᠴᠣ᠋ ᠬᠤᠨᠢᠴᠢᠨ ᠵᠠᠯᠠᠭᠤ ᠶᠢᠨ ᠬᠡᠪᠳᠡᠷᠢ ᠳᠤ ᠣᠷᠣᠭᠰᠠᠨ ᠡᠴᠢᠭᠡ ᠳᠤ ᠬᠤᠭᠤᠯᠠ ᠴᠠᠢ ᠤᠶᠢᠷᠠᠳᠣᠭᠤᠯᠵᠦ ᠬᠤᠪᠴᠠᠰᠣ ᠬᠤᠨᠠᠷ ᠢ ᠨᠢ ᠤᠬᠢᠶᠠᠵᠦ ᠠᠰᠠᠷᠠᠵᠦ ᠪᠠᠶᠢᠭᠰᠠᠨ ᠨᠢ ᠲᠠ ᠪᠤᠵᠠᠷ ᠮᠠᠭᠤᠬᠠᠢ ᠠᠵᠢᠯ ᠬᠢᠵᠦ ᠪᠠᠶᠢᠭᠰᠠᠨ ᠪᠢᠰᠢ ᠬᠠᠮᠤᠭ ᠤᠨ ᠪᠤᠶᠠᠨ ᠲᠠᠢ ᠦᠢᠯᠡ  ᠶᠢ ᠬᠢᠵᠦ ᠪᠠᠶᠢᠭᠰᠠᠨ ᠢ ᠬᠤᠵᠢᠮ ᠨᠢ ᠪᠢ ᠤᠬᠠᠭᠠᠷᠠᠭᠰᠠᠨ᠃ ᠣᠳᠣ ᠪᠤᠳᠣᠬᠤ ᠳᠤ ᠮᠢᠨᠦ ᠡᠵᠢ ᠰᠡᠳᠬᠢᠯ ᠵᠢᠷᠦᠬᠡ  ᠪᠠᠷ ᠢᠶᠠᠨ ᠦᠵᠡᠰᠭᠦᠯᠡᠩ ᠭᠤᠸ᠎ᠠ ᠶᠢᠨ ᠲᠡᠭᠡᠳᠦ ᠨᠢ ᠪᠠᠶᠢᠨ᠎ᠠ  ᠁        ᠬᠦᠦ ᠮᠢᠨᠢ ᠭᠦᠬᠡᠬᠤᠳᠠ ᠤᠷᠤᠵᠦ ᠰᠣᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠳᠤ ᠡᠵᠢ ᠲᠠ ᠠᠬ᠎ᠠ ᠳᠤ ︽ᠲᠡᠭᠦᠦ ᠴᠢᠨᠢ ᠦᠨᠦᠴᠢᠨ ᠪᠡᠯᠪᠡᠰᠦᠨ ᠬᠦᠭᠡᠷᠦᠬᠦᠢ᠂ ᠠᠶᠤᠵᠦ ᠰᠣᠴᠢᠬᠤ ᠪᠤᠢ︕ ᠬᠠᠨᠢ ᠪᠤᠯᠤᠶ᠎ᠠ ᠯᠠ ᠳ᠋ᠠ︾ ᠭᠡᠵᠦ ᠮᠠᠨ ᠤ ᠳᠤ ᠨᠡᠬᠦᠵᠦ ᠢᠷᠡᠵᠦ ᠰᠠᠭᠤᠬᠤ ᠳᠤ ︽ᠨᠠᠳᠠ ᠳᠤ ᠬᠠᠨᠢ ᠪᠤᠯᠬᠤ ᠨᠢ ᠶᠠᠭᠤ ᠶᠤᠮ᠂ ᠬᠠᠷᠢᠨ ᠲᠠᠷᠣᠭᠠᠰᠣ ᠪᠤᠯᠬᠤ ᠮᠠᠭᠠᠳ ︾ ᠭᠡᠵᠦ ᠪᠤᠳᠤᠵᠦ ᠶᠠᠪᠤᠭᠰᠠᠨ ᠮᠢᠨᠢ ᠪᠤᠷᠤᠭᠤᠳᠠᠵᠠᠢ᠃ ᠲᠡᠷᠡ ᠨᠢᠭᠡ ᠰᠦᠨᠢ ᠲᠤᠮᠳᠠ ᠵᠡᠭᠦᠨ ᠭᠡᠷ ᠤᠨ ᠬᠤᠶᠠᠷ ᠬᠡᠷᠡᠭᠦᠯ ᠵᠤᠳᠤᠭᠠᠨ ᠪᠤᠯᠵᠦ ᠡᠭᠦᠳᠡ ᠪᠠᠯᠪᠠᠭ᠋ᠤ ᠳᠤ ᠪᠢ ᠠᠶᠤᠭᠠᠳ  ᠬᠦᠨᠵᠢᠯᠡ ᠪᠠᠷ ᠢᠶᠠᠨ ᠲᠤᠯᠤᠭᠠᠢ ᠪᠠᠨ ᠤᠷᠢᠶᠠᠭᠠᠳ ᠭᠡᠪᠳᠡᠬᠦ ᠳᠤ ᠲᠠ ᠬᠠᠷᠢᠨ ᠭᠠᠷᠴᠣ ᠣᠴᠢᠭᠠᠳ ᠲᠡᠷᠡ ᠬᠤᠶᠠᠭᠤᠯᠠ ᠶᠢ ᠬᠡᠯᠡᠵᠦ ᠢᠳᠬᠠᠨ ᠡᠪᠰᠡᠭᠦᠯᠵᠦ ᠲᠠᠯᠪᠢᠭᠠᠳ ᠢᠷᠡᠬᠦ ᠳᠤ ᠲᠠᠨ ᠢ ︽ᠰᠠᠪᠠᠭ᠎ᠠ ᠦᠭᠡᠢ ᠬᠡᠷᠡᠭ ᠢ ᠬᠠᠮᠢᠶᠠᠷᠦᠯ᠎ᠠ︾ ᠭᠡᠵᠦ ᠣᠴᠠᠭᠠᠷᠳᠠᠭᠰᠠᠨ ᠳᠤ ᠪᠠᠨ ᠪᠢ ᠣᠳᠣ ᠬᠠᠷᠠᠮᠰᠠᠵᠦ ᠪᠠᠶᠢᠨ᠎ᠠ ᠡ᠂ ᠡᠵᠢ ᠡ︕ ᠨᠠᠳᠠ ᠲᠠᠢ ᠴᠤᠭ ᠪᠠᠶᠢᠭᠰᠠᠨ ᠡᠨᠡ ᠨᠠᠢᠮᠠᠨ ᠵᠢᠯ ᠤᠨ ᠲᠤᠷᠰᠢ ᠪᠢ ᠦᠪᠡᠷ ᠢᠶᠠᠨ ᠦᠳᠡᠯᠬᠦ ᠦᠭᠡᠢ ᠶᠤᠮ ᠰᠢᠭ᠋ ᠲᠠᠨ ᠢ ︽ᠠᠶᠠᠭ᠎ᠠ ᠴᠡᠪᠡᠷᠬᠡᠨ ᠤᠬᠢᠶᠠᠵᠤ  ᠴᠢᠳᠠᠬᠤ ᠦᠭᠡᠢ ᠪᠠᠶᠢᠵᠦ ᠤᠬᠢᠶᠠᠭᠠᠳ ᠶᠠᠭᠠᠬᠢᠬᠤ ᠭᠡᠰᠡᠨ ᠶᠤᠮ︖︾ ︽ᠠᠯᠴᠢᠭᠤᠷ ᠢ ᠴᠢᠩᠭ᠎ᠠ ᠮᠤᠰᠬᠢᠬᠤ ᠦᠭᠡᠢ ᠤᠰᠣ ᠲᠠᠢ ᠲᠠᠯᠪᠢᠭᠰᠠᠭᠠᠷ ᠪᠠᠶᠢᠵᠦ ᠦᠨᠦᠷ ᠤᠷᠤᠭᠤᠯᠴᠢᠬᠠᠯ᠎ᠠ︾᠂ ︽ᠡᠭᠦᠨ ᠢ ᠭᠡᠳᠦ ᠬᠡᠯᠡᠯ᠎ᠡ᠂ ᠪᠢ ᠪᠦᠷ ᠴᠡᠭᠡᠵᠢᠯᠡᠴᠢᠭᠡᠭᠰᠡᠨ ᠡ︕︾᠂ ︽ᠡᠵᠢ ᠡ᠂ ᠲᠠ ᠣᠳᠣ ᠪᠠᠭ᠎ᠠ ᠰᠢᠭ᠋ ᠦᠭᠡᠨ ᠳᠤ ᠲᠤᠷᠠᠯᠠ︕ ᠣᠴᠢᠷ ᠶᠠᠪᠤᠳᠠᠯ ᠢ ᠬᠤᠭᠤᠷᠤᠨᠳᠦ  ᠨᠢ ᠬᠤᠳᠬᠤᠵᠦ ᠪᠠᠶᠢᠨ᠎ᠠ ᠰᠢᠦ︾ ᠭᠡᠵᠦ ᠲᠠᠨ ᠳᠤ ᠣᠴᠠᠭᠠᠷᠯᠠᠭᠰᠠᠨ᠂ ᠶᠠᠷᠢᠭᠰᠠᠨ ᠪᠤᠯᠭᠠᠨ ᠳᠤ ᠪᠠᠨ ᠵᠠᠩᠬᠢᠷᠠᠵᠦ ᠪᠠᠶᠢᠨ᠎ᠠ᠃ ᠨᠡᠩ ᠴᠣ᠋ ᠪᠤᠴᠠᠭᠠᠳ ᠠᠬ᠎ᠠ ᠶᠢᠨ ᠬᠢ ᠤᠷᠤᠭᠤ ᠨᠡᠬᠦᠵᠦ ᠶᠠᠪᠤᠬᠤ ᠳᠤ ᠴᠢᠨᠢ ︽ᠰᠠᠶᠢᠪ ᠰᠠᠶᠢᠬᠠᠨ ᠪᠠᠶᠢᠭᠠᠳ ᠪᠠᠰᠠ ᠶᠠᠭᠠᠬᠢᠯ᠎ᠠ︖  ᠨᠠᠮᠠᠶᠢ ᠬᠡᠯᠡᠯ᠎ᠡ ᠶᠠᠷᠢᠯ᠎ᠠ ᠭᠡᠳ ᠶᠠᠪᠤᠬᠤ ᠭᠡᠵᠦ ᠪᠠᠶᠢᠨ᠎ᠠ ᠤᠤ︖︾ ᠭᠡᠬᠦ ᠳᠤ ︽ᠡᠵᠢ ᠲᠠᠢ ᠬᠦᠮᠦᠨ ᠡᠷᠬᠡᠯᠡᠬᠦ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ︕︾ ᠭᠡᠵᠤ ᠪᠢᠯᠡ᠃     ᠬᠠᠷᠢᠨ ᠰᠡᠭᠦᠯ ᠳᠤ ᠨᠢ ᠰᠣᠨᠣᠰᠬᠤ ᠳᠤ ︽ᠪᠢ ᠨᠢᠭᠡ ᠡᠳᠦᠷ ᠶᠠᠪᠤᠴᠢᠬᠠᠪᠠᠯ ᠬᠤᠶᠢᠨ᠎ᠠ ᠠᠴᠠ ᠮᠢᠨᠢ ᠰᠠᠨᠠᠭᠠᠳ ᠪᠦᠷ ᠭᠠᠭᠴᠠᠭᠠᠷᠳᠠᠨ᠎ᠠ᠂ ᠬᠡᠦᠬᠡᠨ ᠮᠢᠨᠢ᠃ ᠲᠡᠩᠳᠡᠭᠦᠦ ᠲᠠᠰᠴᠢᠬᠠᠪᠠᠯ ᠪᠤᠯᠬᠤ ᠦᠭᠡᠢ᠃ ᠪᠢ ᠶᠠᠪᠤᠶ᠎ᠠ︕ ᠭᠠᠭᠴᠠᠭᠠᠷ ᠰᠠᠭᠤᠵᠦ   ᠰᠤᠷᠠᠭ︕︾ ᠭᠡᠳ ᠡᠵᠢ ᠮᠢᠨᠢ ᠲᠠ ᠨᠠᠳᠠ ᠠᠴᠠ ᠰᠠᠯᠵᠦ ᠶᠠᠪᠤᠭᠰᠠᠨ ᠪᠠᠶᠢᠵᠦ ᠳ᠋ᠠ︕ ᠬᠦᠭᠡᠷᠦᠬᠦᠢ ᠡᠵᠢ ᠮᠢᠨᠢ᠂ ᠲᠠ ᠨᠠᠮᠠᠶᠢ ᠬᠠᠶᠢᠷᠠᠯᠠᠨ ᠰᠠᠨᠠᠭᠰᠠᠭᠠᠷ ᠲᠠᠪᠢ ᠬᠦᠷᠭᠡᠯ᠎ᠡ︕ ᠦᠬᠢᠨ ᠴᠢᠨᠢ ᠪᠢ ᠲᠠᠨ ᠤ ᠰᠡᠳᠬᠢᠯ ᠢ ᠮᠡᠳᠡᠭᠰᠡᠨ ᠦᠭᠡᠢ ᠁ ᠪᠢ ᠲᠠᠨ   ᠤ ᠲᠤᠰᠣ ᠰᠢᠭ᠋ ᠰᠠᠨᠠᠭ᠎ᠠ ᠶᠢ ᠴᠠᠷᠴᠠᠭᠤᠯᠤᠮᠠᠷ ᠶᠠᠭᠤᠮ᠎ᠠ ᠪᠤᠳᠤᠵᠦ ᠶᠠᠪᠤᠭᠰᠠᠨ ᠁ ᠰᠦ ᠰᠢᠭ ᠰᠡᠳᠬᠢᠯ ᠢ ᠴᠢᠨᠢ ᠡᠭᠡᠳᠦᠭᠦᠯᠬᠦ ᠦᠭᠡ ᠬᠡᠯᠡᠵᠦ ᠶᠠᠪᠤᠭᠰᠠᠨ ᠁ ᠡᠨᠡ ᠪᠦᠬᠦᠨ ᠳᠤ ᠪᠠᠨ ᠬᠠᠷᠠᠮᠰᠠᠵᠦ ᠪᠠᠶᠢᠨ᠎ᠠ︕ ᠡᠵᠢ ᠡ᠂ ᠪᠢ ᠬᠠᠷᠠᠮᠰᠠᠵᠦ ᠪᠠᠶᠢᠨ᠎ᠠ ᠁ ᠬᠢᠭᠰᠡᠨ ᠬᠡᠯᠡᠭᠰᠡᠨ ᠨᠢᠬᠦᠯ ᠢ  ᠮᠢᠨᠢ ᠴᠠᠭᠠᠨ ᠰᠦ ᠪᠠᠷ  ᠢᠶᠠᠨ ᠠᠷᠢᠭᠤᠰᠬᠠᠵᠦ ᠬᠠᠶᠢᠷᠠᠯᠠ︕ ᠬᠡᠷᠪᠡ ᠦᠨᠡᠭᠡᠷ ᠪᠤᠷᠬᠠᠨ ᠭᠡᠵᠦ ᠪᠠᠶᠢᠳᠠᠭ ᠪᠤᠯ ᠲᠠ ᠯᠠ ᠮᠢᠨᠦ ᠪᠤᠷᠬᠠᠨ᠂ ᠨᠠᠳᠠ ᠳᠤ ᠦᠭᠡᠷ᠎ᠡ ᠶᠠᠮᠠᠷ ᠴᠣ᠋ ᠪᠤᠷᠬᠠᠨ ᠬᠡᠷᠡᠭ ᠦᠭᠡᠢ᠃ ᠮᠢᠨᠦ ᠠᠮᠢᠳᠣ ᠪᠤᠷᠬᠠᠨ᠂ ᠣᠷᠳᠣ ᠨᠠᠰᠣᠯᠠᠠᠭᠠᠷᠠᠢ︕                                                                      ᠡᠬᠦᠨ᠎ᠡ  ᠄ ᠦᠬᠢᠨ ᠴᠢᠨᠢ ᠵᠢᠷᠡᠨᠴᠡᠴᠡᠭ ᠠᠴᠠ
 
ᠢᠷᠡᠯᠲᠡ᠄ ᠲᠦᠷᠪᠡᠤᠨ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠲᠡᠨ ᠤ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠶᠢᠨ ᠵᠢᠷᠡᠨᠴᠡᠴᠡᠭ ᠪᠠᠭᠰᠢ ᠶᠢᠨ ᠦᠪᠡᠷ ᠤᠨ ᠪᠦᠲᠦᠭᠡᠯ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠡᠵᠢ ᠶᠢᠨ ᠠᠴᠢᠯᠠᠯ ᠳᠤ — ᠭᠠᠯᠰᠠᠩ
ᠬᠡᠤᠬᠡᠳ ᠦᠰᠬᠡᠬᠦᠢ ᠶᠢᠨ ᠤᠬᠠᠭᠠᠨ ᠠᠴᠠ
ᠮᠠᠤ ᠵᠦᠰᠢ ᠶᠢᠨ ᠮᠤᠳᠤ — ᠮᠢᠨᠤ ᠨᠤᠲᠤᠭ ᠤᠨ ᠤᠳᠠ — ᠷᠢᠨ᠊᠂ ᠰᠤᠤᠨᠨᠠᠮ
2014-2019 ©  ᠮᠦᠩᠭᠡᠭᠠᠯ ᠮᠣᠩᠭᠤᠯ ᠰᠣᠶᠣᠯ ᠤᠨ ᠠᠵᠣ ᠠᠬᠤᠶᠢᠯᠠᠯ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备11000440号-2