| ᠲᠦᠬᠢᠮᠠ ᠡᠵᠢ᠂ ᠡᠬᠡᠯ ᠵᠢᠷ ᠤᠨ ᠮᠤᠩᠭᠤᠯ ᠪᠦᠰᠡᠬᠦᠢ᠂᠂᠂᠂᠂᠂ | ᠲᠦᠬᠢᠮᠠ ᠡᠵᠢ᠂ ᠡᠬᠡ ᠲᠡᠯᠡᠬᠡᠢ ᠶᠢ ᠬᠠᠶᠢᠷᠠ ᠪᠠᠷ ᠤᠶᠠᠰᠬᠠᠭᠰᠠᠨ ᠦᠷᠦᠪᠴᠢᠬᠡᠨ ᠰᠡᠳᠬᠢᠯᠳᠦ ᠮᠤᠩᠭᠤᠯ | ᠡᠵᠢ᠃ | ᠪᠦᠬᠦᠳᠠ ᠨᠠᠶᠢᠷᠠᠮᠳᠠᠬᠤ ᠲᠤᠮᠳᠠᠳᠦ ᠠᠷᠠᠳ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠲᠡᠯᠡᠨ ᠵᠢᠯ ᠤᠨ ᠤᠢ ᠪᠠᠷ | ᠨᠠᠶᠢᠰᠯᠡᠯ ᠪᠡᠬᠡᠵᠢᠩ ᠳᠤ ᠬᠦᠷᠴᠦ᠂ ᠨᠠᠮ ᠤᠨ ᠲᠦᠪ ᠬᠤᠷᠢᠶᠠᠨ ᠤ ᠶᠡᠷᠦᠩᠭᠡᠢ ᠱᠦᠵᠢ᠂ ᠤᠯᠤᠰ ᠤᠨ ᠲᠡᠷᠢᠬᠦᠯᠡᠭᠴᠢ | ᠂ ᠲᠦᠪ ᠤᠨ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠤᠨ ᠬᠤᠷᠢᠶᠠᠨ ᠤ ᠲᠡᠷᠢᠬᠦᠯᠡᠭᠴᠢ ᠰᠢ ᠶᠢᠨ ᠫᠢᠩ ᠨᠦᠬᠦᠷ ᠤᠨ ᠭᠠᠷ ᠠᠴᠠ ︽ | ᠠᠷᠠᠳ ᠤᠨ ᠵᠢᠱᠢᠶᠡᠴᠢ︾ ᠶᠢᠨ ᠢᠷᠡᠭᠤ ᠠᠯᠳᠠᠷ ᠢ ᠲᠤᠰᠤᠯᠡ ᠬᠡᠳᠡᠭ ᠴᠢᠮᠡᠭᠡ ᠲᠠᠯᠠ ᠨᠤᠳᠤᠭ ᠢᠶᠠᠷ ᠨᠢᠵᠢᠬᠢᠷ | ᠱᠤᠤᠬᠢᠯᠳᠦᠵᠦ᠂ ᠠᠭᠤᠤ ᠬᠠᠶᠢᠷᠠ ᠶᠢᠨ ᠦᠷᠦᠪᠴᠢᠬᠡᠨ ᠴᠤᠤᠷᠢᠶᠠ ᠠᠯᠤᠰ ᠤᠨ ᠠᠨᠢᠷ ᠲᠤ ᠴᠤᠤᠷᠢᠶᠠᠳᠤᠵᠦ ᠯᠡ | ᠪᠠᠶᠢᠯᠡ᠃ ᠲᠠᠯᠠ ᠨᠤᠳᠤᠭ ᠤᠨ ᠦᠷᠦᠪᠴᠢᠬᠡᠨ ᠰᠡᠳᠬᠢᠯᠳᠦ ᠠᠭᠤᠤ ᠬᠠᠶᠢᠷᠠ ᠶᠢᠨ ᠵᠢᠱᠢᠶᠠ ᠪᠤᠯᠤᠭᠰᠠᠨ ᠲᠦᠬᠢᠮᠡ᠂ | ᠮᠤᠩᠭᠤᠯ ᠨᠤᠳᠤᠭ ᠤᠨ ᠰᠠᠷᠠᠭᠤᠯ ᠠᠭᠤᠳᠠᠮ ᠤᠨ ᠲᠤᠰᠬᠠᠯ ᠪᠤᠯᠤᠭᠰᠠᠨ ᠬᠦᠳᠡᠭᠡ ᠡᠵᠢ᠂ ᠡᠬᠡ ᠤᠷᠤᠨ ᠤ ᠨᠢᠩᠵᠢᠨ | ᠰᠡᠳᠬᠢᠯ ᠤᠨ ᠦᠯᠢᠬᠡᠷ ᠪᠤᠯᠤᠭᠰᠠᠨ ᠮᠤᠩᠭᠤᠯ ᠪᠦᠰᠡᠬᠦᠢ᠂ ᠠᠷᠠᠳ ᠲᠦᠮᠡᠨ ᠤ ᠲᠠᠭᠤᠷᠢᠶᠠᠯ ᠪᠤᠯᠤᠭᠰᠠᠨ ᠵᠢᠱᠢᠶᠡᠴᠢ | ᠡᠬᠡ — ᠲᠠᠯᠠ ᠨᠤᠳᠤᠭ ᠤᠨ ᠰᠤᠳᠤᠨ ᠡᠵᠢ ᠲᠦᠬᠢᠮᠠ ᠶᠢᠨ ᠤᠶᠠᠩᠭᠠ ᠲᠦᠷᠪᠡᠳ ᠤᠨ ᠲᠠᠯᠠ ᠠᠴᠠ ᠢᠩᠭᠢᠵᠦ | ᠰᠠᠴᠤᠷᠠᠨᠠ᠃ | ᠠᠷᠪᠡᠨ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ᠂ ᠮᠠᠨ ᠤ ᠬᠢᠨ ᠭᠤᠸᠠᠩᠳᠦᠩ ᠤᠨ ᠨᠠᠷᠠᠳᠦ ᠵᠤᠬᠢᠶᠠᠯᠴᠢ᠂ ᠰᠢᠯᠢᠳᠡᠭ | ᠰᠤᠷᠪᠤᠯᠵᠢᠯᠠᠭᠴᠢ ︽ᠢᠮᠠᠭᠠᠳᠦ ᠬᠤᠳᠠ ᠶᠢᠨ ᠤᠷᠤᠢ ᠶᠢᠨ ᠰᠤᠨᠢᠨ︾ ᠤ ᠶᠡᠷᠦᠩᠭᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠵᠠᠩ ᠢᠤᠢ | ᠬᠠᠩ ᠠᠪᠤᠭᠠᠢ ᠶᠢ ᠤᠷᠢᠵᠦ᠂ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠡᠬᠡ ᠤᠷᠤᠨᠴᠢ ᠬᠦᠮᠦᠵᠢᠯ ᠤᠨ ᠢᠯᠡᠳᠬᠡᠯ ᠬᠢᠯᠬᠡᠭᠰᠡᠨ᠃ | ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠡᠮᠦᠨᠡᠳᠦ ᠤᠷᠤᠨ ᠳᠤ ᠨᠠᠰᠦ ᠪᠠᠷ ᠢᠶᠠᠨ ᠠᠵᠢᠯᠯᠠᠭᠰᠠᠨ ᠵᠠᠩ ᠰᠤᠷᠪᠤᠯᠵᠢᠯᠠᠭᠴᠢ ᠠᠴᠠ ︽ | ᠨᠢᠩᠵᠢᠨ ᠰᠡᠳᠬᠢᠯ︾ ᠬᠡᠬᠦ ᠰᠡᠳᠦᠪ ᠢᠶᠠᠷ ᠲᠦᠬᠢᠮᠡ ᠡᠵᠢ ᠶᠢᠨ ᠦᠷᠦᠪᠴᠢᠬᠡᠨ ᠰᠡᠳᠬᠢᠯᠳᠦ ᠲᠠᠯᠠ ᠨᠤᠳᠤᠭ ᠤᠨ | ᠠᠭᠤᠤ ᠬᠠᠶᠢᠷᠠ ᠶᠢ ᠨᠢᠳᠦᠨ ᠳᠤ ᠲᠤᠨᠤᠷᠠᠳᠠᠯᠠ᠂ ᠰᠡᠳᠬᠢᠯ ᠳᠤ ᠤᠶᠠᠰᠳᠠᠯᠠ ᠶᠠᠷᠢᠬᠤ ᠶᠢ ᠰᠤᠨᠤᠰᠤᠭᠠᠳ᠂ ᠠᠭᠤᠤ | ᠬᠠᠶᠢᠷᠠ ᠶᠢᠨ ᠲᠠᠭᠤᠯᠠᠯ ᠳᠤᠨᠢ ᠰᠡᠳᠬᠢᠯ ᠤᠶᠠᠷᠠᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠢᠯᠡᠳᠬᠡᠯ ᠤᠨ ᠲᠠᠷᠠᠭᠠ ᠠᠵᠠ ᠪᠠᠷ ᠪᠢ | ᠵᠠᠩ ᠰᠤᠷᠪᠤᠯᠵᠢᠯᠠᠭᠴᠢ ᠳᠤ ᠪᠠᠷᠠ ᠪᠤᠯᠵᠦ᠂ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠶᠠᠭ ᠰᠠᠶᠢᠬᠠᠨ ︽ᠦᠪᠦᠷ ᠮᠤᠩᠭᠤᠯ ᠢ | ᠲᠤᠩᠰᠤᠯᠭᠠᠭᠰᠠᠨ ᠰᠤᠳᠤᠨ ᠬᠦᠮᠦᠰ︾ ᠲᠧᠯᠸᠢᠰ ᠰᠢᠩᠭᠡᠭᠡᠯᠳᠠ ᠳᠤ ᠤᠷᠤᠯᠴᠠᠵᠦ ᠪᠠᠶᠢᠭᠰᠠᠨ ᠲᠦᠬᠢᠮᠡ ᠡᠵᠢ ᠲᠠᠢ | ᠨᠢᠭᠤᠷ ᠵᠤᠯᠭᠠᠭᠰᠠᠨ ᠪᠢᠯᠡ᠃ | ᠲᠦᠬᠢᠮᠡ ᠡᠵᠢ ᠶᠢᠨ ᠲᠤᠬᠠᠢ ᠰᠡᠳᠦᠪ ᠲᠡᠷᠡ ᠵᠢᠯ ᠠᠴᠠ ᠡᠬᠢᠯᠡᠵᠦ᠂ ᠮᠢᠨᠤ ᠰᠡᠳᠬᠢᠯ ᠳᠤ ᠤᠷᠤᠨ ᠵᠠᠢ | ᠠᠪᠴᠦ᠂ ᠮᠤᠩᠭᠤᠯ ᠡᠵᠢ ᠶᠢᠨ ᠡᠨᠡᠷᠢᠩᠭᠦᠢ ᠰᠡᠳᠬᠢᠯ᠂ ᠰᠤᠳᠤᠨ ᠦᠷᠡᠰ ᠤᠨ ᠠᠭᠤᠤ ᠬᠠᠶᠢᠷᠠ ᠶᠢ ᠮᠡᠳᠡᠷᠡᠵᠦ | ᠪᠠᠶᠢᠮᠠᠨ ᠡᠳᠦᠬᠡ ᠢᠷᠡᠯᠡ᠂᠂᠂᠂᠂᠂ | ᠲᠡᠬᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠡᠬᠢᠨ ᠢᠶᠠᠷ᠂ ᠲᠤᠮᠳᠠᠳᠦ ᠶᠢᠨ ᠠᠷᠠᠳ ᠲᠦᠮᠡᠨ ᠨᠦᠰᠡᠷ ᠬᠦᠨᠳᠦ | ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠲᠤ ᠲᠤᠬᠢᠵᠦ᠂ ᠵᠧᠵᠢᠶᠠᠩ ᠵᠢᠶᠠᠩᠰᠢ ᠤᠷᠴᠢᠮ ᠤᠨ ᠲᠠᠷᠢᠶᠠᠴᠢᠳ ᠦᠯᠦᠰᠴᠦ ᠦᠯᠪᠡᠷᠬᠦ | ᠶᠢᠨ ᠲᠤᠶᠢᠯ ᠲᠤ ᠲᠤᠯᠬᠤ ᠲᠠᠭᠠᠨ ᠨᠢᠯᠬᠠ ᠪᠤᠯᠪᠠᠷᠠᠢ ᠴᠢᠰᠦ ᠮᠢᠬᠠᠨ ᠤ ᠲᠠᠰᠤᠷᠬᠠᠢ ᠦᠷᠠ ᠪᠠᠨ ᠱᠠᠩᠬᠠᠢ ᠵᠡᠷᠬᠡ | ᠡᠮᠦᠨᠡᠳᠦ ᠤᠷᠤᠨ ᠤ ᠶᠡᠭᠡ ᠬᠤᠳᠠᠳ ᠢᠶᠠᠷ ᠤᠷᠬᠢᠭᠰᠠᠨ ᠬᠡᠨᠡ᠃ ᠱᠠᠩᠬᠠᠢ ᠵᠡᠷᠬᠡ ᠬᠤᠳᠠᠳ ᠤᠨ ᠦᠨᠦᠴᠢᠨ | ᠬᠡᠤᠬᠡᠳ ᠤᠨ ᠠᠰᠠᠷᠠᠮᠵᠢ ᠶᠢᠨ ᠬᠦᠷᠢᠶᠠᠯᠠᠩ ᠦᠵᠡᠵᠦ ᠬᠠᠷᠠᠵᠦ ᠪᠠᠶᠢᠳᠠᠯᠠ ᠪᠠᠨ ᠬᠦᠯᠢᠶᠠᠨ ᠠᠪᠬᠤ ᠬᠡᠮᠵᠢᠶᠠᠨ ᠠᠴᠠ | ᠪᠠᠨ ᠬᠡᠳᠦᠷᠡᠵᠦ᠂ ᠬᠡᠤᠬᠡᠳ ᠤᠳ ᠪᠤᠳᠠᠭᠠᠨ ᠲᠠᠭᠠᠨ ᠴᠠᠳᠬᠤ ᠦᠭᠡᠢ᠂ ᠲᠠᠷᠡᠴᠢᠯᠡᠨ ᠠᠮᠢ ᠨᠠᠰᠦ ᠪᠠᠨ ᠠᠯᠳᠠᠬᠤ | ᠪᠠᠶᠢᠳᠠᠯ ᠦᠷᠬᠦᠯᠵᠢ ᠶᠢᠨ ᠪᠤᠯᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠵᠸᠤ ᠧᠨ ᠯᠠᠢ ᠶᠡᠷᠦᠩᠭᠡᠢ ᠰᠠᠶᠢᠳ ᠤᠯᠠᠭᠠᠨᠬᠦᠦ ᠲᠠᠢ | ᠵᠦᠪᠳᠡᠯᠴᠡᠬᠡᠳ᠂ ᠱᠠᠩᠬᠠᠢ᠂ ᠠᠨᠾᠦ᠋ᠢ᠂ ᠵᠧᠵᠢᠶᠠᠩ ᠵᠡᠷᠬᠡ ᠭᠠᠵᠠᠷ ᠤᠨ 3000 ᠦᠨᠦᠴᠢᠨ ᠬᠡᠤᠬᠡᠳ ᠢ ᠬᠡᠳᠦᠨ | ᠪᠦᠯᠦᠭ ᠬᠤᠪᠢᠶᠠᠨ ᠦᠪᠦᠷ ᠮᠤᠩᠭᠤᠯ ᠲᠤ ᠲᠤᠰᠴᠦ ᠠᠪᠴᠢᠷᠠᠵᠠᠢ᠃ | ᠦᠪᠦᠷ ᠮᠤᠩᠭᠤᠯ ᠤᠨ ᠲᠠᠯᠠ ᠨᠤᠳᠤᠭ ᠵᠦᠭ ᠠᠭᠤᠷ ᠪᠤᠤᠬᠢᠯᠠᠭᠰᠠᠨ ᠭᠠᠯᠳᠦ ᠲᠡᠷᠬᠡ ᠤᠭᠤᠬᠢᠯᠠᠨ | ᠲᠠᠪᠬᠢᠨᠠ᠃ ᠦᠨᠦᠴᠢᠨ ᠬᠡᠤᠬᠡᠳ ᠤᠳ ᠬᠤᠪᠢ ᠲᠠᠪᠢᠯᠠᠩ ᠤᠨ ᠡᠷᠬᠡᠨ ᠲᠡᠭᠡᠨ ᠰᠠᠵᠢᠯᠠᠭᠳᠠᠨ᠂ ᠡᠬᠡ ᠤᠯᠤᠰ ᠤᠨ | ᠤᠮᠠᠷᠠᠳᠦ ᠬᠢᠯᠢ ᠵᠦᠭ ᠨᠠᠭᠠᠰᠢᠯᠠᠨᠠ᠃ ᠵᠢᠶᠠᠩᠨᠠᠨ ᠤᠷᠤᠨ ᠤ ᠰᠢᠷᠤᠢ ᠳᠤ ᠬᠠᠳᠠᠭᠤᠬᠠᠨ ᠤᠨᠠᠵᠦ᠂ ᠠᠭᠤᠳᠠᠮ ᠲᠠᠯᠠ | ᠶᠢᠨ ᠦᠷᠦᠴᠡᠨ ᠳᠤ ᠦᠰᠦᠨ ᠪᠤᠶᠢᠵᠢᠬᠤ ᠶᠢᠨ ᠵᠢᠮᠠ ᠲᠠᠢ ᠲᠦᠷᠦᠭᠰᠡᠨ ᠭᠤᠷᠪᠠᠨ ᠮᠢᠩᠭᠠᠨ ᠬᠡᠤᠬᠡᠳ ᠮᠠᠨᠢ᠂ ᠶᠠᠭᠤ | ᠪᠤᠯᠵᠦ ᠪᠠᠶᠢᠭᠠ ᠶᠢ ᠦᠯᠦ ᠮᠡᠳᠡᠬᠦ ᠤᠯᠠᠭᠠᠨ ᠨᠢᠯᠬᠠ ᠲᠠᠳᠡ ᠨᠠᠷ ᠵᠦᠪᠬᠡᠨ ᠯᠡ ︽ᠠᠩᠭᠠᠢ᠂ ᠠᠩᠭᠠᠢ᠂᠂᠂︾ | ᠬᠡᠵᠦ ᠤᠬᠢᠯᠠᠨ ᠲᠡᠯᠴᠢᠯᠡᠬᠦ ᠠᠴᠠ ᠯᠡ ᠳ᠋ᠡ᠂᠂᠂᠂᠂᠂ | ᠤᠯᠠᠭᠠᠨᠬᠦᠦ ᠲᠡᠷᠢᠬᠦᠯᠡᠭᠴᠢ ᠶᠢᠨ ︽ᠦᠨᠦᠴᠢᠨ ᠬᠡᠤᠬᠡᠳ ᠢ ᠨᠢᠬᠡ ᠴᠦ ᠤᠰᠤᠯᠳᠠᠭᠤᠯᠵᠦ ᠪᠤᠯᠬᠤ ᠦᠭᠡᠢ︾ ᠬᠡᠰᠡᠨ | ᠤᠷᠢᠶᠠᠯᠭᠠ ᠪᠠᠷ᠂ ᠱᠠᠩᠬᠠᠢ ᠠᠴᠠ ᠠᠪᠴᠢᠷᠠᠭᠰᠠᠨ 3000 ᠭᠠᠷᠤᠢ ᠬᠡᠤᠬᠡᠳ ᠢ ᠦᠪᠦᠷ ᠮᠤᠩᠭᠤᠯ ᠤᠨ ᠡᠯᠡ | ᠠᠶᠢᠮᠠᠭ ᠬᠤᠳᠠ ᠳᠤ ᠬᠤᠪᠢᠶᠠᠨ ᠦᠭᠪᠡ᠃ ᠰᠠᠳᠬᠢᠯ ᠨᠢ ᠴᠠᠭᠠᠨ᠂ ᠵᠢᠷᠦᠬᠡ ᠨᠢ ᠡᠮᠵᠡᠭᠬᠡᠨ ᠲᠠᠯᠠ ᠨᠤᠳᠤᠭ ᠤᠨ | ᠬᠦᠮᠦᠰ ᠵᠢᠶᠠᠩᠨᠠᠨ ᠤᠷᠤᠨ ᠠᠴᠠ ᠬᠤᠪᠢ ᠲᠠᠪᠢᠯᠠᠩ ᠲᠠᠭᠠᠨ ᠲᠠᠭᠠᠳᠬᠠᠭᠳᠠᠨ ᠢᠷᠡᠭᠰᠡᠨ ᠦᠨᠦᠴᠢᠨ ᠬᠡᠤᠬᠡᠳ ᠤᠳ | ᠢ ᠲᠤᠰᠬᠤ ᠪᠠᠷ ᠮᠤᠩᠭᠠᠨᠢᠨᠠ᠃ ᠠᠮᠢᠳᠤᠷᠠᠯ ᠨᠢ ᠪᠦᠷ ᠪᠠᠷᠤᠭᠳᠠᠶᠢᠬᠠᠨ ᠢᠳᠡᠵᠦ ᠡᠮᠦᠰᠬᠦ ᠪᠠᠨ ᠠᠷᠪᠢᠯᠠᠨ ᠪᠠᠶᠢᠵᠦ᠂ | ᠦᠪᠡᠷ ᠤᠨ ᠬᠡᠤᠬᠡᠳ ᠢᠶᠠᠨ ᠬᠠᠷᠠᠳᠠᠭᠤᠯᠤᠨ ᠪᠠᠶᠢᠵᠦ᠂ ᠢᠳᠡᠵᠦ ᠡᠮᠦᠰᠬᠦ ᠬᠤᠨᠤᠵᠦ ᠬᠡᠪᠳᠡᠬᠦ ᠶᠢ ᠨᠢ ᠪᠠᠵᠠᠭᠠᠨ | ᠶᠠᠭᠠᠷᠠᠨᠠ᠃ | ᠦᠷᠦᠪᠴᠢᠬᠡᠨ ᠰᠡᠳᠬᠢᠯ ᠲᠠᠢ ᠮᠠᠯᠴᠢᠳ ᠮᠠᠨᠢ ᠲᠠᠯᠠ ᠨᠤᠳᠤᠭ ᠤᠨ ᠭᠤᠤᠯ ᠭᠤᠷᠤᠬᠠ ᠶᠢ ᠭᠡᠳᠦᠯᠦᠨ | ᠪᠠᠶᠢᠵᠦ᠂ ᠬᠠᠩᠭᠠᠢ ᠭᠤᠪᠢ ᠶᠢ ᠡᠪᠬᠡᠨ ᠪᠠᠶᠢᠵᠦ᠂ ᠲᠡᠬᠤ ᠲᠡᠪᠡᠯ ᠢᠶᠠᠷ ᠬᠤᠴᠢᠨ ᠪᠦᠬᠡᠴᠡᠶᠢᠯᠠᠵᠦ ᠦᠨᠦᠴᠢᠨ | ᠬᠡᠤᠬᠡᠳ ᠢ ᠵᠢᠷᠤᠬᠡᠨ ᠲᠠᠮᠢᠷ ᠢᠶᠠᠷ ᠢᠶᠠᠨ ᠪᠦᠯᠢᠰᠬᠡᠨ᠂ ᠠᠷᠢᠭᠤᠨ ᠴᠠᠭᠠᠨ ᠰᠦ ᠪᠠᠷ ᠢᠶᠠᠨ ᠤᠭᠵᠢᠨ ᠤᠭᠵᠢᠨ | ᠪᠠᠶᠢᠵᠦ᠂ ᠦᠷᠡ ᠳᠡᠭᠡᠨ ᠦᠨᠳᠡᠯᠵᠡᠬᠦ ᠦᠨᠦᠴᠢᠨ ᠵᠢᠷᠤᠬᠡ ᠪᠠᠷ ᠢᠶᠠᠨ ᠲᠤᠰᠤᠨ ᠠᠪᠤᠭᠰᠠᠨ ᠪᠢᠯᠠ᠃ ᠲᠦᠬᠢᠮᠠ ᠡᠵᠢ | ᠬᠡᠵᠦ ᠶᠠᠭ ᠡᠶᠢᠮᠦᠷᠬᠦᠦ ᠲᠡᠤᠬᠡ ᠶᠢᠨ ᠬᠦᠷᠳᠦᠨ ᠤ ᠠᠭᠤᠤ ᠡᠬᠡᠯᠵᠢᠨ ᠳᠤ ᠦᠪᠡᠷ ᠪᠠᠶᠠ ᠶᠢᠨ ᠠᠭᠤᠤ ᠬᠠᠶᠢᠷᠠ ᠪᠠᠨ | ᠬᠤᠯᠪᠤᠭᠰᠠᠨ᠂ ᠲᠠᠯᠠ ᠨᠤᠳᠤᠭ ᠤᠨ ᠨᠢᠩᠵᠢᠨ ᠰᠡᠳᠬᠢᠯᠳᠦ ᠡᠵᠢ ᠪᠤᠯᠤᠭᠰᠠᠨ ᠪᠢᠯᠠ᠃ | ᠲᠡᠳᠡᠭᠡᠷ ᠬᠡᠤᠬᠡᠳ ᠦᠪᠦᠷ ᠮᠤᠩᠭᠤᠯ ᠳᠤ ᠢᠷᠡᠬᠦ ᠳᠤ ᠤᠰᠦ ᠰᠢᠷᠤᠢ ᠲᠤᠬᠢᠷᠠᠬᠤ ᠦᠭᠡᠢ ᠪᠤᠯᠬᠤᠷ | ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠠᠰᠠᠷᠠᠬᠤ ᠲᠦᠪ ᠲᠤ ᠬᠡᠰᠡᠭ ᠬᠤᠭᠤᠴᠠᠭᠠ ᠠᠰᠠᠷᠠᠵᠦ | ᠲᠤᠳᠤᠮᠳᠠᠭᠰᠠᠨ ᠤ ᠲᠠᠷᠠᠭᠠ ᠮᠠᠯᠴᠢᠳ ᠲᠤ ᠦᠷᠡᠴᠢᠯᠡᠬᠦᠯᠬᠦ ᠪᠠᠷ ᠲᠤᠭᠳᠠᠪᠠ᠃ ᠲᠤᠬᠠᠢ ᠶᠢᠨ ᠦᠶᠠ ᠳᠤ | ᠤᠯᠠᠭᠠᠨᠴᠠᠪ ᠬᠤᠳᠠ ᠶᠢᠨ ᠲᠦᠷᠪᠡᠳ ᠬᠤᠰᠢᠭᠤ 28 ᠦᠨᠦᠴᠢᠨ ᠬᠡᠤᠬᠡᠳ ᠢ ᠲᠤᠰᠴᠦ᠂ ᠠᠰᠠᠷᠠᠭᠴᠢ ᠴᠢᠬᠤᠯᠠᠳᠠᠢ | ᠪᠠᠶᠢᠯᠠ᠃ ᠲᠡᠬᠡᠬᠡᠳ 19 ᠨᠠᠰᠤᠳᠠᠢ ᠲᠦᠬᠢᠮᠠ ᠤᠬᠠᠮᠰᠠᠷ ᠠᠴᠠ ᠪᠠᠨ ᠡᠨᠡ ᠬᠦ ᠡᠬᠦᠷᠬᠡ ᠶᠢ ᠬᠦᠯᠢᠶᠠᠵᠠᠢ᠃ | ᠲᠦᠬᠢᠮᠠ ᠲᠡᠷᠡ ᠦᠶᠠ ᠳᠤ ᠠᠶᠢᠯ ᠬᠡᠷ ᠪᠤᠯᠤᠭᠠ ᠦᠭᠡᠢ᠂ ᠨᠢᠯᠬᠠ ᠦᠷᠡ ᠲᠡᠪᠡᠷᠢᠭᠡ ᠦᠭᠡᠢ ᠵᠢᠭᠠᠬᠠᠨ ᠦᠬᠢᠨ | ᠪᠠᠶᠢᠭᠰᠠᠨ᠃ ᠬᠡᠶᠡ᠂ ᠲᠡᠷᠡ ᠦᠷᠦᠬᠡᠯ ᠤᠨ ᠬᠡᠤᠬᠡᠳ ᠢ ᠦᠪᠡᠷ ᠤᠨ ᠦᠷᠡ ᠪᠠᠨ ᠰᠢᠭ ᠬᠠᠶᠢᠷᠯᠠᠨ ᠬᠠᠮᠠᠭᠠᠯᠠᠵᠦ᠂ | ᠦᠨᠦᠴᠢᠨ ᠵᠢᠷᠦᠬᠡ ᠶᠢ ᠨᠢ ᠦᠨᠳᠡᠯᠵᠡᠬᠦᠯᠦᠭᠰᠡᠨ ᠬᠤᠷᠢᠨ ᠨᠠᠢᠮᠠᠨ ᠤᠯᠤᠰ ᠤᠨ ᠬᠡᠤᠬᠡᠳ ᠢ ᠬᠤᠪᠢᠳᠠᠨ ᠠᠪᠴᠦ᠂ ︽ | ᠡᠵᠢ︾ ᠭᠡᠰᠡᠨ ᠲᠠᠭᠤᠳᠠᠯᠭᠠ ᠳᠤ ᠤᠶᠠᠷᠠᠨ ᠪᠠᠶᠢᠵᠦ ᠪᠦᠳᠦᠴᠢᠨ ᠪᠠᠶᠢᠵᠦ᠂ ᠲᠡᠷᠬᠠᠨ ᠡᠬᠦᠷᠬᠡ ᠪᠠᠨ ᠮᠦᠷᠦᠨ ᠳᠡᠭᠡᠨ | ᠲᠡᠬᠡᠬᠡᠨ ᠰᠡᠳᠬᠢᠯ ᠳᠡᠭᠡᠨ ᠲᠤᠭᠳᠠᠭᠠᠨ ᠠᠪᠴᠠᠢ᠃ | ᠬᠤᠷᠢᠨ ᠨᠠᠢᠮᠠᠨ ᠬᠡᠤᠬᠡᠳ ᠤᠨ ᠪᠠᠭᠠ ᠨᠢ ᠠᠷᠠᠢ ᠬᠡᠵᠦ ᠰᠠᠷᠠ ᠲᠦᠬᠦᠷᠴᠦ᠂ ᠶᠡᠭᠡ ᠨᠢ ᠰᠠᠶ᠋ᠢ 6 ᠨᠠᠰᠤᠳᠠᠢ | ᠪᠠᠶᠢᠵᠠᠢ᠃ ᠲᠡᠷᠡ ᠤᠳ ᠤᠨ ᠡᠵᠢ ᠶᠢᠨ ᠶᠤᠰᠤᠭᠠᠷ ᠬᠠᠷᠠᠭᠠᠯᠵᠠᠵᠦ᠂᠂ ᠡᠳᠦᠷ ᠰᠦᠨᠢ ᠶᠢᠨ ᠬᠤᠪᠢᠨ ᠳᠤ ᠪᠤᠷᠪᠢ | ᠪᠤᠬᠢᠰᠬᠢᠯ ᠦᠭᠡᠢ ᠮᠤᠩᠭᠠᠨᠢᠨᠠ᠃ ᠲᠡᠷᠡ ᠪᠠᠷ ᠡᠵᠢ ᠪᠤᠯᠤᠭᠰᠠᠨ ᠲᠠᠷᠬᠠᠨ ᠡᠬᠦᠷᠬᠡ ᠪᠠᠨ ᠴᠠᠭ ᠢᠮᠠᠭᠳᠠ ᠴᠠᠬᠡᠵᠢᠯᠠᠨ᠂ | ᠰᠡᠳᠬᠢᠯ ᠤᠨ ᠪᠦᠪᠠᠢ ᠪᠠᠷ ᠢᠶᠠᠨ ᠲᠦᠷᠪᠡᠳ ᠤᠨ ᠲᠠᠯᠠ ᠶᠢ ᠤᠶᠠᠰᠬᠠᠵᠦ ᠯᠡ ᠪᠠᠶᠢᠯᠠ᠂ ᠤᠶᠠᠷᠠᠭᠤᠯᠵᠦ ᠯᠡ ᠪᠠᠶᠢᠯᠠ | ᠂ ᠬᠦᠪᠴᠢᠯᠠᠵᠦ ᠯᠡ ᠪᠠᠶᠢᠯᠡ᠃ | ᠬᠡᠤᠬᠡᠳ ᠤᠳ ᠨᠢ ᠡᠪᠡᠳᠴᠢᠨ ᠲᠠᠬᠤᠯ ᠳᠤ ᠤᠨᠤᠭᠳᠠᠬᠤ ᠳᠤ ᠲᠡᠷᠡ ᠭᠠᠵᠠᠷ ᠤᠨ ᠬᠤᠯᠠ ᠶᠢ ᠠᠭᠳᠠ ᠶᠢᠨ | ᠲᠤᠭᠤᠷᠠᠢ ᠪᠠᠷ ᠡᠪᠬᠡᠨ ᠡᠮᠴᠢ ᠲᠤᠮᠴᠢ ᠵᠠᠯᠠᠵᠦ ᠶᠠᠪᠤᠬᠤ ᠳᠤ ᠠᠭᠯᠠᠭ ᠠᠭᠤᠯᠠ ᠶᠢᠨ ᠬᠡᠬᠡᠷᠡ ᠶᠢᠨ ᠨᠤᠬᠠᠳ | ᠤᠶᠠᠷᠠᠵᠦ᠂ ᠠᠳᠠᠷ ᠲᠡᠯᠡ ᠶᠢᠨ ᠬᠦᠢᠳᠡᠨ ᠮᠦᠰᠦ ᠬᠠᠶᠢᠯᠵᠦ᠂ ᠠᠭᠤᠳᠠᠮ ᠤᠭᠳᠠᠷᠭᠤᠢ ᠶᠢᠨ ᠤᠳᠤᠳ ᠠᠨᠢᠪᠴᠢᠨ | ᠮᠦᠰᠢᠶᠠᠵᠦ᠂ ᠠᠷᠦ ᠳᠤᠨᠢ ᠪᠠᠶᠢᠭᠠ ᠲᠦᠷᠪᠡᠳ ᠤᠨ ᠲᠠᠯᠠ ᠨᠢ ᠤᠮᠤᠭᠰᠢᠨ ᠲᠤᠭᠳᠤᠯᠳᠠᠭ ᠪᠠᠶᠢᠯᠠ᠃ | ᠲᠦᠷᠪᠡᠨ ᠤᠯᠠᠷᠢᠯ ᠲᠦᠷᠪᠡᠳ ᠤᠨ ᠲᠠᠯᠠ ᠪᠠᠷ ᠡᠬᠡᠯᠵᠢᠯᠡᠬᠦ ᠪᠠᠷ ᠢᠶᠠᠨ ᠡᠬᠡᠯᠵᠢᠯᠡᠨᠡ᠂ ᠡᠳᠦᠷ ᠰᠦᠨᠢ | ᠤᠷᠴᠢᠯ ᠶᠤᠰᠤᠭᠠᠷ ᠦᠩᠭᠡᠷᠡᠬᠦ ᠪᠠᠷ ᠢᠶᠠᠨ ᠯᠡ ᠦᠩᠭᠡᠷᠡᠨᠡ᠃ ᠡᠵᠢ ᠶᠢᠨ ᠦᠰᠬᠡᠭᠰᠡᠨ ᠬᠤᠷᠢᠨ ᠨᠠᠢᠮᠡᠨ ᠬᠡᠤᠬᠡᠳ | ᠴᠦ ᠡᠳᠦᠷ ᠠᠴᠠ ᠡᠳᠦᠷ ᠢᠳᠡᠷᠡᠬᠦᠨ ᠪᠤᠶᠢᠵᠢᠨᠠ᠃ ᠬᠡᠶᠠ᠂ ᠡᠳᠦᠷ ᠤᠨ ᠮᠠᠷᠭᠠᠰᠢ ᠦᠵᠡᠵᠦ ᠬᠠᠷᠠᠭᠰᠠᠨ ᠬᠡᠤᠬᠡᠳ | ᠤᠳ ᠢ ᠨᠢ ᠮᠠᠯᠴᠢᠨ ᠲᠦᠮᠡᠨ ᠦᠷᠡᠴᠢᠯᠡᠨ ᠠᠪᠤᠭᠠᠳ ᠶᠠᠪᠤᠬᠤ ᠪᠠᠷ ᠨᠢ᠂ ᠡᠯᠢᠬᠡ ᠵᠢᠷᠤᠬᠡ ᠶᠢ ᠨᠢ ᠤᠷᠠᠵᠦ ᠪᠠᠶᠢᠭᠠ | ᠴᠦ ᠶᠤᠮᠰᠢᠭ ᠪᠤᠯᠵᠦ ᠰᠡᠳᠬᠢᠯ ᠤᠨ ᠭᠤᠨᠢᠭ ᠲᠤ ᠤᠨᠠᠳᠠᠭ ᠶᠤᠮ ᠬᠡᠨᠡ᠂ ᠬᠡᠪᠡᠴᠦ ᠦᠷᠦᠪᠴᠢᠬᠡᠨ ᠰᠡᠳᠬᠢᠯ ᠲᠠᠢ | ᠲᠠᠯᠠ ᠶᠢᠨ ᠮᠠᠯᠴᠢᠳ ᠨᠢ ᠠᠪᠤᠭᠠᠳ ᠶᠠᠪᠤᠬᠤ ᠪᠠᠷ ᠬᠡᠣᠬᠡᠳ ᠤᠨ ᠢᠷᠡᠬᠡᠳᠦᠢ ᠶᠢ ᠪᠤᠳᠤᠬᠤ ᠳᠠᠭᠠᠨ ᠵᠤᠷᠢᠭ | ᠲᠦᠷᠦᠳᠡᠭ ᠨᠢ ᠴᠦ ᠦᠨᠡᠨ᠃ | ᠮᠠᠯᠴᠢᠨ ᠲᠦᠮᠡᠨ ᠦᠨᠦᠴᠢᠨ ᠬᠡᠤᠬᠡᠳ ᠤᠳ ᠢ ᠦᠪᠡᠷ ᠤᠨ ᠦᠷᠡ ᠠᠴᠠ ᠪᠠᠨ ᠢᠯᠡᠬᠦᠦ ᠬᠠᠶᠢᠷᠠᠯᠠᠨ | ᠬᠠᠮᠠᠭᠠᠯᠠᠵᠦ᠂ ᠮᠤᠷᠢ ᠤᠨᠤᠬᠤ᠂ ᠰᠤᠷ ᠬᠠᠷᠪᠤᠬᠤ᠂ ᠬᠤᠨᠢᠨ ᠳᠤ ᠶᠠᠪᠤᠬᠤ᠂ ᠤᠳᠤᠷᠯᠠᠨ ᠨᠡᠬᠦᠬᠦ ᠵᠡᠷᠬᠡ ᠠᠮᠢᠳᠤᠷᠠᠯ | ᠤᠨ ᠤᠬᠠᠭᠠᠨ ᠢ ᠵᠢᠭᠠᠬᠤ ᠪᠦᠬᠡᠳ ᠪᠢᠴᠢᠭ ᠤᠨ ᠪᠠᠯᠠᠢ ᠪᠤᠯᠭᠠᠬᠤ ᠦᠭᠡᠢ ᠬᠡᠮᠡᠨ ᠠᠷᠠᠳ ᠤᠨ ᠰᠤᠷᠭᠠᠭᠤᠯᠢ ᠳᠤ | ᠰᠠᠭᠤᠯᠭᠠᠨ ᠬᠦᠮᠦᠨ ᠤ ᠵᠡᠷᠬᠡ ᠳᠤ ᠬᠦᠷᠬᠡᠭᠰᠡᠨ ᠠᠵᠠᠢ᠃ ᠲᠦᠬᠢᠮᠡ ᠡᠵᠢ ᠶᠢᠨ ᠬᠤᠷᠢᠨ ᠨᠠᠢᠮᠠᠨ ᠬᠡᠤᠬᠡᠳ ᠨᠢ | ᠦᠷᠡᠴᠢᠯᠡᠭᠰᠡᠨ ᠠᠪᠤ ᠡᠵᠢ ᠶᠢᠨ ᠬᠢ ᠪᠠᠨ ᠲᠤᠳᠤᠮᠳᠠᠯᠭᠠ ᠪᠠᠷ ᠡᠳᠦᠷ ᠰᠠᠷᠠ ᠶᠢᠨ ᠡᠬᠡᠯᠵᠢᠯ᠂ ᠬᠠᠪᠤᠷ ᠨᠠᠮᠤᠷ ᠤᠨ | ᠰᠤᠯᠪᠢᠴᠠᠯ ᠢᠶᠠᠷ ᠦᠯᠡᠮᠠᠢ ᠦᠨᠳᠠᠶᠢᠵᠦ ᠬᠦᠮᠦᠨ ᠪᠤᠯᠵᠦ᠂ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠡᠯᠢᠬᠡᠨ ᠳᠤ ᠨᠠᠷᠠ ᠨᠢ ᠪᠤᠯᠵᠦ | ᠲᠤᠶᠠᠭᠠᠷᠠᠭᠰᠠᠨ ᠪᠠᠶᠢᠨᠠ᠃ ᠲᠡᠳᠡᠨ ᠤ ᠲᠤᠳᠤᠷᠠ ᠠᠷᠠᠳ ᠤᠨ ᠪᠠᠭᠰᠢ ᠭᠠᠷᠤᠯᠠ᠂ ᠵᠢᠱᠢᠶᠠᠴᠢ ᠮᠠᠯᠴᠢᠨ ᠴᠦ | ᠭᠠᠷᠤᠯᠠ᠂ ᠨᠠᠶᠢᠬᠡᠮ ᠨᠠᠶᠢᠳᠠ ᠲᠡᠭᠡᠨ ᠲᠤᠰᠠ ᠲᠠᠢ ᠬᠦᠮᠦᠰ ᠪᠤᠯᠵᠠᠭᠠᠯᠠ᠃ | ᠲᠦᠬᠢᠮᠠ ᠡᠵᠢ ᠬᠤᠵᠢᠮ ᠨᠢ ᠬᠡᠤᠬᠡᠳ ᠬᠦᠩᠭᠡᠵᠢᠬᠦᠯᠦᠭᠴᠢ ᠪᠤᠯᠵᠦ᠂ ᠦᠢ ᠲᠦᠮᠡᠨ ᠲᠦᠷᠪᠡᠳ ᠤᠨ | ᠲᠠᠯᠠ ᠶᠢᠨ ᠰᠢᠨᠠ ᠠᠮᠢ ᠨᠠᠰᠦ ᠶᠢ ᠡᠨᠡ ᠤᠷᠴᠢᠯᠠᠩ ᠳᠤ ᠠᠮᠤᠷ ᠠᠮᠤᠭᠤᠯᠠᠩ ᠢᠶᠠᠷ ᠲᠤᠰᠴᠦ ᠠᠪᠬᠤ ᠲᠠᠷᠬᠠᠨ | ᠡᠬᠦᠷᠬᠡ ᠶᠢ ᠬᠦᠯᠢᠶᠠᠵᠠᠢ᠃ ᠲᠡᠷᠡ ᠬᠡᠴᠢᠨᠡᠬᠡᠨ ᠬᠡᠤᠬᠡᠳ ᠲᠤᠰᠤᠭᠰᠠᠨ ᠢᠶᠠᠨ ᠦᠪᠠᠷ ᠢᠶᠠᠨ ᠴᠦ ᠮᠡᠳᠡᠬᠦ ᠦᠭᠡᠢ᠂ | ᠬᠡᠪᠡᠴᠦ ᠲᠡᠬᠦᠨ ᠤ ᠠᠯᠠᠭᠠ ᠪᠠᠷ ᠢᠶᠠᠨ ᠲᠤᠰᠤᠭᠰᠠᠨ ᠲᠡᠷᠡ ᠤᠯᠠᠨ ᠬᠡᠤᠬᠡᠳ ᠤᠳ ᠤᠳᠦ ᠡᠬᠡ ᠤᠯᠤᠰ ᠤᠨ ᠢᠶᠠᠨ | ᠪᠦᠳᠦᠬᠡᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠠᠤᠭᠠ ᠦᠢᠯᠡᠰ ᠲᠤ ᠬᠦᠴᠦᠨ ᠪᠤᠯᠵᠦ ᠬᠢᠯᠠᠯᠵᠠᠭᠰᠠᠭᠠᠷ᠃ | ᠲᠦᠬᠢᠮᠡ ᠡᠵᠢ᠂ ᠦᠷᠠ ᠪᠠᠨ ᠬᠡᠪᠡᠯ ᠦᠨᠳᠡᠯᠵᠡᠳᠡᠭ ᠦᠨᠦᠴᠢᠮ ᠵᠢᠷᠦᠬᠡ ᠲᠠᠢ ᠮᠤᠩᠭᠤᠯ ᠡᠵᠢ᠃ | ᠲᠦᠬᠢᠮᠡ ᠡᠵᠢ᠂ ᠲᠦᠷᠦ ᠬᠦᠷᠦᠨ ᠳᠤ ᠠᠯᠳᠠᠷ ᠢᠶᠠᠨ ᠲᠠᠭᠤᠳᠠᠭᠤᠯᠤᠭᠰᠠᠨ ᠨᠢᠩᠵᠢᠨ ᠵᠠᠩ ᠲᠠᠢ ᠰᠤᠳᠤᠨ ᠡᠵᠢ᠃ | ᠲᠠᠯᠠ ᠨᠤᠳᠤᠭ ᠤᠨ ᠰᠤᠳᠤᠨ ᠡᠵᠢ ᠲᠦᠬᠢᠮᠡ ᠮᠢᠨᠢ᠃ | | | ᠵᠤᠬᠢᠶᠠᠭᠴᠢ᠄ ᠬᠠᠢ ᠱᠠᠨ | ᠲᠡᠪᠰᠢᠬᠦᠯᠦᠭᠰᠡᠨ ᠨᠢ᠄ ᠤᠶᠠᠬᠠᠨ | | |