ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠠᠳᠤᠭᠤᠳ ᠤᠨ ᠲᠡᠯ ᠲᠡᠭᠡᠷᠡ | ᠲᠠᠭᠠᠭᠤᠯᠢ ᠵᠢᠷᠤᠭ ᠢᠯᠡᠭᠡᠵᠥ ᠪᠠᠶᠢᠨᠠ ᠭᠡᠵᠥ ᠵᠡᠬᠦᠳᠥᠯᠡᠪᠡ | ᠠᠯᠮᠠᠰ ᠲᠤᠭᠤᠷᠠᠢ ᠠᠴᠠ ᠨᠢ ᠠᠶᠤᠩᠭᠠ ᠨᠢᠵᠢᠬᠢᠨᠡᠵᠥ | ᠲᠡᠭᠷᠢ ᠳᠤ ᠬᠥᠯᠭᠡ ᠤᠡᠭᠭᠤᠴᠠ ᠪᠤᠯᠤᠨ ᠨᠢᠰᠥᠯᠡ ᠭᠡᠵᠥ ᠵᠡᠬᠦᠳᠥᠯᠡᠪᠡ | ᠠᠢ ᠬᠥᠭᠡᠷᠥᠬᠦᠢ︕ | ᠲᠠᠶᠢᠨ ᠤ ᠲᠤᠮᠳᠠ ᠠᠳᠡᠭᠰᠡᠨ ᠠᠭᠳᠠ | ᠲᠠᠷᠢ ᠵᠢᠨᠤᠳᠤᠭᠠᠨ ᠤ ᠲᠤᠮᠳᠠᠭᠤᠷ ᠢᠵᠢᠯᠢ ᠪᠠᠨ ᠡᠷᠢᠵᠥ | ᠰᠤᠯᠤᠩᠭᠠ ᠶᠢᠨ ᠲᠠᠪᠤᠨ ᠥᠡᠭᠭᠡ ᠶᠢᠨ ᠬᠥᠵᠥᠬᠦᠪᠴᠢ ᠪᠠᠷ ᠰᠡᠳᠡᠷᠯᠡᠭᠰᠡᠨ | ᠰᠥᠨᠡᠰᠥ ᠨᠢ ᠠᠮᠢᠯᠠᠭᠰᠠᠨ ᠬᠥᠯᠥᠭ ᠤᠳ ᠤᠰᠤ ᠠᠨᠢᠷᠯᠠᠨ | ᠬᠥᠳᠡᠭᠡ ᠨᠤᠳᠤᠭ ᠤᠨ ᠢᠶᠠᠨ ᠬᠥᠷᠥᠰᠥ ᠰᠢᠷᠣᠢ ᠶᠢ ᠰᠠᠨᠠᠵᠤ | ᠬᠥᠬᠡ ᠨᠤᠭᠤᠭᠠᠨ ᠤ ᠥᠨᠥᠷ ᠢᠶᠠᠷ ᠭᠠᠵᠠᠷᠯᠠᠵᠤ ᠪᠠᠶᠢᠨᠠ ᠭᠡᠵᠥ ᠵᠡᠬᠦᠳᠥᠯᠡᠪᠡ | ᠤᠡᠭᠭᠤᠨ ᠪᠤᠯᠠᠭ ᠵᠠᠳᠠᠭᠠᠢ ᠪᠠᠷ ᠤᠮᠳᠠᠯᠠᠵᠤ | ᠤᠷᠭᠤᠮᠠᠯ ᠤᠨ ᠰᠢᠯᠢᠳᠡᠭ ᠵᠡᠯᠢᠬᠦᠳ ᠨᠤᠳᠤᠭ ᠲᠤ ᠢᠳᠡᠰᠢ ᠲᠠᠢ | ᠤᠷᠤᠭᠠ ᠬᠠᠨᠭ᠍ᠬᠠᠯ ᠠᠳᠤᠭᠤᠳ ᠤᠮᠤᠷᠠᠵᠤ ᠢᠷᠡᠭᠡᠳ | ᠤᠬᠠᠭᠠᠨ ᠥᠭᠡᠢ ᠨᠤᠶᠢᠷ ᠠᠴᠠ ᠰᠡᠷᠡᠭᠡᠵᠥ ᠪᠠᠶᠢᠨᠠ ᠭᠡᠵᠥ ᠵᠡᠬᠦᠳᠥᠯᠡᠪᠡ | ᠪᠢ ᠠᠳᠤᠭᠤ ᠪᠠᠨ ᠲᠠᠩᠳᠠ ᠵᠡᠬᠦᠳᠥᠯᠡᠳᠡᠭ | ᠪᠡᠯᠴᠢᠭᠡᠷ ᠢᠶᠠᠨ ᠰᠠᠨᠠᠵᠤ ᠪᠠᠶᠢᠨᠠ ᠭᠡᠵᠥ ᠵᠡᠬᠦᠳᠥᠯᠡᠳᠡᠭ | ᠪᠤᠮᠠᠨ ᠠᠮᠢᠳᠠᠨ ᠳᠤ ᠲᠤᠰᠠ ᠪᠠᠨ ᠬᠥᠷᠭᠡᠭᠰᠡᠨ ᠨᠢ ᠪᠤᠷᠤᠭᠤ ᠤᠤ ᠭᠡᠵᠥ | ᠪᠤᠯᠤᠷ ᠲᠤᠭᠤᠷᠠᠢ ᠪᠠᠷ ᠢᠶᠠᠨ ᠴᠠᠪᠴᠢᠯᠠᠯᠠ ᠭᠡᠵᠥ ᠵᠡᠬᠦᠳᠥᠯᠡᠪᠡ | ᠠᠭᠤᠳᠠᠮ ᠨᠤᠳᠤᠭ ᠢ ᠮᠢᠨᠢ ᠲᠤᠤᠷᠯᠠᠯᠠ | ᠤᠰᠤ ᠤᠮᠳᠠ ᠶᠢ ᠮᠢᠨᠢ ᠪᠤᠬᠢᠷᠳᠠᠭᠤᠯᠤᠯᠠ | ᠤᠭ ᠥᠨᠳᠥᠰᠥ ᠶᠢ ᠮᠢᠨᠢ ᠲᠠᠰᠤᠳᠠᠪᠠ ᠭᠡᠵᠥ | ᠥᠥᠷᠰᠡᠵᠥ ᠢᠷᠡᠭᠡᠳ ᠢᠰᠬᠦᠯᠳᠡᠯᠡ | ᠬᠠᠷᠠ ᠲᠠᠷᠤᠭᠰᠠᠨ ᠨᠤᠶᠢᠷ ᠠᠴᠠ ᠰᠡᠷᠡᠬᠦ ᠳᠤ | ᠬᠠᠨᠢ ᠶᠢᠨ ᠵᠠᠶᠠᠭᠠ ᠲᠠᠢ ᠮᠤᠩᠭᠤᠯ ᠠᠳᠤᠭᠤ ᠵᠡᠬᠦᠳᠥᠨ ᠳᠤ ᠠᠮᠢᠯᠠᠪᠠ | ᠬᠠᠭᠠᠨ ᠤ ᠴᠠᠭᠠᠨ ᠰᠥᠷᠥᠭ ᠡᠪᠦᠭᠡ ᠲᠠᠢ ᠮᠢᠨᠢ ᠴᠤᠭ | ᠬᠠᠳᠠᠨ ᠤᠰᠤᠨ ᠤ ᠬᠤᠳᠳᠤᠭ ᠲᠡᠭᠡᠷᠡ ᠵᠢᠷᠤᠭ ᠪᠤᠯᠤᠨ ᠲᠡᠯᠭᠡᠭᠳᠡᠪᠡ᠃ | ᠢᠷᠡᠯᠳᠠ᠄ ᠲᠤᠮᠳᠠᠳᠦ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠰᠤᠨᠢᠨ ᠮᠡᠳᠡᠭᠡ ᠶᠢᠨ ᠰᠦᠯᠵᠢᠶᠠ | ᠵᠤᠬᠢᠶᠠᠭᠴᠢ᠄ ᠮᠢ᠊᠂ ᠰᠠᠶᠢᠨᠪᠠᠶᠠᠷ | ᠲᠡᠪᠰᠢᠭᠦᠯᠦᠭᠰᠡᠨ ᠨᠢ᠄ ᠤᠶᠠᠬᠠᠨ | | | | |