| ᠡᠴᠢᠬᠡ ᠡᠬᠡ ᠶᠢᠨ ᠬᠠᠶᠢᠷᠠ ᠶᠢᠨ ᠲᠡᠭᠷᠢ ᠠᠴᠠ ᠱᠠᠬᠢᠭᠰᠠᠨ | ᠤᠷᠭᠤᠳᠠᠭ ᠲᠤᠩᠭᠠᠯᠠᠭ ᠷᠠᠰᠢᠶᠠᠨ ᠪᠢᠯᠡ | ᠭᠠᠵᠠᠷ ᠲᠠᠭᠠᠨ ᠰᠢᠮᠡ ᠯᠠ ᠪᠢᠰᠢ᠂ ᠦᠷᠡ ᠨᠢ ᠪᠤᠯᠤᠭᠠᠳ | ᠬᠠᠪᠤᠷ ᠲᠠᠢ ᠪᠠᠨ ᠬᠠᠮᠳᠤ ᠰᠤᠶᠤᠭᠠᠯᠠᠳᠠᠭ ᠶᠤᠮ | ᠡᠷᠦᠬᠡ ᠬᠡᠷ ᠤᠨ ᠢᠶᠠᠨ ᠪᠦᠪᠡᠢ ᠶᠢᠨ ᠨᠠᠷᠠᠨ ᠠᠴᠠ ᠰᠠᠴᠤᠷᠠᠭᠰᠠᠨ | ᠢᠨᠢᠶᠡᠳᠡᠭ ᠬᠠᠯᠠᠭᠤᠨ ᠢᠯᠴᠢ ᠪᠢᠯᠡ | ᠭᠤᠯᠤᠮᠳᠠᠨ ᠳᠠᠭᠠᠨ ᠴᠤᠭ ᠯᠠ ᠪᠢᠰᠢ᠂ ᠲᠦᠯᠦ ᠨᠢ ᠪᠤᠯᠤᠭᠠᠳ | ᠵᠤᠨ ᠲᠠᠢ ᠪᠠᠨ ᠬᠠᠮᠳᠤ ᠲᠡᠯᠬᠡᠷᠡᠳᠡᠭ ᠶᠤᠮ | ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠬᠦᠢ ᠰᠢᠷᠤᠢ ᠠᠴᠠ ᠨᠡᠷᠡᠭᠳᠡᠭᠰᠡᠨ | ᠪᠤᠯᠪᠠᠰᠤᠷᠠᠳᠠᠭ ᠱᠠᠩᠳᠠᠭᠤᠨ ᠠᠮᠳᠠ ᠪᠢᠯᠡ | ᠬᠦᠷᠦᠰᠦᠨ ᠳᠡᠭᠡᠨ ᠴᠡᠴᠡᠭ ᠯᠠ ᠪᠢᠰᠢ᠂ ᠵᠢᠮᠢᠰ ᠨᠢ ᠪᠤᠯᠤᠭᠠᠳ | ᠨᠠᠮᠤᠷ ᠲᠠᠢ ᠪᠠᠨ ᠬᠠᠮᠳᠤ ᠦᠷᠡᠯᠡᠳᠡᠭ ᠶᠤᠮ | ᠦᠨᠳᠦᠰᠦᠳᠡᠨ ᠤ ᠪᠠᠨ ᠵᠠᠶᠠᠭᠠᠨ ᠭᠤᠤᠯ ᠢ ᠲᠤᠯᠤᠭᠰᠠᠨ | ᠶᠠᠰᠤᠨ ᠬᠠᠳᠠᠭᠤ ᠰᠤᠮᠤ ᠪᠢᠯᠡ | ᠬᠦᠰᠡᠯ ᠳᠡᠭᠡᠨ ᠵᠡᠪᠡ ᠯᠠ ᠪᠢᠰᠢ᠂ ᠵᠤᠷᠢᠭ ᠨᠢ ᠪᠤᠯᠤᠭᠠᠳ | ᠡᠪᠦᠯ ᠲᠠᠢ ᠪᠠᠨ ᠬᠠᠮᠳᠤ ᠢᠰᠬᠡᠷᠳᠡᠭ ᠶᠤᠮ | ᠬᠦᠮᠦᠨ ᠤ ᠰᠠᠶᠢᠨ ᠲᠠᠢ ᠰᠤᠶᠤᠭᠠᠯᠠᠭᠰᠠᠨ᠂ ᠰᠤᠶᠤᠯ ᠢᠶᠠᠷ ᠴᠤᠯᠬᠢᠳᠠᠭ | ᠰᠡᠩᠰᠡᠨ ᠤᠯᠠᠭᠠᠨ ᠨᠠᠷᠠ ᠶᠤᠮ | ᠬᠦᠯᠦᠭ ᠤᠨ ᠰᠠᠶᠢᠪᠤᠷ ᠢᠶᠠᠷ ᠲᠡᠪᠢᠭᠰᠡᠨ᠂ ᠰᠤᠷᠳᠠᠯ ᠢᠶᠠᠷ ᠴᠦᠢᠯᠠᠳᠠᠭ | ᠰᠡᠳᠬᠢᠯ ᠲᠦᠷᠢᠭᠰᠡᠨ ᠠᠶᠠᠯᠭᠤ ᠶᠤᠮ | ᠦᠢᠯᠡᠰ ᠤᠨ ᠭᠠᠨᠵᠤᠭᠠ ᠲᠠᠢ ᠦᠷᠡᠯᠡᠭᠰᠡᠨ᠂ ᠤᠳᠤ ᠲᠠᠢ ᠮᠠᠭᠰᠢᠳᠠᠭ | ᠨᠤᠳᠤᠭ ᠤᠨ ᠰᠤᠳᠤᠨ ᠨᠡᠷᠡ ᠶᠤᠮ | ᠤᠳᠤᠮ ᠤᠨ ᠭᠠᠷᠤᠭᠠ ᠲᠠᠢ ᠢᠰᠬᠡᠷᠦᠭᠰᠡᠨ᠂ ᠤᠴᠢ ᠲᠠᠢ ᠮᠠᠨᠳᠤᠳᠠᠭ | ᠬᠤᠳᠤᠭ ᠤᠨ ᠬᠦᠬᠡ ᠲᠦᠷᠦ ᠶᠤᠮ᠃ | ᠢᠷᠡᠯᠳᠠ᠄ ᠲᠤᠮᠳᠠᠳᠦ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠠ | ᠲᠡᠪᠰᠢᠭᠦᠯᠦᠭᠰᠡᠨ ᠨᠢ᠄ ᠤᠶᠠᠬᠠᠨ |