| ᠴᠣᠶᠢᠨᠣᠮ ᠤᠨ ᠰᠢᠯᠦᠭ ᠤᠨ ᠬᠡᠯᠬᠢᠶᠡᠰᠦ | | ᠬᠠᠮᠢᠭᠠ ᠭᠠᠵᠠᠷ ᠤᠨ ᠠᠶᠢᠯ ᠳᠤ ᠣᠷᠣᠬᠤ ᠳᠤ | ᠬᠠᠯᠠᠭᠤᠨ ᠴᠠᠢ ᠬᠤᠭᠤᠯᠠ ᠪᠠᠷ ᠳᠠᠶᠢᠯᠠᠳᠠᠭ | ᠬᠠᠷᠢᠨ ᠷᠢᠨᠴᠢᠨ ᠤ ᠴᠣᠶᠢᠨᠣᠮ ᠴᠢᠨᠢ | ᠬᠠᠯᠬᠠ ᠰᠢᠯᠦᠭ ᠤᠨᠰᠠᠶᠢᠨ ᠢᠶᠠᠷ ᠳᠠᠶᠢᠯᠠᠳᠠᠭ ᠰᠢᠦ | ᠠᠮᠢᠳᠣᠷᠠᠯ ᠤᠨ ᠡᠳᠦᠷ ᠤᠳ ᠣᠯᠠᠨ ᠴᠦ ᠭᠡᠯᠡ | ᠠᠯᠠᠭ ᠲᠠᠢ ᠴᠣᠭᠤᠭ ᠲᠠᠢ ᠪᠠᠶᠢᠳᠠᠭ ᠶᠣᠮ | ᠠᠮᠢᠳᠠᠨ ᠤ ᠦᠷᠡᠰ ᠣᠯᠠᠨ ᠴᠦ ᠭᠡᠯᠡ | ᠠᠶ᠋ᠢᠭ ᠲᠠᠢ ᠮᠠᠶ᠋ᠢᠭ ᠲᠠᠢ ᠪᠠᠶᠢᠳᠠᠭ ᠶᠣᠮ | ᠬᠦᠮᠦᠨ ᠤ ᠠᠮᠢᠳᠣᠷᠠᠯ ᠣᠷᠲᠣ ᠴᠦ ᠭᠡᠯᠡ | ᠬᠦᠢᠳᠡᠨ ᠲᠠᠢ ᠬᠠᠯᠠᠭᠤᠨ ᠲᠠᠢ ᠪᠠᠶᠢᠳᠠᠭ ᠶᠣᠮ | ᠬᠦᠪᠡᠭᠦᠳ ᠦᠬᠢᠳ ᠣᠯᠠᠨ ᠴᠦ ᠭᠡᠯᠡ | ᠬᠦᠰᠡᠯ ᠲᠠᠢ ᠬᠢᠰᠠᠯ ᠲᠠᠢ ᠪᠠᠶᠢᠳᠠᠭ ᠶᠣᠮ | ᠠᠮᠠ ᠪᠠᠷ ᠪᠠᠯᠭᠤᠭᠰᠠᠨ ᠠᠷᠢᠬᠢ ᠶᠢ ᠴᠢᠨᠢ | ᠬᠠᠮᠠᠷ ᠢᠶᠠᠷ ᠭᠠᠷᠭᠠᠬᠤ ᠳᠤ ᠬᠠᠳᠠᠭᠤᠬᠠᠨ ᠪᠠᠶᠢᠳᠠᠭ | ᠠᠭᠠᠯᠢ ᠪᠠᠷ ᠣᠴᠠᠷᠠᠭᠰᠠᠨ ᠠᠮᠠᠷᠠᠭ ᠢ ᠴᠢᠨᠢ | ᠬᠠᠶᠠᠭᠠᠳ ᠶᠠᠪᠣᠬᠤ ᠳᠤ ᠬᠡᠴᠡᠭᠦᠬᠡᠨ ᠪᠠᠶᠢᠳᠠᠭ | ᠵᠦᠩᠵᠡ ᠪᠠᠷ ᠣᠣᠭᠤᠭᠰᠠᠨ ᠠᠷᠢᠬᠢ ᠶᠢ ᠴᠢᠨᠢ | ᠴᠣᠩᠵᠠ ᠪᠠᠷ ᠣᠣᠭᠤᠬᠤ ᠳᠤ ᠬᠠᠳᠠᠭᠤᠬᠠᠨ ᠪᠠᠶᠢᠳᠠᠭ | ᠵᠢᠷᠦᠬᠡ ᠪᠠᠷ ᠣᠴᠠᠷᠠᠭᠰᠠᠨ ᠠᠮᠠᠷᠠᠭ ᠢ ᠴᠢᠨᠢ | ᠵᠠᠭᠤᠷᠠᠳᠣ ᠪᠠᠷ ᠬᠠᠶᠠᠬᠤ ᠳᠤ ᠬᠡᠴᠡᠭᠦᠬᠡᠨ ᠪᠠᠶᠢᠳᠠᠭ | ᠠᠷᠢᠬᠢᠨ ᠤ ᠨᠦᠬᠦᠷ ᠢ ᠣᠯᠬᠤ ᠳᠤ | ᠠᠷᠪᠠᠭ᠋ᠠᠨ ᠠᠯᠬᠤᠬᠤ ᠬᠡᠷᠡᠭᠳᠠᠢ ᠰᠢᠦ | ᠠᠮᠢᠳᠣᠷᠠᠯ ᠤᠨ ᠨᠦᠬᠦᠷ ᠢ ᠣᠯᠬᠤ ᠳᠤ | ᠠᠷᠪᠢᠬᠠᠨ ᠠᠯᠬᠤᠬᠤ ᠬᠡᠷᠡᠭᠳᠠᠢ ᠰᠢᠦ | ᠬᠠᠮᠤᠭ ᠪᠦᠬᠦᠨ ᠬᠠᠭᠠᠯᠳᠠ ᠲᠠᠢ ᠰᠢᠦ | ᠬᠠᠳᠠᠭᠤ ᠴᠢᠩᠭᠠ ᠵᠢᠭᠠᠯᠳᠠ ᠲᠠᠢ ᠰᠢᠦ | ᠰᠣᠯᠣᠭᠠᠢ ᠬᠦᠭᠵᠢᠮ ᠰᠢᠭ ᠦᠶᠡ ᠳᠤ | ᠰᠣᠭᠳᠣᠭᠤᠷᠠᠬᠤ ᠰᠢᠭ᠋ ᠵᠢᠷᠭᠠᠯ ᠠᠯᠠᠭᠠ ᠰᠢᠦ | ᠬᠦᠮᠦᠨ ᠤ ᠭᠠᠵᠠᠷ ᠤᠨ ᠴᠢᠯᠠᠭᠤ ᠨᠢ ᠳ᠋ᠧ | ᠠᠯᠳᠠ ᠪᠠᠶᠢᠭᠠᠳ ᠴᠦ ᠶᠠᠭᠠᠬᠢᠬᠤ ᠶᠣᠮ ᠪᠢᠯᠠ | ᠬᠦᠰᠡᠯ ᠨᠢ ᠲᠣᠰᠳᠠᠭᠠᠨ ᠬᠦᠮᠦᠨ ᠨᠢ ᠳ᠋ᠧ | ᠠᠮᠠᠷᠠᠭ ᠪᠠᠶᠢᠭᠠᠳ ᠴᠦ ᠶᠠᠭᠠᠬᠢᠬᠤ ᠶᠣᠮ ᠪᠢᠯᠠ | ᠡᠰᠡᠷᠭᠦ ᠭᠦᠷᠦᠨ ᠤ ᠰᠢᠷᠣᠢ ᠨᠢ ᠳ᠋ᠧ | ᠡᠷᠳᠡᠨᠢ ᠪᠠᠶᠢᠭᠠᠳ ᠴᠦ ᠶᠠᠭᠠᠬᠢᠬᠤ ᠶᠣᠮ ᠪᠢᠯᠠ | ᠡᠯᠢᠭᠡ ᠪᠣᠷᠣᠭᠤ ᠲᠠᠢ ᠬᠦᠮᠦᠨ ᠨᠢ ᠳ᠋ᠧ | ᠠᠮᠠᠷᠠᠭ ᠪᠠᠶᠢᠭᠠᠳ ᠴᠦ ᠶᠠᠭᠠᠬᠢᠬᠤ ᠶᠣᠮ ᠪᠢᠯᠠ | ᠳᠣᠮᠳᠠᠭᠤᠷ ᠰᠢᠩᠬᠡᠨ ᠲᠠᠢ ᠯᠣᠩᠬᠤ ᠨᠢ ᠳ᠋ᠧ | ᠪᠣᠯᠬᠢᠵᠣ ᠬᠡᠯᠪᠡᠯᠵᠡᠬᠦ ᠳᠣᠷᠠᠲᠠᠢ ᠳ᠋ᠠ | ᠳᠣᠲᠠᠭᠤ ᠡᠷᠳᠡᠮ ᠲᠠᠢ ᠬᠦᠮᠦᠨ ᠨᠢ ᠳ᠋ᠧ | ᠪᠣᠰᠣᠳ ᠢ ᠳ᠋ᠦᠩᠨᠡᠬᠦ ᠳᠣᠷᠠᠲᠠᠢ ᠳ᠋ᠠ | ᠬᠦᠴᠦᠲᠠᠢ ᠭᠠᠩᠭᠠᠩ ᠶᠠᠪᠣᠬᠤ ᠴᠠᠭ ᠲᠤ | ᠬᠦᠮᠦᠨ ᠪᠢᠰᠢ ᠨᠣᠬᠠᠢ ᠬᠦᠷᠳᠡᠯᠡ ᠢᠨᠢᠶᠡᠳᠡᠭ ᠰᠢᠦ | ᠨᠣᠣᠷᠠᠵᠣ ᠶᠠᠳᠠᠭᠤᠷᠠᠬᠤ ᠶᠢᠨ ᠴᠠᠭ ᠲᠤ | ᠨᠣᠬᠠᠢ ᠪᠢᠰᠢ ᠬᠦᠮᠦᠨ ᠬᠦᠷᠲᠡᠯᠡ ᠣᠷᠠᠬᠤ ᠶᠣᠮ ᠰᠢᠦ | ᠠᠪᠤ ᠶᠢᠨ ᠬᠦᠦ ᠳᠣᠷᠣᠶᠢᠳᠠᠭᠰᠠᠨ ᠪᠣᠯ | ᠠᠵᠠ ᠲᠠᠢ ᠦᠶᠡ ᠪᠠᠨ ᠪᠣᠣ ᠳᠣᠷᠠᠰ ᠡ | ᠦᠯᠦᠰᠦᠭᠰᠡᠨ ᠬᠦᠮᠦᠨ ᠦᠬᠡᠬᠦ ᠶᠠᠷᠢᠪᠠᠯ | ᠦᠪᠡᠷ ᠤᠨ ᠪᠡᠶᠡ ᠶᠢ ᠲᠠᠮᠣᠯᠠᠳᠠᠭ ᠰᠢᠦ | ᠵᠢᠬᠦᠷ ᠲᠠᠢ ᠪᠦᠬᠦᠨ ᠰᠢᠪᠠᠭᠤ ᠴᠦ | ᠵᠢᠷᠬᠢᠳᠡᠭ ᠪᠣᠢ ᠰᠢᠦ ᠭᠠᠭᠠᠯᠠᠳᠠᠭ ᠴᠦ ᠪᠣᠢ | ᠣᠬᠠᠭᠠᠨ ᠲᠠᠢ ᠪᠦᠬᠦᠨ ᠬᠦᠮᠦᠨ ᠭᠡᠯᠡ ᠴᠦ | ᠣᠬᠢᠯᠠᠳᠠᠭ ᠪᠣᠢ ᠰᠢᠦ ᠳᠠᠭᠤᠯᠠᠳᠠᠭ ᠴᠦ ᠪᠣᠢ | ᠷᠢᠨᠴᠢᠨ ᠤ ᠴᠣᠶᠢᠨᠣᠮ ᠤᠨ ᠰᠢᠯᠦᠭ ᠢ ᠳ᠋ᠧ | ᠷᠢᠳᠢ ᠰᠢᠳᠢ ᠶᠢ ᠨᠢ ᠰᠢᠳᠦᠭᠰᠡᠨ ᠶᠣᠮ | ᠶᠠᠯᠢᠮ ᠦᠭᠡᠢ ᠳᠡᠭᠦᠵᠦ ᠡᠮᠬᠢᠳᠭᠡᠭᠰᠡᠨ ᠢᠶᠠᠨ | ᠶᠠᠷᠢᠵᠣ ᠯᠠ ᠲᠠ ᠨᠠᠷ ᠲᠤ ᠪᠠᠨ ᠰᠣᠨᠣᠰᠬᠠᠯᠠ | ᠢᠷᠡᠯᠲᠡ ᠄ ᠬᠤᠯᠪᠤᠭᠠ ᠪᠦᠷᠭᠡ | ᠳᠡᠪᠰᠢᠭᠦᠯᠦᠭᠴᠢ ᠄ ᠲᠡᠷᠭᠡᠯ | |