| ︽ᠡᠵᠢ ᠡ︕ ᠴᠢᠳᠬᠦᠷ ᠬᠠᠮᠢᠭᠠ ᠪᠠᠶᠢᠬᠤ ᠪᠤᠢ︖︾ ᠭᠡᠵᠦ ᠭᠡᠦᠭᠡᠳ ᠪᠠᠶᠢᠬᠤ ᠳᠠᠭᠠᠨ ᠪᠢ ᠪᠠᠶᠢᠨ | ᠲᠠᠬᠢᠨ ᠠᠰᠠᠭᠤᠳᠠᠭ ᠪᠠᠶᠢᠵᠠᠢ᠃ ᠲᠡᠭᠡᠬᠦ ᠳᠤ᠂ ᠡᠵᠢ ᠮᠢᠨᠢ᠄ ︽ᠭᠡᠨ ᠮᠡᠳᠡᠬᠦ ᠶᠤᠮ ᠪᠤᠢ᠂ ᠦᠬᠢᠡ ᠮᠢᠨᠢ︕ | ᠬᠠᠭᠤᠴᠢᠨ ᠴᠠᠭ ᠤᠨ ᠬᠦᠮᠦᠨ ᠲᠤᠷᠠ ᠪᠠᠷ ᠢᠶᠠᠨ ᠨᠢᠭᠡ ᠶᠠᠭᠤᠮᠠ ᠭᠡᠯᠡᠭᠡᠳ ᠪᠠᠶᠢᠨᠠ᠃ ᠬᠠᠮᠢᠭᠠ ᠪᠠᠶᠢᠬᠤ ᠴᠢᠳᠬᠦᠷ | ᠶᠤᠮ ᠪᠤᠢ︖ ᠴᠢᠳᠬᠦᠷ ᠦᠭᠡᠢ︾ ᠭᠡᠵᠦ ᠬᠠᠴᠢᠷᠬᠠᠳᠠᠭ᠃ | ᠭᠡᠪᠡᠴᠦ ᠭᠡᠦᠭᠡᠳ ᠪᠠᠯᠴᠢᠷ ᠨᠠᠰᠤᠨ ᠤ ᠲᠡᠳᠡᠭᠡᠷ ᠡᠳᠦᠷ ᠬᠤᠨᠤᠭ ᠲᠤ ᠤᠷᠤᠢ ᠪᠦᠷᠦᠢ ᠭᠠᠳᠠᠨᠠ ᠶᠠᠪᠤᠬᠤ ᠳᠤ | ᠂ ᠡᠮᠦᠨᠡ ᠲᠠᠯᠠ ᠳᠤ ᠬᠡᠨᠡᠳᠳᠡ ᠦᠨᠳᠦᠷ ᠬᠠᠷᠠ ᠴᠢᠳᠬᠦᠷ ᠬᠠᠷᠠᠯᠠᠭᠠᠳ ᠢᠷᠡᠬᠦ ᠰᠢᠭ᠂ ᠡᠰᠡᠪᠡᠯ ᠲᠤᠩ ᠴᠠᠭᠠᠨ | ᠴᠢᠳᠬᠦᠷ ᠴᠠᠶᠢᠯᠵᠠᠭᠠᠳ ᠪᠤᠰᠬᠤ ᠰᠢᠭ᠋᠂ ᠠᠷᠤ ᠠᠴᠠ ᠨᠢᠭᠡᠯᠡ ᠪᠦᠳᠦᠬᠦᠨ ᠶᠠᠭᠤᠮᠠ ᠨᠡᠳᠦᠰ ᠨᠡᠳᠦᠰ ᠲᠠᠭᠠᠵᠤ | ᠪᠠᠶᠢᠬᠤ ᠴᠤ ᠰᠢᠭ᠋ ᠰᠠᠨᠠᠭᠳᠠᠬᠤ ᠪᠤᠯᠬᠤ ᠪᠠᠷ ᠬᠠᠰᠢᠯᠡ ᠠᠷᠭᠠ ᠦᠭᠡᠢ᠂ ᠡᠵᠢ ᠠᠴᠠ ᠪᠠᠨ ᠪᠠᠰᠠ ᠲᠡᠬᠢᠭᠠᠳ ᠯᠡ᠄ ︽ | ᠡᠵᠢ ᠡ᠂ ᠴᠢᠳᠬᠦᠷ ᠦᠨᠡᠭᠡᠷ ᠦᠭᠡᠢ ᠤᠤ︖︾ ᠭᠡᠵᠦ ᠤᠬᠤᠴᠢᠯᠠᠨᠠ᠃ | ︽ᠴᠢᠳᠬᠦᠷ ᠭᠡᠳᠡᠭ ᠢ ᠪᠠᠶᠢᠨᠠ ᠭᠡᠵᠦ ᠪᠤᠳᠤᠪᠠᠯ ᠪᠠᠶᠢᠨᠠ᠃ ᠦᠭᠡᠢ ᠭᠡᠵᠦ ᠪᠤᠳᠤᠪᠠᠯ ᠦᠭᠡᠢ︕︾ ᠭᠡᠵᠦ | ᠰᠡᠬᠦᠯ ᠤᠨ ᠦᠶᠡ ᠳᠤ ᠡᠵᠢ ᠶᠢᠨ ᠭᠡᠯᠡᠭᠰᠡᠨ ᠢ ᠬᠠᠷᠢᠨ ᠲᠠᠩᠴᠢ ᠤᠶᠢᠯᠠᠭᠠᠵᠤ ᠶᠠᠳᠠᠨ ︽ᠶᠠᠭᠤ ᠴᠤ ᠭᠡᠰᠡᠨ ᠦᠭᠡ | ᠶᠤᠮ ᠪᠤᠢ︖ ︿ᠦᠭᠡᠢ ᠭᠡᠵᠦ ᠪᠤᠳᠤᠪᠠᠯ ᠦᠭᠡᠢ᠂ ᠪᠠᠶᠢᠨᠠ ᠭᠡᠵᠦ ᠪᠤᠳᠤᠪᠠᠯ ᠪᠠᠶᠢᠨᠠ﹀ ᠡ︖︾ ᠭᠡᠵᠦ ᠮᠠᠰᠢ | ᠰᠤᠨᠢᠭᠤᠴᠢᠯᠠᠵᠦ ᠰᠡᠳᠬᠢᠭᠰᠡᠨ ᠢᠶᠠᠨ ︽ᠪᠢᠰᠢ᠂ ᠪᠢᠰᠢ᠃ ᠴᠢᠳᠬᠦᠷ ᠪᠠᠶᠢᠨᠠ᠃ ᠬᠠᠷᠠᠩᠭᠤᠢ ᠭᠠᠵᠠᠷ ᠪᠠᠶᠢᠨᠠ ᠡ︕ | ︾ ᠭᠡᠵᠦ ᠢᠳᠡᠭᠡᠨ ᠠᠶᠤᠵᠤ ᠡᠮᠢᠶᠡᠵᠦ ᠶᠠᠪᠤᠵᠠᠢ᠃ ᠠᠢ ᠳ᠋ᠠ᠂ ᠦᠨᠦ ᠪᠤᠳᠤᠬᠤ ᠳᠤ ᠲᠡᠷᠡ ᠬᠦ ᠴᠠᠭ ᠦᠶᠡ ᠮᠢᠨᠢ | ᠨᠢᠭᠡᠨᠳᠡ ᠭᠤᠴᠢᠨ ᠭᠡᠳᠦᠨ ᠵᠢᠯ ᠤᠨ ᠡᠮᠦᠨᠡᠬᠢ ᠭᠡᠷᠡᠭ ᠪᠤᠯᠴᠢᠬᠠᠨᠠ ᠭᠡᠵᠢ᠂ ᠠᠮᠢᠳᠤᠷᠠᠯ ᠤᠨ ᠲᠡᠷᠡ ᠡᠯᠠᠷ ᠪᠠᠯᠠᠷ | ᠨᠢᠯᠬᠠᠰᠠᠭ ᠤᠨ ᠰᠠᠷᠠ ᠮᠢᠨᠢ ᠰᠡᠷᠡᠭᠰᠡᠨ ᠦᠭᠡᠢ ᠬᠤᠷᠳᠤᠨ ᠴᠤ ᠦᠩᠭᠡᠷᠡᠵᠡᠢ ᠳ᠋ᠠ᠃ | ᠨᠠᠮᠠ ᠶᠢ ᠠᠷᠪᠠᠨ ᠲᠦᠷᠪᠡᠳᠡᠢ ᠲᠡᠷᠡ ᠵᠢᠯ ᠮᠠᠨ ᠤ ᠠᠶᠢᠯ ᠤᠰᠤᠨ ᠤ ᠬᠢᠨ ᠬᠤᠷᠢᠶᠠᠯᠳᠠ ᠶᠢ ᠡᠷᠦᠭᠡ ᠳᠤ | ᠲᠠᠭᠠᠭᠠᠴᠢᠯᠠᠭᠤᠯᠵᠠᠢ᠃ ᠲᠡᠷᠡ ᠵᠢᠯ ᠤᠨ ᠡᠪᠤᠯ ᠮᠠᠨ ᠤ ᠪᠠᠷᠠᠭᠤᠨ ᠭᠡᠷ ᠤᠨ ᠪᠠᠭᠠᠳᠤᠷ ᠠᠪᠠᠭᠠ ᠮᠦᠷᠦᠢ ᠲᠠᠢ | ᠨᠠᠭᠠᠳᠤᠮ ᠳᠤ ᠤᠷᠤᠭᠠᠳ ᠵᠢᠯ ᠤᠨ ᠤᠷᠤᠯᠭᠠ ᠶᠢᠨ ᠢᠶᠠᠨ ᠲᠡᠭᠡᠷᠡ ᠪᠠᠰᠠ ᠪᠦᠳᠦᠬᠦᠨ ᠬᠤᠶᠠᠷ ᠦᠭᠡᠷ ᠱᠦᠬᠦᠭᠳᠡᠵᠡᠢ᠃ | ᠨᠢᠭᠡ ᠡᠳᠦᠷ ᠪᠠᠷᠠᠭᠤᠨ ᠭᠡᠷ ᠤᠨ ᠠᠪᠠᠭᠠ ᠡᠵᠢ ᠮᠠᠨ ᠤ ᠳᠤ ᠢᠷᠡᠭᠡᠳ᠂ ᠡᠵᠢ ᠲᠠᠢ ᠬᠤᠶᠠᠭᠤᠯᠠ ᠬᠠᠨᠵᠦ ᠢᠷᠮᠡᠭᠳᠡᠨ | ᠰᠠᠭᠤᠭᠠᠳ ᠶᠠᠷᠢᠯᠴᠠᠬᠤ ᠶᠢᠨ ᠲᠠᠭᠠᠤ ᠠᠪᠠᠭᠠ ᠡᠵᠢ ᠤᠬᠢᠯᠠᠴᠢᠬᠠᠭᠰᠠᠨ ᠬᠠᠨᠴᠤᠢ ᠪᠠᠷ ᠢᠶᠠᠨ ᠨᠢᠯᠪᠤᠰᠤ ᠪᠠᠨ | ᠵᠦᠯᠬᠦᠵᠦ ᠪᠠᠶᠢᠪᠠ᠃ ᠲᠡᠭᠡᠬᠦ ᠳᠤ᠂ ᠡᠵᠢ ᠦᠭᠡᠳᠡ ᠠᠴᠠ ᠨᠢ᠄ | ︽ᠭᠡᠨ ᠡ᠂ ᠴᠡᠴᠡᠭ ᠡ᠃ ᠤᠳᠤ ᠲᠡᠭᠡᠭᠡᠳ ᠤᠬᠢᠯᠠᠵᠤ ᠵᠤᠪᠠᠭᠠᠳ ᠶᠠᠮᠠᠷ ᠭᠡᠷᠡᠭ ᠲᠠᠢ ᠳ᠋ᠠ᠃ | ᠨᠠᠭᠠᠳᠤᠮ ᠳᠤ ᠴᠢᠳᠬᠦᠷ ᠲᠠᠢ ᠭᠡᠳᠡᠭ ᠲᠠᠭᠠᠷᠠᠬᠤ ᠴᠤ ᠶᠤᠮ ᠤᠤ᠂ ᠰᠠᠶᠢᠨ ᠢᠳᠬᠠᠨ ᠭᠡᠯᠡᠵᠦ ᠪᠠᠶᠢᠭᠠᠳ ᠲᠠᠬᠢᠵᠤ | ᠪᠤᠤ ᠨᠠᠭᠠᠳᠤᠭᠤᠯ ᠁︾ ᠭᠡᠵᠦ ᠨᠢᠭᠡ ᠤᠯᠠᠨ ᠢ ᠶᠠᠷᠢᠵᠤ ᠪᠠᠶᠢᠬᠤ ᠳᠤ ᠨᠢ ᠪᠢ ᠮᠡᠯ ᠭᠠᠶᠢᠬᠠᠵᠤ ᠦᠭᠡ ᠲᠠᠭᠤ | ᠦᠭᠡᠢ ᠬᠠᠵᠠᠭᠤ ᠲᠠᠯᠠ ᠳᠤ ᠨᠢ ᠰᠠᠭᠤᠵᠤ ᠰᠤᠨᠤᠰᠤᠭᠰᠠᠨ ᠶᠤᠮ᠃ ︽ᠭᠡᠦᠭᠡᠳ ᠲᠤᠮᠤ ᠬᠦᠮᠦᠨ ᠤ ᠦᠭᠡ ᠶᠢᠨ | ᠵᠠᠪᠰᠠᠷ ᠤᠷᠤᠳᠠᠭ ᠦᠭᠡᠢ ᠶᠤᠮ ᠰᠢᠤ︕︾ ᠭᠡᠵᠦ ᠡᠵᠢ ᠠᠪᠤ ᠲᠠᠩᠳᠠ ᠰᠤᠷᠭᠠᠳᠠᠭ ᠪᠤᠯᠬᠤᠷ᠂ ᠠᠪᠠᠭᠠ ᠡᠵᠢ ᠶᠢ | ᠶᠠᠪᠤᠭᠰᠠᠨ ᠬᠤᠶᠢᠨᠠ ᠪᠢ ᠰᠠᠶ᠋ᠢ ᠡᠵᠢ ᠳᠤ᠄ ︽ᠡᠮᠧ ᠡ︕ ᠪᠢ ᠪᠤᠳᠤᠪᠠᠯ ᠴᠢᠳᠬᠦᠷ ᠬᠠᠷᠠᠩᠭᠤᠢ ᠪᠤᠯᠤᠩ | ᠲᠤᠳᠤᠷᠠ ᠪᠠᠶᠢᠬᠤ ᠠᠴᠠ ᠪᠢᠰᠢ᠂ ᠶᠠᠭᠠᠬᠢᠭᠠᠳ ᠨᠠᠭᠠᠳᠤᠮ ᠲᠤᠳᠤᠷᠠ ᠪᠠᠶᠢᠬᠤ ᠶᠤᠮ︖︾ ᠭᠡᠵᠦ ᠬᠤᠪᠢᠨ ᠤ | ᠪᠤᠳᠤᠭᠰᠠᠨ ᠢᠶᠠᠨ ᠪᠠᠷᠢᠮᠳᠠᠯᠠᠭᠰᠠᠨ ᠪᠠᠶᠢᠪᠠ᠃ ᠠᠪᠤ ᠬᠠᠨᠵᠤᠨ ᠵᠡᠬᠦᠨ ᠪᠡᠶᠡ ᠳᠤ ᠰᠠᠭᠤᠵᠤ᠂ ᠡᠵᠢ ᠪᠢᠳᠡ ᠬᠤᠶᠠᠷ ᠢ | ᠡᠭᠡᠯᠵᠢᠯᠡᠨ ᠬᠠᠷᠠᠨᠠ᠃ | ᠡᠵᠢ ᠪᠤᠳᠤᠰᠬᠢᠵᠦ ᠠᠪᠤᠭᠠᠳ᠄ ︽ᠡᠨᠡ ᠭᠡᠦᠭᠡᠳ ᠡᠳᠦᠷ ᠲᠡᠭᠡᠨ ᠴᠢᠳᠬᠦᠷ ᠴᠢᠳᠬᠦᠷ ᠭᠡᠳ᠂ ᠨᠢᠭᠡᠯᠡ ᠶᠡᠭᠡ | ᠠᠶᠤᠮᠠᠳᠠᠭᠠᠢ ᠬᠦᠮᠦᠨ ᠭᠠᠷᠴᠠᠢ︾ ᠭᠡᠰᠡᠨ ᠢᠶᠠᠨ ᠠᠪᠤ ᠲᠠᠶᠢᠰᠢ ᠬᠠᠨᠳᠤᠵᠤ᠄ ︽ᠬᠠᠮᠢᠭᠠ ᠪᠠᠶᠢᠭᠰᠠᠨ ᠴᠢᠳᠬᠦᠷ ᠶᠤᠮ | ᠡ︖ ᠬᠠᠷᠠᠩᠭᠤᠢ ᠭᠠᠵᠠᠷ ᠴᠤ ᠴᠢᠳᠬᠦᠷ ᠦᠭᠡᠢ᠃ ᠪᠤᠳᠤᠭᠠᠳ ᠪᠠᠶᠢᠪᠠᠯ᠂ ᠡᠨᠡ ᠬᠦᠮᠦᠨ ᠭᠡᠳᠡᠭ ᠴᠢᠨᠢ ᠴᠢᠳᠬᠦᠷ | ᠴᠤ ᠮᠦᠨ᠂ ᠪᠤᠷᠬᠠᠨ ᠴᠤ ᠮᠦᠨ᠃ ᠬᠦᠮᠦᠨ ᠠᠴᠠ ᠮᠠᠭᠤ ᠴᠢᠳᠬᠦᠷ ᠦᠭᠡᠢ᠂ ᠬᠦᠮᠦᠨ ᠠᠴᠠ ᠰᠠᠶᠢᠨ ᠪᠤᠷᠬᠠᠨ ᠴᠤ | ᠦᠭᠡᠢ︕ ᠬᠠᠷᠠ ᠰᠠᠨᠠᠭᠠ ᠲᠠᠢ ᠬᠦᠮᠦᠨ ᠤ ᠰᠡᠳᠬᠢᠯ ᠲᠤᠳᠤᠷᠠ ᠴᠢᠳᠬᠦᠷ ᠲᠠᠢ᠂ ᠵᠦᠭᠡᠯᠡᠨ ᠴᠠᠭᠠᠨ ᠰᠠᠨᠠᠭᠠ ᠲᠠᠢ | ᠬᠦᠮᠦᠨ ᠤ ᠰᠡᠳᠬᠢᠯ ᠲᠤᠳᠤᠷᠠ ᠪᠤᠷᠬᠠᠨ ᠲᠠᠢ ᠡ︕︾ ᠭᠡᠵᠦ ᠶᠡᠬᠡᠯᠡ ᠪᠠᠳᠤᠯᠠᠭᠠ ᠲᠠᠢ ᠭᠡᠯᠡᠭᠰᠡᠨ ᠢ ᠨᠢ ᠪᠢ | ᠤᠬᠠᠭᠠᠷᠠᠬᠤ ᠴᠤ ᠰᠢᠭ᠋ ᠪᠤᠯᠤᠭᠰᠠᠨ ᠶᠤᠮ᠃ | ᠠᠪᠤ ᠪᠠᠰᠠ᠄ ︽ᠦᠨᠡᠭᠡᠷ ᠡ︕ ᠮᠠᠨ ᠤ ᠠᠶᠢᠯ ᠤᠨ ᠲᠡᠷᠡ ᠮᠠᠨᠳᠠᠷᠸᠠ ᠡᠭᠡᠴᠢ ᠰᠢᠭ ᠬᠦᠮᠦᠨ ᠪᠤᠯ᠂ | ᠪᠤᠷᠬᠠᠨ ᠪᠤᠷᠬᠠᠨ ᠭᠡᠳ ᠡᠳᠦᠷᠵᠢᠨ ᠮᠦᠷᠬᠦᠨ ᠰᠦᠬᠦᠳᠦᠨ ᠪᠤᠷᠬᠠᠨ ᠲᠠᠬᠢᠵᠤ ᠯᠡ ᠪᠠᠶᠢᠨᠠ ᠡ᠃ ᠲᠡᠭᠡᠭᠡᠳ ᠲᠡᠷᠡ | ᠦᠵᠡᠬᠦ ᠦᠭᠡᠢ ᠤᠤ︖ ᠬᠠᠯᠳᠤᠰᠬᠢᠪᠠᠯ ᠬᠠᠳᠠᠮ ᠡᠵᠢ ᠪᠠᠨ ᠬᠠᠷᠢᠶᠠᠨᠠ᠃ ︿ᠴᠢᠨᠦ ᠡᠨᠡ ᠶᠠᠩᠵᠤ ᠪᠠᠷ ᠪᠤᠷᠬᠠᠨ ᠢ | ᠲᠠᠬᠢᠭᠠᠳ ᠶᠠᠭᠤ ᠬᠢᠨᠡ ᠳ᠋ᠠ︖ ᠴᠢ ᠲᠠᠷᠡ ᠪᠤᠷᠬᠠᠨ ᠲᠠᠬᠢᠵᠤ ᠪᠠᠶᠢᠬᠤ ᠰᠢᠷᠠ ᠲᠤᠰᠤ ᠪᠠᠨ ᠠᠮᠠᠷᠬᠠᠨ ᠬᠠᠳᠠᠮ | ᠡᠵᠢ ᠳᠡᠭᠡᠨ ᠢᠳᠡᠬᠦᠯᠴᠢᠭᠡ﹀ ᠭᠡᠵᠦ ᠪᠢ ᠨᠢᠭᠡ ᠭᠡᠯᠡᠭᠡᠳ ᠠᠪᠤᠭᠰᠠᠨ ᠴᠢᠨᠢ᠂ ᠦ᠂ ᠪᠠᠷᠠᠵᠠᠢ︕ ᠮᠠᠨ ᠤ ᠬᠦᠮᠦᠨ | ᠨᠢᠭᠡᠮᠦᠰᠦᠨ ᠠᠭᠤᠷᠯᠠᠭᠠᠳ ᠶᠠᠭ ᠬᠦᠯᠢᠶᠡᠬᠦ ᠶᠠᠭᠤᠮᠠ ᠪᠢᠰᠢ ᠁︾ ᠭᠡᠵᠦ ᠭᠡᠯᠡᠵᠦ ᠪᠠᠷᠠᠬᠤ ᠠᠴᠠ ᠡᠮᠦᠨᠡ ᠡᠵᠢ | ᠢᠨᠢᠶᠡᠭᠰᠡᠭᠡᠷ ᠢᠨᠢᠶᠡᠭᠰᠡᠭᠡᠷ ᠪᠦᠷ ᠴᠤ ᠡᠯᠢᠭᠡ ᠨᠢ ᠬᠦᠰᠢᠭᠡᠳ ᠡᠪᠴᠢᠬᠦᠦ ᠪᠠᠨ ᠲᠡᠪᠡᠷᠢᠵᠦ ᠤᠳᠠᠵᠤ ᠤᠳᠠᠭᠠᠳ ᠰᠠᠶ᠋ᠢ | ᠢᠨᠢᠶᠡᠳᠦ ᠬᠠᠨᠢᠶᠠᠳᠦ ᠪᠠᠨ ᠬᠤᠷᠢᠡᠡᠯᠠᠵᠤ ᠵᠤᠭᠰᠤᠭᠠᠭᠠᠳ᠄ | — ᠠᠪᠤ ᠴᠢᠨᠢ ᠪᠤᠯ ᠬᠦᠮᠦᠨ ᠢ ᠭᠡᠯᠡᠨᠡ ᠬᠡᠪᠡᠯ᠂ ᠸᠠ᠂ ᠬᠤᠯᠪᠤᠭᠠ ᠬᠤᠷᠰᠢᠶᠡ ᠲᠠᠭᠠᠷᠠᠭᠤᠯᠤᠭᠠᠳ ᠪᠠᠶᠢᠬᠤ ᠶᠤᠮ | ᠡ︕ ᠭᠡᠵᠦ ᠲᠤᠷᠠ ᠦᠭᠡᠶᠢᠴᠡᠭᠰᠡᠨ ᠰᠢᠭ ᠬᠢᠷᠢ ᠨᠢ ᠪᠠᠰᠠ ᠲᠠᠪᠠ ᠨᠢ ᠬᠠᠨᠤᠭᠰᠠᠨ ᠪᠤᠯᠵᠤ᠂ ︽ᠰᠡᠳᠬᠢᠯ ᠢᠶᠠᠨ | ᠵᠠᠰᠠᠬᠤ ᠦᠭᠡᠢ ᠪᠤᠯ ᠪᠤᠷᠬᠠᠨ ᠲᠠᠬᠢᠯᠠ ᠭᠡᠳ ᠶᠠᠮᠠᠷ ᠭᠡᠷᠡᠭ ᠪᠠᠶᠢᠬᠤ ᠶᠤᠮ ᠡ︖︾ ᠭᠡᠵᠦ ᠠᠪᠤ ᠶᠢᠨ ᠭᠡᠯᠡᠬᠦ ᠶᠢ | ᠵᠦᠪᠳᠡᠭᠡᠨ ᠲᠠᠭᠠᠳᠠᠢ ᠴᠢᠷᠠᠶᠢᠯᠠᠵᠦ ᠪᠢᠯᠡ᠃ | ᠭᠡᠯᠡᠪᠡᠯ ᠪᠠᠰᠠ ᠰᠤᠨᠢᠨ ᠶᠤᠮ᠃ ᠡᠵᠢ ᠠᠪᠤ ᠮᠢᠨᠢ ᠲᠡᠭᠡᠵᠦ ᠭᠡᠯᠡᠵᠦ ᠪᠠᠶᠢᠬᠤ ᠬᠢᠷᠢ ᠨᠢ ᠦᠪᠡᠷᠰᠡᠳ ᠢᠶᠠᠨ | ᠮᠦᠨ ᠨᠢᠭᠡ ︽ᠴᠠᠭᠠᠨ ᠳ᠋ᠠᠷᠠ︾ ᠶᠤᠮ ᠤᠤ᠂ ︽ᠨᠤᠭᠤᠭᠠᠨ ᠳ᠋ᠠᠷᠠ︾ ᠶᠤᠮ ᠤᠤ᠂ ᠨᠡᠷᠡ ᠶᠢ ᠨᠢ ᠪᠢ ᠵᠢᠭᠠᠬᠠᠨ | ᠮᠠᠷᠳᠠᠵᠤ ᠪᠠᠶᠢᠨᠠ᠃ ᠶᠠᠭᠤ ᠴᠦ ᠭᠡᠰᠡᠨ ︽ᠳ᠋ᠠᠷᠠ︾ ᠤᠷᠤᠳᠠᠭ ᠨᠠᠷᠡ ᠲᠠᠢ ᠪᠤᠷᠬᠠᠨ ᠤ ᠬᠦᠷᠦᠭ ᠢ ᠪᠠᠷᠠᠭᠤᠨ ᠬᠠᠨᠠ | ᠲᠡᠭᠡᠷᠡ ᠪᠠᠨ ᠡᠯᠬᠦᠭᠡᠳ᠂ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠰᠠᠷᠠ ᠪᠦᠷᠢ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠠᠷᠪᠠᠨ ᠲᠠᠪᠤᠨ ᠤ | ᠡᠳᠦᠷ ᠬᠦᠵᠢ ᠵᠤᠯᠠ ᠠᠰᠠᠭᠠᠵᠤ ᠲᠠᠬᠢᠳᠠᠭ ᠪᠠᠶᠢᠯᠠ᠃ ᠠᠪᠤ ᠶᠢ ᠨᠠᠰᠤ ᠪᠠᠷᠠᠭᠰᠠᠨ ᠠᠴᠠ ᠰᠡᠬᠦᠯᠡᠷᠬᠢ ᠰᠢᠷᠠ ᠡᠳᠦᠷ | ᠪᠤᠷᠤ ᠬᠤᠨᠤᠭ ᠲᠤ ᠡᠵᠢ ᠮᠢᠨᠢ ᠪᠠᠷᠤᠭ ᠯᠡ ᠭᠡᠦᠭᠡᠳ ᠤᠳ ᠤᠨ ᠢᠶᠠᠨ ᠭᠡᠷ ᠢᠶᠠᠷ ᠲᠤᠭᠤᠷᠢᠵᠤ ︽ᠨᠡᠬᠦᠵᠦ ᠪᠠᠭᠤᠵᠤ︾ | ᠠᠮᠢᠳᠤᠷᠠᠬᠤ ᠪᠤᠯᠤᠭᠰᠠᠨ ᠪᠦᠭᠡᠳ ᠲᠡᠷᠡ ᠬᠦ ᠠᠪᠤ ᠶᠢᠨ ᠪᠤᠢ ᠳᠤ ᠡᠵᠡᠯᠡᠵᠦ ᠪᠠᠶᠢᠭᠰᠠᠨ ᠰᠢᠷᠤᠢ ᠶᠢᠨ ᠭᠡᠷ ᠠᠴᠠ ᠪᠠᠨ | ᠨᠡᠬᠦᠵᠦ ᠭᠠᠷᠤᠭᠰᠠᠨ ᠲᠤᠯᠠ ᠦᠨᠦ ᠨᠢᠭᠡ ᠳ᠋ᠠᠷᠠ ᠪᠤᠷᠬᠠᠨ ᠤ ᠬᠦᠷᠦᠭ ᠨᠢ ᠴᠤᠬᠤᠮ ᠬᠠᠮᠢᠭᠠ ᠤᠷᠤᠭᠰᠠᠨ ᠢ ᠪᠤᠤ | ᠮᠡᠳᠡ᠃ ᠪᠢ ᠴᠤ ᠬᠤᠯᠠ ᠶᠢᠨ ᠬᠠᠷᠢ ᠳᠤ ᠮᠤᠷᠳᠠᠵᠤ ᠠᠪᠤ ᠶᠢ ᠨᠠᠰᠤ ᠨᠦᠭᠴᠢᠬᠦ ᠳᠤ᠂ ᠲᠡᠷᠭᠡᠳᠡ ᠨᠢ ᠪᠠᠶᠢᠵᠤ | ᠴᠢᠳᠠᠭᠰᠠᠨ ᠦᠭᠡᠢ ᠪᠤᠯᠬᠤᠷ ᠪᠦᠷ ᠴᠤ ᠮᠡᠳᠡᠭᠰᠡᠨ ᠦᠭᠡᠢ ᠦᠩᠭᠡᠷᠡᠵᠡᠢ᠃ ᠬᠤᠵᠢᠮ ᠨᠢ ᠪᠤᠳᠤᠬᠤ ᠳᠤ ᠡᠵᠢ | ᠠᠪᠤ ᠶᠢᠨ ᠮᠢᠨᠢ ᠲᠠᠬᠢᠳᠠᠭ ᠦᠨᠦ ᠴᠠᠭᠠᠨ ᠳ᠋ᠠᠷᠠ ᠪᠤᠶᠤ ᠨᠤᠭᠤᠭᠠᠨ ᠳ᠋ᠠᠷᠠ ᠪᠤᠷᠬᠠᠨ ᠨᠢ ᠡᠵᠢ ᠶᠢ ᠮᠢᠨᠢ ᠲᠠᠭᠠᠵᠤ᠂ | ᠡᠵᠢ ᠶᠢᠨ ᠮᠢᠨᠢ ᠰᠡᠳᠬᠢᠯ ᠵᠢᠷᠦᠭᠡᠨ ᠳᠤ ᠨᠡᠬᠦᠵᠦ ᠰᠠᠭᠠᠳᠠᠭᠰᠠᠨ ᠨᠢ ᠯᠠᠪᠳᠠᠢ ᠡ︕ | ᠤᠨ ᠵᠢᠯ ᠲᠦᠳᠡᠭᠡᠨᠡ ᠲᠦᠷᠭᠡᠬᠡᠨ ᠤᠳᠴᠤ ᠨᠢᠭᠡ ᠯᠡ ᠮᠡᠳᠡᠬᠦ ᠳᠤ ᠡᠵᠢ ᠮᠢᠨᠢ ᠴᠤ ᠨᠠᠰᠤ ᠠᠴᠠ ᠪᠠᠨ | ᠤᠷᠢᠳᠠᠵᠤ ᠦᠳᠡᠯᠵᠦ ᠬᠦᠭᠰᠢᠷᠡᠵᠦ ᠳ᠋ᠠ᠃ ᠠᠪᠤ ᠡᠵᠢ ᠪᠠᠨ ᠠᠮᠢᠳᠤ ᠰᠡᠷᠡᠬᠦᠨ ᠪᠠᠶᠢᠬᠤ ᠳᠤ ᠨᠢ ᠠᠴᠢᠯᠠᠵᠤ | ᠬᠦᠨᠳᠦᠯᠡᠵᠦ ᠶᠠᠪᠤᠬᠤ ᠭᠡᠭᠴᠢ ᠶᠠᠭᠤᠳᠠᠢ ᠶᠡᠭᠡ ᠪᠤᠶᠠᠨ ᠵᠠᠶᠠᠭᠠ ᠪᠢᠯᠡ︕ ᠡᠶᠢᠨ ᠬᠦ ᠡᠵᠢ ᠶᠢᠨ ᠢᠶᠠᠨ ᠡᠨᠡᠷᠢᠯ | ᠬᠠᠶᠢᠷᠠ ᠶᠢ ᠬᠠᠷᠢᠭᠤᠯᠬᠤ ᠰᠡᠳᠬᠢᠯᠭᠡ ᠶᠢ ᠡᠪᠤᠷᠯᠡᠨ 1998 ᠤᠨ ᠤ ᠲᠡᠷᠡ ᠡᠪᠤᠯ ᠪᠢ ᠡᠵᠢ ᠪᠠᠨ ᠠᠷᠠᠶᠢᠬᠢᠵᠦ | ᠬᠦᠬᠡᠬᠤᠳᠠ ᠳᠤ ᠦᠪᠡᠷ ᠤᠨ ᠲᠡᠷᠭᠡᠳᠡ ᠪᠠᠨ ᠠᠪᠴᠢᠷᠠᠭᠰᠠᠨ ᠴᠢᠨᠢ᠂ ᠲᠦᠩᠭᠡᠵᠢ ᠨᠢᠭᠡᠯᠭᠡᠨ ᠰᠠᠷᠠ ᠪᠤᠯᠤᠭᠠ | ᠦᠭᠡᠢ ᠪᠠᠷ ᠡᠵᠢ ᠮᠢᠨᠢ ᠳᠡᠷᠬᠡᠳᠡ ᠠᠴᠠ ᠬᠠᠯᠢᠨ ᠤᠳᠴᠠᠢ ᠁ | ᠬᠠᠷᠠ ᠰᠢᠷᠤᠢ ᠪᠠᠨ ᠮᠠᠯᠳᠠᠵᠤ᠂ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠭᠡᠷ ᠪᠦᠯᠢ ᠪᠠᠨ᠂ ᠬᠠᠷᠠ ᠴᠠᠭᠠᠨ ᠦᠷᠡ ᠠᠴᠢᠷ ᠢᠶᠠᠨ ᠭᠡᠵᠦ᠂ | ᠬᠠᠳᠠᠭᠤ ᠲᠤᠳᠠᠭᠤ ᠠᠮᠢᠳᠤᠷᠠᠯ ᠳᠠᠭᠠᠨ ᠨᠠᠰᠤᠵᠢᠨ ᠵᠤᠪᠠᠨ ᠵᠦᠳᠡᠷᠡᠵᠦ᠂ ᠵᠢᠳᠬᠦᠵᠦ ᠲᠡᠮᠡᠦᠯᠵᠦ ᠶᠠᠪᠤᠬᠤ ᠳᠠᠭᠠᠨ᠂ | ᠡᠵᠢ ᠠᠪᠤ ᠮᠢᠨᠢ᠂ ᠲᠠᠩᠳᠠ ᠶᠠᠳᠠᠷᠠᠭᠰᠠᠨ ᠨᠢᠭᠡ ᠶᠢ ᠨᠢ ᠲᠠᠭᠠᠷᠠᠯᠳᠤᠪᠠᠯ ︽ᠠᠢ᠂ ᠬᠦᠭᠡᠷᠦᠬᠦᠢ︾ ᠭᠡᠵᠦ ᠲᠡᠮ ᠲᠤᠰᠠ | ᠦᠭᠬᠦᠨ᠂ ᠲᠤᠰᠠᠴᠢ ᠨᠢᠭᠡ ᠳᠤ ᠨᠢ ᠲᠠᠭᠠᠷᠠᠯᠳᠤᠪᠠᠯ ︽ᠪᠤᠷᠬᠠᠨ ᠰᠢᠭ᠋ ᠬᠦᠮᠦᠨ ᠡ︕︾ ᠭᠡᠵᠦ ᠪᠠᠶᠠᠰᠤᠨ | ᠮᠠᠭᠳᠠᠵᠤ᠂ ᠬᠤᠤᠷᠠᠳᠠᠢ ᠨᠢᠭᠡ ᠳᠤ ᠨᠢ ᠬᠠᠷᠭᠤᠪᠠᠯ ︽ᠴᠢᠳᠬᠦᠷ ᠠᠴᠠ ᠴᠠᠭᠠᠰᠢ ᠠᠮᠢᠳᠠᠨ︕︾ ᠭᠡᠵᠦ ᠦᠵᠡᠨ | ᠶᠠᠳᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠤᠳᠤ ᠪᠤᠳᠤᠬᠤᠯᠠ ᠡᠵᠢ ᠠᠪᠤ ᠮᠢᠨᠢ ᠪᠤᠷᠬᠠᠨ ᠢ ᠨᠢ ᠪᠢᠰᠢ᠂ ᠬᠠᠷᠢᠨ ᠪᠤᠷᠬᠠᠨ ᠴᠠᠭᠠᠨ | ᠰᠡᠳᠬᠢᠯ ᠢ ᠯᠡ ᠲᠠᠬᠢᠵᠦ ᠲᠡᠭᠡᠵᠢᠯᠡᠵᠦ ᠶᠠᠪᠤᠭᠰᠠᠨ ᠪᠠᠶᠢᠵᠠᠢ ᠡ︕ | ᠁ | ᠦᠴᠦᠭᠡᠳᠦᠷ ᠤᠷᠤᠢ ᠬᠦᠦ ᠮᠢᠨᠢ ᠲᠦᠬᠦᠮ ᠮᠢᠶᠠᠨᠲ᠋ᠢᠶᠤᠤᠷ ᠢᠳᠡᠨᠡ ᠭᠡᠳ ᠪᠠᠶᠢᠯᠠ᠃ ᠪᠢ ᠲᠡᠬᠦᠨ ᠢ ︽ | ᠦᠪᠡᠷ ᠢᠶᠠᠨ ᠪᠠᠭᠤᠵᠦ ᠲᠡᠯᠭᠡᠬᠦᠷ ᠠᠴᠠ ᠠᠪᠤᠭᠠᠳ ᠢᠷᠡ︾ ᠭᠡᠰᠡᠨ ᠴᠢᠨᠢ ︽ᠦᠭᠡᠢ᠂ ᠪᠢ ᠠᠶᠤᠨᠠ᠃ ᠠᠰᠠᠷ ᠤᠨ | ᠲᠤᠤᠷᠠᠬᠢ ᠬᠠᠷᠠᠩᠭᠤᠢ ᠭᠠᠵᠠᠷ ᠲᠤ ᠴᠢᠳᠬᠦᠷ ᠪᠠᠶᠢᠨᠠ︾ ᠭᠡᠬᠦ ᠪᠠᠷ ᠨᠢ ᠡᠵᠢ ᠶᠢᠨ ᠮᠢᠨᠢ ᠭᠡᠯᠡᠳᠡᠭ ︽ᠪᠤᠷᠬᠠᠨ︾ ᠪᠠ | ︽ᠴᠢᠳᠬᠦᠷ︾ ᠨᠢ ᠪᠠᠰᠠ ᠯᠡ ᠪᠤᠳᠤᠭᠳᠠᠴᠢᠬᠠᠯᠠ᠃ ᠲᠡᠭᠡᠭᠡᠳ ᠪᠢ ᠦᠪᠡᠷ ᠢᠶᠠᠨ ᠪᠠᠭᠤᠵᠤ ᠬᠦᠦ ᠳᠡᠭᠡᠨ ᠲᠦᠬᠦᠮ | ᠮᠢᠶᠠᠨᠲ᠋ᠢᠶᠤᠤᠷ ᠠᠪᠴᠢᠷᠠᠵᠦ ᠦᠭᠬᠦ ᠵᠠᠮ ᠳᠠᠭᠠᠨ ᠡᠵᠢ ᠶᠢ ᠪᠠᠨ᠂ ᠡᠵᠢ ᠶᠢᠨ ᠢᠶᠠᠨ ᠭᠡᠯᠡᠭᠰᠡᠨ ᠲᠡᠳᠡᠭᠡᠷ ᠦᠭᠡ ᠶᠢ | ᠪᠤᠳᠤᠭᠠᠳ ᠠᠷᠭᠠ ᠦᠭᠡᠢ ᠤᠶᠠᠷᠠᠨ ᠤᠶᠠᠷᠠᠵᠤ ᠪᠢᠯᠡ᠃ ᠬᠠᠷᠢᠨ ᠬᠦᠦ ᠮᠢᠨᠢ ᠨᠠᠮᠠ ᠶᠢ ᠦᠵᠡᠭᠡᠳ ︽ᠮᠦᠮᠦ ᠴᠢ | ᠴᠢᠳᠬᠦᠷ ᠠᠴᠠ ᠠᠶᠤᠬᠤ ᠦᠭᠡᠢ ᠤᠤ︖︾ ᠭᠡᠴᠢᠭᠡᠭᠰᠡᠨ ᠰᠢᠤ᠃ | ︽ᠬᠦᠮᠦᠨ ᠭᠡᠳᠡᠭ ᠴᠢᠨᠢ ᠡ ᠁ ᠴᠢᠳᠬᠦᠷ ᠮᠦᠨ᠂ ᠪᠤᠷᠬᠠᠨ ᠴᠤ ᠮᠦᠨ︕ ᠬᠦᠮᠦᠨ ᠠᠴᠠ ᠮᠠᠭᠤ | ᠴᠢᠳᠬᠦᠷ ᠦᠭᠡᠢ᠂ ᠬᠦᠮᠦᠨ ᠠᠴᠠ ᠰᠠᠶᠢᠨ ᠪᠤᠷᠬᠠᠨ ᠴᠤ ᠦᠭᠡᠢ ᠁ ᠬᠠᠷᠠ ᠰᠠᠨᠠᠭᠠ ᠬᠠᠷᠬᠢᠰ ᠪᠤᠳᠤᠯ ᠲᠠᠢ | ᠬᠦᠮᠦᠨ ᠤ ᠰᠡᠳᠬᠢᠯ ᠳᠤ ᠴᠢᠳᠬᠦᠷ ᠲᠠᠢ᠃ ᠵᠦᠭᠡᠯᠡᠨ ᠴᠠᠭᠠᠨ ᠰᠠᠨᠠᠭᠠ ᠲᠠᠢ ᠬᠦᠮᠦᠨ ᠤ ᠰᠡᠳᠬᠢᠯ ᠳᠤ ᠪᠤᠷᠬᠠᠨ ᠲᠠᠢ ᠁ | ︾ ᠤᠯᠠᠨ ᠵᠢᠯ ᠤᠨ ᠡᠮᠦᠨᠡ ᠡᠵᠢ ᠶᠢᠨ ᠮᠢᠨᠢ ᠭᠡᠯᠡᠵᠦ ᠪᠠᠶᠢᠭᠰᠠᠨ ᠦᠭᠡ ᠨᠢᠭᠡ ᠨᠢᠭᠡ ᠪᠠᠷ ᠢᠶᠠᠨ ᠠᠬᠢᠭᠠᠳ ᠯᠡ | ᠰᠠᠨᠠᠭᠳᠠᠴᠢᠬᠠᠯᠠ᠃ ᠡᠵᠢ ᠮᠢᠨᠢ ᠠᠮᠢᠳᠤ ᠰᠡᠷᠡᠬᠦᠨ ᠪᠠᠶᠢᠭᠰᠠᠨ ᠴᠤ ᠪᠤᠯ ᠡ︕ ᠬᠦᠦ ᠳᠡᠭᠡᠨ ᠪᠢ ︽ᠪᠤᠷᠬᠠᠨ︾ ᠪᠠ | ︽ᠴᠢᠳᠬᠦᠷ︾ ᠤᠨ ᠲᠤᠬᠠᠢ ᠨᠠᠭᠠᠴᠦ ᠡᠮᠡᠭᠡ ᠠᠴᠠ ᠪᠠᠨ ᠠᠰᠠᠭᠤ ᠭᠡᠵᠦ ᠭᠡᠯᠡᠬᠦ ᠦᠭᠡᠢ ᠤᠤ ᠳ᠋ᠠ᠃ ᠲᠡᠭᠡᠬᠦ ᠳᠤ ᠡᠵᠢ | ᠮᠢᠨᠢ ᠬᠠᠳᠠᠭᠰᠠᠨ ᠠᠷᠭᠠᠯ ᠰᠢᠭ᠋ ᠭᠠᠷ ᠤᠨ ᠠᠷᠤ ᠪᠠᠷ ᠢᠶᠠᠨ ᠡᠮᠰᠡᠶᠢᠭᠰᠡᠨ ᠤᠷᠤᠭᠤᠯ ᠢᠶᠠᠨ ᠨᠢᠭᠡ ᠵᠦᠯᠬᠦᠵᠦ ᠠᠪᠤᠭᠠᠳ | ᠄ ︽᠁ ᠴᠢᠳᠬᠦᠷ ᠦᠭᠡᠢ ᠡ︕ ᠬᠠᠭᠤᠴᠢᠨ ᠴᠠᠭ ᠤᠨ ᠬᠦᠮᠦᠨ ᠲᠤᠷᠠ ᠪᠠᠷ ᠢᠶᠠᠨ ᠨᠢᠭᠡ ᠦᠭᠡ ᠵᠤᠬᠢᠶᠠᠭᠠᠳ | ᠭᠡᠯᠡᠭᠡᠳ ᠪᠠᠶᠢᠬᠤ ᠶᠤᠮ ᠡ ᠁︾ ᠭᠡᠵᠦ ᠬᠠᠷᠢᠭᠤᠯᠵᠤ ᠡᠬᠢᠯᠡᠬᠦ ᠪᠢᠰᠢ ᠪᠢᠯᠢᠦ︖ | ᠠᠢ ᠳ᠋ᠠ᠂ ᠡᠵᠢ ᠮᠢᠨᠢ᠂ ᠦᠪᠡᠷ ᠢᠶᠠᠨ ᠲᠠ ᠪᠤᠷᠬᠠᠨ ᠪᠠᠶᠢᠵᠤ ᠬᠢᠷᠢ ᠨᠢ᠃ | ᠢᠷᠡᠯᠳᠠ᠄ ᠲᠤᠮᠳᠠᠳᠦ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠠ | ᠲᠡᠪᠰᠢᠭᠦᠯᠦᠭᠰᠡᠨ ᠨᠢ᠄ ᠤᠶᠠᠬᠠᠨ | |