| ᠮᠣᠩᠭᠤᠯ ᠭᠡᠷ ᠤᠨ ᠮᠠᠭᠲᠠᠭᠠᠯ | | | ᠢᠷᠭᠠᠢ ᠽᠠᠨᠳᠠᠨ ᠴᠠᠭᠠᠷᠢᠭ ᠲᠠᠢ | ᠶᠠᠰᠢᠯ ᠽᠠᠨᠳᠠᠨ ᠳᠠᠭᠠ ᠲᠠᠢ | ᠬᠦᠷᠡᠩ ᠽᠠᠨᠳᠠᠨ ᠬᠦᠷᠢᠶᠡ ᠲᠠᠢ | ᠬᠦᠳᠡᠷ ᠽᠠᠨᠳᠠᠨ ᠨᠢᠷᠤᠭᠤ ᠲᠠᠢ | ᠠᠯᠲᠠᠨ ᠬᠤᠷᠯᠣ ᠭᠤᠣᠯ ᠲᠠᠢ | ᠠᠷᠪᠢᠨ ᠡᠷᠳᠡᠨᠢ ᠶᠢᠨ ᠰᠡᠶᠢᠯᠪᠦᠷᠢ ᠲᠠᠢ | ᠽᠠᠨᠳᠠᠨ ᠮᠣᠳᠣ ᠶᠢ ᠵᠢᠭᠠᠵᠤ ᠬᠢᠭᠰᠡᠨ | ᠵᠠᠭᠠᠨ ᠤ ᠵᠤ ᠶᠢ ᠦᠳᠡᠵᠦ ᠬᠢᠭᠰᠡᠨ | ᠰᠡᠩᠳᠡᠩ ᠮᠣᠳᠣ ᠶᠢ ᠰᠡᠶᠢᠯᠵᠦ ᠬᠢᠭᠰᠡᠨ | ᠰᠠᠷᠯᠤᠭ ᠤᠨ ᠵᠤ ᠶᠢ ᠦᠳᠡᠵᠦ ᠬᠢᠭᠰᠡᠨ | ᠵᠢᠷᠠᠨ ᠳᠥᠷᠪᠡᠨ ᠬᠤᠷᠤᠭᠤ ᠲᠠᠢ | ᠵᠢᠷᠭᠤᠭᠠᠨ ᠰᠠᠯᠠᠭᠠ ᠭᠢᠴᠡ ᠲᠠᠢ | ᠨᠠᠷᠠ ᠰᠠᠷᠠᠨ ᠤ ᠭᠡᠷᠡᠯ ᠰᠠᠴᠤᠷᠠᠭᠰᠠᠨ | ᠨᠠᠢᠮᠠᠨ ᠥᠯᠵᠡᠢ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ | ᠡᠷᠬᠢᠮ ᠬᠤᠶᠠᠷ ᠵᠢᠭᠠᠰᠤ ᠡᠯᠢᠭᠡ ᠪᠠᠷ ᠢᠶᠠᠨ ᠨᠡᠶᠢᠯᠡᠭᠰᠡᠨ | ᠱᠢᠷᠦᠨ ᠤᠯᠠᠭᠠᠨ ᠥᠩᠭᠡ ᠲᠠᠢ | ᠰᠢᠬᠦᠷ ᠡᠷᠳᠡᠨᠢ ᠶᠢᠨ ᠲᠣᠭᠤᠨᠤ ᠶᠢ ᠴᠢᠨᠢ ᠮᠢᠯᠢᠶᠠᠶᠠ︕ | ᠰᠦᠮᠪᠦᠷ ᠠᠭᠤᠯᠠ ᠶᠢᠨ ᠰᠡᠭᠦᠳᠡᠷ ᠲᠤ | ᠰᠦᠯᠵᠢᠨ ᠭᠠᠩᠬᠤᠵᠤ ᠤᠷᠭᠤᠭᠰᠠᠨ | ᠨᠠᠪᠴᠢᠲᠤ ᠽᠠᠨᠳᠠᠨ ᠮᠣᠳᠣ ᠶᠢ ᠪᠠᠭᠤᠯᠭᠠᠵᠤ | ᠨᠠᠮ ᠭᠠᠵᠠᠷ ᠠᠪᠴᠢᠷᠠᠵᠤ | ᠨᠠᠬᠢᠶᠠ ᠰᠠᠯ ᠢᠶᠠᠷ ᠨᠢ ᠠᠷᠢᠯᠭᠠᠵᠤ | ᠨᠠᠷᠢᠨ ᠪᠦᠳᠦᠭᠦᠨ ᠢ ᠨᠢ ᠲᠡᠩᠴᠡᠭᠦᠯᠵᠦ | ᠰᠤᠮᠤ ᠰᠢᠬ ᠵᠦᠯᠭᠦᠵᠦ ᠬᠢᠭᠰᠡᠨ | ᠨᠠᠢᠮᠠᠨ ᠯᠢᠩᠬᠤᠸᠠ ᠶᠢᠨ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ | ᠨᠠᠷᠢᠨ ᠰᠠᠶᠢᠬᠠᠨ ᠣᠨᠢ ᠶᠢ ᠴᠢᠨᠢ ᠮᠢᠯᠢᠶᠠᠶᠠ︕ | ᠬᠠᠷᠭᠠᠢ ᠽᠠᠨᠳᠠᠨ ᠢ ᠬᠤᠭᠤᠯᠤᠨ ᠴᠠᠪᠴᠢᠵᠤ | ᠬᠠᠨᠠᠨ ᠤ ᠬᠡᠪ ᠢ ᠪᠠᠶᠢᠭᠤᠯᠵᠤ | ᠡᠷᠡ ᠰᠠᠶᠢᠲᠠᠢ ᠬᠦᠦ ᠡᠪᠯᠡᠭᠦᠯᠦᠨ ᠵᠠᠰᠠᠭᠠᠳ | ᠡᠷᠳᠡᠮ ᠰᠠᠶᠢᠲᠠᠢ ᠮᠤᠵᠢᠶᠠᠩ ᠡᠷᠭᠢᠴᠡᠭᠦᠯᠦᠨ ᠬᠢᠭᠡᠳ | ᠡᠷᠡ ᠳᠤᠮᠳᠠ ᠶᠢᠨ ᠪᠤᠤᠷᠠ ᠶᠢᠨ ᠰᠢᠷᠢ ᠪᠠᠷ | ᠰᠢᠭᠦᠰᠦ ᠭᠠᠷᠲᠠᠯᠠ ᠲᠠᠲᠠᠵᠤ | ᠰᠢᠭᠦᠷᠴᠢᠯᠡᠨ ᠡᠷᠭᠢᠭᠦᠯᠦᠭᠡᠳ | ᠱᠦᠷᠬᠡᠴᠢᠯᠡᠨ ᠦᠳᠡᠵᠦ ᠬᠢᠭᠰᠡᠨ | ᠥᠨᠳᠥᠷ ᠶᠡᠭᠡ ᠬᠡᠮᠵᠢᠶᠡ ᠲᠠᠢ | ᠥᠯᠵᠡᠢ ᠵᠠᠩᠭᠢᠶᠠ ᠬᠡᠯᠪᠡᠷᠢ ᠲᠠᠢ | ᠠᠷᠪᠠᠨ ᠵᠢᠷᠭᠤᠭᠠᠨ ᠲᠣᠯᠣᠭᠠᠢ ᠲᠠᠢ | ᠠᠰᠤᠷᠤ ᠰᠠᠶᠢᠬᠠᠨ ᠬᠠᠨᠠ ᠶᠢ ᠴᠢᠨᠢ ᠮᠢᠯᠢᠶᠠᠶᠠ︕ | ᠠᠭᠠᠷᠤ ᠽᠠᠨᠳᠠᠨ ᠬᠠᠲᠠᠪᠴᠢ ᠲᠠᠢ | ᠠᠷᠴᠠᠲᠤ ᠽᠠᠨᠳᠠᠨ ᠬᠠᠭᠠᠯᠭᠠ ᠲᠠᠢ | ᠬᠦᠷᠡᠩ ᠽᠠᠨᠳᠠᠨ ᠬᠦᠷᠢᠶᠡ ᠲᠠᠢ | ᠬᠦᠳᠡᠷ ᠪᠣᠯᠤᠳ ᠤᠨᠢᠰᠤ ᠲᠠᠢ ᠭ᠊ | ᠥ᠋ᠮᠥᠨ ᠪᠦᠬᠦᠨ ᠤ ᠣᠷᠣᠵᠤ ᠭᠠᠷᠳᠠᠭ | ᠬᠠᠭᠠᠯᠭᠠ ᠬᠠᠲᠠᠪᠴᠢ ᠶᠢ ᠴᠢᠨᠢ ᠮᠢᠯᠢᠶᠠᠶᠠ︕ | ᠠᠬᠠᠷ ᠬᠤᠨᠢᠨ ᠤ ᠨᠣᠣᠰᠣ ᠶᠢ | ᠠᠯᠠᠭᠠ ᠳᠠᠷᠤᠮᠠ ᠵᠤᠵᠠᠭᠠᠯᠠᠵᠤ | ᠡ᠊ᠩ ᠦᠭᠡᠢ ᠥᠷᠭᠡᠨ ᠬᠦᠰᠢᠭᠡᠨ ᠳᠡᠭᠡᠷᠡ | ᠡᠪ ᠢ ᠮᠡᠳᠡᠵᠦ ᠵᠤᠯᠠᠭᠠᠳ | ᠡᠪᠳᠡᠷᠡᠯ ᠦᠭᠡᠢ ᠪᠠᠲᠤ | ᠡᠯᠡᠭᠳᠡᠯ ᠦᠭᠡᠢ ᠪᠠᠬᠢ | ᠡᠷᠳᠡᠨᠢ ᠶᠢᠨ ᠴᠠᠭᠠᠨ ᠢᠰᠡᠭᠡᠢ ᠶᠢ | ᠬᠤᠷᠠᠭᠰᠠᠨ ᠣᠯᠠᠨ ᠠᠪᠠᠭᠠᠢ ᠪᠡᠷᠭᠡᠳ | ᠬᠤᠷᠤᠭᠤᠨ ᠤ ᠤᠷᠠᠨ ᠢ ᠭᠠᠷᠭᠠᠨ ᠬᠠᠶᠢᠴᠢᠯᠠᠵᠤ | ᠶᠠᠷᠭᠢᠲᠠᠯᠠ ᠣᠶᠣᠵᠤ ᠶᠠᠭᠰᠢᠲᠠᠯᠠ ᠵᠡᠭᠡᠭᠯᠡᠭᠰᠡᠨ | ᠬᠤᠨ ᠴᠠᠭᠠᠨ ᠪᠦᠷᠢᠶᠡᠰᠦ ᠶᠢ ᠴᠢᠨᠢ ᠮᠢᠯᠢᠶᠠᠶᠠ︕ | ᠬᠠᠷᠠ ᠮᠣᠷᠢᠨ ᠤ ᠳᠡᠯ ᠰᠡᠭᠦᠯ ᠢ | ᠬᠠᠮᠤᠭ ᠣᠯᠠᠨ ᠡᠭᠡᠴᠢ ᠳᠡᠭᠦᠦ ᠨᠠᠷ ᠤᠷᠠᠨ ᠰᠠᠮᠡᠴᠢᠵᠦ | ᠴᠢᠳᠠᠯ ᠶᠡᠬᠡᠲᠡᠢ ᠵᠠᠯᠠᠭᠤ ᠴᠢᠩᠭᠠ ᠡᠷᠴᠢᠮ ᠲᠠᠢ ᠲᠠᠮᠤᠵᠤ | ᠴᠢᠭᠢᠷᠠᠭ ᠪᠡᠶᠡ ᠲᠠᠢ ᠬᠡᠦᠬᠡᠳ ᠴᠢᠩᠭᠠᠭᠠᠨ ᠲᠠᠲᠠᠵᠤ ᠡᠭᠰᠢᠷᠡᠭᠦᠯᠦᠭᠰᠡᠨ | ᠲᠠᠰᠣᠷᠠᠬᠤ ᠶᠢ ᠮᠡᠳᠡᠬᠦ ᠦᠭᠡᠢ ᠪᠥᠬᠡ | ᠰᠣᠯᠠᠷᠠᠬᠤ ᠶᠢ ᠮᠡᠳᠡᠬᠦ ᠦᠭᠡᠢ ᠴᠢᠩᠭᠠ | ᠪᠠᠲᠤ ᠰᠠᠶᠢᠬᠠᠨ ᠣᠭᠤᠰᠣᠷ ᠪᠦᠰᠡᠯᠡᠭᠦᠷ | ᠪᠠᠳᠮᠠ ᠰᠠᠶᠢᠬᠠᠨ ᠬᠥᠯᠳᠥᠷᠭᠡ ᠶᠢ ᠴᠢᠨᠢ ᠮᠢᠯᠢᠶᠠᠶᠠ︕ | ᠬᠠᠨᠠᠨ ᠠᠴᠠ ᠪᠠᠨ ᠠᠪᠤᠭᠠᠳ | ᠬᠠᠯᠢᠭᠤ ᠪᠤᠯᠠᠭᠠᠨ ᠳᠡᠪᠢᠰᠬᠡᠷ ᠲᠠᠢ | ᠬᠠᠲᠠᠪᠴᠢ ᠠᠴᠠ ᠪᠠᠨ ᠠᠪᠤᠭᠠᠳ | ᠬᠠᠩᠪᠤ ᠲᠣᠷᠭᠠᠨ ᠬᠥᠰᠢᠭᠡ ᠲᠠᠢ | ᠡᠨᠡ ᠰᠠᠶᠢᠬᠠᠨ ᠭᠡᠷ ᠤᠨ ᠲᠥᠪ ᠳᠤᠮᠳᠠ ᠨᠢ | ᠪᠠᠯᠪᠤ ᠶᠢᠨ ᠳᠠᠷᠬᠠᠨ ᠪᠠᠯᠪᠠᠵᠤ ᠬᠢᠭᠰᠡᠨ | ᠪᠠᠰᠠ ᠨᠢᠭᠡ ᠳᠠᠷᠬᠠᠨ ᠵᠠᠰᠠᠵᠤ ᠬᠢᠭᠰᠡᠨ | ᠤᠷᠠᠨ ᠳᠠᠷᠬᠠᠨ ᠤᠭᠠᠯᠵᠠᠯᠠᠵᠤ ᠬᠢᠭᠰᠡᠨ | ᠤᠬᠠᠭᠠᠨᠲᠤ ᠳᠠᠷᠬᠠᠨ ᠰᠡᠶᠢᠯᠵᠦ ᠬᠢᠭᠰᠡᠨ | ᠲᠤᠯᠭᠠ ᠶᠢ ᠴᠢᠨᠢ ᠮᠢᠯᠢᠶᠠᠶᠠ︕ | ᠲᠣᠭᠤᠭᠠ ᠶᠢ ᠴᠢᠨᠢ ᠮᠢᠯᠢᠶᠠᠶᠠ︕ | ᠢᠷᠡᠯᠲᠡ᠄ ᠬᠤᠯᠪᠤᠭᠠ ᠪᠦᠷᠭᠡ | ᠳᠡᠪᠰᠢᠭᠦᠯᠦᠭᠴᠢ ᠄ ᠲᠡᠷᠭᠡᠯ | |