| ᠬᠡᠤᠬᠡᠳ ᠦᠰᠬᠡᠬᠦᠢ ᠶᠢᠨ ᠤᠬᠠᠭᠠᠨ ᠠᠴᠠ | ᠯ᠊᠂ ᠲᠠᠰᠢᠨᠢᠮᠠ | ᠮᠤᠩᠭᠤᠯ ᠬᠦᠮᠦᠨ ᠪᠦᠷᠢ ᠦᠷᠡ ᠬᠡᠤᠬᠡᠳ ᠢᠶᠠᠨ ᠶᠠᠭᠤᠨ ᠤ ᠡᠮᠦᠨᠠ ᠬᠦᠮᠦᠨ ᠪᠤᠯᠭᠠᠬᠤ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠲᠠᠢ | ᠪᠠᠶᠢᠳᠠᠭ᠃ ᠬᠦᠮᠦᠨ ᠪᠤᠯᠭᠠᠨᠠ ᠬᠡᠳᠡᠭ ᠨᠢ ᠬᠡᠤᠬᠡᠳ ᠲᠤ ᠬᠦᠮᠦᠨ ᠳᠤ ᠪᠠᠶᠢᠬᠤ ᠶᠤᠰᠤᠳᠠᠢ ᠬᠠᠮᠤᠭ ᠤᠨ ᠡᠷᠬᠢᠮ | ᠨᠠᠨᠳᠢᠨ ᠴᠢᠨᠠᠷ ᠢ ᠬᠡᠪᠰᠢᠬᠦᠯᠬᠦ ᠶᠢ ᠬᠡᠯᠡᠳᠡᠭ᠃ ᠲᠠᠷᠡ ᠨᠢ ᠬᠦᠮᠦᠨ ᠳᠤ ᠠᠴᠢ ᠲᠤᠰᠠ ᠪᠤᠯᠵᠦ᠂ ᠦᠪᠡᠷ ᠤᠨ ᠪᠤᠯᠤᠨ | ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠳᠤ ᠬᠡᠮ ᠬᠤᠤᠷ ᠦᠭᠡᠢ᠂ ᠦᠪᠡᠷ ᠲᠤ ᠵᠠᠶᠠᠭᠠᠭᠰᠠᠨ ᠬᠤᠪᠢ ᠲᠠᠪᠢᠯᠠᠩ ᠢᠶᠠᠨ ᠵᠦᠪ ᠡᠳ᠋ᠯᠠᠵᠦ | ᠂ ᠬᠦᠮᠦᠨ ᠰᠢᠭ ᠠᠮᠢᠳᠤᠷᠠᠬᠤ ᠶᠠᠪᠤᠳᠠᠯ ᠬᠡᠵᠦ ᠦᠵᠡᠳᠡᠭ᠃ ᠱᠠᠰᠢᠨ ᠨᠤᠮ ᠤᠨ ᠪᠠᠭᠰᠢ ᠨᠠᠷ ᠨᠢ ᠪᠤᠯ ᠪᠠᠶᠠ᠂ ᠬᠡᠯᠡ᠂ | ᠰᠡᠳᠬᠢᠯ ᠭᠤᠷᠪᠠ ᠶᠢᠨ ᠨᠢᠬᠦᠯ ᠦᠭᠡᠢ ᠠᠮᠢᠳᠤᠷᠠᠬᠤ ᠶᠢ ᠰᠤᠷᠭᠠᠨᠠ᠃ | ᠨᠠᠶᠢᠬᠡᠮ ᠤᠨ ᠬᠠᠷᠢᠯᠴᠠᠭᠠᠨ ᠳᠤ ᠤᠷᠤᠯᠴᠠᠬᠤ ᠳᠠᠭᠠᠨ ᠰᠦᠷᠬᠡᠤ ᠪᠤᠷᠤᠭᠤ ᠤᠶᠢᠯᠡᠳᠦᠯ ᠬᠢᠵᠦ᠂ ᠦᠪᠡᠷ ᠲᠤ | ᠪᠤᠯᠤᠨ ᠪᠤᠰᠤᠳ ᠲᠤ ᠬᠤᠤᠷᠳᠠᠢ ᠤᠶᠢᠯᠠ ᠤᠶᠢᠯᠡᠳᠬᠦ ᠶᠢ ᠪᠠᠶᠠ ᠶᠢᠨ ᠨᠢᠬᠦᠯ ᠳᠤ ᠲᠤᠭᠠᠴᠢᠳᠠᠭ ᠪᠠᠶᠢᠨᠠ᠃ | ᠰᠡᠳᠬᠢᠯ ᠤᠨ ᠨᠢᠬᠦᠯ ᠨᠢ ᠤᠶᠤᠨ ᠤᠬᠠᠭᠠᠨ ᠳᠤ ᠪᠤᠷᠤᠭᠤ ᠵᠦᠢᠯ ᠰᠡᠳᠬᠢᠬᠦ᠂ ᠪᠤᠷᠤᠭᠤ ᠦᠵᠡᠯ ᠨᠤᠮᠯᠠᠯ ᠭᠠᠷᠭᠠᠬᠤ᠂ | ᠪᠤᠷᠤᠭᠤ ᠲᠦᠰᠦᠬᠡᠯᠡᠯ ᠲᠠᠢ ᠪᠠᠶᠢᠬᠤ ᠶᠢ ᠬᠡᠯᠡᠨᠠ᠃ | ᠬᠡᠯᠡᠨ ᠤ ᠨᠢᠬᠦᠯ ᠨᠢ ᠦᠪᠡᠷ ᠤᠨ ᠪᠤᠳᠤᠵᠦ ᠰᠡᠳᠦᠭᠰᠡᠨ᠂ ᠤᠶᠢᠯᠠᠭᠠᠵᠦ ᠤᠬᠠᠭᠠᠷᠠᠭᠰᠠᠨ ᠪᠤᠷᠤᠭᠤ ᠵᠦᠢᠯ ᠢ | ᠲᠦᠬᠡᠬᠡᠵᠦ ᠲᠠᠷᠬᠠᠭᠠᠬᠤ᠂ ᠬᠦᠮᠦᠨ ᠬᠡᠯᠡᠳᠡᠭ ᠦᠭᠡᠢ ᠮᠠᠭᠤ ᠮᠠᠭᠤᠬᠠᠢ ᠦᠬᠡ ᠶᠠᠷᠢᠶᠠ ᠭᠠᠷᠭᠠᠬᠤ ᠶᠢ ᠬᠡᠯᠡᠨᠠ᠃ | ᠶᠠᠷᠦ ᠨᠢ ᠮᠤᠩᠭᠤᠯ ᠳᠤ ᠵᠦᠪ ᠬᠦᠮᠦᠨ ᠪᠠᠶᠢᠬᠤ᠂ ᠰᠠᠶᠢᠨ ᠬᠦᠮᠦᠨ ᠪᠠᠶᠢᠬᠤ᠂ ᠰᠠᠶᠢᠨ ᠦᠢᠯᠡ ᠪᠦᠳᠦᠬᠡᠬᠦ ᠡᠳᠦᠢ | ᠲᠡᠳᠦᠢ ᠰᠤᠷᠭᠠᠯ ᠦᠬᠡ᠂ ᠨᠤᠮᠯᠠᠯ ᠪᠠᠶᠢᠳᠠᠭ᠃ ᠪᠠᠰᠠ ᠬᠡᠤᠬᠡᠳ ᠲᠤ ᠪᠦᠷᠢ ᠳᠤ ᠪᠠᠭᠠ ᠠᠴᠠ ᠨᠢ ᠬᠤᠷᠢᠭᠠ ᠴᠡᠬᠡᠷ | ᠤᠨ ᠲᠤᠬᠠᠢ ᠳᠤ ᠤᠶᠢᠯᠠᠭᠠᠭᠤᠯᠳᠠᠭ᠃ ᠲᠠᠷᠡ ᠨᠢ ᠶᠠᠭᠤ ᠶᠢ ᠰᠠᠶᠢᠨ᠂ ᠶᠠᠭᠤ ᠶᠢ ᠮᠠᠭᠤ ᠬᠡᠵᠦ ᠦᠵᠡᠬᠦ ᠶᠤᠰᠤᠳᠠᠢ ᠶᠢ | ᠂ ᠶᠠᠭᠠᠬᠢᠭᠠᠳ ᠮᠠᠭᠤ ᠦᠢᠯᠡ᠂ ᠪᠤᠷᠤᠭᠤ ᠵᠦᠷᠢᠬᠦᠦ ᠦᠬᠡ ᠭᠠᠷᠭᠠᠵᠦ ᠪᠤᠯᠬᠤ ᠦᠭᠡᠢ᠂ ᠪᠤᠰᠤᠳ ᠲᠤ ᠶᠠᠭᠠᠬᠢᠭᠠᠳ | ᠬᠤᠤᠷ ᠲᠠᠷᠢᠵᠦ ᠪᠤᠯᠬᠤ ᠦᠭᠡᠢ ᠶᠢ ᠤᠶᠢᠯᠠᠭᠠᠭᠤᠯᠤᠨᠠ᠃ ᠵᠢᠱᠢᠶᠠ ᠨᠢ᠄ ᠡᠪᠦᠬᠡᠳ ᠦᠳᠡᠬᠦᠰ᠂ ᠠᠪᠤ ᠡᠵᠢ᠂ ᠠᠬᠠ | ᠲᠡᠬᠦᠦ ᠪᠠᠨ ᠶᠠᠭᠠᠬᠢᠵᠦ ᠬᠦᠨᠳᠦᠳᠬᠡᠬᠦ᠂ ᠪᠠᠶᠢᠭᠠᠯᠢ ᠶᠢ ᠶᠠᠭᠠᠬᠢᠵᠦ ᠬᠠᠮᠠᠭᠠᠯᠠᠬᠤ᠂ ᠬᠦᠮᠦᠨ ᠤ ᠬᠢᠵᠦ ᠪᠦᠳᠦᠭᠡᠭᠰᠡᠨ ᠢ | ᠶᠠᠭᠠᠬᠢᠵᠦ ᠬᠠᠶᠢᠷᠠᠯᠠᠵᠦ ᠬᠠᠮᠠᠭᠠᠯᠠᠬᠤ ᠶᠢ ᠵᠢᠭᠠᠵᠦ ᠦᠭᠬᠦᠨᠠ᠃ | ᠵᠢᠭᠠᠵᠦ ᠰᠤᠷᠭᠠᠬᠤ᠂ ᠲᠠᠳᠤᠭᠤᠯᠬᠤ᠂ ᠦᠪᠡᠷ ᠢᠶᠠᠷ ᠨᠢ ᠬᠢᠯᠬᠡᠬᠦ ᠤᠶᠢᠯᠠ ᠶᠠᠪᠤᠴᠠ ᠨᠠᠰᠦ ᠨᠠᠰᠤᠨ ᠳᠤ ᠨᠢ | ᠦᠬᠡᠷᠡ ᠦᠬᠡᠷᠡ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ ᠬᠡᠤᠬᠡᠳ ᠤᠨ ᠨᠠᠰᠦ ᠶᠢ ᠤᠬᠢᠯᠠᠬᠤ ᠨᠠᠰᠦ᠂ | ᠲᠠᠭᠤᠷᠢᠶᠠᠬᠤ ᠨᠠᠰᠦ᠂ ᠬᠢᠵᠦ ᠪᠦᠳᠦᠬᠡᠵᠦ ᠰᠤᠷᠬᠤ ᠨᠠᠰᠦ ᠬᠡᠬᠦ ᠮᠡᠳᠦ ᠪᠠᠷ ᠲᠤᠩ ᠤᠶᠢᠯᠠᠭᠠᠮᠵᠢᠳᠠᠢ ᠨᠠᠷᠠᠯᠡᠭᠰᠡᠨ ᠨᠢ | ᠪᠤᠢ᠃ ᠶᠠᠷᠦ ᠨᠢ ᠬᠡᠤᠬᠡᠳ ᠢ ᠬᠡᠪᠡᠯᠢ ᠳᠡᠭᠡᠨ ᠪᠠᠶᠢᠬᠤ ᠦᠶᠠ ᠠᠴᠠ ᠡᠬᠢᠯᠡᠬᠡᠳ ᠨᠠᠰᠦ ᠪᠠᠶᠠ ᠳᠤ ᠬᠦᠷᠳᠡᠯᠡ ᠨᠢ᠂ | ᠦᠬᠡᠷᠡ ᠪᠠᠷ ᠬᠡᠯᠡᠪᠡᠯ 16 ᠬᠦᠷᠳᠡᠯᠡ ᠨᠠᠰᠦᠨ ᠤ ᠬᠢᠨ ᠢ ᠲᠤᠯᠤᠭᠠᠨ ᠦᠬᠡᠷᠡ ᠨᠠᠷᠠ ᠪᠠᠷ ᠨᠠᠷᠠᠯᠠᠵᠦ᠂ ᠬᠠᠨᠳᠤᠬᠤ | ᠨᠢ ᠴᠦ ᠦᠬᠡᠷᠡ ᠦᠬᠡᠷᠡ ᠪᠠᠶᠢᠨᠠ᠃ | —— ᠵᠤᠯᠪᠤᠷᠠᠢ ᠦᠶᠠ ᠬᠡᠳᠡᠭ ᠨᠢ ᠬᠡᠪᠡᠯᠢ ᠳᠠᠬᠢ ᠬᠤᠶᠠᠷ ᠰᠠᠷᠠ ᠬᠦᠷᠳᠡᠯᠡᠬᠢ ᠬᠤᠭᠤᠴᠠᠭᠠ᠃ ᠦᠷᠡ | ᠵᠤᠯᠪᠤᠬᠤ ᠬᠡᠳᠡᠭ ᠨᠢ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠲᠤᠳᠠᠭᠤ ᠲᠦᠷᠦᠬᠦ᠂ ᠤᠳᠦ ᠶᠢᠨ ᠬᠢ ᠪᠠᠷ ᠬᠤᠰᠤᠭᠤᠯᠬᠤ ᠬᠡᠭᠴᠢ | ᠶᠢ ᠬᠢᠯᠭᠡᠬᠦ ᠶᠢ ᠬᠡᠯᠡᠳᠡᠭ ᠪᠠᠶᠢᠨᠠ᠃ | —— ᠨᠢᠷᠠᠢ ᠦᠶᠠ ᠬᠡᠳᠡᠭ ᠨᠢ ᠬᠡᠪᠡᠯᠢ ᠳᠠᠬᠢ ᠭᠤᠷᠪᠠᠨ ᠰᠠᠷᠠ ᠲᠠᠢ ᠠᠴᠠ ᠲᠦᠷᠦᠭᠰᠡᠨ ᠤ ᠲᠠᠷᠠᠭᠠᠬᠢ | ᠬᠤᠶᠠᠷ ᠰᠠᠷᠠ ᠬᠦᠷᠳᠡᠯᠡᠬᠢ ᠦᠶᠠ ᠶᠢ ᠬᠡᠯᠡᠨᠠ᠃ ᠨᠢᠷᠠᠶᠢᠯᠠᠬᠤ᠂ ᠬᠡᠤᠬᠡᠳ ᠨᠢᠷᠠᠢ ᠪᠠᠶᠢᠭᠠ ᠬᠡᠳᠡᠭ ᠨᠢ ᠡᠨᠡ᠃ | —— ᠨᠢᠯᠬᠠ ᠦᠶᠠ ᠬᠡᠳᠡᠭ ᠨᠢ ᠭᠤᠷᠪᠠᠨ ᠰᠠᠷᠠ ᠲᠠᠢ ᠠᠴᠠ ᠨᠢᠯᠬᠠ ᠨᠠᠰᠦ ᠬᠦᠷᠳᠡᠯᠡᠬᠢ ᠬᠤᠭᠤᠴᠠᠭᠠ᠃ | ᠡᠨᠡ ᠬᠦᠷᠳᠡᠯᠡ ᠨᠠᠰᠦ ᠬᠡᠵᠦ ᠶᠠᠷᠢᠬᠤ ᠦᠭᠡᠢ᠃ ᠲᠠᠶᠢᠮᠦ ᠦᠶᠠ᠂ ᠡᠶᠢᠮᠦ ᠦᠶᠠ ᠬᠡᠵᠦ ᠶᠠᠷᠢᠨᠠ᠃ | —— ᠪᠠᠯᠴᠢᠷ ᠨᠠᠰᠦ ᠬᠡᠳᠡᠭ ᠨᠢ 2 —— 4 ᠨᠠᠰᠦ ᠶᠢ ᠬᠡᠯᠡᠨᠠ᠃ | —— ᠪᠠᠭᠠ ᠨᠠᠰᠦ ᠨᠢ 5 —— 8 ᠨᠠᠰᠦ ᠪᠤᠯᠤᠨᠠ᠃ | ᠮᠤᠩᠭᠤᠯᠴᠤᠳ ᠪᠠᠯᠴᠢᠷ ᠨᠠᠰᠤᠨ ᠳᠠᠭᠠᠨ ᠪᠠᠶᠠ ᠮᠠᠬᠠᠪᠤᠳ ᠢᠶᠠᠷ ᠢᠶᠠᠨ᠂ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠤᠶᠤᠨ ᠰᠡᠳᠬᠢᠯ | ᠢᠶᠠᠷ ᠢᠶᠠᠨ ᠮᠡᠳᠡᠷᠡᠳᠡᠭ ᠬᠡᠵᠦ ᠦᠵᠡᠳᠡᠭ᠃ ᠪᠠᠭᠠ ᠨᠠᠰᠤᠨ ᠠᠴᠠ ᠡᠬᠢᠯᠡᠭᠡᠳ᠂ ᠦᠬᠡᠷᠡ ᠪᠠᠷ ᠬᠡᠯᠡᠪᠡᠯ ᠦᠪᠡᠷ ᠢᠶᠠᠨ | ᠦᠪᠡᠷ ᠢ ᠪᠠᠨ ᠲᠠᠨᠢᠭᠠᠳ ᠢᠷᠡᠭᠰᠡᠨ ᠠᠴᠠ ᠨᠢ ᠬᠤᠶᠢᠰᠢ ᠪᠠᠶᠠ ᠮᠠᠬᠠᠪᠤᠳ ᠲᠤ ᠨᠢ ᠬᠦᠷᠬᠦ᠂ ᠡᠪᠡᠳᠬᠡᠬᠦ ︵ᠵᠤᠳᠤᠬᠤ | ︶᠂ ᠬᠠᠰᠢᠷᠠᠭᠠᠬᠤ ᠵᠡᠷᠬᠡ ᠶᠢ ᠪᠤᠯᠭᠤᠮᠵᠢᠯᠠᠳᠠᠭ᠃ | —— 9 —— 12 ᠨᠠᠰᠦ ᠶᠢ ᠦᠰᠪᠦᠷᠢ ᠨᠠᠰᠦ ᠬᠡᠨᠠ᠃ ᠤᠷᠴᠢᠨ ᠴᠠᠭ ᠲᠤ ᠦᠰᠪᠦᠷᠢ ᠨᠠᠰᠦ᠂ | ᠦᠰᠬᠦ ᠢᠳᠡᠷ ᠨᠠᠰᠦᠨ ᠤ ᠵᠠᠭᠠᠭ ᠢ ᠰᠢᠯᠵᠢᠯᠳᠠ ᠶᠢᠨ ᠦᠶᠠ ᠪᠤᠶᠤ ᠬᠦᠮᠦᠨ ᠤ ᠲᠤᠳᠤᠭᠠᠳᠦ ᠶᠢᠷᠳᠢᠨᠴᠦ ᠤᠷᠴᠢᠨ | ᠠᠬᠤᠢ ᠲᠠᠢ ᠪᠠᠨ ᠵᠦᠷᠢᠴᠠᠯᠳᠦᠵᠦ ᠡᠬᠢᠯᠡᠳᠡᠭ ᠦᠶᠠ ᠬᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ ᠬᠦᠮᠦᠨ ᠳᠤ ᠪᠠᠶᠢᠳᠠᠭ ᠪᠠᠶᠢᠭᠠᠯᠢ | ᠶᠢᠨ ᠪᠤᠶᠤ ᠲᠦᠷᠦᠯᠬᠢ ᠰᠢᠨᠵᠢ ᠴᠢᠨᠠᠷ ᠨᠠᠶᠢᠬᠡᠮ ᠤᠨ ᠬᠠᠷᠢᠴᠠᠭᠠᠨ ᠠᠴᠠ ᠡᠬᠦᠳᠦᠯᠳᠠᠢ᠂ ᠨᠠᠶᠢᠬᠡᠮᠰᠢᠯ ᠤᠨ ᠦᠷᠡ | ᠳ᠋ᠦᠩ᠂ ᠰᠢᠨᠵᠢ ᠲᠦᠷᠬᠦ ᠲᠠᠢ ᠵᠦᠷᠢᠴᠡᠯᠳᠦᠵᠦ ᠪᠠᠶᠢᠨᠠ ᠬᠡᠰᠡᠨ ᠦᠬᠡ᠃ | —— 13 —— 16 ᠨᠠᠰᠦ ᠶᠢ ᠦᠰᠬᠦ ᠢᠳᠡᠷ ᠨᠠᠰᠦ ᠬᠡᠨᠠ᠃ ᠵᠠᠷᠢᠮ ᠬᠦᠮᠦᠨ᠂ ᠲᠠᠷᠠ | ᠪᠠᠶᠢᠳᠤᠭᠠᠢ ᠰᠤᠳᠤᠯᠤᠭᠠᠴᠢᠳ ᠬᠦᠷᠳᠡᠯᠡ 50 ᠭᠠᠷᠤᠭᠰᠠᠨ ᠬᠦᠮᠦᠨ ᠢ ᠢᠳᠡᠷ ᠨᠠᠰᠤᠨ ᠤ ᠬᠦᠮᠦᠨ ᠬᠡᠵᠦ ᠬᠡᠯᠡᠳᠡᠭ | ᠨᠢ ᠪᠤᠷᠤᠭᠤ ᠤᠶᠢᠯᠠᠭᠠᠯᠳᠠ ᠶᠤᠮ᠃ ᠤᠳᠦ ᠦᠶᠠ ᠳᠤ ᠬᠡᠤᠬᠡᠳ 16 ᠬᠦᠷᠦᠬᠡᠳ ᠢᠷᠬᠡᠨ ᠤ ᠦᠨᠡᠮᠯᠡᠬᠦ ᠭᠠᠷᠳᠠᠨ | ᠠᠪᠴᠦ ᠪᠠᠶᠢᠭᠠ᠃ ᠲᠤᠮᠦ ᠬᠦᠮᠦᠨ ᠪᠤᠯᠵᠦ ᠪᠠᠶᠢᠨᠠ ᠭᠡᠰᠡᠨ ᠦᠬᠡ᠃ | ︽ᠮᠤᠩᠭᠤᠯ ᠠᠶᠢᠯ ᠪᠦᠷᠢ ᠨᠢᠬᠡ ᠦᠢᠯᠡᠳᠪᠦᠷᠢ︾ ᠬᠡᠵᠦ ᠦᠵᠡᠳᠡᠭ ᠰᠤᠳᠤᠯᠤᠭᠠᠴᠢᠳ ᠪᠤᠢ᠃ ᠦᠨᠡᠬᠡᠷ ᠴᠦ᠂ | ᠮᠤᠩᠭᠤᠯ ᠬᠦᠮᠦᠨ ᠦᠷᠡ ᠬᠡᠤᠬᠡᠳ ᠢᠶᠠᠨ ᠠᠮᠢᠳᠦ ᠦᠢᠯᠡᠳᠪᠦᠷᠢᠯᠡᠯ ᠲᠡᠬᠡᠷᠡ᠂ ᠪᠤᠳᠠᠳᠦ ᠠᠮᠢᠳᠤᠷᠠᠯ ᠲᠤᠮᠳᠠ | ᠦᠰᠭᠡᠵᠦ ᠬᠦᠮᠦᠵᠢᠬᠦᠯᠳᠡᠭ᠃ ᠪᠦᠬᠦᠳᠠ ᠶᠢ ᠲᠠᠭᠤᠷᠢᠶᠠᠯᠭᠠᠵᠦ᠂ ᠬᠠᠷᠠᠭᠤᠯᠵᠦ ᠬᠢᠨᠠ᠃ ᠲᠠᠷᠡ ᠶᠠᠪᠤᠴᠠ ᠳᠤ | ᠶᠠᠷᠢᠵᠦ ᠲᠠᠶᠢᠯᠪᠤᠷᠢᠯᠠᠵᠦ ᠦᠭᠬᠦᠨᠠ᠃ ᠲᠦᠯᠦᠪᠰᠢᠯ ᠢ ᠤᠯᠭᠤᠨᠠ᠃ | ᠬᠡᠤᠬᠡᠳ ᠤᠨ ᠬᠠᠮᠤᠭ ᠤᠨ ᠤᠶᠢᠷᠠ ᠶᠢᠨ ᠪᠠᠭᠰᠢ ᠨᠢ ᠲᠤᠬᠠᠢ ᠶᠢᠨ ᠬᠡᠤᠬᠡᠳ ᠤᠨ ᠠᠬᠠ ᠡᠬᠡᠴᠢ ᠨᠠᠷ᠂ ᠡᠪᠦᠭᠡ | ᠡᠮᠡᠭᠡ ᠨᠢ ᠪᠠᠶᠢᠨᠠ᠃ ᠠᠬᠠ ᠡᠬᠡᠴᠢ ᠨᠢ ᠲᠠᠳᠤᠯᠭᠠ ᠶᠢᠨ ᠪᠠᠭᠰᠢ᠂ ᠡᠪᠦᠭᠡ ᠡᠮᠡᠭᠡ ᠨᠢ ᠰᠤᠷᠭᠠᠯ ᠤᠨ ᠪᠤᠶᠤ ᠤᠨᠤᠯ | ᠤᠨ ᠪᠠᠭᠰᠢ ᠨᠠᠷ ᠶᠤᠮ᠃ ᠪᠦᠬᠦᠳᠠ ᠶᠢ ᠦᠪᠡᠷᠰᠡᠳ ᠤᠨ ᠲᠤᠷᠰᠢᠯᠭᠠ᠂ ᠦᠵᠡᠵᠦ ᠬᠠᠷᠠᠭᠰᠠᠨ ᠳᠤ ᠲᠤᠯᠭᠠᠭᠤᠷᠢᠯᠠᠨ | ᠂ ᠶᠡᠷᠢᠵᠦ ᠲᠠᠶᠢᠯᠪᠤᠷᠢᠯᠠᠵᠦ ᠦᠭᠬᠦᠨᠠ᠃ ᠴᠤᠬᠤᠮ ᠳᠠᠭᠠᠨ ᠲᠠᠳᠠ ᠯᠡ ᠮᠤᠩᠭᠤᠯ ᠬᠡᠤᠬᠡᠳ ᠤᠨ ᠤᠶᠤᠨ ᠢ | ᠲᠦᠯᠦᠪᠰᠢᠬᠦᠯᠵᠦ ᠬᠦᠮᠦᠨ ᠪᠤᠯᠭᠠᠳᠠᠭ ᠬᠦᠮᠦᠰ ᠶᠤᠮ᠃ | ᠨᠢᠬᠡᠨᠳᠠ ᠬᠦᠮᠦᠨ ᠪᠤᠯᠭᠠᠭᠰᠨ ᠬᠦᠮᠦᠨ ᠢᠶᠠᠷ ᠬᠡᠨ ᠢ ᠴᠦ ᠪᠦᠳᠦᠬᠡᠵᠦ ᠪᠤᠯᠬᠤ ᠶᠤᠮ᠃ | ᠮᠤᠩᠭᠤᠯ ᠤᠯᠠᠮᠵᠢᠯᠠᠯᠳᠦ ᠠᠮᠢᠳᠤᠷᠠᠯ ᠳᠤ ᠬᠡᠤᠬᠡᠳ ᠤᠳ ᠤᠨ ᠬᠠᠮᠤᠭ ᠤᠨ ᠲᠤᠷᠠᠳᠠᠢ ᠲᠤᠭᠯᠠᠭᠠᠮ ᠨᠢ ᠠᠶᠢᠯ ᠬᠡᠷ | ᠪᠤᠯᠵᠦ ᠲᠤᠭᠯᠠᠬᠤ ᠲᠤᠭᠯᠠᠭᠠᠮ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠰᠤᠷᠭᠠᠯᠳᠠ ᠶᠢᠨ ᠲᠠᠩᠬᠢᠮ ᠶᠤᠮ ᠤᠤ ᠲᠠᠳᠤᠯᠭᠠ ᠶᠢᠨ | ᠲᠠᠯᠠᠪᠤᠷ ᠴᠦ ᠬᠡᠵᠦ ᠬᠡᠯᠡᠭᠰᠡᠨ ᠪᠤᠯᠬᠤ ᠠᠮᠢᠳᠤᠷᠠᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠤᠮ᠃ | ᠠᠵᠢᠯ ᠬᠦᠳᠡᠯᠮᠦᠷᠢ᠂ ᠦᠬᠡ ᠶᠠᠷᠢᠶᠠᠨ ᠤ ᠪᠦᠬᠦ ᠲᠠᠳᠤᠯᠭᠠ ᠲᠡᠨᠳᠡ ᠶᠠᠪᠤᠭᠳᠠᠨᠠ᠃ ᠬᠡᠤᠬᠡᠳ ᠤᠳ ᠲᠤᠮᠦ | ᠬᠦᠮᠦᠨ ᠪᠤᠯᠵᠦ ᠲᠤᠭᠯᠠᠳᠠᠭ ᠢᠶᠠᠷ ᠢᠶᠠᠨ ᠬᠠᠮᠤᠭ ᠤᠨ ᠰᠤᠨᠢᠷᠬᠠᠯᠳᠠᠢ᠂ ᠪᠠᠰᠠ ᠰᠤᠷᠭᠠᠮᠵᠢ ᠲᠠᠢ ᠬᠢᠴᠢᠶᠠᠯ ᠪᠤᠯᠳᠠᠭ᠃ | ᠮᠤᠩᠭᠤᠯ ᠬᠡᠤᠬᠡᠳ ᠶᠠᠭᠠᠬᠢᠵᠦ ᠬᠦᠮᠦᠨ ᠪᠤᠯᠳᠠᠭ ᠢ ᠤᠯᠠ ᠲᠠᠢ ᠰᠠᠶᠢᠨ ᠠᠩᠵᠠᠭᠠᠷᠠᠵᠦ ᠤᠬᠠᠭᠠᠷᠠᠪᠠᠰᠦ ᠮᠤᠩᠭᠤᠯ | ᠬᠦᠮᠦᠨ ᠤ ᠮᠠᠲ᠋ᠧᠷᠢᠶᠠᠯᠯᠢᠭ ᠪᠤᠯᠤᠨ ᠤᠶᠤᠨ ᠤ ᠠᠮᠢᠳᠤᠷᠠᠯ᠂ ᠢᠯᠠᠩᠭᠤᠶᠠ ᠬᠡᠷ ᠪᠦᠯᠢ ᠶᠢᠨ ᠦᠨᠠ ᠴᠠᠨᠠᠳᠦ ᠵᠤᠶᠢᠯᠡᠰ | ᠢ ᠤᠶᠢᠯᠠᠭᠠᠵᠦ᠂ ᠵᠠᠷᠢᠮ ᠬᠦᠮᠦᠨ ᠦᠯᠢᠭᠡᠷᠯᠡᠯ ᠢ ᠠᠪᠴᠦ ᠪᠤᠯᠤᠨᠠ ᠬᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ | ︽ᠰᠢᠳᠦᠬᠡᠨ ᠮᠤᠩᠭᠤᠯ︾ ᠸᠢᠴᠠᠲ ᠲᠡᠪᠴᠡᠩ ᠠᠴᠠ ᠪᠠᠭᠤᠯᠭᠠᠪᠠ |