| ᠵᠢᠵᠢᠭᠬᠡᠨ ᠴᠠᠭᠠᠰᠣᠨ ᠬᠠᠶᠢᠷᠴᠠᠭ ᠲᠤ ᠬᠢᠭᠡᠳ ᠬᠡᠷᠡᠮ ᠳᠡᠭᠡᠷᠡ ᠪᠠᠨ ᠡᠯᠭᠦᠭᠰᠡᠨ ᠬᠦᠬᠡ ᠴᠢᠯᠠᠭᠤ ᠶᠢ | ᠨᠠᠶᠢᠵᠠ ᠨᠠᠷ ᠮᠢᠨᠢ ᠦᠵᠡᠭᠡᠳ ᠶᠡᠭᠡ ᠱᠣᠬᠤᠭᠤᠷᠬᠠᠳᠠᠭ᠃ ᠵᠠᠷᠢᠮ ᠨᠢ ᠪᠦᠷ ᠦᠯᠦ ᠲᠣᠭᠤᠮᠰᠠᠷᠯᠠᠨ᠂ ᠬᠡᠷᠡᠭ ᠦᠭᠡᠢ | ᠴᠢᠯᠠᠭᠤ ᠶᠢ ᠬᠡᠷᠡᠮ ᠳᠡᠭᠡᠷᠡ ᠪᠠᠨ ᠡᠯᠭᠦᠭᠡᠳ ᠬᠡᠨ ᠳᠤ ᠦᠵᠡᠭᠦᠯᠬᠦ ᠪᠠᠭᠠᠰᠢ ᠪᠢᠯᠡ︖ ᠭᠡᠬᠦ ᠰᠢᠥᠬᠡᠨ ᠠᠶᠠᠰ ᠲᠠᠢ | ᠳᠣᠣᠭᠠᠷᠬᠤ ᠨᠢ ᠵᠦᠩᠳᠡᠬᠡᠨ᠃ ᠲᠡᠶᠢᠮᠦ ᠡ᠂ ᠲᠡᠷᠡ ᠪᠣᠯ ᠪᠠᠶᠢᠭᠠᠯᠢ ᠠᠴᠠ ᠲᠡᠭᠦᠭᠰᠡᠨ ᠶᠠᠯᠢᠮ ᠦᠭᠡᠢ ᠴᠢᠯᠠᠭᠤ ᠪᠢᠯᠡ᠃ | ᠡᠨᠡ ᠴᠢᠯᠠᠭᠤ ᠪᠠᠭᠠᠷᠢᠨ ᠲᠡᠨᠢᠭᠡᠷ ᠰᠢᠭ ᠭᠤᠸᠠᠯᠢᠭ ᠦᠩᠭᠡ᠂ ᠭᠤᠶᠣᠬᠠᠨ ᠬᠡ ᠦᠭᠡᠢ᠂ ᠰᠣᠨᠢᠨ ᠬᠠᠴᠢᠨ | ᠳᠦᠷᠰᠦᠲᠡᠢ ᠪᠠᠶᠢᠭᠠᠯᠢ ᠶᠢᠨ ᠱᠣᠭᠤᠮᠠᠯ ᠣᠷᠠᠯᠠᠯ ᠴᠦ ᠪᠢᠰᠢ᠂ ᠠᠯᠢ ᠡᠰᠡᠭᠦᠯᠡ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠠᠴᠠ | ᠭᠡᠨᠡᠳᠳᠡᠬᠡᠨ ᠣᠯᠳᠠᠭᠰᠠᠨ ᠰᠣᠯᠢᠷ ᠤᠨ ᠬᠡᠯᠲᠡᠷᠬᠡᠢ᠂ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤ ᠴᠦ ᠪᠢᠰᠢ᠃ ᠭᠡᠪᠡᠴᠦ ᠡᠪ ᠡᠩ ᠤᠨ | ᠠᠲᠠᠯᠠ ᠨᠣᠲᠤᠭ ᠤᠨ ᠮᠢᠨᠢ ᠳᠠᠭᠤᠣ ᠶᠢ ︽ᠳᠠᠭᠤᠯᠠᠵᠤ︾ ᠴᠢᠳᠠᠳᠠᠭ ᠲᠤᠨᠢ ᠪᠢ ᠡᠨᠡ ᠴᠢᠯᠠᠭᠤ ᠶᠢ ᠬᠠᠶᠢᠷᠠᠯᠠᠳᠠᠭ᠃ | ᠨᠠᠮ ᠰᠡᠯᠡᠭᠦᠦ ᠣᠷᠣᠢ ᠶᠢᠨ ᠴᠠᠭ ᠲᠤ᠂ ᠲᠠᠯᠪᠢᠭᠤᠷ ᠳ᠋ᠧᠩ ᠤᠨ ᠭᠡᠷᠡᠯ ᠤᠨ ᠳᠣᠣᠷᠠ ᠶᠠᠭᠤ ᠨᠢᠭᠡ ᠶᠢ | ᠰᠡᠳᠬᠢᠵᠦ ᠳᠣᠷᠠᠰᠣᠯ ᠮᠦᠷᠦᠭᠡᠳᠦᠯ᠂ ᠮᠠᠷᠭᠠᠰᠢ ᠢᠷᠡᠭᠡᠳᠦᠢ ᠶᠢᠨ ᠲᠣᠬᠠᠢ ᠪᠣᠳᠣᠯᠭᠠᠰᠢᠷᠠᠯ ᠳᠤ ᠠᠪᠲᠠᠨ | ᠰᠠᠭᠤᠬᠤ ᠳᠠᠭᠠᠨ ᠪᠢ ᠡᠨᠡ ᠬᠡᠰᠡᠭ ᠴᠢᠯᠠᠭᠤ ᠶᠢ ᠬᠠᠷᠠᠵᠤ᠂ ᠢᠯᠪᠢᠵᠦ᠂ ᠬᠠᠶᠠ ᠦᠨᠦᠷᠲᠡᠨ ᠦᠨᠦᠰᠦᠨ ᠰᠠᠭᠤᠳᠠᠭ | ᠴᠦ ᠰᠠᠨ᠃ ᠲᠡᠭᠡᠬᠦ ᠳᠤ ᠵᠢᠵᠢᠭᠬᠡᠨ ᠬᠦᠬᠡ ᠡᠨᠡ ᠴᠢᠯᠠᠭᠤ ᠨᠢᠯᠬᠠ ᠪᠠᠭᠠ ᠨᠠᠰᠤ᠂ ᠵᠠᠯᠠᠭᠤ ᠽᠠᠨᠳᠠᠨ ᠦᠶᠡ ᠶᠢᠨ ᠶᠠᠭᠤ | ᠪᠦᠬᠦᠨ ᠢ ᠰᠠᠨᠠᠭᠳᠠᠭᠤᠯᠵᠤ᠂ ᠣᠶᠠᠩᠭᠠ ᠶᠢᠨ ᠳᠠᠭᠤᠤ ᠰᠢᠭ᠋ ᠵᠢᠷᠦᠬᠡᠨ ᠳᠤ ᠣᠷᠣᠭᠤᠯᠳᠠᠭ ᠪᠠᠶᠢᠭᠰᠠᠨ ᠶᠣᠮ᠃ | ᠱᠠᠭᠠᠵᠠᠩ ᠤᠨ ᠬᠡᠯᠲᠡᠷᠬᠡᠢ᠂ ᠸᠠᠭᠠᠷ ᠤᠨ ᠬᠠᠭᠠᠷᠬᠠᠢ ᠪᠠᠷ ᠠᠶᠢᠯ ᠭᠡᠷ ᠢᠶᠠᠨ ᠪᠣᠰᠬᠠᠭᠰᠠᠨ ᠬᠡᠦᠬᠡᠳ ᠤᠨ ᠨᠠᠭᠠᠳᠣᠮ᠂ | ᠪᠣᠭᠤᠷᠣᠯᠬᠠᠨ ᠡᠪᠦᠭᠡ ᠲᠠᠢ ᠪᠠᠨ ᠮᠦᠷᠭᠦᠴᠡᠭ ᠤᠨ ᠬᠤᠭᠤᠯᠠᠢ᠂ ᠬᠠᠳᠠᠨ ᠡᠩᠬᠡᠷ ᠳᠠᠮᠵᠢᠨ ᠮᠦᠭᠦ ᠲᠡᠭᠦᠳᠡᠭ ᠪᠠᠶᠢᠭᠰᠠᠨ | ᠪᠠᠯᠴᠢᠷᠬᠠᠨ ᠬᠤᠷᠸᠠ᠂ ᠰᠣᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠭᠡᠵᠦ ᠡᠵᠢ ᠲᠠᠢ ᠪᠠᠨ ᠬᠠᠮᠲᠣ ᠦᠬᠡᠷ ᠲᠡᠷᠭᠡ ᠪᠠᠷ ᠰᠣᠮᠣ | ᠣᠷᠣᠵᠤ ᠪᠠᠶᠢᠭᠰᠠᠨ ᠠᠯᠲᠠᠷᠠᠶᠢᠬᠠᠨ ᠵᠢᠷᠭᠤᠭᠠᠨ ᠨᠠᠰᠣ᠂ ᠡᠳ᠋ᠯᠡᠵᠦ ᠶᠠᠪᠣᠭᠠ ᠬᠤᠷᠢᠨ ᠭᠤᠷᠪᠠᠨ ᠨᠠᠰᠣᠨ ᠤ ᠮᠢᠨᠢ | ᠠᠯᠳᠠᠭᠠ ᠣᠨᠤᠭᠠ ᠵᠡᠷᠭᠡ ᠶᠢ ᠮᠢᠨᠢ ᠵᠢᠷᠦᠬᠡᠨ ᠳᠤ ᠰᠢᠪᠡᠨᠡᠵᠦ᠂ ᠠᠮᠢ ᠦᠭᠡᠢ ᠴᠢᠯᠠᠭᠤ ᠨᠢ ᠬᠦᠷᠳᠡᠯᠡ ᠬᠦᠮᠦᠨ ᠤ | ᠬᠠᠶᠢᠷᠠ ᠪᠠᠷ ᠡᠮᠵᠡᠭᠯᠡᠳᠡᠭ ᠮᠣᠩᠭᠤᠯ ᠨᠣᠲᠤᠭ ᠲᠤ ᠡᠷᠡ ᠪᠣᠯᠵᠣ ᠲᠦᠷᠦᠭᠰᠡᠨ ᠤ ᠣᠯᠵᠠᠷᠬᠠᠯ ᠲᠣᠭᠳᠣᠯᠣᠯ ᠮᠢᠨᠣ | ᠰᠡᠳᠬᠢᠯ ᠳᠤ ᠰᠦ ᠰᠢᠭ ᠲᠡᠪᠡᠷᠡᠬᠦ ᠨᠢ ᠲᠠᠩᠴᠣ ᠰᠠᠶᠢᠬᠠᠨ︕ | ᠢᠳᠡᠷ ᠬᠦᠷᠡᠩ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠨᠠᠰᠣ ᠴᠢᠴᠠᠣᠯᠠᠵᠣ᠂ ᠰᠠᠯᠬᠢᠨ ᠳᠤᠨᠢ ᠢᠯᠪᠢᠭᠦᠯᠵᠦ ᠨᠠᠷᠠᠨ ᠳᠤᠨᠢ | ᠲᠠᠭᠠᠯᠠᠭᠳᠠᠵᠣ ᠶᠠᠪᠣᠭᠰᠠᠨ ᠡᠨᠡ ᠴᠢᠯᠠᠭᠤ ᠶᠢ ᠦᠨᠦᠷᠲᠦᠬᠦ ᠳᠤ ᠡᠯᠢᠭᠡᠳᠡᠨ ᠣᠨᠠᠭᠰᠠᠨ ᠡᠬᠡ ᠨᠣᠲᠤᠭ ᠤᠨ ᠮᠢᠨᠢ ᠣᠰᠣ | ᠬᠦᠷᠦᠰᠦᠨ ᠤ ᠦᠨᠦᠷ᠂ ᠬᠤᠨᠢᠴᠢᠨ ᠡᠪᠦᠭᠡ ᠶᠢᠨ ᠮᠢᠨᠢ ᠨᠠᠷᠠᠨ ᠤ ᠰᠠᠯᠬᠢ ᠲᠠᠢ ᠦᠨᠦᠷ᠂ ᠪᠣᠷᠣ ᠢᠰᠡᠭᠡᠢ ᠭᠡᠷ ᠤᠨ | ᠮᠢᠨᠢ ᠠᠷᠭᠠᠯ ᠤᠨ ᠣᠲᠤᠭᠠ ᠲᠠᠢ ᠦᠨᠦᠷ ᠁ ᠵᠡᠷᠭᠡ ᠵᠡᠷᠭᠡ ᠳᠡᠭᠡᠨ ᠦᠨᠦᠷᠲᠦᠬᠦ ᠰᠢᠭ ᠰᠠᠨᠠᠭᠳᠠᠵᠣ᠂ | ᠣᠷᠲᠣ ᠶᠢᠨ ᠲᠠᠭᠤᠣ᠂ ᠣᠶᠠᠩᠭᠠ ᠨᠠᠶᠢᠷᠠᠭ ᠠᠳᠡ ᠠᠴᠠ ᠯᠠ ᠲᠦᠷᠦᠳᠡᠭ ᠰᠢᠭ ᠪᠣᠳᠣᠭᠳᠠᠬᠤ ᠪᠠᠷ ᠨᠠᠷᠠᠨ ᠤ ᠲᠣᠣᠷᠠ | ᠠᠮᠢᠲᠣ ᠶᠠᠪᠣᠬᠤ ᠶᠢᠨ ᠪᠠᠭ᠋ᠠᠷᠬᠠᠯ ᠢ ᠨᠣᠲᠤᠭ ᠮᠢᠨᠢ ᠬᠠᠶᠢᠷᠠᠯᠠᠳᠠᠭ ᠪᠠᠶᠢᠵᠠᠢ ᠭᠡᠵᠦ ᠣᠬᠠᠭᠠᠷᠠᠳᠠᠭ ᠪᠠᠶᠢᠭᠰᠠᠨ᠃ | ᠣᠨᠠᠭᠰᠠᠨ ᠨᠣᠲᠤᠭ ᠤᠨ ᠮᠢᠨᠢ ᠭᠠᠭᠴᠠ ᠬᠡᠰᠡᠭ ᠴᠢᠯᠠᠭᠤ ᠬᠦᠷᠳᠡᠯᠡ ᠠᠮᠢ ᠠᠮᠢᠵᠢᠷᠠᠯ ᠤᠨ ᠢᠷᠠᠭᠤ ᠰᠣᠳᠣᠨ ᠲᠣᠣᠯᠢ | ᠬᠠᠶᠢᠯᠠᠵᠣ᠂ ᠨᠣᠲᠣᠭᠴᠢ ᠬᠦᠮᠦᠨ ᠳᠤ ᠠᠭᠤᠯᠠᠨ ᠤ ᠴᠢᠯᠠᠭᠤ ᠡᠷᠳᠡᠨᠢ ᠪᠣᠯᠳᠠᠭ ᠵᠢᠮᠡ ᠶᠢ ᠣᠶᠢᠯᠠᠭᠠᠭᠤᠯᠵᠣ | ᠴᠢᠳᠠᠭᠰᠠᠨ ᠪᠠᠶᠢᠬᠤ ᠳᠤ ᠪᠦᠲᠦᠷᠢᠬᠦ ᠶᠢᠨ ᠰᠣᠷᠭᠠᠮᠵᠢ᠂ ᠪᠣᠰᠬᠤ ᠶᠢᠨ ᠵᠣᠷᠢᠭ ᠱᠠᠩᠨᠠᠭᠰᠠᠨ ᠲᠡᠷᠡ ᠬᠡᠰᠡᠭ ᠬᠦᠬᠡ | ᠴᠢᠯᠠᠭᠤ ᠶᠢ ᠪᠢ ᠬᠠᠶᠢᠷᠠᠯᠠᠬᠤ ᠦᠭᠡᠢ ᠪᠠᠶᠢᠵᠣ ᠪᠣᠯᠣᠨᠠ ᠤᠤ ᠳ᠋ᠠ᠃ | ᠪᠣᠶᠠᠨᠲᠠᠢ ᠪᠣᠭᠤᠷᠣᠯ ᠲᠣᠮᠣᠭᠠᠲᠠᠳ ᠢᠶᠠᠨ ᠵᠠᠯᠭᠠᠵᠣ ᠪᠣᠩᠬᠤᠨ ᠡᠩᠭᠡᠷ ᠨᠣᠲᠤᠭ ᠲᠠᠭᠠᠨ ᠵᠢᠷᠭᠠᠵᠣ ᠭᠤᠨᠳᠠᠵᠣ | ᠶᠠᠪᠣᠭᠰᠠᠨ ᠨᠠᠳᠠ ᠠᠳᠠᠯᠢ ᠣᠯᠠᠨ ᠮᠣᠩᠭᠤᠯ ᠬᠦᠦ ᠠᠭᠤᠯᠠᠨ ᠤ ᠪᠠᠨ ᠴᠢᠯᠠᠭᠤᠨ ᠳᠤ ᠡᠭᠡᠯᠢᠲᠡᠢ ᠶᠠᠪᠣᠳᠠᠭ ᠶᠣᠮ ᠪᠣᠯ | ᠨᠣᠲᠤᠭ ᠤᠨ ᠮᠢᠨᠢ ᠠᠯᠠᠭᠠᠨ ᠬᠢᠷᠢ ᠭᠠᠵᠠᠷ ᠴᠦ ᠬᠦᠮᠦᠨ ᠤ ᠬᠠᠶᠢᠷᠠ ᠦᠭᠡᠢ ᠦᠨᠦᠴᠢᠷᠡᠬᠦ ᠦᠭᠡᠢ ᠯᠡ ᠳ᠋ᠠ | ᠬᠦᠭᠡᠷᠦᠬᠦᠢ︕ ᠪᠣᠩᠬᠤᠨ ᠠᠭᠤᠯᠠᠨ ᠤ ᠪᠠᠨ ᠪᠣᠲᠠ ᠪᠣᠷᠭᠠᠰᠣ ᠬᠤᠯᠣᠰᠣ ᠲᠠᠷᠠᠰᠣᠨ ᠳᠤᠨᠢ ᠬᠦᠷᠳᠡᠯᠡ ᠬᠠᠶᠢᠷᠠᠲᠠᠢ | ᠶᠠᠪᠣᠭᠰᠠᠨ ᠮᠢᠨᠦ ᠡᠪᠦᠭᠡ ᠰᠢᠭ ᠣᠬᠠᠭᠠᠨᠲᠣ ᠪᠣᠭᠤᠷᠣᠯ ᠠᠬᠠᠮᠠᠳ ᠤᠳ ᠮᠢᠨᠢ ᠲᠦᠷᠦᠭᠰᠡᠨ ᠨᠣᠲᠤᠭ ᠤᠨ ᠢᠶᠠᠨ | ᠪᠣᠷᠣᠬᠠᠨ ᠬᠦᠷᠦᠰᠦᠨ ᠳᠤ ᠬᠠᠶᠢᠷᠠ ᠪᠠᠷ ᠠᠭᠤᠰᠣᠨ ᠰᠢᠩᠭᠡᠬᠦ ᠳᠡᠭᠡᠨ ᠴᠢᠯᠠᠭᠤᠨ ᠳᠤ ᠬᠠᠶᠢᠷᠠᠲᠠᠢ ᠶᠠᠪᠣᠬᠤ ᠣᠶᠠᠨ | ᠣᠬᠠᠭᠠᠨ ᠢ ᠬᠤᠶᠢᠴᠢᠰ ᠲᠠᠭᠠᠨ ᠦᠯᠡᠳᠡᠭᠡᠳᠡᠭ ᠨᠢ ᠲᠦᠮᠡᠨ ᠵᠦᠪ ᠠᠪᠠᠢ᠃ | ᠪᠠᠭᠠ ᠨᠠᠰᠣᠨ ᠤ ᠪᠠᠭᠤᠴᠠ ᠠᠴᠠ ᠪᠠᠨ ᠲᠡᠭᠦᠭᠰᠡᠨ ᠡᠨᠡ ᠵᠢᠵᠢᠭᠬᠡᠨ ᠬᠡᠰᠡᠭ ᠬᠦᠬᠡ ᠴᠢᠯᠠᠭᠤ ᠣᠲᠣᠭᠠᠲᠣ | ᠪᠢᠴᠢᠬᠠᠨ ᠭᠡᠷ ᠤᠨ ᠮᠢᠨᠢ ᠬᠡᠷᠡᠮ ᠲᠡᠭᠡᠷᠡ ᠲᠣᠭᠤᠶᠢᠬᠠᠨ ᠡᠯᠭᠦᠭᠳᠡᠵᠦ᠂ ᠦᠨᠳᠦᠷᠯᠢᠭ ᠤᠨ ᠨᠠᠷᠠ ᠰᠠᠯᠬᠢᠨ ᠳᠤ | ᠬᠡᠴᠢᠨᠡᠬᠡᠨ ᠴᠦ ᠵᠢᠯ ᠪᠠᠶᠢᠪᠠ ᠳ᠋ᠠ ᠬᠡᠮᠡᠷ ᠡᠭᠡᠯ ᠭᠠᠩᠳᠠᠭᠤ ᠪᠣᠷᠣᠭᠵᠢᠭᠤᠨ ᠴᠡᠮᠴᠡᠭᠡᠷ ᠳᠦᠷᠢ ᠪᠠᠷ ᠢᠶᠠᠨ ᠨᠠᠳᠠ ᠬᠠᠨᠢ | ᠪᠤᠯᠣᠭᠰᠠᠭᠠᠷ᠂ ᠨᠤᠳᠤᠭ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠮᠢᠨᠤ ᠰᠡᠳᠬᠢᠯ ᠳᠤ ᠬᠦᠮᠦᠨ ᠪᠠᠶᠢᠭᠠᠯᠢ ᠬᠤᠶᠠᠷ ᠤᠨ ᠤᠶᠠᠬᠠᠨ | ᠲᠠᠲᠠᠯᠳᠤᠯ ᠭᠦᠦᠷᠨᠢᠭᠰᠡᠭᠡᠷ ᠁ | ᠪᠠᠷᠢᠵᠥ ᠦᠵᠡᠪᠡᠯ ᠬᠦᠢᠪ ᠬᠦᠢᠲᠡᠨ᠂ ᠬᠠᠪ ᠬᠠᠲᠠᠭᠤ ᠡᠨᠡ ᠴᠢᠯᠠᠭᠤᠨ ᠤ ᠳᠤᠲᠣᠷᠠ ᠮᠠᠭᠮᠠ ᠰᠢᠭ᠋ | ᠤᠷᠭᠢᠯᠥᠭ᠌ᠰᠠᠨ ᠬᠠᠯᠠᠭᠤᠨ ᠢᠯᠴᠢ ᠪᠠᠶᠢᠭᠠ᠂ ᠡᠭᠦᠨ ᠢ ᠴᠢ ᠮᠡᠳᠡᠬᠦ ᠦᠭᠡᠢ᠃ ᠤᠴᠢᠷ ᠨᠢ ᠴᠢ ᠪᠤᠩᠬᠤᠨ ᠡᠩᠭᠡᠷ ᠤᠨ | ᠬᠦᠥ ᠪᠢᠰᠢ ᠪᠤᠯᠬᠤᠷ ᠨᠤᠳᠤᠭ ᠤᠨ ᠮᠢᠨᠢ ᠴᠢᠯᠠᠭᠤᠨ ᠤ ᠢᠯᠴᠢ ᠶᠢ ᠮᠡᠳᠡᠷᠡᠵᠥ ᠲᠡᠶᠢᠯᠬᠦ ᠦᠭᠡᠢ᠃ ᠡᠨᠡ ᠴᠢᠯᠠᠭᠤ ᠶᠢ | ᠬᠦᠯᠬᠦᠬᠦ ᠳᠤ ᠡᠵᠢ ᠶᠢᠨ ᠴᠠᠭᠠᠨ ᠰᠦ ᠠᠮᠳᠠᠭᠳᠠᠨ᠂ ᠠᠭᠢ ᠶᠢᠨ ᠰᠤᠳᠣᠨ ᠦᠨᠥᠷ ᠬᠠᠩᠬᠤᠯᠤᠨ᠂ ᠠᠪᠤ ᠶᠢᠨ ᠮᠢᠨᠢ | ᠦᠬᠦᠭᠡᠷᠳᠡᠭᠰᠡᠨ ᠬᠠᠶᠢᠷᠠ ᠡᠷᠬᠡ ᠦᠭᠡᠢ ᠰᠠᠨᠠᠭᠳᠠᠳᠠᠭ᠃ ᠡᠭᠦᠨ ᠢ ᠴᠢ ᠮᠡᠳᠡᠬᠦ ᠦᠭᠡᠢ᠃ ᠣᠴᠢᠷ ᠨᠢ ᠲᠠ ᠡᠨᠡ | ᠴᠢᠯᠠᠭᠤᠨ ᠳᠤ ᠪᠦᠳᠦᠷᠢᠵᠥ᠂ ᠡᠨᠡ ᠴᠢᠯᠠᠭᠤ ᠶᠢ ᠲᠥᠰᠢᠵᠥ ᠬᠥᠯ ᠳᠤ ᠤᠷᠣᠭᠰᠠᠨ ᠦᠭᠡᠢ ᠪᠤᠯᠬᠤᠷ ᠮᠢᠨᠤ | ᠨᠤᠳᠤᠭ ᠤᠨ ᠴᠢᠯᠠᠭᠤᠨ ᠤ ᠰᠡᠳᠬᠢᠯ ᠢ ᠤᠶᠢᠯᠠᠭᠠᠬᠤ ᠦᠭᠡᠢ ᠨᠢ ᠶᠠᠷᠢᠶᠠᠨ ᠦᠭᠡᠢ᠃ ᠵᠢᠪ ᠵᠢᠵᠢᠭᠬᠡᠨ ᠡᠨᠡ | ᠴᠢᠯᠠᠭᠤ ᠶᠢ ᠴᠢᠮᠡᠭᠡ ᠦᠭᠡᠶᠢᠬᠡᠨ ᠬᠠᠷᠠᠭᠠᠳ ᠰᠠᠭᠤᠬᠤ ᠳᠤ ᠪᠤᠷᠤ ᠭᠦᠷᠦᠭᠡᠰᠦ ᠴᠠᠬᠢᠯᠠᠭᠰᠠᠨ᠂ ᠪᠣᠳᠠ ᠪᠤᠷᠭᠠᠰᠦ | ᠨᠠᠶᠢᠭᠤᠭᠰᠠᠨ ᠦᠩᠭᠡᠷᠡᠭᠴᠢ ᠣᠨ ᠵᠢᠯ ᠤᠳ ᠤᠨ ᠪᠠᠶᠢᠭᠠᠯᠢ ᠶᠢᠨ ᠰᠠᠶᠢᠬᠠᠨ ᠠᠬᠤᠢ ᠪᠠ ᠬᠠᠭᠠᠰ ᠲᠠᠴᠢᠷᠳᠠᠨ ᠬᠠᠭᠠᠰ | ᠡᠯᠡᠰᠦᠷᠬᠡᠭᠵᠢᠵᠥ᠂ ᠪᠤᠷᠤ ᠭᠦᠷᠦᠭᠡᠰᠦ ᠶᠢ ᠪᠤᠣ ᠬᠡᠯᠡ᠂ ᠪᠤᠲᠠᠨ ᠤ ᠲᠠᠤᠯᠠᠢ ᠴᠦ ᠴᠦᠭᠡᠷᠡᠭᠰᠡᠨ ᠦᠨᠤ ᠴᠠᠭ ᠤᠨ | ᠬᠠᠷᠠᠮᠰᠠᠯ ᠮᠢᠨᠦ ᠨᠢᠳᠤᠨ ᠳᠤ᠂ ᠮᠢᠨᠤ ᠰᠡᠳᠬᠢᠯ ᠳᠤ ᠨᠢᠯᠪᠤᠰᠤᠨ ᠵᠠᠶᠢᠷ ᠲᠠᠢ ᠲᠤᠨᠤᠷᠠᠵᠥ ᠢᠷᠡᠳᠡᠭ ᠢ ᠴᠦ ᠲᠠ ᠮᠡᠳᠡᠬᠦ | ᠦᠭᠡᠢ᠃ ᠣᠴᠢᠷ ᠨᠢ᠂ ᠪᠠᠶᠢᠭᠠᠯᠢ ᠠᠬᠤᠢ ᠲᠠᠢ ᠪᠠᠨ ᠢᠳᠡᠭᠡᠰᠢᠨ ᠳᠠᠰᠴᠦ᠂ ᠵᠢᠷᠦᠬᠡᠨ ᠰᠤᠳᠠᠰᠦ ᠪᠠᠷ ᠢᠶᠠᠨ | ᠬᠤᠯᠪᠣᠭᠠ ᠲᠠᠢ ᠶᠠᠪᠤᠳᠠᠭ ᠡᠨᠡ ᠨᠤᠳᠤᠭ ᠤᠨ ᠬᠦᠥ ᠪᠢᠰᠢ ᠪᠤᠯ ᠡᠨᠡ ᠴᠢᠯᠠᠭᠤ ᠶᠢ ᠬᠠᠶᠢᠷᠠᠯᠠᠵᠥ ᠶᠠᠪᠤᠳᠠᠭ ᠮᠢᠨᠤ | ᠰᠡᠳᠬᠢᠯ ᠢ ᠤᠶᠢᠯᠠᠭᠠᠬᠤ ᠦᠭᠡᠢ ᠴᠢᠨᠢ ᠵᠥᠪ ᠯᠠ ᠳ᠋ᠠ᠃ | ᠬᠠᠶᠠ ᠪᠢ ᠨᠤᠳᠤᠭ ᠤᠨ ᠴᠢᠯᠠᠭᠤ ᠲᠠᠢ ᠪᠠᠨ ᠶᠠᠷᠢᠯᠴᠠᠵᠥ ᠰᠠᠭᠤᠳᠠᠭ᠄ | — ᠨᠤᠳᠤᠭ ᠤᠨ ᠮᠢᠨᠢ ᠴᠢᠯᠠᠭᠤ ᠡ᠂ ᠪᠢ ᠴᠢᠮᠠᠶᠢ ᠪᠠᠨ ᠠᠭᠤᠯᠠᠨ ᠠᠴᠠ ᠴᠢᠨᠢ ᠰᠠᠯᠭᠠᠵᠥ᠂ ᠬᠠᠷᠢ ᠶᠢᠨ ᠭᠠᠵᠠᠷ | ᠦᠨᠦᠴᠢᠷᠡᠭᠦᠯᠴᠢᠬᠡᠪᠡ ᠦᠦ ᠳ᠋ᠠ︖ | — ᠦᠭᠡᠢ ᠡ᠂ ᠦᠭᠡᠢ᠃ ᠨᠤᠳᠤᠭ ᠲᠠᠭᠠᠨ ᠬᠠᠶᠢᠷᠠᠲᠠᠢ᠂ ᠨᠠᠳᠠ ᠬᠠᠶᠢᠷᠠᠲᠠᠢ ᠪᠤᠩᠬᠤᠨ ᠡᠩᠭᠡᠷ ᠤᠨ ᠬᠦᠪᠡᠭᠦᠨ | ᠴᠢᠮᠠ ᠲᠠᠢ ᠴᠤᠭ ᠪᠠᠶᠢᠬᠤ ᠳᠠᠭᠠᠨ ᠠᠭᠤᠯᠠᠨ ᠳᠠᠭᠠᠨ ᠪᠠᠶᠢᠬᠤ ᠰᠢᠭ᠋ ᠬᠠᠨᠢ ᠲᠠᠢ ᠰᠠᠨᠠᠭᠳᠠᠨᠠ᠃ ᠡᠵᠡᠨ ᠨᠤᠳᠤᠭ | ᠬᠤᠶᠠᠷ ᠠᠮᠢᠨ ᠬᠤᠯᠪᠤᠭᠠ ᠲᠠᠢ ᠭᠡᠳᠡᠭ ᠤᠨ ᠤᠴᠢᠷ ᠡᠨᠡ ᠳ᠋ᠠ᠃ | — ᠲᠠ ᠪᠤᠩᠬᠤᠨ ᠡᠩᠭᠡᠷ ᠢᠶᠠᠨ ᠰᠠᠨᠠᠳᠠᠭ ᠦᠦ︖ | — ᠰᠠᠨᠠᠨᠠ ᠰᠢᠦ᠂ ᠬᠦᠥ ᠮᠢᠨᠢ᠃ ᠠᠭᠢ ᠰᠢᠷᠠᠯᠵᠢ ᠦᠨᠦᠷᠲᠦᠭᠰᠡᠨ᠂ ᠪᠦᠪᠡᠭᠡᠯᠵᠢ ᠰᠢᠪᠠᠭᠤ ᠳᠣᠩᠭᠤᠳᠤᠭᠰᠠᠨ | ᠲᠡᠷᠡ ᠨᠠᠮᠬᠠᠨ ᠪᠣᠷᠤ ᠠᠭᠤᠯᠠ ᠨᠠᠳᠠ ᠲᠠᠢ ᠵᠢᠷᠦᠭᠡᠨ ᠬᠤᠯᠪᠤᠭᠠ ᠲᠠᠢ ᠶᠤᠮ ᠡ᠃ ᠴᠢ ᠡᠵᠢ ᠪᠠᠨ ᠰᠠᠨᠠᠳᠠᠭ ᠲᠠᠢ | ᠠᠳᠠᠯᠢ ᠪᠢ ᠪᠠᠰᠠ ᠠᠭᠤᠯᠠ ᠪᠠᠨ ᠦᠭᠡᠶᠢᠯᠡᠨᠡ ᠰᠢᠦ ᠁ | — ᠲᠠ ᠠᠷᠪᠢᠨ ᠵᠦᠢᠯ ᠢ ᠮᠦᠷᠦᠭᠡᠳᠳᠡᠭ ᠤᠤ︖ | — ᠲᠡᠶᠢᠮᠦ ᠡ᠂ ᠬᠦᠦ ᠮᠢᠨᠢ᠂ ᠦᠩᠭᠡᠷᠡᠨ ᠤᠳᠤᠭᠰᠠᠨ ᠡᠳᠦᠷ ᠰᠠᠷᠠ ᠨᠤᠭᠤᠳ ᠢ ᠳᠤᠭᠠᠯᠠᠪᠠᠯ ᠳᠤᠩ ᠤᠷᠳᠤ | ᠪᠤᠯᠴᠢᠬᠠᠵᠠᠢ᠃ ᠲᠡᠷᠡ ᠦᠶᠡ ᠶᠢᠨ ᠬᠦᠮᠦᠰ ᠪᠠᠶᠢᠭᠠᠯᠢ ᠳᠠᠭᠠᠨ ᠬᠠᠶᠢᠷᠠᠳᠠᠢ᠂ ᠴᠢᠯᠠᠭᠤᠨ ᠳᠤ ᠬᠠᠶᠢᠷᠠᠳᠠᠢ ᠪᠠᠶᠢᠭᠰᠠᠨ | ᠶᠤᠮ ᠡ ᠁ ᠦᠨᠦ ᠪᠤᠯᠬᠤ ᠳᠤ ᠤᠷᠬᠢᠯ ᠢᠶᠠᠨ ᠪᠠᠷᠠᠳᠠᠨ ᠨᠢᠰᠳᠡᠭ ᠪᠠᠶᠢᠭᠰᠠᠨ ᠲᠡᠷᠡ ᠬᠦᠷᠡᠩ ᠪᠦᠷᠬᠦᠳ ᠴᠣ᠋ | ᠦᠭᠡᠢ ᠪᠤᠯᠴᠢᠬᠠᠭᠰᠠᠨ᠂ ᠪᠤᠩᠬᠤᠨ ᠡᠩᠭᠡᠷ ᠮᠢᠨᠢ ᠪᠤᠳᠠᠨ ᠳᠠᠭᠠᠨ ᠡᠯᠡᠰᠦ ᠨᠦᠮᠦᠭᠡᠯᠡᠭᠡᠳ ᠁ ᠴᠢᠮᠠ ᠰᠢᠭ᠋ | ᠨᠤᠳᠤᠭ ᠲᠠᠭᠠᠨ ᠬᠠᠶᠢᠷᠠᠳᠠᠢ ᠬᠦᠮᠦᠨ ᠢ ᠠᠭᠤᠯᠠᠨ ᠤ ᠴᠢᠨᠢ ᠴᠢᠯᠠᠭᠤᠳ ᠶᠡᠭᠡ ᠦᠬᠡᠶᠢᠯᠡᠳᠡᠭ ᠶᠤᠮ ᠡ᠃ | — ᠲᠡᠷᠡ ᠬᠦᠷᠡᠩ ᠪᠦᠷᠬᠦᠳ ᠶᠠᠭᠠᠬᠢᠴᠢᠬᠠᠭᠰᠠᠨ ᠶᠤᠮ ᠪᠤᠢ︖ ᠦᠬᠦᠴᠢᠭᠡᠭᠰᠡᠨ ᠶᠤᠮ ᠤᠤ︖ | — ᠦᠭᠡᠢ᠂ ᠲᠡᠷᠡ ᠦᠬᠦᠭᠡ ᠦᠭᠡᠢ︕ ᠠᠭᠤᠯᠠ ᠪᠠᠨ ᠦᠮᠦᠭᠡᠷᠡᠵᠦ᠂ ᠬᠠᠳᠠ ᠬᠢᠰᠠᠭᠠᠨ ᠳᠠᠬᠢ ᠡᠬᠦᠷ ᠢᠶᠠᠨ | ᠦᠮᠦᠭᠡᠷᠡᠵᠦ᠂ ᠮᠦᠨ ᠴᠣ᠋ ᠠᠭᠤᠯᠠᠨ ᠳᠠᠭᠠᠨ ᠳᠠᠩᠴᠤ ᠬᠠᠶᠢᠷᠠᠳᠠᠢ ᠶᠢᠨ ᠤᠯᠠᠮ ᠢᠶᠠᠷ ᠠᠭᠤᠯᠠᠨ ᠳᠠᠭᠠᠨ | ᠰᠢᠩᠭᠡᠴᠢᠭᠡᠭᠰᠡᠨ ᠶᠤᠮ᠃ ᠲᠡᠷᠡ ᠪᠦᠷᠬᠦᠳ ᠪᠤᠩᠬᠤᠨ ᠠᠭᠤᠯᠠ ᠶᠢᠨ ᠴᠢᠨᠢ ᠡᠪᠦᠷ ᠲᠤ ᠪᠠᠶᠢᠭᠠ ᠰᠢᠦ ᠳ᠋ᠠ᠂ ᠬᠡᠶᠡ | ᠨᠤᠳᠤᠭ ᠲᠠᠭᠠᠨ ᠬᠠᠶᠢᠷᠠ ᠦᠭᠡᠢ ᠬᠦᠮᠦᠨ ᠲᠡᠷᠡ ᠪᠦᠷᠬᠦᠳ ᠢ ᠦᠬᠦᠴᠢᠭᠡᠭᠰᠡᠨ ᠭᠡᠳᠡᠭ ᠶᠤᠮ ᠡ᠃ | — ᠲᠠ ᠤᠬᠢᠯᠠᠵᠤ ᠦᠩᠭᠡᠷᠡᠪᠡ ᠤᠤ︖ | — ᠦᠩᠭᠡᠷᠡᠭᠰᠡᠨ ᠡ᠂ ᠪᠤᠩᠬᠤᠨ ᠡᠩᠭᠡᠷ ᠲᠤ ᠬᠦᠮᠦᠨ ᠪᠤᠯᠤᠭᠰᠠᠨ ᠦᠷᠡᠰ ᠮᠢᠨᠢ ᠨᠠᠮᠠᠶᠢ ᠮᠠᠷᠳᠠᠬᠤ ᠪᠠᠷ ᠨᠢᠭᠡ | ᠤᠬᠢᠯᠠᠳᠠᠭ᠂ ᠰᠠᠨᠠᠬᠤ ᠦᠶᠡ ᠳᠤ ᠪᠠᠰᠠ ᠨᠢᠭᠡ ᠤᠬᠢᠯᠠᠳᠠᠭ ᠶᠤᠮ ᠰᠢᠦ ᠪᠢ ᠁ | ᠦᠩᠬᠡᠪᠴᠢᠭᠡᠨ ᠬᠤᠷᠸᠠ ᠶᠢᠨ ᠨᠠᠷᠠ ᠰᠠᠯᠬᠢᠨ ᠬᠤᠶᠠᠷ ᠲᠤ ᠪᠦᠪᠠᠶᠢᠯᠡᠭᠳᠡᠵᠦ᠂ ᠬᠠᠯᠠ ᠬᠠᠶᠢᠷᠠ ᠬᠤᠶᠠᠷ ᠢᠶᠠᠷ | ᠴᠤᠭᠴᠠᠵᠢᠭᠰᠠᠨ ᠨᠤᠳᠤᠭ ᠤᠨ ᠮᠢᠨᠢ ᠬᠦᠭᠡ ᠴᠢᠯᠠᠭᠤ ᠴᠢ ᠲᠦᠷᠦᠭᠰᠡᠨ ᠨᠤᠳᠤᠭ ᠲᠠᠭᠠᠨ ᠬᠠᠶᠢᠷᠠᠳᠠᠢ ᠶᠠᠪᠤᠬᠤ ᠶᠢᠨ | ᠮᠦᠩᠭᠡ ᠶᠢᠨ ᠤᠬᠠᠭᠠᠨ ᠢ ᠨᠠᠳᠠ ᠰᠢᠪᠡᠨᠡᠭᠰᠡᠨ ᠡᠷᠳᠡ ᠭᠠᠯᠪᠠ ᠶᠢᠨ ᠪᠤᠭᠤᠷᠤᠯ ᠳᠤᠮᠤᠭ ᠤᠤ ᠳ᠋ᠠ᠃ ᠬᠦᠮᠦᠨ | ᠪᠠᠶᠢᠭᠠᠯᠢ ᠬᠤᠶᠠᠷ ᠤᠨ ᠢᠳᠡᠭᠡᠰᠢᠭ ᠳᠠᠰᠤᠯᠴᠠᠯ ᠲᠠᠢ ᠪᠠᠶᠢᠭᠰᠠᠨ ᠦᠴᠦᠭᠡᠳᠦᠷ ᠤᠨ ᠵᠠᠢ ᠶᠢ ᠳᠤᠭᠤᠯᠵᠤ᠂ ᠠᠬᠤᠢ | ᠪᠠᠶᠢᠭᠠᠯᠢ ᠳᠠᠭᠠᠨ ᠤᠰᠤᠯᠳᠠᠭᠰᠠᠨ ᠬᠦᠮᠦᠨ ᠨᠡᠶᠢᠬᠡᠮ ᠤᠨ ᠦᠨᠦᠳᠦᠷ ᠢ ᠦᠵᠡᠵᠦ᠂ ᠮᠠᠷᠭᠠᠰᠢ ᠵᠦᠭ ᠪᠠᠷᠠᠯᠠᠨ ᠪᠠᠶᠢᠭᠠ | ᠨᠤᠳᠤᠭ ᠤᠨ ᠮᠢᠨᠢ ᠴᠢᠯᠠᠭᠤ ᠴᠢ ᠭᠤᠮᠤᠳᠠᠨ ᠤᠬᠢᠯᠠᠵᠤ ᠳᠤᠭᠳᠤᠯᠤᠨ ᠪᠠᠶᠠᠰᠴᠤ᠂ ᠬᠠᠯᠠᠭᠤᠨ ᠳᠤ ᠬᠠᠯᠠᠵᠦ᠂ | ᠬᠦᠢᠲᠡᠨ ᠳᠤ ᠬᠦᠷᠦᠵᠦ᠂ ᠣᠯᠠᠨ ᠣᠯᠠᠨ ᠬᠦᠮᠦᠨ ᠳᠤ ᠬᠠᠶᠢᠷᠠᠯᠠᠭᠳᠠᠵᠦ᠂ ᠣᠯᠠᠨ ᠣᠯᠠᠨ ᠬᠦᠮᠦᠨ ᠳᠤ ᠮᠠᠷᠳᠠᠭᠳᠠᠵᠦ | ᠶᠠᠪᠤᠬᠤ ᠳᠠᠭᠠᠨ ᠲᠦᠷᠦᠭᠰᠡᠨ ᠦᠷᠡ ᠨᠢ ᠨᠤᠲᠤᠭ ᠲᠠᠭᠠᠨ ᠬᠠᠶᠢᠷᠠᠲᠠᠢ ᠪᠠᠶᠢᠬᠤ ᠶᠠᠰᠤᠯᠢᠭ ᠣᠬᠠᠭᠠᠨ ᠢ ᠬᠤᠭᠤᠷ ᠤᠨ | ᠮᠢᠩᠭᠠᠨ ᠡᠭᠡᠰᠢᠭ ᠢᠶᠠᠷ ᠵᠢᠷᠦᠬᠡᠨ ᠳᠤ ᠮᠢᠨᠢ ᠰᠢᠪᠡᠨᠡᠭᠰᠡᠨ ᠪᠠᠶᠢᠵᠠᠢ ᠳ᠋ᠠ᠃ | ᠡᠭᠡᠯ ᠪᠤᠷᠤᠭᠵᠢᠭᠤᠨ ᠡᠨᠡ ᠴᠢᠯᠠᠭᠤ ᠰᠢᠭ᠋ ᠪᠣᠩᠬᠤᠨ ᠡᠩᠬᠡᠷ ᠤᠨ ᠮᠢᠨᠢ ᠤᠯᠠᠨ ᠤᠯᠠᠨ ᠬᠠᠭᠠᠨ | ᠴᠢᠯᠠᠭᠤᠳ ᠲᠤ᠂ ᠲᠡᠷᠡ ᠨᠤᠲᠤᠭ ᠲᠤ ᠬᠦᠮᠦᠨ ᠪᠤᠯᠵᠦ ᠬᠦᠵᠦᠭᠦᠦ ᠲᠤᠯᠤᠭᠠᠢ ᠳᠡᠭᠦᠵᠢᠯᠡᠵᠦ ᠶᠠᠪᠤᠭᠰᠠᠨ ᠪᠤᠯᠭᠠᠨ | ᠬᠠᠶᠢᠷᠠᠲᠠᠢ ᠪᠠᠶᠢᠳᠠᠭ ᠶᠣᠮ ᠪᠤᠯ᠂ ᠵᠢᠷᠦᠬᠡ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠨᠤᠲᠤᠭ ᠤᠨ ᠴᠢᠯᠠᠭᠤᠨ ᠤ ᠪᠠᠨ ᠭᠤᠮᠤᠳᠠᠯ ᠪᠠᠶᠠᠰᠤᠯ | ᠬᠤᠶᠠᠷ ᠢ ᠣᠶᠢᠯᠠᠭᠠᠵᠦ ᠴᠢᠳᠠᠳᠠᠭ ᠶᠤᠮ ᠪᠤᠯ ᠡᠯᠢᠭᠡ ᠪᠦᠲᠦᠨ ᠲᠡᠷᠡ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠪᠢᠳᠡᠨ ᠳᠤ ᠦᠭᠬᠢᠶᠡᠮᠦᠷ | ᠬᠠᠶᠢᠷᠠ ᠶᠢᠨ ᠶᠠᠭᠤ ᠪᠦᠬᠦᠨ ᠢᠶᠠᠨ ᠦᠭᠭᠦᠨᠡ ᠰᠢᠦ ᠳ᠋ᠠ᠃ | ᠬᠦᠭᠡᠷᠦᠬᠦᠢ᠂ ᠨᠠᠮᠠᠶᠢ ᠳᠠᠭᠠᠵᠦ ᠠᠯᠤᠰ ᠬᠠᠷᠢ ᠶᠢᠨ ᠭᠠᠵᠠᠷ ᠶᠠᠪᠤᠬᠤ ᠳᠠᠭᠠᠨ ᠡᠬᠡ ᠨᠤᠲᠤᠭ ᠢᠶᠠᠨ ᠬᠠᠶᠢᠷᠠᠯᠠᠬᠤ᠂ | ᠤᠤᠭᠤᠭᠰᠠᠨ ᠤᠰᠤ ᠪᠠᠨ ᠰᠠᠨᠠᠬᠤ ᠶᠢᠨ ᠲᠡᠷᠡ ᠵᠢᠮᠡ ᠶᠢ ᠰᠢᠪᠡᠨᠡᠵᠦ ᠦᠭᠭᠦᠭᠰᠡᠨ ᠪᠤᠩᠬᠤᠨ ᠡᠩᠬᠡᠷ ᠤᠨ ᠮᠢᠨᠢ | ᠵᠢᠵᠢᠭᠬᠡᠨ ᠬᠥᠬᠡ ᠴᠢᠯᠠᠭᠤ ᠴᠢ ᠬᠠᠶᠢᠷᠠ ᠶᠢᠨ ᠲᠤᠤᠯᠢ ᠬᠠᠶᠢᠯᠠᠭᠰᠠᠨ ᠨᠤᠲᠤᠭ ᠤᠨ ᠪᠣᠷᠣᠬᠠᠨ ᠵᠢᠷᠦᠬᠡ ᠤᠤ ᠳ᠋ᠠ᠃ | ᠢᠷᠡᠯᠳᠠ᠄ ᠲᠤᠮᠳᠠᠳᠦ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠠ | ᠲᠡᠪᠰᠢᠭᠦᠯᠦᠭᠰᠡᠨ ᠨᠢ᠄ ᠤᠶᠠᠬᠠᠨ |