ᠦᠩ ᠠᠭᠤᠳᠠᠮ ᠳᠦᠷᠪᠡᠳ ᠨᠤᠳᠤᠭ ᠪᠤᠯ ᠡᠷᠳᠡ ᠳᠡᠭᠡᠳᠦ ᠦᠶᠡ ᠠᠴᠠ ᠠᠪᠤᠭᠠᠳ ᠤᠮᠠᠷᠠᠳᠤ ᠶᠢᠨ ᠴᠦᠬᠡᠨ | ᠳᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠨᠤᠳᠤᠭᠰᠢᠨ ᠰᠠᠭᠤᠭᠰᠠᠨ ᠨᠤᠳᠤᠭ ᠪᠤᠯᠬᠤ ᠶᠤᠮ᠃ ᠵᠠᠷᠢᠮ ᠳᠡᠦᠬᠡᠨ ᠨᠤᠮ ᠮᠠᠲ᠋ᠧᠷᠢᠶᠠᠯ | ᠠᠴᠠ ᠦᠵᠡᠪᠡᠯ ᠂ ᠼᠦᠨ ᠸᠧᠢ᠂ ᠬᠦᠩ ᠹᠠᠩ᠂ ᠬᠢᠶᠤᠨ᠂ ᠰᠢᠶᠡᠨ ᠢᠦᠢ᠂ ᠴᠢᠤᠸᠠᠨ ᠷᠦᠩ᠂ ᠾᠦᠩᠨᠤ᠂ | ᠰᠢᠶᠠᠨᠪᠢ᠂ ᠤᠩᠭᠤᠳ ᠵᠡᠷᠭᠡ ᠠᠶᠢᠮᠠᠭ ᠦᠨᠳᠦᠰᠦᠳᠡᠨ ᠤᠷᠢᠳ ᠬᠤᠵᠢᠳ ᠡᠨᠡᠬᠦ ᠭᠠᠵᠠᠷ ᠨᠤᠳᠤᠭ ᠳᠡᠭᠡᠷᠡ | ᠤᠷᠤᠰᠢᠵᠤ ᠪᠠᠶᠢᠵᠠᠢ᠃ ᠤᠷᠳᠤ ᠤᠳᠠᠭᠠᠨ ᠳᠡᠦᠬᠡᠨ ᠴᠠᠭ ᠬᠤᠭᠤᠴᠠᠭᠠᠨᠠ ᠳᠡᠳᠡᠭᠡᠷ ᠠᠳᠠᠯᠢ ᠪᠤᠰᠤ ᠠᠶᠢᠮᠠᠭ | ᠤᠭᠰᠠᠭᠠᠳᠠᠨ ᠦᠪᠡᠷ ᠤᠨ ᠤᠷᠤᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠤᠷᠤᠨ ᠨᠤᠳᠤᠭ ᠳᠡᠭᠡᠷᠡ ᠪᠠᠨ ᠦᠪᠡᠷ ᠦᠪᠡᠷᠰᠡᠳ | ᠤᠨ ᠢᠶᠠᠨ ᠤᠯᠠ ᠮᠦᠷ ᠢᠶᠠᠨ ᠠᠳᠠᠯᠢ ᠪᠤᠰᠤ ᠬᠡᠯᠪᠡᠷᠢ ᠪᠠᠷ ᠦᠯᠡᠳᠡᠭᠡᠵᠤ ᠬᠤᠴᠤᠷᠭᠠᠭᠰᠠᠨ ᠨᠢ ᠤᠳᠤ ᠦᠶᠡ ᠶᠢᠨ | ᠬᠦᠮᠦᠰ ᠤᠨ ᠠᠩᠬᠠᠷᠤᠯ ᠢ ᠬᠦᠴᠦᠳᠡᠢ ᠳᠠᠳᠠᠬᠤ ᠡᠷᠳᠡᠨ ᠤ ᠦᠯᠡᠳᠡᠭᠳᠡᠯ ᠪᠤᠯᠵᠠᠢ᠃ ᠳᠦᠷᠪᠡᠳ ᠤᠨ ᠬᠠᠳᠠᠨ ᠵᠢᠷᠤᠭ | ᠪᠤᠯ ᠳᠠᠷᠬᠠᠯᠳᠠ ᠪᠠᠷ ᠦᠷᠬᠡᠨ᠂ ᠠᠭᠤᠯᠭᠠ ᠪᠠᠷ ᠪᠠᠶᠠᠯᠢᠭ᠂ ᠪᠤᠢ ᠪᠤᠯᠵᠤ ᠪᠦᠷᠢᠯᠳᠦᠭᠰᠡᠨ ᠬᠤᠭᠤᠴᠠᠭᠠ ᠨᠢ ᠤᠷᠳᠤ | ᠪᠠᠶᠢᠵᠤ᠂ ᠠᠩᠬᠠ ᠠᠯᠬᠤᠮ ᠤᠨ ᠪᠠᠶᠢᠴᠠᠭᠠᠯᠳᠠ ᠠᠴᠠ ᠦᠵᠡᠪᠡᠯ ᠮᠠᠯᠵᠢᠬᠤ ᠤᠷᠤᠨ ᠤ ᠤᠯᠠᠭᠠᠨᠬᠠᠳᠠ ᠰᠤᠮᠤ᠂ | ᠪᠠᠶᠠᠨᠴᠤᠭᠳᠤ ᠰᠤᠮᠤ᠂ ᠴᠠᠭᠠᠨ᠋ᠤᠪᠤᠭᠠ ᠰᠤᠮᠤ᠂ ᠬᠤᠩᠭᠤᠷ ᠰᠤᠮᠤ ᠪᠠ ᠸᠧᠢᠢᠵᠢᠩ ᠰᠤᠮᠤᠨ ᠤ ᠬᠡᠪᠴᠢᠶᠡᠨ ᠳᠤ ᠪᠦᠷ | ᠬᠠᠳᠠᠨ ᠵᠢᠷᠤᠭ ᠳᠠᠷᠬᠠᠵᠤ ᠪᠠᠶᠢᠳᠠᠭ᠃ ᠸᠧᠢᠢᠵᠢᠩ ᠰᠤᠮᠤᠨ ᠤ ᠴᠠᠭᠠᠨ ᠬᠠᠰᠢᠶᠠᠳᠤ ᠪᠠ ᠴᠠᠭᠠᠨ᠋ᠤᠪᠤᠭᠠ ᠰᠤᠮᠤᠨ ᠤ | ᠰᠠᠩᠳᠠᠯᠠᠢ ᠭᠠᠴᠠᠭᠠᠨ ᠤ ᠤᠯᠠᠭᠠᠨ ᠳᠡᠯ ᠤᠨ ᠬᠠᠳᠠᠨ ᠳᠤ ᠶᠡᠭᠡ ᠪᠠᠭᠠ ᠨᠢ ᠠᠳᠠᠯᠢ ᠪᠤᠰᠤ ᠮᠤᠷᠢᠨ ᠳᠤᠭᠤᠷᠠᠢ ᠶᠢᠨ | ᠮᠦᠷ ᠤᠨ ᠵᠢᠷᠤᠭ ᠨᠡᠯᠢᠶᠡᠳ ᠠᠷᠪᠢᠨ ᠪᠤᠢ᠃ ᠳᠤᠰ ᠭᠠᠵᠠᠷ ᠤᠨ ᠮᠠᠯᠴᠢᠳ ᠡᠬᠦᠨ ᠢ ᠴᠢᠩᠭᠢᠰ ᠤᠨ ᠮᠤᠷᠢᠨ | ᠳᠤᠭᠤᠷᠠᠢ ᠶᠢᠨ ᠮᠦᠷ ᠬᠡᠯᠴᠡᠳᠡᠭ᠃ ᠤᠯᠠᠭᠠᠨ ᠳᠡᠯ ᠤᠨ ᠬᠠᠳᠠᠨ ᠵᠢᠷᠤᠭ ᠲᠤ ᠪᠠᠰᠠ ᠳᠦᠪᠡᠳ ᠳᠠᠩᠭᠤᠳ ᠦᠰᠦᠭ | ᠪᠠ ᠪᠤᠰᠤᠳ ᠵᠢᠷᠤᠭ ᠳᠦᠷᠰᠦ ᠴᠤ ᠤᠯᠠᠨ ᠪᠠᠶᠢᠳᠠᠭ᠃ ᠤᠯᠠᠭᠠᠨᠬᠠᠳᠠ ᠰᠤᠮᠤᠨ ᠤ ᠤᠯᠠᠭᠠᠨᠬᠠᠳᠠ ᠭᠠᠴᠠᠭᠠᠨ ᠤ | ᠪᠢᠴᠢᠭᠳᠦ ᠶᠢᠨ ᠬᠠᠳᠠᠨ ᠳᠡᠭᠡᠷᠡ ᠦᠬᠡᠷ ᠮᠤᠷᠢ ᠵᠡᠷᠭᠡ ᠠᠳᠤᠭᠤᠰᠤᠨ ᠠᠮᠢᠳᠠᠳ ᠤᠨ ᠵᠢᠷᠤᠭ ᠪᠠᠶᠢᠳᠠᠭ ᠠᠴᠠ | ᠭᠠᠳᠠᠨᠠ ᠪᠠᠰᠠ ᠱᠠᠰᠢᠨ ᠤ ᠠᠭᠤᠯᠭᠠ ᠪᠦᠬᠦᠢ ᠮᠤᠩᠭᠤᠯ ᠳᠦᠪᠡᠳ ᠦᠰᠦᠭ᠂ ᠳᠡᠷᠡᠴᠢᠯᠡᠨ ᠬᠠᠪᠴᠢᠯ ᠰᠦᠮᠡ ᠶᠢᠨ | ᠤᠶᠢᠷᠠᠯᠴᠠᠭᠠ ᠪᠠᠶᠢᠭᠠ ᠦᠬᠡᠷ ᠴᠢᠯᠠᠭᠤᠨ ᠳᠡᠭᠡᠷᠡ ᠤᠷᠠᠨ ᠨᠠᠷᠢᠨ ᠰᠡᠶᠢᠯᠦᠭᠰᠡᠨ ᠪᠤᠷᠬᠠᠨ ᠤ ᠬᠦᠷᠦᠭ ᠤᠨ ᠰᠡᠶᠢᠯᠦᠮᠡᠯ | ᠪᠠᠶᠢᠳᠠᠭ᠃ ᠳᠤᠰ ᠰᠤᠮᠤᠨ ᠤ ᠪᠠᠶ᠋ᠬᠠᠤᠪᠤᠭᠠ ᠭᠠᠴᠠᠭᠠᠨ ᠤ ᠳᠠᠪᠬᠤᠷᠠ ᠶᠢᠨ ᠠᠷᠤ ᠶᠢᠨ ᠬᠠᠳᠠᠨ ᠳᠡᠭᠡᠷᠡ ᠬᠦᠶᠦᠭᠡ | ᠪᠤᠭᠤ ᠶᠢᠨ ᠵᠢᠷᠤᠭ ᠲᠠᠢ ᠪᠦᠭᠡᠳ ᠳᠡᠷᠡ ᠨᠢ ᠳᠡᠮᠦᠷᠯᠢᠭ ᠪᠠᠭᠠᠵᠢ ᠪᠠᠷ ᠴᠠᠪᠴᠢᠵᠤ ᠰᠡᠶᠢᠯᠦᠭᠰᠡᠨ ᠪᠢᠰᠢ ᠬᠠᠷᠢᠨ | ᠦᠷᠦᠵᠤ ᠭᠠᠷᠭᠠᠭᠰᠠᠨ ᠳᠦᠯᠦᠪ ᠲᠠᠢ᠃ ᠬᠤᠩᠭᠤᠷ ᠰᠤᠮᠤᠨ ᠤ ᠤᠳᠠᠴᠢ ᠶᠢᠨ ᠠᠮᠠᠨ ᠤ ᠵᠡᠬᠦᠨᠳᠡᠬᠢ ᠡᠭᠴᠡ ᠬᠠᠳᠠᠨ | ᠳᠡᠭᠡᠷᠡ ᠤᠳᠤᠭᠠ ᠵᠢᠩᠰᠡ ᠲᠠᠢ ᠮᠠᠯᠠᠭᠠᠢ ᠡᠮᠦᠰᠦᠭᠰᠡᠨ᠂ ᠤᠷᠳᠤ ᠬᠤᠪᠴᠠᠰᠤ ᠮᠤᠩᠭᠤᠯ ᠭᠤᠳᠤᠯ ᠲᠠᠢ ᠬᠦᠮᠦᠨ ᠢ | ᠭᠠᠷ ᠲᠤᠨᠢ ᠬᠠᠳᠠᠭ ᠪᠠᠷᠢᠭᠤᠯᠤᠭᠠᠳ ᠰᠢᠷᠠᠮᠦ᠋ᠷᠡᠨ ᠰᠦᠮᠡ ᠳᠡᠰᠢ ᠬᠠᠨᠳᠤᠭᠤᠯᠤᠨ ᠰᠦᠭᠦᠳᠭᠡᠵᠤ ᠪᠠᠶᠢᠬᠤ ᠪᠠᠷ | ᠰᠡᠶᠢᠯᠦᠭᠰᠡᠨ ᠵᠢᠷᠤᠭ ᠨᠡᠯᠢᠶᠡᠳ ᠬᠡᠳᠦ ᠪᠠᠶᠢᠳᠠᠭ᠃ ᠠᠷᠠᠳ ᠤᠨ ᠶᠡᠷᠢᠶᠡᠨ ᠢᠶᠠᠷ ᠪᠤᠯ ᠳᠦᠷᠪᠡᠳ ᠤᠨ ᠠᠷᠪᠠᠳᠤᠭᠠᠷ | ᠦᠶᠡ ᠶᠢᠨ ᠸᠠᠩ ᠢᠰᠢᠴᠤᠭᠷᠤᠪ ᠤᠨ ᠦᠶᠡ ᠳᠤ ᠰᠢᠷᠠᠮᠦ᠋ᠷᠡᠨ ᠰᠦᠮᠡ ᠶᠢᠨ ᠬᠢᠨ ᠨᠢ ᠬᠤᠰᠢᠭᠤ ᠵᠠᠰᠠᠭ ᠲᠠᠢ ᠪᠠᠨ | ᠮᠠᠭᠤᠳᠠᠯᠴᠠᠭᠠᠳ ᠡᠵᠡᠨ ᠵᠤᠷᠭᠠᠨ ᠬᠦᠷᠳᠡᠯᠡ ᠵᠠᠷᠭᠤ ᠵᠠᠭᠠᠯᠳᠤᠭᠠᠨ ᠪᠤᠯᠵᠤ᠂ ᠡᠴᠦᠰ ᠲᠡᠭᠡᠨ ᠰᠢᠷᠠᠮᠦ᠋ᠷᠡᠨ ᠰᠦᠮᠡ | ᠨᠢ ᠵᠠᠷᠭᠤ ᠢᠯᠠᠵᠤ᠂ ᠵᠠᠰᠠᠭ ᠸᠠᠩ ᠳᠠᠭᠠᠨ ᠦᠰᠢᠭᠰᠡᠨ ᠳᠡᠭᠡᠨ ᠪᠤᠯᠤᠭᠠᠳ ᠸᠠᠩ ᠨᠤᠶᠠᠨ ᠢ ᠰᠢᠷᠠᠮᠦ᠋ᠷᠡᠨ ᠰᠦᠮᠡ | ᠠᠴᠠ ᠠᠪᠤᠷᠠᠯ ᠠᠭᠤᠴᠢᠯᠠᠯ ᠬᠦᠰᠡᠵᠤ ᠪᠠᠶᠢᠬᠤ ᠪᠠᠷ ᠰᠡᠶᠢᠯᠦᠬᠦᠯᠵᠤ ᠳᠠᠯᠪᠢᠯᠠ ᠭᠡᠳᠡᠭ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ | ᠪᠠᠰᠠ ᠤᠯᠠᠭᠠᠨᠬᠠᠳᠠ ᠰᠤᠮᠤᠨ ᠤ ᠱᠠᠩᠳᠠ ᠭᠠᠴᠠᠭᠠᠨ ᠤ ᠪᠠᠷᠠᠭᠤᠨ ᠤᠪᠤᠭᠠᠳᠤ ᠶᠢᠨ ᠠᠷᠬᠠᠶᠢᠴᠠᠭᠰᠠᠨ ᠬᠠᠳᠠᠳ | ᠳᠡᠭᠡᠷᠡ ᠪᠠᠷᠰ ᠤᠨ ᠵᠢᠷᠤᠭ ᠪᠠ ᠬᠢᠳᠠᠳ ᠦᠰᠦᠭ ᠰᠡᠶᠢᠯᠦᠭᠰᠡᠨ ᠪᠠᠶᠢᠳᠠᠭ ᠨᠢ ᠪᠠᠷᠤᠭ ᠨᠡᠯᠢᠶᠡᠳ ᠬᠤᠵᠢᠮ ᠤᠨ | ᠬᠦᠮᠦᠰ ᠤᠨ ᠦᠯᠡᠳᠡᠭᠡᠭᠰᠡᠨ ᠪᠦᠳᠦᠭᠡᠯ ᠪᠤᠯᠤᠯᠳᠠᠢ᠃ ᠳᠡᠭᠡᠷᠡᠬᠢ ᠤᠯᠠᠨ ᠬᠠᠳᠠᠨ ᠵᠢᠷᠤᠭ ᠢ ᠬᠦᠮᠦᠰ ᠰᠤᠳᠤᠯᠵᠤ | ᠦᠵᠡᠭᠡᠳ ᠳᠡᠳᠡᠭᠡᠷ ᠨᠢ ᠮᠤᠨᠢ ᠠᠭᠤᠯᠠ ᠶᠢᠨ ᠬᠠᠳᠠᠨ ᠵᠢᠷᠤᠭ ᠤᠨ ᠨᠢᠭᠡ ᠬᠡᠰᠡᠭ ᠨᠢ ᠪᠤᠯᠬᠤ ᠪᠦᠭᠡᠳ ᠰᠢᠨᠡ | ᠴᠢᠯᠠᠭᠤᠨ ᠪᠠᠭᠠᠵᠢ ᠶᠢᠨ ᠦᠶᠡ ᠠᠴᠠ ᠡᠬᠢᠯᠡᠨ ᠪᠤᠢ ᠪᠤᠯᠤᠯᠠ ᠭᠡᠵᠤ ᠪᠤᠢ᠃ ᠳᠡᠳᠡᠭᠡᠷ ᠮᠤᠩᠭᠤᠯ ᠳᠦᠪᠡᠳ ᠦᠰᠦᠭ | ᠪᠤᠯᠤᠨ ᠪᠤᠷᠬᠠᠨ ᠤ ᠬᠦᠷᠦᠭ ᠤᠨ ᠰᠡᠶᠢᠯᠦᠮᠡᠯ ᠨᠢ ᠰᠢᠷᠠ ᠶᠢᠨ ᠱᠠᠰᠢᠨ ᠮᠤᠩᠭᠤᠯ ᠤᠷᠤᠨ ᠳᠤ ᠳᠡᠯᠭᠡᠷᠡᠭᠰᠡᠨ ᠠᠴᠠ | ᠰᠡᠬᠦᠯᠡᠷ ᠰᠠᠶ᠋ᠢ ᠪᠤᠢ ᠪᠤᠯᠤᠭᠰᠠᠨ ᠪᠠᠶᠢᠭᠠ᠃ ᠶᠠᠭᠤ ᠴᠤ ᠭᠡᠰᠡᠨ ᠡᠳᠡᠭᠡᠷ ᠬᠠᠳᠠᠨ ᠵᠢᠷᠤᠭ ᠤᠳ ᠨᠢ ᠡᠨᠡᠬᠦᠷ ᠪᠠᠶᠢᠵᠤ | ᠦᠩᠭᠡᠷᠡᠭᠰᠡᠨ ᠡᠷᠳᠡᠨ ᠤ ᠠᠶᠢᠮᠠᠭ ᠦᠨᠳᠦᠰᠦᠳᠡᠨ ᠤ ᠳᠡᠦᠬᠡᠨ ᠬᠡᠷᠡᠴᠢ ᠨᠢ ᠪᠤᠯᠬᠤ ᠳᠤᠯᠠ ᠳᠡᠳᠡᠨᠦᠰ ᠤᠨ ᠡᠨᠡ | ᠨᠤᠳᠤᠭ ᠲᠤ ᠤᠷᠤᠰᠢᠵᠤ ᠦᠩᠭᠡᠷᠡᠭᠰᠡᠨ ᠴᠠᠭ ᠦᠶᠡ᠂ ᠠᠮᠢᠳᠤᠷᠠᠯ ᠤᠨ ᠤᠷᠴᠢᠨ ᠳᠤᠭᠤᠷᠢᠨ᠂ ᠵᠠᠩ ᠳᠠᠳᠬᠠᠯ | ᠵᠢᠴᠢ ᠦᠬᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠪᠠ ᠱᠠᠰᠢᠨ ᠰᠢᠳᠦᠯᠭᠡ ᠵᠡᠷᠭᠡ ᠶᠢ ᠰᠤᠳᠤᠯᠬᠤ ᠳᠤ ᠪᠦᠷ ᠴᠢᠬᠤᠯᠠ ᠶᠡᠭᠡ ᠠᠴᠢ | ᠬᠤᠯᠪᠤᠭᠳᠠᠯ ᠲᠠᠢ ᠨᠢ ᠶᠠᠷᠢᠶᠠᠨ ᠦᠬᠡᠢ ᠶᠤᠮ᠃ |